diff --git a/Data Collected/Odia/IIIT-BH/Monolingual-corpora/vikaspedia.in/vikashpedia_health_odia68.txt b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia68.txt
new file mode 100644
index 0000000000000000000000000000000000000000..13edb57a837d6674de07f013961f3fd367c30f89
--- /dev/null
+++ b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia68.txt	
@@ -0,0 +1,19 @@
+ବଥ ଓ ବାଳମୂଳିଆ
+ଉପକ୍ରମ
+ବଥ ଓ  ବାଳମୂଳିଆ  ଯଦିଓ  ଏକ  ସାଧାରଣ  କଷ୍ଟ, ତଥାପି  ଖରାଦିନେ  ଏହାର  ପ୍ରାବଲ୍ୟ  ବେଶି ।
+ଜଣଜଣଙ୍କଠାରେ  ମୁଥମୁଥ  ହୋଇ  ଛୋଟ  ଛୋଟ  ବାଳମୂଳିଆ  ବାହାରି   ବହୁତ  ଯନ୍ତ୍ରଣା   ଦିଏ ।
+ଦିହ  ମୁଣ୍ଡ  ଦରଜ  ଯେ  ଛୁଇଁ  ହେବନାହିଁ ।
+ସେଥିରୁ  କେତେକ  ନ ପାଚି  କଇଥା  ପଡିଯାଏ ।
+ଏଥିରେ  ଆର୍ଣ୍ଣିକା  ଏକ ପ୍ରକାର   ଆମୋଘ  ଔଷଧ ।
+ଉପଚାର
+ଦିନକୁ  ୨-୩ ପାନ  କରି  ୨-୪ ଦିନ  ଦିଅନ୍ତୁ  ଓ  ବାଳମୂଳିଆ  ଗୁଡିକ  ଶୁଖିଗଲେ  ସଲଫର  ଏକ  ପାନ  ଦେଇ  ଦେବେ ।
+କେତେକ  ସ୍ଥଳରେ  ଦେଖିବେ, ବଥଟି  ଲାଲ ଟକଟକ  କରି  ଖାଲି  ଧକଧକ  କରି  ବ୍ୟଥା  କରିବ, ହାତ  ହାତ  ମାରିଲେ  ଜାଗାଟି  ଖୁବ  ଗରମ, ତେବେ  ବେଲାଡୋନା  ଦିନକୁ  ୩-୪ ଥର  କରିଦିଅନ୍ତୁ ।
+ଦେଖନ୍ତୁ  ଏହିପରି  ଲାଲ୍  ଦରଜ  ଯେ  କହିଲେ  ନ ସରେ,  ମାତ୍ର  ରୋଗୀ  ବଠଟିକୁ  କେବଳ  ସାଉଁଳୁଥିବ, ସତେ  ଯେପରି  ସେଥିରେ  ସେ  ଆରାମ  ପାଉଛି ।
+କାରଣ, ବଥ  ଭିତରଟା  ବା  ସେ  ଜାଗାଟା  ଶରଶର  କରୁଥିବ  ଓ  ରାତିହେଲେ  ବିନ୍ଧାଛିଟିକା  ବଢୁଥିବ, ତାହାଲେ  ମର୍କସଲ  ହିଁ  ବ୍ୟବହାର  କରିବେ ।
+ଯେତେବେଳେ  ଦେଖିବେ  ବଥ  ଜାଗାଟି  ଖୁବ୍  ସ୍ପର୍ଶ  କାତର, ଏତେ  ଦରଜ  ଯେ  ଛୁଇଂବା  ମଧ୍ୟ  କଷ୍ଟ, ସାମାନ୍ୟ  ଉଷୁମ  ଶେକ  ଦେଲେ   ଉପଶମ, ତାହାହେଲେ  ହିପାରସଲଫ  ହିଁ  ଦେବାକୁ  ହେବ ।
+ମାତ୍ର  ଦେଖିବେ, ଯଦି  ପୂଜ  ହେଇଗଲାଣି, ଜାଗାଟି  ବା  ବଥଟି  ଏତେ  ସ୍ପର୍ଶକାତର  ନୁହେଁ, ଗରମ  ଶେକ  ଦେବାକୁ  ଭଲ  ଲାଗୁଛି, ତାହା  ହେଲେ  ସାଇଲିସିଆ  ପ୍ରୟୋଗରେ   ବଥ  ଫାଟି  ପୂଜ  ବାହାରି  ଶୁଖିଯିବ ।
+ବେଳେବେଳେ  ଦେଖିବେ   ଗୋଟାକ ପରେ  ଗୋଟାଏ  ବଥ  ବାହାରିବାରେ  ଲାଗିଛି, ଯେପରି  ତାହାର  ଶେଷ  ନାହିଁ, ତାହାହେଲେ  ସଲଫର  ଉଚ୍ଚଶକ୍ତିର  ଗୋଟିଏ  ଦୁଇଟି  ପାନ  ଦେବେ ।
+ମାତ୍ର,  ରୋଗୀ  ଯଦି  ଖୁବ୍  ଶର୍ଦ୍ଦିପ୍ରବଣ   ହୋଇଥାଏ  ତାହାହେଲେ  ଟ୍ୟୁବରକୁଲିନମ  ଦେବାଟା  ନିତାନ୍ତ  ଜରୁରୀ ।
+କେତେବେଳେ  ଅବା  ଦେଖିବେ, ବଥ  ବା  ବାଳମୂଳିଆଟି  କଇଥିଆ  ପଡିଯାଇଛି ।
+ଯେତେ  ଯାହାଦେଲେ  ମଧ୍ୟ  ପାଚୁନାହିଁକି  ବସୁ  ନାହିଁ  ଆର୍ଣ୍ଣିକା  ମଧ୍ୟ  ଫେଲ୍, ଯନ୍ତ୍ରଣା  ବଢି  ବଢି  ଚାଲିଛି, ସେତେବେଳେ  ମାଇରିଷ୍ଟିକା   ଦିନକୁ  ୩-୪ ଥର  ଦେବାକୁ  ହେବ, ଆଉ  ଦେଖିବେ  ୩-୪ ଦିନ  ମଧ୍ୟରେ  ସୁଫଳ  ମିଳିବହିଁ  ମିଳିବ ।
+ବଥ  ପାଚି  ଆସୁଛି, ବା  ପାଚିବା  ଡେରି  ହେଉଛି, ଅଥବା  ଭଲଭାବରେ   ପୂଜ  ବାହାରୁ  ନାହିଁ,  ତାହାହେଲେ  କାଲେଣ୍ଡୁରା Q  ୨୦-୩୦  ଟୋପା  ଏକକପ୍  ଉଷୁମ  ପାଣିରେ   ପକାଇ, ତୁଳା  ଭିଜାଇ  ବଥ  ଉପରେ  ପକାଇ  ରଖିଲେ   ପୂଜସବୁ  ଟାଣିହୋଇ  ଗୋଟିଏ ଜାଗାରେ  ରହି  ମୁଁ  କରିଦେବ  ଓ ବଥଟି  ଫାଟିଯିବ  ବା  ପୂଜସବୁ  ଟାଣି  ହୋଇ  ବାହାରି  ଯିବ ।