diff --git a/Data Collected/Odia/IIIT-BH/Monolingual-corpora/vikaspedia.in/vikashpedia_health_odia90.txt b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia90.txt
new file mode 100644
index 0000000000000000000000000000000000000000..604f4dd3b813c0aca22632e1b856d0e5e8739362
--- /dev/null
+++ b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia90.txt	
@@ -0,0 +1,41 @@
+ରସୁଣରେ ରହିଛି ଅମୃତ ସମାନ ଔଷଧୀୟ ଗୁଣ
+ରସୁଣ
+ବର୍ତ୍ତମାନ ସମୟରେ ବିଭିନ୍ନ ପ୍ରକାର ରୋଗ ମାନବ ଶରୀର ଉପରେ କବ୍‌ଜା କରି ସାରିଲାଣି ।
+ନିତ୍ୟପ୍ରତିଦିନ ଔଷଧ ଖାଇବା ଲୋକମାନଙ୍କ ଅଭ୍ୟାସ ହୋଇଗଲାଣି ।
+ମାତ୍ର ବେଳେ ବେଳେ ଔଷଧ ଠାରୁ ଘରୋଇ ଚିକିତ୍ସା ବେଶିମାତ୍ରାରେ ଫଳପ୍ରଦ ହୋଇଥାଏ ।
+ଆଜିବି କିଛି କିଛି କ୍ଷେତ୍ରରେ ଡାକ୍ତର ଔଷଧ ଅପେକ୍ଷା ଘରୋଇ ଚିକିତ୍ସା ନେବାକୁ ପରାମର୍ଶ ଦିଅନ୍ତି ।
+ସେହିପରି ନାନା ରୋଗ ପାଇଁ ଏକ ଘରୋଇ ଔଷଧ ହେଲା ରସୁଣ ।
+ଆଜ୍ଞା ହଁ ରସୁଣରେ ଅମୃତ ସମାନ ଔଷଧୀୟ ଗୁଣ ରହିଛି ।
+ଏକ କୁଲା ରସୁଣ ବହୁ ଭୟଙ୍କର ରୋଗକଷ୍ଟରୁ ଆପଣଙ୍କୁ ରକ୍ଷା କରିପାରିବ ।
+ବର୍ଷସାରା ସବୁଦିନ ରସୁଣ ଖାଇଲେ ଆପଣ ସୁସ୍ଥ ଓ ନିରୋଗ ରହିବେ ।
+ଜାଣନ୍ତୁ ରସୁଣର କିଛି ଔଷଧୀୟ ଗୁଣ
+ସବୁଦିନ ୧ କୁଲା ରସୁଣ ଖାଇଲେ ଦୂର ହେବ କୋଲେଷ୍ଟ୍ରୋଲ ସମସ୍ୟା ।
+ରସୁଣ ହୃଦରୋଗର ଆଶଙ୍କା ଦୂର କରେ ।
+ଉଚ୍ଚ ରକ୍ତଚାପ ଦୂର କରିବା ସହ ଶରୀରରେ ରକ୍ତ ସଞ୍ଚାଳନକୁ ନିୟନ୍ତ୍ରର କରେ ।
+ଲିଭର ଓ ମୂତ୍ରାଶୟକୁ ସୂଚାରୁରୂପେ କାର୍ୟ୍ୟକାରୀ କରାଇବା ପାଇଁ ସାହାଯ୍ୟ କରେ ରସୁଣ ।
+ରସୁଣ ଡାଇରିଆ ସମସ୍ୟା ଦୂର କରେ ।
+ଡାଇବେଟିସ, ଡିପ୍ରେସନ ଭଳି ରୋଗ ପାଇଁ ଔଷଧ ଭାବେ କାର୍ୟ୍ୟ କରେ ରସୁଣ ।
+ଥଣ୍ଡା ରୋଗୀଙ୍କ ପାଇଁ ରସୁଣ ମହୋଷଧୀ ଭଳି ।
+ରସୁଣ ଆସ୍ଥମା, କଫ, ଟିଭି ଭଳି ରୋଗକୁ ନିୟନ୍ତ୍ରର କରିପାରେ ।
+ଶରୀରରେ କ୍ୟାନ୍‌ସର ବଢ଼ିବାକୁ ଦିଏନି ରସୁଣ ।
+ରସୁଣରେ ଭରପୁର ରୋଗପ୍ରତିରୋଧ ଶକ୍ତି ରହିଛି ।
+ବହୁଲୋକ ରସୁଣ ଖାଇଲେ ପାଟିରୁ ର୍ଦୂଗନ୍ଧ ବାହାରେ ବୋଲି ଏହାକୁ ଖାଆନ୍ତି ନାହିଁ ।
+ମାତ୍ର ରସୁଣକୁ ଛଡେଇ ଭଲଭାବରେ ଚକଟି ଦେଲେ କିମ୍ବା ଦହିରେ ମିଶାଇ ଖାଇଲେ ପାଟିରୁ ଗନ୍ଧ ଆସେନି ।
+ରସୁଣ ଖାଇ ସାରିବା ପରେ ଶୁଖିଲା ଧନିଆ କିଛି ପାଟିରେ ପକାଇ ଦିଅନ୍ତୁ, ଏହା ଗନ୍ଧ ଦୂର କରିବାରେ ସହାୟକ ହେବ ।
+କଞ୍ଚା ରସୁଣ ଖାଇବାକୁ ସବୁ ଲୋକେ ପସନ୍ଦ କରନ୍ତି ନାହିଁ ।
+ଯେତବେଳେ କ୍ଷୀର ସହ ରସୁଣ ଖାଇବାକୁ ପଡ଼େ ତାହା ଆହୁରି ସ୍ୱାଦହୀନ ହୋଇପଡ଼େ ।
+କିନ୍ତୁ ଏହି ସ୍ୱାଦହୀନ ଖାଦ୍ୟ ଶରୀରକୁ ସୁସ୍ଥ ରଖିବାରେ ଭୂମିକା ଖୁବ୍‌ ଗୁରୁତ୍ତ୍ୱପୂର୍ଣ୍ଣ ।
+ତେବେ କେଉଁ ପ୍ରକାର ସ୍ୱାସ୍ଥ୍ୟ ଜନିତ ସମସ୍ୟାରେ ରସୁଣକ୍ଷୀର ପିଇବାର ରହିଛି ଆବଶ୍ୟକତା ଜାଣନ୍ତୁ ସେ ସଂପର୍କରେ କିଛି ଖାସ୍‌ ସୂଚନା ।
+ଶ୍ୱାସ ସମସ୍ୟା ଥିଲେ ପ୍ରତିଦିନ ତିନିରୁ ଚାରି କୋଲା ରସୁଣ ଚୋବାଇ ଖାଆନ୍ତୁ ଏବଂ ନିମୋନିଆ ଲକ୍ଷଣ ଆରମ୍ଭ ହେଉଥିଲେ କ୍ଷୀରରେ ରସୁଣ ସିଝାଇ ଦିନକୁ ଦୁଇରୁ ତିନିଥର ପିଅନ୍ତୁ ।
+ନିହାତି ଭାବରେ ଆମକୁ ଶ୍ୱାସ ସମସ୍ୟାରୁ ମୁକ୍ତି ମିଳିବ ।
+ରକ୍ତରେ କୋଲେଷ୍ଟ୍ରଲ୍‌ର ମାତ୍ରା ବଢ଼ିଲେ ହୃଦ୍‌ ଜନିତ ସମସ୍ୟା ଆରମ୍ଭ ହୁଏ ।
+ଧମନୀରେ ରକ୍ତ ସୂଚାରୁ ରୂପେ ସଞ୍ଚାଳନ ହୋଇପାରେ ନାହିଁ ।
+ତେବେ ରକ୍ତରେ କୋଲେଷ୍ଟ୍ରଲର ମାତ୍ରା କମ୍‌ କରିବା ପାଇଁ ରସୁଣ ଆମର ବହୁତ ଉପକାରରେ ଲାଗିଥାଏ ।
+ଶରୀରରେ ଟକ୍ସିନ୍‌ର ମାତ୍ରା ବଢ଼ିଲେ କଲିଜା ଜଳିବା ପରି ଅନୁଭବ ହୁଏ ଏବଂ ଜଣ୍ଡିସ୍‌ ପରି ସମସ୍ୟା ଦେଖାଯାଏ ।
+ରସୁଣ ବ୍ୟବହାର କରିବା ଦ୍ୱାରା ଏଥିରୁ ମଧ୍ୟ ମୁକ୍ତି ମିଳିଥାଏ ।
+ଆଣ୍ଡୁ ଗଣ୍ଠି ଜନିତ ଯନ୍ତ୍ରଣା ସମସ୍ୟା ଥିଲେ ଔଷଧ ଅପେକ୍ଷା ରସୁଣ ତୁରନ୍ତ କାମ କରେ ।
+ଅନିଦ୍ରା ପରି ସମସ୍ୟା ଥିଲେ ଶୋଇବା ପୂର୍ବରୁ ଏକ ଗ୍ଲାସ୍‌ କ୍ଷୀର ସହିତ ରସୁଣକୁ ମିଶାଇ ପିଅନ୍ତୁ ।
+ଅଳ୍ପ କିଛିଦିନ ଏହି ଅଭ୍ୟାସ କରିବା ଦ୍ୱାରା ଆମେ ସୁନିଦ୍ରା ପାଇପାରିବା ।
+ଯଦି କଫ ଜମି ଖାସ ହେଉଛି ତେବେ କ୍ଷୀରରେ ରସୁଣ,ଟିକେ ହଳଦୀ ପକାଇ ଫୁଟାଇ ପିଇବା ଦ୍ୱାରା କଫ କାସରୁ ଆରାମ ମିଳିବା ସହିତ ଏହା କଫ୍ ସିରଫ ଠାରୁ ମଧ୍ୟ ଶୀଘ୍ର ଆରାମ ଦେବ ।
+ଖାଦ୍ୟ ହଜମ ହେଉନଥିଲେ ଏକ ଗ୍ଲାସ ଉଷୁମ କ୍ଷୀରରେ ରସୁଣକୁ ପକାଇ ପିଇବାକୁ ଭୁଲନ୍ତୁ ନାହିଁ ।
+ଏହା ହଜମ ଶକ୍ତି ବଢାଇବା ସହ ଶରୀର ରୋଗ ପ୍ରତିରୋଧକ ଶକ୍ତି ମଧ୍ୟ ବଢାଇଥାଏ ।