From c288657108c90dd454a9f3e4e5d223ff459c5e0c Mon Sep 17 00:00:00 2001
From: Nayan Ranjan Paul <nayan.paul@gmail.com>
Date: Tue, 27 Sep 2022 11:54:00 +0530
Subject: [PATCH] Upload New File

---
 .../vikashpedia_health_odia178.txt            | 62 +++++++++++++++++++
 1 file changed, 62 insertions(+)
 create mode 100644 Data Collected/Odia/IIIT-BH/Monolingual-corpora/vikaspedia.in/vikashpedia_health_odia178.txt

diff --git a/Data Collected/Odia/IIIT-BH/Monolingual-corpora/vikaspedia.in/vikashpedia_health_odia178.txt b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia178.txt
new file mode 100644
index 0000000..51543fb
--- /dev/null
+++ b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia178.txt	
@@ -0,0 +1,62 @@
+ମେଲେରିଆରୁ ସୁରକ୍ଷା
+ଉପକ୍ରମ
+ମଣିଷକୁ ପ୍ରାୟ ୫୦ହଜାର ବର୍ଷରୁ ଊର୍ଦ୍ଧ୍ଵକାଳ ଧରି ପ୍ରଭାବିତ କରିଆସୁଛି ମ୍ୟାଲେରିଆ ।
+ଏଯାବତ୍ ବିଜ୍ଞାନର ଅଗ୍ରଗତି ସତ୍ତ୍ୱେ ଏହାର ସମ୍ପୂର୍ଣ୍ଣ ବିଲୋପ ସମ୍ଭବ ହୋଇପାରିନାହିଁ ।
+ଏହି ମାରାତ୍ମକ ରୋଗ ସମ୍ପର୍କରେ ସଚେତନତା ସୃଷ୍ଟି କରିବା ଲାଗି ପ୍ରତିବର୍ଷ ଏପ୍ରିଲ ୨୫ ତାରିଖରେ ବିଶ୍ଵ ମ୍ୟାଲେରିଆ ଦିବସ ପାଳିତ ହୋଇଥାଏ ।
+ପ୍ଲାଜମୋଡିୟମ ନାମକ ପରଜୀବୀ ଦ୍ଵାରା ମ୍ୟାଲେରିଆ ହୋଇଥାଏ ।
+ମ୍ୟାଲେରିଆକାରକ ମାଈ ଆନୋଫିଲିସ ମଶା ସାଧାରଣତଃ ସୂର୍ଯ୍ୟାସ୍ତ ପରେ ବିଶେଷକରି ରାତିରେ କାମୁଡେ ।
+କେତେକ କ୍ଷେତ୍ରରେ ମ୍ୟାଲେରିଆ ଭିତରେ ଭିତରେ ବଢିଥାଏ ।
+ଏପରି ସ୍ଥିତିରେ ଅଧିକ ଜ୍ଵର ନହୋଇ ଦୁର୍ବଳତା ଅନୁଭବ ହୋଇଥାଏ ଏବଂ ରୋଗୀର ହିମୋଗ୍ଲୋବିନ ପରିମାଣ କମିଯାଇ ହଠାତ୍ ସେ ରକ୍ତହୀନତାରେ ଆକ୍ରାନ୍ତ ହୁଏ ।
+ସାଧାରଣତଃ ଜୁଲାଇରୁ ନଭେମ୍ବର ମାସ ମଧ୍ୟରେ ମ୍ୟାଲେରିଆ ବେଶୀ ବ୍ୟାପୁଥିବାର ଦେଖାଯାଏ ।
+ଆକ୍ରାନ୍ତ ପ୍ରତ୍ୟକ ବ୍ୟକ୍ତିଙ୍କ ଶରୀରର ପ୍ରତିକ୍ରିୟା ଭିନ୍ନଭିନ୍ନ ହୋଇଥାଏ ।
+ମଶା କାମୁଡାରେ ସଂକ୍ରମଣ ହୋଇ ଏହି ରୋଗ ହେଉଥିଲେ ବି କେତେକ ଲୋକ ଅଛନ୍ତି, ଯେଉଁ ମାନଙ୍କ ଉପରେ ମଶା କାମୁଡାର କୌଣସି ପ୍ରଭାବ ପଡେନାହିଁ ।
+ଅର୍ଥାତ୍- ଶରୀର ଦୁର୍ବଳ ଥିଲେ ସଂକ୍ରମଣ ବ୍ୟାପେ ।
+ମ୍ୟାଲେରିଆ ଆକ୍ରାନ୍ତ କଲେ ସମୟାନ୍ତରରେ ହଠାତ୍ କମ୍ପ ସହ ଜ୍ଵର ଆସିବା, ଝାଳ ବୋହିଯିବା ପରେ ଦୁର୍ବଳ ଲାଗିବା ଆଦି ସାଧାରଣ ଲକ୍ଷଣ ।
+ଏପରି ହେଲେ ତୁରନ୍ତ ରକ୍ତ ପରୀକ୍ଷା କରି ଡାକ୍ତରଙ୍କ ପରାମର୍ଶରେ ଔଷଧ ଖାଆନ୍ତୁ ।
+ଔଷଧର କୋର୍ସ ସମ୍ପୂର୍ଣ୍ଣ କରିବା ଆବଶ୍ୟକ ।
+ନଚେତ୍ ମ୍ୟାଲେରିଆ ଲେଉଟିବାର ଆଶଙ୍କା ରହିଛି ।
+ମଶା ଦାଉରୁ ମୁକ୍ତି ପାଆନ୍ତୁ
+ମସା ଘଉଡାଇବା ପାଇଁ ବଜାରରେ ବିଭିନ୍ନ ପ୍ରକାର ରାସାୟନିକ ତରଳ ପଦାର୍ଥର ରିଫିଲ, କଏଲ ଆଦି ମିଳୁଛି ।
+ହେଲେ, ଏଗୁଡିକ ସ୍ୱାସ୍ଥ୍ୟ ପାଇଁ କ୍ଷତିକାରକ ।
+ଏହା ବଦଳରେ ଏସବୁ ବ୍ୟବହାର କରିପାରିବେ ।
+ଘରେ କର୍ପୂର ଜଳାନ୍ତୁ ।
+ଜଳାଇବା ସମୟରେ ୧୦ ମିନିଟ୍ କବାଟ, ଝରକା ବନ୍ଦ କରିଦେବେ ।
+ଏହାପରେ ଖୋଲିଦେଲେ ମଶା ପଳାଇବେ ।
+ରସୁଣର କଡା ବାସ୍ନା ମଶାଙ୍କୁ ଦୂରେଇ ରଖେ ।
+ତେଣୁ ଦେହରେ ରସୁଣ ରସ ମାରିପାରନ୍ତି ।
+ଲାଭେଣ୍ଡର ତେଲରେ ବାସ୍ନାରେ ମଶା ପଳାନ୍ତି ।
+ଏହାକୁ ଫ୍ରେଶନର ଭାବେ ବ୍ୟବହାର କରି ମଶା ଦାଉରୁ ମୁକ୍ତି ପାଇପାରିବେ ।
+ମଶା ପାଇଁ ବ୍ୟବହାର କରୁଥିବା ରିଫିଲ୍ ରେ ନୀଳଗିରି ତେଲ ଏବଂ ଲେମ୍ବୁରସ ମିଶାଇ ରଖନ୍ତୁ ।
+ନିମ୍ବ ତେଲକୁ ହାତ, ପାଦରେ ଲଗାନ୍ତୁ ନଚେତ ନଡିଆ ତେଲରେ ନିମ୍ବ ତେଲ ମିଶାଇ ଦୀପ ଜଳାନ୍ତୁ ।
+ମଶା ରହିବେ ନାହିଁ ।
+ଘରେ ପୋଦିନା ପତ୍ରର ରସ ସିଞ୍ଚନ କରନ୍ତୁ ।
+ଏହାର ରସ ମଧ୍ୟ ଦେହରେ ଲଗାଇଲେ ମଶା କାମୁଡେବେନି ।
+ତୁଳସୀ ଗଛ ମଶାକୁ ଦୂରେଇ ରଖେ ।
+ତୁଳସୀ ପତ୍ରର ରସ ଦେହରେ ଲଗାଇଲେ ଏହା ମଧ୍ୟ ମଶାଠାରୁ ସୁରକ୍ଷା ଦେବ ।
+ଚିକିତ୍ସା ଅପେକ୍ଷା ପ୍ରତିଷେଧକ ଜରୁରୀ
+ଘର ଭିତରେ ଏବଂ ଆଖପାଖ ସ୍ଥାନରେ ପାଣି ଜମିବାକୁ ନଦେଲେ ମଶା ସୃଷ୍ଟି ହୋଇପାରିବ ନାହିଁ ।
+ମଶା ଜୋର ହେଉଥିବା ସମୟରେ ବିଶେଷକରି ରାତିରେ ଯଥାସମ୍ଭବ ଘର ଭିତରେ ରହିବାର ଚେଷ୍ଟା କରନ୍ତୁ ।
+ମଶାରି ବ୍ୟବହାର କରିବା ଉଚିତ ।
+ପରମେଥ୍ରିନଯୁକ୍ତ ମଶାରି ବେଶୀ ସୁରକ୍ଷିତ ରଖେ ।
+ପୋଷାକରେ ମଧ୍ୟ ପରମେଥ୍ରିନ ଲଗାଇଦେଲେ ମଶା ପାଖକୁ ଆସିବେ ନାହିଁ ।
+ଶରୀରର ଅଧିକାଂଶ ଭାଗ ଆବୃତ ହୋଇ ରହୁଥିବା ପୋଷାକ ପିନ୍ଧିଲେ ମଶା କାମୁଡି ପାରିବେ ନାହିଁ ।
+ଡିଟ୍ କିମ୍ବା ପିକାରିଡିନ୍ ଯୁକ୍ତ କୀଟରୁ ସୁରକ୍ଷା ଦେଉଥିବା କ୍ରିମ୍  ବ୍ୟବହାର କରନ୍ତୁ ।
+ଏହା କେବଳ ମୁହଁ ଓ ଆଖିକୁ ବାଦ୍ ଦେଇ ଲଗାଯାଇପାରେ ।
+କେତେକ ଅସାବଧାନତା
+ମ୍ୟାଲେରିଆ ପରି ଅସୁସ୍ଥତା କ୍ଷେତ୍ରରେ ଏହାକୁ ସାଧାରଣ ଜ୍ଵର ଭାବି ଅନେକ ମନକୁ ମନ ଔଷଧ ଖାଇଦିଅନ୍ତି ।
+ଏହା ବିପଜ୍ଜନକ ହୋଇପାରେ ।
+ଆସ୍ପିରିନ ଜାତୀୟ ଔଷଧ ଖାଇବା ଆଦୌ ଉଚିତ  ନୁହେଁ ।
+କେତେକ ଯନ୍ତ୍ରଣା ନିବାରକ ଔଷଧ ମଧ୍ୟ ଖାଇବା ମନା ।
+କାରଣ, ଯଦି ଡେଙ୍ଗୁ ଆକ୍ରାନ୍ତ କରିଥାଏ, ତେବେ ଏହି ଔଷଧ ଖାଇବା ଦ୍ଵାରା ପ୍ଲେଟଲେଟସ ଅଭାବ ହୋଇ ଶରୀରରୁ ରକ୍ତସ୍ରାବ ଆରମ୍ଭ ହୋଇଯାଏ ।
+ଜ୍ଵର ହେଲେ ମଧ୍ୟ ଆଣ୍ଟିବାୟୋଟିକ୍ସ ଖାଇବା ଅନେକଙ୍କର ଅଭ୍ୟାସ ।
+ଏହାଦ୍ଵାରା ଶରୀରର ରୋଗପ୍ରତିରୋଧକ ଶକ୍ତି ଏହା ଉପରେ ନିର୍ଭରଶୀଳ  ହୋଇଯାଏ ଏବଂ କେତେକ ସ୍ଥଳେ ଉପକାରୀ ବ୍ୟାକ୍ଟେରିଆ ବି ନଷ୍ଟ ହୋଇଯାନ୍ତି ।
+ଜ୍ଵର ହୋଇଥିବା ରୋଗୀଙ୍କୁ ବହୁବାର ଚାଦର ଘୋଡାଇ ଶୋଇବାକୁ କୁହାଯାଏ ।
+ଏହାଦ୍ଵାରା ଝାଳ ବୋହି ଜ୍ଵର ଛାଡିଯିବ ବୋଲି ଧାରଣା ରହିଛି ।
+କିନ୍ତୁ ଏଥିରେ ଶରୀରର ତାପ ବଢେ ।
+ତେଣୁ ରୋଗୀଙ୍କୁ ଖୋଲା, ସତେଜ ପବନ ବାଜିବା ପରି ସ୍ଥାନରେ ରଖନ୍ତୁ ।
+ଗାଧୋଇବା ସମ୍ଭବ ନହେଲେ ଓଦା ଗାମୁଛାରେ ପୋଛିଦେବା ଉଚିତ ।
+ଏହା ସ୍ୱାସ୍ଥ୍ୟ ପାଇଁ ହିତକାରକ ହେବା ସହିତ ଆରାମ ଲାଗିଥାଏ ।
+ଏଯାବତ୍ ମ୍ୟାଲେରିଆର କୌଣସି ପ୍ରତିଷେଧକ ଟିକା ପ୍ରସ୍ତୁତ ହୋଇପାରେନାହିଁ ।
+ଚଳିତ ବର୍ଷ ସୁଦ୍ଧା ଆରଟିଏସ୍ (ଯାହା ମସ୍କିରିକ୍ସ ନାମରେ ପରିଚିତ) ଟିକା ପ୍ରସ୍ତୁତ ହୋଇ ଘାନା, ମାଲାୱି ଏବଂ କେନିଆରେ ଆରମ୍ଭ ହେବାର ଥିଲା ।
+ତେବେ ପରେ ଏହି କାର୍ଯ୍ୟକ୍ରମ ବର୍ଷ ଶେଷକୁ ଘୁଞ୍ଚାଇ ଦିଆଯାଇଛି ଏବଂ ତିନୋଟି ମଧ୍ୟରୁ କୌଣସି ଗୋଟିଏ ଦେଶରେ ହେବାର ସୂଚନା ମିଳିଛି ।
+ପୂର୍ବରୁ ୨୦୧୧ ମସିହାରେ ଏହି ଟିକା ପ୍ରସ୍ତୁତି ଚାଲିଥିବା ବେଳେ ୨୦୧୫ ମସିହା ସୁଦ୍ଧା ଏହା ଲାଇସେନ୍ସ ପାଇ ବ୍ୟବହାର ଉପଯୋଗୀ ହେବ ବୋଲି ଚର୍ଚ୍ଚା ହେଇଥିଲା, ଯାହା ପୁଣି ବିଳମ୍ବିତ ହୋଇଯାଇଛି ।
-- 
GitLab