diff --git a/Data Collected/Odia/IIIT-BH/Monolingual-corpora/vikaspedia.in/vikashpedia_health_odia189.txt b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia189.txt
new file mode 100644
index 0000000000000000000000000000000000000000..42c31b8b8811614fb7c1601017822231b2d15d88
--- /dev/null
+++ b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia189.txt	
@@ -0,0 +1,43 @@
+ସଅଳ ଉଠିବାର ଉପକାରିତା
+ଶୋଇବା ଆମ ଶରୀର ପାଇଁ ଗୁରୁତ୍ଵପୂର୍ଣ୍ଣ
+ଶୋଇବା ଆମ ଶରୀର ପାଇଁ ଗୁରୁତ୍ଵପୂର୍ଣ୍ଣ ଅଂଶ ।
+ଠିକରେ ନ ଶୋଇବା ଶରୀର ପକ୍ଷେ କ୍ଷତିକାରକ ।
+ତେଣୁ ଆମେ କମ୍ ଶୋଇଲେ ତାହା ଆମର ମାନସିକ ଓ ଶାରୀରିକ ସ୍ୱାସ୍ଥ୍ୟ ପ୍ରତି କ୍ଷତି ପହଞ୍ଚାଇବା ।
+ଏହି ପରିପ୍ରେକ୍ଷୀରେ ଉତ୍ତମ ନିଦ୍ରା ଏକ ଜରୁରୀ ପ୍ରାକୃତିକ ପ୍ରକ୍ରିୟା ହୋଇଥିବାରୁ ଠିକ୍‌ରେ ଶୋଇବା ଓ ଠିକରେ ଶଯ୍ୟା ତ୍ୟାଗ କରିବା ଉପରେ ଗୁରୁତ୍ଵ ଦେବା ଆବଶ୍ୟକ ।
+ସଅଳ ଉଠିବାର ଉପକାରିତା
+ଇଂରାଜୀରେ ଗୋଟିଏ ଛୋଟ ପଦ୍ୟ ରହିଛି ।
+ଯାହାର ଅର୍ଥ ଯେଉଁମାନେ ସଅଳ ଶୁଅନ୍ତି ଓ ସଅଳଶଯ୍ୟତ୍ୟାଗ କରିଥାଆନ୍ତି, ସେମାନେ ସ୍ଵାସ୍ଥ୍ୟ, ଧନ ଓ ଜ୍ଞାନବାନ ହୋଇଥାଆନ୍ତି ।
+ଏବେ କିନ୍ତୁ ଅନେକ ପ୍ରାତଃ କାଳରେ ଶଯ୍ୟତ୍ୟାଗ କରୁନାହାନ୍ତି ।
+ସେମାନେ ଉଠିବା ବେଳକୁ ଖରାପଡ଼ି ଦିନ ଆରମ୍ଭ ହୋଇଯାଇଥାଏ ।
+ସେମାନେ କେବେହେଲେ ସୂର୍ଯ୍ୟୋଦୟ ଦେଖିପାରନ୍ତି ନାହିଁ ।
+ଉଦୟ ସମୟରେ ସୂର୍ଯ୍ୟଙ୍କ କିରଣ ସ୍ନିଗ୍ଧ, କୋମଳ ଓ ଶୀତଳ ଥାଏ ।
+ଏହି କିରଣ ଶରୀରର ବିଶେଷ କରି ଚର୍ମ ପାଇଁ ହିତକରୀ ।
+ଦ୍ଵିପ୍ରହରର ପ୍ରଖର ସୂର୍ଯ୍ୟକିରଣ ଶରୀର ପ୍ରତି ଅନୁକୂଳ ନୁହେଁ ବରଂ କ୍ଷତିକାରକ ।
+ସୂର୍ଯ୍ୟୋଦୟ ଦେଖିବା ଓ ଉପଭୋଗ କରିବା ଶକ୍ତିବର୍ଦ୍ଧକ ଓ ସ୍ଫୁର୍ତ୍ତ ପ୍ରଦାୟକ ହୋଇଥିବାବେଳେ ସୂର୍ଯ୍ୟାସ୍ତ ଦେଖିବା ସେହିପରି ହିତକର ନୁହେଁ ।
+ଅନେକ ଶାସ୍ତରେ ‘ସୂର୍ଯ୍ୟାସ୍ତ' ନଦେଖିବା ଉଚିତ ବୋଲି ମତ ରଖାଯାଇଛି ।
+ପ୍ରାତଃ କାଳରେ କେତେବେଳେ ଶଯ୍ୟା ତ୍ୟାଗ କରିବା କଥା, ତାହା ମୁନିଋଷି ଓ ଶାସ୍ତବିତ ବହୁ ଆଗରୁ ଠିକ କରିଯାଇଛନ୍ତି ।
+ସୂର୍ଯ୍ୟୋଦୟର ଏକ ଘଣ୍ଟା ପୂର୍ବରୁ ଶଯ୍ୟ ତ୍ୟାଗ ଠିକ ଥିଲେ ମଧ୍ୟ ସୂର୍ଯ୍ୟୋଦୟର ଠିକ ଆଗରୁ ନିଦ ଭାଙ୍ଗିବା ଭଲ ।
+ଦେଖାଯାଇଛି, ସକାଳେ ବାସି ଶେଜରେ ହିଁ ଭଲ ନିଦ ହୋଇଥାଏ ।
+ଫଳରେ ଡେରିରେ ଉଠିବା ଏକ ଅଭ୍ୟାସରେ ପରିଣତ ହୋଇପଡ଼ିଛି ।
+ମାତ୍ର ଜଳଦି ଉଠିବା, ସକାଳୁ କାମ ଆରମ୍ଭ କରିବା ଦ୍ଵାରା ଅନେକ ଗୁଡ଼ିଏ ଉପକାର ମିଳିଥାଏ ।
+ପୃଥିବୀର ସବୁ ସଫଳ ବ୍ୟକ୍ତିମାନେ ପ୍ରାୟତଃ ପ୍ରାତଃ ଶଯ୍ୟ, ତସ୍ୟାଗ କରିଥାଆନ୍ତି ।
+ଏହାର ଅର୍ଥ ନୁହେଁ ଯେ ଡେରିରେ ଉଠୁଥିବା ବ୍ୟକ୍ତି ବିଫଳ ।
+ମାତ୍ର ସକାଳୁ ଜଳଦି ଉଠିବା ଦ୍ଵାରା ଅଧିକ ସମୟ ମିଳିଥାଏ ।
+ଆମ ଦେଶ ଓ ରାଜ୍ୟ ଗ୍ରୀଷ୍ଟ ପ୍ରଧାନ ଦେଶ ହୋଇଥିବାରୁ ସକାଳୁ ଉଠି ନିତ୍ୟକର୍ମ କରିବା ଓ ଗାଧୋଇବା ଦ୍ଵାରା ଉତ୍ତମ ଅଭ୍ୟାସ ହୋଇଥାଏ ।
+ଶରୀର ଓ ମନରେ ନୂତନ ଉସାହ ଦେଖାଯାଇଥାଏ ।
+ରାତିରେ ପାଟିରେ, ନାକରେ ଓ ମଳଦ୍ଵାରରେ ଯେତିକି କ୍ଷତିକାରକ ଜୀବାଣୁ ବଢ଼ିଥାଆନ୍ତି ସକାଳପରେ ଅଧିକ ବଢ଼ିଥାଆନ୍ତି ।
+ପରିସ୍ରା ଓ ମଳ ପରିସ୍ରାଥଳୀ ଓ ମଳାଶୟ ଉପରେ ଚାପ ସୃଷ୍ଟି କରିବା ଦ୍ଵାରା ସେହି ଜନିତ ରୋଗସବୁ ସୃଷ୍ଟି ହୋଇଥାଏ ।
+ପ୍ରାତଃରୁ ଶୌଚ ଓ ପରିସ୍ରା ସମ୍ପାଦନ କଲେ ଶରୀର ହାଳାକା, ହୋଇଥାଏ ।
+ଏହା ଜାଣି ରଖିବା ଆବଶ୍ୟକ ଯେ, ପ୍ରାତଃଭ୍ରମଣ କରିବା ପୂର୍ବରୁ ମୁହଁ ଧୋଇବା, ଦାନ୍ତ ଘଷିବା, ପରିସ୍ରା ଓ ମଳତ୍ୟାଗ କରିବା ନିହାତି ଆବଶ୍ୟକ ।
+ନଚେତ, ପ୍ରାତଃଭ୍ରମଣର ଉପକାରିତା ମିଳିବା ପରିବର୍ତ୍ତେ ଅପକାର ମିଳିଥାଏ ।
+ଯେଉଁ ପିଲାମାନେ ସକାଳୁ ଜଲଦି ଉଠିଥାଆନ୍ତି, ସେମାନେ ପରୀକ୍ଷାରେ ଅଧିକ ନମ୍ବର ରଖିଥାଆନ୍ତି ।
+ଏହାଛଡ଼ା ପାଠ ଭଲ ପଢ଼ିବା ସହ ଜୀବନରେ ସଫଳତା ପାଆନ୍ତି ।
+ଟେକସାସ୍ ବିଶ୍ଵବିଦ୍ୟାଳୟର ଗବେଷକମାନେ ଏହା କହିଛନ୍ତି ।
+ରାତ୍ରିରେ ଆମର ଖାଇବା ୬ରୁ ୮ ଘଣ୍ଟା ବନ୍ଦ ହୋଇଥାଏ ।
+ତେଣୁ ସକାଳୁ ଜଲଦି ନ ଉଠିଲେ ଜଳଖିଆ ଖାଇବାରେ ଡେରି ହୋଇଥାଏ ।
+ଏହାଛଡ଼ା ।
+ସକାଳୁ ଉଠିବା ଦ୍ଵାରା ଆମର କାର୍ଯ୍ୟଦକ୍ଷତା ଓ ପଟୁତା ବୃଦ୍ଧି ପାଇଥାଏ ।
+ସାଧାରଣ ଅପେକ୍ଷା ଏମାନେ ଅଧିକ କାମ କରିଥାଆନ୍ତି ।
+ସକାଳୁ ଉଠୁଥିବା ଲୋକଙ୍କର ମାନସିକ ସ୍ଵାସ୍ଥ୍ୟ ଭଲ ରହିଥାଏ ।
+ଦିନର ପ୍ରଥମ ଘଣ୍ଟା ଯେଭଳି କଟିଥାଏ, ବାକି ସମୟ ସେହି ଅନୁସାରେ କଟିଥାଏ ।
+ଗବେଷଣାରୁ ଜଣାପଡ଼ିଛି ଯେ, ସକାଳୁ ଉଠୁଥିବା ଲୋକମାନେ ଯୁକ୍ତାତ୍ମକ ବ୍ୟକ୍ତିତ୍ଵ, ଅଧିକ ଆଶାବାଦୀ ଏବଂ ଜୀବନରେ ଅଧିକ ସନ୍ତୋଷ ଲାଭ କରିଥାନ୍ତି ।