From ef6df318c526a1a908feb10b06ad0092fd17c6e9 Mon Sep 17 00:00:00 2001
From: Nayan Ranjan Paul <nayan.paul@gmail.com>
Date: Thu, 22 Sep 2022 15:18:46 +0530
Subject: [PATCH] Upload New File

---
 .../vikashpedia_health_odia59.txt             | 47 +++++++++++++++++++
 1 file changed, 47 insertions(+)
 create mode 100644 Data Collected/Odia/IIIT-BH/Monolingual-corpora/vikaspedia.in/vikashpedia_health_odia59.txt

diff --git a/Data Collected/Odia/IIIT-BH/Monolingual-corpora/vikaspedia.in/vikashpedia_health_odia59.txt b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia59.txt
new file mode 100644
index 0000000..93668e7
--- /dev/null
+++ b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia59.txt	
@@ -0,0 +1,47 @@
+ପାଚନସଂସ୍ଥାନଗତ ରୋଗ
+ପାଚନସଂସ୍ଥାନଗତ ବିକୃତିର ସ୍ୱରୂପ
+ମନୁଷ୍ୟ ପାଚନ ସଂସ୍ଥାନ ବା Digestive System ଯେଉଁସବୁ ଅଙ୍ଗକୁ ନେଇ ଗଠିତ ସେଗୁଡିକ ହେଲା ମୁଖ୍ୟତଃ ପାକସ୍ଥଳୀ (Stomach), ଯକୃତ (Liver), କ୍ଷୁଦ୍ରାନ୍ତ୍ର (Small Intestine), ବୃହଦନ୍ତ୍ର (Large Intestine), ଅଗ୍ନାଶୟ (Pancreas) ଏବଂ ଗ୍ରହଣୀ (Duodenum) ।
+ଏ ସମସ୍ତ ଅଙ୍ଗଗୁଡିକ ଖାଦ୍ୟର ପରିପାକ କ୍ରିୟାରେ ଅଂଶଗ୍ରହଣ କରି ଖାଦ୍ୟରୁ ସାରାଂଶ ପୃଥକ କରି ମଳ ପ୍ରସ୍ତୁତି ହେଲା ପାଚନ ସଂସ୍ଥାନଗତ ରୋଗ ବିକାର ଦେଖାଯାଇଥାଏ ।
+ତେବେ ସବୁ ପାଚନସଂସ୍ଥାନଗତ ରୋଗ ମଧ୍ୟରେ ତିନୋଟି ବହୁଚର୍ଚ୍ଚତ ବିକାର ହେଲା – (୧) ଅରୁଚି (Anorexia) (୨) ଅଗ୍ନିମାନ୍ଦ୍ୟ ଏବଂ ଅଜିର୍ଣ୍ଣ ( Indigestion) ।
+ଏହି ତିନିଗୋଟି ରୋଗ ଉଦାର ରୋଗ ମଧ୍ୟରେ ମୁଖ୍ୟ ଅଟେ ।
+ଏଗୁଡିକ ମଧ୍ୟ ଅନ୍ୟ କେତେକ ରୋଗର ଲକ୍ଷଣ ସ୍ୱରୂପ ଦେଖାଯାଇଥାଏ ।
+ବର୍ତ୍ତମାନ ଏହି ତିନୋଟି ରୋଗ ସମ୍ବନ୍ଧରେ ଆଲୋଚନା କରାଯାଉ ।
+ଅରୁଚି (Anorexia)
+ଏଥିରେ ବ୍ୟକ୍ତିକୁ ଭୋକ ଲାଗିଥାଏ କିନ୍ତୁ ଖାଦ୍ୟ ଖାଇବାକୁ ଇଚ୍ଛା ହୁଏ ନାହିଁ ।
+ଯେତେ ପ୍ରକାର ଉତ୍ତମବ୍ୟଞ୍ଜନ ପରଷିଲେ ମଧ୍ୟ ରୋଗୀ ଏସବୁ ଆହାର ଗ୍ରହଣ କରିବାକୁ କୁଣ୍ଠାବୋଧ କରେ ।
+ବାଧ୍ୟବାଧକତାରେ ଖାଇଲେ ତାହା ବାନ୍ତି ହୋଇଯିବାର ସମ୍ଭାବନା ଥାଏ ।
+ଆୟୁର୍ବେଦ ଚିକିତ୍ସାରେ ଲକ୍ଷଣ ଓ ପ୍ରକାରଭେଦ ଦ୍ରୁଷ୍ଟିରୁ ଅରୁଚିକୁ ପାଞ୍ଚ ଭାଗାରେ ବିଭକ୍ତ କରାଯାଇଛି ।
+ ଯଥା –
+ବାତଜ ଅରୋଚକ
+ପିତ୍ତଜ ଅରୋଚକ
+କଫଜ ଅରୋଚକ
+ସନ୍ନିପାତଜ ଅରୋଚକ
+ଆଗନ୍ତୁଜ ଅରୋଚଜ ।
+ବାତଜ ଅରୁଚିରେ ମୁଖର ସ୍ଵାଦ କଷାଳିଆ ଓ ସାମାନ୍ୟ ଛାତି ଯନ୍ତ୍ରଣା ଅନୁଭୂତ ହୋଇଥାଏ ଏବଂ ପିତ୍ତଜ ଅରୁଚିରେ ମୁଖର ସ୍ଵାଦ କଟୁ ବା ଅମ୍ଳୀୟ (ଖଟା) ହୋଇଥାଏ, ମୁଖରୁ ଦୁର୍ଗନ୍ଧ ଆସେ ଏବଂ ଶୋଷ ଲାଗିବା, ଜଳାପୋଡା ସଦୃଶ ଅନୁଭୂତ ହେବା ତଥା ଶୂଳ ଆଦି ଲକ୍ଷଣ ଦେଖାଯାଇଥାଏ ।
+ସେହିପରି କଫଜ ଅରୁଚି ରୋଗରେ ମୁଖର ସ୍ଵାଦ ମିଠା ବା ଲୁଣିଆ ଲାଗିବା ଓ ମୁଖରୁ ଲାଳ ଅଧିକ ସ୍ରାବ ହେବା ଲକ୍ଷଣ ଦେଖିବାକୁ ମିଳେ ।
+ସନ୍ନିପାତଜ ଅରୁଚିରେ ଉପରୋକ୍ତ ସମସ୍ତ ଲକ୍ଷଣ ସମ୍ମିଳିତ ଭାବେ ଦେଖାଯାଏ ଏବଂ ଆଗନ୍ତୁଜ ଅରୁଚି ରୋଗରେ ମୁଖର ସ୍ଵାଦ ସ୍ଵାଭାବିକ ରହିବା ସହ ସାମାନ୍ୟ ହୃଦୟଶୂଳ ଅନୁଭୂତ ହୋଇଥାଏ ।
+ଅରୁଚି ସମସ୍ୟା ଉତ୍ପନ୍ନ ହେବାର କାରଣ ସମ୍ବନ୍ଧରେ ଆୟୁର୍ବେଦରେ ଉଲ୍ଲେଖ ଅଛି ଯେ ଶୋକ, ଭୟ କ୍ରୋଧ ତଥା ମନକୁ ଦୂଷିତ କରୁଥିବା ଖାଦ୍ୟପେୟ ପ୍ରଭୂତି ମାନସିକ କାରଣ ଯୋଗୁଁ ବାତାଦି ଦୋଷ କୁପିତ ହୋଇ ଅରୁଚି ରୋଗ ସୃଷ୍ଟି କରିଥାଏ ।
+ତେବେ ଆଧୁନିକ ଚିକିତ୍ସା ବିଜ୍ଞାନ ମତରେ ଅରୁଚି ( Anorexia) ଏକ ଖାଦ୍ୟକ ବିକୃତି (Eating Disorders) ଅନ୍ତର୍ଭକ୍ତ ଏବଂ ଏହାର କାରଣ ଅଜ୍ଞାତ ଯଦିଓ ମସ୍ତିଷ୍କର ହୋଇପୋଥାଲାମସର କାର୍ଯ୍ୟହାନୀ (Dysfunction of hypothalamus) କୁ ପ୍ରାଥମିକ କାରଣ ମନେ କରାଯାଏ ।
+ଏହାଛଡା ଅରୁଚିର ଅନ୍ୟ କରଣଗୁଡିକ ହେଲା – ସଂକ୍ରମଣ ଟାଟା କୌଣସି ପୁରୁଣା ରୋଗ ( Infections and chronic disease) ଚୟାପଚଯାକ୍ରିୟାଗତ ବିକୃତି, ଭିଟାମିନ୍ ର ଅଭାବ ବିଶେଷତଃ ଭିଟାମିନ୍ନ – ବି କମ୍ଲେକ୍ସ, ମାନସିକ କାରଣ ଯଥା – ଭୟ, ଶୋକ, ଅତି କ୍ରୋଧ ଓ ବ୍ୟସ୍ତ ମାନସିକତା ।
+ଅଗ୍ନିମାନ୍ଦ୍ୟ
+ଅଗ୍ନିର ମନ୍ଦତା କିମ୍ବା ଅଭାବକୁ ଅଗ୍ନିମାନ୍ଦ୍ୟ କାହାଯାଏ ।
+ଏଠାରେ ଅଗ୍ନି କହିଲେ ପାଚକ ଅଗ୍ନିକୁ ବୁଝାଯାଏ ଯାହା ବିଭିନ୍ନ ପାଚକ ଗ୍ରନ୍ଥିରୁ ନିର୍ମିତ ପାଚକ ରସ ବା ଏନଜାଇମ୍ ର ସମ୍ମିଶ୍ରଣ ଅଟେ ।
+ଏହା ସ୍ୱଳ୍ପ ହେଲେ ଅଳ୍ପ ଖାଦ୍ୟ ମଫହୟ ଠିକ୍ ଭାବେ ପାଚନ ହୋଇପାରେ ନାହିଁ ।
+ଆୟୁର୍ବେଦ ମତରେ ଆମ ଶରୀରରେ ଯେଉଁ ୧୩ ପ୍ରକାର ପାଚକ ଅଗ୍ନି ରହିଛି ସେଗୁଡିକ ମଧ୍ୟରେ ଜଠରାଗ୍ନି ଶ୍ରେଷ୍ଠ ଅଟେ ।
+ଏହା ଖାଦ୍ୟକୁ ପାଚର କରିବା ସହ ଅନ୍ୟ ୧୨ ଗୋଟି ଅଗ୍ନିକୁ  ବଳ ଦିନ ।
+ଏହା ଅଗ୍ନିମାନ୍ଦ୍ୟ ଅବସ୍ଥାରେ ଖାଦ୍ୟ ଠିକ୍ ଭାବରେ ହଜମ ହୁଏ ନାହିଁ ।
+ଅଜୀର୍ଣ୍ଣ
+ଆହାର ଠିକ୍ ସମୟରେ ପରିପାକ ବା ପାଚନ ନ ହେଲେ ତାହାକୁ ଅଜୀର୍ଣ୍ଣ କୁହାଯାଏ ।
+ଅଗ୍ନିମାନ୍ଦ୍ୟ ଏହାର ମୂଳ କାରଣ ।
+ତେବେ ସମୟାନୁ ସାରେ ଖାଦ୍ୟ ନଖାଇଲେ, ମାତ୍ରାରୁ ଅଧିକ ଖାଦ୍ୟ ଖାଇଲେ, ଦିନରେ ଶୋଇଲେ, କ୍ଷୁଧା ତୃଷ୍ଣାର ବେଗ ଅଟକାଇଲେ ତଥା ଅଧିକ ଜଳସେଚନ, କ୍ରୋଧ, ଚିନ୍ତା ଭୟ ଆଦି କାରଣରୁ ଅଜୀର୍ଣ୍ଣ ରୋଗ ସୃଷ୍ଟି ହୁଏ ।
+ଏହା ଫଳରେ ଶରୀର ଓଜନିଆ ଲାଗିବା, ବିଚଳିତ ଲାଗିବା, ମଳବାୟୁ ନ ବାହାରିବା, ତରଳଝାଡା, ପେଟରେ ଗ୍ୟାସ ହେବା, ଛାତିରେ ଏବଂ ପେଟରେ ଯନ୍ତ୍ରଣା ଓ ସାମାନ୍ୟ ଜ୍ଵଳନ ପୀଡା ଲକ୍ଷଣ ସ୍ୱରୂପ ଦେଖାଯାଇଥାଏ ।
+ଚିକତ୍ସା
+ସମସ୍ତ ପ୍ରକାର ପାଚନଗତ ବିକୃତି ପାଇଁ ଆୟୁର୍ବେଦାୟ ଔଷଧ ଅତ୍ୟନ୍ତ ହିତକର ଏବଂ ଆସୁଫଳପ୍ରଦ ଅଟେ ।
+ଅରୁଚି ଅଗ୍ନିମାନ୍ଦ୍ୟ, ଅଜୀର୍ଣ୍ଣ ଓ ଅମ୍ଲେପିତ୍ତ ସମସ୍ତ ପ୍ରକାର ଉଦର ରୋଗର ସଫଳ ଏବଂ ପୂର୍ଣ୍ଣ ଚିକିତ୍ସା ନିମନ୍ତେ ଆୟୁର୍ବେଦରେ ଅନେକ ଶାସ୍ତ୍ରୀୟ ଔଷଧ ରହିଛି ।
+ଏହିସବୁ ଔଷଧଗିଡିକ ମଧ୍ୟରେ ସୌଭାଗ୍ୟ ଶୁଣ୍ଠିଖଣ୍ଡ ମୋଦକ, ଜୀରକାଦି ମୋଦକ, ବିଲ୍ୱାଦିଚୂର୍ଣ୍ଣ ଅବିପତ୍ତିକର ଚୂର୍ଣ୍ଣ ଲବଣଭାସ୍କର ଚୂର୍ଣ୍ଣ, ଚିତ୍ରକାଦି ବଟୀ, ଅଗ୍ନିତୁଣ୍ଡି ବଟୀ, ହିଙ୍ଗବାଷ୍ଟକ ଚୂର୍ଣ୍ଣ, ମହାଶଙ୍ଖବଟୀ ପ୍ରଭୂତି ଦୀପନ ଓ ପାଚନ ଗୁଣବିଶିଷ୍ଟ ଔଷଧ ପ୍ରସିଦ୍ଧ ଅଟେ ।
+ଏହି ଔଷଧୀୟ ଚିକିତ୍ସା ସୁବିଧା ନେବା ଲାଗି ଅଭିଜ୍ଞ ଆୟୁର୍ବେଦ ଚିକିତ୍ସକଙ୍କ ସହ ପରାମର୍ଶ କରି ନିୟମିତ ଔଷଧ ସେବନ କଲେ ରୋଗୀ ନିଶ୍ଚିତ ଭାବେ ଆରୋଗ୍ୟ ଲାଭ କରିପାରିବେ ।
+ଏହାଛଡା, ନିମ୍ନୋକ୍ତ ସହଜ ଘରୋଇ ଚିକିତ୍ସା ମଧ୍ୟ ରୋଗୀର ଅରୁଚି, ଅଗ୍ନିମାନ୍ଦ୍ୟ ଓ ଅଜୀର୍ଣ୍ଣ ପ୍ରଭୁତା ରୋଗଗୁଡିକୁ ଉପଶମ କରିବା ଦିଗରେ ବିଶେଷ ଫଳପ୍ରଦ ଅଟେ ।
+ସହଜ ଚିକତ୍ସା
+ଲେମ୍ବୁ ଡାଳିମ୍ବ ଓ ଅଦାରସ ପ୍ରତ୍ୟେକରୁ ୧ ଚାମଚ ମାତ୍ରାରେ ନେଇ ପୁନଶ୍ଚ ସୈନ୍ଧବଳବଣ, ଗୋଲମରୀଚ ଓ ମିଶ୍ରିଗୁଣ୍ଡ ଅଧ ଚାମଚ ଲେଖାଏଁ ନେଇ ୫୦ ଗ୍ରାମ୍ ଅଙ୍ଗୁର ସହ ବାଟି ଚଟଣି କରି ଦିନକୁ ୨ ଥର ଖାଇଲେ ଅରୁଚି ରୋଗ ନଷ୍ଟ ହୁଏ ।
+ଭୋଜନ ପୂର୍ବରୁ ଖଣ୍ଡେ ଆଡ ଧୋଇ ସୈନ୍ଧବ ଲବଣ ସହ ଚୋବାଇ ଖାଇଲେ କିମ୍ବା ଖାଦ୍ୟ ରଶୁଣ ଅଥବା ପୁଦିନା ଚଟଣି ଖାଇଲେ ଅଗ୍ନିମାନ୍ଦ୍ୟ ଦୂର ହୁଏ ।
+ଶୁଣ୍ଠି, ପିପ୍ପଳୀ ଓ ଗୋଲମରିଚ ସମଭାଗରେ ଚୂର୍ଣ୍ଣକରି ୩ ଗ୍ରାମ୍ ମାତ୍ରାରେ ଦିନକୁ ୨ ଥର ସେବନ କଲେ ଅଜର୍ଣ୍ଣା ଦୂର ହୁଏ
-- 
GitLab