diff --git "a/Data Collected/Kannada/MIT Manipal/Kannada-Scrapped-dta/\340\262\205\340\262\255\340\262\277\340\262\250\340\262\202\340\262\246\340\262\250\340\263\206.txt" "b/Data Collected/Kannada/MIT Manipal/Kannada-Scrapped-dta/\340\262\205\340\262\255\340\262\277\340\262\250\340\262\202\340\262\246\340\262\250\340\263\206.txt"
new file mode 100644
index 0000000000000000000000000000000000000000..ed96bf21f6458805a28492bb85e671ab65cea4a3
--- /dev/null
+++ "b/Data Collected/Kannada/MIT Manipal/Kannada-Scrapped-dta/\340\262\205\340\262\255\340\262\277\340\262\250\340\262\202\340\262\246\340\262\250\340\263\206.txt"	
@@ -0,0 +1,4687 @@
+ಅವ್ಳೇ ಹೆಣ್ಣು?” ಎಂದಿದ್ದ ನವೀನ್‌.
+ಮುಂದಿದ್ದ ಐಸ್‌ಕ್ರೀಮ್‌ ಬಿಟ್ಟು ಬಂದು ಮತ್ತಷ್ಟು ಗಟ್ಟಿಯಾಗಿದ್ದಳು.
+ಅಪ್ಪ, ನಾನು ಡಾ||ನವೀನ್‌ನ ಇಷ್ಟಪಟ್ಟಿದ್ದೀನಿ.
+ಮಿಕ್ಕಿದ್ದು ನಿಮ್ದು” ಎಂದು ತಾಯ್ತಂದೆ ಮುಂದೆ ಹೇಳಿದಾಗ ಅವರು ಹರ್ಷಿಸಿದ್ದರು.
+"ಗುಡ್‌ಸೆಲೆಕ್ಷನ್‌, ಲಗ್ನದ ಡೇಟ್‌ ಫಿಕ್ಸ್‌ ಮಾಡಿ ಛತ್ರ ಹುಡ್ಕಿಕೋಬೇಕು" ಆ ಆನಂದ ಉಳಿಯಲಿಲ್ಲ.
+ಅತ್ಯಂತ ನಮ್ರವಾಗಿಯೇ ಇರೋ ವಿಷಯ ತಿಳಿಸಿ ನಿರಾಕರಿಸಿದ್ದು ಇವರ ಪಾಲಿಗೆ ದೊಡ್ಡ ಅಪರಾಧವಾಗಿತ್ತು.
+ಈ ಸೋಲನ್ನ ಅವರು ಮಾತ್ರ ಒಪ್ಪಿಕೊಳ್ಳಲಾರರು.
+ಎದುರು ಕೂತಿದ್ದವನು ಬಂದು ಪಕ್ಕದಲ್ಲಿ ಕೂತ.
+"ವಿಷ್ಯ  ಪ್ರಸ್ರಾಪಿಸಿದ್ಯಾ?" ಕೇಳಿದ.
+ಇಲ್ಲವೆಂದು ತಲೆಯಾಡಿಸಿದ ಚಾರುಲತ  "ವಿಷ್ಯ ನಂಗೆ ಗೊತ್ತಿದೆ.
+ಹೇಗೆ  ಪ್ರಸ್ತಾಪಿಸ್ಲಿ ?
+ಸಮಾಜದ ಮುದ್ರೆಯೊಂದು ಬಿದ್ದಿಲ್ಲ ಅಷ್ಟೆ, ಅವ್ಳು ನಮ್ಮ ಮನೆ ಸೊಸೆನೇ ಆಗ್ಬಿಟ್ಟಿದ್ದಾಳೆ.
+ನನ್ನ ಪ್ರಯತ್ನ ಒಂದು ಹೆಣ್ಣಿನ ಹೃದಯ ಒಡ್ಕೋದು ಆಗುತ್ತೆ.
+ಪ್ಲೀಸ್‌, ಸ್ವಲ್ಪ ಅರ್ಥ ಮಾಡ್ಕೊಳ್ಳಿ" ವಿಷಯನ ಅರ್ಥ ಮಾಡಿಸುವ ಪ್ರಯತ್ನ ಮಾಡಿದಳು.
+"ನನ್ನ ರೇಗಿಸ್ತಾ ಇದ್ದೀಯಾ !
+ಇಲ್ಲಿ ಬೇರೆ ಹೆಣ್ಣಿನ  ಪ್ರಸಕ್ತಿ ಬೇಡ.
+ವಯಸ್ಸಿನಲ್ಲಿ ಆಕರ್ಷಣೆ, ಪ್ರೇಮ ಪ್ರಕರಣಗಳು ಸಹಜ.
+ಅವೆಲ್ಲ ವಿವಾಹದಲ್ಲಿ ಮುಕ್ತಾಯವಾಗ್ಬೇಕೂನ್ನೋದೇನಿಲ್ಲ.
+ಸುಮ್ನೇ ನವೀನ್‌, ಪೂಜಾನ ಮದ್ವೆಯಾಗ್ಲಿ.
+ಇದ್ರಿಂದ ಅವ್ನ ಭವಿಷ್ಯಕ್ಕೆ ಒಳ್ಳೆದಾಗುತ್ತೆ.
+ಜಯನಗರದ ಮನೆನ ನರ್ಸಿಂಗ್‌ಹೋಂ ಆಗಿ ಪರಿವರ್ತಿಸಿ ಕೊಡೋಕೆ ಅಪ್ಪ ಒಪ್ಕೊಂಡಿದ್ದಾರೆ.
+ಇಂಥ ಅದೃಷ್ಟ ಎಷ್ಟುಜನಕ್ಕೆ ?" ಹೆಮ್ಮೆ ಅಭಿಮಾನದಿಂದ ಹೇಳಿ ಕೊಂಡ.
+ಜಾರುಲತ ಎದ್ದು ಹೋಗಿ ಹೊರಗೆ ನಿಂತಳು.
+ತಣ್ಣನೆಯ ಗಾಳಿ ಕೂಡ ಬಿಸಿಯೆನಿಸಿತು.
+ನೂರು ಕನಸುಗಳನ್ನ ಹೊತ್ತು ಈ ಮನೆಯ ಹೊಸಿಲನ್ನ ತುಳಿದಾಗ, ಇಲ್ಲಿನ ಜನರೆಲ್ಲ ದೇವತೆಗಳಂತೆ ಭಾಸವಾಗಿದ್ದರು.
+ಈಗ ಇಕ್ಕಟ್ಟಿಗೆ ಸಿಕ್ಕಿಸಲು ಆಯುಧಗಳನ್ನ ಹಿಡಿದು ನಿಂತಿದ್ದು ನೋಡಿ ಅವಳಿಗೆ ಹೆದರಿಕೆಯಾಗಿತ್ತು.
+ಪ್ರತಿಷ್ಟೆ,ಹಟದ ಮಧ್ಯೆ  ಅವಳ ದಾಂಪತ್ಯ ನಲುಗಿ ಹೋಗುತ್ತಿತ್ತು.
+ಬಂದ ಮೃಣಾಲಿನಿ ಹೊರಗೆ ಸಪ್ಪಗೆ ನಿಂತ ಸೊಸೇನಾ ನೋಡಿ "ಯಾರು. . .ಬಂದಿಲ್ವಾ ?"ಕೇಳಿದರು.
+ಬೆಚ್ಚಿ  ಬಿದ್ದು ನಗುವನ್ನು ಮುಖದ ಮೇಲೆ ತಂದುಕೊಂಡು  “ಪೂಜಾ, ಅವ್ರು. . . . ಬಂದಿದ್ದಾರೆ" ಒಳಗೆ ಬಂದಳು.
+ಅಡಿಗೆಯ ಮನೆಯ ಛಾರ್ಜ್‌ನ ತಾನು ವಹಿಸಿಕೊಂಡು ಮೂವರನ್ನ ಮಾತಾಡಲು ಬಿಟ್ಟಳು.
+ನಿಶ್ಚಿತಾರ್ಥದ ದಿನಾಂಕದಿಂದ ಹಿಡಿದು, ಅಂದಿನ ಅಡಿಗೆ, ಕರೆಯಬೇಕಾದ ಜನರ ಬಗ್ಗೆಯೆಲ್ಲ ಮಾತುಕತೆ ನಡೆಯುತ್ತಿದ್ದಾಗ ಚಾರುಲತಳ ಎದೆಯ ಬಡಿತ ಜೋರಾಯಿತು.
+ಅವಳ ಕಣ್ಣಂಚು ಒದ್ದೆಯಾಯಿತು.
+ನೂರು ಕನಸುಗಳನ್ನ ಕಟ್ಟಿಕೊಂಡಿದ್ದ ಅವಳ ಭವಿಷ್ಯವನ್ನ ಚೂರು ಚೂರು ಮಾಡಲು ಸಿದ್ದರಿದ್ದರು ಸರಿಯೆನಿಸಲಿಲ್ಲ.
+ತಾನು ಕೈ ಜೋಡಿಸಲು ಸಮತಿಸಲಿಲ್ಲ ಅವಳ ಮನಸ್ಸು.
+ಊಟಕ್ಕೆ ಕೂತಾಗ ಅತ್ತೆಯನ್ನ ಕೂಡ ಬಲವಂತದಿಂದ ಕೂಡಿಸಿ ತಾನೇ ಬಡಿಸಲು ನಿಂತ ಸೊಸೆಗೆ ಹೇಳಿದರು ಯುಗಂಧರ್‌  "ನಿಮ್ಮಪ್ಪ  ಫ್ರೆಂಡ್‌ ಜೊತೆ ಎಲ್ಲೋ ಹೋಗಿದ್ದ" ಎನ್ನುತ್ತ ಉಪ್ಪಿನಕಾಯಿ ರಸದೊಂದಿಗೆ ಅನ್ನ ಕಲೆಸತೊಡಗಿದರು.
+ಅವರಿಗೆ ಉಪ್ಪಿನಕಾಯಿ, ತೊಕ್ಕಿನೊಂದಿಗೆ ಅನ್ನ ಕಲೆಸಿ ತಿನ್ನುವುದು ರೂಢಿ.
+ಕಾರಣ ಗೊತ್ತಿದ್ದ ಅವಳು ಮಾತೇ ಆಡಲಿಲ್ಲ.
+ಎರಡು ದಿನದಲ್ಲಿ ಗುಬ್ಬಚ್ಚಿಯಂತಾಗಿದ್ದರು.
+ಅವರೇನು ಮಾಡುವ ಸ್ಥಿತಿಯಲ್ಲಿರಲಿಲ್ಲ.
+"ಅತ್ತಿಗೆ ಕೈನ ಅಡಿಗೆ ಬ್ರಹ್ಮಾಂಡ"ಲೊಟ್ಟೆ ಹಾಕಿದಳು ಪೂಜಾ.
+"ಬರೀ ಸುಳ್ಳು, ನಾನಿನ್ನು 'ಎಲ್‌' ಬೋರ್ಡು.
+ಅಲ್ಲಿ ಅಪ್ಪ ಆರಾಮಾಗಿ ಬೇಯ್ಸಿ ಹಾಕ್ತಾ ಇದ್ರು.
+ಇಲ್ಲಿ ಅತ್ತೆನೇ ಒಂದಿಷ್ಟು ಟೈನಿಂಗ್‌ ಕೊಟ್ಟಿದ್ದು"ಎಂದಳು ಗಂಡನ ಕಡೆ ನೋಡುತ್ತ.
+ಅವನು ಇವಳತ್ತ ನೋಟ ಹರಿಸಲೇ ಇಲ್ಲ.
+ಇವರುಗಳ ಊಟವೇನೋ ಮುಗಿಯಿತು.
+ಮೃಣಾಲಿನಿ ಅವಳನ್ನ ಕೂಡಿಸಿ ಬಡಿಸಿದರೂ, ತುತ್ತು ನುಂಗಲು ಕಷ್ಟವಾಯಿತು.
+ಈಗ ವಿಷಯ ಪ್ರಾರಂಭವಾಗುತ್ತದೆ.
+ಹೇಗೆ, ಪ್ರತಿಕ್ರಿಯಿಸುವುದು ?
+"ಬೆಳಿಗ್ಗೆ ತಿಂಡಿ ಜಾಸ್ತಿ ಆಯ್ತು.
+ಅಪ್ಪನ ಕೈನ ಕಾಯಿ ಚಟ್ನಿ ಬಹಳ ರುಚಿ.
+ಒಂದೆರಡು ಜಾಸ್ತಿನೇ ತಿಂದೆ" ಊಟ ಸರಿಯಾಗಿ ಮಾಡದಿದ್ದಕ್ಕೆ ಸಮಜಾಯಿಷಿಕೊಟ್ಟು ಎದ್ದು ಹೋದಳು.
+ರೌಂಡ್‌ ಟೇಬಲ್ಲು ಕಾನ್ಫರೆನ್ಸ್‌ಗೆ ಕೂತರು.
+ಗಂಡ, ಹೆಂಡತಿ ಕಣ್ಣಲ್ಲಿಯೇ ಸನ್ನೆ ಮಾಡಿಕೊಂಡರು, ಯಾರು ಮೊದಲು ಪ್ರಾರಂಭಿಸುವುದೆಂದು ?
+ಆಮೇಲೆ ಯುಗಂಧರ್‌ ತಾವೇ ಮುಂದಾದರು.
+"ಪೂಜಾ, ನವೀನ್‌ ಒಬ್ಬರನ್ನೊಬ್ರು ಇಷ್ಟಪಟ್ಟಿದ್ದಾರೆ" ಎಂದ ಕೂಡಲೇ ತಲೆಯೆತ್ತಿದಳು.
+ಇದು ನಿಜವಲ್ಲ ! ತುಟಿ ತೆರೆಯಲಾಗಲಿಲ್ಲ ಅವಳಿಂದ.
+"ಎದುರು ಮನೆ ಹುಡ್ಗೀ, ಅವ್ರ ಮನೆಯವು ನಿಮ್ಮ ತಾಯಿ ಸತ್ತಾಗ ಸಹಾಯ ಮಾಡಿದ್ರಂತೆ.
+ಆ ಕೃತಜ್ಞತೆಯನ್ನ ಉರುಳು ಹಾಕ್ಕೊಂಡಿದ್ದಾರೆ, ಅಪ್ಪ ಮಗ.
+ಅದರ ಬಿಡುಗಡೆಗೆ ನಿನ್ನ ಸಹಾಯಬೇಕು" ಚಮತ್ಕಾರದಿಂದ ಮಾತಾಡಿದರು.
+ಸ್ವರವೆತ್ತುವುದೇ ಅವಳಿಗೆ ಕಷ್ಟವೆನಿಸಿತು.
+"ಅದ್ಕೇ ನಿಮ್ಮಿಬ್ಬರನ್ನ ಕರೆಸಿ ಕೊಂಡಿರೋದು.
+ನೀನೊಂದು ಸ್ವಲ್ಪ ಹೇಳು.
+ಎರಡು ಮನೆಗಳ ಸಂಬಂಧ ಮತ್ತಷ್ಟು ಗಟ್ಟಿ ಆಗುತ್ತೆ" ದಾಳ ಉರುಳಿಸಿದರು ಸರಾಗವಾಗಿ.
+ಬಗ್ಗಿಸಿದ ತಲೆಯನ್ನ ಪ್ರಯಾಸದಿಂದ ಮೇಲೆತ್ತಿ ಚಾರುಲತ  "ನಂಗೆ ಪೂಜಾ,ನವೀನ್‌ ಒಬ್ಬರನ್ನೊಬ್ರು ಇಷ್ಟಪಟ್ಟಿರೋದು ಗೊತ್ತಿಲ್ಲ.
+ಅವ್ನು ನೀರದಾನ ವಿವಾಹವಾಗೋ ವಿಷ್ಯ ಗೊತ್ತಿತ್ತು.
+ಇದ್ಕೆ ಎರಡು ಮನೆಯವರ ಒಪ್ಪಿಗೇನು ಸಿಕ್ಕಿತ್ತು.
+ಪೂಜಾಗೆ ಬೇರೆ ಸಂಬಂಧ ನೋಡಬಹುದಲ್ಲ" ಅಷ್ಟೇ ನುಡಿದಿದ್ದು. 
+"ಡ್ಯಾಮಿಟ್‌. . . . " ಯುಗಂಧರ್‌ ಷುರು ಮಾಡಿದರೆಂದರೆ ಅವಳಣ್ಣ ನನ್ನ ಅಪರಾಧದ ಕಟ್ಟೆಯಲ್ಲಿ ನಿಲ್ಲಿಸಿದರು.
+ಅವನೊಬ್ಬ "ಅವಿವೇಕಿ, ಸ್ಕೌಂಡ್ರಲ್"ಇಂಥ ಪದಗಳೆಲ್ಲ ಬಳಕೆಯಾಗಿ ಬಿಟ್ಟವು. 
+ಉಸಿರೆತ್ತುವುದಾಗಲಿಲ್ಲ.. "ಇವೆಲ್ಲ ಬೇಡ !ಪೂಜಾ ನವೀನ್‌ನ ಇಷ್ಟಪಟ್ಟಿದ್ದಾಳೆ.
+ನೀನು ನಿಂತು ವಿವಾಹ ಮಾಡ್ಬೇಕು.
+ಅದು ಸೊಸೆಯಾಗಿ ನಿನ್ನ ಕರ್ತವ್ಯ"ಜಡ್ಜ್‌ಮೆಂಟ್‌ ತಿಳಿಸಿ ಎದ್ದರು.
+ಒಬ್ಬೊಬ್ಬರು ಒಂದೊಂದು ಕಡೆ ನಡೆದಾಗ, ಸೋತವಳಂತೆ ರೂಮಿಗೆ ಬಂದ ಚಾರುಲತ, ಗಂಡನ ಮಡಿಲಲ್ಲಿ ತಲೆ ಇಟ್ಟಳು.
+ಅವನ ಕೈ ನವಿರಾಗಿ ಆಡಿತು ಕೂದಲಲ್ಲಿ.
+"ಅಪ್ಪ ಹೇಳಿದ್ದು, ಅರ್ಥವಾಯಿತಲ್ಲ.
+ನವೀನ್‌ಗೆ ಒಂದಿಷ್ಟು ಬುದ್ಧಿ ಹೇಳು.
+ನಂತರವೇ ಇಲ್ಲಿಂದ ಹೊರಡೋ ಮಾತು" ಎಂದ ಮೃದುವಾಗಿ.
+ಕಠೋರವಾಗಿದೆಯೆನಿಸಿತು ಅವನ ಛಾಯ್ಸ್‌  "ಪ್ಲೀಸ್‌, ಸ್ವಲ್ಪ ಅರ್ಥ ಮಾಡ್ಕೊಳ್ಳಿ"ಎದ್ದಳು.
+“ಅರ್ಥ ಮಾಡಿಕೊಳ್ಳೋಕೆ  ಏನಿಲ್ಲ.
+ನನ್ನ ತಂಗಿ ನೀರದಾಗಿಂತ ಯಾವುದ್ರಲ್ಲಿ ಕಮ್ಮಿ ಇದ್ದಾಳೆ ?
+ಸ್ವತಃ ಅಪ್ಪ, ಅಮ್ಮ ಹೋಗಿ ಕೇಳಿದ್ದಾರೆ.
+ಅವ್ಳು ಕೂಡ ನವೀನ್‌ನ ವಿವಾಹವಾಗ್ಬೇಕೂಂತ ಹಟ ಹಿಡಿದಿದ್ದಾಳೆ.
+ಇದು ನಡೆಯದಿದ್ದರೇ ತುಂಬ ತೊಂದರೆಗೆ ಒಳಗಾಗ್ಬೇಕಾಗುತ್ತೆ” ಎಚ್ಚರಿಕೆ ನೀಡಿದ.
+ಮಂಚ ಬಿಟ್ಟು ಎದುರಿಗೆ ಇದ್ದ ಛೇರ್‌ನ ಮೇಲೆ ಕೂತಳು.
+ಎಂಥ ಸುಂದರ ಬದುಕನ್ನ ನೀಡಿದ ಮೂರ್ತಿ ಇವರೇನಾ, ಎಂದು ಯೋಚಿಸುವಂತಾಯಿತು,ಬೇರೆಯವರು ಕರುಬುವಂಥ ಪ್ರೀತಿ ತೋರಿದ್ದ.
+ಅಭಿಮಾನ ಸುರಿಸಿದ್ದ.
+“ಚಾರು, ಏನ್ಬೇಕಾದ್ರೂ ಹೇಳು.
+ತವರು ಮನೆಗೆ ಹೋಗೋ ಸುದ್ದಿ ಮಾತ್ರ ಬೇಡ.
+ನಿನ್ನ ನಿಮಿಷ ಅಗಲಿರೋದು ಕೂಡ ನನ್ನಿಂದ ಸಾಧ್ಯವಿಲ್ಲ” ಕಣ್ಣಲ್ಲಿ ಕಣ್ಣಿಟ್ಟು ಹೇಳುತ್ತಿದ್ದ ಅವನ ತೋಳಲ್ಲಿ ಸುಖಿಯಾಗಿದ್ದಳು.
+ಯಾವ ಧೂಮಕೇತು ವಕ್ಕರಿಸಿತು ತಮ್ಮ ಸುಖೀ ದಾಂಪತ್ಯಕ್ಕೆ, ಎಂದು ಹೆದರಿದಳು.
+ಕ್ಷಣಗಳು ನಿಮಿಷಗಳು ಗಂಟೆಗಳು ಕಳೆದರೂ ಅಲ್ಲಿಂದ ಅಲ್ಲಾಡಲಿಲ್ಲ.
+ಮುಂದೇನು ? ಬಹುಶಃ ನೀರದಾಗೆ ಇಂಥ ಮಾತು ಕಿವಿಗೆ ಬಿದ್ದರೇ-ಛೆ,ಯೆನಿಸಿತು.
+ಕತ್ತಲು ಮುಸುಕುವ ಮುನ್ನ ಯುಗಂಧರ್‌ "ನಾಳಿದ್ದು ದಿನ ಚೆನ್ನಾಗಿದೆ,ನಿಶ್ಚಿತಾರ್ಥ ಇಟ್ಟುಕೊಳ್ಳೋಣ" ಸೂಚನೆ ನೀಡಿದರು .
+ಸೊಸೆಗೆ  "ಮಾವ,ಒಂದ್ಮಾತು. . . ಬಹುಶಃ ಈಗಾಗ್ಲೇ ಅವ್ನು ನೀರದಾನ ವಿವಾಹ ಮಾಡ್ಕೋ ಬೇಕೂಂತ ತೀರ್ಮಾನ ಮಾಡಿದ್ದಾನೆ.
+ನಾನು ಹೇಳಿದ್ರೂ. . . ಒಪ್ಪೋಲ್ಲ" ಎಂದಳು.
+"ಒಪ್ಪಿಸೋದು ನಂಗೆ ಗೊತ್ತಿದೆ !ಸುಮ್ನೇ ಹಟ ಮಾಡೋದ್ಬೇಡ.
+ಅತ್ತು ಕರ್ದು ಒಪ್ಸು.
+ಇಲ್ಲ ನಿನ್ನ ಬಾಳು ಬಿರುಗಾಳಿಗೆ ಸಿಕ್ಕಿದ ತರಗೆಲೆಯಾಗಿ ಬಿಡುತ್ತೆ"ಯುಗಂಧರ್‌ ಅಂದಾಗ ಸಿಡಿಲು ಬಡಿದಂತಾಯಿತು ಚಾರುಲತಗೆ.
+ತಾನು ತಿಳಿದ ವ್ಯಕ್ತಿಗಿಂತ ಭಿನ್ನವಾದ ವ್ಯಕ್ತಿತ್ವವಿದೆ, ಈ ಮನುಷ್ಯನಲ್ಲಿ ಎಂದು ಕೊಂಡಳು.
+“ಏಯ್‌ ಮೂರ್ತಿ, ನಿನ್ನ ಹೆಂಡ್ತಿನ ಕರ್ಕೊಂಡ್ಹೋಗಿ ಅವ್ಳ ಅಪ್ಪನ ಮನೆಯಲ್ಲಿ ಬಿಟ್ಬಾ.
+ಒಂದಿಷ್ಟು ಬುದ್ಧಿ ಹೇಳ್ಲಿ, ಬರೀ ಈ ಯುಗಂಧರ್‌ನ ಒಳ್ಳೆಯತನ ಮಾತ್ರ ನೋಡಿದ್ದಾರೆ, ಇನ್ನೊಂದು ಮುಖದ ಪರಿಚಯವಾಗ್ಲಿ!
+ನಂಗೆ ನನ್ನ ಮಗಳು ಮುಖ್ಯ.
+ಅವ್ರಿಗೆ ಹಾಗೇಂತ ಅನ್ನಿಸಿದ್ದರೇ. . . ಮದ್ವೆಗೆ ಒಪ್ಪಿಕೊಳ್ಳಿ"ಚಾಟೆಯೇಟುನಂತಿತ್ತು ಅವರ ಮಾತುಗಳು.
+ಮಗಳ ಮೇಲಿನ ಪ್ರೇಮ ಅವರ ವಿವೇಕವನ್ನ ಕಬಳಿಸಿ ಬಿಟ್ಟಿತ್ತು.
+ಮುಂದೆ ಎಂದಾದರೂ ತಾನು ಪಶ್ಚಾತ್ತಾಪ ಪಡಬಹುದೆನಿಸಲಿಲ್ಲ ಆ ಕ್ಷಣ.
+ರೂಮಿಗೆ ಹೋದ ಚಾರುಲತ ಸುಮ್ಮನೆ ಕೂತಳು.
+ಇವಳು ಒತ್ತಾಯವೇರಿದರೂ ನಂಬಿದ ಹೆಣ್ಣಿಗೆ ಮೋಸ ಮಾಡುವಂಥ ಹೀನ ಸಂಸತಿ ನವೀನ್‌ದು ಅಲ್ಲ.
+ಅವಳು ಕೂಡ ಒತ್ತಾಯವೇರಿ ನೈತಿಕವಾಗಿ ಪಾತಾಳಕ್ಕೆ  ಇಳಿಯಲು ಇಚ್ಛಿಸಳು.
+“ಹೋಗೋಣಾ ?" ಕೇಳಿದ.
+ಅತ್ಯಂತ ನಿಧಾನವಾಗಿ ನೋಟವೆತ್ತಿ ಅವನತ್ತ ಹರಿಸಿ ಹತ್ತಿರಕ್ಕೆ ಹೋಗಿ "ನವೀನ್‌ ಸಮೃತಿಸೋಲ್ಲ.
+ಎಲ್ಲಾ ತಿಳಿದು ಕೂಡ ನಾವು ಇಂಥ ಆಫರ್‌ ಒಯ್ದರೇ, ಅವ್ನ ದೃಷ್ಟಿಯಲ್ಲಿ ತೀರಾ ಕೆಳ್ಗೇ ಇಳ್ದು ಬಿಡ್ತೀನಿ.
+ಇವನೊಬ್ಬ ಆರ್ಡಿನರಿ ಡಾಕ್ಟ್ರು.
+ಪೂಜಾಗೆ ಫಾರಿನ್‌ ರಿಟರ್ನ್ಸ್‌ ಡಾಕ್ಟರನ್ನ ಹುಡ್ಕಬಹುದು."ತೀರಾ ಮೆಲುವಾದ ಸ್ವರದಲ್ಲಿ ಉಸುರಿದಳು.
+ಅವನ ಬಾಯಿಂದ ಮಾತುಗಳೇ ಹೊರಡಲಿಲ್ಲ.
+ತಲೆ ಕೊಡವಿದ "ಅವ್ಳ ಜೊತೆ ಯಾಕೆ ಓಡಾಡ್ದ ?"
+"ಬನ್ನಿ, ಅವ್ನ ಮುಂದೆನೇ ತೀರ್ಮಾನ ಮಾಡೋಣ.
+ಬೇಕಾದರೆ ನಿಮ್ಮಂಗಿನ ಕೂಡ ಕರ್ದುಕೊಳ್ಳಿ" ರೂಮಿನಿಂದ ಹೊರಗೆ ಹೋದವಳು ಪೂಜಾಳ ಕೋಣೆಗೆ ಹೋಗಿ  "ಪೂಜಾ, ನವೀನ್‌ ನಿನ್ನತ್ರ  ಪ್ರೇಮದಿಂದ ನಡ್ಡು ಕೊಂಡ್ನಾ?"ಅತ್ತಿಗೆಯ ಕೇಳಿಕೆಗೆ ಸಿಡಿದು ಬಿದ್ದವಳಂತೆ ಎದ್ದಳು.
+ತಕ್ಷಣ ಕೂತು ಮುಖ ಮುಚ್ಚಿಕೊಂಡು ಬಿಕ್ಕುವುದರ ಜೊತೆಗೆ ರಂಪಾಟ ಷುರು ಮಾಡಿದಾಗ ಉಳಿದ ಮೂವರು ರೂಮಿನೊಳಕ್ಕೆ ಬಂದರು.
+"ಏನಾಯ್ತು ?"ಮಗಳ ಪಕ್ಕದಲ್ಲಿ ಕೂತ ಯುಗಂಧರ್‌ “ಯಾಕೆ, ಸುಮ್ನೇ ಅವಳ್ನ ನೋಯಿಸ್ತಿ ?
+ಅವ್ಳ ಕಣ್ಣಲ್ಲಿ ನೀರು ಕಂಡರೇ ನಾನು ಬೆಂಕಿಯಾಗ್ಬಿಡ್ತೀನಿ.
+ಏನಾದ್ರೂ ಬುದ್ಧಿ ಹೇಳೋದು ಇದ್ದರೆ ನಿನ್ನಣ್ಣನಿಗೆ ಹೇಳು” ಸ್ವರವೇರಿಸಿದರು.
+ಮೊದಲ ಸಲ ಸೊಸೆಯ ವಿಷಯದಲ್ಲಿ ಒಂದೇ ದಿನ ಎರಡು ಬಾರಿ ಕೂಗಾಡಿದ್ದು ದಾಖಲೆಯೇ.
+ಮದುವೆಯಂದಿನಿಂದ ಬಹಳ ಪ್ರೀತಿಯಿಂದ ಕಂಡಿದ್ದರು.
+ಚಾರುಲತ, ಮೂರ್ತಿ ಇಬ್ಬರು ಆಟೋದಲ್ಲಿ ಬಂದು ಇಳಿದಾಗ ನಿಂಬೆ ಹಣ್ಣು ಹಚ್ಚಿ ಸೀಸೆಗೆ ಹಾಕುತ್ತಿದ್ದ ವಾಸುದೇವಯ್ಯ ಕೈಯೊರೆಸಿಕೊಂಡು ಬಾಗಿಲುತೆರೆದರು ನಗು ಮುಖದಿಂದ.
+"ಬನ್ನಿ. . . . ಬನ್ನಿ. . . . ಹೇಗಿದ್ದೀರಾ ?
+ನಾನೇ ಫೋನ್‌ ಮಾಡೋಣಾಂತ ಇದ್ದೆ" ಕೈಯ್ಕೊರ್ಸಿಕೊಂಡು ಅಲ್ಲೇ ಕೂತರು.
+ಸರಾಗವಾಗಿ ಮಾತಾಡುತ್ತಿದ್ದ ಮೂರ್ತಿ ಕೂಡ ಮಾತಾಡಲು ಚಡಪಡಿಸಬೇಕಾಯಿತು  "ನವೀನ್‌ ಎಷ್ಟೊತ್ತಿಗೆ ಬರ್ತಾನೆ?"ವಿಚಾರಿಸಿದ. 
+"ಇನ್ನೇನು ಬಂದ್ಬಿಡ್ತಾನೆ.
+ನೀರದ ಅಮ್ಮ ಆಸ್ಪತ್ರೆಯಲ್ಲಿ ಅಡ್ಮಿಟ್‌ ಆಗಿದ್ದಾರೆ.
+ಅವ್ರನ್ನ ನೋಡೋ ಸಲುವಾಗಿ ಹೋಗೋಣಾಂತ ಹೇಳಿ ಹೋಗಿದ್ದ" ಎಂದರು.
+ಮೂರ್ತಿಯ ಮುಖ ಮತ್ತಷ್ಟು ಬಿಗಿದುಕೊಂಡಿತು.
+ನೀರದ ವಿಷಯ ಬಂದಿದ್ದು ಅವನಿಗೆ ಇಷ್ಟವಾಗಲಿಲ್ಲ.
+ತೀರಾ ಸಂಬಂಧ ಪಡದ ಅವಳನ್ನೇ ದ್ವೇಷಿಸುವಂತಾಗಿತ್ತು.
+ಚಾರುಲತನೆ ಒಳಗೆ ಹೋಗಿ ಕಾಫಿ ಮಾಡಿ ತಂದಳು.
+ಕುಡಿ ನೋಟದಲ್ಲಿ ಅವಳ ತುಟಿಯ ಜೇನನ್ನ ಈರುತ್ತ ಕಾಫಿ ಕುಡಿಯುವ ಮೂರ್ತಿ ಇಂದು ಅತ್ತ ನೋಟ ಕೂಡ ಹರಿಸಲಿಲ್ಲ.
+"ಯಾವಾಗ ನಿಶ್ಚಿತಾರ್ಥ ಇಟ್ಟುಕೊಳ್ಳೋಣಾಂತ ಅಮ್ಮ ಕೇಳೋಕೆ ಕಳಿಸಿದ್ದು.
+ಪದೇ ಪದೇ ನಂಗೆ ರಜೆ ಸಿಗೋಲ್ಲ" ಉಪಾಯದಿಂದ ವಿಷಯ ಎತ್ತಿದಾಗ,ವಾಸುದೇವಯ್ಯ ಮಗಳ ಕಡೆ ನೋಡಿದರು.
+ಅವಳು ನಿರ್ಲಿಪ್ತಳಾಗಿದ್ದಳು.
+ಪೂರ್ತಿ ವಿಷಯ ತಿಳಿಸಿ ಅಳಿಯನ ನೆರವು ಕೇಳುವುದು ಅವರಿಗೂ ಸರಿಯೆನಿಸಿತು.
+ನೀರದ ಮನೆಯವರು ಎದುರು ಮನೆಗೆ ವಾಸಕ್ಕೆ ಬಂದಾಗಿನಿಂದ ಇಂದಿನವರೆಗಿನ ಎಲ್ಲಾ ಸಂಗತಿಯನ್ನ ತಿಳಿಸಿದರು.
+"ಆ ಹುಡ್ಗೀನೇ ನಾನು ಸೊಸೆ ಅಂದ್ಕೊಂಡಿದ್ದೀನಿ.
+ನವೀನ್‌ ಕೂಡ ಅವಳನ್ನೇ ವಿವಾಹವಾಗೋದೂಂತ ನಿಶ್ಚಯಿಸಿದ್ದಾನೆ.
+ಇದೇನು ಹೊಸತಲ್ಲ. 
+ಹಳೆಯದೇ  ನಿಮ್ತಂದೆ ಬಂದು ವಿಷ್ಯ ಪ್ರಸ್ತಾಪಿಸೋವರ್ಗೂ ನಮ್ಗೇ ಅಂತ ಕಲ್ಪನೆನೇ ಇದ್ದಿಲ್ಲ.
+ಎಂದೂ ತಮಾಷೆಗೂ ಕೂಡ ನವೀನ್‌ ನಿಮ್ಮ ತಂಗಿಯ ಪ್ರಸ್ತಾಪವೆತ್ತಿಲ್ಲ.
+ಇದಿಷ್ಟು ವಿಷ್ಯ.
+ನಮ್ಮ ನವೀನ್‌ನ ಫ್ರೆಂಡ್‌ ಒಬ್ರು ಇದ್ದಾನೆ.
+ಅವ್ನು ಓದಿರೋದು ಮೆಡಿಸಿನ್‌.
+ತುಂಬ ಅನ್ಕೂಲವಂತ ಜನ.
+ಆ ಸಂಬಂಧದ ಬಗ್ಗೆ ಮಾತಾಡೋಣಾಂತ ಇದ್ದೀನಿ."
+ವಾಸುದೇವಯ್ಯನ ಮಾತುಗಳನ್ನು ಕೇಳಿದ ಕೂಡಲೇ ಅವನ ಸಿಟ್ಟು ನೆತ್ತಿಗೇರಿತು.
+ವಿವೇಕ ಎಲ್ಲಿ ಸತ್ತಿತ್ತೋ, "ಅವ್ಳಿಗೆ ತುಂಬ ಜನ ಇದ್ದಾರೆ.
+ನಿಮ್ಗೇ ಗಂಡು ಹುಡ್ಕೋ ರಿಸ್ಕ್‌ ಬೇಡ"ಎಂದವನೇ ಹೊರಟೇ ಬಿಟ್ಟ.
+ಅಪ್ಪ, ಮಗಳು ಹಿಂದೆಯೇ ಬಂದರು.
+ಅವನು ಆಟೋ ಏರಿ ಕಣ್ಮರೆಯಾಗಿ ಬಿಟ್ಟ.
+ಆರಾಮಾಗಿ ತೇಲುತ್ತಿದ್ದ ಅವಳ ದಾಂಪತ್ಯದ ದೋಣಿ ಆಕಸ್ಮಿಕ ಬಿರುಗಾಳಿಗೆ ತುತ್ತಾಗಿತ್ತು.
+ಅದರ ಭವಿಷ್ಯವೇನು ?
+ಇದು ತೀರಾ ತಾತ್ಕಾಲಿಕ, ಆಮೇಲೆ ನಿಧಾನವಾಗಿಯಾದರೂ ನಾರ್ಮಲ್‌ ಸ್ಥಿತಿಗೆ ಬರುತ್ತದೆಯೆಂದು ಸಮಾಧಾನಪಟ್ಟುಕೊಂಡಳು, ಅದು ಅಗತ್ಯವಾಗಿತ್ತು ಅವಳು ಇರುವ ಸ್ಥಿತಿಯಲ್ಲಿ.
+ಯುಗಂಧರ್‌ ನಿರೀಕ್ಷೆ ತಲೆ ಕೆಳಗಾಗಿತ್ತು.
+ತೀರಾ ಮೃದುವಾಗಿರುವ ವಾಸುದೇವಯ್ಯ ಇಷ್ಟು ಗಟ್ಟಿಯಾಗಿ ನಿಲ್ಲುತ್ತಾನೆಂದು ಕೊಂಡಿರಲಿಲ್ಲ ಇದು ತೀರಾ ಅಹಂಕಾರವಾಗಿ ಕಂಡಿತು.
+“ನೋಡಿದ್ಯಾ, ಹಸುವಿನಂಥ ಜನ ಅಂದೇ.
+ಈಗ ಅನುಭವಿಸು” ಹೆಂಡತಿಯ ಕಡೆ ತಿರುಗಿ ಅಂದರು.
+ಜೋರು ಮನುಷ್ಯನ ಮುಂದೆ ವಿಧೇಯಳೇ “ಸುಮ್ನೇ ಯಾಕೆ ಇಲ್ದ ಪಂಚಾಯಿತಿ ?
+ನಮ್ಮ ಪೂಜಾಗೆ ಇದ್ಕಿಂತ ಒಳ್ಳೆ  ಸಂಬಂಧ ಸಿಗುತ್ತೆ” ಆಕೆಯ ಸಲಹೆ ಮೂರ್ತಿಗೂ ಸರಿಯೆನಿಸಿತು.
+“ಹಾಗೇ ಮಾಡೋಣ,ನಾವು ಮನಸ್ಸು ಮಾಡಿದ್ರೆ ಹದಿನೈದು ದಿನದೊಳ್ಗೇ ಪೂಜಾ ಮದ್ವೆ ಮಾಡ್ಬಹುದು.
+ನವೀನ್‌ ಡಾಕ್ಟ್ರು ಅನ್ನೋದೊಂದ್ಬಿಟ್ಟರೇ ಮತ್ತೇನಿದೇ ಅವ್ರಿಗೆ ?
+ನಾವೇ ತುಂಬರಿಸ್ಕ್‌  ತಗೋಬೇಕಾಗುತ್ತೆ."
+ಅಣ್ಣನ ಮಾತುಗಳಿಗೆ ಕೂತಿದ್ದ ಪೂಜಾ ದಿಢೀರನೆ ಎದ್ದು ಹೋದಳು.
+ಮೃಣಾಲಿನಿ ನಿಟ್ಟುಸಿರು ದಬ್ಬಿದರು.
+"ಪಾರ್ಕ್‌, ಸಿನಿಮಾಂತ ಜೊತೆಯಲ್ಲಿ ತಿರುಗಿದ್ದಾರೆ.
+ಅದೇ ಪ್ರೇಮಾಂತ ಬಡಬಡಿಕೆ.
+ಅವ್ಳ ಸ್ವಭಾವ ನಿಂಗೆ ಗೊತ್ತೇ ಇದೆ.
+ಮೊದ್ದಿನಿಂದ್ಲೂ ಹಟವೇ.
+ಕೇಳಿದ್ದು ಕೊಡಿಸ್ಸಿಲ್ಲಾಂತ ಹತ್ತು ವರ್ಷದ ಹುಡ್ಗಿಯಾಗಿದ್ದಾಗ್ಲೇ, ಮನೆ ಬಿಟ್ಟೋಗಿ ನಮ್ಮನ್ನ ಕಂಗಾಲು ಮಾಡಿದ್ದು.
+ಈಗ್ಲೂ ಅದೇ. . . . . ಭಯ" ನೆನಪಿಸಿಕೊಂಡರು ಮೃಣಾಲಿನಿ.
+ಅದು ಮೂರ್ತಿಗೆ ತಿಳಿಯದ್ದೇನಲ್ಲ.
+ಈಗಲೂ ಅವಳು ಹಿಡಿದಿದ್ದೇ ಹಟ.
+ಅತಿಯಾದ ಮುದ್ದಿನ ಪ್ರಭಾವವೋ !ಅವನಿಗೂ ಭಯವೇ.
+ಅವಳೇನಾದರೂ ಹೆಚ್ಚುಕಡಿಮೆ ಮಾಡಿಕೊಂಡರೇ ಸುಖವೆನ್ನುವುದೇ ಮರೀಚಿಕೆಯಾಗಿ ಬಿಡುತ್ತದೆ.
+ಎಂದೂ ತಾಯ್ರಂದೆ ಕ್ಷಮಿಸರು.
+ಅದಕ್ಕೆ ಪೂರ್ತಿ ಚಾರುಲತ ಕಾರಣಳಾಗಿ ಬಿಡುತ್ತಾಳೆ.
+ಇಂಥ ಯೋಚನೆಗಳಿಂದ ಕಂಗೆಟ್ಟ.
+"ಈಗೇನ್ಮಾಡೋದು ?" ತಂದೆಯನ್ನ ಕೇಳಿದವನು ಅವರ ಉತ್ತರಕ್ಕೂ ಕಾಯದೆ ತಂಗಿಯನ್ನರಸಿಕೊಂಡು ಹೋದ ರೂಮಿಗೆ.
+ದಿಂಬಿನಲ್ಲಿ ಮುಖವನ್ನ ಹುದುಗಿಸಿ ಅಳುತ್ತಿದ್ದ ಪೂಜಾನ ನೋಡಿ ಅವನ ಕರುಳು ಕಿತ್ತು ಬಂತು.
+"ಪೂಜಾಸಮಾಧಾನ ಮಾಡ್ಕೋ.
+ನವೀನ್‌ಗಿಂತ ಒಳ್ಳೆ ಗಂಡುನ ಹುಡ್ಕೀ ತರ್ತಿನಿ.
+ನಿಂಗೆ ಅವ್ನು ಜುಜುಬಿಯೇ"ಓಲೈಸಿದ.
+ಅವಳ ಅಳು ಕಮ್ಮಿಯಾಗಲಿಲ್ಲ.
+“ನಾನು ನವೀನ್‌ ಬಿಟ್ಟು ಬೇರೆಯವ್ರನ್ನ ಮದ್ವೆಯಾಗೋಲ್ಲ” ಘೋಷಿಸಿದಳು.
+ಕೆನ್ನೆಗೆ ಬಾರಿಸಿ ಬಿಡಬೇಕೆನಿಸಿತು.
+"ಬೇಡ ಬಿಡು, ಎಜುಕೇಷನ್‌ ಮುಂದುವರೆಸು ರೇಗಿದ."
+ಕೆಲವು ನಿಮಿಷಗಳಲ್ಲಿ ಮೆತ್ತಗಾದ.
+ಬೇಗ ಎಮೋಷಸನ್‌ಗೆ ಒಳಗಾಗುತ್ತಿದ್ದ ಅವಳ ತಲೆಯಲ್ಲಿ ಸದಾ ಆತ್ಮಹತ್ಯೆಯ ಯೋಚನೆಗಳು ಇರುತ್ತದೆಯೆಂದು ಅವನಿಗೆ ಗೊತ್ತು.
+ಎದೆಗಾನಿಸಿಕೊಂಡು ಕಣ್ಣೀರು ತೊಡೆದ “ನವೀನ್‌, ನೀರದ ನನ್ನ ವಿವಾಹದಲ್ಲಿ ಜೊತೆ ಜೊತೆಯಾಗಿ ಓಡಾಡ್ತಾ ಇದ್ದಿದ್ನ ನೋಡಿದ್ದಿ.
+ಅವರಿಬ್ರೂ ಇಷ್ಟ ಪಟ್ಟದ್ದಾರಂತೆ.
+ಈಗ ನಾವೇನು ಮಾಡೋಕೆ ಸಾಧ್ಯ ?" ಅನುನಯಿಸಿದ.
+“ಇಲ್ಲ, ಎಲ್ಲಾ ಸುಳ್ಳು !
+ನವೀನ್‌ ನನ್ನ ಪ್ರೀತಿಸೋದು.
+ನೀರದ ಬಡತನ,ಅವ್ರ ಅಮ್ಮನಿಗೆ ಮಾಡ್ದ ಕೃತಜ್ಞತೆಯ ಉರುಳಲ್ಲಿ ಸಿಕ್ಕಿ ಬಿದ್ದಿದ್ದಾನೆ.
+ನೀನು ಮನಸ್ಸು ಮಾಡ್ಬೇಕಣ್ಣ” ಎಲ್ಲ ಭಾರ ಅವನ ಮೇಲೆ ಹಾಕಿ ಕಣ್ಣೀರು ಸುರಿಸಿದಾಗ ನಿರ್ಧಾರಕ್ಕೆ ಬಂದ ಮೂರ್ತಿ “ಆಯ್ತು, ನೀನು ಅಳೋದು ಅಂಥದೆಲ್ಲ ಮಾಡ್ಬೇಡ"ತಲೆ ಸವರಿ ಹೊರಗೆ ಬಂದ.
+ಮೃಣಾಲಿನಿ, ಯುಗಂಧರ್‌ ದಿಕ್ಕು ತೋಚದವರಂತೆ ಕೂತಿದ್ದರು.
+"ನೀನು ಸ್ವಲ್ಪ ಬಿಗಿಯಾಗಿದ್ದರೇ ಅವರುಗಳು ಬಗ್ಗುತ್ತಾರೆ"ಮಗನಿಗೆ ಸಲಹೆಕೊಟ್ಟ ಯುಗಂಧರ್‌  "ನೀನೇ ಒಂದ್ಲಲ ನವೀನ್‌ ಹತ್ರ ಮಾತಾಡು.
+ಅವ್ನಿಗೆ ಏನಾದ್ರೂ ಸಮಸ್ಯೆ ಇದ್ದರೇ ಬಗೆ ಹರಿಸೋಣ.
+ಆ ಹುಡ್ಗೀ ವಿವಾಹಕ್ಕೂ ಒಂದಿಷ್ಟು ಹಣ, ಕಾಸಿನ ಸಹಾಯ ಮಾಡೋಣ" ಧಾರಾಳತನ ತೋರಿದರು.
+ರಾತ್ರಿ ನಿದ್ದೆ ಬರದೇ ಬಹಳ ಹೊತ್ತು ಒದ್ದಾಡಿದ.
+ಎರಡು ಸಲ ಚಾರುಲತಯಿಂದ ಫೋನ್‌ ಬಂದಾಗ, ಸುಮ್ಮನೆ ಇಟ್ಟ.
+ಮೂರನೆ ಸಲ ಮೃಣಾಲಿನಿ "ಅವ್ನು ಮಲ್ಗಿ ಬಿಟ್ಟಿದ್ದಾನೆ" ಎಂದರು.
+"ಊಟ ಆಯ್ತ, ಅತ್ತೆ” ವಿಚಾರಿಸಿದಳು.
+"ಯಾರ್ಗೂ ಹಸಿವಿಲ್ಲಾಂದ್ರು"ಫೋನಿಟ್ಟೇ ಬಿಟ್ಟರು ಆಕೆ.
+ಅವಳಿಗೆ ಸ್ವಲ್ಪ ಬಿಸಿ ತಾಕಲಿಯೆನ್ನುವ ಉದ್ದೇಶವೇ ಆಕೆಯದು.
+ತಂಗಿಯ ಅಳು, ಮಾತಿಗೆ ಮಾತ್ರ ನವೀನ್‌ ಒಪ್ಪಬಹುದು, ಒಪ್ಪಬೇಕು ಎನ್ನುವ ನಿರ್ಧಾರಕ್ಕೆ ಬಂದಿದ್ದರು.
+ಮಗನ ರೂಮಿನಲ್ಲಿ ಬಂದು ಕೂತ ಮೃಣಾಲಿನಿ  "ಚಾರುಲತದು ಫೋನ್‌.
+ಅವ್ಳ ಮೇಲೇನು ನಮ್ಗೇ ಕೋಪ ಇದ್ದಿಲ್ಲ.
+ಸೊಸೆನ ಮಗ್ಳೂಂತ ತಿಳಿದೆ.
+ಅವ್ಳು ಅದ್ನ ತಿಳ್ಕೋಬೇಕು.
+ಸ್ವಲ್ಪ ನಮ್ಮ ಪರವಹಿಸಿ ನಾಲ್ಕು ಮಾತು ಆಡಲಿ.
+ನಾದಿನಿಗಾಗಿ ಅಷ್ಟು ಮಾಡಲಾರಳ ?
+ಮಾಡ್ಬೇಕೂ, ನೀನು ಸ್ವಲ್ಪ ಗಟ್ಟಿಯಾಗಿ ಹೇಳು.
+ಇಲ್ಲದಿದ್ದರೇ, ಈ ಹಟದ ಹುಡ್ಗಿನ ನಾವು ಕಳಕೋ ಬೇಕಾಗುತ್ತೆ" ಆಕೆ ಅಳಲು ಷುರು ಮಾಡಿದರು.
+ಮಲಗಿದ್ದ ಮೂರ್ತಿ ಎದ್ದು ಕೂತ "ಯಾಕಮ್ಮ ಅಳ್ತೀಯಾ ? ಖಂಡಿತ ಒಪ್ಪಿಸ್ತಾಳೆ. 
+ಇಲ್ಲದಿದ್ದರೇ ಮುಂದೆ ಜೀವ್ನ ಪೂರ್ತಿ ನರಳ ಬೇಕಾಗುತ್ತೆ" ಹಲ್ಮುಡಿಯನ್ನ ಕಚ್ಚಿಡಿದು ಉಸುರಿದ.
+ಹಿಂದೆಯೇ ಬಂದು ನಿಂತಿದ್ದ ಯುಗಂಧರ್‌ ತಮ್ಮದೊಂದು ಮಾತು ಸೇರಿಸಿದರು.
+"ನವೀನ್‌, ಚಾರುಲತ ಅಣ್ಣ ಅನ್ನೋ ಕಾರಣಕ್ಕೇನೇ ನಾವು ಆತ್ಮೀಯತೆಯಿಂದ ನೋಡ್ತಾ ಇದ್ದಿದ್ದು.
+ಆದರೆ ಎಂದೂ ಪೂಜಾನ ಅವ್ಲಿಗೆ ಕೊಡೋ ಉದ್ದೇಶವಿದ್ದಿಲ್ಲ.
+ಪೂಜಾ ತಿಳಿಸಿದಾಗ ಮೊದ್ಲು ಬೇಸರವಾದರೂ ಆಮೇಲೆ ಸಂತೋಷಿಸಿದ್ದಿ.
+ನಮ್ಗೇ ಇನ್ಮೇಲೆ ಇಬ್ರೂ ಗಂಡು ಮಕ್ಳು.
+ವಾಸುದೇವಯ್ಯನ್ನ ಕೂಡ ನಮ್ಮಲ್ಲಿ ಒಬ್ಬಾಂತ ತಿಳ್ಹೆ."
+ತಂದೆಯ ಮಾತುಗಳನ್ನ ಮೂರ್ತಿ ಸಾವಧಾನದಿಂದ ಕೇಳಿದ.
+ಅವನಿಗೆ ತನ್ನ ಜವಾಬ್ದಾರಿಯ ಅರಿವಾಯಿತು.
+ದಕ್ಷತೆಯಿಂದ ಪ್ರಾಮಾಣಿಕತೆಯಿಂದ ನಿರ್ವಹಿಸುವ ತೀರ್ಮಾನ ಮಾಡಿದ.
+"ಸುಮ್ನೇ ವರಿ ಮಾಡಿ ಕೊಳ್ಳೋದ್ಬೇಡ.
+ನಾನು ಬೆಳಿಗ್ಗೆ  ನವೀನ್‌ನ ಮೀಟ್‌  ಮಾಡ್ತೀನಿ" ತುಂಬು ಭರವಸೆಯನ್ನ ನೀಡಿದ.
+ಆಮೇಲೆ ಮೂರ್ತಿಗೆ ನಿದ್ದೆ ಬರಲಿಲ್ಲ.
+ಬಂದಾಗಲೆಲ್ಲ ಓಡಿಯಾಡುತ್ತಿದ್ದ ನೀರದಾನ ನೋಡಿದ್ದ.
+ಅಂಥ ಪ್ರಜ್ವಲ ಬೆಳಕಿನ ಹುಡುಗಿಯಲ್ಲ.
+ಸುಮಾರಾದ ಬಣ್ಣ, ಕಣ್ಣು ಮೂಗು ತಿದ್ದಿದಂತಿತ್ತು.
+ಆದರೆ ಪೂಜಾಳಿಗೆ ಹೊಲಿಸಲು ಸಾಧ್ಯವಿರಲಿಲ್ಲ.
+ಹತ್ತು ಜನರಲ್ಲಿ ನಿಲ್ಲಿಸಿದರೂ ಅವಳು ಚೆಲುವೆಯೇ.
+ಬೆಳಿಗ್ಗೆ ಇವನು ಸ್ನಾನ ಮುಗಿಸುವ ವೇಳೆಗೆ ಎರಡು ಸಲ ಚಾರುಲತಯಿಂದ ಫೋನ್‌ ಬಂದಿತ್ತು.
+ಮೂರನೆ ಸಲ ಆ ಕಡೆ ಇದ್ದವನು ನವೀನ್‌ "ಮಾರಾಯಾ,ಚಾರು ರಾತ್ರಿ ಕೂಡ ಊಟ ಮಾಡ್ಲಿಲ್ಲ.
+ಈಗ್ಲೂ ತಿಂಡಿ ತಿನ್ಹೇ ಉಪವಾಸ ಮಾಡ್ಬಿಡ್ತಾಳೆ.
+ಆಂಟಿ, ಅಂಕಲ್‌ ಕ್ಷಮೆ ಕೇಳ್ತೀನಿ.
+ಎಲ್ಲರೂ ಕೂಡಿಯೇ ಬನ್ನಿ"ಪ್ರೀತಿಯ ಆಹ್ವಾನ ನೀಡಿದ.
+ನಿಷ್ಕರ್ಷೆಯ ಹಂತಕ್ಕೆ  ಬರುವವರೆಗೂ ಬಿಗುವು ಸಡಿಲವಾಗದು “ನಾನು ಈಗ  ಬರ್ತಾ ಇದ್ದೀನಿ.
+ನವೀನ್‌, ನೀನು ಮನೆಯಲ್ಲೇ ಇರು” ಹೇಳಿ ಇಟ್ಟ ಫೋನ್‌.
+ರೂಮಿಗೆ  ಬಂದು ತಂಗಿಯ ಕೆನ್ನೆ ತಟ್ಟಿ "ನೀನು ಬರ್ತೀಯಾ, ನವೀನ್‌ನಿಂದ ಫೋನ್‌ ಬಂದಿತ್ತು" ಎಂದ ಕೂಡಲೇ ಅವಳ ಕಣ್ಣಲ್ಲಿ ನೀರು ತುಂಬಿಕೊಂಡಿತು "ಒಂದ್ಸಲ ಆಹ್ವಾನ ಕೊಟ್ಟರೇ, ಹಾರಿ ಹೋಗ್ಬಲ್ಲೆ.
+ನಮಿಬ್ರ ನಡ್ವೇ ನೀರದ ಇದ್ದಾಳೆ.
+ಅವ್ಳನ ನೀನು ಅತ್ತಗೆ ಸರಿಸ್ಟೇಕು"ಕಣ್ಣೀರಿಟ್ಟಳು.
+"ಆಯ್ತು" ಹೊರಗೆ ಬಂದ ಕೂಡಲೇ ಯುಗಂಧರ್‌ "ಸರ್ಯಾಗಿ ಹೇಳು,ಮುಂದೆ  ಪಶ್ಚಾತಾಪ ಪಡ್ಬೇಕಾಗುತ್ತೆ.
+ಅಂತು ನಿನ್ನ ತಂಗಿ ವಿವಾಹಕ್ಕೆ ಇದೊಂದು ಸಹಾಯ ಕೇಳ್ತಾ ಇದ್ದೀನಿ, ತಂದೆಯಾಗಿ" ಅವರ ಗಂಟಲು ಒದ್ದೆಯಾದ ಕೂಡಲೇಮೂರ್ತಿ ಎಕ್ಕ್ಸಟ್‌ ಆದ.
+ಎರಡು ಕೈಗಳನ್ನು ಹಿಡಿದುಕೊಂಡು "ನೀವೇನುಯೋಚ್ನೆ ಮಾಡ್ಬೇಡಿ.
+ಇಷ್ಟು ಮಾಡದಿದ್ದರೇ ನಾನು ಎಂಥ ಅಣ್ಣ"ತುಂಬು ಭರವಸೆ ನೀಡಿ ಹೊರಟ.
+ಇದು ತೀರಾ ಸಾಧಾರಣ ವಿಷಯವೇ.
+ಅದನ್ನು ರಾಡಿ ಮಾಡುತ್ತಿರುವುದು ನವೀನ್‌.
+ಅವನ ಸಪೋರ್ಟಿಗೆ ನಿಂತವರು ವಾಸುದೇವಯ್ಕ.
+ಹಿರಿಯರಾದ ಅವರಿಗೂ ಬುದ್ಧಿ ಇಲ್ಲ - ಹಲ್ಲು ಕಡಿದ.
+ತಂದೆಯ  ಪ್ರಿಮಿಯರ್‌  ಪದ್ಮಿನಿ ಏರಿದ.
+ಅವನೆಂದು ಇದನ್ನು ಉಪಯೋಗಿಸುತ್ತಿರಲಿಲ್ಲ.
+ಓದುತ್ತಿದ್ದಾಗ ಕೂಡ ಸ್ಕೂಟರ್‌ ಇತ್ತು, ಅದೇ ಅವನ ವಾಹನ.
+ಅದನ್ನ ಕೆಲಸ ಸಿಕ್ಕ ಮೇಲೆ ಅಲ್ಲಿಗೊಯ್ದಿದ್ದ.
+ಕಾರು ನಿಂತ ಕೂಡಲೇ ನವೀನ್‌ ತಾನೇ ಬಂದು ಬರ ಮಾಡಿಕೊಂಡ.
+ಆದರೆ ಮೂರ್ತಿ ಎಂದಿನಂತಿರಲಿಲ್ಲ.
+ಬಾಗಿಲಲ್ಲಿ ನಿಂತೇ ಗಮನಿಸಿದಳು.
+“ನಿಮ್ಮ ಶ್ರೀಮತಿಯವ್ರು ರಾತ್ರಿ ಪೂರ್ತಿ ಉಪವಾಸ ಮಹರಾಯ, ಇಷ್ಟೊಂದು ಹಚ್ಕೊಂಡ್‌ ಬಿಟ್ಟರೇ ಗತಿಯೇನು ?” ತಮಾಷೆಯಾಡಿದ.
+ಆಮೇಲೆ ಸ್ವಲ್ಪ ಹಗುರವಾಗಿಯು ಮಾತಾಡಿದ.
+ನಗು ನಗುತ್ತ ವಾಸುದೇವಯ್ಯ ಹಾಕಿ ಕೊಟ್ಟ ಬೆಣ್ಣೆ ಮಸಾಲೆದೋಸೆ ನಗು ನಗುತ್ತ ತಿಂದ ಕ್ಷಣಗಳು ಅಮೂಲ್ಯವೇ.
+ಕಾಫಿ ಕುಡಿಯುವ ವೇಳೆಗೆ ನೀರದ ಅವಳತ್ತಿಗೆ ಮಾಡಿದ ಗುಲ್‌ ಪಾವಟೆಯನ್ನ ಮುಚ್ಚಿಕೊಂಡು ತಂದಳು "ಆಗ್ಲೇ ತಿಂಡಿ ಆಗಿ ಹೋಯ್ತಾ?
+ಒಂದಿಷ್ಟು ಸ್ವೀಟ್‌ನ ರುಚಿ ನೋಡಿ"ತಟ್ಟೆಗಳಲ್ಲಿ ಹಾಕಿಕೊಂಡು ತಂದಳು.
+“ಬೇಡ” ನಿರಾಕರಿಸಿದ ಮೂರ್ತಿ.
+ಅವನ ಮುಖದ ಬಣ್ಣ ಪೂರ್ತಿಯಾಗಿ ಬದಲಾದದ್ದು ಅಣ್ಣ, ತಂಗಿಯ ಅರಿವಿಗೆ ಬಂತು.
+ನವೀನ್‌ ನೊಂದ.
+ಹೇಗೆ ಸಂತೈಯಿಸುವುದು ? "ಸ್ವಲ್ಪ. . . . ಬಾ" ರೂಮಿಗೆ ಎದ್ದು ಹೋದ ಮೂರ್ತಿ.
+ಚಾರುಲತ ಹಿಂಬಾಲಿಸಿದಳು.
+ಯಾಕೋ, ಏನೋ ಅಣ್ಣನ ಮೇಲೆ ಕನಿಷ್ಟ ಒತ್ತಾಯವೇರಲು ಅವಳಿಗೆ ಇಷ್ಟವಾಗಲಿಲ್ಲ.
+ಮುಂದೇನು ?
+“ನಂಗೂ ರಜ ಇಲ್ಲ, ನಿಶ್ಚಿತಾರ್ಥ ಮುಗ್ಗಿಕೊಂಡೇ ಹೋಗ್ಬೇಕು ವಿಚಾರಿಸಿದ್ಯಾ?" ಕೇಳಿದ.
+ಅವನ ಕಿರಿದಾದ ಕಣ್ಣುಗಳನ್ನು ಎದುರಿಸಲು ಅವಳ ಅಗಲವಾದ ಕಪ್ಪು ಕಣ್ಣುಗಳು ಅಸಮರ್ಥವಾದವು.
+“ಹೇಗೆ ವಿಚಾರಿಸ್ಲಿ?ಆ ಮನೆಯವು ಈ ಮನೆಯವು ಕೂಡಿ ಲಗ್ನದ ಡೇಟ್‌ ಫಿಕ್ಸ್‌ ಮಾಡೊಂಡಿದ್ದಾರೆ."
+ಮಡದಿಯ ಮಾತಿಗೆ ಉರಿದು ಬಿದ್ದ ಮೂರ್ತಿ.
+"ಬರೀ ಡೇಟ್‌ ತಾನೇ ಫಿಕ್ಸ್‌ ಆಗಿರೋದು, ಮದ್ವೆ ಆಗಿ ಹೋಗಿಲ್ವಲ್ಲ.
+ನವೀನ್‌ನ ನಿರ್ಣಯ ಬದಲಾಯ್ಸಿಕೊಳ್ಳೋಕೆ ಹೇಳು.
+ನಾನು ಅಪ್ಪನಿಗೆ, ಪೂಜಾಗೆ ಹಾಗೆಂದು ಭರವಸೆ ಕೊಟ್ಟು ಬಂದಿದ್ದೀನಿ."
+ಇನ್ನಷ್ಟು ಜೋರಾಗಿ ಅಳಿಯ ಸಿಡಿಯುವುದನ್ನ ನೋಡಿ ವಾಸುದೇವಯ್ಯ ಕೋಣೆ ಬಳಿಗೆ ಬಂದರು  “ದಯವಿಟ್ಟು ಕ್ಷಮ್ಸಿ ,ಗಂಡ - ಹೆಂಡತಿ ಮಧ್ಯದ ಮಾತಿನ ನಡ್ವೇ ತಲೆ ಹಾಕಾಬಾರದು.
+ಆದರೆ ವಿಷ್ಯ ನಿಮ್ಮಿಬ್ಬರಿಗೆ ಮಾತ್ರ ಸಂಬಂಧಿಸಿದ್ದಲ್ಲ.
+ಯಾಕೆ, ಇಷ್ಟೊಂದು ಹಟ ಮಾಡ್ತೀರಾ ?
+ಬಲವಂತದ ವಿವಾಹಗಳಿಂದ ಯಾರ್ಗೂ ಸುಖವಿಲ್ಲ” ಅರ್ಥ ಗರ್ಭಿತವಾಗಿ ಹೇಳಿದರು.
+ಅದನ್ನು ಅರಗಿಸಿಕೊಳ್ಳುವ ತಾಳ್ಮೆ ಮೂರ್ತಿಗೆ ಇರಲಿಲ್ಲ.
+ನೇರವಾಗಿ ಅವರತ್ತ ತಿರುಗಿದ.
+"ಪೂಜಾನ ನಿರಾಕರಿಸೋಕೆ ಕಾರಣವೇನು ? ನಮ್ಮಂದೆ ತಾಯಿ ನಿಮ್ಮ ಮನೆಗೆ ಬಂದು ಹೆಣ್ಣುನ ಕೊಡ್ತೀನೀಂದ್ರು" ನಿಲ್ಲಿಸಿದ.
+ವಾಸುದೇವಯ್ಯ ಮತ್ತೇನೋ ಹೇಳಲು ಹೊರಟಾಗ “ದಯವಿಟ್ಟು ಮತ್ತೇನು ಹೇಳ್ಬೇಡಿ.
+ಈ ಮದ್ವೆ  ಪಕ್ಕಾ  ಆಗ್ಲೇ ಬೇಕು.
+ಪೂಜಾ, ನವೀನನ್ನ ವಿವಾಹವಾಗ್ಬೇಕೂಂತ ಹಟ ಹಿಡಿದಿದ್ದಾಳೆ.
+ಅವ್ಳ ಜೊತೆ ನವೀನ್‌ ಓಡಾಡಿದ.
+ಇದು ನಮ್ಮ ಮಾನ,ಮರ್ಯಾದೆಯ ಪ್ರಶ್ನೆ” ಸಹನೆ ಕಳೆದುಕೊಂಡು ಕೂಗಾಡಿದ. 
+ಬಿಳುಚಿ ಕೊಂಡರು ವಾಸುದೇವಯ್ಯ. 
+ಮೂರ್ತಿ ಎಂದೂ ಹೆಣ್ಣು ಕೊಟ್ಟ ಮಾವನ ಎದುರು ದನಿಯೇರಿಸಿರಲಿಲ್ಲ.
+ಕಾಂಪೌಂಡ್‌ನಲ್ಲಿದ್ದ ನವೀನ್‌ ಒಳಕ್ಕೆ ಬಂದವನು ಮೂರ್ತಿಯ ಕೈಹಿಡಿದುಕೊಂಡು "ಬಿ ಕಾಮ್‌, ನೀನು ನನ್ನ ಸ್ಥಿತಿನ ಅರ್ಥ ಮಾಡಿಕೊಳ್ಳಬಲ್ಲೆ.
+ನಂಗೆಂದು ಪೂಜಾ ಬಗ್ಗೆ ಅಂಥ ಅಭಿಪ್ರಾಯ ಇರ್ಲಿಲ್ಲ.
+ಅಲ್ಲಿ ಇದ್ದಿದ್ದು ಬರೀ ಸ್ನೇಹ.
+ಈಗಾಗ್ಲೇ ನನ್ನ ಪ್ರೇಮ ಗಟ್ಟಿಯಾಗಿ ಹೋಗಿದ್ರಿಂದ. . . ಅಂಥ ಯಾವ್ದೇ ಉದ್ದೇಶ ನಂಗೆ ಇದ್ದಿಲ್ಲ" ಸ್ಪಷ್ಟಪಡಿಸಿದ.
+"ಇವೆಲ್ಲ ಕೇಳೋಕೆ ನಾನು ಸಿದ್ದವಿಲ್ಲ" ನುಡಿದ ಮೂರ್ತಿ.
+"ಇಂಥ ಒಂದು ಸಮಸ್ಯೆ ಉದ್ಭವವಾಗುತ್ತೇಂತ ತಿಳಿದಿದ್ದರೇ, ನಾನು ಪೂಜಾ ಮುಖ ನೋಡೋದು ಇರ್ಲಿ, ನಿಮ್ಮ ಮನೆ ಕಡೆ ತಿರ್ಗಿ ಕೂಡ ನೋಡ್ತಾ ಇದ್ದಿಲ್ಲ.
+ಅವ್ಳಿಗೆ ಬುದ್ಧಿ ಕಮ್ಮಿ ಇರಬಹುದು.
+ನೀವಾದ್ರೂ ಬುದ್ಧಿ ಹೇಳ್ಬೇಕಿತ್ತು " ಎಂದ ಕೂಡಲೇ ಮೂರ್ತಿ ತಾಳ್ಮೆ  ಕಳೆದುಕೊಂಡು ಅವನ ಕುತ್ತಿಗೆ ಪಟ್ಟಿಗೆ ಕೈ ಹಾಕಿದ.
+"ನಿನ್ತಂಗಿ ಈ ಮನೆ  ಸೊಸೆ.
+ಅವ್ಳು ಸುಖವಾಗಿರ ಬೇಕೂಂದರೇನಿನ್ನ ನಿರ್ಧಾರ ಬದಲಾಯ್ಸಿಕೊಂಡು ಪೂಜಾನ ವಿವಾಹವಾಗೋಕೆ ಒಪ್ಗೋಬೇಕು.
+ಕೀಪ್‌ ಇನ್‌ ಯುವರ್‌ ಮೈಂಡ್‌'" ಅಂದವನು ಕುತ್ತಿಗೆ ಪಟ್ಟೆ ಬಿಟ್ಟು ರಭಸವಾಗಿ ಹೋಗಿ ಕಾರಿನಲ್ಲಿ ಕೂತ.
+ಎರಡೇ ನಿಮಿಷದಲ್ಲಿ ಕಣ್ಮರೆಯಾಯಿತು.
+ಇಡೀ ಮನೆಯನ್ನ ನಿಶ್ಯಬ್ಧ ಆವರಿಸಿತು.
+ಮೂವರ ಉಸಿರಾಟ ಬಿಟ್ಟು ಮಿಕ್ಕಿದೆಲ್ಲ ಸ್ಥಬ್ಧ, ಮುಂದೇನು ?
+ಮುಂದೇನು ? ಮುಂದೇನು ?
+ಮೂವರ ಮುಂದೆ ಇದ್ದಿದ್ದು ಒಂದೇ ಪ್ರಶ್ನೆ.
+"ಈಗೇನ್ಮಾಡೋದು ?"ವಾಸುದೇವಯ್ಯ ಮಗನನ್ನ ಕೇಳಿದರು.
+"ನಾನೇನ್ಮಾಡ್ಗಿ ?ಇದೆಂಥ ಕೆಟ್ಟ ಹಟ.
+ಮನುಷ್ಯತ್ವವಿಲ್ಲದ ಜನ.
+ಸ್ವಲ್ಪನಾದ್ರೂ ಕಾಮನ್‌ಸೆನ್ಸ್‌ ಬೇಡ್ವಾ ?"ತಲೆಯ ಮೇಲೆ ಕೈಯೊತ್ತಾಗ ಚಾರುಲತ ಎದ್ದುಹೋದಳು.
+ಮುಂದೇನು ?ತಂದೆ, ಮಗ ಬಹಳ ಹೊತ್ತು ಮಾತಾಡಿದರು.
+ಒಮ್ಮೆ ಜೊತೆಯಾಗಿ ಯುಗಂಧರ್‌ನ ಕಂಡು ಮತ್ತೊಮ್ಮೆ ಪರಿಸ್ಥಿತಿ ವಿವರಿಸಿ ಕ್ಷಮೆ ಕೇಳುವುದೆಂದು ನಿರ್ಧರಿಸಿದರು.
+ಅಪ್ಪ, ಮಗ ಜೊತೆಯಾಗಿ ಹೊರಟು "ಚಾರು, ಹೋಗೋಣ ಬಾ.
+ಅನಗತ್ಯವಾಗಿ ನಿಂಗೆ ಶಿಕ್ಷೆ ಬೇಡ" ಎಂದರು ವಾಸುದೇವಯ್ಯ.
+"ಈಗ ಬೇಡಪ್ಪ !ಅನಗತ್ಯವಾಗಿ ಮಾತು ಬೆಳೆಯುತ್ತೆ.
+ಅವುಗಳು ಖಂಡಿತ ರಾಜಿಯಾಗೋಕೆ ಸಿದ್ಧವಿಲ್ಲ.
+ಬರೀ ಮಾತಿನ ಬೆಳವಣಿಗೆಯಿಂದ ಮತ್ತಷ್ಟು ಕಹಿಯಾಗುತ್ತೆ" ಅಂದು ತಡೆದಳು.
+"ನನ್ನ ಕುತ್ತಿಗೆ ಪಟ್ಟಿ ಹಿಡ್ದು ಎಳಕೊಂಡ್ಹೋಗಿ ತಾಳಿ ಕಟ್ಟಿಸ್ತಾರ ?ಮತ್ತೊಮ್ಮೆ ಹುಟ್ಟಿ ಬರ್ಬೆಕು" ಎಂದು ವಿವೇಕ ಕಳೆದುಕೊಂಡು ಕೂಗಾಡಿದ ನವೀನ್‌.
+ಕುತ್ತಿಗೆ ಪಟ್ಟಿ ಹಿಡಿದ ಮೂರ್ತಿನ ಕ್ಪಮಿಸುವುದು ಕಷ್ಟವೆನಿಸಿತು.
+"ಷ್ಯೂರ್‌, ಆ ಬಗ್ಗೆ ಯಾಕೆ ತಲೆ ಕೆಡಿಸ್ಕೋತೀಯಾ ?" ಉಸುರಿದಳು ಚಾರುಲತ.
+“ಹೌದೌದು, ನಿನ್ನ ಕುತ್ತಿಗೆ ಹಿಡಿದ್ರೆ ಇವ್ನು ಹೋಗಿ ತಾಳಿ ಕಟ್ಟಬೇಕಾಗುತ್ತೆ” ವಾಸುದೇವಯ್ಯನವರು ಸಂಕಟದಿಂದ ನುಡಿದರು.
+ಅವರಿಗೆ ದಿಗಿಲು ಆಗಿತ್ತು.
+ಈ ವಿಷಯದಿಂದ ಮಗಳ ಸುಖೀ ದಾಂಪತ್ಯ ಛಿದ್ರವಾಗುವುದು ಅವರಿಗೆ ಸಮ್ಮತವಿಲ್ಲ.
+"ಅಷ್ಟೊಂದು ಸುಲಭವಲ್ಲ !ಮೂರ್ತಿಗೆ ಚಾರು ಅಂದರೇ ಪ್ರಾಣ.
+ಇದು ಬರೀ ತಾತ್ಕಾಲಿಕ ಕೋಪ ಅಷ್ಟೆ" ಉಸುರಿ ಎದ್ದು ಹೋದ.
+ಮಗಳ ಮುಂದೆ ವಾಸುದೇವಯ್ಯನಿಗೆ ತಲೆ ಎತ್ತುವುದಾಗಲಿಲ್ಲ.
+ಅರ್ಥ ಮಾಡಿಕೊಂಡವಳಂತೆ ತಂದೆಯ ಬಳಿ ಬಂದು ಕೂತು.
+"ಇವೆಲ್ಲ ಆವೇಶದ್ದು, ಬಿಡಪ್ಪ.
+ಅವ್ರೇ ಅರ್ಥ ಮಾಡ್ಕೋತಾರೆ.
+ಹೇಗೂ ಆಗೋಲ್ಲಾಂತ ತಿಳಿದ್ಮೇಲೆ. . . ಬೇರೆ ಗಂಡು ನೋಡ್ತಾರೆ.
+ಸಾಕಷ್ಟು ಸಂಬಂಧಗಳು ಅವ್ರ ಲಿಸ್ಟ್‌ನಲ್ಲಿದೆ.
+ಚೆಲುವೆ, ಲಕ್ಷಾಂತರ ಬಾಳುವ ಮನೆಯನ್ನ ಅಳಿಯನಿಗೆ ಉಡುಗೊರೆಯಾಗಿ ನೀಡಲು ಸಿದ್ಧವಾಗಿದ್ದಾರೆ.
+ನೀನು ಸುಮ್ನೇ ತಲೆಕೆಡಿಸ್ಕೋಬೇಡ" ತಂದೆಯನ್ನು ತಾನೇ ಸಂತೈಯಿಸಿದಳು.
+ಈ ವಯಸ್ಸಿನಲ್ಲಿ ಅವರ ನೆಮ್ಮದಿ ಹಾಳಾಗುವುದು ಅವಳಿಗೆ ಸುತರಾಂ ಇಷ್ಟವಿಲ್ಲ.
+ಅಲ್ಲಿನ ಫೋನ್‌ ನಂಬರ್‌ಗಳನ್ನ ಒತ್ತಿದಳು.
+ಫೋನೆತ್ತಿದ್ದು ಮೂರ್ತಿಯೇ  "ಸಾರಿ ಚಾರು, ನವೀನ್‌ ಪೂಜಾನ ಒಪ್ಪಿಕೊಳ್ಳಲೇಬೇಕು.
+ಬೇರೆ ದಾರಿನೇಇಲ್ಲ.
+ಇಲ್ಲದಿದ್ದರೇ ಅವ್ಳು ಆತ್ಮಹತ್ಯೆ ಮಾಡ್ಕೋತಾಳೆ.
+ಆಮೇಲೆ ನಾವು ಸುಖವಾಗಿರೋಕೆ ಸಾಧ್ಯನಾ ?
+ನೀನು ರಿಸ್ಕ್‌ ತಗೋಬೇಕು" ಎಂದ.
+ಅವಳ ಕಣ್ಣಾಲಿಗಳಲ್ಲಿ ನೀರು ತುಂಬಿತು.
+ಬಿಕ್ಕಿ ಬಿಕ್ಕಿ ಅಳಲೇ.
+ಮೂರ್ತಿಯ ಎದೆಯಾಸರೆಯಲ್ಲಿ ಕಣ್ಣೀರು ಸುರಿಸ ಬೇಕೆನಿಸಿತು.
+"ಮಾತಾಡು ಚಾರು" ಎಂದ ಮೇಲೆ 'ಹಾ' ಎಂದಿದ್ದು.
+“ಪ್ಲೀಸ್‌ ನಂಗೆ ನಿಮ್ಮನ್ನ ಬಿಟ್ಟಿರೋಕೆ ಆಗೋಲ್ಲ.
+ನಮ್ಮಗಳ ಅವಿವೇಕದಿಂದ ಇಬ್ರೂ ಹೆಣ್ಣುಗಳ  ಜೀವ್ನ ಹಾಳಾಗುತ್ತೆ.
+ನೀರದ ಕೂಡ ನವೀನ್‌ ಇಲ್ದೇ ಬದ್ಕಲಾರಳು.
+ಅವರಿಬ್ರ ಪ್ರೇಮ, ಪ್ರೀತಿ ಸಂಬಂಧದಲ್ಲಿ ಮಾತ್ರವಲ್ಲ ಸುತ್ತಮುತ್ತಲೆಲ್ಲ ಡಣಾ ಡಂಗೂರವಾಗಿದೆ.
+ಸಮಾಜಕ್ಕೆ ತುಂಬ ಹೆದರೋ ಜನ.
+ಇಡೀ ಕುಟುಂಬದ ಹಾಳಾಗುವಿಕೆಗೆ ನಾವು ಕಾರಣರಾಗ್ಬಿಡ್ತೀವಿ” ಹೇಳಿದಳು.
+“ನಂಗೆ ಈ ಪುರಾಣ ಬೇಡ.
+ನಿನ್ನ ಭವಿಷ್ಯನ ದೃಷ್ಟಿಯಲ್ಲಿ ಇಟ್ಕಂಡ್ ಪ್ರಯತ್ನ ಮಾಡು.
+ಹೆದರಿಸು, ಬೆದರಿಸು, ನಾಳೆ ಡೈವೋರ್ಸ್‌ ಆಗುತ್ತೇಂತ ಹೇಳು.
+ತಾನಾಗಿ ಮೆತ್ತಗಾಗ್ತಾನೆ" ಉಪಾಯ ಹೇಳಿಕೊಟ್ಟ.
+ಚಾರುಲತ ನಡುಗಿ ಹೋದಳು.
+'ಡೈವೋರ್ಸ್‌' ಮದುವೆಯಾಗಿ ವರ್ಷ ತುಂಬದ ಮುನ್ನವೇ ಈ ಪದದ ಪಯೋಗ.
+"ಫೋನ್‌ ಇಡ್ಲಾ ?" ಕೇಳಿದಳು.
+“ಎಷ್ಟೊಂದು ಅಹಂಕಾರ !ಎಚ್ಚರಿಕೆ ಅಲ್ಲ, ಸತ್ಯವಾಗಿ ಬಿಡುತ್ತೆ.
+ಜೀವನಪೂರ್ತಿ ನೋಯ್ತೀಯಾ !ಇದೆಲ್ಲ ನಿನ್ನ ಮನಸ್ಸಿನಲ್ಲಿ ಇರ್ಲಿ.
+ನಾಳೆ ಬೆಳಿಗ್ಗೆ ಪಾಸಿಟಿವ್‌ ಆನ್ಸರ್‌ ನಿರೀಕ್ಷಿಸ್ತೀನಿ.
+ಆಲ್‌ ದಿ ಬೆಸ್ಟ್‌” ಫೋನಿಟ್ಟೆ ಬಿಟ್ಟ.
+ಅವಳು ಹಿಡಿದೇ ಇದ್ದಳು.
+ಬೆವರು ಇಡೀ ಮೈ ತುಂಬ ಹರಡಿ ಕೊಂಡಿತ್ತು.
+ಸಮುದ್ರದಾಳದಿಂದ ಆರಿಸಿ ತೆಗೆದಂಥ ಮುತ್ತುಗಳು ಅವಳ ಹಣೆ, ತುಟಿಯ ಕೆಳಗೆ ಆವರಿಸಿಬಿಟ್ಟಿತ್ತು.
+ಅಷ್ಟರಲ್ಲಿ ಬಂದ ನೀರದ ಬಲವಂತದಿಂದ ಅವರ ಮನೆಗೆ ಕರೆದೊಯ್ದಳು.
+ಯಾವುದೇ ವಿಷಯ ಗೊತ್ತಿಲ್ಲದ ಜನ ಮಗಳ ಮದುವೆಗಾಗಿ ಮಾಡಿಸಿದ ಚೂರು,ಪಾರು ಒಡವೆಗಳನ್ನ ತೋರಿಸಿದರು.
+"ನಮ್ಮ ನೀರದ ಪುಣ್ಯ ಮಾಡಿದ್ದು.
+ನವೀನ್‌ನಂಥ ಗಂಡು ಯಾರ್ಗೇ ಸಿಕ್ಕಬೇಕು ?
+ದೇವರಂಥ ಜನ ನಿಮ್ತಂದೆ" ಬಾಯಿ ತುಂಬ ಹೊಗಳಿದಾಗ ತುಟಿ ಎರಡು ಮಾಡಲಿಲ್ಲ.
+ನಿಶ್ಚಿತಾರ್ಥದ ದಿನ ಕೂಡ ನಿಶ್ಚಯಿಸಿಕೊಂಡಿದ್ದ ಜನ  "ಮಗ್ಳು, ಅಳಿಯ ಬರಲಿ. . . ಅಂದಿದ್ರು, ಹೇಗೂ ಬಂದಿದ್ದೀರಾ, ದೊಡ್ಡ ಮನಸ್ಸು ಮಾಡಿ ನೀವುಗಳೇ ಹೇಳ್ಬೇಕು.
+ ನಂಗೂ. . . ಹುಷಾರಿಲ್ಲ. ಇವ್ಳದೊಂದು ವಿವಾಹ ಮುಗ್ದು ಹೋಗ್ಲಿ " ಅವಳ ತಾಯಿ ಕಣ್ಣೊರೆಸಿಕೊಂಡರು.
+"ಆಯ್ತು ಹೇಳ್ತೀನಿ" ಅಷ್ಟೇ ಅಂದಿದ್ದು.
+ಅವರುಗಳು ಬಲವಂತ ಮಾಡಿ ಕೊಟ್ಟ ತಿಂಡಿ ತುಟಿಯವರೆಗೂ ಒಯ್ಯುವುದಾಗಲಿಲ್ಲ ಅವಳಿಂದ.
+ಹೇಳಿದಕ್ಕೆಲ್ಲ ಹ್ಞೂಗುಟ್ಟಿದಳಷ್ಟೆ.
+ಬಹಳ ದೂರ ಹೋದ ಈ ಸಂಬಂಧವನ್ನು ಮುರಿದು ಹಾಕುವುದು ಸಾಧ್ಯವೇ ?
+ಮನೆಗೆ ಬಂದವಳೇ ಮಲಗಿಬಿಟ್ಟಳು.
+ಮನಸ್ಸು ತಡೆಯದೇ ಮರುದಿನ ತಂದೆ, ಮಗ ಯುಗಂಧರ್‌ ಮನೆಗೆ ಹೋದರು.
+ಸಾಕಷ್ಟು ಸಲ ಫೋನ್‌ ಮಾಡಿದ್ದರು ಡಿಸ್‌ಕನೆಕ್ಟ್‌ ಆಗಿತ್ತು ಮಾತಾಡದೇ.
+ಮೊದಲು ನೋಡಿದ ಮೃಣಾಲಿನಿ ಆತ್ಮೀಯವಾಗಿ ಬರ ಮಾಡಿಕೊಂಡರು.
+"ಬನ್ನಿ, ಎಲ್ಲಾ ಹೇಗಿದ್ದೀರಿ ?"ಅವರ ಕೇಳುವಿಕೆ ನಾಟಕೀಯವಾಗಿತ್ತು.
+ಕತ್ತಿಡಿದಂತಾಯಿತು ವಾಸುದೇವಯ್ಯನಿಗೆ.
+ಮಗನತ್ತ ನಿಸ್ಸಾಯಕತೆಯ ನೋಟ ಹರಿಸಿದರು.
+ಅವನು ತುಟಿ ಕಚ್ಚಿ ತಾರಸಿಯನ್ನ ದಿಟ್ಟಿಸುತ್ತಿದ್ದ.
+ಇಂಥದೊಂದು ಸಮಸ್ಯೆ ಎದುರಾಗಬಹುದೆಂಬ ಕಲ್ಪನೆ ಕೂಡ ಅವನಿಗೆ ಇರಲಿಲ್ಲ.
+“ಯಾರು ಕಾಣ್ತಾ ಇಲ್ಲ” ಎಂದರು ಮೆಲ್ಲಗೆ ವಾಸುದೇವಯ್ಯ.
+"ಅವ್ರು ಹೊರ್ಗಡೆ ಹೋಗಿದ್ದಾರೆ.
+ಪೂಜಾ ಹುಷಾರಿಲ್ಲೇ ಮಲ್ಗಿದ್ದಾಳೆ.
+ಮೂರ್ತಿ ಊರಿಗೆ ಹೋದ" ಎಂದ ಮೃಣಾಲಿನಿ ಕಿಚನ್‌ಗೆ ಹೋದರು.
+"ಅಪ್ಪ, ಮಗ ಎಗರಿ ಬಿದ್ದರು.
+ಮೂರ್ತಿ ಊರಿಗೆ ಹೋದ ವಿಷಯ ಚಾರುಲತಗೆ ತಿಳಿಯದು.
+ಮಡದಿಯೆಂದರೆ ಪ್ರಾಣ ಬಿಡುವ ಒಂದು ದಿನ ಬಿಟ್ಟು ಹೋಗಿ ಎಂದರೇ 'ಆಗೋಲ್ಲ' ಎನ್ನುತ್ತಿದ್ದವನು ಹೇಳದೆ ಹೊರಟು ಹೋಗಿದ್ದು ಭಯವೆನಿಸಿತು ಅವರುಗಳಿಗೆ.
+ಇದು ಸುಲಭವಾಗಿ ಪರಿಹಾರವಾಗೋಲ್ಲ ಎಂದರು ವಿಷಾದದಿಂದ ವಾಸುದೇವಯ್ಯ .
+“ಹೋಗ್ಲಿ ನೀನು ತಂಗಿ ಬಗ್ಗೆ ಯೋಚ್ಸು.
+ಸುಮ್ನೇ ಇವರುಗಳ ಅವಿವೇಕದಿಂದ ಅವ್ಳ ಸಂಸಾರ ಹಾಳಾಗಿ ಹೋಗುತ್ತೆ" ಎಂದರು ಮಗನಿಗೆ ಮಾತ್ರ ಕೇಳಿಸುವಂತೆ.
+"ಹೇಗೆ ಸಾಧ್ಯ. . . ಅಪ್ಪ ? ಸುಮ್ನೇ ಹೆದರಿಸ್ತಾ ಇದ್ದಾರೆ, ನಾವು ಬಗ್ಗುತೀವೀಂತ!
+ನಾವೇನಾದ್ರೂ ಬೇರೆ ತೀರ್ಮಾನ ತಗೊಂಡರೇ, ಆ ಇಡೀ ಮನೆಯವ್ರು ಆತಹತ್ಯೆ ಮಾಡ್ಕೋತಾರೆ" ಅಷ್ಟೇ ಮೆಲುವಾಗಿ ಉದ್ವೇಗ ದಿಂದ ಹೇಳಿದ.
+ಅವನು ಮಾತ್ರ ನೀರದಾನ ನಿರಾಕರಿಸಿ, ಪೂಜಾನ ವಿವಾಹವಾಗಲಾರ.
+ಆ ವೇಳೆಗೆ ಕಾಫಿ ಹಿಡಿದು ಬಂದರು ಮೃಣಾಲಿನಿ.
+ತಗೊಳ್ಳಿ, ಮೂರ್ತಿ ತೀರಾ ಬೆಳಗಿನ ಬಸ್ಸಿಗೆ ಹೋದ.
+ನಂಗೂ ಮೊದ್ಲಿನ ಹಾಗೇ ಕೆಲ್ಲ ಮಾಡೋಕ್ಕಾಗೋಲ್ಲ ಎದುರಿನಲ್ಲಿ ಕೂತರು.
+ಅವರಲ್ಲು ಮೊದಲಿನ ಸ್ನೇಹ ಭಾವವಿರಲಿಲ್ಲ.
+ಬಹುಶಃ ತಂದೆ, ಮಗ ದುಷ್ಮನ್‌ಗಳಾಗಿ ಕಾಣುತ್ತಿರಬಹುದು.
+ಕಹಿಯನ್ನ ಗುಟುಕರಿಸಿದಂತೆ ಲೋಟಗಳನ್ನ ಖಾಲಿ ಮಾಡಿದರು.
+ಬಹಳ ಕಷ್ಟದಿಂದ ಗಂಟಲಲ್ಲಿ ಇಳಿದಿದ್ದು.
+"ಏನಾಗಿದೆ ಪೂಜಾಗೆ ?" ಮೇಲೆದ್ದ ಡಾ| ನವೀನ್‌. 
+ಆಕೆ ಮಾತೇ ಆಡಲಿಲ್ಲ.
+ಎಲ್ಲರಿಗಿಂತ ಅವಳನ್ನ ಮುಖ್ಯವಾಗಿ ಮನವೊಲಿಸುವುದು ಸರಿಯಾಗಿ ಕಂಡಿತು ಅವನಿಗೆ.
+ನಿಶ್ಶಬ್ದವಾಗಿ ರೂಮಿನೊಳಕ್ಕೆ  ಹೋದ.
+ಮುಖದ ಮೇಲೆ ಅನಾರೋಗ್ಯದ ಚಿಹ್ನೆಗಳೇನು ಇರಲಿಲ್ಲ.
+ಅಸ್ತವ್ಯಸ್ತವಾದ ಕೂದಲು, ಮೇಕಪ್‌ ಇಲ್ಲದ ಮುಖ ಸ್ವಲ್ಪ ಮಂಕಾಗಿ ಕಾಣುತ್ತಿತ್ತು.
+ ಪೂಜಾ. . . . '' ಎಂದ ಮೃದುವಾಗಿ.
+ಕಣ್ಣು ಬಿಟ್ಟು ಅವನನ್ನ ನೋಡಿದವಳೇ ಅಳಲು ಷುರು ಮಾಡಿದಾಗ ಘಟಸ್ಫೋಟವೆನಿಸಿತು.
+ತಾಳ್ಮೆಯಿಂದ ಅಲ್ಲೇ ಕೂತ.
+"ಹುಚ್ಚು ಹುಡ್ಗೀ !ನನ್ನಂಥ ಒಬ್ಬ ಸಾಮಾನ್ಯನ್ನ ವಿವಾಹವಾಗ ಬಯಸೋದು ತಪ್ಪು.
+ನಿನ್ನಂಥ ಹುಡ್ಗಿಗೆ ಹೀರೋನೇ ಸಿಕ್ಕಬೇಕು ನೀನು, ನಾನು ಸೇರಿ ಹುಡ್ಕೋಣ.
+ನನ್ನ ವಿವಾಹವಾಗೋ ಅಪರಾಧ ಮಾಡ್ಬೇಡ" ದಯಾನೀಯವಾಗಿ ಹೇಳಿದ.
+ “ನೋ. . . ನೋ. . . ನೋ. . . ನಾನು, ನಿನ್ನ ಮದ್ವೆಯಾಗೋದು.
+ನಂಗೆ ನೀನು ಮೋಸ ಮಾಡ್ಬೇ.
+ಐ ಲವ್‌ ಯು, ಐ ಅಡೋರ್‌ ಯು, ಐ ಮ್ಯಾರಿ ಯು"ಎಂದು ಚೀರಿದಳು.
+ಸುಸ್ತಾದ ಡಾ|| ನವೀನ್‌.
+ಇವಳಿಗೇನಾದರೂ ತಲೆ ಕೆಟ್ಟಿದೆಯಾ ?
+ಬಹಳಷ್ಟು ಹೇಳಿ ಸೋತ.
+ಅವಳ ನಿರ್ಧಾರ ಬದಲಾಗಲಿಲ್ಲ.
+ಅನುನಯಿಸಿದ, ರಮಿಸಿ,ತನ್ನ ಮತ್ತು ನೀರದ ವಿಷಯ ತಿಳಿಸಿದ.
+ಅವಳು ಒಂದಿಂಚು ಅಲುಗಾಡಲಿಲ್ಲ.
+"ಇದು ಶುದ್ಧ ಮೂರ್ಖತನ.
+ನೀನು ಬೇರೊಬ್ಬರನ್ನ ಪ್ರೇಮಿಸಿದ್ರೆ ಸಾಲ್ದು.
+ಅವ್ಳು ಕೂಡ ನಿನ್ನ ಪ್ರೀತಿಸ್ಟೇಕು.
+ಇಲ್ಲಿ, ವಿರಸ ದಾಂಪತ್ಯವಾಗುತ್ತೆ.
+ಜೀವನಪೂರ್ತಿ ಕೊರಗ್ತೀಯಾ" ಬುದ್ಧಿ ಹೇಳಿದ.
+ಏನಾದ್ರೂ ಪರವಾಗಿಲ್ಲ ನಿನ್ನನ್ನೇ ವಿವಾಹವಾಗೋದು.
+ಅವಳ ನಿರ್ಧಾರ ತಿಳಿದ ಮೇಲೆ ಮೇಲೆದ್ದ  "ಈ ಜನ್ಮದಲ್ಲಿ  ಅಂಥ  ಕನಸ್ಸು ಕಾಣ್ಬೇಡ ಗುಡ್‌ ಬೈ" ಹೊರಗೆ ಬಂದ.
+ಅಲ್ಪ ಸ್ವಲ್ಪ ಕೇಳಿಸಿಕೊಂಡಿದ್ದ ಮೃಣಾಲಿನಿ “ನವೀನಾ, ನಿನ್ನ ನಿರ್ಧಾರ ಸರಿಯಲ್ಲ.
+ನಿನ್ ತಂಗಿ ಈ ಮನೆ ಸೊಸೆ.
+ಅದನ್ನ  ಕೂಡ ನೆನಪಿನಲ್ಲಿ ಇಟ್ಕೋ.
+ಮುಂದೆ ಇದಕ್ಕಾಗಿ ತುಂಬ ಪಶ್ಚಾತ್ತಾಪ ಪಡ್ತೀಯಾ ಎಚ್ಚರಿಸಿದರು ಉದ್ವೇಗದಿಂದ.
+ಸಭ್ಯ, ಸೌಜನ್ಯ ಮೂರ್ತಿಯೆಂದು ಕೊಂಡಿದ್ದ ನವೀನಾ ಇಂದು ಮಗಳ ಬಾಳಲ್ಲಿ ಇಣಕಿದ ಪೆಡಂಭೂತವಾಗಿ ಕಂಡ.
+"ಅದಕ್ಕೂ, ಇದಕ್ಕೂ ತಾಳೇ ಹಾಕ್ಬೇಡಿ.
+ಚಾರುಲತಗೂ ಇದಕ್ಕೂ ಯಾವ್ದೇ ಸಂಬಂಧವಿಲ್ಲ.
+ಸುಮ್ನೇ ಬ್ಲಾಕ್‌ಮೇಲ್‌ ಮಾಡೋಕೆ ಹೋಗ್ಬೇಡಿ" ಎದುರು ತಿರುಗಿದ.
+ವಿಕೋಪಕ್ಕೆ ಹೋಗುವುದು ಬೇಡವೆಂದು ಮಗನನ್ನ ಬಲವಂತದಿಂದ ಹೊರಗೆ ಕಳಿಸಿ ಬಂದ ವಾಸುದೇವಯ್ಯ ತಮ್ಮ ಪರಿಸ್ಥಿತಿಯನ್ನು ತೋಡಿ ಕೊಂಡರು.
+"ಇಡೀ ಮನೆ ಜನ ನಮ್ಮನ್ನೆ ನಂಬಿಕೊಂಡಿದ್ದಾರೆ.
+ಈಗೇನಾದ್ರೂ ಅಪಸ್ವರ ತೆಗೆದ್ರೆ. . . ಆ ಹುಡ್ಗಿ ಆತ್ಮಹತ್ಯೆ ಮಾಡ್ಕೊಂಡ್‌ ಬಿಡ್ತಾಳೆ.
+ನೀವು ಹೆಣ್ಣು ಹೆತ್ತವರು.
+ದಯವಿಟ್ಟು ಯೋಚ್ಸಿ" ಕಳಕಳಿಯಿಂದ ಮನವಿ ಮಾಡಿ ಕೊಂಡರು.
+ಆಕೆ ಮುಲಾಜಿಲ್ಪದೆ ತಳ್ಳಿ ಹಾಕಿದರು.
+"ನಂಗೆ, ನನ್ನ ಮಗಳು  ಬದುಕು ಮುಖ್ಯ.
+ನಾನೇನು ಆದರ್ಶ ನಾರಿಯಲ್ಲ,ಸೋಷಿಯಲ್‌ ವರ್ಕರ್‌ ಅಲ್ಲ.
+ನನ್ನ ಸಂಸಾರ, ನನ್ನ ಮಕ್ಳೇ ನಂಗೆ ಮುಖ್ಯ."
+ಜೋಲು ಮುಖ ಹಾಕಿಕೊಂಡು ಎದ್ದು ಬಂದರು ವಾಸುದೇವಯ್ಯ.
+ಗೇಟುನಿಂದ ಹೊರಗೆ ಹೋಗಿ ನಿಂತಿದ ಡಾ||ನವೀನ್‌.
+ಅವನಿಗೆ ಈ ಮನೆಯವರೆಲ್ಲ ಮೂರ್ಖರ ಹಿಂಡಾಗಿ ಕಂಡರು.
+ಮೂರ್ತಿಯನ್ನ ಮಾತ್ರ ಬೇರೆಯಾಗಿ ನೋಡಲು ಇಷ್ಟಪಟ್ಟ.
+ಬಂದ ವಾಸುದೇವಯ್ಯ ತಲೆಯಾಡಿಸಿ ಬಿಟ್ಟರು “ನಂಗ್ಯಾಕೋ ಭಯ ವಾಗುತ್ತೆ.
+ಅನ್ಯಾಯವಾಗಿ ಹಟ ಮಾಡಿ ಚಾರುಲತ ಬದ್ಕನ್ನ ಹಾಳು ಮಾಡಿ ಬಿಡ್ತಾರೆ.
+ನೀನೇ ಮನಸ್ಸು ಒದಲಾಯಿಸ್ಕೋ" ಮಗನಿಗೆ ಬುದ್ಧಿ ಹೇಳಿದರು.
+ಅವನು ಮಾತೇ ಆಡಲಿಲ್ಲ.
+ಇಬ್ಬರು ಮನೆಗೆ ಬಂದಾಗ ಚಾರುಲತ ಪೇಪರ್‌ ಹಿಡಿದು ಕೂತಿದ್ದಳು.
+ಅತ್ಯಂತ ಶಾಂತವಾಗಿದ್ದಳು.
+ಯಾವುದೇ ರೀತಿಯ ಉದ್ವೇಗವಿರಲಿಲ್ಲ.
+ಇದ್ದರೂ ಅದನ್ನ ಹತ್ತಿಕ್ಕುವಲ್ಲಿ ಸಮರ್ಥಳಾಗಿದ್ದಳೇನೋ !
+ಮತ್ತೆರಡು ಸಲ ಫೋನ್‌ ಮಾಡಿದ್ದಳು.
+ಅವರುಗಳು ಯಾರು ಅವಳೊಂದಿಗೆ ಮಾತಾಡಲು ಇಚ್ಛಿಸಲಿಲ್ಲ.
+ಇವರುಗಳು ಅಲ್ಲಿಗೆ ತಿಳಿಸಿ ಹೋಗದಿದ್ದರೂ ಅವಳಿಗೆ ಗೊತ್ತಿತ್ತು. 
+"ಯಾಕೆ, ತುಂಬ ಡಲ್‌ ಆಗಿದ್ದೀರಾ ?"ಕೇಳಿದಳು ಇಬ್ಬರನ್ನ ಉದ್ದೇಶಿಸಿ.
+ನವೀನ್‌ ತಡೆಯದೆ ತಟಕ್ಕನೇ ಆಡಿ ಬಿಟ್ಟ "ತುಂಬ ವಲ್ಗರ್‌ ಜನ.
+ಸ್ವಲ್ಪ ಕೂಡ ಕಾಮನ್‌  ಸೆನ್ಸ್‌ ಬೇಡ್ವಾ ?
+ನಂಗಿಷ್ಟವಿಲ್ಲಾಂದ್ರೂ ನನ್ತಲೆಗೆ ಕಟ್ಟೋ ಹಣೆಬರಹ ಅವರಿಗೇಕೆ ?"
+ನೇರವಾಗಿ ಅಣ್ಣನನ್ನು ನೋಡಿದಳು.
+“ವಿಪರೀತ ಭಾಷೆಯ ಪ್ರಯೋಗ ಬೇಡ.
+ನಿಂಗಿಷ್ಟವಿಲ್ಲಾಂದರೇ ಮುಗಿದು ಹೋಯ್ತು.
+ಯಾರು ನಿನ್ನ ಕೈ ಹಿಡ್ದು ತಾಳಿ ಕಟ್ಟಿಸೋಕ್ಕಾಗೋಲ್ಲ.
+ಸುಮ್ನೇ ಯಾಕೆ ತಲೆ ಕೆಡಿಸ್ಕೊತೀಯಾ ?"
+ ಶಾಂತವಾಗಿ ನುಡಿದು ಒಳಗೆದ್ದು ಹೋದಳು.
+ಅವಳ ಕಣ್ಣಾಲಿಗಳು ತುಂಬಿದವು.
+ಮೂರ್ತಿ ಅವಳನ್ನ ಅತ್ಯಂತ ಪ್ರೀತಿಯಿಂದ ನೋಡಿಕೊಂಡಿದ್ದ.
+ಇತರರು ಕರುಬುವಂಥ  ಅನ್ಯೋನ್ಯ ದಾಂಪತ್ಯ.
+ಆದರೆ ಬಡಿದಿದ್ದು ಬಲವಾದ ಸಿಡಿಲು.
+ಕಣ್ಣೊರೆಸಿಕೊಂಡು ಕಿಟಕಿಯ ಬಳಿ ಹೋಗಿ ನಿಂತಳು.
+ರಪ್ಪನೆ ಬೀಸಿ ಬಂದ ಬಿಸಿ ಗಾಳಿ ತಟ್ಟಿತು "ಮೈ ಗಾಡ್‌, ನೀನಿಲ್ಲದಿದ್ದರೇ ಗಾಳಿಯಲ್ಲಿ ಬಿಸಿಯಾಗ್ಬಿಡುತ್ತೆ" ಕಿವಿಯ ಬಳಿ ಮೂರ್ತಿ ಪಿಸುಗುಟ್ಟಿದಂತಾಗಿ ಕೆಂಪು ಕೆಂಪಾದಳು.
+ರೂಮಿನೊಳಗೆ ಬಂದ ಡಾ॥ನವೀನ್‌ ಅವಳ ಭುಜದ ಮೇಲೆ ಕೈಯಿಟ್ಟ "ನನ್ನಲ್ಲಿ ಏನು ನೋಡಿ ಮೆಚ್ಚಿಕೊಂಡ್ಲು, ನಿನ್ನ ನಾದಿನಿ ?
+ನಂಗಿಂತ ನೂರು ಪಟ್ಟು ಒಳ್ಳೆಯ ಗಂಡುಗಳು ಅವ್ಳಿಗೆ ಸಿಕ್ತಾರೆ" ಎಂದಾಗ ಅವನತ್ತ ತಿರುಗಿ ಕಣ್ಣುಅಗಲಿಸಿ "ನಿಜ್ವಾಗ್ಲೂ ಹೆಮ್ಮೆ  ಪಟ್ಕೋಬೇಕು.
+ನಮ್ಮಗಳ ಕಣ್ಣಿಗೆ ಕಾಣದ ಒಂದು ಅಂಶ ನಿನ್ನ ವ್ಯಕ್ತಿತ್ವದಲ್ಲಿ ಇರ್ಬೇಕು.
+ಹೇಗಿದ್ಲು ಪೂಜಾ?" ನಗುತ್ತ ಕೇಳಿದಳು.
+ಎರಡು ಕೈಗಳಲ್ಲಿ ತಲೆ ಹಿಡಿದುಕೊಂಡು ಕೂತುಬಿಟ್ಟ.
+“ಇನ್ನೆಂದೂ ಜೀವನದಲ್ಲಿ ಆ ಕಡೆ ತಲೆ ಹಾಕೋಲ್ಲ.
+ನಾಲ್ಕು ಕೆನ್ನೆಗೊಡೆದು ಬುದ್ಧಿ ಹೇಳೋ ಬದ್ಲು ನನ್ನತ್ರ ಖಾಜಿ ನ್ಕಾಯ ಮಾಡ್ತಾರೆ.
+ಇವು ಹೆದರಿಕೆಗೆ ನಾನೇನು ಬಗ್ಗೋಲ್ಲ.
+ಹಟ ಸಾದಿಸಿದ್ದರೇ ಅವ್ರ ಮಗ್ನ ಸಂಸಾರ ಹಾಳಾಗುತ್ತೆ” ಬಡಬಡಿಸಿದ.
+ತಣ್ಣಗೆ ಅವನ ಮುಂದೆ ಕೂತು "ಅವ್ಳು ಹೆದರಿಸೋಕೆ ಕಾರಣ ಇದೆ.
+ಅವ್ರ ಮಗ್ನ ಸಂಸಾರದಲ್ಲಿ ನಿನ್ತಂಗಿ ಇದ್ದಾಳೆ, ಅದ್ನ ಎಚ್ಚರಿಕೆಯ ಗಂಟೆ ಮಾಡ್ಕೊಂಡಿದ್ದಾರಷ್ಟೆ" ಸ್ಪಷ್ಟಪಡಿಸಿದಳು.
+"ಈಡಿಯಟ್ಸ್‌, ನಾನು ಕೋರ್ಟಿಗೆ ಹೋಗ್ತೀನಿ" ಜೋರು ಮಾಡಿದ.
+ಈಗ ಆ  ಪ್ರಮೇಯವೇನಿದೆ ?
+ನೀನಂತು ವಿವಾಹವಾಗೋಕೆ ಅವ್ರು ಅಡ್ಡ ಬರೋಕೆ ಸಾಧ್ಯವಿಲ್ಲ.
+ಎರಡು ಸಲ ನೀರದ ಬಂದ್ಹೋದ್ಲು" ಎಂದವಳು ಹೊರಗೆ ಹೋದಳು.
+ವಾಸುದೇವಯ್ಯ ಹತ್ತು ವರ್ಷ ಹೆಚ್ಚು ವಯಸ್ಸಾದವರಂತೆ ಕುಸಿದರು. 
+ದಿಕ್ಕೇ ತೋಚದಂತಾಯಿತು. 
+ನಿಶ್ಚಿತಾರ್ಥಕ್ಕೆ ದಿನ ಗೊತ್ತು ಮಾಡಿಕೊಂಡು ಎದುರು ಮನೆಯ ದಂಪತಿಗಳು ಬಂದು ಕೂತಾಗ ಅವರಿಗೆ ಉಸಿರು ನಿಂತಂತಾಯಿತು.
+"ನಾಳಿದ್ದು ಶುಕ್ರವಾರ, ದಿನ ಒಳ್ಳೇದು.
+ಹೇಗೂ ಚಾರುಲತನು ಬಂದಿದ್ದಾಳೆ.
+ತಾಂಬೂಲ ಬದಲಾಯ್ಸಿ ಕೊಂಡ್ಬಿಡೋಣ" ಪಟ್ಟಾಗಿ ಕೂತರು.
+"ಒಂದ್ಮಾತು ನವೀನ್‌ ಕೇಳಿ ಬಿಡ್ತೀನಿ" ಅವರನ್ನು ಸಾಗಾಕಿ ಬಿಟ್ಟು ಗೋಳೋ ಎಂದು ಅಳಲು ಷುರು ಮಾಡಿದರು.
+ಅರ್ಥ ಮಾಡಿಕೊಂಡವಳು ತಂದೆಯ ಮುಂದೆ ಬಂದು ಕೂತು "ಅಳೋಂಥದೇನಾಯ್ತು ?ಇಲ್ಲಿ ನಿಮ್ಮದೇನು ತಪ್ಪಿಲ್ಲಪ್ಪ.
+ನಿಮ್ಮ ಅಳುಗೆ ಕರಗಿ ಯಾರು ಅವರವ್ರ ನಿರ್ಣಯಗಳ್ನ ಬದಲಾಯಿಸ್ಕೋಳ್ಳೋಲ್ಲ.
+ನಾನು, ಅಣ್ಣನ ಜೊತೆ ಇಂದೆಯೇನು, ಈಗ್ಲೇ ಊರಿಗೆ ಹೋಗ್ತೀನಿ.
+ಅಕಸ್ಮಾತ್‌ ಬೇರೆ ಕೆಲ್ಸವಿದ್ದರೇ,ನಾನೇ ಹೋಗ್ತೀನಿ" ತನ್ನ ಬಟ್ಟೆಗಳನ್ನ ಬ್ಯಾಗ್‌ಗೆ ಹಾಕಿ ಕೊಂಡು ಹೊರಟು ನಿಂತಳು.
+“ನವೀನ್‌ ಎಲ್ಲೋ ಹೊರಗಡೆ ಹೋಗಿದ್ದಾನೆ” ಎಂದರು ವಾಸುದೇವಯ್ಯ.
+"ಹೋಗ್ಲಿ ಬಿಡಿ, ನಂಗೆ ಹೋಗ್ಬಂದು ರೂಢಿ ಇದೆ."
+ಆಟೋ ಹಿಡಿದು ಹೊರಟೇ ಬಿಟ್ಟಳು.
+ನಾಲ್ಕು ಗಂಟೆಗಳ ಪ್ರಯಾಣ .
+ಇವಳು ಸಂಜೆ ತಲುಪುವ ವೇಳೆಗೆ ಮೂರ್ತಿ ಬಂದಿದ್ದ.
+ಅವನ ಕಣ್ಣಲ್ಲಿ ನೀರೇ ಇತು.
+ಎತ್ತಿ ಎರಡು ಸುತ್ತು ಹಾಕಿಸಿ ಮುದ್ದಾಡಿ ಬಿಟ್ಟ .
+“ಬೆಳಿಗ್ಗೆ ಅಡಿಗೆ ಮಾಡಿದ್ರಾ ?"ಕೇಳಿದಳು.
+"ತುಂಬ ಸೋಮಾರಿತನ !ಹಾಲು ಕಾಯ್ದಿ ಕುಡ್ಯೋದೇ ಕಷ್ಟ.
+ಆರಾಮಾಗಿ ಹೋಟಲುಗೆ ಹೋಗೋಣ.
+ಆಮೇಲೆ ನಿಂಗೆ ಒಂದಿಷ್ಟು ಸಹಾಯ ಮಾಡ್ತೀನಿ"ಮಡದಿಯ ಮೃದು ಕೆನ್ನೆಯನ್ನ ಮೃದುವಾಗಿ ಕಚ್ಚಿ ನೋಯಿಸಿದ.
+ಇಬ್ಬರು ಆರಾಮಾಗಿ ಹೋಟಲಿಗೆ ಹೋಗಿ ಬಂದರು.
+ಇಡೀ ರಾತ್ರಿ ಅವಳ ಮೈನ ಕಣಕಣದ ಅಂದ ಸವಿದ.
+ಅಪರೂಪವಾದ ರಾತ್ರಿ ಆಯಿತು ಅವರ ಪಾಲಿಗೆ.
+ಬೆಳಿಗ್ಗೆ ಹಲ್ಲು ಬ್ರೆಷ್‌ ಮಾಡುತ್ತಿದ್ದಾಗ "ಮೂರ್ತಿ ಪೋನಿದೆ" ಪಕ್ಕದ ಮನೆಯವರು ಕರೆದೊಯ್ದರು.
+ಹಿಂದಕ್ಕೆ ಬಂದವನು "ಅಪ್ಪನ ಫೋನ್‌, ತುಂಬ ಖುಷಿಯಾದ್ರು.
+ನೀನೇ ಒಮ್ಮೆ ಗುಡ್‌ನ್ಯೂಸ್‌ ತಿಳ್ಸಿ  ಬಿಡು.
+ಅವ್ರಿಗೆ ಸೊಸೆಯ ಮೇಲೆ ತುಂಬ ಭರವಸೆ"ಎಂದು ಕೆನ್ನೆ ಸವರಿ ಸ್ನಾನಕ್ಕೆ ಹೋದ.
+ಇಡೀ ಪೂರ್ತಿ ಕತ್ತಲು ಆವರಿಸಿದಂತಾಯಿತು.
+ಸುಮ್ಮನೆ ಒಂದು ಕಡೆ ಕೂತು ಬಿಟ್ಟಳು.
+ಮೂರ್ತಿಯನ್ನು ಒಲಿಸಿ ಕೊಳ್ಳಬೇಕು.
+ಅವನ ತಟಸ್ಥ ಧೋರಣೆಯಿಂದ ಅಲ್ಪ ಸ್ವಲ್ಪ ಬದಲಾವಣೆ ಬರಬಹುದೆಂಬ ಆಸೆ.
+ಅದು ಸಣ್ಣ ಕ್ಯಾಂಡಲ್‌ ಆಗಿ ಇಡೀ ಕತ್ತಲೆಯನ್ನೆ  ದೂರ ಮಾಡುವ ಪ್ರಯತ್ನ ಮಾಡುತ್ತಿತ್ತು.
+ಟವಲು ಸುತ್ತಿಕೊಂಡು ಬಂದ ಮೂರ್ತಿ ಸಣ್ಣನೆಯ ದನಿಯಲ್ಲಿ ಹಾಡುತ್ತ ಮಡದಿಯನ್ನು ಅಪ್ಪಿಕೊಂಡ "ಯಾಕೆ ಕೂತೇ, ಏನಾದ್ರೂ ವಿಶೇಷನಾ ? "ಛೇಡಿಸಿದ.
+"ಏನಿಲ್ಲ. . . " ಎದ್ದು ಹೋಗಿ ಅಡಿಗೆ ಮುಗಿಸಿದಳು.
+ಮೂರ್ತಿಯ ಊಟ ಮುಗಿಯುವವರೆಗೂ ಮಾತು ಬೇಡವೆನಿಸಿತು.
+ಸ್ಕೂಟರ್‌ ಹೊರಗೆ ನಿಲ್ಲಿಸಿ ಬಂದವನು “ನಮ್ಮ ಫೋನ್‌ ಬರೋವರ್ಗೂ ಪ್ರಾಬ್ಲಮ್‌. 
+ಎಸ್‌. ಟಿ. ಡಿ. ಬೂತ್‌ನಲ್ಲಿ ಪೋನ್‌ ಮಾಡ್ಬಬಹುದು ನಡೀ” ಎಂದ.
+ಮೂರ್ತಿಯ ಕೈ ಹಿಡಿದು ಕೂಡಿಸಿ “ನವೀನ್‌ಗೆ ಸುತರಾಂ ಪೂಜಾನ ವಿವಾಹವಾಗೋ ಇಷ್ಟವಿಲ್ಲ.
+ಬಲವಂತದ ವಿವಾಹ ಯಾರ್ಗೂ ಸುಖ ತರೋಲ್ಲ” ಎಂದ ಕೂಡಲೇ ಅವನ ಮುಖ ಕೆಂಪಾಯಿತು.
+ಕಣ್ಣುಗಳಲ್ಲಿ ಕಿಡಿಗಳು ಇಣಕಿತು.
+"ನಿನ್ನ ಫಿಲಾಸಫಿ ನಂಗ್ಬೇಡ, ಯೆಸ್‌, ನೋ ಅಷ್ಟೇ ಬೇಕಾಗಿರೋದು.
+ಅವ್ನ ತೆಪ್ಪಗೆ ನನ್ನಂಗಿ ಕುತ್ತಿಗೆಗೆ ತಾಳಿ ಕಟ್ಟದಿದ್ದರೇ ಪರಿಣಾಮ ನೆಟ್ಟಗಾಗೋಲ್ಲ.
+ಅವ್ನ ಬಗ್ಗೆ ನಂಗೆಂದು ಸದಭಿಪ್ರಾಯವಿದ್ದಿಲ್ಲ" ದನಿಯೇರಿಸಿದ.
+"ವಿರೋಧಾಭಾಸದ ಮಾತುಗಳು ಬೇಡ.
+ಸದಭಿಪ್ರಾಯವಿಲ್ಲದ ವ್ಯಕ್ತಿಗೆ ನಿಮ್ಮ ತಂಗಿನ ಕೊಡೋ ಪ್ರಯತ್ನ ಯಾಕೆ ?" ಸವಾಲ್‌ ಎಸೆದಳು.
+ಅವನಿಗೆ ಮತ್ತಷ್ಟು ಉರಿದು ಹೋಯಿತು.
+ಅವನು ತಂದೆಗೆ ಬಹಳ ಹೆದರುತ್ತಿದ್ದ.
+ತನಗೇ ಜೀವನದಲ್ಲಿ ಮೊದಲ ಸಲ ವಹಿಸಿದ ಒಂದು ಪುಟ್ಟ ಕೆಲಸ ಮಾಡಲಾಗದಕ್ಕೆ ಅವನಿಗೆ ನಾಚಿಕೆಯೆನಿಸಿತು.
+ಇಲ್ಲಿ ಸೋಲು ಒಪ್ಪಿಕೊಳ್ಳಲಾರ.
+"ನಂಗೆ ಪಾಠ ಮಾಡೋಕೆ ಇಷ್ಟವಿಲ್ಲ.
+ಅವ್ನ ಒಪ್ಪಿಕೊಂಡ್ನಾ ಇಲ್ವಾ?"ಕೇಳಿದ.
+ ಇಲ್ಲವೆಂದು ತಲೆಯಾಡಿಸಿದಳು.
+"ಗೋ ಟು ಹೆಲ್‌, ಇಲ್ಲಿಗೆ ಎಲ್ಲಾ ಸಂಬಂಧಗಳು ಮುಗ್ದು ಹೋಗುತ್ತೆ.
+ಆರಾಮಾಗಿ ತವರಿಗೆ ಹೋಗ್ಬಿಡು" ಒಂದೇ ಮಾತಿನಲ್ಲಿ ಹೇಳಿದಾಗ ಶಿಲೆಯಾದಳು.
+ಒಳಗೆ ಹೋದವನು ಬೀಗ, ಬೀಗದ ಕೈ ಹಿಡಿದು ಬಂದವನು "ಹತ್ತು ನಿಮಿಷದಲ್ಲಿ ಹೊರಟು ಬಿಡ್ಬೇಕು.
+ಇಲ್ಲದಿದ್ದರೇ ನಾನೇ ಹೊರ್ಗೆ ಹಾಕಿ ಬಾಗ್ಲು ಹಾಕ್ಕೊಂಡ್‌ ಹೋಗ್ತೀನಿ.
+ಅಷ್ಟಕ್ಕೆ ಅವಕಾಶ ಕೊಡ್ಬೇಡ" ರಾತ್ರಿಯೆಲ್ಲ ನೂರು ಪ್ರೇಮದ ಮಾತುಗಳನ್ನಾಡಿದ ವ್ಯಕ್ತಿ ಎಷ್ಟು ಬೇಗ ಬದಲಾಗಿದ್ದ.
+ಕಣ್ತುಂಬಿ ಬಂದರೂ ತುಟಿ ಕಚ್ಚಿ ಸೂಟ್‌ಕೇಸ್‌ಗೆ ಬಟ್ಟೆ ಬರೆಗಳನ್ನ ತುಂಬಿಕೊಂಡು ಏಳು ನಿಮಿಷಗಳಲ್ಲಿಯೇ ಮನೆಯಿಂದ ಹೊರಗೆ ಅಡಿಯಿಟ್ಟಳು.
+ಅವಳತ್ತ ತಿರುಗಿ ಕೂಡ ನೋಡದ ಮೂರ್ತಿ ಬೀಗ ಹಾಕಿ ಕೀ ಬಂಚ್‌ನ ಜೇಬಿನಲ್ಲಿ ಹಾಕಿಕೊಂಡು ಆರಾಮಾಗಿ ಸ್ಕೂಟರ್‌ ಹತ್ತಿದ.
+ಎರಡೇ ನಿಮಿಷದಲ್ಲಿ ಕಣ್ಮರೆಯಾಯಿತು.
+ಪ್ರೇಮ, ಪ್ರೀತಿಯೆಂದರೇನು ?
+ಮೊದಲ ಸಲ ತನ್ನನ್ನು ಪ್ರಶ್ನಿಸಿಕೊಂಡಳು.
+“ಚಿನ್ನ, ರನ್ನ ಎಂದು ಉಸುರಿದ ಗಂಡನ ಜೀವನದಲ್ಲಿ ತಾನು ಏನು ?"ಉಂಡುಯೆಸೆದ ಬಾಳೆಯ ಎಲೆ.
+ಎಷ್ಟೋ ಹೆಣ್ಣುಗಳು ಬಯಕೆಯನ್ನೇ ಭ್ರಮೆಯೆಂದು ತಿಳಿದು ಬದುಕಿದ್ದಾರೇನೋ.
+ಆಟೋ ಹತ್ತುವ ಬದಲು ಸಿಟಿ ಬಸ್ಸು ಹತ್ತಿದ್ದಕ್ಕೆ  ಕಾರಣ ಇತ್ತು.
+ಗಂಡ ಪಶ್ಚಾತ್ತಾಪ ಪಟ್ಟು ಹುಡುಕಿಕೊಂಡು ಬಸ್ಸು ಸ್ಟಾಂಡ್‌ಗೆ ಬರಬಹುದೆಂಬ ಆಸೆ.
+ರೆಡಿಯಾಗಿದ್ದ ಬಸ್ಸು ಬಿಟ್ಟು ಒಂದೆರಡು ಗಂಟೆಗಳು ಕಾದು ನಂತರ ಬಸ್ ಹತ್ತಿದಾಗ ಒಂದು ಪರಿಛೇದಕ್ಕೆ ತೆರೆ ಬಿದ್ದಂತಾಯಿತು.
+ಮುಂದೇನು?
+ಬಹುಶಃ ಯುಗಂಧರ್‌ ಮನೆಯವರು ಪಟ್ಟು ಬದಲಾಯಿಸಲಾರರೆನಿಸಿದಾಗ ಅವಳೆದೆಯ ಮೇಲೆ ದೊಡ್ಡ ಬಂಡೆ ಬಿದ್ದಂಥ ಭಾರ.
+ಬಹುಶಃ ಅದರ ಪರಿಜ್ಞಾನ ಕೃಷ್ಣಮೂರ್ತಿಗೆ ಇರಲಿಲ್ಲ !
+ಮಗಳು ಹಿಂದಿರುಗಿದ್ದು ನೋಡಿ ವಾಸುದೇವಯ್ಯ ಹೌಹಾರಿದರು.
+ಮುಂದೇನು?
+ಎದುರು ಮನೆಯಲ್ಲಿ ಈಗಾಗಲೇ ಮದುವೆಯ ಏರ್ಪಾಟುಗಳು ಷುರುವಾಗಿತ್ತು.
+ಬೆಳಿಗ್ಗೆ ಹೋಗಿ ಛತ್ರಕ್ಕೆ ಅಡ್ಜಾನ್ಸ್‌ ಕೊಟ್ಟು ಬಂದ ಸುದ್ದಿ ನೀರದ ತಂದೆ ಬಂದು ತಿಳಿಸಿ ಹೋಗಿದ್ದರು.
+"ಏನು ವಿಷ್ಯ ?" ಗಾಬರಿಯಿಂದ ಮೇಲೆದ್ದರು.
+ಸೂಟುಕೇಸ್‌ ರೂಮಿನಲ್ಲಿ ಇಟ್ಟು ಬಂದ ಚಾರುಲತ ತಗ್ಗಿದ ದನಿಯಲ್ಲಿ "ಅಂಥದೇನಿಲ್ಲ !
+ಅವ್ರೆ ನಾಳೆ ನಾಳಿದ್ದರಲ್ಲಿ ಬರ್ತಾ ಇದ್ದಾರಷ್ಟೆ " ಟವಲಿಡಿದು ಬಾತ್‌ರೂಂಗೆ ಹೋದವಳು ಗೋಡೆಗೊರಗಿ ಬಿಕ್ಕಳಿಸಿದಳು.
+ಒಂದಿಷ್ಟು ಸಮಾಧಾನ ಸಿಗಬಹುದೇ ವಿನಃ ಅಳು ಪರಿಹಾರ ಸೂಚಿಸದೆಂದು ಕೊಂಡಾಗ ಮುಖ ತೊಳೆದು ಹೊರಗೆ ಬಂದಳು.
+ತೀರಾ ಸೋತವರಂತೆ ಕೂತಿದ್ದರು ವಾಸುದೇವಯ್ಯ.
+“ನೀನು ನಿಜಾ ಹೇಳೋದು ಒಳ್ಳೇದು.
+ಮಗ್ನ ಮೂಲಕ ತಮ್ಮ ಹಟ ಸಾಧಿಸ್ತಾ ಇದ್ದಾರೆ ಬೀಗರು.
+ಇದು ಯಾವ ನ್ಯಾಯ ?” ಹತ್ತು ಜನಾನ ಕರ್ಕೊಂಡ್ಟೋಗಿ ಕೇಳ್ತೀನಿ.
+ಆವೇಗದಿಂದ ಬಡಬಡಿಸಿದರು.
+"ದಯವಿಟ್ಟು ಬೇಡಿ.
+ಮತ್ತಷ್ಟು ಹದಗೆಡುತ್ತೆ" ರೂಮಿಗೆ ಹೋದಳು.
+ಅವಳ ಪ್ರಕಾರ ನವೀನ್‌ ನಾದಿನಿಯನ್ನ ಮದುವೆಯಾಗುವ ಸಾಧ್ಯತೆ ಇರಲಿಲ್ಲ.
+ಅವರುಗಳು ಕೂಡ ಅದೇ ಹಟದಲ್ಲಿ ನಿಂತಿದ್ದರು.
+ಇಲ್ಲಿ ಬಲಿಪಶು ಅವಳು!
+ಹಿಂದಿನ ರಾತ್ರಿಯವರೆಗೂ ಅವಳೊಂದು ರೀತಿಯ ಭ್ರಮೆಯಲ್ಲಿದ್ದಳು.
+ಮೂರ್ತಿ ಬೆಳಿಗ್ಗೆ ಜ್ಞಾನೋದಯಕ್ಕೆ ಕಾರಣವಾಗಿದ್ದ.
+ಒಂಟಿಯಾಗಿ ಹೊರಟವಳನ್ನ ಕನಿಷ್ಟ ಹಿಂದಿರುಗಿ ನೋಡುವ ಕರುಣೆಯನ್ನ ತೋರಿಸಿರಲಿಲ್ಲ.
+ರಾತ್ರಿ ನವೀನ್‌ ಬರುವ ಮುನ್ನ ಅವಳಿಗೆ ಫೋನ್‌ ಬಂತು.
+"ಚಾರುತಾನೇ, ಸ್ವಲ್ಪ ಕೇಳು.
+ನೀನು ಹಟ ಮಾಡಿಯಾದ್ರೂ ನವೀನ್‌ನ ಒಪ್ಪು.
+ಇಲ್ಲದಿದ್ದರೇ ನಿನ್ನ ಬದ್ಕು ನರ್ಕ ಸದೃಶವಾಗುತ್ತೆ.
+ಎಂದೂ ನೀನು ಮೂರ್ತಿ ಜೊತೆ ಸಂಸಾರ ಮಾಡೋಕ್ಕಾಗೋಲ್ಲ.
+ಬೆಳಿಗ್ಗೆ ನಿನ್ನ ಫೋನ್‌ಗಾಗಿ ಕಾಯ್ತಾ ಇರ್ತೀನಿ" ಅವಳ ಪ್ರತಿಕ್ರಿಯೆಗಾಗಿ ಕಾಯದೆ ಫೋನಿಟ್ಟ.
+ಚಾರುಲತಳ ಕೈಯಲ್ಲಿದ್ದ ಫೋನ್‌ ಬಹಳ ಹೊತ್ತು ಕೆಳಗಿಳಿಯಲಿಲ್ಲ.
+"ಯಾರದಮ್ಮ ಫೋನ್‌ ?" ಅಡಿಗೆ ಮನೆಯಲ್ಲಿದ್ದ ವಾಸುದೇವಯ್ಕ ಕೈಯೊರೆಸುತ್ತ ಬಂದು ಕೇಳಿದಾಗ, ಫೋನಿಟ್ಟು ಭಾರವಾದ ಉಸಿರು ದಬ್ಬಿ  "ಅವರದ್ದೇ ಫೋ" ಎನ್ನುವ ವೇಳೆಗೆ ನವೀನ್‌, ನೀರದಳೊಂದಿಗೆ ಒಳಗೆ ಬಂದ.
+ಮುಂದಿನ ಮಾತುಗಳು ಅವಳ ನಾಲಿಗೆಯಲ್ಲಿಯೇ ಉಳಿಯಿತು.
+"ಅರೇ, ಯಾವಾಗ್ಟಂದೆ ?"ನವೀನ್‌ ಆತಂಕದಿಂದ ವಿಚಾರಿಸಿದ.
+ಬಲವಂತದಿಂದ ಮುಗುಳ್ನಗೆಯನ್ನು ಎಳೆ ತಂದ ಚಾರುಲತ  "ಸ್ವಲ್ಪ ಹೊತ್ತಾಯಿತಷ್ಟೆ" ಎಂದು ನೀರದ ಕಡೆ ತುಂಟ ನೋಟ ಬೀರಿದಳು .
+"ಇನ್ನೇನು ತೊಂದರೆ ಇಲ್ಲ, ಅತ್ತಿಗೇಂತ ಕೂಗಬಹುದಲ್ಲ" ಅವಳು ನಾಚಿ ನೀರಾಗಿ ತಮ್ಮ ಮನೆಗೆ ಓಡಿದಳು.
+ಸುಂದರ ಲೋಕದಲ್ಲಿ ವಿಹರಿಸುತ್ತಿದ್ದ ಅವಳಿಗೆ ಯಾವ ಬಿಸಿಯ ಶಾಖವು ತಟ್ಟಿರಲಿಲ್ಲ.
+ತಂಗಿಯ ಬಳಿ ಕೂತ ನವೀನ್‌ ಬಲವಂತದಿಂದ ಸತ್ಯವನ್ನು ಹೊರಡಿಸಿದವನು ಭುಸುಗುಟ್ಟಿದ.
+ಹಸುವಿನಂತೆ ಕಾಣುವ ಮೂರ್ತಿಯ ಬಣ್ಣ ಸ್ಪಷ್ಟವಾಗಿದ್ದು ಇಂದೇ.
+"ನಾನ್ಹೋಗಿ ಮಾತಾಡ್ತೀನಿ" ಮೇಲೆದ್ದ.
+"ಏನಂತ ?"ಕೇಳಿದಳು ತಣ್ಣಗೆ.
+ನವೀನ್‌ ಅಯೋಮಯದಿಂದ ತಂಗಿಯನ್ನ ನೋಡಿದ.
+ಅತ್ಯಂತ ಶಾಂತವಾಗಿ ಕಂಡಳು.
+"ಯಾಕೆ ಕೇಳ್ಬಾರ್ಬಾ ?"ಎಂದ ಮೆಲ್ಲಗೆ.
+"ಪ್ರಯೋಜನವಿಲ್ಲ. ಮತ್ತಷ್ಟು ಮಾತುಕತೆ ಜಗಳ ಅಷ್ಟೆ  ಅದ್ರಿಂದ ಯಾರು ಸುಖಿಗಳಾಗೋಲ್ಲ.
+ಸಧ್ಯಕ್ಕೆ ಆ ಪ್ರಯತ್ನ ಬಿಡಿ" ಅತ್ಯಂತ ಸ್ಪಷ್ಟ ವಾಗಿ ಉಸುರಿದಳು.
+ತಂದೆ, ಮಗ ಮುಖ ಮುಖ ನೋಡಿಕೊಂಡರು.
+ಮಗನ ವಿವಾಹದಿಂದ ಮಗಳ ದಾಂಪತ್ಯ ಛಿದ್ರ ಛಿದ್ರ.
+ವಾಸುದೇವಯ್ಯನಿಗೆ ಸಹಿಸಲು ಆಸಾಧ್ಯವೆನಿಸಿತು  ಕುಸಿದು ಕೂತರು.
+“ನವೀನ್‌, ಸಧ್ಯಕ್ಕೆ ನಿನ್ನದ್ವೆ ಮುಂದೆ ಹಾಕು.” ಸಲಹೆ ಇತ್ತರು ದಿಕ್ಕು ತೋಚದಂತೆ.
+ಅವನು ಎರಡು ಕೈಯಲ್ಲು ತಲೆ ಹಿಡಿದುಕೊಂಡ.
+"ಅದ್ರಿಂದ ಸಮಸ್ಯೆಯೇನು ಪರಿಹಾರವಾಗೋಲ್ಲ.
+ಹೀಗೆಯೇ ಮುಂದುವರಿಯುತ್ತೆ.
+ನನ್ನ ವಿವಾಹ ಬೇಗ ಮುಗಿದ್ರೆ. . . ವಿಷ್ಯಕ್ಕೆ ಒಂದು ಮುಕ್ತಾಯ ಸಿಗುತ್ತೆ.
+ಆಮೇಲೆ ಎಲ್ಲಾ ಸರಿ ಹೋಗುತ್ತೆ."
+ನವೀನ್‌ ಮಾತು ಅವಳಿಗೂ ಸರಿಯೆನಿಸಿತು.
+"ಹೌದಪ್ಪ, ಅಣ್ಣ ಹೇಳೋದ್ರಲ್ಲಿ ಅರ್ಥವಿದೆ.
+ಯಾವ್ದೇ ಕಾರಣಕ್ಕೂ ವಿವಾಹ ಮುಂದೂಡೋದ್ಬೇಡ?" ಒಪ್ಪಿಗೆ ಸೂಚಿಸಿದಳು.
+ಆದರೂ ವಾಸುದೇವಯ್ಯನವರಿಗೆ ಭಯವೇ.
+ಸ್ವಲ್ಪ ದೈನ್ಯತೆಯಿಂದ ಮಗನತ್ತ ನೋಡಿದರು.
+“ನಿನ್ನ ತಂಗಿಗೋಸ್ಕರ ಒಂದಿಷ್ಟು ತ್ಯಾಗ ಮಾಡಬಾದದೇನೋ”ಎಂದರು.
+ಅವರಿಗೆ ಎದುರು ಮನೆ ನೀರದಾಗಿಂತ ಮಗಳ ಭವಿಷ್ಯ ಮುಖ್ಯವಾಗಿತ್ತು.
+ತೀರಾ ಖಿನ್ನತೆ ಕಾಣಿಸಿಕೊಂಡಿತು ನವೀನ್‌ನ ಮುಖದ ಮೇಲೆ. 
+ಸರ್ವಥಾ ಒಪ್ಪಲಾರ  “ಹೇಗೆ ಸಾಧ್ಯ ?
+ಈ ವಿಷ್ಯ  ನೀರದ ಕಿವಿಗೆ ಬಿದ್ದರೇ ಮೊದ್ಲು ಅವ್ಳು ಆತ್ಮಹತ್ಯೆ ಮಾಡ್ಕೋತಾಳೆ.
+ಈಗಾಗ್ಲೇ ನಮ್ಮಿಬ್ರ ವಿಷ್ಯ ಸಮಾಜಕ್ಕೆ ಡಣಾ ಡಂಗೂರವಾಗಿದೆ.
+ಮೊದ್ಲೇ ಮಾನ ಮರ್ಯಾದೆ ಅಂತ ಸಾಯೋ ಜನ,ಅವ್ಳ ಮನೆಯವ್ರು.
+ಒಂದು ಕುಟುಂಬದ ಸರ್ವನಾಶಕ್ಕೆ ನಾವು ಕಾರಣರಾಗಿ ಬಿಡ್ತೀವಿ.
+ಆಮೇಲೆ ನಾನು ತಾನೇ ಒಪ್ಪದ ಹಟಮಾರಿ ಹೆಣ್ಣನ್ನ ಕಟ್ಕೊಂಡ್‌ನೆಮ್ದಿಯಾಗಿ ಇರ್ತೀನಾ ?
+ಆಮೇಲೆ ಇನ್ನೊಂದು ಕಾರಣ ಹೇಳ್ಕೊಂಡ್‌ ಹೆಂಡತಿ ಹೀಗೇ ಹಿಂಸಿಸ್ತಾನೆ.
+ಇದು ಹೀಗೇ ಮುಂದುವರಿಯುತ್ತೆ.
+ಬಗ್ಗಿದೋರ ಬೆನ್ನ ಮೇಲೆ ಗುದ್ದೋರು ಜಾಸ್ತಿ.
+ಈ ಹಾರಾಟ ವಿವಾಹವಾದ ಕೂಡ್ಲೇ ನಿಂತ್ತೋಗುತ್ತೆ."
+ಆಮೇಲೆ ತಗ್ಗಿಸಿಕೊಂಡು ವಿಸ್ತಾರವಾಗಿ ಹೇಳಿದ.
+"ಹೌದಪ್ಪ, ಹತ್ತಿರದ ಲಗ್ನದಲ್ಲೇ ಅಣ್ಣನ ವಿವಾಹ ಮುಗ್ಸಿಬಿಡೋಣ" ಸಮ್ಮತಿ ಸೂಚಿಸಿದಳು.
+ತರಾತುರಿಯಲ್ಲಿ ನಿಶ್ಚಿತಾರ್ಥದ ದಿನ ಗೊತ್ತಾದ ಮೇಲೆ ಡಾ| ನವೀನ್‌  ವಿಷಯ ಹೊತ್ತು ಮೂರ್ತಿಯ ಬಳಿಗೆ ಹೋದ.
+ಆ ಸಮಯದಲ್ಲಿ ಕಾಲೇಜಿನಲ್ಲಿದ್ದ ಭಾವನಿಂದ ನಗು ಮುಖದ ಸ್ವಾಗತವೇನು ಸಿಗಲಿಲ್ಲ. 
+"ಏನು. . . ಬಂದಿದ್ದು ?" ಸ್ವಲ್ಪ ಅಸಹನೆಯಿಂದಲೇ ಪ್ರಶ್ನಿಸಿದ.
+"ಸ್ವಲ್ಪ ಕ್ಯಾಂಟೀನ್‌ನಲ್ಲಿ ಕೂತು ಮಾತಾಡ್ಬಹುದಲ್ಲ" ಎಂದ ತಾಳ್ಮೆಯಿಂದ ನವೀನ್‌ .
+"ಸಾರಿ, ನಂಗೆ ಮತ್ತೊಂದು ಪಿರಿಯಡ್‌ ಇದೆ.
+ಅದೇನು ಇಲ್ಲೇ ಹೇಳ್ಬಹುದು."ಎಂದ ವಾಚ್‌ ಕಡೆ ನೋಡುತ್ತ.
+ತುಂಬು ಸ್ನೇಹದಿಂದ ಆತ್ಮೀಯ ಗೆಳೆಯನಂತೆ ಕಾಣುತ್ತಿದ್ದ ವ್ಯಕ್ತಿ, ಇಂದು ಅವನ ಮಾತುಗಳನ್ನು ಕೇಳಲೇ ಇಷ್ಟವಿಲ್ಲವೆನ್ನುವಂತೆ ಮುಖ ಮಾಡಿದ್ದ.
+"ನಾಳಿದ್ದು ವಿವಾಹದ ನಿಶ್ಚಿತಾರ್ಥ.
+ನಿಮ್ಮನ್ನ ಕರ್ಕೊಂಡ್ನೋಗೋಕೆ ಬಂದೆ.
+ನಾನು ಎಂದೂ ಪ್ರೀತಿ ಪ್ರೇಮದ ದೃಷ್ಟಿಯಿಂದ ನೋಡಿಲ್ಲ.
+ಒತ್ತಡ ಮದ್ವೆಗಳು ಯಾರ್ಗೂ ಸುಖ ತರೋಲ್ಲ" ಎಂದ ಅತ್ತಿತ್ತ ನೋಡುತ್ತ ಮೆಲುವಾಗಿ.
+ದೂರದಲ್ಲಿ ಬರುತ್ತಿದ್ದ ಸಹೋದ್ಯೋಗಿಯ ಕಡೆ ಕೈಯಾಡಿಸಿದ ಮೂರ್ತಿ ಇವನಿಂದ ಬೇಗ ಬೇಗ ಸರಿದು ಮಾಯವಾದ, ಯಾವ ಪ್ರತಿಕ್ರಿಯೆಯನ್ನು ತೋರದೆ.
+ಅಂತು ಪೂರ್ತಿಯಾಗಿ ತೆರೆ ಎಳೆದುಬಿಟ್ಟ.
+ನವೀನ್‌ ಕಾಲೇಜಿನಲ್ಲಿ ಹುಡುಕಾಡಿ ಸಂಜೆ ಮನೆಗೆ ಹೋದಾಗ ಬೀಗ ಹಾಕಿತ್ತು.
+"ಅಂಕಲ್‌, ಊರಿಗೆ ಹೋದ್ರು" ಎದುರು ಮನೆಯ ಹುಡುಗ ಬಂದು ತಿಳಿಸಿ ಹೋದ.
+ಸೋತವನಂತೆ ಅವನು ಮನೆಗೆ ಬಂದಾಗ ಮಧ್ಯರಾತ್ರಿ ದಾಟಿತ್ತು.
+ಚಾರುಲತ ಮಲಗಿದ್ದರೂ ನಿದ್ರಿಸಿರಲಿಲ್ಲ.
+ವಾಸುದೇವಯ್ಯ ಹಾಸಿಗೆಯ ಮೇಲೆ ಎದ್ದು ಕೂತು ದೇವರ ಧ್ಯಾನ ಮಾಡುತ್ತಿದ್ದರು.
+ಮಗನ ಮುಖ ನೋಡಿದ ಕೂಡಲೇ ಹೌಹಾರಿದರು.
+"ಮೂರ್ತಿ ಸಿಗ್ಲಿಲ್ಲ." ಎಂದವನು ಷೂ ಕಳಚಿ ರೂಮಿಗೆ ಹೋಗಿ ಬಿಟ್ಟ.
+ಅವನ ತಲೆ ಬಡಿಗೆಯಲ್ಲೊಡೆದಂತೆ ಸಿಡಿಯುತ್ತಿತ್ತು.
+ಒಂದಲ್ಲ ಹತ್ತು ನೋವು ನಿವಾರಕ ಗುಳಿಗೆಗಳನ್ನು ನುಂಗಿದರೂ ನೋವು ಕಡಿಮೆಯಾಗದು.
+"ಚಾರು,ನಾನು ಈಗ ಏನ್ನಾಡ್ಲಿ ?"ಮುಷ್ಟಿ ಬಿಗಿ ಹಿಡಿದು ಗಾಳಿಯಲ್ಲಿ ಗುದ್ದಿದ.
+ಬೆಳಿಗ್ಗೆಯ ವೇಳೆಗೆ ತೀರಾ ಬಳಲಿದ.
+ಮೂರ್ತಿ ತಂಗಿಗಾಗಿ ತನ್ನ ದಾಂಪತ್ಯವನ್ನು ಬಲಿ ಕೊಡಲು ಸಿದ್ಧನಿದ್ದ.
+ಅವನು ತೀರಾ ಮೂರ್ಖನಂತೆ ಕಂಡ.
+ತಂದೆ,ತಾಯಿ ತಂಗಿಯನ್ನು ಬೆಂಗಾವಲಿಗೆ ಇಟ್ಟುಕೊಂಡು ಯುದ್ಧ ಸಾರಿದ್ದ.
+ತಂಗಿಯನ್ನು ನೆನೆದು ಅವನ ಕಣ್ತುಂಬಿತು.
+"ಚಾರು, ಖಂಡಿತ ನಿಂಗೆ ಅನ್ಯಾಯ ಮಾಡಲಾರೆ" ಕಣ್ಣೀರು ಸುರಿಸಿದ. 
+"ಅಣ್ಣ. . . . . " ಚಾರುಲತ ಅವನನ್ನು ಅರಸಿಕೊಂಡು ಬಂದಾಗ ಕಣ್ಮು ತೊಡೆದುಕೊಂಡು ನಗೆ ಬೀರಿದ.
+ಅವಳಿಗೆ ಅರ್ಥ ಮಾಡಿಕೊಳ್ಳಲು ಸಮಯ ಬೇಕಾಗಲಿಲ್ಲ.
+"ಇದು ಅನಿರೀಕ್ಷಿತವಲ್ಲ.
+ಕೆಲವು ಸಲ ವಿನಾಕಾರಣವಾಗಿ ಶಿಕ್ಷೆ ಅನುಭವಿಸ್ಬೇಕಾಗುತ್ತೆ.
+ನೀನೇನು ತಲೆ ಕೆಡಿಸ್ಕೋಬೇಡ.
+ನೀರದ ಒಂದ್ಸಲ ಬಂದ್ಹೋದ್ಲು.
+ತಿಂಡಿ ಕೂಡ ಅಲ್ಲಿಂದ್ಲೇ ಬಂದಿದೆ" ನಗೆಯಾಡಿದಳು.
+ಮೂರ್ಖತನದಿಂದ ಅಣ್ಣನ ಬಗ್ಗೆ ಕೋಪಿಸಿಕೊಳ್ಳಲಾರಳು.
+"ಚಾರು, ಪ್ಲೀಸ್‌ ದಿಕ್ಕು ತೋಚದಂತಾಗಿದೆ.
+ಈಗೇನು ಮಾಡ್ಲಿ ?
+ಮೂರ್ತಿ ನಡವಳಿಕೆ ನೋಡಿದ್ರೆ ನಂಗೆ ಭಯವಾಗುತ್ತೆ.
+ನಿನ್ನ ಕರೆಸಿ ಕೊಳ್ಳದಿದ್ದರೇ ? ಭಯ ವ್ಯಕ್ತಪಡಿಸಿದ.
+ಈ ಪ್ರಶ್ನೆಯನ್ನ ಸಾವಿರ ಸಲವಾದರೂ ತನಗೆ ತಾನು ಹಾಕಿಕೊಂಡಿದ್ದಳು.
+ನಾಲ್ಕರ ಚಳಿ ಬಂದಂತಾಗುತ್ತಿತ್ತು.
+ಸಪ್ತಪದಿ ತುಳಿದು ಜೀವನ ಪೂರ್ತಿಅವನೊಂದಿಗಿನ ಕನಸ್ಸನ್ನು ಕಂಡವಳಿಗೆ ವರ್ಷ ತುಂಬುವ ಮುನ್ನವೇ ಬೇರೆಬೇರೆಯಾಗಿ ಬದುಕುವುದೆಂದರೇನು ?
+ಅದೊಂದು ದುಃಸ್ವಪ್ನವೇ.
+ಮೂರ್ತಿ ಇಲ್ಲದೆ ತಾನು ಬದುಕುವುದು ಸಾಧ್ಯವೇ ?
+ಸಾಧ್ಯ, ಅಸಾಧ್ಯಗಳ ನಡುವೆ ಅಂತರವೆಷ್ಟು, ಮನ ಲೆಕ್ಕ ಹಾಕಿತು ಆಳವಾಗಿ.
+ತಂಗಿಯ ಮ್ಲಾನವದನ ನೋಡಿ ಇನ್ನಷ್ಟು ಬೆಚ್ಚಿದ.
+"ಚಾರು, ನಿಂಗೋಸ್ಕರ ನಾನು ಮೂರ್ತಿ ತಂಗಿನ ವಿವಾಹವಾಗ್ತೀನಿ"
+ಬಡಬಡಿಸಿದ ತಂಗಿಯ ಕೈ ಹಿಡಿದುಕೊಂಡು.
+ಇಂಥ ನಿರ್ಧಾರದಿಂದ ಮತ್ತಷ್ಟು ಹಿಂಸೆ, ತೊಳಲಾಟವೇ ಅನಿಸಿತು.
+"ಬೇಡ, ಇದ್ರಿಂದ ಏನು ಪ್ರಯೋಜನವಾಗೋಲ್ಲ.
+ವಿವಾಹವೊಂದು ಮೆಟ್ಟಿಲಾಗಿ ಹಾಗೇ ಮುಂದುವರಿಯುತ್ತೆ.
+ನಾಳೆ ನಿಂಗೂ ಪೂಜಾ ಮಧ್ಯೆ  ಪ್ರೀತಿ ಬೆಳೆಯಲ್ಲಿಲ್ಲಾಂದರೇ ನಾನು ಪಣವಾಗ್ತೀನಿ.
+ಇದೆಲ್ಲ ಯಾಕೆ ?
+ದಿನಗಳು ಕಳೆಯುವುದು ಹಿಂಸೆಯಾಗ್ಟಿಡುತ್ತೆ.
+ನೀನು ಆರಾಮವಾಗಿ ನಿರ್ಯೋಚನೆಯಿಂದ ನೀರದಾನ ಮದುವೆಯಾಗು.
+ಸಧ್ಯಕ್ಕೆ ಅದೊಂದೇ ಉತ್ತಮ ದಾರಿ" ಮನಸ್ಸಿನಲ್ಲಿ ಇದ್ದುದ್ದನ್ನು ಅತ್ಯಂತ ಸ್ಪಷ್ಟವಾಗಿ ಉಸುರಿದಳು.
+ಮತ್ತೆ ಮತ್ತೆ ಅಪ್ಪ ಮಕ್ಕಳು ಕೂತು ಎಷ್ಟು ಯೋಚಿಸಿದರೂ ಇದು ಬಿಟ್ಟು ಬೇರೆ ದಾರಿ ಇರಲಿಲ್ಲ.
+"ನಾನೇ ಹೋಗಿ ಒಂದ್ಮಾತು ಹೇಳ್ಬರ್ತಿನಿ" ವಾಸುದೇವಯ್ಯ ಹೊರಟಾಗ,ಚಾರುಲತ ತಡೆದಳು .
+"ಬೇಡಪ್ಪ, ನಾನು ಅಣ್ಣ ಹೋಗ್ಗರ್ತಿವಿ, ಒಂದಿಷ್ಟು ಪೂಜಾ ಕೈಯಲ್ಲಿ ಪರ್ಸನಲ್ಲಾಗಿ ಮಾತಾಡಿದಂತಾಗುತ್ತೆ."ಅದಕ್ಕೆ ಮುಖ್ಯ ಕಾರಣವಿತ್ತು.
+ಯುಗಂಧರ್‌ ಅತ್ಯಂತ ಕಟುವಾಗಿ ಮಾತನಾಡಬಲ್ಲರು.
+ಅದರಿಂದ ತಂದೆ ಈ ವಯಸ್ಸಿನಲ್ಲಿ ಅವಮಾನಿತರಾಗಿ ನೋಯುವುದು ಬೇಡವಾಗಿತ್ತು.
+ಸಂಜೆಯ ಸುಮಾರಿಗೆ ಅಣ್ಣ, ತಂಗಿ ಅವರ ಮನೆ ತಲುಪಿದಾಗ,ಮ್ಯಾಗಜಿನ್‌ ನೋಡುತ್ತಿದ್ದ ಪೂಜಾ ತಟ್ಟನೇ ಮೇಲೆದ್ದು "ಅಮ್ಮ ಯಾರೋ ಬಂದಿದ್ದಾರೆ" ಎಂದು ಹೇಳಿ ಕಣ್ಮರೆಯಾದಳು.
+ಸ್ಟಲ್ಪ ಪ್ರತಿಷ್ಟೆ ಬೆಳೆಸಿಕೊಂಡಿದ್ದ ಅವಳಿಗೆ ಡಾ|।ನವೀನ್‌ನ ನಿರಾಕರಣೆ ದೊಡ್ಡ ಪೆಟ್ಟಾಗಿತ್ತು.
+ಅದಕ್ಕಾಗಿ ತನ್ನ ಪ್ರೀತಿಯ ಅತ್ತಿಗೆಯನ್ನು ದ್ವೇಷಿಸಲಾರಂಭಿಸಿದ್ದು ಮಾತ್ರ ಮೂರ್ಖತನ.
+ಡಾ|| ನವೀನ್‌ ತುಟಿ ಕಚ್ಚಿ ಕೂತ ಸದ್ದಿಲ್ಲದೆ ಸೋಫಾ ತುದಿಗೆ.
+ಆತ್ಮೀಯವಾಗಿ ಕಾಣುತ್ತಿದ್ದ ಜನ ಹೇಗೆ ದೂರ ಸರಿದರು.
+ಇದು ಅವನ ಪಾಲಿಗೂ ಅತ್ಯಂತ ನೋವಿನ ವಿಷಯವೇ.
+ತಮ್ಮ ಪ್ರೀತಿ, ಪ್ರೇಮ ಮದುವೆಗೆ ಅಡ್ಡವಾದವರು ತಂದೆಯಲ್ಲ, ತಂಗಿಯಲ್ಲ ನೀರದಳ ಮನೆಯವರಲ್ಲ, ಈ ಮೂರನೆಯ ಜನ ವೇದನೆಯಿಂದ ಮುಖ  ಹಿಂಡಿದ.
+ಅಡಿಗೆಯ ಮನೆಯಲ್ಲಿದ್ದ ಪೂಜಾಳ ತಾಯಿ ನಿರೀಕ್ಷಣೆಯಲ್ಲಿಯೇ ಇದ್ದುದರಿಂದ,ಅಂಥ ಭಾವ ವೇಗವೇನು ಇರಲಿಲ್ಲ.
+"ಚೆನ್ನಾಗಿದ್ದೀಯಾ ?" ವ್ಯವಹಾರಿಕೆ ಪ್ರಶ್ನೆ.
+ಪ್ರಶ್ನೆ ಚಾರುಲತಳ ಸ್ವರ ಉಡುಗಿದಂತಾಯಿತು.
+ಅಲ್ಲಿ ಸಂಬಂಧದ ಮೇಲೆ ಚಪ್ಪಡಿಯೆಳೆದು ನಿಂತಿದ್ದರು. 
+ದನಿಯೆತ್ತುವುದಾಗಲಿಲ್ಲ. ಕಣ್ತುಂಬಿತು. ಸರಸರನೆ ಹೊರ ಬಂದು ರೂಮಿಗೆ ಹೋದಳು.
+ಅವಳ ಮೂರ್ತಿಯ ಬೆಡ್‌ ರೂಂ ಸುಖದ ಕ್ಷಣಗಳು ನೆನಪಾದವು.
+ಮಂಚದ ಮೇಲೆ ಬಿಚ್ಚಿ ಎಸೆದ ಬಟ್ಟೆಗಳನ್ನು ಹ್ಯಾಂಗರ್‌ಗೆ ಹಾಕಿ ಕುಸಿದಳು.
+ಅಳು ತಡೆಯಲಾಗಲಿಲ್ಲ.
+ಬಿಕ್ಕಿ ಬಿಕ್ಕಿ ಅತ್ತುಕಣ್ಣೊರೆಸಿಕೊಂಡು ಹೊರಗೆ ಬಂದಾಗ, ಮುಖದ ಮುಂದೆ ಪೇಪರ್‌ ಹಿಡಿದುಕೂತಿದ್ದ ಡಾ!। ನವೀನ್‌. "ಯಾರು ಇಲ್ವಾ ಮನೆಯಲ್ಲಿ ?"ಕೇಳಿದ ಮೆಲ್ಲಗೆ.
+"ಅತ್ತೆ ಇದ್ದಾರೆ, ಪೂಜಾನು ರೂಮಿಗೆ ಹೋಗಿ ಬಾಗ್ಲು ಹಾಕೊಂಡಿದ್ದಾರೆ.
+ಅವ್ರಿಗೆ ನಮ್ಮ ಮೇಲೆ ಕೋಪ ಕಡಿಮೆಯಾಗಿಲ್ಲ.
+ಮಾತಿಗೆ ಮಾತು ಸೇರಿಸೋದ್ರಿಂದ ರಾದ್ಯಾಂತವಾಗುತ್ತೇ ವಿನಃ ಯಾವ್ದೇ ಪ್ರಯೋಜನವಿಲ್ಲ." ಬುದ್ಧಿಹೇಳಿದಳು.
+ಅವಳಲ್ಲಿನ ಉದ್ವೇಗವೇ ತಗ್ಗಿರಲಿಲ್ಲ.
+ಎದೆ ಢವಗುಟ್ಟುತ್ತಿತ್ತು "ಬರ್ತಿನಿ. . . " ಮತ್ತೆ ಅಡಿಗೆ ಮನೆಗೆ ಹೋದಾಗ ಆಕೆ ಆರಾಮಾಗಿ ತರಕಾರಿ ಹೆಚ್ಚುತಿದ್ದಳು.
+"ಅತ್ತೆ, ನಾಳೆ ನಮ್ಮಣ್ಣನ ಮದ್ವೆಯ ನಿಶ್ಚಿತಾರ್ಥ. 
+ನೀವುಗಳೆಲ್ಲ. . . . ಬರ್ಬೇಕು "ಕುಂಕುಮದ ಬಟ್ಟಲನ್ನ ಆಕೆಯ ಮುಂದಿಡಿದಳು.
+"ಹೌದೇನು, ನಾಳೆಯಂತು ಖಂಡಿತ ಬರೋಕ್ಕಾಗೋಲ್ಲ ಬಿಡು.
+ಮೂರ್ತಿನು ಬಂದಿದ್ದಾನೆ, ಅವ್ನ ಸ್ನೇಹಿತನ ಮನೆಯಲ್ಲಿ ಸತ್ಯನಾರಾಯಣ ಪೂಜೆನಂತೆ."ಸ್ವಲ್ಪ ಒರಟಾಗಿಯೆ ನುಡಿದಿದ್ದು.
+ತಾಯಿಯಂತೆ ತುಂಬು ಅಂತಃಕರಣ ತೋರುತ್ತಿದ್ದ ಆಕೆ ಎಷ್ಟು ಬೇಗ ಕಟುವಾಗಿ ಬಿಟ್ಟರು.
+ಇಲ್ಲಿ ನನ್ನ ತಪ್ಪೇನು ?
+"ಅವ್ರು ಎಲ್ಲಿಗೆ ಹೋಗಿದ್ದಾರೆ ?"ವಿಚಾರಿಸಿದಳು.
+"ಅಪ್ಪ, ಮಗ ಎಲ್ಲಿಗೋ ಹೋಗಿದ್ದಾರೆ.
+ನಮ್ಗೂ ಹೋಗೋದಿದೆ. ಪೂಜಾ. . . "ಎನ್ನುತ್ತ ಹೊರಗೆ ಹೋದಾಗ, ತನ್ನ ವ್ಯಕ್ತಿತ್ವದ ಅರಿವಾಯಿತು ಅವಳಿಗೆ.
+ಉಕ್ಕುತ್ತಿದ್ದ ಹಾಲನ್ನ ಇಳಿಸಿಟ್ಟು ಹೊರಗೆ ಬಂದಳು "ಹೋಗೋಣ,ಅವರು ಹೊರಗೆ ಹೊರಟಿದಾರೆ, ನಮ್ಮಿಂದ ತೊಂದರೆಯಾಗೋದ್ಬೇಡ"ಎಂದಳು.
+ಅವಳ ಕಣ್ಣಂಚಿನಿಂದ ಕಂಬನಿ ಹೊರ ಚಿಮ್ಮಿಯೇ ಬಿಟ್ಟಿತು.
+'ಕೂತ್ಕೋ, ಚಾರು" ಅವಳನ್ನ ಕೈ ಹಿಡಿದು ಕೂಡಿಸಿದ.
+ಮಗಳೊಂದಿಗೆ ಬಂದ ಆಕೆ  "ಹೇಗಿದ್ದೀರಾ ?
+ನಾವುಗಳು ಎಲ್ಲೋ ಹೊರಟಿದ್ದೀವಿ" ಇನ್ನ ತಾವು ಹೋಗಬಹುದೆಂದು ಪರೋಕ್ಷವಾಗಿ ಹೇಳಿದಾಗ ಒಮ್ಮೆ ಪೂಜಾ ಕಡೆ ನೋಟ ಹರಿಸಿದ ಡಾ|।ನವೀನ್‌ ಮೇಲೆದ್ದ "ಅವ್ರಿಗೆ ತೊಂದರೆಯಾಗೋದ್ದೇಡ ನಾವು ಹೋಗೋಣ.
+"ನೀನ್ನೋಗು, ನಿಮ್ಮ ಭಾವ ಬಂದಿದ್ದಾರಂತೆ, ಅವ್ರ ಜೊತೆಯಲ್ಲಿ ಬರ್ತಿನಿ" ಸ್ವಾಭಿಮಾನ ಹತ್ತಿಕ್ಕಿ ಭಂಡತನ ತೋರಿದಳು.
+ತಕ್ಷಣ ಪೂಜಾ  "ಇಲ್ಲಿಗಿಂತ ನಿಮ್ಮ ಅಗತ್ಯ ಹೆಚ್ಚಿಗಿದೆ.
+ಅಣ್ಣ ಬಂದ್ಮೇಲೆ ಫೋನ್‌ ಮಾಡೋಕೆ ಹೇಳ್ತೀನಿ"ಎಂದಳು.
+ಅಲ್ಲಿ ಅವಳನ್ನ ಉಳಿಸಿಕೊಳ್ಳುವುದು ಅವರಿಗೆ ಬೇಕಿರಲಿಲ್ಲ.
+"ಹೋಗೋಣ, ಚಾರು" ಡಾ।।ನವೀನ್‌ ನುಡಿದ ಕೋಪದಿಂದ.
+ತಾನೇ ಹೋಗಿ ಕುಂಕುಮ ಹಚ್ಚಿಕೊಂಡು ಬಂದ ಚಾರುಲತ ಅಕ್ಷತೆಯನ್ನು ಟೇಬಲ್ಲು ಮೇಲಿಟ್ಟು "ಎಲ್ಲಾ ಬರ್ಬೇಕು ಅತ್ತೆ, ಮಾವನವಿಗೆ ಹೇಳಿ, ನಾನು ಫೋನ್‌ ಮಾಡ್ತೀನಿ"ಎಂದಿದ್ದಕ್ಕೆ ಅವರಿಬ್ಬರ ಪ್ರತಿಕ್ರಿಯೆ ಸೊನ್ನೆ.
+ಚಾರುಲತ, ಡಾ|।ನವೀನ್‌ ಹೊರಗೆ ಬಂದು ಸಿಶ್ಚಿಂತೆಯಿಂದ ಉಸಿರಾಡಿದರು.
+ನವೀನ್‌ ಕೋಪದಿಂದ ಕುದಿಯುತ್ತಿದ್ದರೇ, ದಿಕ್ಕು ತೋಜದಂತಾಗಿತ್ತು ಚಾರುಲತಗೆ.
+ನಾಲ್ಕು ಹೆಜ್ಜೆ ಮುಂದಿಟ್ಟಿದ್ದು ಆಗಿತ್ತು.
+ಈಗ ಹಿಂದೆಗೆದರೂ ಪರಿಣಾಮ ಅಷ್ಟೆ.
+ನೋಯುವವರ ಸಂಖ್ಯೆಯಾದರೂ ಕಡಿಮೆಯಾಗಲಿಯೆಂದು ಗಟ್ಟಿ ನಿರ್ಧಾರಕ್ಕೆ ಬಂದಳು.
+"ಬೀ ಕಾಮ್‌, ಈಗೇನು ಮಾಡೋ ಸ್ಥಿತಿಯಲ್ಲಿಲ್ಲ.
+ನೋಡೋಣ, ಬೇಗಮನೆಗೆ ಹೋಗ್ಟಿಡೋದು ವಾಸಿ" ಅವಸರಿಸಿದಳು.
+ಇಬ್ಬರು ಮನೆಗೆ ಬಂದಾಗ ವಾಸುದೇವಯ್ಯ ಹೊರಗಡೆಯೇ ಇದ್ದರು.
+ಅವರಿಗೆ ಎಲ್ಲಕ್ಕಿಂತ ಬೀಗರು, ಅಳಿಯ ಬರುವುದು ಮುಖ್ಯವಾಗಿತ್ತು.
+ಈಗ ಅವರುಗಳೇ ಬರಲಿಲ್ಲವೆಂದರೆ ಬೇರೆಯವರಿಗೆ ಹೇಗೆ ಮುಖ ತೋರಿಸುವುದು?
+"ಎಲ್ಲಾ ಸಿಕ್ಕಿದ್ರಾ ?" ಆತುರದಿಂದ ಪ್ರಶ್ನಿಸಿದರು.
+"ಕೆಲವರು ಸಿಕ್ಕಿದರು ಕೆಲವರು ಸಿಗ್ಲಿಲ್ಲ.
+ಅವ್ರು ಬರೋ ನಿರೀಕ್ಷೆಯೇನು  ಇಟ್ಟುಕೊಳ್ಳೋದ್ಬೇಡ.
+ಮೂರ್ತಿ ಕೂಡ ಇಲ್ಲೇ ಇದ್ದಾರೆ.
+ಈಗಾಗ್ಲೇ ಸಾಕಷ್ಟು ಅವಮಾನಿತರಾಗಿದ್ದೀವಿ. 
+ನೋಡಿ. . . ನೋಡಿ. . . ಇಂಥ ಜನರ ಸಂಬಂಧ ಮಾಡಿದಂಗಾಯ್ತು" ಅಸಹನೆಯನ್ನು ಕಕ್ಕಿದ.
+"ಏನು ಬೇಡ" ವೆಂದ ಮೂರ್ತಿ ಅವನ ದೃಷ್ಟಿಯಲ್ಲಿ ಅಂದು ಆದರ್ಶ ಪುರುಷನಾಗಿದ್ದ.
+ಇಂದು ತೀರಾ ಅವಿವೇಕಿಯಾಗಿ ಕಂಡಿದ್ದ.
+ಚಾರುಲತ ತನ್ನ ಪಾಡಿಗೆ ತಾನು ರೂಮಿಗೆ ಹೋದಳು.
+ಮೂರ್ತಿ ಬೇರೆಯವರ ದೃಷ್ಟಿಯಲ್ಲಿ ತೀರಾ ಚಿಕ್ಕವನಾಗುವುದು ಅವಳಿಗೆ ಕಷ್ಟವೆನಿಸಿತು.
+ಅತ್ತು ಸಮಾಧಾನ ಮಾಡಿಕೊಂಡಳು.
+ಮದುವೆಗೆ ಮುನ್ನ ಹಲವು ಸಲ ಮಾತುಕತೆಯಲ್ಲಿ ಮೂರ್ತಿ ತೀರಾ ಒಳ್ಳೆಯವನಾಗಿ ಕಂಡ.
+ಅವಳಿಗಾಗಿಯೇ ಹುಟ್ಟಿದ್ದು, ಮುಂದೆ ಅವಳಿಗಾಗಿಯೇ ಬದುಕುವುದು ಎನ್ನುವ ಭರವಸೆ ಅವನ ದನಿಯಲ್ಲಿತ್ತು.
+ಆಗ ಅವಳು ವಿಹರಿಸಿದ್ದು ಆಕಾಶದಲ್ಲಿ.
+ರೂಮಿನೊಳಕ್ಕೆ ಬಂದ ವಾಸುದೇವಯ್ಯ ಮಗಳ ಬಳಿ ಕೂತರು.
+"ಈಗೇನು ಮಾಡೋದು ?" ಅವರ ಸ್ವರ ಒದ್ದೆಯಾಗಿತ್ತು.
+ಬಹಳ ಬೇಗ ಚೇತರಿಸಿಕೊಂಡ ಚಾರುಲತ  “ಏನಿದೆ ಮಾಡೋಕೆ ?
+ಬಹುಶಃ ಅವುಗಳು ನಿಶ್ಚಿತಾರ್ಥಕ್ಕೆ ಬರೋಲ್ಲ.
+ಹಾಗಂತ ತೀರಾ ತಲೆ ಕೆಡ್ಸಿಕೊಳ್ಳೋದ್ಬೇಡ.
+ನಾವು ಈಗ ಏನು ಮಾಡೋ ಸ್ಥಿತಿಯಲ್ಲಿಲ್ಲ” ಧೈರ್ಯ ಹೇಳಿದಳು.
+ಸಧ್ಯಕ್ಕೆ ಅವರು ಕುಸಿಯದಂತೆ ಅಷ್ಟನ್ನ ಮಾಡಬೇಕಿತ್ತು.
+"ಮುಂದೆ ನಿನ್ನ ಗತಿ ?"ಎಂದರು ಆತಂಕದಿಂದ.
+ಚಾರುಲತಾಗೆ ಷಾಕಾಯಿತು.
+ಹೃದಯದ ಬಡಿತವೇರಿ ಎರಡೇ ಕ್ಷಣದಲ್ಲಿ ಬೆವತುಬಿಟ್ಟಳು.
+ಪ್ರಯಾಸದಿಂದ ತುಸು ಚೇತರಿಸಿಕೊಂಡಳು.
+"ಏನು ಆಗೋಲ್ಲ !
+ಅವರದು ಹುಸಿ ಬೆದರಿಕೆ.
+ವಿವಾಹ ಮುಗ್ದ ಮೇಲೆ ಸ್ವಲ್ಪ ದಿನ ಸಂಬಂಧಗಳು ಬಿಗಿಯಾಗಿರುತ್ತೆ.
+ಆಮೇಲೆ ತಾನಾಗಿ ಸರ್ಯೋಗುತ್ತೆ?"
+ಆಶ್ವಾಸನೆ ನೀಡಿದಳು.
+ಅವರುಗಳ ವರ್ತನೆ ನೋಡಿದ ಮೇಲೆ ಆ ನಂಬಿಕೆ ಅವಳಿಗೆ ಇರಲಿಲ್ಲ.
+"ಇದ್ನ ನಂಬಲಾ ?"ಕೇಳಿದರು ದೀನತೆಯಿಂದ.
+"ನಂಬದೇ ಇರೋಕೆ ಏನಿದೆ ?
+ತಾನಾಗಿ ಎಲ್ಲಾ ಸರಿ ಹೋಗುತ್ತೆ.
+ನೀವು ಧೈರ್ಯವಾಗಿರಿ" ಭರವಸೆಯ ಮಾತುಗಳನ್ನಾಡಿದಳು.
+ಇವರುಗಳ ನಿರೀಕ್ಷೆಯಂತೆ ನಿಶ್ಚಿತಾರ್ಥದ ದಿನ ಯಾರು ಬರಲಿಲ್ಲ.
+ತೀರಾ ಹತ್ತಿರದಲ್ಲೇ ಇದ್ದ ಲಗ್ನದ ಫಿಕ್ಸ್‌ ಮಾಡಿದರು.
+ಸರಳವಾಗಿ ಒಂದು ಆಡಿಟೋರಿಯಂನಲ್ಲಿ ನಡೆಯಬೇಕೆಂದು ಡಾ|| ನವೀನ್‌ ಗಲಾಟೆ ಮಾಡಿದ.
+ಸಧ್ಯಕ್ಕೆ ಟೆನ್‌ಷನ್‌ನಿಂದ ಪಾರಾಗಲು ವಿವಾಹ ಮುಗಿಯಬೇಕಿತ್ತು.
+ಹತ್ತು ಸಲವಲ್ಲ ನೂರು ಸಲವಾದರೂ ಅತ್ತೆಯ ಮನೆಗೆ ಫೋನ್‌ ಮಾಡಿದಳು ಚಾರುಲತ.
+ಇವಳ ದನಿ ಕೇಳಿದ ಕೂಡಲೇ "ಹಲೋ" ಎಂದವರು ರಾಂಗ್‌ ನಂಬರ್‌ ಎಂದು ಇಡುತ್ತಿದ್ದರು.
+ಅಪ್ಪ, ಮಗಳು, ಅಣ್ಣ, ತಂಗಿ ಒಂದೆರಡು ಸಲ ಹೋಗಿ ಸಾಂತ್ವನಿಸುವ ಪ್ರಯತ್ನ ಮಾಡಿದರು.
+"ಯಾಕೆ, ನಮ್ಮ ಸಮಯನ ಹಾಳು ಮಾಡ್ತೀರಾ ?"ಯುಗಂಧರ್‌ ಕೇಳಿದಾಗ ವಾಸುದೇವಯ್ಯ "ದಯವಿಟ್ಟು ಕ್ಷಮಿಸು . . " ಎಂದು ಎದ್ದು ಬಂದಿದ್ದರು.
+ಆ ಕ್ಷಣ ಇನ್ನ ಆ ಮನೆಯ ಕಡೆ ತಲೆ ಹಾಕಬಾರದೆಂದು ನಿರ್ಧರಿಸಿ ಕೊಂಡರಷ್ಟೆ.
+ಆದರೆ ಮಗಳು ನೆನಪಾದ ಕೂಡಲೇ ಪಾತಾಳಕ್ಕೆ ಇಳಿದು ಹೋದರು.
+ಅಂತು ಅವರುಗಳು ಬರದಂತೆಯೇ ಮದುವೆ ಆಯಿತು.
+ಮೇಲ್ಮುಖವಾಗಿ ಉತ್ಸಾಹದಿಂದ ಚಾರುಲತ ಭಾಗವಹಿಸಿದರೂ ಅವಳ ಮನ ಮೂರ್ತಿಗಾಗಿ ತವಕಿಸುತ್ತಿತ್ತು.
+ಅವನ ಮಟ್ಟಿಗೆ ಇದೊಂದು ದೊಡ್ಡ ಅಪರಾಧ ಕ್ಷಮಿಸಲಾರ!
+ವರಪೂಜೆಯ ದಿನ ಮೂರ್ತಿ ತಂದೆಯ ಅಭಿಪ್ರಾಯ ಕೇಳಲು ಬಂದ  "ಡಾ||ನವೀನ್‌ ಲಗ್ನಪತ್ರಿಕೆ ಹಿಡಿದುಕೊಂಡು ಬಂದು ಬಹಳ ರಿಕ್ಷೆಷ್ಟು ಮಾಡಿಕೊಂಡ.
+ಈ ವಿವಾಹ ನಡೆಯದೇ ಹೋದರೆ ನೀರದ ಇಡೀ ಕುಟುಂಬ ಆತ್ಮಹತ್ಯೆ ಮಾಡ್ಕೋತ್ತಾರಂತೆ" ಉಸುರಿದ.
+ಅವನ ಕೈ ಹಿಡಿದು ದರದರ ಎಳೆದೊಯ್ದರು ಪೂಜಾಳ ರೂಮಿಗೆ  "ನೋಡು,ಅವ್ಳುಗಳು ಆತ್ಮಹತ್ಯೆ ಮಾಡ್ಕೋತಾರೆ.
+ಇದ್ನ ನಾವು ನಂಬಿ ಬಿಡ್ಬೇಕು.
+ಇಲ್ಲಿ ನೋಡು, ನಿನ್ತಂಗಿ ಸ್ಥಿತಿ, ಸಮಯಕ್ಕೆ ಡಾಕ್ಟ್ರು ಬರದಿದ್ದರೇ ಪೂಜಾನ ಮರ್ತು ಬಿಡ್ಬೇಕಿತ್ತು.
+ಇದ್ನ ಯಾರ್ಲೇ ಹೇಳಿ ಕೊಳ್ಳೋಣ" ದಬ ದಬ ಹುಚ್ಚಿಡಿದವರಂತೆ ತಲೆ ಚಚ್ಚಿಕೊಂಡರು.
+ನಿದ್ದೆಯ ಮಾತ್ರೆ ನುಂಗಿ ಆತ್ಮಹತ್ಯೆ ಮಾಡಿಕೊಳ್ಳಲು ಪ್ರಯತ್ನಿಸಿದ್ದ ಮಗಳನ್ನ ಉಳಿಸಿಕೊಳ್ಳಲು ನಾನಾವಸ್ಥೆ ಪಟ್ಟಿದ್ದರು.
+ಇಂದೇ ಡಿಸ್ಬಾರ್ಜ್‌ ಮಾಡಿಸಿ ಅವಳನ್ನ ಮನೆಗೆ ಕರೆತಂದಿದ್ದು.
+ಅವಳಿಗಿನ್ನು ನಿದ್ದೆಯ ಮಂಪರು.
+ತಂದೆಯ ಕೈಗಳನ್ನ ಹಿಡಿದುಕೊಂಡ ಮೂರ್ತಿ ಹೊರಗೆ ಕರೆದೊಯ್ದ.
+ಅವರು ಇಷ್ಟು ದಿಕ್ಕೆಟ್ಟಿದ್ದನ್ನ ಅವನೆಂದು ನೋಡಿರಲಿಲ್ಲ.
+"ಏನು ಅನಾಹುತವಾಗ್ಲಿಲ್ವಲ್ಲ, ಸಮಾಧಾನ ಮಾಡ್ಕೊಳ್ಳಿ" ಕುಸಿದು ಕೂತ.
+"ನಮ್ಮ ಮನೆ ನೆಮ್ದೀ ಹಾಳು ಮಾಡಿಬಿಟ್ಟರು.
+ಇವ್ಳು ಪಟ್ಟು ಹಿಡಿದಿದ್ರೆ. . . . ನವೀನ್‌  ಯಾಕೆ ನಿರಾಕರಿಸುತ್ತಿದ್ದ ?
+ನಿರಾಕರಿಸೋಂಥ ಹುಡ್ಗೀನ ನಮ್ಮ ಪೂಜಾ" ಬಂದ ಅವನ ತಾಯಿ ಅತ್ತುಕೊಂಡು ಕೂತರು.
+ಸಂತೈಯಿಸಲಾರದೇ, ಸಮಾಧಾನಿಸಲಾರದೆ ಹೋದ.
+ಈಗ ಚಾರುಲತ ದೊಡ್ಡ ತಪ್ಪಿತಸ್ಥಳಾಗಿ ಕಂಡಳು.
+ಖಂಡಿತ ಅವಳು ಪಟ್ಟು ಹಿಡಿದಿದ್ದರೇ ನವೀನ್‌, ನೀರದಾನ ಮದುವೆಯಾಗುತ್ತಿರಲಿಲ್ಲ.
+ಇದು ನೂರಕ್ಕೆ ನೂರರಷ್ಟು ಸತ್ಯವಾಗಿ ಕಂಡಾಗ, ಅವನ ಮೈ ಬೆಂಕಿಯಾಯಿತು.
+ಮುಂದೆ ಅವಳೊಂದಿಗಿನ ಬದುಕು ಬೇಡವೇ ಬೇಡವೆಂಬ ನಿರ್ಧಾರಕ್ಕೆ ಬಂದ.
+"ಹಾಳಾಗ್ಲಿ ಬಿಡೀ, ಅವ್ನು ಯಾವ ದೊಡ್ಡ ಮನುಷ್ಯಾಂತ ಕಾಲು ಕಟ್ಟಿಕೊಂಡು ಕನ್ಯೆನ ಕೊಡೋದು.
+ಪೂಜಾ ಈ ಅಪಾಯದಿಂದ ಪಾರಾದಳಲ್ಲ ಸ್ವಲ್ಪ ಸುಧಾರಿಸಿ ಕೊಳ್ಳಿ.
+ಒಳ್ಳೆ ಕಡೆ ಹುಡ್ಕೀ ಮಾಡೋಣ" ಎಂದವ ಮುಖ ತೊಳೆಯಲು ಬಾತ್‌ರೂಮಿಗೆ ಹೋದ.
+ಬೆಡ್‌ರೂಂನ ಫ್ರೇಮ್‌ನಲ್ಲಿದ್ದ ಚಾರುಲತ ಫೋಟೋ ಹರಿದು ಕಸದ ಬುಟ್ಟಿಗೆ ಹಾಕಿದ.
+ಅವಳ ನೆನಪು ಕೂಡ ಬೇಡವೆನಿಸಿತು.
+ಅವಳ ನೋಟ, ಮಾತು,ನಡತೆಯನ್ನು ತುಂಬ ಮೆಚ್ಚುತ್ತಿದ್ದ ಮೂರ್ತಿಗೆ  ಈಗ  ಪ್ರತಿಯೊಂದರಲ್ಲು ತಪ್ಪುಕಂಡಿತು.
+ಊಟಕ್ಕೆ ಕೂತಾಗ ಕೂಡ ಅವನ ಮುಖದ ಗಂಟು ಸಡಿಲವಾಗಲಿಲ್ಲ.
+ಬಡಿಸುತ್ತ ಅವನ ತಾಯಿ "ಈಗೇನ್ಮಾಡೋದು ?
+ಇಲ್ಲಿಗೂ ಬಂದು ಕರೆದ್ರು.
+ಈಗಾಗ್ಲೇ ವಿಷ್ಯ ಡಣಾಡಂಗೂರವಾಗ್ಟಿಟ್ಟಿದೆ.
+ನಾವಾಗಿ ಹೆಣ್ಣು ಕೊಡೋಕೆ ಹೋದ್ವಿ, ಅವ್ರಿಗೆ ಇಷ್ಟವಾಗ್ಲಿಲ್ಲಾಂತ ಇನ್ವಿಟೇಷನ್‌ ಹಂಚಿದ ಕಡೆಯಲ್ಲೆಲ್ಲ ಹೇಳ್ಕೊಂಡ್‌ ಬಂದಿದ್ದಾರೆ.
+ಯಾವ ಮುಖ ಇಟ್ಕಂಡ್‌ ಹೋಗೋಣ? "ಕಣ್ಣೀರಿಟ್ಟರು.
+“ಪ್ಲೀಸ್‌, ನೀನು ಅಳ್ಬೇಡಮ್ಮ ಇನ್ನ ನಾವ್ಯಾಕೆ ಆ ಮದ್ದೆಗೆ ಹೋಗೋಣ?
+ಇದರೊಂದಿಗೆ ಅವ್ಳ ಜೊತೆಗಿನ ಸಂಬಂಧ ತೊಡೆದು ಹೋಯ್ತು. 
+ನಿಶ್ಚಿಂತೆಯಾಗಿಬಡು. ನಂಗೆ ಪೂಜಾ ಚೇತರಿಸಿಕೊಂಡರೇ ಸಾಕು" ಎಂದ ಉಪ್ಪಿನಕಾಯಿಯನ್ನು ತಟ್ಟೆಯ ಅಂಚಿಗೆ ದಬ್ಬುತ್ತ.
+ಆಕೆ ಸುಮ್ಮನಾದರು.
+ಅಪ್ಪ, ಮಗ ಊಟ ಮಾಡಿದ್ದು ಅಷ್ಟಕಷ್ಟೆ.
+ಸಾವು ಬದುಕಿನ ಹೋರಾಟದಿಂದ ಹೊರ ಬಿದ್ದ ಪೂಜಾ ಸರಿಯಾಗಿ ಚೀತರಿಸಿ ಕೊಳ್ಳಲು ಇನ್ನ ಕೆಲವು ದಿನ ಬೇಕಿತ್ತು.
+ಈಗಲು ಅವಳು ತೆಗೆದು ಕೊಳ್ಳುತ್ತಿದ್ದುದು ಲಿಕ್ವಿಡ್‌ಆಹಾರವೇ.
+ಖಾರ, ಎಣ್ಣೆಯ ತಿಂಡಿಗಳನ್ನ ಅರಗಿಸಿಕೊಳ್ಳುವ ಸ್ಥಿತಿಯಲ್ಲಿರಲಿಲ್ಲ ಅವಳ ಜಠರ.
+ರೂಮಿಗೆ ಬಂದವನು ಹಾಸಿಗೆಯ ಮೇಲೆ ಬಿದ್ದುಕೊಂಡ ಮೂರ್ತಿ.
+ಪೂಜಾ ಸತ್ತಿದ್ದರೇ, ಆ ಪ್ರಶ್ನೆಯೇ ಅವನನ್ನು ಎತ್ತಿ ಕುಕ್ಕಿತು.
+ಆ ಅಪರಾಧದಿಂದ ಅವನಿಗೆ ವಿಮುಕ್ತಿ ಇರಲಿಲ್ಲ.
+ಅಲ್ಲಿ ವರಪೂಜೆಯ ಸಂಭ್ರಮ.
+ಇಲ್ಲಿ ಇವರ ಮನೆಯಲ್ಲಿ ಕತ್ತಲು ಮುಸುಕಿದಂತಾಗಿತ್ತು.
+ಮನೆಯಿಂದ ಒಬ್ಬರು ಹೊರ ಬರಲಿಲ್ಲ.
+ಒಬ್ಬರ ಮುಖವನ್ನ ಮತ್ತೊಬ್ಬರು ನೋಡಲು ಹಿಂಜರಿದರು.
+ಪೂಜಾಳಂತು ಮೇಲಕ್ಕೇಳಲಿಲ್ಲ.
+ಮುಂದೇನು ?
+ಈ ಪ್ರಶ್ನೆ ಕಾಡಿದ್ದು ಕೆಲವರನ್ನು.
+ಆದರೆ ಮೂರ್ತಿ ಇದ್ದ ಆವೇಶದಲ್ಲಿ ಚಾರುಲತಳೊಂದಿಗಿನ ಸಂಬಂಧ ಮುರಿದು ಕೊಳ್ಳಲು ಸಿದ್ಧವಿದ್ದ.
+ಯಾರ ತಪ್ಪಿಗೆ ಯಾರಿಗೆ ಶಿಕ್ಷೆ ?
+ಮರುದಿನ ಬೆಳಿಗ್ಗೆ ಎದ್ದವನೇ ಹೊರಟು ನಿಂತ.
+"ಅಮೃ ಊರಿಗೆ ಹೋಗ್ತೀನಿ.
+ಸುಮ್ಮೇ ಯಾಕೆ ಕಾಲೇಜ್‌ನ ಮಿಸ್‌ಮಾಡ್ಕೋಬೇಕು" ಎಂದ.
+ಕಾಫಿಯ ಲೋಟ ಮಗನ ಕೈಗೆ ಕೊಟ್ಟು "ಬೇಡ ಕಣೋ, ನೂರು ಪ್ರಶ್ನೆಗೆ ಸಮಾಧಾನ ಹೇಳ್ಬೇಕಾಗುತ್ತೆ.
+ನಿನ್ನ ಕೊಲೀಗ್ಸ್‌ರಲ್ಲಿ ಕೆಲವರಿಗಾದ್ರೂ ನವೀನ್‌  ವಿವಾಹದ ಇನ್ವಿಟೇಷನ್‌ ಕೊಟ್ಟಿರುತ್ತಾನೆ.
+ಇಂದು ಹೋದರೇ, ಅವ್ರ ಕಣ್ಣಲ್ಲಿನ ಪ್ರಶ್ನೆ ನಿನ್ನ ಕಾಡುತ್ತೆ.
+ಸತ್ಯ ಏನೇ ಇರಲೀ, ಅವುಗಳಿಗೆ ತೋಚಿದಂತೆ ಮಾತಾಡ್ಕೋತಾರೆ.
+ನೀನು ಅಪರಾಧಿ ಆಗ್ಬಿಡ್ತೀಯ" ಮುಂದಿನ ಚಿತ್ರವನ್ನ ಮಗನ ಮುಂದೆ ಬಿಡಿಸಿಟ್ಟರು. 
+ಛೆ. . . . . ಎನಿಸಿತು. ಕೈಯಲ್ಲಿನ ಬ್ಯಾಗ್‌ನ ರೂಮಿಗೆ ತಂದು ಎಸೆದ.
+ಕೂದಲಲ್ಲಿ ಕೈ ಹಾಕಿ ಕಿತ್ತ.
+ಎದ್ದು ಪೂಜಾಳ ರೂಮಿಗೆ ಬಂದ.
+ಹತ್ತಿಯಂತೆ ಬಿಳಿಚಿಕೊಂಡು ಹಾಸಿಗೆಗೆ ಅಂಟಿಕೊಂಡು ಮಲಗಿದ್ದ ಅವಳನ್ನು ನೋಡಿ ಅವನ ಹೃದಯ ಕಿತ್ತುಬಾಯಿಗೆ ಬಂದಂತಾಯಿತು.
+"ನವೀನ್‌, ನೀನು ಇದೇ ಶಿಕ್ಷೆ ಅನುಭವಿಸಬೇಕು" ಹಲ್ಲುಗಳನ್ನ ಕಡಿದ.
+ಬಂದ ಯುಗಂಧರ್‌ ಮಗನ ಪಕ್ಕ ನಿಂತರು.
+ಅವರ ಕಣ್ಣಲ್ಲಿ ಕಂಬನಿ ಇತ್ತು.
+ಅಕ್ಕರೆಯ ಗೊಂಬೆಯಾಗಿ ಮಗಳನ್ನು ಬೆಳೆಸಿದ್ದರು.
+ಮಗನ ಭುಜದ ಮೇಲೆ ಕೈಯಿಟ್ಟರು.
+ಇಬ್ಬರು ರೂಮಿನಿಂದ ಹೊರಗೆ ಬಂದಾಗ ಹನಿಗಣ್ಣಾಗಿದ್ದರು.
+"ಪೂಜಾ, ಚೇತರ್ಸಿಕೊಳ್ಳೋಕೆ ಕೆಲವು ತಿಂಗಳುಗಳೇ ಆಗುತ್ತೆ" ಎಂದು ಗದ್ಗದಿತರಾದಾಗ ತಂದೆಯ ಕೈ ಹಿಡಿದುಕೊಂಡ ಮೂರ್ತಿ “ನಾನು ಅವ್ಳುನ ಅಲ್ಲಿಗೆ ಕರ್ಕೊಂಡ್ಹೋಗ್ರೀನಿ.
+ಸ್ಥಳ  ಬದಲಾವಣೆಯಿಂದ ಬೇಗ ಚೇತರಿಸ್ಕೋತಾಳೆ" ಅಂದ.
+ಯುಗಂಧರ್‌ ಮೌನವಹಿಸಿದರು.
+ಮೂರ್ತಿ ಬಂದು ರೂಮಿನಲ್ಲಿ ಕೂತ.
+ಅವನ ಮುಂದೆ ಲಗ್ನಪತ್ರಿಕೆ ಇತ್ತು.
+ಒಂಬತ್ತು ಗಂಟೆಗೆ ಹತ್ತು ನಿಮಿಷವಿತ್ತು.
+ಅಣ್ಣನ ವಿವಾಹದ ಸಂಭ್ರಮದಲ್ಲಿ ಭಾಗವಹಿಸುವ ಚಾರುಲತಳನ್ನು ನೆನಸಿಕೊಂಡು ಅವನೆದೆಯ ರಕ್ತ ಕುದಿಯಿತು.
+ಇನ್ವಿಟೇಷನ್‌ನ ಚೂರು ಚೂರು ಮಾಡಿ ಕಸದ ಬುಟ್ಟಿಗೆ ಹಾಕಿದ.
+ಮಡದಿ ತೀರಾ ನಿರ್ದಯಿಯಾಗಿ ಕಂಡಳು.
+ಇಲ್ಲಿನ ನೋವು, ಕಷ್ಟಕ್ಕೆ ಅವಳು ಮಿಡಿಯಬೇಕಿತ್ತು.
+ಆ ಇಚ್ಛೆ ಅವಳಿಗಿಲ್ಲ.
+ಪಾಷಾಣ ಹೃದಯದ ಹೆಣ್ಣು !
+ಹಲ್ಕುಡಿ ಕಚ್ಚಿಡಿದ.
+ಅಲ್ಲಿ ಲಡ್ಡು, ಚಿರೋಟಿಯ ಊಟವಾದರೆ, ಇಲ್ಲಿ ಬರೀ ತಿಳಿಸಾರು, ಪಲ್ಯ,ಒಂದನ್ನ ಮಾಡಿಟ್ಟಿದ್ದರು.
+ಈ ದಿನ ಇಡೀ ಕುಟುಂಬಕ್ಕೆ ಬಹಳ ದೀರ್ಥವಾಗಿ ಕಂಡಿತು.
+ಆದರೆ ಸಂಜೆ ಮುಂದು ಮೂರ್ತಿಯ ಕಾಲೇಜ್‌ ಸಹಪಾಠಿ ದಿನಕರ್‌ ಬಂದಾಗ ಅವನು ಹೊರಗಿನ ವಾರಂಡದಲ್ಲಿ ಇದ್ದಿದ್ದು ದೊಡ್ಡ ತಪ್ಪಾಗಿ ಹೋಯಿತು.
+"ಏನೋ ಮೂರ್ತಿ ಮದುವೆ ಮನೆಯಲ್ಲಿ ಕಾಣಲೇ ಇಲ್ಲ.
+ನಾನೇ ಎರಡು ಸಲ ಚಾರುಲತನ ಕೇಳ್ದೇ.
+ಸರ್ಯಾಗಿ ಏನು ಹೇಳ್ಲಿಲ್ಲ.
+ಏನಾದ್ರೂ ಮನಸ್ತಾಪನೇನೋ ?'' ಫ್ರಾಂಕಾಗಿ ಕೇಳಿಯೇ ಬಿಟ್ಟ.
+"ಅಂಥದ್ದೇನಿಲ್ಲ !" ಎಂದ ಚುಟುಕಾಗಿ.
+ಅವನು ಸಾಮಾನ್ಯದ ಪಿಂಡವಲ್ಲ.
+ಬೇರೆಯವರ ವೈಯಕ್ತಿಕ ವಿಷಯಗಳಲ್ಲಿ ಅವನದು ವಿಪರೀತ ಕುತೂಹಲ.
+ಒಂದಿಷ್ಟು ವಿಷಯ ಹೊರಡಿಸಬೇಕೆಂದೇ ಅಲ್ಲಿಂದ ನೇರವಾಗಿ ತಾಂಬೂಲ ಹಿಡಿದು ಬಂದಿದ್ದ.
+"ಸಾಕು ಸುಮ್ಮನಿರೋ ! ಸ್ವಂತ ಭಾವ ಮೈದುನ, ಮಡದಿಯ ಏಕೈಕ ಅಣ್ಣನ ವಿವಾಹದಲ್ಲಿ ನೀನು ಇದ್ದಿಲ್ಲಾಂದರೇ ಅರ್ಥವೇನು ?
+ಇದು ಖಂಡಿತ ಸಾಮಾನ್ಯದ ವಿಷ್ಯವಲ್ಲ.
+ಎಲ್ಲೋ ಯಡವಟ್ಟು ಮಾಡ್ಕೊಂಡಿದ್ದೀಯಾ !"
+ಅವನು ಮಾತಿನಲ್ಲಿ ನಗೆ ಹಾರಿಸಿದಾಗ ಪಟಪಟ ನಾಲ್ಕು ಬಾರಿಸಿ ಬಿಡಬೇಕೆನಿಸಿತು.
+ಹಾಗೆಂದು ಮನಸ್ಸಿಗೆ ಬಂದಿದ್ದೆಲ್ಲ ಕಾರ್ಯರೂಪಕ್ಕೆ ತರಲು ಸಾಧ್ಯವೇ ?
+"ಅಂಥದೇನಿಲ್ಲ ಕಣೋ" ಸಿಡುಕಿದ ಮೂರ್ತಿ.
+"ಬುರುಡೆ ಬಿಡ್ಬೇಡ !
+ನೀನು ಹೋಗ್ಲಿಲ್ಲಾಂದರೇ ಏನು ಅರ್ಥ ಏನೇಇರ್ಲಿ .. ಇಂಥ ಸಂದರ್ಭಗಳಲ್ಲಿ ಅದ್ನೆಲ್ಲ ಮರ್ತು ಹೋಗಿ ಭಾಗವಹಿಸ್ಬೇಕು.
+ ಜನ ಏನಂದ್ಕೋತಾರೆ. ನಾವು ಅವ್ರನ್ನ ಗಮನದಲ್ಲಿ ಇಟ್ಕೊಂಡ್‌ ಬದ್ಕಬೇಕು.
+ಬರ್ತೀನಪ್ಪ, ನಂಗೇನೋ ಸರಿ ಕಾಣ್ಣಿಲ್ಲ.
+ನಿಮ್ಮಪ್ಪ, ಅಮನ್ಯಾದ್ರೂ ನಿಂಗೆ ಬುದ್ಧಿ ಹೇಳ್ಬೇಕಿತ್ತು" ಅಂಥದೊಂದು ಮಾತನ್ನ ಸೇರಿಸಿಯೇ ಅವನು ಹೋಗಿದ್ದು.
+ಈ ಮಾತು ಯುಗಂಧರ್‌ ಕಿವಿಯ ಮೇಲೆ ಬಿತ್ತು.
+ಮೊದಲೇ ಸುಪೀರಿಯಾರಿಟಿ ಕಾಂಪ್ಲೆಕ್ಸ್‌ ಇದ್ದ ಮನುಷ್ಯ ಒಳಗೊಳಗೆ ಒದ್ದಾಡಿಬಿಟ್ಟ.
+ಎರಡು ದಿನದಿಂದ ಫೋನ್‌ ಡಿಸ್‌ಕನೆಕ್ಟ್‌ ಮಾಡಿದವರು ಇಂದು ಸಂಜೆಯನಂತರ ತಾವೇ ಕನೆಕ್ಟ್‌ ಮಾಡಿದರು.
+ಎಲ್ಲಾ ಮುಗಿದಿತ್ತು.
+ಎರಡು ಮನೆಗಳ ನಡುವಿನ ಸಂಬಂಧದ ಕೊಂಡಿ ಕಳಚಿಬಿತ್ತು.
+ಬೆಸೆಯುವುದು ಬಹಳ ಕಷ್ಟ.
+ಎರಡು ಕಡೆಯವರು ದೃಢವಾಗಿ ನಿಂತ ಹಿನ್ನೆಲೆಯಲ್ಲಿ ದೊಡ್ಡ ಕಂದಕವೇರ್ಪಟ್ಟಿತ್ತು.
+ಒಮ್ಮೆ ಏರ್ಪಟ್ಟ ಕಂದಕ ಮುಚ್ಚಲು ಸಾಧ್ಯವೇ ?
+ಈ ಮದುವೆ ಮುಗಿದು ನಾಲ್ಕು ದಿನವಾಗಿತ್ತು.
+ಎರಡು ದಿನದ ಮಟ್ಟಿಗೆ ದಂಪತಿಗಳು ಹೋಗಿ ಸುತ್ತಾಡಿ ಬಂದರು.
+ಆಗಾಗ ಬಂದು ಹೋಗುತ್ತಿದ್ದ ನೀರದ ಇಲ್ಲಿ ಬಂದು ಉಳಿದಿದ್ದು ಮಾತ್ರ ಸಣ್ಣ ಬದಲಾವಣೆ ಅಷ್ಟೆ.
+ತಂದೆ ದೇವರ ಮನೆಯಿಂದ ಹೊರ ಬರುವುದನ್ನೇ ಕಾಯುತ್ತಿದ್ದ ಚಾರುಲತ “ಅಪ್ಪ, ಆ ಮನೆಗೆ ಹೋಗ್ಬರ್ತಿನಿ" ಎಂದಳು ನೆರಿಗೆಗಳನ್ನ ಸರಿಪಡಿಸಿಕೊಳ್ಳುತ್ತ.
+ವಾಸುದೇವಯ್ಯ ನೆಟ್ಟ ನೋಟದಿಂದ ಮಗಳನ್ನು ನೋಡಿದರು.
+ಮದುವೆಯ ದಿನ ಮೂರ್ತಿ ಇಲ್ಲಿಯೇ ಇದ್ದನೆಂದು ತಿಳಿದಿತ್ತು.
+ಇಡೀ ಕುಟುಂಬದಿಂದ ಇವರು ಬಹಿಷೃತರಾಗಿದ್ದರು.
+"ನಂಗೆ ಏನು ಹೇಳ್ಬೇಕೋ ತೋಚ್ತಾ ಇಲ್ಲ.
+ಅವ್ಳು ಅಂದು ಆಡಿಅವಮಾನಿಸ್ಟಹುದು ನಂಗ್ಯಾಕೋ ಭಯ ಕಣೇ, ಚಾರು.
+ಕೈಯಾರ ನಿನ್ನ ಭವಿಷ್ಯನ ಬಲಿ ಕೊಟ್ಟು ಬಿಟ್ಟೆವೇನೋ" ಕಣ್ಣೀರಿಟ್ಟರು.
+"ಅಂಥದೇನಿಲ್ಲ, ನೀವು ಮಾತ್ರ ನವೀನ್‌ ಕೈಯಲ್ಲಿ ಬಲವಂತದಿಂದ ತಾಳಿ ಕಟ್ಟಿಸೋಕೆ ಆಗ್ತಾ ಇತ್ತಾ ?
+ಅಕಸ್ಮಾತ್‌ ಕಟ್ಟಿಸಿದ್ರೂ ಮುಂದೆ ಅವುಗಳು ಸುಖವಾಗಿ ಇರ್ತಾ ಇದ್ರಾ ?
+ಆಗ ನಾನಾ ಸಮಸ್ಯೆಗಳು ಷುರುವಾಗ್ತಾ ಇತ್ತು.
+ಈ ತರಹ ನಡೆದಿದ್ದೇ, ಸರಿ.
+ಪೂಜಾಗೆ ಅನುರೂಪನಾದ ಗಂಡೇ ಸಿಕ್ತಾನೆ" ಸಮಾಧಾನದ ಮಾತುಗಳನ್ನಾಡಿದಳು.
+"ಯಾಕೋ, ಏನೋ ವಾಸುದೇವಯ್ಯ ಮಗಳೊಬ್ಬಳನ್ನೆ ಕಳಿಸೋಕೆ ಇಷ್ಟಪಡದೇ ತಾವು ಹೊರಟರು.
+ಲಾಡು ಜೊತೆಗೆ ಮದುವೆಯ ತಿಂಡಿಗಳು, ಉಡುಗೊರೆ ಎಲ್ಲಾ ತೆಗೆದುಕೊಂಡು ಆಟೋದಲ್ಲಿ ಹೊರಟರು.
+ಅವರ ಮನೆಯ ಮುಂದೆ ಆಟೋ ನಿಂತಾಗ ಇಬ್ಬರ ಎದೆಯ ಬಡಿತಗಳು ಹತ್ತು ಪಟ್ಟು ಹೆಚ್ಚಾಯಿತು.
+ಯುದ್ಧದ ಅಂಚಿನಲ್ಲಿ ನಿಂತ ಸೈನಿಕರ ಸ್ಥಿತಿ ಅವರದಾಗಿತ್ತು.
+"ಅಪ್ಪ, ಅವ್ರು ಏನಾದ್ರೂ ಅಂದ್ಕೊಳ್ಳಿ, ನೀವು ಸುಮ್ನೇ ಇದ್ಬಿಡಿ.
+ಇಲ್ಲ,ನೀವು ಹಾಗೆಯೇ ಹೊರಟುಬಿಡಿ" ಎಂದಳು ಆವೇಗದಿಂದ. 
+ಅವಳೆದೆ ಹಾರುತ್ತಿತ್ತು. ಮುಖದ ಮುಂದೆ ಬಾಗಿಲು ಹಾಕಿದರೂ ಹೆಚ್ಚಲ್ಲ.
+ಮುಚ್ಚಿದ್ದ ಬಾಗಿಲನ್ನ ಕಾಲಿಂಗ್‌ ಬೆಲ್‌ ಒತ್ತಿದಾಗ ತೆರೆದಿದ್ದು ಮೃಣಾಲಿನಿಯವರೇ. 
+"ಯಾರು. . . "ಅಂದವರು ಮಾತು ನಿಲ್ಲಿಸಿ ಒಳಗೆ ಹೋಗಿ ಬಿಟ್ಟರು.
+ಪೂಜಾಳಿಗೆ ಒಂದೇ ಸಮ ನಾಲ್ಕು ದಿನದಿಂದ ಬರುತ್ತಿದ್ದ ಜ್ವರ,ಅವರುಗಳ ಕೋಪ, ಅಸಹನೆಯ ಬೆಂಕಿಯ ಮೇಲೆ ತುಪ್ಪ ಸುರಿದು ಮತ್ತಷ್ಟು ಪ್ರಜ್ವಲಿಸುವಂತೆ ಮಾಡಿತ್ತು.
+ತಂದೆ, ಮಗಳು ಒಳಗೆ ಅಡಿಯಿಟ್ಟಾಗ "ಯಾರೋ. . . . ಬಂದಿದ್ದಾರೆ ನೋಡಿ?"
+ಕೂಗಿ ಹೇಳಿದರು ಮೂರ್ತಿಯ ತಾಯಿ.
+ತಮ್ಮ ರೂಮಿನಿಂದ ಹೊರಗೆ ಬಂದ ಯುಗಂಧರ್‌ ನೋಡ ಬಾರದವರನ್ನ ನೋಡಿದಂತೆ ಮುಖ ಮಾಡಿದರು.
+ತಟ್ಟನೇ  ಕೋಣೆಯೊಳಕ್ಕೆ  ಹೋದವರು ಹಿಂದಕ್ಕೆ ಬಂದು ಉರಿಯುವ ಕಣ್ಣುಗಳಿಂದ ನೋಡಿದರು.
+"ಸ್ವಲ್ಪ ಬನ್ನಿ. . . "ವಾಸುದೇವಯ್ಯನ ರೆಟ್ಟಿ ಹಿಡಿದು ಪೂಜಾಳ ಕೋಣೆಗೆ ಎಳೆದೊಯ್ದು ನಿಲ್ಲಿಸಿ "ನೋಡಿ, ಇನ್ನ ಸತ್ತಿಲ್ಲ.
+ನಮ್ಮ ಎದೆಯಲ್ಲಿ ಬೆಂಕಿ ಉರಿತಾ ಇದೆ.
+ದಯವಿಟ್ಟು ಹೊರಟ್ಟೋಗಿ " ಎರಡು ಕೈಗಳನ್ನು ಜೋಡಿಸಿದರು.
+ಬಳಲಿ ಬೆಂಡಾಗಿ ಮಲಗಿದ ಪೂಜಾನ ನೋಡಿದ ಅಪ್ಪ, ಮಗಳು ಸ್ತಬ್ಬರಾದರು.
+"ನೀವುಗಳು ಯಾರು ನಮ್ಮ ಮನೆ ಬಾಗ್ಲಿಗೆ ಬರ್ಬೇಡಿ.
+ಇಲ್ಲಿಗೆ ನಮ್ಮ ನಿಮ್ಮ ಸಂಬಂಧ ಮುಗ್ದೋಯ್ತು"ಎಂದು ಚ್ಚರಿಕೆ ನೀಡಿದಾಗ ವಾಸುದೇವಯ್ಯ ಮಗಳೊಂದಿಗೆ ಹೊರಗೆ ಬಂದರು.
+ಅದರಿಗೆ ದಿಕ್ಕು ತೋಚದಂತಾಯಿತು.
+ಕೈಕಾಲುಗಳು ಕಂಪಿಸುತ್ತಿತ್ತು.
+"ನಮ್ಮ ನಿಮ್ಮ ಸಂಬಂಧ ತೊಡೆದು ಹೋದ್ರೂ ಪರ್ವಾಗಿಲ್ಲ.
+ಇದ್ರಲ್ಲಿ ಚಾರುಲತದು ತಪ್ಪಿಲ್ಲ.
+ಅವ್ಳಿಗೆ ಶಿಕ್ಷೆ ವಿಧಿಸ್ಟೇಡಿ" ವಿನಂತಿಸಿದರು ನಡುಗುವ ದನಿಯಲ್ಲಿ.
+ಯುಗಂಧರ್‌ ಕಣ್ಣುಗಳು ಕೆಂಪಗಾಯಿತು.
+"ಮೊದ್ದು ಹೋಗಿ, ನಾನೆಲ್ಲಿ ತಾಳ್ಮೆ ಕಳೆದುಕೊಳ್ಳುತ್ತೀನೋ ಅಂತ ಭಾಸವಾಗ್ತಾ ಇದೆ. 
+ನಿಮ್ಮಮಗ್ಳು. . . ನಿಮ್ಮ ಹಣೆಬರಹ"ಎಂದವರು ಕೆಲಸದವನನ್ನ ಕೂಗಿ "ಇದನ್ನೆಲ್ಲ ಹೊರ್ಗಡೆ ಇಟ್ಟು, ಇವುಗಳ್ನ ಕಳ್ಸಿ ಬಾಗ್ಲು ಹಾಕ್ಕೊಂಡ್ಬಾ" ಜೋರು ದನಿಯಲ್ಲಿ ಹೇಳಿ ರೂಮಿನೊಳಕ್ಕೆ ಹೋಗಿ ಸದ್ದಾಗುವಂತೆ ಬಾಗಿಲೊಡೆದು ಹೋಗುವಂತೆ ಬಾಗಿಲನ್ನ ದೂಡಿದರು.
+ಕೊಂಡೊಯದದ್ದನ್ನ ತಗೊಂಡು ತಂದೆ ಮಗಳು ಹೊರಗೆ ಬಂದರು.
+ಒಂಬತ್ತೂವರೆ ತಿಂಗಳ ಹಿಂದೆ ಅಕ್ಕಿ ಚೆಲ್ಲಿ ಸಂಭ್ರಮ ಸಂತೋಷದಿಂದ ಒಳಗಡಿಯಿಟ್ಟ ಸೊಸೆ ಬೇಡವಾಗಿದ್ದಳು.
+ಸುಸ್ತಾಗಿ ಬೀಳುವಂತಿದ್ದ ತಂದೆಯ ತೋಳನ್ನ ಹಿಡಿದುಕೊಂಡು  "ನೀವು ಇಲ್ಲೇ ಇರೀ, ನಾನ್ಹೋಗಿ ಆಟೋ ತರ್ತಿನಿ"ಅವರತ್ತ ನೋಡಿದಳು.
+ತೀರಾ ಗಟ್ಟಿ ಮುಟ್ಟಾಗಿದ್ದ ವ್ಯಕ್ತಿ ತೀರಾ ವೃದ್ಧಾಪ್ಯದ ಅಂಚನ್ನ ತಲುಪಿದಂತೆ ಕಂಗೆಟ್ಟಿದ್ದರು.
+"ಬೇಡಮೃ ನಾನು ಬಂದ್ಬಿಡ್ತೀನಿ" ಎಂದರು ಕ್ಷೀಣವಾಗಿ.
+ಅವರನ್ನ ನಡೆಸಿಕೊಂಡು ಗೇಟಿನಿಂದ ಹೊರ ಬಂದು ಗೇಟು ಹಾಕಿ ಅಲ್ಲಿಯೇ ನಿಂತಳು.
+ಅವಳದೇ ಮನೆ !ಈಗ ದೂಡಲ್ಪಟ್ಟಿದ್ದಳು.
+ಅಷ್ಟು ದೂರ ಬಂದವರೇ ವಾಸುದೇವಯ್ಯ ಕುಸಿದಾಗ ಪಕ್ಕಕ್ಕೆ ಕರೆದೊಯ್ತು ಒಂದು ಕಡೆ ಕೂಡಿಸಿ  "ಒಂದ್ಮಿಷ. . . . ಬರ್ತೀನಪ್ಪ" ಓಡಿ ಹೋಗಿ ಡಾ||ನವೀನ್‌  ಕೆಲಸ ಮಾಡುತ್ತಿದ್ದ ನರ್ಸಿಂಗ್‌ಹೋಂಗೆ ಫೋನ್‌ ಮಾಡಿ ಎಳೆ ನೀರಿನೊಂದಿಗೆ ಆಟೋದಲ್ಲಿ ಬಂದಳು.
+ಸ್ವಲ್ಪ ಎಳೆನೀರು ಕುಡಿದ ಮೇಲೆ ವಾಸುದೇವಯ್ಕ ತುಸು ಮಟ್ಟಿಗೆ ಚೇತರಿಸಿಕೊಂಡರು.
+ಆಟೋದಲ್ಲಿ ಕೂಡಿಸಿಕೊಂಡು ಮನೆ ತಲುಪುವ ವೇಳೆಗೆ ಸ್ಕೂಟರ್‌ ಹೊರಗೆ ನಿಲ್ಲಿಸಿಕೊಂಡು ಡಾ||ನವೀನ್‌ ನಿಂತಿದ್ದ ಆತಂಕದಿಂದ.
+"ಏನಾಯ್ತು ?'ಆಟೋ ಬಳಿಗೆ ಧಾವಿಸಿದ.
+"ಏನಿಲ್ಲ ಒಂದಿಷ್ಟು ಸುಸ್ತಾದ್ರು.
+ಸುಮ್ನೇ ಗಾಬ್ರಿಯಿಂದ ಫೋನ್‌ ಮಾಡ್ದೆ"ತಂದೆಯನ್ನ ನಿಧಾನವಾಗಿ ಇಳಿಸಿಕೊಂಡು ಒಳಗೆ ಕರೆದೊಯ್ದಳು.
+ಮಲಗಿಸಿದ ಮೇಲೆ ಡಾ|।ನವೀನ್‌ ಪರೀಕ್ಷಿಸಿದ.
+ಬರೀ ಷಾಕಾಗಿತ್ತು.
+ಏನು ಅನಾಹುತವಾಗದಿದ್ದರೂ ಅನಾಹುತದ ಮುನ್ಸೂಚನೆಯೆನಿಸಿತು.
+"ರೆಸ್ಟ್‌ ತಗೊಳ್ಳಿ, ಸಾಕು" ಹೊರಗೆ ಹೋದ ನವೀನ್‌ ಸಪ್ಪಗೆ ಒಂದು ಕಡೆಕೂತುಬಿಟ್ಟ.
+ತಂಗಿಯನ್ನ ಪ್ರಶ್ನಿಸಬೇಕೆನಿಸಲಿಲ್ಲ.
+ಎಲ್ಲ ತೆರೆದ ಚಿತ್ರದಂತಿತ್ತು.
+ಒಂದು ರೀತಿಯಲ್ಲಿ ಮೂರ್ತಿ ಸಂಗಾತಿಗೆ ಬಿಡುಗಡೆ ಘೋಷಿಸಿದ್ದ.
+ಮುಂದೇನು?
+ಚಾರುಲತಳ ವೈವಾಹಿಕ ಜೀವನಕ್ಕೆ ಬೆಂಕಿ ಇಟ್ಟ ಮೊದಲ ಅಣ್ಣ ತಾನೇ !
+ನೊಂದ, ಮುಷ್ಟಿ ಬಿಗಿ ಹಿಡಿದು ಗಾಳಿಯಲ್ಲಿ ಗುದ್ದಿದ.
+ತನಗೇ ಸ್ವತಃ ತಂಗಿಗಿಂತ ನೀರದ ಹೆಚ್ಚಾದಳೇ ?ಹುಚ್ಚು ಹಿಡಿದಂತಾಯಿತು.
+"ಏನಾಯ್ತು, ಮಾವನವ್ರಿಗೆ ?" ಬಂದ ನೀರದ ಕೇಳಿದಳು.
+"ಏನಾದ್ರೂ ಕೆಲ್ಸವಿದ್ದರೇ ನೋಡ್ನೋಗು" ಎದ್ದು ಹೋದ ಮುಖ ತಿರುಗಿಸಿಕೊಂಡು.
+"ಇವಳ್ಳಾಕೆ ತನ್ನ ಬಾಳಿನಲ್ಲಿ ಬಂದಳು ?"ನಾಲ್ಕು ದಿನದ ಹಿಂದೆ ವಿವಾಹವಾದ ಸಂಗಾತಿಯನ್ನು ದೂಷಿಸಿದ.
+ಎರಡು ದಿನದಲ್ಲಿ ವಾಸುದೇವಯ್ಯ ಒಂದಿಷ್ಟು ಚೇತರಿಸಿಕೊಂಡಾಗ, ಮಗನನ್ನ ಕರೆಸಿಕೊಂಡರು ರೂಮಿಗೆ.
+"ಈಗ ಚಾರುಲತ ವಿಷ್ಯ ಏನ್ಮಾಡೋದು ?" ಪಿಸು ದನಿಯಲ್ಲಿ ಕೇಳಿದಾಗ ನಿಟ್ಟುಸಿರು ದಬ್ಬಿದ "ಒಂದು ಗೊತ್ತಾಗ್ತಾ ಇಲ್ಲ.
+ಒಂದು ಹತ್ತು ಸಲ ಅವ್ನ ಕಾಲೇಜಿಗೆ ಫೋನ್‌ ಮಾಡಿರಬೇಕು.
+ಮೂರ್ತಿಗೆ ಮಾತಾಡೋಕೆ ಇಷ್ಟವಿಲ್ಲ.
+ಬಹುಶಃ ಆವನಾಗಿ ಬಂದು ಚಾರುಲತನ ಸಧ್ಯಕ್ಕೆ ಕರ್ಕೊಂಡ್ಹೋಗೋಲ್ಲ.
+ಅವ್ನು ಇರೋ ಸ್ಥಿತಿಯಲ್ಲಿ ನಾವಾಗಿ ಕರ್ಕೊಂಡ್‌ ಹೋದ್ರೂ. . . ಗೆಟ್‌ ಔಟ್‌ ಅನ್ನಬಲ್ಲ.
+ಈ ವಿಷ್ಯದಲ್ಲಿ ಕಾನೂನಿನ ಮೊರೆ ಹೋಗ್ಬೇಕು."ತನ್ನ ನಿಸ್ಸಹಾಯಕತೆ ವ್ಯಕ್ತಪಡಿಸಿದ.
+"ಸಾಕು ಸುಮ್ಮನಿರು !
+ಕೋರ್ಟು ಮೆಟ್ಟಿಲು ಹತ್ತಿದ್ದೇಲೆ ಮಿಕ್ಕೆಲ್ಲ ಬಾಗಿಲು ಮುಚ್ಚಿದಂಗೆ.
+ಎಂಥ ಮಾತು ಆಡ್ತೀಯಾ ?
+ಎನು ನಿನ್ನ ಉದ್ದೇಶ ?
+ಎಷ್ಟೊಂದು ಚೆನ್ನಾಗಿದ್ದರು, ಗಂಡ ಹೆಂಡ್ತಿ" ವಾಸುದೇವಯ್ಯ ಅತ್ತೇ ಬಿಟ್ಟರು.
+ಅವೆಲ್ಲ ಬರೀ ನೆನಪುಗಳೇ ಆಗಿ ಬಿಡುತ್ತವೆಯೇನೋ ಎನ್ನುವ ಭಯ.
+ಮೊದಲೇ ನೊಂದ ಅವನಿಗೆ ಮುಖದ ಮೇಲೊಡೆದಂತಾಯಿತು.
+"ನೀವೇನು ಹೇಳ್ತಾ ಇದ್ದೀರಾ ?"ಎಂದ ಗಾಬರಿಯಿಂದ.
+"ಏನಿದೆ ಹೇಳೋಕೆ ?
+ನಿನ್ನಿಂದ್ಲೇ ತಾನೇ, ಇಂಥ ಪರಿಸ್ಥಿತಿ ಉದ್ಭವವಾಗಿದ್ದು"ಆಂದೇ ಬಿಟ್ಟರು.
+ಅವರ ವಿವೇಕ ಆ ಕ್ಷಣ ಸತ್ತಿತ್ತು.
+ಡಾ|।ನವೀನ್‌ ಕೂತಲ್ಲಿಯೇ ವಿಗ್ರಹವಾದ.
+ಇದು ಸತ್ಯವೇ ಅದನ್ನ ಅರಗಿಸಿಕೊಳ್ಳಬೇಕಾದರೇ ಕಷ್ಟವೇ.
+ಅವರದು ಮೂರ್ಖತನವಿರಬಹುದು.
+ಅಪರಾಧಿಗಳು ಆಗಿರಬಹುದು.
+ಆದರೆ ಅದರಲ್ಲಿ ತನ್ನ ಪಾಲು ಕೂಡ ಇದೆಯೆನಿಸಿದಾಗ, ಭೂಮಿಗೆ ಕುಸಿದಂತಾಯಿತು.
+ತಾನು ಆತುರಪಟ್ಟು ವಿವಾಹವಾದೆ.
+ಪೂಜಾಳ ವಿವಾಹವಾಗುವವರೆಗೆ ಕಾಯಬೇಕಿತ್ತು.
+ಅದಕ್ಕೆ ನೀರದ ಆಗಲೀ, ಅವರ ಮನೆಯವವರಾಗಲೀ ಸಿದ್ದರಾಗಿರಲಿಲ್ಲವೆಂದು ಅವನಿಗೆ ಗೊತ್ತು.
+ತೆಪ್ಪಗೆದ್ದು ಹೊರಗೆ ಬಂದ.
+ಮುಂದಿನ ವರಾಂಡದಲ್ಲಿ ಕೂತು ಪೇಪರ್‌ತಿರುವುತ್ತಿದ್ದ ಚಾರುಲತ ತಲೆಯೆತ್ತಿದಳು.
+"ಚಾರು, ನನ್ನಿಂದ ನಿಂಗೆ ಅನ್ಯಾಯವಾಯ್ತು" ಅವಳ ಎರಡು ಕೈಗಳನ್ನ ಹಿಡಿದುಕೊಂಡ.
+"ಹಾಗಂತ ಯಾರು ಹೇಳಿದ್ದು ?
+ಪರಿಸ್ಥಿತಿ ಹಾಗೇ ನಿರ್ಮಾಣವಾಯ್ತು.
+ಪೂಜಾ ನಿನ್ನ ಸ್ನೇಹ, ಆತ್ಮೀಯತೆಯ ನಡತೆಯನ್ನ ತಪ್ಪಾಗಿ ತಿಳ್ದುಕೊಂಡಳಷ್ಟೆ.
+ಅದ್ಕೆ ನೀನೇನು ಮಾಡ್ತೀಯಾ ?"ಉದ್ವೇಗ ಗೊಳ್ಳದೇ ಮಾತಾಡಿದಳು.
+ಖಂಡಿತ ಅಣ್ಣನನ್ನ ಅಪರಾಧಿಯನ್ನಾಗಿ ಮಾಡಲು ಅವಳ ಮನಸ್ಸು ಒಪ್ಪದು.
+"ಮುಂದೇನು ?" ಕೇಳಿದ.
+"ನೋಡೋಣ"ಅಂದಳಷ್ಟೆ.
+ಆ ಪ್ರಶ್ನೆಯೇ ಅವಳನ್ನ ಹೆದರಿಸುತ್ತಿತ್ತು.
+"ನಾಳೆ ಲಾಯರ್‌ನ ಕಂಡು ಬರೋಣ?"ಸೂಚಿಸಿದ.
+ಚಾರುಲತ ಬೆಚ್ಚಿಬಿದ್ದಳು.
+ಇಷ್ಟು ಸುಲಭವಾಗಿ ಕಾನೂನಿನ ಮೂಲಕ ಪರಿಹಾರಗೊಳ್ಳುವಂತಾಗಿದ್ದರೇ, ವಿಧಿ, ವಿಧಾನ, ಸಮಾರಂಭ, ಹಿರಿಯರು,ನೆಂಟರಿಷ್ಟರು - ಅವರೆಲ್ಲ ಯಾಕೆ ಬೇಕಿದ್ದರು ?
+"ಏನಣ್ಣ, ಹೀಗೇ ಮಾತಾಡ್ತೀಯಾ ?
+ನಮ್ಮಿಬ್ರ ಮಧ್ಯೆ ಅಂಥ ಜಗಳವೇನಿದೆ?
+ಡೈವೋರ್ಸ್‌ಗೆ ಕೆಲವು ಕಾರಣಗಳಾದ್ರೂ ಬೇಕಾಗುತ್ತೆ.
+ದಯವಿಟ್ಟು ಕ್ಷಮಿಸು"ಎದ್ದು ಹೋದಳು.
+ಯಾಕೋ, ಏನೋ ಪರಕೀಯತೆ ಬಾಧಿಸಿತು ಅವಳನ್ನ.
+ಹುಟ್ಟಿ ಇಲ್ಲೇ ಬೆಳೆದಿದ್ದರೂ ವಿವಾಹದ ನಂತರ ಇಲ್ಲಿ ಉಳಿಯುವುದು ಸಮಂಜಸವಾಗಿ ಕಾಣಲಿಲ್ಲ.
+ಮದುವೆಯಲ್ಲಿ ಕೇಳಿದವರಿಗೆಲ್ಲ ಉತ್ತರಿಸಿ ಸಾಕಾಗಿತ್ತು.
+ಕೆಲವರಿಗಂತು ಏನೋ ಗುಮಾನಿ.
+"ಇದ್ದ ಊರು, ನಿನ್ನ ಅತ್ತೆ ಮಾವ ಬರಲಿಲ್ಲಾಂದರೇ ಏನು ಅರ್ಥ?
+ನಿನ್ನ ಗಂಡನು ಕಾಣ್ಣಿಲ್ಲ" ಕೆಲವರಂತು.
+ನೇರವಾಗಿಯೇ ಕೇಳಿದ್ದರು.
+ಜೊತೆಗೆ ಹಲವಾರು ಕತೆಗಳು ಹರಡಿ ಬಿಟ್ಟವು.
+ಪ್ರತಿಯೊಬ್ಬರು ತಮ್ಮ ಕಲ್ಪನೆಗಳಿಗೆ ಅನುಸಾರವಾಗಿ ಚಿತ್ರ ಬಿಡಿಸಿದರು.
+ಅವಕ್ಕೇನು ತಲೆ, ಬುಡವಿರಲಿಲ್ಲ.
+ಎಲ್ಲಾ ಬಿಟ್ಟು ನೀರದ ಮಂಚವಿಡಿದ ತಾಯಿಯೇ ಕೇಳಿದರು “ಯಾಕೆ,ಯಾರು. . . . ಬರಲಿಲ್ಲ ?
+ಅವುರ ಅಂತಸ್ತಿಗೆ ಏನೇನು ಸಾಲದ ಜನ ನಾವು.
+ಇಂಥ ಆರೋಗ್ಯದಲ್ಲು ನಾನು, ಅವ್ಳು ಲಗ್ನಪತ್ರಿಕೆ ಹಿಡಿದು ಹೋದಾಗ ಒಬ್ರೂ ಮಾತಾಡ್ಲಿಲ್ಲ.
+ಕನಿಷ್ಟ ಹೊರಟಾಗ ಕುಂಕುಮ ಕೊಡೋ ಸೌಜನ್ಯ ಕೂಡ ತೋರಿಲ್ಲ ಆಕೆಯ ನೊಂದ ಮಾತುಗಳಿಗೆ ಪ್ರತಿಕ್ರಿಯಿಸಿರಲಿಲ್ಲ.
+ಬಹಳ ಹೊತ್ತು ಹೊರಗಡೆಯೇ ನಿಂತಳು.
+ಅಣ್ಣನ ಬಾಯಿ ಮುಚ್ಚಿಸಿದ್ದಳು.
+ಆದರೆ ಮೂರ್ತಿ ಕಡೆಯಿಂದಲೇ ಡೈವೋರ್ಸ್‌ ಪೇಪರ್ಸ್‌ ಬಂದರೇ,ಕಷ್ಟವೆನಿಸಿದರೂ ಬೇಡದ ವ್ಯಕ್ತಿಯಾಗಿ ಅವನ ಜೀವನದಲ್ಲಿ ಇರಲು ಇಷ್ಟಪಡಳು.
+"ಚಾರು, ಏನ್ಮಾಡ್ತಾ ಇದ್ದೀಯಾ ?" ನೀರದ ಬಂದು ಅವಳ ಭುಜದಮೇಲೆ ಕೈಯಿಟ್ಟಾಗ ಪ್ರಯತ್ನ ಪೂರ್ವಕವಾಗಿ ನಗುವನ್ನ ಎಳೆ ತಂದಳು ಮುಖದ ಮೇಲೆ  "ಸುಮ್ನೇ ನಿಂತೇ ?"ಒಳಗಿನ ಸೆಕೆಯ ಧಗೆಗಿಂತ ಇಲ್ಲಿ ಆರಾಮಾಗಿದೆ.
+ಏನ್ಮಾಡ್ಮಾ ಇದ್ದಾರೆ, ನಿಮ್ಮ ರಾಜಕುಮಾರ ?
+ಹಾಸ್ಯ ಮಾಡಿದಳು ಕೆನ್ನೆ ತಟ್ಟಿ.
+ಅವಳ ಮುಖ ಮಂಕಾಯಿತು.
+ವಿವಾಹವಾದ ವಾರದಲ್ಲಿಯೇ ಕರಗಿಹೋಯಿತೇ ಪ್ರೀತಿಯ ಉದ್ವೇಗ, ಪ್ರಣಯದ ಆವೇಗ ?
+ನವೀನ್‌ ಗದರಿದ್ದ ಮುಲಾಜಿಲ್ಲದೆ.
+"ಯಾಕೋ, ನವೀನ್‌ ಒಂದು ತರಹ ಇದ್ದಾರೆ ?" ಎಂದಳು ಸಪ್ಪಗೆ.
+"ಅಪ್ಪ, ಸ್ವಲ್ಪ ಹುಷಾರು ತಪ್ಪಿದರಲ್ಲ ಅದಕ್ಕೋಸ್ಕರ ಅಷ್ಟೆ.
+ಒಂದಿಷ್ಟು ಓಡಾಡಿದ ಆಯಾಸ ಅವ್ರಿಗೂ ಕೂಡ" ಎಂದು ನುಡಿದಳು.
+ನೀರದ ಅವಳ ಕೈಯನ್ನ ತನ್ನ ಕೈಯೊಳಗೆ ತಗೊಂಡು "ನೀವುಗಳು ತಗೊಂಡ್ಹೋಗಿದ್ದು ವಾಪಸ್ಸು ತಂದಿದ್ದೀರಾ.
+ಅವುಗಳ ಕೋಪ ಕಮ್ಮಿ ಆಗಿಲ್ವಾ?" ಅಷ್ಟಿಷ್ಟು ಸಂಗ್ರಹಿಸಿದನ್ನ ಅಂದಾಜಿಗಿಟ್ಟುಕೊಂಡು ಕೇಳಿದ್ದು.
+ಚಾರುಲತ ಸಣ್ಣಗೆ ನಗೆ ಬೀರಿದಳು.
+ಆದರಲ್ಲಿ ಇದ್ದಿದ್ದು ಬರೀ ನೋವೆ.
+ನೀರದನ ದೂರುವಷ್ಟು ಅವಿವೇಕಿಯೇನಲ್ಲ.
+"ಸಮಯ ಬೇಕಾಗುತ್ತೆ.
+ಅದಕ್ಕಾಗಿ ನೀವು ತಲೆ ಕೆಡ್ಸಿಕೊಳ್ಳೋದ್ಬೇಡ.
+ಅಣ್ಣನ ಹತ್ರನು ಈ ಪ್ರಸ್ತಾಪವೆತ್ತಿ ನಿಮ್ಮಗಳ ಮಧುರ ಕ್ಷಣಗಳನ್ನ ಹಾಳುಮಾಡ್ಕೋಬೇಡಿ.
+ಒಂದಿಷ್ಟು ಬೇಜಾರಿದೆ.
+ದಿನ ಕಳೆದಂತೆ ಕಡಿಮೆ ಆಗುತ್ತೆ."
+ಚಾರುಲತಳ ಮಾತುಗಳಿಗೆ ಮೌನವಾದಳು ನೀರದ.
+ತಾಳಿ ಕುತ್ತಿಗೆಗೆ ಬೀಳುವವರೆಗೂ ಚಡಪಡಿಸಿತ್ತು ಅವಳ ಇಡೀ ಕುಟುಂಬ.
+ಅವರುಗಳ ಸ್ಥಿತಿಯಲ್ಲಿ ಡಾಕ್ಟರನ್ನ ಅಳಿಯನಾಗಿ ಪಡೆದಿದ್ದು ಅದೃಷ್ಟವೇ, ಕೆಲವು ವಿಷಯಗಳು ಗೊತ್ತಿದ್ದರೂ ಗೊತ್ತಿಲ್ಲದಂತೆ ವರ್ತಿಸಿದ್ದಳು.
+ಒಳಕ್ಕೆ ಹೋದ ನೀರದ ಹೊರಗೆ ಬಂದು "ಮುಂದೇನು ?ಮುಂದೇನು?"ಎನ್ನುವಂತೆ ನೋಡಿದಳು.
+“ಪ್ಲೀಸ್‌, ನೀರದ ಸಧ್ಯಕ್ಕೇನು ಕೇಳ್ಬೇಡಿ" ಎಂದಳು.
+ಹಿಂದಿನ ರಾತ್ರಿ ಹತ್ತಿರ ಬಂದ ಮಡದಿಯನ್ನ ನವೀನ್‌ ದೂರ ಸರಿಸಿ "ಸುಮ್ನೇ ಮಲಕ್ಕೋ, ನಂಗೆ ಓದೋದಿದೆ"ಎಂದಿದ್ದ.
+ಬೆಳಗಿನಿಂದ ಎಷ್ಟೋ ಅಷ್ಟು ಮಾತು.
+ಈಗಾಗಲೇ ಹತ್ತಾರು ವರ್ಷ ದಾಂಪತ್ಯ ಜೀವನ ನಡೆಸಿ ಸಾಕಾದವನಂತೆ ಕಂಡಿದ್ದ.
+"ಮುಂದೇನು ?"ಈ ಪ್ರಶ್ನೆ ಇನ್ನ ಹೆಚ್ಚಾಗಿ ಅವಳನ್ನ ಕಾಡಿತು.
+ಮಾರನೆ ದಿನ ಬೆಳಿಗ್ಗೆ ಎದ್ದವನೇ ಯಾರಿಗೂ ಹೇಳದೇ ನವೀನ್‌ ಬಸ್ಸು ಹತ್ತಿದ.
+ಇನ್ನ ನಸುಕಿನ ಚಳಿ ಇತ್ತು.
+ಹೇಗಾದರೂ ಮೂರ್ತಿಯ ಕಾಲು ಹಿಡಿದಾದರೂ ತಂಗಿಯ ಜೀವನ ಸರಿಪಡಿಸಬೇಕಿತ್ತು.
+ಇವನು ಹೋದಾಗ ಮೂರ್ತಿ ಸ್ನಾನ ಮುಗಿಸಿ ಬ್ರೇಕ್‌ಫಾಸ್ಟ್‌ಗೆ ಕೂತಿದ್ದ.
+ಅಡಿಗೆ ಮಾಡುವುದರಲ್ಲಿ ಅವನಿಗೆ ಸೋಮಾರಿತನವಿರಲಿಲ್ಲ.
+ಅವನೇ ಬೇಕೆನಿಸಿದನ್ನ ಮಾಡಿಕೊಳ್ಳುತ್ತಿದ್ದ.
+ಮುಖ ನೋಡಿದ ಕೂಡಲೇ "ಹಲೋ. . . .  "ಎಂದಿದ್ದು ನವೀನ್‌.
+ಕೆಟ್ಟ ಮುಖ ಮಾಡಿಕೊಂಡೇ ಬೇಕೋ, ಬೇಡವೋ ಎನ್ನುವಂತೆ ಮೂರ್ತಿ "ಹಲೋ. . . "ಎಂದ ಮೆಲ್ಲಗೆ.
+ಡಾ||ನವೀನ್‌ ಅವನ ಪ್ರಕಾರ ದೊಡ್ಡ ಅಪರಾಧಿ ಅವನಲ್ಲಿ ಇವನಿಗಾಗಿ ಕ್ಷಮೆ ಇಲ್ಲ.
+"ಆಗ್ಲೇ, ರಾಯರು ಬ್ರೇಕ್‌ಫಾಸ್ಟ್‌ ಮುಗಿಸುವಂತಿದೆ" ಎಂದ ತಮಾಷೆಯಾಗಿ ಅತ್ಯಂತ ತಾಳ್ಮೆಯಿಂದ ಡಾ|। ನವೀನ್‌. 
+ಅವನು ಅದಕ್ಕೆ "ಉಭ-ಶುಭ'ಎನ್ನಲಿಲ್ಲ.
+ಸುಮನೆ ಕೂತ.
+ಅತ್ಮಂತ ಸಹನೆಯಿಂದ ಡಾ।।ನವೀನ್‌ ಅವನ ಎದುರು ಕೂತ.
+ಮಾತು ಹೇಗೆ ಪ್ರಾರಂಭಿಸುವುದೆಂದು ಯೋಚಿಸಿದ.
+"ಏನು ಬಂದಿದ್ದು ? ನಂಗೆ ಕಾಲೇಜಿಗೆ ಹೊತ್ತಾಗುತ್ತೆ."
+"ಪ್ಲೀಸ್‌, ನಿಂಗೆ ತಪ್ಪು ಅನ್ನಿಸಿದರೇ. . . ನನ್ಮೇಲೆ ಕೋಪ ಮಾಡ್ಕೋ.
+ಇದ್ರಲ್ಲಿ ಚಾರು ತಪ್ಪೇನು ಇಲ್ಲ.
+ಸುಮ್ನೇ ಅನಗತ್ಯ ಮನಸ್ತಾಪದಿಂದ ನಿನ್ನ ಸಂಸಾರಹಾಳು ಮಾಡ್ಕೋಬೇಡ" ಬುದ್ಧಿ ಹೇಳಿದ.
+ಮೇಲೆದ್ದ ಮೂರ್ತಿ "ನಿನ್ನ ಬುದ್ಧಿವಾದ ನಂಗೆ ಅಗತ್ಯವಿಲ್ಲ.
+ಅನಗತ್ಯ ಮಾತುಗಳಿಂದ ಮತ್ತಷ್ಟು ವಿರಸ, ಗೆಟ್‌ ಔಟ್‌ ಅನ್ನೋಕೆ ಮೊದ್ಲೇ ಹೋಗ್ಟಿಡೋದು ಒಳ್ಳೇದು.
+ಕೋಪದ ಸಮಯದಲ್ಲಿ ಓದು, ಸಂಸ್ಕಾರ ಸತ್ತುಹೋಗುತ್ತೆ" ರೂಮಿಗೆ ಹೋಗಿ ಎರಡೇ ನಿಮಿಷದಲ್ಲಿ ಬಟ್ಟೆ ಬದಲಾಯಿಸಿಕೊಂಡು ಬಂದವನೇ ಷೂ ಕಟ್ಟಿಕೊಂಡು "ಇನ್ಮೇಲೆ ಎಂದೂ ರಾಯಭಾರಕ್ಕೆ ಬರೋದ್ಬೇಡ.
+ನನ್ನ ಒಳಿತು ಕೆಡಕು ನಂಗೆ ಗೊತ್ತು" ತೀಕ್ಷ್ಣವಾಗಿ ಹೇಳಿ ಕೀ ಬಂಚನ್ನ ಎತ್ತಿಕೊಂಡ.
+"ಜಾರು, ನಾಳೆ ಇಲ್ಲಿಗೆ ಬರ್ತಾಳೆ" ಹೇಳಿದ. 
+“ಬರೋದ್ಬೇಡ. . . ” ಎಂದು ಸ್ಕೂಟರ್‌ ತಳ್ಳಿಕೊಂಡು ಹೊರಗೆ ಹೋದ ಮೂರ್ತಿ ಪಕ್ಕದ ಮನೆಯ ಹುಡುಗನನ್ನ ಕರೆದು "ಒಳಗಿದ್ದವುನು ಹೋದಕೂಡ್ಲೇ.. . ಬೀಗ ಹಾಕಿಕೋ"ಅಷ್ಟು ಹೇಳಿ ಸ್ಕೂಟರ್‌ ಏರಿದ.
+ಗಾಜಿನ ಹೂಜಿಯಲ್ಲಿದ್ದ ನೀರನ್ನ ಗ್ಲಾಸ್‌ಗೆ ಬಗ್ಗಿಸಿಕೊಂಡು ಕುಡಿದ ಡಾ|।ನವೀನ್‌ ಹೊರಗೆ ಬಂದ.
+ಪಕ್ಕದ ಮನೆ ಹುಡುಗ ಬೀಗ ಹಾಕಿ ಕೊಂಡುಹೋದ.
+ಆದರೆ ಅವನ ತಾಯಿ ಕುತೂಹಲಕ್ಕೆ ಹೊರಗೆ ಬಂದವರು "ಚಾರುಲತ ಎಂದು ಬರ್ತಾರೆ ?"ವಿಚಾರಿಸಿದ .
+ನಂತರ ಪೂಜಾಳ ಬಗ್ಗೆ ಒಂದು ವಿಷಯ ತಿಳಿಸಿದರು  "ಆ ಹುಡ್ಗೀ ನಿದ್ದೆ ಮಾತ್ರೆಗಳ್ನ ನುಂಗಿ ಬಿಟ್ಟಿದ್ದಂತೆ.
+ಬದುಕಿದ್ದೆ ಹೆಚ್ಚೂಂದ್ರು.
+ಈಗ ಹೇಗಿದ್ದಾಳೆ ?"ಅವನನ್ನ ಕೇಳಿದರು.
+"ಈಗ ಪರವಾಗಿಲ್ಲ" ಎಂದು ಮುಖದ ಬೆವರನ್ನೊರೆಸಿಕೊಂಡ.
+ನಿಧಾನವಾಗಿ ಬಸ್‌ಸ್ಟಾಂಡ್‌ನ ಕಡೆ ಹೆಜ್ಜೆ ಹಾಕಿದ.
+ಆತ್ಮಹತ್ಯೆ ಮಾಡಿಕೊಳ್ಳುವಷ್ಟು ಅವಳ ಪ್ರೀತಿ ಪ್ರಬಲವಾಗಿದೆಯೆಂದು ಕೊಂಡಿರಲಿಲ್ಲ
+ತನ್ನನ್ನ ಅಷ್ಟೊಂದು ಪ್ರೇಮಿಸುವ, ಬಯಸುವ ಹೆಣ್ಣನ್ನ ನಿರಾಕರಿಸಬಾರದೆಂದುಕೊಂಡ.
+ಪೂಜಾಳಿಗಾಗಿ ಅವನ ಮನ ಮರುಗಿತು.
+ಬಸ್‌ಸ್ಟಾಂಡ್‌ ಹೋಟಲ್‌ನಲ್ಲಿ ತಿಂಡಿ ಮುಗಿಸಿದ.
+ಎಲ್ಲಾ ವಿಚಿತ್ರವೆನಿಸಿತು.
+ಅವಳ ನಗೆ ಚಾಟಿಕೆಗಳಲ್ಲಿ ಪ್ರೇಮವಿದೆಯೆಂದು ಅವನು ಗುರ್ತಿಸಿರಲಿಲ್ಲ.
+"ಸೋ ಸಾರಿ, ಎಕ್ಸ್‌ಕ್ಯೂಜ್‌ ಮಿ ಪೂಜಾ" ಎಂದು ಮನದಲ್ಲಿಯೇ ಹೇಳಿಕೊಂಡು ಬಸ್ಸಿಗಾಗಿ ಕಾದು ನಿಂತ.
+ಆದರೆ ವಾಸುದೇವಯ್ಯ ಮತ್ತೊಂದು ಬಸ್ಸಿನಿಂದ ಇಳಿದಾಗ ದಿಗ್ಮೂಢನಾದ.
+ “ಅಪ್ಪ. . . ” ಧಾವಿಸಿದ ಅವರ ಬಳಿಗೆ.
+ಮೊದಲೇ ಸುಸ್ತಾಗಿದ್ದವರು ಮಗನ ಮುಖ ನೋಡಿ ಯಾವುದೇ ಭಾವನೆಗಳನ್ನ ವ್ಯಕ್ತಪಡಿಸಲಾರದೆ ಹೋದರು.
+"ಮೂರ್ತಿನ ನೋಡೋಕೆ ಬಂದ್ರಾ ?
+ಅವ್ರು ಊರಿನಲ್ಲಿ ಇಲ್ಲ.
+ಟೂರ್‌ಗೆ ಹೋಗಿದ್ದಾರೆಂದು ಅವ್ರ ಪಕ್ಕದ ಮನೆಯವು ಹೇಳಿದ್ರು.
+ಈ ಸ್ಥಿತಿಯಲ್ಲಿ  ನೀನ್ಯಾಕೆ. . . ಬಂದೆ ?" ತಂದೆಯ ಮೇಲೆ ನಸುಗೋಪ ಬೀರಿದ.
+ಕರೆದುಕೊಂಡು ಹೋಗಿ ಆಸನದ ಮೇಲೆ ಕೂಡಿಸಿ ಬಿಸಿ ಹಾಲು ತಂದುಕೊಟ್ಟ.
+ತಂದೆಯ ಬಗ್ಗೆ ಅಯ್ಯೋ ಅನಿಸಿತು.
+ಮಗಳ ಜೀವನದ ಬಗ್ಗೆ ಸಂತೃಪ್ತಿಯಿಂದ ಇದ್ದವರಿಗೆ ವಕ್ಕರಿಸಿದ್ದು ಪೆಡಂಭೂತ.
+"ಚಾರುಲತನ ನೋಡಿದ್ರೆ ಹೊಟ್ಟೆಯಲ್ಲಿ ಬೆಂಕಿ ಬಿದ್ದಂಗಾಗುತ್ತೆ.
+ನಿನದ್ವೆ ಆಗಿ ಸೊಸೆ ಮನೆಗೆ ಬಂದಳಲ್ಲ ಅನ್ನೋ ಸಂತೋಷ, ಸಮಾಧಾನ ಒಂದು ಇಲ್ಲದಂಗಾಗಿದೆ" ಕೊರಗಿದರು.
+ಭಾರವಾದ ಉಸಿರನ್ನೆಳೆದುಕೊಂಡು ದಬ್ಬಿದ ಡಾ||ನವೀನ್‌ ಸದ್ಯಕ್ಕಂತೂ ರಾಜಿಯಾಗೋಲ್ಲ.
+ಕೋರ್ಟಿಗೆ ಹೋಗುವುದು ಯಾರಿಗೂ ಇಷ್ಟವಿಲ್ಲ.
+ಸ್ವಾಭಿಮಾನಿ ಚಾರುಲತ ಇಷ್ಟವಿಲ್ಲದ ಗಂಡನ ಜೊತೆ ಬಾಳಲು ಸಿದ್ಧವಿಲ್ಲ.
+"ಎಲ್ಲಾ ಸರಿಹೋಗುತ್ತೆ ಬಸ್ಸುನ ನೋಡ್ಕೊಂಡ್ಬರ್ತಿನಿ" ತಂದೆಯನ್ನ ಅಲ್ಲಿಯೇ ಬಿಟ್ಟು ಹೋದ.
+ತಂದೆ ಬೇಟಿಯಾದರೂ ಭಿನ್ನವಾಗೇನೂ ಮೂರ್ತಿ ಪ್ರತಿಕ್ರಿಯಿಸಲಾರ.
+ನಿದ್ದೆ ಮಾತ್ರೆ ನುಂಗಿ ಸಾವು- ಬದುಕುಗಳ ತೂಗುಯ್ಯಾಲೆಯಲ್ಲಿ ನರಳಿದ ಪೂಜಳ ಚಿತ್ರ ಇನ್ನಷ್ಟು ಅವನನ್ನು ರೊಚ್ಚಿಗಬ್ಬಿಸಬಹುದು.
+ಕಾಲವೇ ಕೆಲವಕ್ಕೆ ಪರಿಹಾರವೆಂದುಕೊಂಡ.
+ಬಸ್ಸುನಲ್ಲಿ ಕೂತ ನಂತರ ವಾಸುದೇವಯ್ಯ ಮಗನನ್ನು ಕೇಳಿದರು.
+"ಮೂರ್ತಿನಿಜ್ಜಾರ್ಗ್ಗೂ ಟೂರ್‌ ಹೋಗಿದ್ದಾರ ?"
+ಅವರ ಸ್ಟರದಲ್ಲಿದ್ದ ದಟ್ಟವಾದ ಅನುಮಾನ ಗುರ್ತಿಸಿ  "ನಾನ್ಶಾಕೆ ಸುಳ್ಳು ಹೇಳ್ಲಿ ?
+ನಾನು ಕೂಡ ಅವ್ನ ಭೇಟಿ ಮಾಡೋ ಉದ್ದೇಶದಿಂದ್ಲೇ ಬಂದಿದ್ದು.
+ನಂಗೂ ಚಾರು ಭವಿಷ್ಯದ ಬಗ್ಗೆ ಚಿಂತೆ ಇದೆ.
+ಆದರೂ ಅಷ್ಟೊಂದು ಪರದಾಟ ಬೇಕಿಲ್ಲ.
+ಜೀವನದಲ್ಲಿ ಒಮ್ಮೆ ಕಳೆದುಕೊಂಡರೇ ಚಾರು ಅಂಥ ಹುಡ್ಗೀನ ಮತ್ತೆ ಪಡೆಯಲು ಕೆಲವು ಜನ್ಮಗಳಾದ್ರೂ ಬೇಕಾಗುತ್ತೆ?"
+ತುಸು ಗುಡುಗಿದ.
+ವಾಸುದೇವಯ್ಯ ಮಾತಾಡಲಿಲ್ಲ.
+ಸಾಂಪ್ರದಾಯಿಕ ಮನಸ್ಸು, ಹೆಣ್ಣು ಹೆತ್ತ ತಂದೆ-ಅವರ ಭಯವೇ ಬೇರೆ,ನೀರದ, ಚಾರುಲತ-ಬಿಡಿ ಬಿಡಿಯಾಗಿ ಹೋದ ತಂದೆ, ಮಗ ಒಟ್ಟಿಗೆ ಬಂದಿದ್ದನ್ನು ನೋಡಿ ಆಶ್ಚರ್ಯಗೊಂಡರು.
+"ನೀವೆಲ್ಲಿ ಹೋಗಿದ್ರಿ, ಅಪ್ಪ ?ನಿಮ್ಗೇ ರೆಸ್ಟ್‌ ಬೇಕಿತ್ತು" ಚಾರುಲತ ಮುಖ ಸಣ್ಣಗೆ ಮಾಡಿದರೂ, ಅವರಿಬ್ಬರು ಬಿಡಿ ಬಿಡಿಯಾಗಿಯಾದರೂ ಮೂರ್ತಿಯನ್ನು ನೋಡಲು ಹೋಗಿರಬೇಕು, ಅಥವಾ ಯುಗಂಧರ್‌ ಬಳಿ ತಪ್ಪೊಪ್ಪಿಗೆ ನೀಡಲು ಹೋಗಿರಬೇಕೆಂದುಕೊಂಡಳು.
+"ಫ್ರೆಂಡ್ಸ್‌ನ ನೋಡೋಕೆ ಹೋಗಿ, ನನಗೆ ಸಿಕ್ಕಿ ಹಾಕ್ಕೊಂಡ್ರು" ಎಂದ ಡಾ|| ನವೀನ್‌ ತಂದೆಯನ್ನ ರೂಮಿಗೆ ಕರೆದೊಯ್ದು ತಾನೇ ಮಲಗಿಸಿ "ಅಪ್ಪ,ವಿಷ್ಯ ಚಾರುಲತಗೆ ಗೊತ್ತಗೋದ್ಬೇಡ."
+"ಗೊತ್ತಾಗೋದ್ರಿಂದ ಏನು ಪ್ರಮಾದವಿಲ್ಲ" ಹಿಂದಿನಿಂದ ಚಾರುಲತಳ ದನಿ ಹರಿದು ಬಂತು.
+"ಈ ರಿಸ್ಕ್‌ ಬೇಕಿದ್ಲಿಲ್ಲ."
+ಅಪ್ಪ, ಮಗ ಮುಖ ಮುಖ ನೋಡಿಕೊಂಡರು.
+ತಂದೆಯ ಪಕ್ಕ ಬಂದು ಕೂತ ಚಾರುಲತ "ಯಾವ್ದೇ ಪ್ರಯತ್ನ ಬೇಡ.
+ಸಧ್ಯಕ್ಕಂತು ಅವ್ರ ಕೋಪ ಕಮ್ಮಿ ಆಗೋಲ್ಲ.
+ನೋಡ್ತಾ ನೋಡ್ತಾ ನನ್ಮುಖ ನೋಡೋಕೂ ಅವ್ರಿಗೆ ಇಷ್ಟವಾಗ್ಹು.
+ಹತ್ತಿರವಿದ್ದು ನರಕ  ಅನುಭವಿಸುವ ಬದಲು ದೂರ ವಿರೋದೇ ವಾಸಿ.
+ಅವ್ರ ತೀರ್ಮಾನಕ್ಕೆನಂದು ಎರಡು ಮಾತಿಲ್ಲ, ಸಧ್ಯಕ್ಕೆ ಯಾವುದಾದ್ರೂ ಕೆಲ್ಸಕ್ಕೆ  ಪ್ರಯತ್ನ ಮಾಡ್ಬೇಕು.
+ಅದ್ಕೇ ಒಂದಿಷ್ಟು ಸಹಾಯ ಮಾಡಣ್ಣ?"
+ನಿಖರವಾಗಿ ನುಡಿದಳು.
+ವಾಸುದೇವಯ್ಯ ಬಿಚ್ಚಿ ಬಿದ್ದರು.
+ಅವರ ಮಟ್ಟಿಗೆ ಇದು ಸಹಿಸಲು ಸಾಧ್ಯವಿಲ್ಲ.
+ಡಾ|।ನವೀನ್‌ ಹೌಹಾರಿದರೂ ತಂಗಿಯ ಮನಸ್ಮೆರ್ಯವನ್ನು ಮೆಚ್ಚಿಕೊಂಡ.
+"ಐಯಾಮ್‌ ಪ್ರೌಡಾಫ್‌ ಯು. ಅವ್ರೇ ಪಶ್ಚಾತಾಪ ಪಡ್ತಾರೆ.
+ನೀನು ಮಾನಸಿಕವಾಗಿ ಇಷ್ಟು ಬೆಂಬಲ ಸೂಚಿಸಿದರೇ ನಾವೆಲ್ಲ ಬೇಗ ಚೇತರಿಸಿಕೊಳ್ತೀವಿ" ಹೊರಗೆ ಹೋದ.
+ಮಗಳ ಕೈ ಹಿಡಿದುಕೊಂಡ ವಾಸುದೇವಯ್ಯ ಕಣ್ಣೀರು ಸುರಿಸಿದರು "ಸುಮ್ನೇ ನಿನ್ನ ಬಾಳನ್ನ ನಾವು ಬಲಿಕೊಟ್ಟಿ.
+ಒಬ್ಬ ತಂದೆಗೆ ಸ್ವಂತ ಮಗಳ ಭವಿಷ್ಯ ಮುಖವಾಗ್ಬೇಕಿತ್ತು.
+ಇಲ್ಲಿ ನಾನೊಬ್ಬ ಮೂರ್ಖ" ತಲೆ ಚಚ್ಚಿಕೊಂಡರು.
+ಅವರನ್ನ ಸಂತೈಯಿಸುವ ವೇಳೆಗೆ ಅವಳಿಗೆ ಸಾಕು ಸಾಕಾಯಿತು.
+ನಾಲ್ಕು ದಿನಗಳ ನಂತರ ಅನಿರೀಕ್ಷಿತವಾಗಿ ಅವಳ ಗೆಳತಿಯ ಮದುವೆಯಲ್ಲಿ ಯುಗಂಧರ್‌, ಮೃಣಾಲಿನಿಯನ್ನು ಭೇಟಿಯಾದಳು ಆಕಸ್ಮಿಕವಾಗಿ.
+ಅವರುಗಳು ಮುಖ ತಿರುಗಿಸಿದರೂ ತಾನೇ ಹೋಗಿ ಮಾತಾಡಿಸಿದಳು.
+"ಹೇಗಿದ್ದೀರಾ ?"ಮೃದುವಾಗಿ ವಿಚಾರಿಸಿದಳು.
+ಯುಗಂಧರ್‌ ಮುಖ ತಿರುಗಿಸಿದರೂ ಮೃಣಾಲಿನಿ ಮಾತ್ರ  "ಚೆನ್ನಾಗಿದ್ದೀವಿ"ಎಂದರಷ್ಟೆ.
+ಅವರುಗಳಿಗೆ ಮಾತಾಡುವುದು ಇಷ್ಟವಿಲ್ಲವೆಂದು ಅರಿವಾದ ಕೂಡಲೇ ಜನರ ನಡುವೆ ಸೇರಿ ಹೋದಳು.
+ಮಧ್ಯೆ  ಬಂದವರಿಗೆ ಪಾನೀಯ ಸಪ್ಲೇ ಆಗುತ್ತಿತ್ತು.
+ಅದರ ಜವಾಬ್ದಾರಿಯನ್ನು ಅವಳೇ ವಹಿಸಿಕೊಂಡಿದಳು.
+ಒಂದು ಸಣ್ಣ ಹುಡುಗಿ ಎರಡು ಗ್ಲಾಸ್‌ ಪಾನೀಯವನ್ನು ತಂದು ದಂಪತಿಗಳ ಮುಂದಿಡಿದಳು  "ಇದ್ನ ತಗೋಬಹುದಂತೆ.
+ಅಕ್ಕ ಹೇಳಿದ್ರು" ತಿಳಿಸಿದಳು.
+ಅವರಿಗೆ ಕುಡಿಯಲು ಏನಾದರೂ ಬೇಕಿದ್ದರಿಂದ ಎತಿಕೊಂಡರು.
+"ಬಲಗಡೆದು ಹಿರಿ ಅಂಕಲ್‌ಗೆ, ಎಡಗಡೆದು ಹಿರಿ ಆಂಟಿಗೆ" ಎಂದವಳು ಅವರಿಗೆ ವಿಭಾಗಿಸಿಯೇ ಕೊಟ್ಟಿದ್ದು.
+ಯುಗಂಧರ್‌ಗೆ  ಡಯಾಬಿಟಿಸ್‌ ಇದ್ದುದ್ದರಿಂದ ಕಳಿಸಿದ್ದು ಮಜ್ಜಿಗೆ.
+ಆಕೆಗೆ ಮಾತ್ರ ಕಿತ್ತಲೆ ಹಣ್ಣಿನ ರಸ.
+"ನನ್ನ ಸೊಸೆ ಜಾಣೆ" ಅಂದೇ ಬಿಟ್ಟರು ಯುಗಂಧರ್‌.
+ನಂತರವೇ ಅವರು ಮಾಮೂಲಿಯಾಗಿದ್ದು.
+ಶುಂಠಿ, ಕೊತ್ತಂಬರಿ ಸೊಪ್ಪಿನ ಜೊತೆ ಹದವಾಗಿ ಹಿಂಗಿನ ಒಗ್ಗರಣೆ ಹಾಕಿದ ಮಜ್ಜಿಗೆ ಎಷ್ಟೋ ತಂಪೆನಿಸಿತು.
+ತುಂಬ. . . ತುಂಬ ಮೆಚ್ಚಿಕೊಂಡಿದ್ದರು ಸೊಸೆಯ ಗುಣ, ನಡತೆಯನ್ನು.
+ ಈಗ ಮೆಚ್ಚಲಾರರು. 
+ ಗಂಡ, ಹೆಂಡತಿ ಊಟ ಮುಗಿಸಿಕೊಂಡು ತಾಂಬೂಲದೊಂದಿಗೆ ಮನೆಗೆ ಬಂದಾಗ ಮ್ಹಾನವದನರಾಗಿದ್ದರು.
+ಆಮೇಲೆ ಚಾರುಲತ ಅವರ ಕಣ್ಣಿಗೆ ಬಿದ್ದಿರಲಿಲ್ಲ.
+"ನೋಡಿದ್ರಾ, ಎಷ್ಟೊಂದು ಗೆಲುವಾಗಿದ್ದು.
+ಅಣ್ಣ, ಅಪ್ಪನೇ ಅವ್ಳಿಗೆ ಸರ್ವಸ್ವವಾಗ್ಟಿಟ್ಟಿದೆ." ಮೌನವಾಗಿದ್ದ ಮನೆಯನ್ನು ನೋಡಿ ಅಂದೇ ಬಿಟ್ಟರು.
+ಸದಾ ನಗುತ್ತಾ ಹಾಸ್ಯ ಮಾಡುತ್ತ ಬಡಬಡ ಓಡಾಡುತ್ತಿದ್ದ ಪೂಜಾಳ ಮುಖದಲ್ಲಿ ನಗು ಕಂಡು ಎಷ್ಟೋ ದಿನವಾಗಿತ್ತು.
+ಇದನ್ನ ಯಾವುದೇ ತಾಯ್ತಂದೆ ಸಹಿಸರು.
+"ಹೌದು, ವಿವಾಹವಾದ್ಯೇಲೆ ಹೆಣ್ಣು ಗಂಡನ ಮನೆ ಸೊತ್ತು ಆಗ್ತಾಳೆ.
+ಅಲ್ಲಿನ ಲಾಭ-ನಷ್ಟ, ನೋವು-ನಲಿವುಗಳ  ಬಗ್ಗೆ ಚಿಂತಿಸ್ತಾಳೆ ಅದ್ಕೊಂಡೆ.
+ಆದರೆ ನಿನ್ನ ಸೊಸೆ ಪೂರ್ತಿ ಡಿಫರೆಂಟ್‌.
+ಇಲ್ಲಿನ ಬಗ್ಗೆ ಅಲ್ಪ ಸ್ವಲ್ಪ ಕಾಳಜಿ ಇದಿದ್ದರೇ ಆ ಮದ್ವೆ ಆಗೋಕೆ ಬಿಡ್ತಾ ಇದ್ದಳಾ ?
+ಸ್ವಲ್ಪ ಪಟ್ಟಾಗಿ ಕೂತಿದ್ದರೇ, ಅವ್ನು ಎದುರು ಮನೆ ಹುಡ್ಗಿಯ ಕುತ್ತಿಗೆಯಲ್ಲಿ ತಾಳಿ ಕಟ್ತಾ ಇದ್ದನಾ ?
+ಅವ್ಳಿಗೆ ಬೇಕಿದ್ಲಿಲ್ಲ.
+ಆ ಬೇವರ್ಸಿ ಸಂಬಂಧನೇ ಇಷ್ಟವಾಯ್ತು.
+ಮುಂದೆ ಅನುಭವಿಸ್ಸಿ " ಕಿಡಿಕಿಡಿಯಾದರು ಯುಗಂಧರ್‌.
+ಆದರೆ ಅಷ್ಟು ಜನ ಓಡಾಡುವ ಹೆಂಗಳೆಯರಲ್ಲಿ ತನ್ನ ಸೊಸೆ ಎದ್ದು ಕಾಣುತ್ತಿದ್ದಳೆಂಬ ಹೆಮ್ಮೆ ಕೂಡ ಜೊತೆಗೆ, ಆ ಚೆಲುವನ್ನು ನೋಡಿಯೇ ಒಪ್ಪಿಗೆ ಸೂಚಿಸಿದ್ದು.
+"ವಾಸುದೇವಯ್ಯ ನವ್ರೆ ಏನು ತಾಪತ್ರಯ ಮಾಡ್ಕೋಬೇಡಿ.
+ಕೊಡೋದು ಬಿಡೋದು ಅಂಥದೇನ್ಬೇಡ.
+ಲಕ್ಷಣವಾಗಿ ನಿಮ್ಮ ಮಗ್ಳುನ ನನ್ನ ಮಗನಿಗೆ ಧಾರೆಯೆರೆದು ಕೊಡಿ" ಎಂದಿದ್ದರು ನೋಡಿದ ದಿನವೇ.
+ಅದೆಲ್ಲ ನೆನಪಾದಾಗ ಅವರೆದೆ ಭಾರವಾಯಿತು.
+ನೇರವಾಗಿ ಮಗಳ ರೂಮಿಗೆ ಬಂದರು.
+ಎತ್ತಲೋ ನೋಡುತ್ತ ಮಲಗಿದ್ದ ಪೂಜಾಳ ಕಣ್ಣುಗಳಲ್ಲಿ ಬೆಳಕು ಇರಲಿಲ್ಲ. 
+“ಮಮ್ಮಿ. . . . ನೀರು'' ಎಂದಳು ಕ್ಷೀಣವಾಗಿ.
+ಗಾಜಿನ ಹೂಜಿಯಲ್ಲಿದ್ದ ನೀರನ್ನ ಬಗ್ಗಿಸಿ ಅವಳ ಮುಂದಿಡಿದವರು  "ಪೂಜಾ,ನೀನು ಮನಸ್ಸು ಮಾಡದೇ ನಿನ್ನ ದೇಹದಲ್ಲಿ ಶಕ್ತಿ ತುಂಬೋಲ್ಲ. 
+ನವೀನ್  ವಿವಾಹವಾದ. 
+ಇನ್ನ ಅವ್ನ ಬಗ್ಗೆ ಯೋಚ್ಸೆ ಪ್ರಯೋಜನವೇನು?
+ಮುಗ್ದುಹೋದ ಕತೆ" ತಲೆ ಸವರಿದರು.
+ಸದಾ ಅಳುತ್ತಿದ್ದ ಪೂಜಾಳ ಕಣ್ಣುಗಳಿಂದ ಕಂಬನಿ ಹರಿಯಲಿಲ್ಲ.
+ಅದೊಂದು-ಸಣ್ಣ ಬದಲಾವಣೆ.
+ಹಾಗೆಯೇ ಕಣ್ಣುಚ್ಚಿಕೊಂಡಳು.
+ಡಾಕ್ಟರ್‌ ಪ್ರಕಾರ ಅವಳಾಗಿ ಪೇಷಂಟ್‌ ಆಗಿದ್ದಳು.
+"ಮದ್ವೆ ಚೆನ್ನಾಗಿ ಆಯ್ತ ?"ವಿಚಾರಿಸಿದಳು.
+"ಎಲ್ಲಾ ನಿನ್ನನ್ನು. . . ಕೇಳಿದ್ರು"ಎಂದರು ಆಕೆ.
+ನಿಧಾನವಾಗಿ ಕಣ್ಣು ತೆರೆದು ಪೂಜಾ "ಅಮ್ಮ ನಾನು ಚೆನ್ನಾಗಿಲ್ವಾ?"
+ಅವಳ ಪ್ರಶ್ನೆಗೆ ಬೆಚ್ಚಿ "ಯಾರು ಹಾಗೇ ಹೇಳಿದ್ದು ?ದಂತದ ಗೊಂಬೆ.
+ನಿನ್ನ ಶುಭ್ರ ಬಣ್ಣ ಸಾವಿರದಲ್ಲಿ ಒಬ್ಬರಿಗೆ ಇರೋಲ್ಲ, ಹಾಗೆಲ್ಲ ಮಾತಾಡ್ಬೇಡ" ನೊಂದರು.
+"ನನ್ನ ಓದು ಕಡಿಮೇನಾ ?"ಮತ್ತೊಂದು ಪ್ರಶ್ನೆ.
+"ಏನಿದೆಲ್ಲ, ಎಂ.ಎಸ್ಸಿ  ಎಷ್ಟು ಜನ ಮಾಡೋಕೆ ಸಾಧ್ಯ ?
+ಅವ್ನು ಕಟ್ಟಿಕೊಂಡಿದ್ದು ಪಿ.ಯು.ಸಿ. ಮಾಡ್ದ ನೀರದಾನ.
+ನಿಮ್ಮಪ್ಪ ಮನೆ ಕೊಡೋಕೆ ತಯಾರಿದ್ರು.
+ನರ್ಸಿಂಗ್‌ ಹೋಂ ಮಾಡಲು ಬಂಡವಾಳ ಕೊಡ್ತಾ ಇದ್ದರು.
+ಆ ಪುಣ್ಯ ಅವ್ನಿಗೆ ಇರ್ಬೇಕಲ್ಲ.
+ಇನ್ನ ಅವ್ನ ಸುದ್ಧಿ ಮನೆಯಲ್ಲಿ ಬೇಡ" ಸಿಡಿದರು.
+ಡಾ||ನವೀನ್‌ ಮೇಲೆ ಅವರಿಗೆಷ್ಟು ಕೋಪವಿತ್ತೋ ಅದರ ಹತ್ತರಷ್ಟು ಸಿಟ್ಟು ಚಾರುಲತ ಮೇಲಿತ್ತು.
+"ನನ್ಗೆ ಮೋಸ ಮಾಡ್ಬಿಟ್ರು.
+ನನ್ನ ಫೆಂಡ್ಸ್‌ಗೆಲ್ಲ ಡಾ|| ನವೀನ್‌ ನನ್ನ ವುಡ್‌ಬೀ ಅಂತ ತೋರಿಸಿದೆ" ಮತ್ತೆ ಕಣ್ಣೀರು ಮಗಳ ಕಣ್ಣಲ್ಲಿ ಕಂಡು ರೋಸಿ "ಬೇಡ ಕಣೇ, ಇನ್ನ ಕಣ್ಣೀರು ಸುರಿಸ್ಟೇಡ.
+ನಮಗೆ ನೋಡಿ ನೋಡಿ ಸಾಕಾಗಿದೆ.
+ಕಳೆದು  ಹೋದ್ದ ನೆನಪಿನಿಂದ ತೆಗ್ದು ಹಾಕ್ಟಿಡು" ಸಮಾಧಾನ ಹೇಳಿದರು.
+ಹೊರಗೆ ಗಂಡ ನನ್ನ ಅರಸಿಕೊಂಡು ರೂಮಿಗೆ ಹೋಗಿ  "ಪೂಜಾಗೆ ಬದಲಾವಣೆ ಬೇಕು.
+ಮೂರ್ತಿ ಕರ್ಕೊಂಡ್ಡೋಗ್ತೀನಿ ಅಂದ.
+ನಾಲ್ಕು ದಿನ ಕಳಿಸೋಣ್ವಾ?" ಕೇಳಿದರು.
+ಯುಗಂಧರ್‌ ತಲೆ ಅಡ್ಡಡ್ಡ ಆಡಿಸಿದರು.
+ಅಲ್ಲಿನ ವಾತಾವರಣ ಚಾರುಲತನ ನೆನಪಿಸುತ್ತೆ.
+ಅದು ಬಹಳ ಅಪಾಯವೆಂದು ಅವರಿಗೆ ಗೊತ್ತು.
+"ಬೇಡ, ಹೇಗೂ ನಿನ್ನ ಚಿಕ್ಕಪ್ಪ ಮುಂಬಯಿನಲ್ಲಿ ಇದ್ದಾರಲ್ಲ.
+ಆಗಾಗ ಆಹ್ವಾನ ಕೊಡ್ತಾನೆ ಇದ್ದರಲ್ಲ, ನೀನು ಮೂರ್ತಿ ಅವ್ಳು ಹೋಗಿ, ಅವ್ನಿಗೆ ರಜ ಇಲ್ಲದಿದ್ದರೇ ನಾವೇ ಹೋಗೋಣ.
+ನಮಗೂ ಈ ವಾತಾವರಣದಿಂದ ಒಂದಿಷ್ಟು ಬದಲಾವಣೆ ಬೇಕು."
+ಗಂಡ, ಹೆಂಡತಿ ಕೂಡಿ ಹತ್ತು ನಿಮಿಷ ಮಾತಾಡಿದರು.
+ಈಗ ಮೂರ್ತಿ ಮನೆಗೆ ಫೋನ್‌ ಬಂದಿದ್ದರಿಂದ ನೇರವಾಗಿ ಸಂಪರ್ಕಿಸಿದರು.
+"ನಿಂಗೇನಾದ್ರೂ ರಜಾ ಸಿಗುತ್ತಾ ?"ವಿಚಾರಿಸಿದರು.
+"ಸಧ್ಯಕ್ಕೆ ಇಲ್ಲ.ನನ್ನ ಪೊಷನ್‌ ಕೂಡ ಮುಗ್ದಿಲ್ಲ.
+ಇಲ್ಲಿ ಬೇರೆ ಬೇರೆ ಕೆಲ್ಸಗಳು ವಹಿಸಿಕೊಂಡಿದ್ದೀನಿ" ಅವನು ಅಪಸ್ವರ ಹಾಡಿದ.
+"ನಿಮ್ಮಮ್ಮ ಮಾತಾಡ್ರಾಳೆ, ನೋಡು" ಹೆಂಡತಿಗೆ ಫೋನ್‌ ಕೊಟ್ಟರು.
+ಆಕೆ ಅಳುತ್ತಲೇ ಒಂದಿಷ್ಟು ತಿಳಿಸಿ "ಕೆಲವು ದಿನ ಪೂಜಾನ ಹೊರಗಡೆ ಕರ್ಕೊಂಡ್ಹೋಗ್ಬೇಕು."
+ಮೂರ್ತಿಗೂ ಕೂಡ ಅದು ಸರಿಯೆನಿಸಿತು.
+ಪೂಜಾಳ ಪರಿಸ್ಥಿತಿಗೆ ತಾನು ಬಹಳ ಮಟ್ಟಿಗೆ ಕಾರಣವೆಂದು ವಿಷಾದ ವ್ಯಕ್ತಪಡಿಸಿದ.
+ಆದಷ್ಟು ಬೇಗ ಅವಳ ಮದುವೆ ಮಾಡುವುದು ಉತ್ತಮವೆಂದು ಸೂಚಿಸಿದ.
+ಅಂತು ಪೂಜಾಳೊಂದಿಗೆ ಯುಗಂಧರ್‌ ಮತ್ತು ಮೃಣಾಲಿನಿ ಮುಂಬಯಿಗೆ ಹೋಗುವುದೆಂದು ನಿಶ್ಚಯವಾಯಿತು.
+ಅಂದು ಡಾ|| ನವೀನ್‌ ನರ್ಸಿಂಗ್‌ ಹೋಂಗೆ ಹೊರಟಾಗ ಬಂದ ಚಾರುಲತ "ಅಣ್ಣ, ನೀನು ತಪ್ಪು ತಿಳ್ಕೋಬಾರ್ದು.
+ಸುಮ್ನೇ ಮನೆಯಲ್ಲಿ ಕೂಡೋದುಂದರೇ ಮಾನಸಿಕವಾಗಿ ಮತ್ತು ಭವಿಷ್ಯದ ದೃಷ್ಟಿಯಿಂದ ಏನೇನು ಒಳ್ಳೇದಲ್ಲ.
+ವಳ್ಳಿಯಮ್ಮ ಬರೀ ಹೆಣ್ಣು ಮಕ್ಳುನ ಇಟ್ಕೊಂಡ್‌ ನಡುಸ್ತಾ ಇರೋ ಲೇಡೀಸ್‌ ಡ್ರೆಸ್‌ ಷೋರೂಂನಲ್ಲಿ ಅಕೌಂಟ್‌ ಸೆಕ್ಸನ್‌ನಲ್ಲಿ ಕೆಲ್ಸ ಮಾಡೋಕೆ ನಿಶ್ಚಯಿಸಿದ್ದೀನಿ.
+ಸುಮ್ನೇ ಅಪ್ಪನ ಮುಂದೆ ಕೂತರೇ, ಅವ್ರ ತಲೆನೋವು ಜಾಸ್ತಿ ಆಗುತ್ತೆ"  ಹೇಳಿದಳು ನಿಧಾನವಾಗಿ.
+ಡಾ|। ನವೀನ್‌ ಷಾಕಾದ.
+ಇಷ್ಟು ಬೇಗ ನಿರ್ಧಾರಕ್ಕೆ ಬರುತ್ತಾಳೆಂದು ತಿಳಿದಿರಲಿಲ್ಲ.
+ಅವನ ಬಾಯಿಂದ ಮಾತು ಹೊರಡುವುದೇ ಕಷ್ಟವಾಯಿತು.. ಚಡಪಡಿಸಿದ.
+ "ಡೋಂಟ್‌ಬಿ ಎಕ್ಸೆಟೆಡ್‌, ಆಕೆ  ಷೋ ರೂಂ ಇರೋದು ಊರಿನಿಂದ ಇಪ್ಪತ್ತು ಮೈಲಿಗಳ ಆಚೆ ಇರುವ ಮೈಲಾಪುರದ ಬಳಿ.
+ಸಿಟಿಯಲ್ಲಿ ಒಂದು ಬ್ರಾಂಚ್‌ ಇರೋದ್ರಿಂದ, ಅಲ್ಲಿಗೆ ಬರೋ ಜನ ಕಡ್ಮೇನೇ, ಅದು ಎಕ್ಸ್‌ಕ್ಲೂಸಿವ್‌ಲೇಡಿಸ್‌ ವೇರ್‌ ಷೋ ರೂಂ.
+ಅದ್ರಿಂದ ಏನು ತೊಂದರೆ ಇಲ್ಲ" ಎಂದು ಅರ್ಥಗರ್ಭಿತವಾಗಿ ನುಡಿದಳು.
+ಯಾರಿಗೂ ಹರ್ಟ್‌ ಮಾಡುವುದು ಅವಳ ಉದ್ದೇಶವಾಗಿರಲಿಲ್ಲ.
+"ಅಪ್ಪನ ಹತ್ರ ಹೇಳ್ದ ?"ಕೇಳಿದ.
+"ಹೇಳ್ಬೇಕು, ಸಧ್ಯಕ್ಕೆ ಸಮಯ ನೋಡಿ ಹೇಳ್ಬೇಕು.
+ಸಾಧ್ಯವಾದರೇ ನೀನೇ ಹೇಳು" ಎಂದ ಕೂಡಲೇ ಮೆಟ್ಟಿಬಿದ್ದ .
+"ನಾನು ಈಗಾಗ್ಲೇ ಅಪರಾಧಿ ಸ್ಥಾನದಲ್ಲಿದ್ದೀನಿ.
+ಅಂಥ ಧೈರ್ಯ ನಂಗಿಲ್ಲ"ಅಪರಾಧ ಪ್ರಜ್ಞೆಯಿಂದ ನರಳಿದ.
+"ಪ್ಲೀಸ್‌, ಹಾಗೆಲ್ಲ ಮಾತಾಡ್ಬೇಡ.
+ನಿನ್ನದೇನು ಅಪರಾಧ ?ಮಹರಾಯ
+ನೀರದ ಮುಂದೆ ಹಾಗೆಲ್ಲ ಮಾತಾಡ್ಬೇಡ.
+ಈಗ ಹೋಗಿ ಬರೋಕೆ ಪರ್ಮೀಷ  ಕೊಡು.
+ನಾನೇ ಅಪ್ಪನಿಗೆ ಹೇಳ್ಕೋತೀನಿ" ಎಂದಳು.
+ತಂದೆಯ ರೂಮಿಗೆ ಹೋದವಳು ಹತ್ತು ನಿಮಿಷದ ನಂತರ ಹೊರಗೆ ಬಂದು ಚಪ್ಪಲಿ ಮೆಟ್ಟಿ "ಬರ್ತಿನಿ, ಅಣ್ಣ. . . ಸಂಜೆ ಮೀಟ್‌ ಆಗೋಣ?"ಹೊರಟೇ ಬಿಟ್ಟಳು.
+"ಚಾರು, ಎಲ್ಲಿಗೆ ಹೋಗಿದ್ದು ?"ನೀರದ ಕೇಳಿದಾಗ ಮುಖ ತಿರುಗಿಸಿಕೊಂಡು ಸ್ಕೂಟರ್‌ ಹತ್ತಿದ.
+ಬಸ್‌ಸ್ಟಾಪ್‌ ಬಳಿ ಹೋಗಿ ನಿಂತಿದ್ದ ತಂಗಿಯ ಪಕ್ಕ ಸ್ಕೂಟರ್‌ ನಿಲ್ಲಿಸಿ "ಪ್ಲೀಸ್‌, ಇನ್ನಷ್ಟು ಯೋಚ್ಸು.
+ಮುಂದೆ ಇದೊಂದು ದೊಡ್ಡ ತಪ್ಪಾಗಬಹುದು."
+ಒಂದ್ಸಲ ಮೂರ್ತಿಯ ಹತ್ರ ಮಾತಾಡ್ಬೇಕಿತ್ತು" ಹೇಳಿದ.
+ಅಣ್ಣನ ಕಡೆ ನೇರವಾಗಿ ನೋಡಿ.
+"ಆಯ್ತು, ನಿನ್ನಿಷ್ಟ ಎಂದಿದ್ದಾರೆ.
+ಅನಗತ್ಯವಾಗಿ ಬೇರೆಯವ್ರಿಗೆ ನಾವು ತಲೆ ನೋವಾಗಬಹುದು.
+ಅದೆಲ್ಲ ಬೇಡ" ಸ್ಪಷ್ಟಪಡಿಸಿದಳು.
+“ನಾನು ಡ್ರಾಪ್‌ ಮಾಡ್ತೀನಿ” ಎಂದ ಮೆಲ್ಲಗೆ.
+“ಬೇಡ, ಬಸ್ಸಿದೆ.
+ಸುಮ್ನೇ ಯಾಕೆ ನಿನ್ನ ವೇಳೆ ಹಾಳು ಮಾಡ್ಕೋತೀಯಾ?
+ಮಿಸ್ಟರ್‌ ನವೀನ್‌ಕುಮಾರ್‌, ಡೋಂಟ್‌ ವರಿ.
+ತಾವು ಹೋಗಿ ಬರಬಹುದು " ನಾಟಕೀಯ ನಗುತ್ತ ನುಡಿದಳು.
+ಅರೆ ಮನಸ್ಸಿನಿಂದಲೇ ಹಿಂದಿರುಗಿದ ಡಾ।। ನವೀನ್‌. 
+ಅವನಿಗೆ ಎದೆಭಾರವಾಗಿ ದುಃಖ ಒತ್ತರಿಸಿಕೊಂಡು ಬರುತ್ತಿತ್ತು.
+ತನಗೇಕೆ ಬೇಕಿತ್ತು, ಈ ಅಮರ ಪ್ರೇಮಿಯ ಪಟ್ಟ ?
+ಒಡಹುಟ್ಟಿದ ತಂಗಿಯ ಬಾಳಿಗಿಂತ ನೀರದ ಮುಖ್ಯವಾದಳೇ ?
+ರೂಮಿಗೆ ಹೋದವನೇ ಬಾಗಿಲು ಹಾಕಿಕೊಂಡು ಕೂತ.
+ಮನಃಪೂರ್ವಕವಾಗಿ ಬಿಕ್ಕಿ ಬಿಕ್ಕಿ ಅತ್ತ ಎದೆಯ ಭಾರ ಕಮ್ಮಿ ಆಗುವವರೆಗೆ.
+ಹೊರಗೆ ನಿಂತ ನೀರದ ವಿಗ್ರಹವಾದಳು.
+ಪ್ರಾರಂಭದಲ್ಲಿಯೇ ಅಪಸ್ವರ.
+ಅವಳಿಗೆ ದಿಕ್ಕು ತೋಚದಂತಾಯಿತು.
+ಪೂಜಾ ಅವಳಿಗಿಂತ ಚೆನ್ನಾಗಿದ್ದಳು.
+ಹೆಚ್ಚು ಓದಿದವಳು.
+ಚೆನ್ನಾಗಿದ್ದ ಕುಟುಂಬದ ಮಗಳು. . ವರದಕ್ಷಿಣೆ,ವರೋಪಚಾರ ಕೊಡಬಲ್ಲವರಾಗಿದ್ದರು.
+ಜೊತೆ ತಂಗಿಯ ನಾದಿನಿ ಇದೆಲ್ಲ ಬಿಟ್ಟು ಡಾ।।ನವೀನ್‌ ಅವಳನ್ನ ಮದುವೆಯಾಗಿದ್ದ.
+ಡಾ|।ನವೀನ್‌ ತಾನೇ ಸಮಾಧಾನವಾಗಿ ಹೊರಗೆ ಬಂದಾಗ ನೀರದ ಗೊಂಬೆಯಂತೆ ನಿಂತಿದ್ದಳು .
+"ಒಂದು ಕಪ್‌ ಕಾಫಿ ಮಾಡ್ಕೊಂಡ್ಬಾ.
+ಅಡಿಗೆ ಬಿಸಿ ಇರುವಾಗ್ಲೇ ಅಪ್ಪನಿಗೆ ಬಡಿಸು" ಎಂದು ಬಾತ್‌ರೂಮಿಗೆ ಹೋಗಿ ಮುಖ ತೊಳೆದು ಬಂದ.
+ಕಾಫಿ ಹಿಡಿದು ಬಂದ ನೀರದ “ತಟ್ಟೆ ಹಾಕಿದೆ” ಅಂದಾಗ ದುರುಗುಟ್ಟಿಕೊಂಡು ಅವಳತ್ತ ನೋಡಿ  "ಬೇಡ, ಬರೀ ಕಾಫಿ ಸಾಕು.
+ಎದುರು ಮನೆ ಅಮ್ಮನ ಮನೇಂತ ಹೋಗಿ ಕೂತ್ಕೋಬೇಡ.
+ಅಪ್ಪನಿಗೆ ಹುಷಾರಿಲ್ಲ.
+ಇಲ್ಲೇ ಇದ್ದು ನೋಡ್ಕೋ" ಬಿರುಗಾಳಿಯಂತೆ ನುಡಿದು ಷೂ ತೊಟ್ಟು ಹೊರಟೇ ಹೋದ.
+ಕನಿಷ್ಟ ಕಾಫಿ ಕುಡಿಯುವ ಮನಸ್ಸು ಕೂಡ ಮಾಡಲಿಲ್ಲ.
+ಚಾರುಲತ ಐದರ ಸುಮಾರಿಗೆ ಹಿಂದಿರುಗಿದಾಗ ನೀರದ ಮಂಕಾಗಿ ಕೂತಿದ್ದಳು.
+ಮುಖ ತೊಳೆದು ಬರುವವರೆಗೂ ಚಾರುಲತ ಏನು ಕೇಳಲಿಲ್ಲ.
+"ಏನು ತಗೋತೀರಾ ?"ನೀರದ ಕೇಳಿದಳು.
+"ಅಪ್ಪ, ಹೇಗಿದ್ದಾರೆ ? ನಾನೇ ಕಾಫಿ ಮಾಡ್ಕೊಂಡ್ಬರ್ತಿನಿ" ಅಡಿಗೆ ಮನೆಗೆ ಹೋದಳು.
+ಅಲ್ಲಿ ಪುಟ್ಟ ಕ್ಕಾಂಟಿನ್‌ ವ್ಯವಸ್ಥೆ ಇದ್ದುದ್ದರಿಂದ ಮಧ್ಯಾಹ್ನದ ಉಪಹಾರವಾಗಿತ್ತು.
+ದೊಡ್ಡ ಅಧಿಕಾರಿಯಿಂದ ಹಿಡಿದು ಪಾತ್ರೆ ತೊಳೆಯುವವವರೆಗೂ ಎಲ್ಲಾ ಮಹಿಳೆಯರೇ.
+ಪ್ರತಿಯೊಂದು ಸೆಕ್ಟನ್‌ನಲ್ಲಿಯು ಅವರೇ ಕೆಲಸ ಮಾಡುತ್ತಿದ್ದರು.
+ಒಂದು ರೀತಿಯ ರಿಲ್ಯಾಕ್ಸ್‌.
+ಮೂರು ಕಪ್‌ ಕಾಫಿ ಮಾಡಿಕೊಂಡು ಬಂದು ನೀರದಾಗೆ ಒಂದು ಕಪ್‌ಕೊಟ್ಟು ತಂದೆಯ ರೂಮಿಗೆ ಹೋದಳು.
+ಅವರು ಯಾವುದೋ ಹಳೆಯ ಕಡತಗಳನ್ನು ಮುಂದೆ ಹಾಕಿಕೊಂಡು ಕೂತಿದ್ದವರು ತಲೆಯೆತ್ತಿ.
+"ಈಗ ಬಂದ್ಯಾ ?ತೀರಾ ಬೇಸರವಾಯ್ತು.
+ಇದ್ದೆಲ್ಲ ತೆಗೆದಿಟ್ಕೊಂಡ್‌ಕೂತೆ.
+ಇವನ್ನೆಲ್ಲ ಜೋಪಾನ ಮಾಡಿಟ್ಕೊಂಡಿದ್ದು.
+ಎಲ್ಲಾ ಅವ್ಳ ಆಸ್ತೀನೇ.
+ಅವ್ಳು ಎತ್ತಿಟ್ಟ ಸಣ್ಣ, ಪುಟ್ಟ ಸಾಮಾನುಗಳೆಲ್ಲ ಇದೆ.
+ಆದರೆ ಅವಳೇ. . . ಇಲ್ಲ. ಇದೆಂಥ ವಿಪರ್ಯಾಸ ನೋಡು" ವಿಷಾದದ ನುಡಿಗಳನ್ನಾಡಿದರು.
+ಅವರ ಎದುರಿನಲ್ಲಿಯೇ ಕೂತು ಕಾಫಿ ಕಪ್‌ ಕೊಟ್ಟು ಕುತೂಹಲದಿಂದ ಅವನ್ನೆಲ್ಲ ಕೆದಕಿದಳು.
+ಮದುವೆಯಾದ ಹೊಸದರಲ್ಲಿ ಆಮೇಲೆ ಅವಳಮ್ಮ ಅವರಿಗೆ ಬರೆದ ಹಳೆಯ ಇನ್‌ಲ್ಯಾಂಡ್‌ ಲೆಟರ್ಸ್‌ಗಳು, ಕವರ್‌ಗಳು ಮತ್ತು ವಾಸುದೇವಯ್ಯ ಬರೆದ ಪತ್ರಗಳು ಕೂಡ ಇತ್ತು.
+ಬ್ಲಾಕ್‌ ಅಂಟ್‌ ವೈಟ್‌   ಜಾಮಾನಾದ ಕೆಲವು ಫೋಟೋಗಳಿತ್ತು ಕವರ್‌ನಲ್ಲಿ.
+ಹಳೆಯ ನೆನಪುಗಳನ್ನ ಮರುಕಳಿಸುವಂಥದ್ದೇ.
+ಕಾಫಿ ಕುಡಿದಿಟ್ಟ ಚಾರುಲತ ಅವನ್ನೆಲ್ಲ ಎತ್ತಿಟ್ಟು "ಸ್ವಲ್ಪ ರೂಮಿನಿಂದ ಹೊರ್ಗೆ ಬನ್ನಿ, ಅಪ್ಪ.
+ಆರಾಮಾಗಿ ನೀರದ ಜೊತೆ ಕೇರಂ ಆಡಬಹುದಲ್ಲ.
+ಹೇಗೂ ಸಂಜೆ, ಮಾವ ಸೊಸೆ ಸುತ್ತಾಡಿಕೊಂಡು ಒಂದಿಷ್ಟು ತರಕ್ಕಾರಿ ತನ್ನಿ" ಬಲವಂತದಿಂದ ಹೊರಗೆ ಎಬ್ಬಿಸಿಕೊಂಡು ಬಂದಳು.
+ಅಂತು ಪ್ರಯಾಸದಿಂದ ಅವರಿಬ್ಬರನ್ನ ಹೊರಡಿಸಿ ಕೂತಳು ಒಂದೆಡೆ.
+ಹತ್ತು ಸಲ ಮಾಡಿದ ನಂತರ ಮೂರ್ತಿಯನ್ನ ಸಂಪರ್ಕಿಸಲು ಸಾಧ್ಯವಾಗಿದ್ದು "ಫೋನಿಡ್ಬೇಡಿ.
+ಒಂದಿಷ್ಟು ಮಾತಾಡೋದಿದೆ" ಎಂದಾಗ ಸಿಡುಕಿದ "ನನ್ನಟೈಮ್‌ ಹಾಳು ಮಾಡ್ಬೇಡ, ನಿನ್ನ ಜೀವನ ನಿಂದು.
+ನನ್ನ ಸಲಹೆ, ಸೂಚನೆ ನಿಂಗೆ ಬೇಕಿಲ್ಲ" ಮುಖದ ಮೇಲೊಡೆದಂತೆ ಫೋನಿಟ್ಟಿದ್ದ.
+ಬೆಳಕಿದೆಯೆಂದು ಕೊಂಡವಳನ್ನ ಅವನ ಮಾತುಗಳು ಕತ್ತಲೆಯ ನಡುವೆ ನಿಲ್ಲಿಸಿತು.
+ಸುಂದರ ದಾಂಪತ್ಯದಲ್ಲಿ ಎಷ್ಟೊಂದು ದೊಡ್ಡ ಬಿರುಕು.
+ಹಟದಿಂದ ಅವನೊಂದಿಗೆ ವಾಸಿಸಿ ನರಕ ಸದೃಶವಾಗಿ ಬದುಕುವುದಕ್ಕಿಂತ, ದೂರವಿದ್ದು ಬಿಡುವುದೇ ಶ್ರೇಯಸ್ಕರವಾಗಿ ಕಂಡಿತು.
+ಅಷ್ಟರಲ್ಲಿ ನೀರದಳ ಅಮ್ಮ ಬಂದು ಕೂತರು ಅವಳ ಮುಂದೆ.
+"ಬೆಳಗ್ನಿಂದ ಕಾಣಲೇ ಇಲ್ಲ" ಎಂದರು ಅತ್ತಿತ್ತ ನೋಡಿ.
+ "ಇಲ್ಲಿ ಇರಲಿಲ್ಲ . . "ಅಷ್ಟೇ ನುಡಿದಿದ್ದು.
+ಈಗ ಅವಳಿಗೆ ಮಾತು ಬೇಕಿರಲಿಲ್ಲ.
+ಅವರಿಗೆ ಅರ್ಥವಾಗಬೇಕಲ್ಲ.
+ಆಕೆ ಮಾತನಾಡಲೆಂದೇ ಬಂದಿದ್ದರು.
+“ಅಪ್ಪ, ಮನೆಯಲ್ಲಿದ್ದಾರೆ” ಎಂದಳು ಚಾರುಲತ.
+ಆಕೆ ಹೆಚ್ಚು ಕಡಿಮೆ ಮಾತಾಡುವುದು ಬೇಕಿರಲಿಲ್ಲ.
+"ನಿನ್ನ ಕರ್ಕೊಂಡ್ಹೋಗೋಣಾಂತ ಬಂದೆ" ಅಂದರು ಆಕೆ.
+"ಅಯ್ಯೋ, ಅದೇನು ದೊಡ್ಡ ವಿಷ್ಯ?
+ನಾನು ನಮ್ಮ ಮನೆಗೆ ಬರೋಕೆ,ಕರೀಬೇಕಾ ?
+ದಿನಕ್ಕೆ ಒಂದೆರಡು ಸಲ ಬರ್ತಾ ಇದ್ದೆ.
+ಇರೀ, ನೀರದಾನ ಕರೀತೀನಿ" ಬಿಡಿಸಿಕೊಂಡು ಎದ್ದು ಹೋದಳು.
+ಅಡಿಗೆ ಮನೆಯಲ್ಲಿದ್ದ ನೀರದಾನ ಹೊರಗೆ ಕಳಿಸಿ ತಾನು ಅಲ್ಲೆ ಉಳಿದಳು.
+ಅವರು ಕೇಳೋ ಕೆಲವು ಪ್ರಶ್ನೆಗಳಿಗೆ ಉತ್ತರಿಸಲಾರಳು.
+ಮದುವೆಯಾದ ಕೆಲವು ದಿನಗಳವರೆಗಾದರೂ ಸಂಭ್ರಮ ಉಳಿಯಬೇಕಿತ್ತು.
+ಈಗಾಗಲೇ ಕತ್ತಲೆ- ಬೆಳಕಿನಾಟ.
+ಒಂದು ಲೋಟ ಹಾರ್ಲಿಕ್ಸ್‌ ಬೆರೆಸಿ ಆಕೆಯ ಮುಂದಿಟ್ಟು ಕೈಯೊರೆಸಿ ಕೊಳ್ಳುತ್ತ ರೂಮಿಗೆ ಹೋದಳು.
+ಸಧ್ಯಕ್ಕೆ ತಾತ್ಕಾಲಿಕವಾಗಿ ಒಂದು ಕೆಲಸ ಸಿಕ್ಕಿತ್ತು.
+ಸಮಯ ಕಳೆಯಲು ಮಾತ್ರವಲ್ಲ ತಿಂಗಳಿಗೊಮ್ಮೆ ಅವಳದೇ ಆದ ಸಂಪಾದನೆ ಕೈ ಸೇರುತ್ತಿತ್ತು.
+ವಿವಾಹವಾದ ಹೆಣ್ಣು ತವರು ಮನೆಗೆ ಪರಕೀಯಳಾಗಿ ಬಿಡುತ್ತಾಳೆ.
+ಇದು ಅವಳಿಗೆ ಗೊತ್ತು.
+ಈಗ ಮೊದಲಿನ ಹಕ್ಕು, ಸ್ವತಂತ್ರ ಎರಡು ಇಲ್ಲ.
+ಕಣ್ಣಿಂದ ಹರಿದ ಕಂಬನಿಯ ಬಿಂದುಗಳು ಅತ್ತಿತ್ತ ಸರಿದುಹೋದವು.
+"ಚಾರು, ನಿನ್ನ ಫ್ರೆಂಡ್ಸ್‌ ಬಂದಿದ್ದಾರೆ" ನೀರದ ಬಂದು ವಿಷಯ ಮುಟ್ಟಿಸಿದಾಗ ಹೊರಗೆ ಬಂದಳು.
+ಕಮಲ ಇವಳ ಸಹಪಾಠಿ ಮಾತ್ರವಲ್ಲ, ಮೂರ್ತಿಯ ತಾಯಿಯ ಕಡೆಯ ದೂರದ ಸಂಬಂಧಿ.
+ಆಗಾಗ ಆ ಮನೆಗೆ ಬಂದು ಹೋಗುವಷ್ಟು ನೆಂಟಸ್ತಿಕೆ ಇತ್ತು.
+"ಕಮಲ. . . ಬಾ. . . . ಬಾ. . . "ಎಂದು ರೂಮಿಗೆ ಕರೆದೊಯ್ದು ಕೂಡಿಸಿ "ಅಪರೂಪಕ್ಕೆ ಬಂದಿದ್ದೀಯ.
+ಮದ್ವೇಂತ ಬಂದೋಳು ಕಣ್ಣಿಗೆ ಕಾಣ್ದೇ ಪರಾರಿಯಾಗ್ಟಿಟ್ಟೆ."
+ಕಮಲ ಮಾತಾಡದೇ ಅವಳ ಮುಖ ನೋಡಿ, ಮೊದಲಿನ ಕಳೆ ಇಲ್ಲವೆಂಬ ನಿರ್ಧಾರಕ್ಕೆ ಬಂದಳು.
+"ಇನ್ನ ಅವ್ರ ಸಂಸಾರ ನೆಟ್ಟಗಾಗೋಲ್ಲ ಬಿಡು.
+ಇವಳಾದ್ರು ಬುದ್ಧಿವಂತಿಕೆಯಿಂದ ತನ್ನ ಸಂಸಾರನ ಉಳ್ಸಿಕೊಳ್ಳ ಬೇಕಿತ್ತು.
+ಅಣ್ಣ,ಅನ್ನಿಸಿಕೊಂಡೋನಿಗೆ ಬುದ್ಧಿ ಬೇಡ್ವಾ ?
+"ಅವಳಮ್ಮ ಪೂಜಾಳನ್ನು ನೋಡಲು ಹೋಗಿ ಬಂದಾಗಿನಿಂದ ಸಾಕಷ್ಟು ಸಲ ಅಂದಿದ್ದರು.
+"ಅದೇನು, ಹಾಗೇ ಕೂತೇ ?"ಎಚ್ಚರಿಸಿದಳು ಚಾರುಲತ.
+ಏನಿಲ್ಲ, ಯಾಕೋ ಬೇಜಾರಾಯ್ತು.
+ನಾನು ಕೇಳಿದ್ದು ಸುಳ್ಳಾಗ್ಲೀಂತ ದೇವರಲ್ಲಿ ನನ್ನ ಬೇಡಿಕೆ.
+ಪೂಜಾನ ಈಚೆಗೆ ನೋಡಿದ್ಯಾ ? ಹೇಗಿದ್ದೋಳು ಹೇಗಾಗ್ಟಿಟ್ಟಿದ್ದಾಳೆ. 
+ಅವ್ಳ ಮುಖದ ಕಾಂತಿ, ಬಣ್ಣ ಎಲ್ಹೋಯ್ತೋ ಅವ್ಳು ಉಳ್ಳುಕೊಂಡಿದ್ದೇ ಹೆಚ್ಚು."
+ಅದರೆ ಕಮಲಳ ಮಾತಿಗೆ ಪ್ರತಿಕ್ರಿಯಿಸಲು ಅವಳ ಸ್ವರವೇಳಲಿಲ್ಲ.
+ಸ್ವಲ್ಪ ತುಂಟತನ,ಹಟವಾದಿಯಾದರೂ ಪೂಜಾ ಅವಳ ಪ್ರೀತಿಯ ನಾದಿನಿಯೇ.
+ಛೇಡಿಸಿ, ಛೇಡಿಸಿಗೋಳೊಯ್ಬುಕೊಳ್ಳುತ್ತಿದ್ದ ಅವಳ ನೆನಪಿನಿಂದ ಹನಿಗಣ್ಣಾದಳು.
+"ಈಗ ಪೂಜಾ ಹೇಗಿದಾಳೆ ?" ವಿಚಾರಿಸಿದಳು.
+"ಏನೇನು ಚೇತರಿಸಿಕೊಳ್ಳಿಲ್ಲ.
+ಮುಂಬಯಿಗೆ ಕರ್ಕೊಂಡ್ಟೋಗಿದಾರೆ.
+ಅಲ್ವೇ,ನಿಮ್ಮಣ್ಣನಿಗೆ ಏನಾಗಿತ್ತು.
+ಪೂಜಾ ಅಷ್ಟು ನಿನ್ನತ್ತಿಗೆ ಚೆನ್ನಾಗಿದ್ದಾರಾ?
+ಮದ್ವೆನ ಹಬ್ಬದಂಗೆ ಮಾಡ್ಬಿಟ್ಟಿರಲ್ಲ.
+ಸ್ವಲ್ಪನಾದ್ರೂ ದೂರದೃಷ್ಟಿ ಬೇಡ್ವಾ?
+ಯುಗಂಧರ್‌   ಮಾವ ಬಾಡಿಗೆಗೆ ಕೊಟ್ಟಿದ್ದ ಮನೆನ ನರ್ಸಿಂಗ್‌ ಹೋಂ ಮಾಡೋಕೆ ಬಿಡ್ಸಿಕೊಡ್ತೀನಿ ಅಂದರಂತಲ್ಲ, ಇನ್ನು ಸಾಕಷ್ಟು ಕೊಟ್ಟಿರೋರು.
+ಅದು ಅಲ್ದೇ, ನಿನ್ನ  ಭವಿಷ್ಯದ ದೃಷ್ಟಿಯಿಂದಲಾದ್ರೂ ಪೂಜಾನ ಈ ಮನೆಗೆ ತಂದ್ಕೋಬೇಕಿತ್ತು."
+ಅವಳು ಸ್ವಲ್ಪ ನಾಲಿಗೆ ಉದ್ದಕ್ಕೆ ಚಾಚಿದಳು.
+ಮನಸ್ಸಿನಲ್ಲಿ ದ್ದುದ್ದನ್ನು ಅಡಿ ಬಿಡುವಂಥವಳು.
+ಚಾರುಲತ ತಾಳ್ಮೆ ಕಳೆದುಕೊಳ್ಳಲಿಲ್ಲ.
+"ನವೀನ್‌, ನೀರದ ಮಧ್ಯೆ ಲವ್‌ ಅಫೇರ್ಸ್‌ ಇತ್ತು.
+ಅದ್ರೆ ಮನೆಯವ್ಳು ನಮ್ಮ ತಾಯಿ ಸತ್ತಾಗ ಸಾಕಷ್ಟು ಮಾಡಿದ್ರು.
+ಅದೊಂದು ಕೃತಜ್ಞತೆ ಕೂಡ ನಮ್ಮ ಮೇಲಿತ್ತು” ಸ್ಪಷ್ಟಪಡಿಸಿದಳು.
+ವ್ಯವಹಾರಿಕವಾಗಿ ಈ ಜನ ಸ್ವಲ್ಪ ಡಲ್‌ ಎನಿಸಿತು ಕಮಲಾಗೆ, ಅಂಥ ಉತ್ತಮ ಸಂಬಂಧ ಸಿಗೋವಾಗ, ಎದುರು ಮನೆ ಹುಡುಗಿಗಾಗಿ ನೇತು ಬೀಳಬೇಕಿತ್ತೆ."
+ಚಾರು, ನೀನು ಹೇಳೋದು ವ್ಯವಹಾರಿಕವಾಗಿ ಏನೇನು ಸರಿಯಿಲ್ಲ.
+ನಿಮ್ಮಣ್ಣ ಮಾಡಿರೋದು ಬರೀ ಎಂ.ಬಿ.ಬಿ.ಎಸ್‌. ಇಷ್ಟಕ್ಕೆ ಮುಗಿದ್ರೆ ಎನೇನು ಭವಿಷ್ಯವಿಲ್ಲ.
+ಇದ್ದೆಲ್ಲ ಯೋಚ್ಸಿಬೇಕಿತ್ತು.
+ನಿಮ್ಮಣ್ಣ ಮಜ್ನು ಬಿಡಮ್ಮ ಈಗ ನಿನ್ನ ಭವಿಷ್ಯದ ಬಗ್ಗೆ ಏನು ಹೇಳ್ತಾನೆ.
+ಆರಾಮಾಗಿ ಡೈವೋರ್ಸ್‌ ತಗೋತಾರೆ.
+ಇನ್ನೊಂದು ಹೆಣ್ಣನ್ನ ತಂದ್ಕೋತಾರೆ.
+ನಿನ್ತಲೆ ಮೇಲೆ ನೀನು ಕಲ್ಲು ಎತ್ತಿ ಹಾಕ್ಕೊಂಡೆ" ಸ್ವಲ್ಪ ಉದ್ವೇಗದಿಂದ ಕಮಲ ನುಡಿದಾಗ ಆರಾಮಾಗಿ ನಕ್ಕುಬಿಟ್ಟಳು ಚಾರುಲತ.
+"ಅವರಾಗಿ ಕಲ್ಲು ಎತ್ಕೊಂಡ್‌ ಅವ್ರ ತಲೆ ಮೇಲೆ ಹಾಕಿಕೊಳ್ಳೋದು ಕಷ್ಟ.
+ಬೇಕಾದ್ರೆ ಕಾಲು ಮೇಲೆ ಹಾಕ್ಕೋಬಹುದು
+ನೀನು ಚಿಂತಿಸೋ ರೀತಿಯಲ್ಲಿ ನಾನು ಚಿಂತಿಸ್ಸಿಲ್ಲ.
+ಅದಕ್ಕಾಗಿ ಖಂಡಿತ ಪಶ್ಚಾತ್ತಾಪವಿಲ್ಲ.
+ಒಂದಿಷ್ಟು ಸಮಸ್ಯೆಗಳು ಕಮ್ಮಿ ಆಯ್ತು, ಅಷ್ಟೆ.
+ಏನಾದ್ರೂ ತರ್ತಿನಿ. . . . ಕೂತ್ಕೊಂಡಿರು"ಮೇಲೆದ್ದು ಹೋದಳು.
+ನೀರದ, ಅವಳ ತಾಯಿ ಇನ್ನ ದನಿ ತಗ್ಗಿಸಿ ಮಾತಾಡುತ್ತಿದ್ದರು.
+ಅವಳ ಕೆನ್ನೆಗಳ ಮೇಲೆ ಅತ್ತ ಗುರುತಿತ್ತು.
+ನೀರದಾಳ ಕೈ ಹಿಡಿದು ಒಳಗೆ ಕರೆದೊಯ್ದು.
+"ಸಣ್ಣ, ಪುಟ್ಟ ವಿಷ್ಯಗಳ್ನ ದೊಡ್ಡ ಸಮಸ್ಯೆಯನ್ನಾಗಿ ಮಾಡ್ಕೊಂಡ್‌ ಆಂಟೀಗೆ ಹೇಳ್ತೀರಾ ?
+ಕೌಂಟಿಂಗ್‌ ಡೇಸ್‌ ಅಂತ ಡಾಕ್ಟ್ರು ಹೇಳಿದ್ದಾರೆ.
+ಒಂದಿಷ್ಟುನೆಮ್ಮಿಯಾಗಿರೋಕೆ ಬಿಡಿ.
+ಅದೂ ಅಲ್ದೇ, ನಿಮ್ಗೇ ಅಂಥದೇನಾಗಿದೆ ?
+ಕನಸುಕಂಡ ರಾಜಕುಮಾರ ನಿಮ್ಮ ಕೈ ಹಿಡಿದಿದ್ದಾನೆ.
+ಅತ್ತೆ ಮನೆ ಅಪರಿಚಿತ ಸ್ಥಳವಲ್ಲ.
+ಇಲ್ಲಿನವ್ರು ಕೂಡ ಕಾಣದ ಜನವಲ್ಲ.
+ನೀವು ಸುಖೀ. ಇಲ್ಲದೆಲ್ಲ ಕಲ್ಪಿಸಿಕೊಳ್ಳಬೇಡಿ. " ಬುದ್ಧಿ ಹೇಳಿದಳು.
+ನೀರದ ಇನ್ನಷ್ಟು ಕಣ್ಣೀರು ಸುರಿಸಿ ತೊಡೆದುಕೊಂಡು ಹೋದಳು.
+ಡಬ್ಬಿಯಲ್ಲಿದ್ದ ಚಕ್ಕುಲಿಯನ್ನ ತಟ್ಟೆಗೆ ಹಾಕಿಕೊಂಡು ನೀರಿಡಿದು ಹೋದಳು.
+ಅವಳಲ್ಲಿನ ಅಳುಕು ಒಂದಿಷ್ಟು ಕಮ್ಮಿ ಆಗಿತ್ತು.
+ಸಮಸ್ಯೆಗಳು ಹೇಗೆ ಬಂದರೂ ಎದುರಿಸುವ ಆತ್ಮವಿಶ್ವಾಸ ಅವಳದು.
+"ತಗೋ, ಇಷ್ಟೊತ್ತು ನನ್ನ ವಿಷ್ಯ ಮಾತಾಡ್ದೆ, ಸಾಕು ಬಿಡು.
+ಈಗ ಬೇರೆನಾದ್ರೂ ಮಾತಾಡು.
+ನೀನೇನ್ಮಾಡ್ತೀಯಾ ?"ಕೇಳಿದಳು.
+ಸ್ವಂತ ವಿಷಯ ಬೇರೆಯವರು ಹಿಗ್ಗು ಮುಗ್ಗಾ ಎಳೆದಾಡುವುದು ಬೇಕಿರಲಿಲ್ಲ.
+ಒಂದು ಚಕ್ಕುಲಿ ಖಾಲಿಯಾದ ನಂತರವೇ ಕಮಲ ಷುರು ಮಾಡಿದ್ದು  "ಮನೆಯಲ್ಲಿ ನೂರೆಂಟು ಸಮಸ್ಯೆ.
+ಅಮ್ಮ ಅಪ್ಪ ಸದಾ ಕಿತ್ತಾಡುತ್ತಾರೆ.
+ಅವ್ರಿಗೆ ಚೆನ್ನಾಗಿ ಸಂಪಾದನೆ ಇದ್ದಾಗ ಸ್ವಂತಕ್ಕೆ ಒಂದು ಮನೆ ಕೂಡ ಮಾಡ್ಲಿಲ್ಲ.
+ಸ್ವಪ್ರತಿಷ್ಟೆಗಾಗಿ ಸಿಕ್ಕಿದವ್ರಿಗೆಲ್ಲ ಮಾಡಿದ್ರು.
+ಈಗ ಎರಡು ಹೆಣ್ಣು ಮಕ್ಳಿಗೆ ವಿವಾಹವಾಗ್ಬೇಕು.
+ನಮ್ಮಣ್ಣನದು ಟೆಂಪರರಿ ನೌಕರಿ.
+ನನ್ನ ಮದ್ವೆಗೆ ಯಾರು ಕೈ ಹಾಕ್ಬೇಡಿ.
+ನೆಮ್ಮಿಯಿಂದ ಬಿಟ್ಟಿಡಿ.
+ನನ್ನ ಸಂಬಳದಲ್ಲಿ ಎಪ್ಪತ್ತೈದು ಪರ್ಸೆಂಟ್‌ ಮನೆಗೆ ಕೊಡ್ತೀನಿ.
+ಒಪ್ಪತ್ತು ಊಟ, ಮಲಗೋಕೆ ಒಂದಿಷ್ಟು ಜಾಗ ಕೊಡೀಂತಾನೇ.
+ಇಷ್ಟೇ ನೋಡು ನಮ್ಮ ಮನೆ ವಿಷ್ಯ"ಬೇಸರ ವ್ಯಕ್ತಪಡಿಸಿದಳು.
+"ಮಹರಾಯ್ತಿ, ಇದು ನೂರಕ್ಕೆ ತೊಂಬತ್ತು ಮನೆಗಳಲ್ಲಿನ ಸಾಧಾರಣ,ಸಾಮಾನ್ಯ ವಿಷ್ಯ.
+ಇದ್ರಲ್ಲಿ ಅತಿಶಯವೇನಿಲ್ಲ.
+ಸುಮ್ನೇ ಪರಿಹಾರ ಹುಡುಕಿದರೇ ತಲೆ ಕೆಡುತ್ತೆ ವಿನಃ ಸಾಲ್ವ್  ಆಗೋಲ್ಲ.
+ಹೀಗೆಯೇ ಉರುಳಿ ಕೊಂಡು ಹೋಗುತ್ತೆ.
+ಸಧ್ಯಕ್ಕೆ ಅಪ್ಪನ ಪ್ರತಿಷ್ಟೆಗೆ ಜೋತು ಬೀಳದೇ ನೀನು, ನಿನ್ನಕ್ಕ ಒದ್ಕೆಲ್ಸ ಹುಡ್ಕಿಕೊಂಡರೇ ಮನೆಗೆ ಸಹಾಯವಾಗದಿದ್ರೂ ನಿಮ್ಮ ಸ್ಥಂತ ಖರ್ಚು ವೆಚ್ಚಗಳ್ನ ನೀವು ನೋಡ್ಕೋಬಹುದು."
+ಚಾರುಲತಳ ಮಾತುಗಳು ಸರಿಯೆನಿಸಿದರೂ ಅವಳ ಜನದಾತರ ಒಪ್ಪಿಗೆ ಸಿಗುವುದಿಲ್ಲವೆಂದು ಅವಳಿಗೆ ಗೊತ್ತು.
+"ಒಪ್ಪೋಲ್ಲ ಕಣೇ, ಅಪ್ಪನ ಮುಂದೆ ಅಷ್ಟಿ ತಪ್ಪಿ ಇಂಥ ಸುದ್ಧಿ ಎತ್ತಿದರೇ,ಅವರು ತಮ್ಮ ಕಳೆದು ಹೋದ ಮೂರು ಜನರೇಷನ್‌ನ ವೈಭವ ನೆನಪಸ್ಕೊಂಡು ಹಲುಬೋಕೆ ಷುರು ಮಾಡ್ತಾರೆ.
+ಏನ್ಮಾಡೋದು ಒಂದು ತೋಚೋಲ್ಲ" ಚಕ್ಕುಲಿ ತಟ್ಟೆ ಕೆಳಗಿಟ್ಟಳು.
+ತಲೆ ಕೆಟ್ಟಂತಾಯಿತು ಕಮಲಗೆ.
+ಕಾಫಿಯ ನಂತರ ಕಮಲನ ಬಸು ಹತ್ತಿಸಲು ಚಾರುಲತ ಅವಳೊಂದಿಗೆ ಹೊರಟಾಗ ಮಧ್ಯೆ ದಾರಿಯಲ್ಲಿ ನಿಂತು ಕಮಲ  "ಮುಂದೇನು ಮಾಡ್ತೀಯಾ?
+ಬಹುಶಃ ಇಷ್ಟೆಲ್ಲ ಆದ್ಮೇಲೆ ಮೂರ್ತಿ ಅಣ್ಣ ನಿನ್ಜೊತೆ ಸಂಸಾರ ಮಾಡೋಕೆ ಇಷ್ಟಪಡೋಲ್ಲ" ಅವಳ ದನಿಯಲ್ಲಿ ವಿಷಾದ ಇಣಕಿತು.
+ಆಯ್ತು, ಆಗ್ಲಿ !
+ಅದ್ಯೇನು ಮಾಡೋಕ್ಕಾಗುತ್ತೆ.
+ಕಾಲ ಅದ್ಕೆಲ್ಲ ಪರಿಹಾರ ಸೂಚಿಸುತ್ತೆ.
+ಈಗ ಪೂಜಾ ಹುಷಾರಾಗಿದ್ದಾಳಂಥ ?
+ಆ ಉದ್ದೇಶ ಇಟ್ಕೊಂಡ್‌  ನವೀನಣ್ಣನ ಜೊತೆಯಲ್ಲಿ ಓಡಾಡ್ತಾ ಇದ್ದಾಳೆಂದು ಗೊತ್ತಾಗಿದ್ದರೇ, ಮೊದಲೇ ಎಚ್ಚರಿಸ್ತಾ ಇದ್ದೆ.
+ಅವೆಲ್ಲ ಕಳೆದು ಹೋದದ್ದಲ್ವಾ !"ಎಂದವಳು “ಬಸ್ಸು ರೆಡಿಯಾಗಿದೆ, ನೋಡು.
+ಮುಂದಿನ ಬಸ್ಸು ಅಂದರೇ ಇನ್ನರ್ಧ ಗಂಟೆ ಕಾಯ್ದೇಕು. 
+ಯಾವಾಗ್ಲಾದ್ರೂ. . . ಬಾ'' ಬೀಳ್ಸೊಟ್ಬಳು.
+ಎದುರಿನಿಂದ ಬಂದ ಡಾ||ನವೀನ್‌ ಅವಳ ಪಕ್ಕ ಸ್ಕೂಟರ್‌ ನಿಧಾನಿಸಿ  "ಇವ್ಳು ಯಾವಾಗ್ಬಂದ್ಲು ?"ಎಂದವನು  "ಬೇಗ ಹತ್ಕೋ" ಹೇಳಿದ.
+ಸ್ಕೂಟರ್‌ ಮುಂದಕ್ಕೆ ಹೋಗುವ ಬದಲು ಹಿಂದಕ್ಕೆ ತಿರುಗಿಸಿಕೊಂಡಾಗ ಅವಳಿಗೆ ಆಶ್ಚರ್ಯವಾದರೂ ಕೇಳಲಿಲ್ಲ.
+ಒಂದು ರೆಸ್ಟೋರೆಂಟ್‌ನ ಮುಂದೆ ನಿಂತಿತು.
+ಹೊಟ್ಟೆ ಹಸೀತಾ ಇದೆ.
+ಒಂದಿಷ್ಟು ಏನಾದ್ರೂ ಹಾಕ್ಕೊಂಡು  ಹೋಗೋಣ?
+ನಗುತ್ತ ಅಂದು ಒಳ ನಡೆದಾಗ ಹಿಂಬಾಲಿಸಿದಳು ಮೌನವಾಗಿ.
+ಮದುವೆಯಾಗಿ ಕನಿಷ್ಟ ತಿಂಗಳು ಕಳೆಯುವ ಮುನ್ನವೇ ಮನೆಯ ಬಗ್ಗೆ ಇಷ್ಟೊಂದು ಉದಾಸ ಭಾವ ಒಳ್ಳೆಯದಲ್ಲವೆನಿಸಿತು.
+ಬಾಂಬೆ ಬಜ್ಜಿ, ಮಸಾಲೆ ದೋಸೆಗೆ ಆರ್ಡರ್‌ ಮಾಡಿ ಕೈ ತೊಳೆದುಬಂದು ಕೂತ.
+ನೇರವಾಗಿ ಅವನನ್ನ ನೋಡಿದಳು.
+"ಅದೇನು, ಹಾಗೇ ನೋಡ್ತೀಯಾ ?" ಕೇಳಿದ ಹುಬ್ಬೆ ತ್ತಿ.
+"ವಿವಾಹ ನಿನ್ನ ವ್ಯಕ್ತಿತ್ವ, ನಿನ್ಮುಖದ ಮೇಲೆ ಎಂಥ ಪರಿಣಾಮ ಬೀರಿದೇಂತ ಟೆಸ್ಟ್‌ ಮಾಡ್ತಾ ಇದ್ದೀನಿ.
+ಕ್ರಾಪ್‌ನ ಒರಟಾಗಿ ಎಡಗೈಯಿಂದ ಹಿಂದಕ್ಕೆ ತಳ್ಳಿಕೊಂಡ "ಮಣ್ಗಾಗಟ್ಟಿ ಬೀರಿದೆ.
+ನಿಟ್ಟುಸಿರು ದಬ್ಬಿದ "ಎಷ್ಟೊತ್ತಿಗೆ ಬಂದೆ ?"
+"ನಾನೇನೋ ಬೇಗ್ನೆ ಬಂದೆ.ನೀನೇ ಲೇಟು."
+ನಮ್ಗೇನು ಟೈಮಿಂಗ್ಸ್‌ ಇಲ್ಲ.
+ಟೆನ್‌ ಟು ಫೈವ್‌ ಸರ್ಕಾರಿ ಜಾಬ್‌ ಅಲ್ಲ.
+ಮಾಡಿದಷ್ಟೇ ಕೆಲ್ಸ, ಕೊಟ್ಟಷ್ಟೇ ಸಂಬಳ ಇವತ್ತು ನೈಟ್‌ ಕೂಡ ಮಾಡ್ಬೇಕು.
+ನನ್ನ ಕೊಲಿಗ್‌ ಡಾ|।ಹರೀಶ್‌ ಮುಂಬಯಿಗೆ ಹೋಗಿದ್ದಾರೆ.
+ಇಲ್ಲಿ ಹೊಟ್ಟೆತುಂಬ ತಿಂಡಿ ತಿಂದರೇ, ನರ್ಸಿಂಗ್‌ ಹೋಂಗೆ ಹೋಗೋ ಮೊದ್ಲು ಊಟ ಮಾಡ್ಕೊಂಡ್‌ ಹೋಗಬಹುದು. ಎಂದ ಕರ್ಚಿಪ್‌ನಿಂದ ಮುಖವನ್ನೊರೆಸಿಕೊಳ್ಳುತ್ತ.
+ಡಾ|| ನವೀನ್‌ಗೂ ನೈಟ್‌ ಡ್ಯೂಟಿ ಇರುತ್ತಿತ್ತು.
+"ನೀನೇ ಏನಾದ್ರೂ ನೈಟ್‌ ಡ್ಯೂಟಿ ಹಾಕ್ಸಿಕೊಂಡ್ಕಾ ?"ಪ್ರಶ್ನಿಸಿದಳು.
+“ಅದೆಲ್ಲ ಬಿಡು, ಹೇಗಿತ್ತು ಕೆಲ್ಸ ?” ವಿಚಾರಿಸಿದ.
+ಇದು ಮೇಲುುಖಕ್ಕೆ ಬಂದ ಪ್ರಶ್ನೆಯೇ.
+ಅವನಿಂದು ನರ್ಸಿಂಗ್‌ ಹೋಂಗೆ ಹೋಗಿಯೇ ಇಲ್ಲ.
+ನಿವೇದಿತಾ ಲೇಡಿಸ್‌ ವೇರ್‌ ಷೋರೂಂ ಬಗ್ಗೆ ಸಾಕಷ್ಟು ವಿಚಾರಿಸಿಕೊಂಡಿದ್ದ ತೃಪ್ತಿಯಾಗಿತ್ತು.
+"ಎಲ್ಲಾ ಚೆನ್ನಾಗಿದೆ.ಕ್ಯಾಂಟೀನ್‌ ಸೌಲಭ್ಯವಿದೆ.
+ಅಲ್ಲಿ ಎಂ.ಡಿ.ಯಿಂದ ಅಟೆಂಡರ್‌ವರ್ಗೂ ಲೇಡಿಸೇ.
+ಒಂದು ಆದರ್ಶ ಇಟ್ಕೊಂಡ್‌ ಪ್ರಾರಂಭಿಸಿದ ಉದ್ಯಮ.
+ಎಷ್ಟೋ ಜನ ಮಹಿಳೆಯರ ಜೀವನಕ್ಕೆ ಒಂದು ದಾರಿಯಾಗಿದೆ" ಇದ್ದುದ್ದನ್ನ ಸ್ಪಷ್ಟವಾಗಿ ಉಸುರಿದಳು.
+ಬಾಂಬೆ ಬಜ್ಜಿ, ದೋಸೆ ಮುಗಿದ ಮೇಲೆ ವೆಯಿಟರ್‌ನ ಕಾಫಿ ನಿಧಾನವಾಗಿ  ತರಲು ಹೇಳಿ  "ಮೂರ್ತಿಗೆ ಫೋನ್‌ ಮಾಡಿದ್ಯಾ ?
+ಅವ್ನು ನಿಜವಾಗ್ಲೂ ಫೋನ್‌ನಲ್ಲಿ ಸಿಕ್ಕರಾ ?"ಕೇಳಿದ.
+ಹೌದೆಂದು ತಲೆದೂಗಿದಳು.
+ಮುಚ್ಚಿಡುವುದರಿಂದ  ಮತ್ತಷ್ಟು ಸಮಸ್ಯೆಗಳೆಂದು ಅವಳಿಗೆ ಗೊತ್ತು.
+“ಹೌದು, ನನ್ನ ಮಾತು ಕೇಳೋ ಆಸಕ್ತಿ ಅವ್ರಿಗೆ ಇಲ್ಲ.
+ನಿನ್ನ ಬದ್ಕುನ ಹೇಗೆ ಬೇಕಾದ್ರೂ ರೂಪಿಸ್ಕೋ, ಅದ್ಕೇ ನನ್ನ ಸಲಹೆ ಸೂಚನೆಯೇನ್ಬೇಡ ಅನ್ನೋತರಹ ಮಾತಾಡಿದ್ರು.”
+ಹಲ್ಕುಡಿ ಕಚ್ಚಿ ಮುಷ್ಟಿ ಬಿಗಿ ಹಿಡಿದು ಟೇಬಲ್ಲು ಮೇಲೆ ಒತ್ತಿಡಿದ "ಅವ್ನಿಗೆ ಒಂದು ಕೈ ತೋರಿಸ್ತೀನಿ"ಕನಲಿದ.
+"ಏನು ತೋರಿಸ್ತೀಯಾ ?"ಶಾಂತವಾಗಿ ಕೇಳಿದಳು.
+"ಆಮೇಲೆ ಗೊತ್ತಾಗುತ್ತೆ?"ಸಿಡಿದ.
+"ಸುಮ್ನೇ ವಿವೇಕ ಕಳ್ಕೋಬೇಡ.
+ಯಾರಾದ್ರೂ ಮುಖ ತಿರುಗಿಸ್ಕೊಂಡ್ರೆ ಹತ್ತು ನಿಮಿಷ ಅಲ್ಲಿ ಕೂಡೋಕ್ಕಾಗೋಲ್ಲ.
+ಅಂಥದ್ಧರಲ್ಲಿ ಇಷ್ಟವಿಲ್ಲದವ ರೊಂದಿಗೆ ಸಂಸಾರ ಮಾಡೋಕ್ಕಾಗುತ್ತ, ಹೆಣ್ಣಿಗೂ ಸ್ವಾಭಿಮಾನ ಇರುತ್ತೆ.
+ದಯವಿಟ್ಟು ಇನ್ನ ಯಾವ ಪ್ರಯತ್ನಗಳು ಬೇಡ.
+ವೆಯಿಟರ್‌ಗೆ ಕಾಫಿಗೆ ಹೇಳು.
+ಪಾಪ,ನೀರದ ಕಾಯ್ತ ಇರ್ತಾಳೆ" ಅವಸರಿಸಿದಳು ಪ್ರಸನ್ನವಾಗಿಯೇ. 
+ತಂಗಿಯ ಕಣ್ಣುಗಳನ್ನು ನೋಡಿದ ಪ್ರಶಾಂತವಾಗಿತ್ತು.
+ಅಸಹನೆ ಆಕ್ರೋಶ ಅಂಥದೇನಿರಲಿಲ್ಲ.
+ಈಗ ಅವನಿಗೆ ತನ್ನ ತಪ್ಪಿನ ಪ್ರಮಾಣ ಇನ್ನು ಹೆಚ್ಚೆನಿಸಿತು,ನೋಟ ನೆಲ ನೋಡಿತು.
+"ನಾನು ದೊಡ್ಡ ತಪ್ಪು ಮಾಡ್ಬೇ" ಮುಖ ಹಿಂಡಿದ.
+ಚಾರುಲತ ಬೆಚ್ಚಿಬಿದ್ದಳು.
+"ಅದೊಂದು ಅನಿಸಿಕೆಯೇ ಸಾಕಷ್ಟು ನಿನ್ನ ಚಿತ್ರವಧೆ ಮಾಡೋಕೆ.
+ಇದೊಂದು ರೀತಿಯ ಅಗ್ನಿಪರೀಕ್ಷೆ.
+ಸೋಲು, ಗೆಲುವು ಫಿಫ್ಟಿ ಫಿಫ್ಟಿ
+ಇಲ್ಲಿ ಲಾಭ, ನಷ್ಟಗಳು ನಮ್ಗೂ ಅವ್ರಿಗೂ ಸಮಸಮ ವಾಗಿಯೇಇರುತ್ತೆ.
+ಯಾವುದನ್ನು ಛಾಲೆಂಜಾಗಿ ಸ್ವೀಕರಿಸಿದಾಗ್ಲೇ ಜೀವನ ಕ್ಕೊಂದು ಅರ್ಥ" ಮಾತು ಸಾಕು ಸಾಕೆನಿಸಿತು.
+ಮನೆಗೆ ಹಿಂದಿರುಗಿದಾಗ ನೀರದ ಮಂಕಾಗಿ ನಿಂತಿದ್ದಳು.
+ಅವಳು ಪದೇಪದೇ ತಾಯಿ ಮನೆಗೆ ಹೋಗಿ ಬರುವುದಿತ್ತು.
+ಅವರಿಗೆ ಆತಂಕ.
+ನೂರೆಂಟು ಪ್ರಶ್ನೆಗಳನ್ನು ಸುತ್ತಿಕೊಂಡು ಕಂಗೆಡಿಸುತ್ತಿತ್ತು.
+"ಒಪ್ಪಿಕೊಳ್ಳಿ" ಎಂದವಳು ಒಳಗೋದಳು.
+ಚಾರುಲತಗೆ ಒಂದು ರೀತಿಯ ಹಿಂಸೆಯೆನಿಸಿತು.
+ಅವರಿಬ್ಬರ ಮಧ್ಯೆ ಮೌನವಾಗಿ ಹೊಗೆಯಾಡುವ ಬೇಸರಕ್ಕೆ ತಾನು ಸ್ವಲ್ಪ ಮಟ್ಟಿಗೆ ಕಾರಣವೆನಿಸಿತು.
+"ನಿವೇದಿತಾ ನ್ಯೂ ಲೇಡಿಸ್‌ ವೇರ್" ಸಂಸ್ಥೆಯ ಒಂದು ವರ್ಕಿಂಗ್‌  ವುಮೆನ್ಸ್‌ ಹಾಸ್ಟಲ್‌ ಇತ್ತು.
+ಅಲ್ಲಿ ಯಾಕೆ ತಾನು ಜಾಯಿನ್‌ ಆಗಿಬಿಡಬಾರದು ಎಲ್ಲಾ ಕಗ್ಗಂಟಾಗಿಯೇ ಕಂಡಿತು.
+ತಂದೆ,-ತಾಯಿ ತಂಗಿಯ ಜೊತೆ ಮುಂಬಯಿಗೆ ಹೋದ ಮೇಲೆ ಮೊದಲ ಸಲ ಊರಿಗೆ ಬಂದಿದ್ದ ಮೂರ್ತಿ.
+ಅವನ ಕೊಲೀಗ್ಸ್‌ ಒಂದಲ್ಲ ಒಂದು ಕಾರಣ ಮುಂದು ಮಾಡಿಕೊಂಡು "ಏನು ಕಾರಣ ?"
+ಕೆಲವರು ಹುಬ್ಬು ಹಾರಿಸಿ ಕಾರಣ ಕೇಳಿದರೇ, ಮತ್ತೆ ಕೆಲವರು ರೀಸನ್‌ಗಾಗಿ ಹುಡುಕಾಡುತ್ತಿದ್ದರು.
+ಅಕ್ಕಪಕ್ಕದ ಮನೆಯವರು, ಎದುರು ಮನೆಯಲ್ಲೇ ವಾಸವಾಗಿದ್ದ ಓನರ್‌ "ಯಾಕೆ, ಶ್ರೀಮತಿಯವ್ರುನ್ನ ಕರ್ಕಂಡ್‌ ಬರ್ಲಿಲ್ಲ?
+ಒಂದ್ದಿಂಗ್ಳು ಆಯಿತಲ್ಲ ಹೋಗಿ,ಎಷ್ಟು ದಿನ ಮಾರಾಯರೇ ಅಣ್ಣನ ವಿವಾಹದ ಸಂಭ್ರಮ ?
+ಮದ್ವೆಯಾದ್ಯೇಲೆ ಒಂಟಿತನ ಕಷ್ಟ.
+ಈ ರೀತಿಯಲ್ಲಿ ಮಾತುಕತೆ ಷುರು ಮಾಡುತ್ತಿದ್ದರು. 
+ಆಗ ಹಿಂಸೆಯೆನಿಸುತ್ತಿತ್ತು. ಹುಚ್ಚಿಡಿದಂತಾಗುತ್ತಿತ್ತು. ಬದುಕಿನ ಬೆಳದಿಂಗಳು ಇಷ್ಟುಬೇಗ ಕತ್ತಲಾಯಿತಲ್ಲ."
+ಎದುರು ಮನೆ ಹುಡುಗ ಬಂದು ಮಲಗುತ್ತಿದ್ದ.
+ಪ್ರತಿದಿನ ಕೆಲಸದವಳು ಗುಡಿಸಿ, ಸಾರಿಸಿ ಚೊಕ್ಕಟ ಮಾಡುತ್ತಿದ್ದರಿಂದ ಮನೆ  ಕ್ಲೀನಾಗಿಯೇ ಇತ್ತು.
+ಬಂದವನು ಸ್ನಾನ ಮುಗಿಸಿ ಸಂಜೆಯವರೆಗೂ ಮಲಗಿದ.
+ಅವರದುಅರೆಂಜ್ಡ್‌ ಮ್ಯಾರೇಜಾದರೂ ಚಾರುಲತ, ಅವನಲ್ಲಿ ಬಹಳ ಅನ್ಯೋನ್ಯತೆ ಇತ್ತು.
+ಅವಳೆಂದು ಕಾಡುವ ಹೆಣ್ಣಾಗಿರಲಿಲ್ಲ.
+ಹಾಲು-ಜೇನು ಬೆರತಂಥ ಸಂಸಾರ.
+ಮಲಗಿದ್ದವನು ಎದ್ದು ಕೂತ.
+ಅಂಥ ಭ್ರಮೆಯಲ್ಲಿ ತಾನಿದ್ದೇ ಅಷ್ಟೆ.
+ಎಷ್ಟು ಆರಾಮಾಗಿ ತನ್ನ ಮಾತನ್ನ ಉತ್ಪ್ರೇಕ್ಷಿಸಿಬಿಟ್ಟಳು ?
+ಬಾತ್‌ರೂಂಗೆ ಹೋಗಿ ಮುಖ ತೊಳೆದು ಬಂದ.
+ಎದುರು ಮನೆಯ ಹುಡುಗ ಬಂದು  "ಸರ್‌, ಅಲ್ಲೇ ಟೀಗೆ ಬರ್ಬೆಕಂತೆ" ಕರೆದ.
+"ಅದೆಲ್ಲ ಬೇಡ ! ನಾನು ಹೊರಡೆ ಹೊರಟಿದ್ದೀನಿ"ನಿರಾಕರಿಸಿದ.
+"ಖಂಡಿತ ಬರ್ಬೇಕಂತೆ" ಎಂದು ಹೇಳಿ ಓಡಿ ಹೋದ.
+ಅವನ ತಾಯಿ ಮತ್ತು ಎದುರು ಮನೆಯ ಒಡತಿಯೊಂದಿಗೆ ಹೆಚ್ಚಿನ ದೋಸ್ತಿ ಇತ್ತು.
+ಎರಡು ಮನೆಗಳ ಮಧ್ಯೆ ಹೆಚ್ಚಿನ ಓಡಾಟ ಕೂಡ ಇದ್ದುದ್ದರಿಂದ ನಿರಾಕರಿಸಲಾಗಲಿಲ್ಲ.
+"ಯಾವಾಗ್ಬಂದಿದ್ದು ?" ವಿಚಾರಿಸಿದರು.
+ಕೂತು ಟೀಪಾಯಿ ಮೇಲಿದ್ದ ಪತ್ರಿಕೆಯನ್ನು ತೆಗೆದುಕೊಂಡ ನಂತರವೇ ಉತ್ತರಿಸಿದ್ದು  "ಮಧ್ಯಾಹ್ನ ಬಂದೆ."
+ಬಿಸಿ ಅವಲಕ್ಕಿಯ ಜೊತೆ ಅಕ್ಕಿಯ ಕಡುಬನ್ನು ತಂದಿಟ್ಟು ಉಪಚರಿಸಿದರು.
+ಅವನು ತಿಂದು ಕಾಫಿ ಕುಡಿಯುವವರೆಗೂ ತಮ್ಮ ಸಂಸಾರದ ಮಾತುಗಳನ್ನು ಆಡಿದವರು ನಂತರ ಷುರು ಮಾಡಿದರು.
+ಅವರಿಗೂ ಕೂಡ ಚಾರುಲತ ಮೇಲೆ ಬೇಸರವಿತ್ತು.
+"ನಮ್ಗೂ ಪೂಜಾ ಉಳಿಯೋ ನಂಬಿಕೆ ಇಲ್ಲಿಲ್ಲ.
+ಏನು ಕಡೇ ಆಗಿತ್ತು ಬೇಡ ಅನ್ನೋಕೆ ?
+ಚಾರುಲತ ಸ್ವಲ್ಪ ಗಟ್ಟಿಯಾಗಿ ಕೇಳಿದ್ರೆ ತಂದೆ, ಮಗ ಮೆತ್ತಗಾಗಿ ಹೇಳ್ದಂಗೆ ಕೇಳೋರು.
+ಅರ್ಧ ಈ ಹುಡ್ಗೀದೇ ಸಪೋರ್ಟ್‌"ಎಂದರು ಜಿಗುಪ್ಸೆಯಿಂದ.
+ಬಹುಶಃ ಪೂಜಾಳ ಅಂದಿನ ಸ್ಥಿತಿ ನೋಡಿದವರು ಯಾರೇ ಆದರೂ ಈ ತರಹ ಮಾತಾಡುವುದು ಸಹಜ.
+ಆಕೆಗೇನು ಚಾರುಲತ ಮೇಲೆ ವೈಯಕ್ತಿಕ  ದ್ವೇಷವಿರಲಿಲ್ಲ.
+ಮೂರ್ತಿಯ ಬಾಯಿಂದ ಮಾತೇ ಬರಲಿಲ್ಲ.
+ತಿಂದಿದ್ದೆಲ್ಲ ಕಕ್ಕುವಂತಾಯಿತು.
+ಯಾಕಾದರೂ ಬಂದೆನೋ, ಎಂದು ಯೋಚಿಸಿದ.
+"ಮೂರ್ತಿ ಈ ತರಹ ಹೇಳ್ತೀನೀಂತ ಏನು ತಿಳ್ಕೋಬೇಡ.
+ಆ ಪ್ರಕರಣನ ಎಷ್ಟೇ ಮುಚ್ಚಿಟ್ಟರೂ ಜನಕ್ಕೆ ತಿಳಿದಿದೆ.
+ಏನೇನೋ ಮಾತಾಡ್ಕೋತಾ ಇದ್ದಾರೆ.
+ಡಾ|| ನವೀನ್‌ ನಿರಾಕರಿಸೋಕೆ ಒಂದು ಕಾರಣನೇ ಹುಟ್ಟು ಹಾಕಿದ್ದಾರೆ.
+ಆ ಮಾತುಗಳ್ನ ಕೇಳಿದ್ರೆ ಯಾಕಪ್ಪ ಹೆಣ್ಣು ಮಕ್ಳುನ ಹೆತ್ತಿವಿ ಅನ್ನೊಂಗೆ ಆಗಿದೆ.
+ಸ್ವಲ್ಪ ದೂರದಲ್ಲೇ ವರಾನ್ಹೇಷಣೆ ಪ್ರಾರಂಭಿಸಿ ಬೇಗ ಪೂಜಾಗೆ ವಿವಾಹ ಮಾಡ್ಬಿಡಿ.
+ಇಲ್ಲದಿದ್ದರೇ, ಬಗೆಯರಿಲಾರ್ದ ಸಮಸ್ಯೆಯಾಗ್ಟಿಡುತ್ತೆ.
+ನೀನು ಸರ್ಯಾಗಿ ಅರ್ಥಮಾಡಿಕೊಳ್ಳಬಲ್ಲೇಂತ ನಿಂಗೆ ಹೇಳ್ತಾ ಇದ್ದೀನಿ.
+ದಯವಿಟ್ಟು ಏನುತಿಳ್ಕೋಬೇಡ.
+ನಂಗೆ ಎರ್ದು ಹೆಣ್ಣು ಮಕ್ಳು.
+ಅವ್ರ ಜೊತೆ ಆಡಿ ಬೆಳೆದೋಳು ಪೂಜಾ.
+ನಂಗೆ ಅವ್ಳು ಎಂದೂ ಬೇರೆ ಅನ್ನಿಸಿದ್ದೇ ಇಲ್ಲ" ಹಿತೈಷಿಯಾಗಿ ಕೆಲವು ಮಾತುಗಳನ್ನ ಹೇಳಿದರು.
+ಉದ್ವೇಗಗೊಳ್ಳದಂತೆ ಅವನಲ್ಲಿನ ವಿವೇಕ ಎಚ್ಚರಿಸಿತು.
+ಆಯ್ತು, ನನ್ನ ಮಿದುಳು ನಿಷ್ಕ್ರಿಯವಾಗಿದೆ.
+ನೀವು ಇಷ್ಟು ಹೇಳಿದ್ದು ಒಳ್ಳೆದಾಯು?ಎಂದು ಕೃತಜ್ಞತೆ ಸೂಚಿಸಿದ.
+ತನ್ನ ಮನೆಗೆ ಬಂದವನೇ ತಲೆಯ ಮೇಲೆ ಕೈಯೊತ್ತು ಕೂತ.
+ಅವನಿಗೆ ಪೂಜಾ ಮೇಲೆ ಸ್ವಲ್ಪ ಹೆಚ್ಚೆನಿಸುವಷ್ಟು ಪ್ರೀತಿ.
+ತಂದೆ, ತಾಯಿ ಬೇಡವೆಂದರೂ ಕೆಲವೊಂದು ಸಾಮಾನು, ಡ್ರೆಸ್‌ಗಳನ್ನ ಕೊಡಿಸಿದ್ದ.
+ಆದರೆ ಅವನ ಕೈಯಿಂದ ಆಗದೇ ಹೋಗಿದ್ದು, ಬಯಸಿದ ಡಾ|| ನವೀನ್‌ ಜೊತೆ ಅವಳ ವಿವಾಹ ಮಾಡದೇ ಹೋಗಿದ್ದು.
+“ಪೂಜಾ, ಕ್ಷಮ್ಸಿ ಬಿಡಮ್ಮ” ಎಂದ ಗದ್ಗದಿತ ಸ್ವರದಲ್ಲಿ.
+ಪೂರ್ತಿ ಕತ್ತಲಾಗುವವರೆಗೂ ಮನೆಯಿಂದ ಹೊರ ಬೀಳಲಿಲ್ಲ.
+ರಾತ್ರಿಯ ಊಟಕ್ಕೆ ಎದುರು ಮನೆಯವರ ಆಹ್ಹಾನವಿದ್ದರೂ, ಸಧ್ಯಕ್ಕೆ ಅವರೊಂದಿಗಿನ ಮಾತು ಬೇಡವೆನಿಸಿ ಬೀಗ ಹಾಕಿಕೊಂಡು ಹೊರ ನಡೆದ.
+ಹೆಚ್ಚು ಪರಿಚಯವಿಲ್ಲದ ಹೋಟಲ್‌ಗೆ ಹೋಗಿ ಊಟ ಮಾಡಿದ.
+ಈಗ ಅವನ ತಲೆಯಲ್ಲಿದ್ದಿದ್ದು ಒಂದೇ ವಿಚಾರ.
+ಆದಷ್ಟು ಬೇಗ ಪೂಜಾಳಿಗೆ ವಿವಾಹಮಾಡಬೇಕು.
+ಅದಕ್ಕೆ ಸರಿಯಾದ ವ್ಯಕ್ತಿಯ ತಲಾಶೆ ಮಾಡಬೇಕು.
+ಮುಂಬಯಿನಲ್ಲಿನ ಚಿಕ್ಕಪ್ಪನ ಮನೆಗೆ ಎಸ್‌.ಟಿ.ಡಿ. ಮಾಡಿದ. 
+"ಹೇಗಿದ್ದಾಳೆ, ಪೂಜಾ ?"ವಿಚಾರಿಸಿದ.
+"ಈಗ ಸ್ವಲ್ಪ ಪರವಾಗಿಲ್ಲ, ಎಲ್ಲಾ ಹೊರ್ಗಡೆ ಹೋಗಿದ್ದಾರೆ.
+ನಾನೊಬ್ಬ ಮನೆ ಕಾಯ್ಕೊಂಡ್‌ ಇದ್ದೀನಿ" ಅವನ ಚಿಕ್ಕಪ್ಪ ಉತ್ತರಿಸುವುದರೊಂದಿಗೆ  "ಎಲ್ಲಿಂದ ಫೋನ್‌ ಮಾಡ್ತಾ ಇರೋದು ?
+ಏನಾಗಿತ್ತು ನಮ್ಮ ಹುಡ್ಗೀನ ವಿವಾಹವಾಗೋಕೆ ಅಯೋಗ್ಯನಿಗೆ ?
+ನಿನ್ನ ಹೆಂಡ್ತಿಗಾದ್ರೂ ಬುದ್ಧಿ ಬೇಡ್ದಾ?"ಜೋರು ದನಿಯಲ್ಲಿಯೇ ಕೇಳಿದರು.
+"ಅದೆಲ್ಲ, ಮುಗ್ಧ ವಿಷ್ಯ ಚಿಕ್ಕಪ್ಪ.
+ಈಗ ಪೂಜಾಗೆ ಒಂದು ಒಳ್ಳೆ ಸಂಬಂಧ ನೋಡಿ ಅವ್ಳ ವಿವಾಹವಾಗ್ದ ಹೊರ್ತು ಯಾರ್ಗೂ ನೆಮ್ದೀ ಇರೋಲ್ಲ .
+ಅದ್ಕೇ ನೀವೇನು ಹೇಳ್ತೀರಾ ?"ಅವರನ್ನ ಕೇಳಿದ.
+"ನೀನು ಹೇಳೋದು ಹಂಡ್ರೆಡ್‌ ಪರ್ಸೆಂಟ್‌ ಸರಿ.
+ಹೇಗೂ ಎಲ್ಲಾ ಬಂದಿದ್ದಾರೆ.
+ಪೂಜಾ ಇಲ್ಲೇ ಇದ್ದೀ.
+ಯಾವುದಾದ್ರೂ ಒಳ್ಳೆ ಸಂಬಂಧ ನೋಡೋಣ.
+ಚಿನ್ನದಂಥ ಹುಡ್ಗಿ.
+ಅವ್ಳಿಗೆ ಗಂಡಿನ ಕೊರತೇನಾ ?
+ಆದರೆ ಅವ್ಳು ವಿವಾಹಕ್ಕೆ ಒಪ್ಪಬೇಕು.
+ಅಂತು ನಮ್ಮ ಪ್ರಯತ್ನ ನಾವು ಮಾಡೋಣ" ಉಸುರಿದರು.
+ಕಡೆಯಲ್ಲಿ "ಚಾರುಲತನ ಕರ್ಕಂಡ್‌ ಬಂದಿಲ್ವಾ ?"ವಿಚಾರಿಸಿದಾಗ "ಗುಡ್‌ನೈಟ್‌ ಆಂಕಲ್‌.
+ಫೋನ್‌ ಇಡ್ತಾ ಇದ್ದೀನಿ" ಫೋನ್‌ ಇಟ್ಟೇ ಬಿಟ್ಟ.
+ಸಧ್ಯಕ್ಕೆ ಈಗ ಅವನಿಗೆ ಯಾರ ಸುದ್ದಿಯು ಬೇಕಿರಲಿಲ್ಲ.
+ಒಂದು ವಾರ ರಜ ಹಾಕಿ ಬಂದಿದ್ದರಿಂದ ಇಲ್ಲೇ  ಉಳಿಯಬೇಕಿತ್ತು.
+ಆರಾಮಾಗಿ ಕಳೆದ.
+ಚಾರುಲತಳೊಂದಿಗೆ ಕಳೆದ ರಾತ್ರಿಗಳ ನೆನಪಾದಾಗ ಅವನೆದೆಯ ರಕ್ತ ಕುದಿಯಿತು.
+ನೆನಪುಗಳು ಮಧುರವಾಗಲಿಲ್ಲ. 
+"ಛಿ. . . . "ಅವಳ ನೆನಪೇ ಬೇಡ.
+ಎದ್ದು ಹಳೆಯ ಪತ್ರಿಕೆಗಳಲ್ಲಿ ವಿಶೇಷ ಲೇಖನಗಳನ್ನ ಆರಿಸಿಕೊಂಡು ಬಂದು ಕೂತ. 
+ತಿರುವಿದ ಓದಬೇಕೆನಿಸಲಿಲ್ಲ. 
+ಮುಂದಿನ ಹೆಜ್ಜೆ ಯಾವುದು ?
+ಅವನ ಪ್ರಕಾರ ತಂಗಿಯ ವಿವಾಹ.
+ಚಾರುಲತ ಏನು ಮಾಡಬಹುದು ?
+ಆರಾಮಾಗಿ ಅಪ್ಪನ ಮನೆಯಲ್ಲಿ ಉಳೀತಾಳೆ.
+ಅಕ್ಕರೆಯ ಅತ್ತಿಗೆ, ಅಣ್ಣ ಇರೋವಾಗ ಮಿಕ್ಕವರು ಯಾಕೆ ಬೇಕು ?ಬಂದು ಮಲಗಿದ.
+ನೆನಪುಗಳು ಬಹಳಷ್ಟು ಘಾಸಿಗೊಳಿಸಿತು.
+ಬೆಳಿಗ್ಗೆ ಎದ್ದವನೇ ತಾನೇ ಹಾಲಿನ ಬೂತ್‌ಗೆ ಹೋಗಿ ಹಾಲಿಡಿದು ಬಂದ.
+ಕಾಫಿ ಮಾಡಿ ಕುಡಿದ.
+ಸ್ನಾನಕ್ಕೆ ಹೋಗುವ ಮುನ್ನ ಫೋನ್‌ ಬಂತು. "ಹಲೋ. . . . . "ಎತ್ತಿದ.
+ತಂದೆಯ ಹಳೆಯ ಸ್ನೇಹಿತರು "ಯುಗಂಧರ್‌ ಬಂದ್ಲಿಲ್ವಾ ?
+ಯಾಕೆ ಹೋಗಿ ಮುಂಬಯಿನಲ್ಲಿ ಕೂತ.
+ನಿನ್ತಂಗಿ ಬಗ್ಗೆ ಏನೇನೋ ಹೇಳೋಕೆ ಷುರುಮಾಡಿದ್ದಾರಲ್ಲ ! ಏನು. . . . . ಕಾಯಿಲೆ ?"ಕಟಕಟೆಯಲ್ಲಿ ನಿಲ್ಲಿಸಿ ಕೇಳಿದರು.
+ಉತ್ತರಿಸಲು ಚಡಪಡಿಸಿದ “ಸಾರಿ, ಅಂಕಲ್‌. . . ಅಂಥದ್ದೇನಿಲ್ಲ!
+ ಗಂಡಿನ ತಲಾಶೆಯಲ್ಲಿದ್ದಾರೆ. 
+ ಅವ್ಳಿಗೆ ವಿದೇಶದಲ್ಲಿರೋ ಗಂಡಿನ ಕೈ ಹಿಡ್ಕೋ ಆಸೆ,ಇದೊಂದು ಸಣ್ಣ ಪ್ರಾಬ್ಲಮ್‌ ಅಷ್ಟೆ.
+ನಿಮ್ಗೇ ಕಾಯಿಲೇಂತ ಯಾರು ಹೇಳಿದ್ದು?"
+ಅವನ ಹುಬ್ಬುಗಳು ಗಂಟಾಯಿತು.
+"ಯಾರೋ ಹೊಗ್ಲಿ ಬಿಡು, ನಂಗೆ ಗಾಬ್ರಿ ಆಯ್ತು.
+ನಿಮ್ಮಪ್ಪ ಫೋನ್‌ಮಾಡಿದ್ರೆ ನಾನು ಕೇಳ್ದೇಂತ ಹೇಳು" ಫೋನಿಟ್ಟರು.
+ಮೂರ್ತಿಯ ಉಸಿರು ಬಿಸಿಯಾಯಿತು.
+"ಛಿ, ಅವ್ರ ಜೊತೆ ಸಂಬಂಧ ಬೆಳೆಸಿದ್ದೇ ತಪ್ಪಾಯ್ತು.
+ಎದುರು ಮನೆ ಹುಡ್ಗೀಗಾಗಿ ನನ್ತಂಗಿ ಭವಿಷ್ಯ ಬಲಿ ಕೊಟ್ರು"ಜೋರಾಗಿಯೇ ಕೂಗಾಡಿದ.
+ಗೋಡೆಗಳು ಆಲಿಸಬೇಕು ಅವನ ಮಾತುಗಳನ್ನ.
+ಬಹಳ ಹೊತ್ತಿನ ಮೇಲೆ ನಿದ್ದೆ ಬಂತು.
+ತಂದೆಯ ಕಾರನ್ನು ತೆಗೆದು ಹೊರಗೆ ನಿಲ್ಲಿಸಿದ.
+ಆರಾಮಾಗಿ ಪೈಪ್‌ನಲ್ಲಿ ನೀರು ಬಿಟ್ಟುಕೊಂಡು ತೊಳೆದ.
+ಆಮೇಲೆ ಅರ್ಧಗಂಟೆಯೊರೆಸಿದ.
+ಎದುರುಗಡೆ ಮನೆ ಹುಡುಗ ಪಾತ್ರೆಯಲ್ಲಿ ತಿಂಡಿಯನ್ನು ಮುಚ್ಚಿ ತಂದು ಒಳಗಿಟ್ಟುಹೋದನಂತರ ಹಸಿವೆಯೆನಿಸಿತು.
+ ಆರಾಮಾಗಿ ಹೋಗಿ ಸ್ನಾನ ಮಾಡಿ ಬಂದು ತಿಂಡಿ ತಿಂದು ಮಾರ್ಕೆಟ್‌ಗೆ ಹೊರಟ ಹತ್ತು ತಿಂಗಳ ಹಿಂದೆ ಚಾರುಲತ ತನ್ನ ಬದುಕಿನಲ್ಲಿ ಇರಲಿಲ್ಲ.
+ಹಿಂದೆ ತಾನು ಎಷ್ಟೊಂದು ಚಟುವಟಿಕೆಯಿಂದ ಇದ್ದೆ.
+ಈಗಲೂ ಅಷ್ಟೆ ಉತ್ಸಾಹದಿಂದ ಬದುಕಬೇಕು.
+ಅನಗತ್ಯವಾಗಿ ಅವಳಿಗಾಗಿ ಕೊರಗಬಾರದು ಒಂದು ಗಟ್ಟಿ   ನಿರ್ಧಾರಕ್ಕೆ ಬಂದ.
+ಹಳೇ ಜಾಮಾನ್‌ದ "ಆವಾರ" ಹಾಡನ್ನ ಹಾಡುತ್ತ ಕಾರನ್ನು ಓಡಿಸಿದ.
+ಇಲ್ಲದ ಸಾಮಾನುಗಳ ಪಟ್ಟಿ ಹಿಡಿದು ಜನರಲ್‌ ಸ್ಟೋರ್‌ಗೆ ಹೋದ.
+ಬಿಲ್‌ಕೌಂಟರ್‌ನಲ್ಲಿ ಬರೀ ಟೂತ್‌ಪೇಸ್ಟ್‌, ಸೋಪು ಮಾತ್ರ ಹಿಡಿದ ಡಾ|| ನವೀನ್‌ನ ನೋಡಿ ಮುಖ ತಿರುಗಿಸಿದ ಪರಿಚಯ ಇಲ್ಲದವನಂತೆ.
+"ಹಲೋ, ಮೂರ್ತಿ" ತಾನಾಗಿಯೇ ಹತ್ತಿರಕ್ಕೆ ಬಂದು ಮಾತಾಡಿಸಿದ. 
+"ಹಲೋ. . . . " ಎಂದವನು ಕೌಂಟರ್‌ನಲ್ಲಿ ತನ್ನ ಸಾಮಾನುಗಳ ಬಿಲ್‌ರೆಡಿ ಮಾಡಿಸಿ ಅವನನ್ನ ಸವರಿಕೊಂಡೇ ತನ್ನ ಪಾಡಿಗೆ ತಾನು ಹೋದ.
+ಅವನಿಗೆ ಡಾ|।ನವೀನ್‌ನಲ್ಲಿ ಮಾತು ಬೇಕಿರಲಿಲ್ಲ.
+ಈಗಿನ ಎಲ್ಲಾ ಸಂಕಷ್ಟ ಗಳಿಗೂ ನೇರವಾಗಿ ಅವನೇ ಕಾರಣ !
+ಡ್ರೈವ್‌ ಮಾಡಿಕೊಂಡು ಮಾರ್ಕೆಟ್‌ಗೆ ಹೋದ.
+ತರಕಾರಿ ಖರೀದಿಸಿ ತಂದು ಕಾರಿನಲ್ಲಿ ಇಡುವಾಗ ಅವನ ಕಣ್ಣುಗಳು ಡಾ|।ನವೀನ್‌ನ ಹುಡುಕಿಯಾಡಿದವು.
+ಅದು ಅವನ ಮೇಲಿನ ಪ್ರೀತಿಯಿಂದ ಅಲ್ಲ, ದ್ವೇಷದಿಂದ.
+ಮನೆಗೆ ಬಂದವನೇ ತರಕಾರಿ ಬಿಡಿಸಿ ಬೇಳೆ, ತರಕಾರಿ ಹಾಕಿ ಕುಕ್ಕರಿನಲ್ಲಿಟ್ಟ.
+ಫ್ರಿಜ್‌ ಎಲ್ಲಾ ಖಾಲಿ ಮಾಡಿ ಕ್ಲೀನ್‌ ಮಾಡಿದ.
+ಎಷ್ಟೋ ಸಣ್ಣ ಪುಟ್ಟ ಕೆಲಸಗಳನ್ನ ಮಾಡಿದ.
+ಅದನ್ನೆಲ್ಲ ಅವನು ಮೊದಲು ತಾನೇ ಮಾಡುತ್ತಿದ್ದ.
+ಚಾರುಲತ ಅವನ ಬದುಕಿನಲ್ಲಿ ಅಡಿಯಿಟ್ಟ ಮೇಲೆ ಒಂದಿಷ್ಟು ಸೋಮಾರಿತನ ಕಲಿಸಿದ್ದಳು.
+ಅವಳನ್ನು ಜಾಡಿಸಿ ಒದ್ದಂತೆ, ಈ ಸೋಮಾರಿ ತನವನ್ನು ತನ್ನ ದಿನಚರಿಯಿಂದ ಹೊರದೊಡಿಸಿ ಬಿಡಬೇಕೆನಿಸಿತು.
+ಮಧ್ಯಾಹ್ನ ಊಟ ಮಾಡಿ ಮಲಗಿದ್ದಾಗ ಕಾಲಿಂಗ್‌ ಬೆಲ್‌ ಸದ್ದಾಯಿತು.
+ಬೇಸರದಿಂದಲೇ ಮೈ ಮುರಿಯುತ್ತ ಬಂದು ಬಾಗಿಲು ತೆಗೆದಾಗ ಎದುರಿಗೆ ನಿಂತಿದ್ದವರು ವಾಸುದೇವಯ್ಯ.
+ಮಾತಾಡಲು ಅವನಿಗೆ ಇಷ್ಟವಿಲ್ಲ.
+ಹಾಗೆಂದು ಮುಖದ ಮುಂದೆ ಹೇಳಲು ಅವರ ವಯಸ್ಸು ಅಡ್ಡಿ ಬಂತು. 
+"ಬನ್ನಿ. . . ಎಂದ ಮುಖ ಗಂಟಾಕಿಯೇ.
+ಅತ್ಯಂತ ತಾಳ್ಮೆಯಿಂದ ವಾಸುದೇವಯ್ಯ ಒಳ ಬಂದು ಸೋಫಾ ಅಂಚಿಗೆ ಕೂತರು.
+ಅವರಿಗೆ ಮಗಳ ಬದುಕು ಮುರಾಬಟ್ಟೆಯಾಗುವುದು ಬೇಕಿರಲಿಲ್ಲ.
+"ಯಾವಾಗ್ಬಂದಿದ್ದು ?"ಮೃದುವಾಗಿ ವಿಚಾರಿಸಿದರು.
+"ನೆನ್ನೆ ಬಂದಿದ್ದು. ಬೇಜಾರು ಮಾಡ್ಕೋಬೇಡಿ.
+ಸ್ಪಷ್ಟವಾಗಿ ಹೇಳ್ಬೇಕೂಂದರೇನಿಮ್ಮೊಂದಿಗಿನ ಸಂಬಂಧ ನನ್ನ ಪಾಲಿಗೆ ಮರೆತಂತೆ.
+ಸುಮ್ನೇ ಆ ವಿಷ್ಯನ ಎತ್ತಿಕಹಿ ಮಾಡಿಕೊಳ್ಳೋದ್ಬೇಡ" ಸ್ಪಷ್ಟವಾಗಿಯೇ ಅಂದ.
+ಮಾತಾಡದೇ ಸುಮನೇ ಕೂತರು ವಾಸುದೇವಯ್ಯ.
+ಬದುಕನ್ನ ಬಲ್ಲವರು.
+ಎಷ್ಟೋ ಬದಲಾವಣೆ ಬಂದಿದ್ದರೂ ಹೆಚ್ಚಿನ ನೋವು, ಸಮಸ್ಯೆ, ಅವಮಾನ ಹೆಣ್ಣಿಗೆಂದು ಗೊತ್ತು.
+"ಇದ್ರಲ್ಲಿ ಚಾರುಲತ ತಪ್ಪಿಲ್ಲ !"ಎಂದರು.
+"ನಿಮ್ಮೆ ತಪ್ಪು ?ನನ್ತಂಗಿ ಯಾವುದ್ರಲ್ಲಿ ಕಡಿಮೆ ಇದ್ದು ?
+ನನ್ನ ಕುಟುಂಬನ ಅವಮಾನಿಸಿ ಬಿಟ್ರಿ !"ಉದ್ವೇಗದಿಂದ ಭುಸುಗುಟ್ಟಿದ.
+ವಾಸುದೇವಯ್ಯನ ಗಂಟಲು ಹಿಡಿದಂತಾಯಿತು.
+"ದಯವಿಟ್ಟು ತಪ್ಪ ತಿಳ್ಕೋಬೇಡ, ಮೂರ್ತಿ.
+ಎದುರು ಬದುರು ಮನೆಗಳು.
+ನೀರದ, ನವೀನ್‌ ಒಬ್ಬರನ್ನೊಬ್ರು ಮೆಚ್ಚಿಕೊಂಡಿದ್ರು.
+ನಂಗೂ ಇಷ್ಟವಾಯ್ತು.
+ನಿನ್ತಂಗಿ ಯಾವುದ್ರಲ್ಲೂ ಕಡ್ಮೇ ಇಲ್ಲ.
+ನಿಮ್ಮ ಕುಟುಂಬನ ಅವಮಾನಿಸೋ ಇರಾದೆ ನಮ್ಗೇ ಇದ್ದಿಲ್ಲ.
+ಅದು ನಿಶ್ಚಯವಾದ ಸಂಬಂಧ ಬಿಡೋ ಹಂಗಿದ್ದಿಲ್ಲ"ನಮ್ರತೆಯಿಂದ ತಿಳಿ ಹೇಳಿದರು.
+ಮಗಳು ಗಂಡ ಬಿಟ್ಟ ಹೆಣ್ಣಾಗಿ ಬದುಕುವುದು ಅವರಿಗೆ ಸುತರಾಂ ಬೇಕಿರಲಿಲ್ಲ.
+ತೀಕ್ಷ್ಣವಾಗಿ ಅವರತ್ತ ನೋಡಿದ, ಹಿಂದೆ ಗೌರವಿಸುತ್ತಿದ್ದ ಮನುಷ್ಯ.
+ಈಗ ಅಂಥ ಭಾವವಿಲ್ಲದಿದ್ದರೂ ಅಗೌರವ ತೋರಲಾರ.
+ನಿಮ್ಗೆ ಇಷ್ಟವಾಯ್ತು.
+ನಿಮ್ಮ ಮಗ್ಳಿಗೆ ಮತ್ತಷ್ಟು ಇಷ್ಟವಾಯ್ತು.
+ಅವ್ಳಿಗೆ ಅವ್ಳ ತವರು ಮನೆ ಸುಖ, ಸಂತೋಷ, ನೆಮ್ದಿ ಮುಖ್ಯವಾಗಿತ್ತು.
+ನಂಗೂಅಷ್ಟೆ, ನನ್ನಪ್ಪ, ಅಮ್ಮ ತಂಗಿಯ ನಂತರವೇ ಮಿಕ್ಕೆಲ್ಲ ಸಂಬಂಧಗಳು.
+ಈ ತಿಳಿವಳಿಕೆ ನಿಮ್ಗೆ ಮಾತ್ರವಲ್ಲ, ನಿಮ್ಮ ಮಗ್ಳಿಗೆ ಹೆಚ್ಚಿಗೆ ಇರ್ಬೇಕಿತ್ತು.
+ಸ್ವಂತ ನಾದಿನಿನ ಸಾವಿನ ದವಡೆಗೆ ನೊಕಿಬಿಟ್ಟು. .ನಂಗೆ ಹೆಚ್ಚಿಗೆ ಮಾತಾಡೋಕೆ ಇಷ್ಟವಿಲ್ಲ" ಹಲ್ಮುಡಿಯನ್ನ ಕಚ್ಚಿಡಿದು ಹೇಳಿದ.
+ಅವನು ಪೂರ್ತಿ ತಾಳ್ಮೆ ಕಳೆದುಕೊಳ್ಳುವ ಮುನ್ನ ಅಲ್ಲಿಂದ ಹೋಗುವ ಅಗತ್ಯವಿತ್ತು.
+ವಾಸುದೇವಯ್ಯ  ಅಳುವುದೊಂದು ಬಾಕಿ ಇತ್ತು.
+"ಖಂಡಿತ ಇಲ್ಲ, ಇದ್ರಲ್ಲಿ ಅವ್ಳ ತಪ್ಪೇನಿಲ್ಲ" ಎಂದರು.
+"ನನ್ನ ಒಂದು ಮಾತಿಗೆ ಉತ್ತರ ಹೇಳಿ.
+ಚಾರುಲತ ಬೇಡವೆಂದು ಹಟಮಾಡಿದ್ದರೇ, ನೀವು ಮಗನ ವಿವಾಹ ಮಾಡೋ ಸಾಧ್ಯತೆ ಇತ್ತಾ.
+ಆಗ ನಿಮ್ಗೆ ಮಗ್ಳು, ಅಳಿಯ ಅವ್ರ ಭವಿಷ್ಯ ಮುಖ್ಯವಾಗ್ತಾ ಇತ್ತು. ಈಗ್ಟೇಳಿ. . . " ಕೇಳಿದ.
+ಆ ಮನುಷ್ಯನ ತಲೆ ತಗ್ಗಿತು.
+ಹೌದು, ಚಾರುಲತ ಹಟ ಹಿಡಿದಿದ್ದರೇ ಖಂಡಿತ ನಿಲ್ಲುತ್ತಿದ್ದುದ್ದು ಮಗಳ ಪರವೇ.
+ಮುಂದಿನ ದಿನಗಳ ಬಗ್ಗೆ ತಲೆಕೆಡಿಸಿಕೊಳ್ಳದೇ ಡಾ|| ನವೀನ್‌ ಕೂಡ ತೆಪ್ಪಗೆ ಪೂಜಾ ಕುತ್ತಿಗೆಗೆ ತಾಳಿ ಕಟ್ಟುತ್ತಿದ್ದ.
+ಇದು ಸತ್ಯವೇ ?
+ಅಳಿಯನ ಕೋಪಕ್ಕೆ ಅರ್ಥವಿತ್ತು.
+ಹಾರ್ಲಿಕ್ಸ್‌ ಮಾಡಿಕೊಂಡು ಅವರ ಮುಂದಿಟ್ಟ ಮೂರ್ತಿ "ಕುಡೀರಿ,ಇನ್ನ ಯಾವ್ದೇ ಮಾತುಗಳು ಬೇಡ.
+ನಂಗೆ ಬೇರೆ ಕೆಲ್ಲವಿದೆ" ಹೊರಗೆ ಹೋದವನು ನಲ್ಲಿ ಆನ್‌ ಮಾಡಿ ಪೈಪ್‌ನಿಂದ ನೀರು ಹಾಕತೊಡಗಿದ.
+ಅವನ ಮಿದುಳು, ಮನಸ್ಸು, ಮೈ ಕೋಪದಿಂದ ಭುಸುಗುಟ್ಟುತ್ತಿತ್ತು.
+ಹಾರ್ಲಿಕ್ಸ್‌ ಕಪ್‌ ಎತ್ತಲಾಗಲಿಲ್ಲ ವಾಸುದೇವಯ್ಯನಿಂದ.
+ಸೋತವರಂತೆ ನಿಧಾನವಾಗಿ ಹೊರಗೆ ಬಂದಾಗ, ಆರಾಮಾಗಿ ತನ್ನ ಪಾಡಿಗೆ ತಾನು ನೀರು ಹಾಕುತ್ತಿದ್ದ ಮೂರ್ತಿ ಪೈಪ್‌ನ ಕೆಳಗೆ ಹಾಕಿ ಹೋಗಿ ಗೇಟು ತೆರೆದ.
+ಅವರು ಹೊರಗೆ ಹೋದ ಮೇಲೆ ಗೇಟು ಹಾಕಿ ಅವರತ್ತ ಕೂಡ ನೋಡದೇ ಬಂದು ತನ್ನ ಕೆಲಸದಲ್ಲಿ ಮಗ್ನನಾದ.
+ಮನಸ್ಸುಗಳು ಸಂಬಂಧಗಳು ಹೇಗೆ ಮುರಿದು ಹೋಗುತ್ತೆ.
+ನಲ್ಲಿ ನಿಲ್ಲಿಸಿ ಒಳಗೆ ಬಂದ.
+ಚಾರುಲತನ ಬಾಯಿಗೆ ಬಂದಂತೆ ಬೈಯ್ಯಬೇಕೆನಿಸಿತು.
+ತಂಗಿಯ ಬಗೆಗಿನ ಪೂರ್ಣ ಪ್ರಮಾಣದ ಸಹಾನುಭೂತಿ ಅವಳ ಹಟವನ್ನ ಮರೆಸಿತ್ತು.
+ಸಂಜೆ ನಡದೇ ವಾಕ್‌ ಹೊರಟಾಗ ತಿರುವಿನಲ್ಲಿ ಸಿಕ್ಕ ಕಮಲ ಒಂದು ಹೊಸ ವಿಷಯ ತಿಳಿಸಿದಳು  "ಚಾರುಲತ ಆಪಾಯಿಂಟ್‌ಗೆ ಸೇರ್ಕೊಂಡಿದ್ದಾಳೆ"ಉದ್ದೇಗಗೊಳ್ಳದೇ ಬಲವಂತದ ಮುಗುಳ್ನಗೆಯನ್ನ ಮುಖದ ಮೇಲೆ ಎಳೆತಂದ.
+"ಗೊತ್ತು, ಇದೇನು ಇಲ್ಲಿ ?" ಎಂದ.
+"ನಿಮ್ಮ ಮನೆಗೆ ಬರೋ ಪ್ರೋಗ್ರಾಂ ಇತ್ತು.
+ಅಂಕಲ್‌, ಆಂಟೀ ಇಲ್ವಲ್ಲ.
+ಬಂದು ಪ್ರಯೋಜನವಿಲ್ಲ.
+ಚಾರುಲತಗೆ ಡೈವೋರ್ಸ್‌ ಕೊಡ್ತೀಯಾ?
+ಬೀದಿಯೆಂಬುದು ಮರೆತು ವಿಚಾರಿಸಿದಾಗ ಕೆನ್ನೆಗೊಂದು ಬಾರಿಸಬೇಕೆನಿಸಿತು.
+ನೀನಿನ್ನ ಚಿಕ್ಕೋಳು.
+ಅವೆಲ್ಲ ದೊಡ್ಡ ವಿಷ್ಯಗಳು.
+ಇನ್ನು ವಿವಾಹವಾಗದ ನಿನ್ನಂಥವ್ರು ಡೈವೋರ್ಸ್‌ ಬಗೆಯಲ್ಲಿ ಮಾತಾಡೋದು ಒಳ್ಳೇದಲ್ಲ.
+ಕಾಫಿ ಕುಡೀತೀಯಾ ?"ವಿಚಾರಿಸಿದ ನೆಂಟಸ್ಥಿಕೆಯ ಸಲಿಗೆಯಿಂದ.
+“ಖಂಡಿತ !ನೀನು ಸಿಕ್ಕಿಯೇ ಬಹಳ ದಿನವಾಯ್ತು.
+ಮದ್ವೆಯಾದ್ಮೇಲೆ ಸಿಕ್ಕಿಯೇ ಇಲ್ಲ.
+ಇವತ್ತು ಎಲ್ಲಾ ಕಕ್ಕಿಸ್ತೀನಿ” ಉತ್ಸಾಹ ತೋರಿದಳು.
+ಹತ್ತಿರದ ಹೋಟಲ್‌ಗೆ ಹೋದರು.
+ಮೆನು ಕಾರ್ಡ್‌ ತಗೊಂಡ ಕಮಲ ಬೇಕೆನಿಸಿದಕ್ಕೆ ಆರ್ಡರ್‌ ಮಾಡಿದಳು.
+ಅವಳ ಸ್ವಭಾವ ಹೊಸದಲ್ಲ. 
+ಹತ್ತಿರದ ನೆಂಟಸ್ಥಿಕೆಯೇ.
+ "ಹೇಗಿದ್ದಾಳೆ ಪೂಜಾ ?" ಕೇಳಿದಳು.
+"ಅವ್ಳಿಗೇನು, ಚೆನ್ನಾಗಿದ್ದಾಳೆ.
+ನಿನ್ನ ವಿಷ್ಯವೇನು ?" ಪ್ರಶ್ನೆ ಹಾಕಿದ ಟೇಬಲ್‌ಮೇಲೆ ತಾಳ ಹಾಕುತ್ತ.
+"ಅಂಥದೇನಿಲ್ಲ ! ಇದೇನು. . . ಇಲ್ಲಿ ?" ಎಂದಳು.
+ಮೂರ್ತಿ ಸುತ್ತಮುತ್ತಲು ನೋಡಿಕೊಂಡು ಆಶ್ಚರ್ಯದಿಂದ "ಇದೇನಾದ್ರೂ,ಚಂದ್ರಮಂಡಲನಾ ?
+ಹೊಸ ಗ್ರಹದ ಅನ್ವೇಷಣೆಯಲ್ಲಿ ಇಲ್ಲಿಗೆ ಬಂದಿದ್ದೀವಾ?
+ನಂಗೇನು, ಹಾಗೇ ಕಾಣೋಲ್ಲ" ಅಂದ ತಮಾಷೆ ಯಾಗಿ.
+ಪಕಪಕನೆ ನಕ್ಕಳು ಕಮಲ.
+ಅವಳ ಪ್ರಕಾರ ಮೂರ್ತಿ ಬಹಳ ಒಳ್ಳೆಯವ.
+ಅವಳಿಗೆ ಈಗ ಕೋಪ ಬಂದಿದ್ದು ಚಾರುಲತ ಮೇಲೆ, "ಅನ್ಯಾಯವಾಗಿ ಮೂರ್ಖತನದಿಂದ ತನ್ನ ವೈವಾಹಿಕ ಜೀವನ ಬಲಿಕೊಟ್ಟಳು" ಅದುಅಹಂಕಾರವಾಗಿ ಕಂಡಿತು.
+"ಬರೀ ತಮಾಷೆ ಮಾಡ್ತೀಯಾ !
+ನೀನು ಏನೇನು ಬದಲಾಗಿಲ್ಲ.
+ರಜಹಾಕಿ ಬಂದಿದ್ದೀಯಾ ?
+ಇಲ್ಲ ಚಾರುಲತಳೊಂದಿಗೆ ಸಂಧಾನ ಆರಂಭಿಸಲು ಸೂಕ್ತ ಸಮಯಕ್ಕಾಗಿ ಅವ್ರನ್ನೆಲ್ಲ ಮುಂಬಯಿಗೆ ಕಳಿಸಿದ್ಯಾ?"ಕೇಳಿದ ಕೂಡಲೇ,ಮೂರ್ತಿಯ ಕೋಪ ನೆತ್ತಿಗೇರಿತು.
+"ನಿಂಗೆ ತಿಂಡಿ ತಿಂದು ಶಾಂತವಾಗಿ ಹೊರ್ಗೇ ಹೋಗೋ ಆಸೆ ಇದ್ದರೆ ತೆಪ್ಪಗಿರು.
+ಹುಚ್ಚುಚ್ಚಾಗಿ ಏನೇನೋ ಮಾತಾಡ್ಬೇಡ" ಮುಖ ಗಂಟಿಕ್ಕಿ ಗದರಿದ.
+ತೀರಾ ಸಪ್ಪಗಾಗಿ ಬಿಟ್ಟಳು ಕಮಲ.
+ಚಾರುಲತ ಮೇಲೆ ಕೋಪ ತಗ್ಗಿಲ್ಲವೆನಿಸಿತು.
+ಇದು ಎಲ್ಲಿಗೆ ತಲುಪುತ್ತೋ - ಕ್ಷಣ ನೊಂದಳು ಕೂಡ.
+"ಎಕ್ಸ್‌ಕ್ಯೂಜ್‌ ಮಿ, ಇನ್ನೊಂದ್ಯಾತು ಆಡೋಲ್ಲ.
+ನಿನ್ನ ಮನಸ್ಸು ಇಷ್ಟೊಂದು ಕೆಟ್ಟಿದೇಂತ ಅಂದುಕೊಳಿಲ್ಲ" ಕ್ಷಮೆ ಯಾಚಿಸಿದಳು.
+ಅವನು ತಿಂದಿದ್ದು ಬರೀ ಒಂದು ವಡೆ ಮಾತ್ರ.
+ಹಲ್ವಾ, ಮೈಸೂರ್‌ಪಾಕ್‌ನ ನಂತರ ಪರೋಟ ತರಿಸಿಕೊಂಡು ತಿಂದ ನಂತರವೇ ಬಿಲ್‌ ಬಂದಿದ್ದು.
+ಕಮಲ ಮತ್ತು ಚಾರುಲತ ನಡವಳಿಕೆಯನ್ನು ತಕ್ಷಣ ಮೂರ್ತಿಯ ಮನಸ್ಸು ತೂಗಿ ನೋಡಿತು.
+ನಗು, ಮಾತು ಎಲ್ಲಾ ಮೃದುವೇ.
+ನೋವಿನಿಂದ ಅವನ ಮನ ಒದ್ದಾಡಿತು. 
+'ಚಾರು. . . ಚಾರುಲತ' ಅವನ ಹೃದಯ ಪಿಸುಗುಟ್ಟಿ ದಾಗ ಗಟ್ಟಿಯಾದ.
+"ಮನೆಗೆ ಬರ್ತೀಯಾ ?"
+ಬಿಲ್‌ ಕೊಟ್ಟ ನಂತರ ಕೇಳಿದರೂ ಹೊರಗೆ ಬಂದನಂತರ ಎಚ್ಚರಿಸಿದ "ಅಪ್ಪಿ ತಪ್ಪಿ ಕೂಡ ನೀನು ಚಾರುಲತ ಸುದ್ದಿ ಎತ್ತಬಾರ್ದು.
+ಅದು ತೊಡೆದು ಹೋದ ಸಂಬಂಧ.
+ಕಟುಕ ಹೃದಯದವು" ಕಿಡಿ ಕಾರಿದ.
+ಕಮಲ ಮುಖ ತೀರಾ ಸಪ್ಪಗಾಯಿತು "ಏನು ತಿಳ್ಕೋಬೇಡ. ಇನ್ನೊಂದ್ಲಲ ಬರ್ತಿನಿ. 
+ಅಂಕಲ್‌, ಆಂಟೇ ಬಂದ್ಮೇಲೆ ಫೋನ್‌ ಮಾಡೋಕ್ಹೇಳು.
+ಅಮ್ಮ ಒಂದ್ಯಾತು ಹೇಳ್ಬಾಂದ್ರು.
+ಗಂಡು ಪೈಲೆಟ್‌; ನೋಡೋಕೂ  ಹ್ಯಾಂಡ್‌ಸಮ್‌  ಆಗಿದ್ದಾರಂತೆ.
+ಐದು ಜನ ತಂಗೀರು. 
+ಐದರಿಂದ. . . ಹತ್ತು ಲಕ್ಷ ಆಫರ್‌ಮಾಡ್ತಾ ಇದ್ದಾರೆ.
+ನಮ್ಮಂಥವ್ರಿಗೆ ನಿಲುಕೋದಲ್ಲ.
+ಬೇಕಾದ್ರೆ ಪೂಜಾಗೆ ನೋಡ್ಲೀಂತ ಹೇಳಿ ಕಳ್ಸಿದ್ರು" ಎಂದು ತನ್ನ ಪರ್ಸ್‌ನಿಂದ ಜಾತಕ, ಫೋಟೋ ತೆಗೆದುಕೊಟ್ಟಳು.
+ನೋಡಿ ಜೇಬಿಗೆ ಸೇರಿಸಿದ ಮೂರ್ತಿ "ಆಯ್ತು, ಅಮ್ಮ ಅಪ್ಪ ಬರಲಿ ಅವ್ಳು ಸ್ವಲ್ಪ ಚೇತರಿಸ್ಕೋಬೇಕು.
+ಆಮೇಲೆ ವಿವಾಹದ ಪ್ರಸ್ತಾಪ ಮಾಡಬಹುದೇನೋ,ನೋಡೋಣ" ಎಂದ ದೂರಕ್ಕೆ ನೋಟ ಹರಿಸುತ್ತ.
+ವಾತಾವರಣದಲ್ಲಿ ಕತ್ತಲು ಸೇರ್ಪಡೆಯಾಗಿ ಮಂಕು ಕವಿದಾಗ ಸ್ಟ್ರೀಟ್‌ನ ದೀಪಗಳು ಹತ್ತಿಕೊಂಡವು.
+ನೀರದ, ಚಾರುಲತ ಫುಟ್‌ಪಾತ್‌ನ ಅಂಗಡಿಯಲ್ಲಿ ಏನೋ ವ್ಯಾಪಾರ ಮಾಡುತ್ತಿದ್ದುದ್ದು ಅವನ ಕಣ್ಣಿಗೆ ಬಿತ್ತು.
+ಆರಾಮಾಗಿ ಸಂತೋಷವಾಗಿದ್ದಂತೆ ಕಂಡಳು "ನೀವು ಇಲ್ದೇ ಕ್ಷಣ ಕೂಡ ಇರೋಕ್ಕಾಗೋಲ್ಲ"ಅವನೆದೆಯಲ್ಲಿ ಮುಖವಿಟ್ಟು ಉಸುರಿದ ಕ್ಷಣ ಉಬ್ಬಿ ಹೋಗಿದ್ದ.
+"ತಾನು ಇಲ್ಲದೇ ಚಾರುಲತ ಬದುಕಲಾರಳು" ಎನ್ನುವ ಮಾತೇ ಅವನನ್ನ ಆಕಾಶದಲ್ಲಿ ವಿಹರಿಸುವಂತೆ ಮಾಡಿತ್ತು.
+ಅದೆಲ್ಲ ಬರೀ ಭ್ರಮೆಯೆನಿಸಿ ದಾಗ ಹುಚ್ಚಿಡಿದಂತಾಯಿತು.
+"ಬರ್ತೀನಿ ಕಮಲ, ಬೇರೆ ಯಾರನ್ನೋ ನೋಡೋದಿದೆ" ಅದೃಶ್ಯನಾದ.
+ಎದುರಿನ ಮೆಡಿಕಲ್‌ ಸ್ಟೋರ್‌ನಲ್ಲಿ ನಿಂತು ಮೂರು ನಾಲ್ಕು ಸಲ ಹಿಂದಿರುಗಿ ನೋಡಿದ.
+ಎದೆ ಹಿಂಡಿದಂತಾಯಿತು.
+"ಚಾರು" ಸಿಡಿಲೊಂದು ಭೋರ್ಗರೆದು ಅಪ್ಪಳಿಸಿದಂತಾಯಿತು.
+ಏನೇನೋ ಖರೀದಿಸಿ ಹೊರಗೆ ಬಂದಾಗ ಅವರುಗಳು ಇರಲಿಲ್ಲ.
+ಮೂರ್ತಿ ಕಾಲೆಳೆಯುತ್ತ ಮನೆಯ ಕಡೆ ಹೊರಟ.
+ರಾತ್ರಿಯ ಬೀದಿ ದೀಪಗಳು ಝಗರಝಗಿಸುತ್ತಿದ್ದರೂ ಲೋಕವೇ ಕತ್ತಲಲ್ಲಿ ಮುಳುಗಿದೆಯೆನಿಸಿತು.
+ಅದು ಇಷ್ಟವೆನಿಸಿತು ಕೂಡ.
+ಸದಾ ಈ ಕತ್ತಲೆ ಇದ್ದರೇ ?
+"ತಮಸೋಮಾಜ್ಯೋತಿರ್ಗಮಯ ?"ಕತ್ತಲಿನಿಂದಲೇ ಬೆಳಕು ಹುಟ್ಟುವುದು.
+ಬಾಗಿಲು ತೆರೆದ ಕೂಡಲೇ ತಂದೆಯ ಫೋನ್‌ ಅವನನ್ನ ಕಾಯುತ್ತಿತ್ತು "ಹೇಗಿದ್ದಿ.?
+ಮಧು ಹೇಳ್ದ ನೀನು ಫೋನ್‌ ಮಾಡ್ದ ವಿಷ್ಯ
+ಆಗ್ನಿಂದ ಟ್ರೈಮಾಡ್ತಾ ಇದ್ದೀನಿ, ಬರೀ ಎಂಗೇ" ಗುರುಗುಟ್ಟಿದರು. 
+"ಚೆನ್ನಾಗಿದ್ದೀನಿ. ನಿಮ್ಮ ಫ್ರೆಂಡ್‌ ಕೃಷ್ಣಮೂರ್ತಿ ಫೋನ್‌ ಬಿಟ್ಟರೇ ಅಂಥ ಫೋನ್‌ ಕಾಲ್ಸ್‌ ಏನಿಲ್ಲ.
+ನಾನು ಬಂದ್ಯೇಲೆ.
+ಹೋಗ್ಲಿ ಅಲ್ಲಿ ಎಲ್ಲಾ ಹೇಗಿದ್ದೀರಿ?
+ಪೂಜಾ ಹೇಗಿದ್ದಾಳೆ?ಎಂದ ಕೂಡಲೇ ಅವರಿಂದ ಮೂಡ್‌ನಲ್ಲಿ ಹೆಚ್ಚು ಕಡಿಮೆ ಮಾತಾಡಬಹುದೆಂದು "ನಿಮ್ಮಮ್ಮ ಮಾತಾಡ್ತಾಳೆ ನೋಡು"ಹೆಂಡತಿ ಕೈಗೆ ಫೋನ್‌ ಕೊಟ್ಟು ಪ್ಲ್ಯಾಟ್‌ ಬಾಲ್ಕಾನಿಯಲ್ಲಿ ಹೋಗಿ ನಿಂತರು.
+"ಹೇಗಿದ್ದೀಯಾ ?
+ಊಟಕ್ಕೇನು ಮಾಡ್ದೇ ?" ಆ ಕುತೂಹಲಕ್ಕೆ ಕಾರಣವಿತ್ತು.
+"ಚೆನ್ನಾಗಿದ್ದೀನಿ. ನಾಲ್ಕು ದಿನ ಇಲ್ಲೇ ಇರ್ತಿನಿ.
+ನಾನೇ ಅಡ್ಗೆ ಮಾಡ್ಕೊಂಡೆ.
+ಯಾವಾಗ ಬರ್ತಿರಾ ?
+ಪೂಜಾ ಆರೋಗ್ಯ ಸುಧಾರಿಸಿದ್ಯಾ?"ಎಲ್ಲಾ ಕೇಳಿ ಮುಗಿಸಿದ ಒಂದೇ ಸಮ.
+"ನೀನೇ ಅಡ್ಗೆ ಮಾಡ್ಕೊಂಡ್ಯಾ?
+ಹೋಟೆಲ್‌ ಊಟಕ್ಕಿಂತ ಅದೇ ಒಳ್ಳೇದು.
+ನಿನ್ನ ಅಂಕಲ್‌ ಪೂಜಾಗೆ ಟ್ರೀಟ್‌ಮೆಂಟ್‌ ಕೊಡಿಸ್ತಾ ಇದ್ದಾರೆ.
+ಕನಿಷ್ಟ ಇನ್ನ ಮೂರು ತಿಂಗ್ಳಾದ್ರೂ ಟ್ರೀಟ್‌ಮೆಂಟ್‌ ಬೇಕೂಂತಾರೆ.
+ಏನು ತಿಂದರೂ ವಾಂತಿ ಮಾಡ್ಕೋತಾಳೆ.
+ಹೊಟ್ಟೆ ಉರೀ ಅಂತಾಳೆ. 
+ನಾನೇನು ಪಾಪ. . . . ಮಾಡಿದ್ನೋ ?"
+ಆಕೆಯ ಕಣ್ಣೀರು ಅಲ್ಲಿಂದ ಹರಿದು ಬಂದು ಅವನನ್ನು ತೋಯಿಸಿದಂತಾಯಿತು.
+"ಅಮೃ ಸಮಾಧಾನ ಮಾಡ್ಕೋ.
+ಸ್ವಲ್ಪ ಜಾಗ್ರತೆಯಿಂದ ನೋಡ್ಕೊಳ್ಳಿ ಪೂಜಾನಾ.
+ಇಲ್ಲಿನ ಯೋಚ್ನೇ ಬೇಡ.
+ಬೇರೆ ಕಡೆ ಗಂಡು ನೋಡಿ, ಬೇಗ ವಿವಾಹ ಮಾಡೋಣ.
+ಚಿಕ್ಕಪ್ಪನಿಗೂ ಹೇಳಿದ್ದೀನಿ. ಪೂಜಾಗೆ ಕೊಡು. . . . ಫೋನ್" ಎಂದ.
+ಯಾಕೋ, ಏನೋ ಅವನ ಮೈಯೆಲ್ಲ ಬೆವರತೊಡಗಿತು.
+"ಅವ್ಳು ಪಕ್ಕದ ಫ್ಲ್ಯಾಟ್‌ಗೆ ಹೋಗಿದ್ದಾಳೆ. 
+ಕರೀಲಾ. ಗುಜರಾತಿ ಜನ ಬಹಳ ಒಳ್ಳೆಯವು" ಎಂದಾಗ "ಬೇಡಮ್ಮ ನಾನೇ ನಾಳೆ ಬೆಳಿಗ್ಗೆ ಫೋನ್‌ ಮಾಡ್ತೀನಿ.
+ಸುಮ್ನೇ ಏನೇನೋ ಯೋಚ್ಸೆಬೇಡಿ.
+ಡಾ| ನವೀನ್‌, ಪೂಜಾಗೆ ಸರ್ಯಾದ ಗಂಡೇನಲ್ಲ.
+ಅವ್ನು ತಪ್ಪಿ ಹೋಗಿದ್ದಕ್ಕೆ  ದುಃಖಪಡ್ಬೇಕಾದುದ್ದೇನಿಲ್ಲ" ಸಾಂತ್ವನಿಸಿದ ಫೋನ್‌ನಲ್ಲಿಯೇ.
+"ಫೋನ್‌ ಇಡ್ತೀನಿ" ಆಕೆ ಅತ್ತಿದ್ದು ಇಲ್ಲಿವರೆಗೂ ಬೆನ್ನಟ್ಟಿಕೊಂಡು ಬಂದಂತಾಯಿತು.
+ಅವನ ಮುಷ್ಟಿ ಬಿಗಿಯಿತು "ಸ್ಕೌಂಡ್ರಲ್‌, ಶಾಂತವಾಗಿದ್ದ ನಮ್ಮಸಂಸಾರನ ಕದಡಿ ಬಿಟ್ರು" ಹಲ್ಮುಡಿ ಕಚ್ಚಿ ಕೂಗಿದ ಕೋಪ ತಾಳಲಾರದೆ.
+ಅವಳ ನೆನಪುಗಳಿಂದ ಕಳಚಿಕೊಳ್ಳಲು ಬಹಳ ಒದ್ದಾಡಿದ.
+ಆರಾಮಾಗಿ ನೀರದ ಜೊತೆ ಏನನ್ನೋ ಖರೀದಿಸುತ್ತಿದ್ದ ಚಾರುಲತ ಚಿತ್ರ ಮೂಡಿ ಮೂಡಿ ಮರೆಯಾಗುತ್ತಿತ್ತು.
+ಚಾರುಲತ ಅಪಾಯಿಂಟ್‌ಮೆಂಟ್‌ಗೆ ಸೇರ್ಕೊಂಡಿದ್ದಾಳೆ ಕಮಲ ತಿಳಿಸಿದ್ದು.
+ಅದಕ್ಕೆ ಮುನ್ನವೇ ಫೋನ್‌ನಲ್ಲಿ ಸಲಹೆ ಕೇಳಿದ್ದು ನೆನಪಾಯಿತು.
+ಇದಾದ ಮೂರನೆಯ ದಿನ ಚಾರುಲತ ಜನರಲ್‌ ಸ್ಟೋರ್‌ನಲ್ಲಿ ಸಿಕ್ಕಳು.
+ಮಾತು ನಗು ಬೇಡವೆನಿಸಿತು.
+ಆದರೆ ಗಾಬರಿಯಿಂದಲೋ ಉದ್ದೇಗದಿಂದಲೋ ಕ್ಯಾಷ್‌ ಕೌಂಟರ್‌ನಲ್ಲಿ ಹಣ ತೆಗೆದವಳು ಅಲ್ಲಿಯೇ ಬಿಟ್ಟು ಹೋಗಿದ್ದಳು.
+ಸರ್‌, ಒಂದ್ಸಲ ನೀವಿಬ್ರೂ ಜೊತೆಯಾಗಿ ಬಂದಿದ್ದು ನೋಡಿದ್ದೆ.
+ನಿಮ್ಮ ಸಂಬಂಧಿಕರೋ, ಪರಿಚಯದವರೋ ಇರ್ಬೆಕು. . . . ಆಕೆ. 
+ದಯವಿಟ್ಟು ತಲುಪಿಸೋಕೆ ಸಾಧ್ಯನಾ ?"
+ರಿಸೆಸ್ಟನಿಸ್ಟ್‌  ಕೇಳಿದಾಗ ಸರಿಯೆನ್ನುವಂತೆ ಕೈಗೆತ್ತಿಕೊಂಡ.
+ಆ ಪರ್ಸ್‌ ಅವನೇ ಕೊಡಿಸಿದ್ದ  ಭಾದೆಯೆನಿಸಿತು. ಆದರೂ ಧಾವಿಸಿ ಬಂದ.
+ಬ್ಯಾಗ್‌ ಹಿಡಿದು ಪುಟ್‌ಪಾತ್‌ನಲ್ಲಿ ನಡೆದುಹೋಗುತ್ತಿದ್ದ ಚಾರುಲತಳ ಹಿಂದೆ ಧಾವಿಸಿ ಹಿಡಿದಾಗ ಏದುಸಿರು ಬಿಡುತ್ತಿದ್ದ.
+"ತಗೋ, ನಿನ್ನ ಪರ್ಸ್‌'" ಅವಳತ್ತ ನೀಡಿದ.
+"ಥ್ಯಾಂಕ್ಸ್‌, ಮೆನಿ ಮೆನಿ ಥ್ಯಾಂಕ್ಸ್‌. . . . . ಹೇಗಿದ್ದೀರಾ ?
+ಯಾವಾಗ್ಬಂದ್ರಿ? "ಕೇಳಿದಳು. 
+ಅವನು ಉತ್ತರಿಸುವ ಕಷ್ಟ ತೆಗೆದುಕೊಳ್ಳಲಿಲ್ಲ.
+ಚಾರುಲತ ಹಿಂದಕ್ಕೆ ತಿರುಗಿದಳು.
+ನೋಟ ಸಾಗಿದಷ್ಟು ದೂರ ಮಂಜು ಹರಡಿದಂತಾಯಿತು.
+ಜೀವನ ಪೂರ್ತಿ ಬೆರೆತು ಹೆಜ್ಜೆ ಹಾಕುವ ನಿರ್ಧಾರ ತೆಗೆದುಕೊಂಡ ದಂಪತಿಗಳು ವರ್ಷಕ್ಕೆ ಮುನ್ನವೇ ಬೇರೆಯಾದುದ್ದರ ಹಿಂದೆ,ದೈವದ ಕೈವಾಡವಿದೆಯೇ ?
+ಅವಳ ಕಾಲುಗಳಲ್ಲಿನ ಶಕ್ತಿಯೇ ಕುಂದಿದಂತಾಯಿತು.
+ತನ್ನ ಮೂರ್ತಿ ಮಾನಸಿಕವಾಗಿ, ದೈಹಿಕವಾಗಿ ಹಿಂಸಿಸಿದ್ದರೇ, ಇಂದಿನ ತನ್ನ ಮನಸ್ಥಿತಿಯೇ ಬೇರೆಯಾಗುತ್ತಿತ್ತು.
+ಪ್ರೀತಿಯ ಹೊಳೆಯಲ್ಲಿಯೇ ತೇಲಿಸಿದ್ದ.
+ತುಂಬು ದಾಂಪತ್ಯ ಸುಖ ನೀಡಿದ ಉತ್ತಮ ವ್ಯಕ್ತಿ.
+ವರದಕ್ಷಿಣೆ, ವರೋಪಚಾರ ಏನನ್ನೂ ಬೇಡವೆಂದ ಅಪರೂಪದ ಗಂಡು.
+ಸಿಟಿ ಬಸ್ಸಿನಲ್ಲಿಯೇ ಮನೆಗೆ ಬಂದಿದ್ದು.
+ಹೆಚ್ಚು ಓದು ಅಂಥ ಅಭ್ಯಾಸವಿಲ್ಲದ ನೀರದ ಮನೆಗೆಲಸವನ್ನು ಅಚ್ಚುಕಟ್ಟಾಗಿ ಮುಗಿಸಿ ಹೋಗಿ ತಾಯಿಯ ಮನೆಯಲ್ಲಿ ಕೂಡುತ್ತಿದ್ದಳು.
+ಬರೀ ಮಾತು. . . ಮಾತು. 
+ಅವಳು ಮಾತಿನ ಹುಡುಗಿಯೇ.
+ಮನದಲ್ಲಿ ಏನನ್ನ ಉಳಿಸಿಟ್ಟುಕೊಳ್ಳುತ್ತಿರಲಿಲ್ಲ ಮನೆಯ ಬಳಿಗೆ ಬರುವ ವೇಳೆಗೆ ಮುಂಬಾಗಿಲು ಮುಚ್ಚಿತಷ್ಟೆ.
+ಯಾರು ಇರಲಿಲ್ಲ.
+ಸಾಮಾನನ್ನ ಒಂದು ಕಡೆ ಇರಿಸಿ ಅಡಿಗೆ ಮನೆಗೆ ಹೋದಳು. 
+ತಿಂಡಿ ರೆಡಿಯಾಗಿತ್ತು. ಕಾಫಿ ಫ್ಲಾಸ್ಕ್‌ನಲ್ಲಿತ್ತು.
+ಆ ವೇಳೆಗೆ ಕಾಲಿಂಗ್‌ ಬೆಲ್‌ ಸದ್ದಾಯಿತು.
+ಸ್ವಲ್ಪ ಕಸಿವಿಸಿಯಿಂದಲೇ ನಿಂತಿದ್ದ ಡಾ।|ನವೀನ್‌ "ಸಧ್ಯ ನೀನು ಬಂದಿದ್ದು ಒಳ್ಳೆದಾಯ್ತು.
+ಇಲ್ಲದಿದ್ದರೇ ಯಾರಾದ್ರೂ ಮನೆ ಪೂರ್ತಿ ದೋಚಿಕೊಂಡು ಹೋಗ್ತಾ ಇದ್ದರು" ಸಿಡಿಮಿಡಿಗುಟ್ಟಿದ.
+ಅವಳಿಗೇನು ಅರ್ಥವಾಗಲಿಲ್ಲ.
+"ನಾನೊಬ್ಬ ಫೂಲ್‌ ಗೊಣಗುಟ್ಟಿಕೊಂಡು ಹೋಗಿ ಟೈ ಬಿಚ್ಚಿ ಎಸೆದು ಒಂದು ಕಡೆ ಕೂತ.
+ಚಾರುಲತಗೆ ಒಂದಿಷ್ಟು ಗಾಬರಿ.
+"ಏನಾಯ್ತು! ನಮ್ಮಮನೆಯಲ್ಲಿ ಏನಿದೆ, ಅಮೂಲ್ಯವಾದದ್ದು ದೋಚಿಕೊಳ್ಳೋಕೆ" ಎದುರು ಕೂತಳು.
+ವಾಚ್‌ ಕಡೆ ನೋಡಿ "ನಾನ್ಬಂದು ಒಂದ್ಗಂಟೆ ಇಪ್ಪತ್ತು ನಿಮಿಷ ಆಗಿತ್ತು.
+ನೀನು ಬಂದಾಗ ಮನೆ, ಮನೆ ಬಾಗ್ಲು ಯಾವ ಸ್ಥಿತಿಯಲ್ಲಿತ್ತೋ, ಅದೇ ಸ್ಥಿತಿಯಲ್ಲಿತ್ತು.
+ನಾನ್ಬಂದಾಗ ಕೂಡ ಎನು. . . ಗತಿ ?
+ಒಂದಿಷ್ಟು ಯೋಜ್ನೇ ಬೇಡ್ವಾ, ಅವ್ಳಿಗೆ ? ಹೋಗಿ. . . ಹೋಗಿ. . . ಅಮ್ಮನ ಎದುರು ಕೂತ್ಕೋತಾಳೆ.
+ಕೆಲ್ಸಕ್ಕೆ ಬಾರದ ಮಾತುಗಳನ್ನಾಡುತ್ತ ಗೋಳಾಡ್ತಾರೆ ತಾಯಿ ಮಗ್ಳು" ಕೂಗಾಡಿದ.
+ಚಾರುಲತ ತುಟಿ ಕಚ್ಚಿಡಿದಳು.
+ಇದು ಅವಳಿಗೂ ಗೊತ್ತಿದ್ದುದೇ.
+ಹಾಗೆ "ಬೇಡ" ಎಂದುಹೇಳಲು ಸಾಧ್ಯ.
+"ಅದು ಯಾವ ದೊಡ್ಡ ವಿಷ್ಯ?
+ದೂರವಿದ್ದಿದ್ದರೇ ಹೋಗೋಕೆ ಸಾಧ್ಯವಿತ್ತಾ?
+ತಿಂಡಿ ಮಾಡಿಟ್ಟೇ ಹೋಗಿದ್ದಾರೆ.
+ಬಂದ ಕೂಡ್ಲೇ ಇಲ್ಲ ಮಡದಿ ಮೇಲೆ ಕೋಪ ಸಹಜ.
+ನಾನ್ಹೋಗಿ ಕೂಗ್ಬರ್ತೀನಿ" ಹೊರಟಾಗ ತಡೆದ "ಬೇಡ,ಅವಳಿದ್ದರೇನೇ ನನ್ನ ತಲೆ ಬಿಸಿ, ಮಹಾನ್‌ ಆದರ್ಶ ಪ್ರೇಮಿ ತರಹ ಇವ್ಳು ನ ವಿವಾಹವಾಗಿ ತಪ್ಪು ಮಾಡ್ದೆ"ಎಂದ ಕೂಡಲೇ ಕೈಯಿಂದ ಅವನ ಬಾಯಿಮುಚ್ಚಿದಳು "ಏನಾಗಿದೆ, ನವೀನಣ್ಣ ನಿಂಗೆ ?"
+ಇದೇನಾದ್ರೂ ನೀರದ ಕಿವಿಗೆ ಬಿದ್ದರೇ, ಏಳು ವರ್ಷದ ಪ್ರೀತಿ, ಪ್ರೇಮ ಕಡೆ ಪಕ್ಷ ಏಳು ತಿಂಗ್ಳು ಕೂಡ ಉಳಿಯಲಿಲ್ಲಾಂದರೇ ಏನರ್ಥ ?
+ನೀರದ ನಿನ್ಮಾತುಗಳ್ನ ಕೇಳಿದರೆ ನೊಂದ್ಕೊತಾಳೆ.
+ಪ್ಲೀಸ್‌ ಹೀಗೆಲ್ಲ ಮಾತಾಡ್ಬೇಡ.
+ಸ್ವಲ್ಪ ಪ್ರೀತಿಯಿಂದ ಮೃದುವಾಗಿ ಹೇಳು,ಅರ್ಥ ಮಾಡ್ಕೊತಾಳೆ  ಹೇಳಿದಾಗ ಮುಖ ತಿರುಗಿಸಿಕೊಂಡು ಎದ್ದು ಹೋದ.
+ಹಿಂದೆ ಕಾಣದ ಲೋಪ ದೋಷಗಳು ತಾಳಿ ಕಟ್ಟಿದ ಕೂಡಲೆ ಹೇಗೆ ಪ್ರಕಟವಾದವು ?
+ಎದುರು ಮನೆಯಾದುದ್ದರಿಂದ ನೀರದ ಹೆಚ್ಚು ಕಡಿಮೆ ಈ ಮನೆಯಲ್ಲೇ ಇರುತ್ತಿದ್ದಳು.
+ಅವಳು ತಂದೆಗೆ ಅಡಿಗೆ ಕೆಲಸದಲ್ಲಿ ಸಹಾಯ ಮಾಡುತ್ತಿದ್ದಳು.
+ಬ್ಯಾಂಕ್‌, ಜನರಲ್‌ ಸ್ಟೋರ್‌ಗೆ ಹೋಗಿ ಬರುತ್ತಿದ್ದವಳು ಅವಳೇ.
+ಆಗಾಗ ಡಾ।|ನವೀನ್‌, ಅವಳು ಕೂಡಿ ಹೊರಗೆ ಹೋಗಿ ಬರುವುದಕ್ಕೆ ಎರಡು ಕಡೆಯವರ ಆಕ್ಷೇಪಣೆ ಇರಲಿಲ್ಲ.
+ನೀರದಾನ ಅರಸಿಕೊಂಡು ಅವಳ ಮನೆಗೆ ಬಂದಾಗ ಖಾಲಿ ಬಿಂದಿಗೆ ಹಿಡಿದುಕೊಂಡು ಬರುತ್ತಿದ್ದ ಅವಳ ಅತ್ತಿಗೆ ಹೊರಗಡೆಯೇ ಎದುರಾದಳು.
+"ನೀರದಾನ ಕರ್ಯೋಕೆ ಬಂದ್ಯಾ ?
+ಹಿಂದೆ ನಿಮ್ಮ ಮನೆಯಲ್ಲಿ ಬಂದು ಕೂಡುತ್ತಿದ್ದಳು.
+ಈ ಕೆಲ್ಸ ನಾನು ಆಗ ಮಾಡ್ತಾ ಇದ್ದೆ.
+ಈಗ ನೀನು ಮಾಡ್ಬೇಕಾಗಿದೆ.
+ಒಂದೇ ಮಾತು ತಾಯಿ, ಮಗಳದು.
+ಆಕೆಯಂತು ಹಾಸಿಗೆ ಹಿಡಿದ ಪೇಷಂಟ್‌.
+ಇವ್ಳಿಗಾದ್ರೂ ಬುದ್ಧಿ ಬೇಡ್ವಾ ?"ನಾದಿನಿಯ ಮೇಲೆ ಅಸಹನೆ ತೋರಿದಳು.
+ಅದಕ್ಕೆ ಕಾರಣವಿತ್ತು.
+ಹಿಂದೆ ಈ ಮನೆಯ ಮಗಳಾಗಿದ್ದಾಗ ಕೆಲಸ ಮಾಡೋಳು,ಈಗ ಬರೀ ಬಂದು ಕೂಡುತ್ತಿದ್ದುದು ಸೈರಣೆಯ ವಿಷಯವಾಗಿರಲಿಲ್ಲ.
+ಮುಖದಲ್ಲಿ ನಗು ತೇಲಿಸಿ ಚಾರುಲತ ಒಳಗೆ ಹೋದಳಷ್ಟೆ.
+ಈ ಮನೆಯ ಕಿರಿಯ ಸೊಸೆ ಬ್ಯಾಂಕ್‌ ಉದ್ಯೋಗಿಯಾದುದ್ದರಿಂದ ಹಿರಿಯ ಸೊಸೆ ಸುಕನ್ಶ ಮೇಲೆ ಕೆಲಸದ ಒತ್ತಡ ಬೀಳುತ್ತಿತ್ತು.
+ಸುಮ್ಮನೆ ತಾಯಿಯ ಬಳಿ ಬಂದು ಕೂಡುವ ನೀರದ ಮೇಲೆ ಕೋಪ ಸಹಜವೆಂದುಕೊಂಡಳು.
+"ಅತ್ತಿಗೆ ನೀರದ ಅವ್ರೆ, ನಿಮ್ಮ ಶ್ರೀಯವ್ರು ದಯಮಾಡಿದ್ದಾರೆ"
+ ಸುದ್ದಿಮುಟ್ಟಿಸಿದಾಗ ಗಾಬರಿಯಿಂದ ಎದ್ದ ಅವಳು “ಬಾಗ್ಲು ತೆಗೆದೇ ಇತ್ತಾ ?
+ಮಾತಿನಲ್ಲಿ ಮರ್ತೇ ಬಿಟ್ಟೆ.” ಓಡಿದಾಗ ಅವಳ ತಾಯಿ ಬಳಿ ಕೂತಳು.
+ಆಕೆಯ ಸ್ಥಿತಿ ಕರುಣಾಜನಕವೇ.
+ತೀವ್ರವಾದ ಹೊಟ್ಟೆಯ ಅಲ್ಸರ್‌ನಿಂದ ನರಳುತ್ತಿರುವ ಆಕೆ ಸದಾ ಮಲಗಿರುವುದೆ ಹೆಚ್ಚು.
+“ಕೆಲ್ಸದಿಂದ ಬಂದ್ಯಾ?
+ನಿನ್ನ ಈ ಪರಿಸ್ಥಿತಿಗೆ ನಾನೇ ಕಾರಣಾಂತ ಭೂಮಿಗಿಳಿದು ಹೋಗಿದ್ದೀವಿ” ಆಕೆಯ ಮಾತಿನ ಧಾಟಿ ಅಲ್ಲಿಯೇ ಸಾಗಿತು.
+ಅವಳು ಸಿಕ್ಕಾಗಲೆಲ್ಲ ಇದೇ ಮಾತುಗಳು.
+ಚಾರುಲತಗೆ ಸಾಕು ಸಾಕಾಗಿತ್ತು.
+“ದಯವಿಟ್ಟು ಪದೇ ಪದೇ ಈ ಮಾತುಗಳ್ನ ಆಡ್ಬೇಡಿ.
+ನೀವು ಕಾರಣವಲ್ಲ.
+ಅದು ನಿಮ್ಗೇ ಸಂಬಂಧಪಡದ ವಿಷ್ಯ.
+ನವೀನಣ್ಣನಿಗೆ ಪೂಜಾನ ವಿವಾಹವಾಗೋಕೆ ಇಷ್ಟವಿಲ್ಲಿಲ್ಲ.
+ಅದ್ಕೇ ನೀವು ಹೇಗೆ ಕಾರಣವಾಗ್ರೀರಾ?
+ಸುಮ್ನೇ ಯೋಚ್ಸಿ ಮತ್ತಷ್ಟು ಆರೋಗ್ಯ ಕೆಡಿಸ್ಕೋಬೇಡಿ" ಎಂದಳು ಆಕೆಯ ಕೈಹಿಡಿದು ಮೃದುವಾಗಿ ಸವರುತ್ತ.
+ಆ ಜೀವ ನೋಯುವುದು ಅವಳಿಗೆ ಬೇಡ.
+"ಸುಕನ್ಯ, ಏನಾದ್ರೂ ತಗೊಂಡ್ಬಾ" ಸೊಸೆನ ಕೂಗಿದರು.
+“ಬೇಡ ಎಲ್ಲಾ ಆಗಿದೆ.
+ಅಲ್ಲಿಗೂ ಇಲ್ಲಿಗೂ ಓಡಾಟ ಇದ್ದೇ ಇರುತ್ತಲ್ಲ.
+ಅಪ್ಪ, ಎಲ್ಲೋ ಹೋದವರು ಬಂದಿಲ್ಲ ನೋಡ್ತೀನಿ” ಎದ್ದಳು.
+ಕೆಲವು ಮಾತುಗಳನ್ನ ಹೇಳಬೇಕೆಂದು ಕೊಂಡವಳು ಸುಮ್ಮನಾದಳು.
+ಆಕೆ ಕೈ ಹಿಡಿದರು“ಕ್ಷಣ ಕೂತ್ಕೋ, ನನ್ನ ಸಮಾಧಾನಕ್ಕೆ."ಬೇಸರದಿಂದಲೇ ಕೂತರು.
+ಆಕೆಗೆ ಮಗಳ ಭವಿಷ್ಯದ ಚಿಂತೆ.
+ಇಂಥ ದೊಡ್ಡ ಗಂಡಾಂತರ ಬಂದು ಒದಗುತ್ತದೆಯೆಂದು ಗೊತ್ತಿರಲಿಲ್ಲ.
+"ಏನು ಕೆಲ್ಲ ?ಅಲ್ಲಿ ಎಲ್ಲಾ ಹೆಂಗಸರೇ ಇರೋದೂಂತ ಕೇಳ್ದೆ.
+ನಿನ್ಗಂಡ,ಅತ್ತೆ ಮಾವನ ಒಂದ್ಮಾತು ಕೇಳ್ಬೇಕಿತ್ತು" ಎಂದರು.
+ಆಕೆಯ ಚಿಂತೆ ಆ ದಿಕ್ಕಿನಲ್ಲಿ ಹರಿದಿತ್ತು.
+ಕಟುವಾಗಬಹುದಾದ ಉತ್ತರವನ್ನು ಮೆತ್ತಗಾಗಿಸಿ  "ಎಲ್ಲಾ ಕೇಳಿದ್ದೀನಿ"ಅಂದದ್ದು ಇರುಸು ಮುರುಸಿನಿಂದಲೇ.
+"ನೀನು ಗಂಡನ ಮನೆಗೆ ಹೋಗೋ ತನಕ ನೀರದ, ಅವ್ಳ ಗಂಡ ಸುಖವಾಗಿರೋಲ್ಲ.
+ನವೀನ ಅದ್ನೇ ಮನಸ್ಸಿಗೆ ಹಚ್ಕೊಂಡ್‌ ಮೂರು ರಾತ್ರಿಯಿಂದ ಅವ್ಳಿಂದ ದೂರ ಮಲ್ಗಿದ್ದಾನೆ.
+ವಿವಾಹವಾದ ಹೊಸದ್ರಲ್ಲಿ ಏನುಚೆನ್ನ ?"ತೋಡಿಕೊಂಡರು.
+ಮಗಳು ಅತ್ತುಕೊಂಡಿದ್ದು ಅವರ ವಿವೇಕವನ್ನು ಮಂಕಾಗಿಸಿತ್ತು.
+ತಕ್ಷಣವೇ “ತಪ್ಪಾಗಿ ಮಾತಾಡಿದ್ದೆ ಅವ್ಳು ಅತ್ತುಕೊಂಡಾಗ ನನ್ನ ಕರುಳು ಕಿತ್ತು ಬಂತು."ನಿಶ್ಶಬ್ದವಾಗಿ ಎದ್ದು ಹೊರಗೆ ಬಂದಳು.
+ಬೆಡ್‌ ರೂಮಿಗೆ ಸಂಬಂಧಿಸಿದ ಮಾತುಗಳು ಎದುರು ಮನೆಯವರೆಗೂ ಬಂದಿದ್ದು ಸರಿ ಕಾಣಲಿಲ್ಲ.
+ಬಹುಶಃ ತನ್ನ ತಾಯಿ ಕೂಡ ಬದುಕಿದ್ದರೆ ಮೊದಲು ಯೋಚಿಸುತ್ತಿದ್ದುದು ಮಗಳ ಬಗ್ಗೆಯೇಎನಿಸಿತು.
+ಆಗ ತಾನೇ ಬಂದಿದ್ದ ವಾಸುದೇವಯ್ಯ ಕೈಕಾಲು ತೊಳೆದು ಹಾಲ್‌ನಲ್ಲಿ ಬಂದು ಕೂತವರು "ಎದುರು ಮನೆಗೆ ಹೋಗಿದ್ಯಾ ?ಹೇಗಿದ್ದಾರೆ ಶ್ಯಾಮಲಕ್ಕ?"ವಿಚಾರಿಸಿದರು.
+ಆಗಾಗ ಮೊದಲು ಹೋಗುತ್ತಿದ್ದವರು ಈಗ ಪೂರ್ತಿ ಬಂದ್‌ಮಾಡಿದ್ದರು.
+ ಇಷ್ಟವೆನಿಸುತ್ತಿರಲಿಲ್ಲ. "ಪರವಾಗಿಲ್ಲ, ತಿಂಡಿ ತರ್ತಿನಿ" ಅಡಿಗೆ ಮನೆಗೆ ಹೋದಳು.
+ಮುಚ್ಚಿಟ್ಟ ತಿಂಡಿ ಹಾಗೆಯೇ ಇತ್ತು.
+ನೀರದ ನವೀನ್‌ಗೂ ತಿಂಡಿ ಕೊಟ್ಟಿರಲಿಲ್ಲ ಸರಿಯೆನಿಸಲಿಲ್ಲ.
+ಯಾರಿಗೆ ಬುದ್ಧಿ ಹೇಳುವುದು ?
+ನೀರದ ಎದುರು ಮನೆಯಿಂದ ತರುವ ತಿಂಡಿಗಾಗಿ ಬಾಗಿಲ ಕಡೆಯೇ ನೋಡುತ್ತ ಕಾಯುತ್ತಿದ್ದ ನವೀನ್‌ಗೆ ಇಷ್ಟು ಬೇಗ ಏನಾಯಿತು ?
+ನಾಲ್ಕು ತಟ್ಟೆಗಳಿಗೆ ಉಪ್ಪಿಟ್ಟು ಹಾಕಿ, ಎರಡು ತಂದು ಒಂದು ತಂದೆಗೆ ಕೊಟ್ಟು ತನಗಾಗಿ ಒಂದು ತಟ್ಟೆ ಇಟ್ಟು, ಉಳಿದ ಎರಡು ತಟ್ಟೆಗಳನ್ನ ರೂಮಿನ ಬಾಗಿಲ ಬಳಿಗೆ ಒಯ್ದು ನಿಡುಸೊಯ್ದಳು.
+“ನೀರದ, ಅಣ್ಣನಿಗೆ ತಿಂಡಿ ಕೊಡು” ಎಂದಳು.
+ನೇರವಾಗಿ ಹೊರಗೆ ಬಂದ ನವೀನ್‌ ಒಂದು ತಟ್ಟೆಯನ್ನು ಇಸಿಕೊಂಡು ಹೋಗಿ ತಂದೆಯ ಎದುರು ಕೂತ.
+“ನೀನು ಇಲ್ಲಿಗೆ ಬಂದ್ಬಿಡತ್ತಿಗೆ ” ಎಂದು ಇನ್ನೊಂದು ತಟ್ಟೆಯನ್ನು ಟೀಪಾಯಿ ಮೇಲಿಟ್ಟು “ನಿಂಗೆ ಹಸಿವು ಕಡೇ ಆಗಿದ್ಯಾ?"ವಿಚಾರಿಸಿದಳು.
+ಅವಳಿಗೆ ಹೋಟಲಲ್ಲಿ ತಿಂಡಿ ತಿಂದಿದ್ದು ಮರತೇ ಹೋಗಿತ್ತು.
+ಮಾತಾಡದೆ ನವೀನ್‌ ಗಬಗಬನೆ ತಿಂದು ತಟ್ಟೆ ಖಾಲಿ ಮಾಡಿಟ್ಟು ಎದ್ದುಹೋಗಿ ಕೈ ತೊಳೆದವನು ಪಂಚೆಯಲ್ಲಿಯೇ “ಹಯಗ್ರೀವನ್ನ. . . . ನೋಡ್ಬರ್ತಿನಿ”ಹೊರಟ. 
+ಅಪ್ಪ, ಮಗಳು ಮುಖ ಮುಖ ನೋಡಿಕೊಂಡರು.
+“ಸಂಭ್ರಮ, ಸಂತೋಷ ಇರ್ಬೇಕಾದ ಮನೆಯಲ್ಲಿ ಏನು ಇಲ್ಲವಾಗಿದೆ.
+ಕುಣಿದು ಕೊಂಡು ಓಡಾಡುತ್ತ ಇದ್ದ.
+ಹುಡ್ಗಿ ಸಪ್ಪಗೆ ಕೂತಿರ್ತಾಳೆ.
+ಏನೋಪ್ಪ ಒಂದು ಅರ್ಥವಾಗೋಲ್ಲ?"
+ಸೊಸೆಯನ್ನ ಉದ್ದೇಶಿಸಿ ಆಡಿದ ಮಾತುಗಳು ಅವು.
+ಹಣೆಗೆ ಕೈಯೊತ್ತಿಕೊಂಡು  "ಅಪ್ಪ, ಹೊಸದಲ್ವೆ !
+ಅದೂ ಅಲ್ಲೆ ನೀರದಾಗೆ ಅವಳಮ್ಮನ ಆರೋಗ್ಯದ ಚಿಂತೆ.
+ನಿಮ್ಮ ಮಗನದೇ ಸಿಟ್ಟು, ಸೆಡವು" ಎಂದಳು.
+ಅವಳಿಗೆ ಎಲ್ಲಾ ವಿಚಿತ್ರವಾಗಿ ತೋರುತ್ತಿತ್ತು.
+ಪ್ರೇಮ, ಪ್ರೀತಿ ಸಂಬಂಧಗಳಿ ಏನಾದರೂ ಅರ್ಥವಿದೆಯೇ ?
+ಸಣ್ಣ ಸಣ್ಣ ತಪ್ಪುಗಳನ್ನ ಕೂಡ ಕ್ಷಮಿಸಲಾರದಂಥ ವ್ಯಕ್ತಿಗಳ ನಡುವೆ ಬದುಕೆಷ್ಟು ಸುಭದ್ರ ?
+ಅವೆಲ್ಲ ಬರೀ ಬರವಣಿಗೆಯಲ್ಲಿ ಉಳಿದು ಮುಂದಿನ ಜನಾಂಗಕ್ಕೆ ಇತಿಹಾಸವಾಗ ಬಲ್ಲದೇನೋ !
+ಯುಗಂಧರ್‌ ನಿರೀಕ್ಷಿತ ಮಟ್ಟದಷ್ಟು ಮಾನಸಿಕವಾಗಿ ಪೂಜಾ ಚೇತರಿಸಿಕೊಂಡಿದ್ದರೂ ಅವಳ ಆರೋಗ್ಯ ಸಾಕಷ್ಟು ಸುಧಾರಿಸಿರಲಿಲ್ಲ.
+ಅವಳಿಗೆ ಸರಿಯಾಗಿ ಊಟ ಮಾಡಲು ಸಾಧ್ಯವಿರಲಿಲ್ಲ.
+ಮರುದಿನವೇ ಬಂದ ಮೂರ್ತಿ ತಂದೆಗೆ ಮಧು ಜಾತಕ, ಫೋಟೋ ಕೊಟ್ಟು "ನೀವು ಜಾತ್ಕ ಬೇಕಾದರೆ ತೋರ್ಲಿಕೊಳ್ಳಿ.
+ಚೆನೈಗೆ ಹೋಗ್ಬಂದೆ.
+ಗಂಡು ಮಾತ್ರ ಎಕ್ಸಲೆಂಟ್‌.
+ಅವ್ನಿಗೆ ತಂಗಿಯರು ವಿವಾಹಕ್ಕೆ  ಇರೋದ್ರಿಂದ ಒಂದಿಷ್ಟು ಡೌರಿ ಅಪೇಕ್ಷೇಸಿಸಬಹುದು.
+ಅವ್ಳು ಕೂಡ ತಕ್ಷಣವೇ ಮ್ಯಾರೇಜ್‌ಮಾಡ್ಬೇಕೆಂಬ ಹಾತೋರಿಕೆಯಲ್ಲಿಲ್ಲ.
+ಟ್ರೈನಿಂಗ್‌ಗೆ ಹೋದ ಮಧು ಆರು ತಿಂಗ್ಳ ನಂತರವೇ ಬರೋದು.
+ಆ ವೇಳೆಗೆ ಪೂಜಾ ಮತ್ತಷ್ಟು ಚೇತರಿಸ್ಕೋತಾಳೆ.
+ಎಲ್ಲಾ ರೀತಿಯಿಂದಲೂ ಈ ಸಂಬಂಧ ಒಳ್ಳೆಯದೆನಿಸುತ್ತೆ" ತಂದೆಯ ಮುಂದೆ ವಿಷಯವನ್ನಿಟ್ಟ.
+ಫೋಟೋವನ್ನ ಮುಖದ ಮುಂದಿಡಿದು ನೋಡಿದರು.
+ಕನ್ನಡಕ ತೆಗೆದೊರೆಸಿ ಹಾಕಿಕೊಂಡು ದಿಟ್ಟಿಸಿದರು.
+ಲಕ್ಷಣವಾಗಿ ಕಂಡ ,ಡಾ||ನವೀನ್‌ ಜೊತೆ ಅವನನ್ನ ತುಲನೆ ಮಾಡಿದ.
+ಅವನು ಸ್ವಲ್ಪ ಪೀಚು, ಇವನು ದಪ್ಪಪುಷ್ಟವಾಗಿ ಕಂಡ. 
+"ಚೆನ್ನಾಗಿದ್ದಾರೆ. ಹೇಗೂ ಆರು ತಿಂಗ್ಳು ಅವಕಾಶ ಸಿಕ್ಕಿದೆಯಲ್ಲ.
+ಆ ವೇಳೆಗೆ ಪೂಜಾನು ಚೇತರಿಸ್ಕೋಬಹುದು.
+ಹೇಗೂ ನಾನು ಮನೆ, ನರ್ಸಿಂಗ್‌ಹೋಂಗೆ ಹಣನು ನವೀನ್‌ಗೆ ಕೋಡೋಕೆ ಸಿದ್ಧವಾಗಿದ್ದೆ.
+ಅದ್ನೇ ಅವ್ನಿಗೆ ಕೊಡ್ತೀನಿ.
+ಇನ್ನಷ್ಟು ಕೊಡೋಣ ಬಿಡು.
+ಅವ್ಳು ಚೇತರಿಸಿಕೊಂಡರೆ ಸಾಕು" ಕನ್ನಡಕ ತೆಗೆದು ಕಂಬನಿಯೊರೆಸಿ ಕೊಂಡಾಗ ಮೂರ್ತಿಯ ಹೃದಯ ಕಿತ್ತು ಬಾಯಿಗೆ ಬಂದಂತಾಯಿತು.
+ತಂದೆಯನ್ನ ಬಲ್ಲ, ಸಿಂಹದಂಥ ವ್ಯಕ್ತಿಯೇ.
+ಆದರೆ ಈಚಿಗೆ ಎಷ್ಟೊಂದು ಕಂಗೆಟ್ಟು ಹೋಗಿದ್ದಾರೆಂದರೆ, ಯಾವುದೋ ಹೆದರಿಕೆ ಸದಾ ಭುಜ ತಟ್ಟುತ್ತಿತ್ತು.
+"ಅಪ್ಪ, ನೀವು ಅಳೋದೂಂದರೇನು ?ಎಲ್ಲಾ ಸರಿ ಹೋಗುತ್ತೆ.
+ಈಗ ಪೂಜಾ ಎಷ್ಟೋ ಚೇತರಿಸಿಕೊಂಡಿದ್ದಾಳೆ.
+ಅವ್ರನ್ನ ಒಮ್ಮೆ ಬಾ ಅಂದಿದ್ದೀನಿ.
+ಅದ್ಕೇ ಮುನ್ನ ನಾನು, ನೀನು, ಅಮ್ಮ ಒಮ್ಮೆ ಹೋಗ್ಬರೋಣ.
+ಅವ್ರು ಪೂರ್ತಿ ತಮಿಳುನಾಡಿನವರೇ.
+ಅವ್ರ ನೆಂಟರಿಷ್ಟರೆಲ್ಲ ಆ ಕಡೆಯವ್ರೆ.
+ಬರೀ ಕರ್ನಾಟಕದ ಪ್ರವಾಸ ಮಾಡಿದ್ದಾರಷ್ಟೆ.
+ಕನ್ನಡ ಪೂರ್ತಿ ಗೊತ್ತಿಲ್ಲ" ಇನ್ನಷ್ಟು ವಿವರಿಸಿದ.
+ಮಾತು ಮುಗಿಸಿದ ಮೂರ್ತಿ ತಂಗಿಯ ರೂಮಿಗೆ ಬಂದ.
+ಸೋಫಾಗೆಒ ರಗಿ ಕೂತಿದ್ದವಳು ಎದುರು ಒಂದು ಪತ್ರಿಕೆ ಇತ್ತು.
+ಅವಳಿಗೆ ಹೊಟ್ಟೆಯಲ್ಲಿ ನಿರಂತರ ಉರಿ, ಸಂಕಟ.
+ಸಾಕಷ್ಟು ಟ್ರೀಟ್‌ಮೆಂಟ್‌ ಕೂಡ ಇದನ್ನ ಕಡಿಮೆ ಮಾಡಿರಲಿಲ್ಲ.
+"ಹಾಯ್‌, ಪೂಜಾ" ಅವಳ ಬಳಿ ಬಂದು ಕೂತ.
+ಪತ್ರಿಕೆಯನ್ನು ಟೀಪಾಯಿ,ಮೈಲಿಟ್ಟ ಅವಳು ಮುಗುಳ್ನಗೆ ಹರಿಸಿ  "ಹೊಟ್ಟೆಯಲ್ಲಿ ತುಂಬ ಸಂಕಟ, ಉರಿ ಕಣೋ.
+ಕಾರ ತಿಂದೇ ಎಷ್ಟೋ ದಿನವಾಯ್ತು" ಕ್ಷೀಣವಾಗಿ ಹೇಳಿದಾಗ ಡಾ।| ನವೀನ್‌ನ ಅನಾಮತ್ತಾಗಿ ಎತ್ತಿ ಬೆಟ್ಟದಿಂದ ಕೆಳಗೆ ಹಾಕಿಬಿಡಬೇಕೆನಿಸಿತು.
+ಕೋಪದಿಂದ ಹಲ್ಮುಡಿಯನ್ನು ಕಚ್ಚಿಡಿದ.
+"ಪೂರ್ತಿ ಸರಿ ಹೋಗೋಕೆ ಕೆಲವು ದಿನ ಬೇಕೂಂದರಲ್ಲ ಡಾಕ್ಟ್ರು.
+ಸಂಜೆ ಎಲ್ಲಾದ್ರೂ ಹೊರ್ಗಡೆ ಹೋಗ್ಬರೋಣ್ಮ್ವಾ ?"ಉತ್ಸಾಹ ತುಂಬಿದ ಅವಳಲ್ಲಿ.
+"ಷ್ಕೂರ್‌, ನಾನು ಪಾನಿಪುರಿ, ಬೇಲ್‌ಪುರಿ, ಐಸ್‌ ಕ್ರೀಮ್‌ ಎಲ್ಲಾ ತಿಂದು ಎಷ್ಟೋ ದಿನವಾಯ್ತು.
+ನಾನಂತು ರೆಡಿ" ಎದ್ದು ಕುಣಿಯುವ ಆಸೆ.
+ಆದರೆ ಈಗ ಅವಳ ಶರೀರದಲ್ಲಿ ಅಂಥ ತ್ರಾಣವೇ ಇರಲಿಲ್ಲ.
+ಪಕ್ಕದಲ್ಲಿದ್ದ ದಿಂಬನ್ನ ತೊಡೆಯ ಮೇಲೆ ಹಾಕಿಕೊಂಡು "ನಂಗ್ಯಾಕೋ,ಭಯ ಆಗುತ್ತೆ.
+ನಾನು ಮೊದ್ಲಿನಂತೆ ಆಗ್ತೀನಾ ?"
+ಕಣ್ಣೀರು ಸುರಿಸೋಕೆ ಷುರು ಮಾಡಿದಾಗ, ಸುಂದರವಾದ ಹೂವೊಂದು ಬೇರೆಯವರ ಕಾಲು ತುಳಿತಕ್ಕೆ ಸಿಕ್ಕಿ ನರಳಿದಂತಾಯಿತು.
+"ಖಂಡಿತ ಆಗ್ತೀಯಾ ! ಅಷ್ಟೊಂದು ನಿದ್ದೆ ಮಾತ್ರೆ ತಗೊಳ್ಳೋಂತ ಮೂರ್ಖತನ ಮಾಡ್ಬಾರ್ದಿತ್ತು.
+ಈಗ ನೀನೇ ಸವೆಯೋಳು.
+ಅದ್ನ ನೋಡಿ ನಾವೇ ಸಂಕಟಪಡೋರು.
+ಬೇರೆಯವ್ರಿಗೇನು ?"
+ಇದನ್ನು ಚಾರುಲತ ಅವಳ ಮನೆಯವರನ್ನ ಉದ್ದೇಶಿ? ಹೇಳಿದ ಮಾತು.
+"ನನ್ನ ಖಂಡಿತ ನವೀನ್‌ ಮದ್ವೆ ಮಾಡ್ಕೋತಾನೇಂತ ತಿಳಿದಿದ್ದೆ. 
+ಮೋಸ. . . . ಮಾಡ್ದ" ಕಣ್ಣಿಗೆ ಕರ್ಚೇಫ್‌ ಹಚ್ಚಿದಾಗ ಮೂರ್ತಿಗೆ ರೇಗಿತು.
+"ಸಾಕು  ನಿನ್ನ ಪುರಾಣ.
+ಅವನೇನು ಇಂದ್ರಲೋಕದಿಂದ ಇಳಿದಿದ್ದಾ ?
+ಮಾಡಿರೋದು ಆರ್ಡಿನರಿ ಎಂ.ಬಿ.ಬಿ.ಎಸ್‌. ಏನಾದ್ರೂ ಸ್ಪೆಷಲೈಜ್‌ ಮಾಡಿದ್ರೆ ತಾನೇ,ಅದಕ್ಕೂ ಬೆಲೆ.
+ಅಪ್ಲಿ ತಪ್ಪಿ ಕೂಡ ಅವ್ನ ಸುದ್ದಿ ಬೇಡ.
+ಅದೆಲ್ಲ ಒಂದು ಕೆಟ್ಟ ಕನಸ್ಸೂಂತ ತಿಳ್ಕೋ.
+ಹೇಗೂ, ಮೂರು ಆಯ್ದು.
+ಐದಕ್ಕೆ ಮನೆ ಬಿಡೋಣ"ಎದ್ದುಹೋದ.
+ಯುಗಂಧರ್‌ ಮತ್ತು ಆಕೆ ಫೋಟೋ ಜಾತಕ ಹಿಡಿದು ಕೂತು ಮಾತಾಡುತ್ತಿದರು.
+ಆವರಿಗೆ ಸಂಬಂಧ ಕುದುರಿಸವುದಕ್ಕಿಂತ ಮಗಳು ಮುಂದಿನ ಬದುಕಿಗೆ ಒಗ್ಗಿಕೊಳ್ಳುತ್ತಾಳೆನ್ನುವುದೇ ಚಿಂತೆಯಾಗಿತ್ತು.
+"ನಂಗೇನೋ ಭಯ !"ಎಂದರು.
+ಕೂತ ಮೂರ್ತಿ ಭಾರವಾದ ಉಸಿರು ದಬ್ಬಿದ.
+ತಂಗಿಯ ಮಾನಸಿಕ ಚೇತರಿಕೆ ಅವನ ಗಮನಕ್ಕೆ  ಬಂದಿತ್ತು.
+ಅದರೆ ಅವನಿಗೆ ಅವಳ ಆರೋಗ್ಯದ್ದೆ ಚಿಂತೆ.
+ಮುಖಕ್ಕೆ ಮೊದಲಿನ  ಬಣ್ಣ ಒಂದಿರಲಿಲ್ಲ.
+ಕಾಯಿಲೆ ಬಿದ್ದು ಬಿಳುಚಿಕೊಂಡಂಗೆ ಕಾಣುತ್ತಿದಳು.
+ಭಯಪಡೋಕೇನಿದೆ ? ಬರೀ ಲವ್‌ ಸಿನಿಮಾಗಳ್ನ ನೋಡಿ ಈಗಿನಯುವಕರು, ಯುವತಿಯರು ಎಕ್ಸ್‌ಪರಿಮೆಂಟ್‌ ಮಾಡೋಕೆ ಹೋಗ್ತಾರೆ.
+ಅಂಕ ದೀಕ್ಷೆಯೆನು ಇರೋಲ್ಲ ಇವ್ಳು ಅಷ್ಟೆ.
+ಮಾತು, ನಗು, ಓಡಾಟ ಐಸ್‌ಕ್ರೀಮ್‌  ತಿನ್ನೋದೇ ಲವ್‌ ಆಗ್ದಿಡುತ್ತೆ.
+ಯೂಸ್‌ಲೆಸ್‌ ಫೆಲೋ"ಕೆಂಡ ಕಾರಿದ.
+ಅವನು ಕಾಲೇಜಿನಲ್ಲಿ ಅಧ್ಯಾಪಕ.
+ಈಗಿನ ವಿದ್ಯಾರ್ಥಿಗಳ ಗುಣ ಸ್ವಭಾವಗಳು ಚೆನ್ನಾಗಿ ಗೊತ್ತು.
+ಜೊತೆ ಜೊತೆಯಾಗಿ ಒಡಾಡುವುದು ಅವನ ಪ್ರಕಾರ ತಪ್ಪಲ್ಲ.
+ಆದರೆ ಮಿತಿ ಮೀರಿದ ಓಡಾಟವನ್ನು ವಿರೋಧಿಸುತ್ತಿದ್ದ.
+"ನವೀನ್‌ ತುಂಬ ಒಳ್ಳೆ ಹುಡ್ಗ ಅಂದ್ಕೊಂಡಿದ್ದು ನಮ್ಮ ತಪ್ಪು" ಮೂರ್ತಿ ತಾಯಿ ಅಂದರು.
+"ನಂಗಂತು ಅವ್ನಿಗೆ ಕೊಟ್ಟು ವಿವಾಹ ಮಾಡೋ ಇಚ್ಛೆಯೇನು ಇದ್ದಿಲ್ಲ.
+ಇವ್ಳ ಮೊಂಡಾಟದಿಂದ್ಲೇ ಆ ವಿಷ್ಯ ಅಲ್ಲಿವರ್ಗೂ ಹೋಯ್ತು.
+ ಸುಮ್ನೇ ಅವಮಾನವಾಯಿತಷ್ಟೆ. 
+ ಇದರಿಂದ ಒಂದು ಸಾಬೀತಾಯಿತಷ್ಟೆ.
+ಚಾರುಲತಗೆ ನಾವು ಕಂಡ ಮುಖಕ್ಕಿಂತ ವಿಭಿನ್ನವಾದ ಮುಖವಿದೆ.
+ಅವ್ಳಿಗೆ ಇನ್ನ ನಾವೆಲ್ಲ ಅವ್ಳ ಕಡೆಯವ್ರು ಅನ್ನಿಸಿಯೇ ಇಲ್ಲ" ಯುಗಂಧರ್‌ ಜಿಗುಪ್ಸೆಯಿಂದ ಪ್ರತಿಕ್ರಿಯಿಸಿದರು.
+"ಸುಮ್ನೇ ಅವ್ಳ ವಿಷ್ಯ ಬೇಡ.
+ತಿಪ್ಪೆನ ಕೆದಕೋದ್ರಿಂದ ಬರೀ ಕಸ, ಕಡ್ಡಿನೇಸಿಗೋದು.
+ಅವ್ಳ ವಿಷ್ಯ ಇನ್ಮೇಲೆ ನಮ್ಮ ಮನೆಯಲ್ಲಿ ಬೇಡ.
+ತವರು ಮನೆಯಲ್ಲೇ ಸುಖವಾಗಿ ಇದ್ಕೊಳ್ಳಿ" ಎಂದ ಮೂರ್ತಿ ಎದ್ದು ಹೋದ.
+ಅವನಿಂದ ಅವಳು ದೂರವಾಗಿದ್ದರೂ, ಅವಳ ನೆರಳು ಅವನನ್ನು ಹಿಂಬಾಲಿಸುತ್ತಿತ್ತು.
+ಪರಿಚಯದವರು, ಕೊಲಿಗ್ಸ್‌ ಒಂದಲ್ಲ ಒಂದು ಕಾರಣ ಮುಂದು ಮಾಡಿ ಚಾರುಲತ ಸುದ್ದಿ ಎತ್ತುತ್ತಿದ್ದರು.
+"ಅಂಕಲ್‌, ಯಾವಾಗ್ಬರ್ತಾರೆ ಆಂಟಿ' ಬೀದಿಯಲ್ಲಿ ಆಟವಾಡುವ ಹುಡುಗರೆಲ್ಲ ಪ್ರಶ್ನಿಸುತ್ತಿದ್ದರು .
+"ಬರೋಕೆ ಕೆಲವು ದಿನಗಳು ಆಗುತ್ತೆ" ಹೇಳುತ್ತಿದ್ದ.
+ಒಮ್ಮೆ  ಪ್ರಿನ್ಸಿಪಾಲರು ಅವನನ್ನು ಕರೆಸಿಕೊಂಡು  "ಒಂದು ನ್ಯೂಸ್‌ ಕೇಳ್ದೆ.
+ಅದು ಸುಳ್ಳಾಗ್ಲೀಂತ್ಲೇ ನನ್ನ ಹಾರೈಕೆ.
+ನಿಮ್ಮ ಮತ್ತು ನಿಮ್ಮ ಮಡದಿಯ ನಡ್ವೇ ಏನೋ ಡಿಫರೆನ್ಸಸ್‌ ಬಂದಿದೆಯನ್ನೋ ಸುದ್ಧಿ ಸಣ್ಣ ಪುಟ್ಟ ಡಿಫರೆನ್ಸ್‌ ಎಲ್ಲಾಕಡೆ ಇದ್ದಿದ್ದೇ.
+ಅದು ದೊಡ್ಡದಾಗೋಕೆ ಅವಕಾಶ ಕೊಡ್ಬಾರ್ದು. 
+ನೀವೇ ಸೋಲಿ. ಇಲ್ಲಿ ಸೋಲು ಗೆಲುವು ಅನ್ನೋ ಪಟ್ಟು ಇರಬಾರದು."
+ಬುದ್ಧಿ ಹೇಳಿದಾಗ ಅವನಿಗೆ ತಲೆ ತಗ್ಗಿಸುವಂತಾಯಿತು.
+ಪ್ರತಿಯೊಬ್ಬರಿಗೂ ಕಾರಣ ವಿವರಿಸಲು ಸಾಧ್ಯವೇ ?
+ ಡಿ.ಟಿ.ಪಿ. ಮಾಡಿಸಿ ಆಫ್‌ಸೆಟ್‌ನಲ್ಲಿ ಮುದ್ರಿಸಿ ಎಲ್ಲರಿಗೂ ಒಂದೊಂದು ಪ್ರತಿ ಹಂಚಿಬಿಟ್ಟರೇ ಹೇಗೆ?
+ಸಮಾಜದ ಸಿಂಪತಿ ಯಾವಾಗಲೂ ಹೆಣ್ಣಿನ ಕಡೆ.
+ಈಗ ಸಿಂಪತಿ ಯಾರ ಕಡೆಹರಿಯಬಹುದು ?
+ಪೂಜಾ ಹೆಚ್ಚು ಅರ್ಹಳೋ, ಚಾರುಲತ ಹೆಚ್ಚು ಅರ್ಹಳೋ ಪಬ್ಲಿಕ್‌ ಸಿಂಪತಿಗೆ ?
+ಛೆ, ಈ ಸಿಂಪತಿಯಿಂದ ಏನಾಗಬೇಕು?
+ಮನೆಯ ಮಾನ,ಮರ್ಯಾದೆ ಬಟ್ಟ ಬಯಲು.
+ಇಬ್ಬರೂ ಸರ್ವನಾಶವಾಗುತ್ತರೆ ಅಷ್ಟೆ  ಸಿಡಿಮಿಡಿಗುಟ್ಟಿದ.
+ಬಹುಶಃ  ಕಾಲವೆ  ಇದನ್ನೆಲ್ಲ  ಮರೆಸುತ್ತೆ.
+ವಿಷಯ ಹಳೆಯದಾದರೆ, ಎಲ್ಲಾ ಸರಿ ಹೋಗುತ್ತೆ ಅನ್ನೋ ತೀರ್ಮಾನಕ್ಕೆ ಬಂದ.
+ರಾತ್ರಿಯ ಊಟದ ಸಮಯದಲ್ಲಿ ವಾಸುದೇವಯ್ಯ ಮತ್ತೆ ಫೋನ್‌ ಮಾಡಿದ ಸಮಾಚಾರ ಯುಗಂಧರ್‌ ಮಗನಿಗೆ ತಿಳಿಸಿದರು.
+"ವಾಸುದೇವಯ್ಕ ಫೋನ್‌ ಮಾಡಿದ್ರು.
+ಅವ್ರ ಮಗಳದೇನು ತಪ್ಪಿಲ್ವಂತೆ.
+ಬಂದು ಕರ್ಕೊಂಡ್ವೋಗೀಂತ ಕೇಳಿದ್ರು."
+ಮೂರ್ತಿ ಮುಖ ಬಿಗಿದುಕೊಂಡು ತಂದೆಯ ಕಡೆ ನೋಡಿದ.
+"ಈಗ ಊಟ ಮಾಡ್ತಾ ಇದ್ದೀವಿ.
+ಬೇಡದ ವಿಷ್ಯಗಳು ಯಾಕೆ ?
+ಅವ್ರ ಮಗಳ  ಬಗ್ಗೆ ಅವುಗಳು ಯೋಚ್ಸಿಕೊಳ್ಳಿ, 
+ಇನ್ನೊಮ್ಮೆ ಫೋನ್‌ ಮಾಡಿದರೇ ಅಷ್ಟೇ ಹೇಳಿ" ಎಂದವ ಅನ್ನದ ಮೇಲೆ ಮೂರು ಸೌಟು ಹುಳಿ ಸುರಿದುಕೊಂಡ.
+ಇಂದು ಕೋಪವಿದ್ದರೂ ತೃಪ್ತಿಯಿಂದ ಊಟ ಮಾಡಿದ.
+"ಈ ಗಂಜಿ ತಗೊಂಡ್ಹೋಗಿ ಕೊಡು.
+ಆಗ್ಲೇ ತಗೊಂಡ್ಟೋಗಿದ್ದೆ  ಬೇಡಾಂದ್ಲು.
+ಆ ಹುಡ್ಗೀ ನೋಡಿದ್ರೆ ಕರುಳು ಕಿತ್ತು ಬರುತ್ತೆ.
+ನಮ್ಮ ಮನೆಯಲ್ಲಿ ಖಾರ, ಹುಳಿ ಹೆಚ್ಚಿಗೆ ತಿಂತಾ ಇದ್ದೋಳು ಅವಳೊಬ್ಬಳೇ" ಮೂರ್ತಿಯ ತಾಯಿ ನೋವಿನಿಂದ ನುಡಿದರು.
+"ಎಲ್ಲಾ ಸರಿ ಹೋಗುತ್ತೆ " ಗಂಜಿಯ ಬಟ್ಟಲನ್ನ ರೂಮಿಗೆ ಒಯ್ದವನು ಅವಳ ಮುಂದಿಟ್ಟ "ಪೂಜಾ, ನೀನು ಬೇಗ ಚೇತರಿಸಿಕೊಳ್ಳಬೇಕು.
+ಮೈಯಲ್ಲಿ  ಶಕ್ತಿ ಬರಬೇಕಾದರೆ. . . . ಹೊಟ್ಟೆಗೆ ಸರಿಯಾದ ಆಹಾರ ಬೇಕು.
+ಸ್ವಲ್ಪ ಕಷ್ಟಪಟ್ಟಾದ್ರೂ. . . ಕುಡೀ" ಹೇಳಿದ.
+ಕರುಣೆಯಿಂದ ಅವನ ಕಣ್ಣುಗಳು ನಿರುಕಿಸಿದವು.
+ಬಾರುದ್ದ ಕೂದಲು ಈಗ ತುಂಡಾಗಿತ್ತು.
+ಮಿರಿ ಮಿರಿ ಮಿರುಗುತ್ತಿದ್ದ ಕೂದಲು ಈಗ ಜೀವಂತಿಕೆಯೇ ಇದ್ಬಂಗೆ ಕಾಣುತ್ತಿರಲಿಲ್ಲ.
+ಮೇಕಪ್‌, ಹಣೆಗೆ ಬಟ್ಟು ಅಂಥ ಅಲಂಕಾರವೇನು ಇಲ್ಲದ ಮುಖ "ಬಿಕೋ" ಎನ್ನುತ್ತಿತ್ತು.
+ಕುತ್ತಿಗೆಯ ಬಳಿ ಮೂಳೆಗಳು ಎದ್ದು ಕಾಣುತ್ತಿತ್ತು.
+ಗಿಡದಲ್ಲಿ ನಳನಳಿಸುತ್ತಿದ್ದ ಹೂವನ್ನ ಕಿತ್ತು ಮಧ್ಯಾಹ್ನದ ಉರಿ ಬಿಸಿಲಿಗೆ ಇಟ್ಟಂತಾಗಿತ್ತು.
+"ಅಣ್ಣ, ನಂಗೆ ವಾಂತಿ ಬಂದಂಗಾಗುತ್ತೆ.
+ಏನು ರುಚಿ ಇಲ್ಲ ಬರೀ ಸಪ್ಪೆ.
+ವಾಂಗೀಬಾತ್‌, ಬಿಸಬೇಳೆ ಬಾತ್‌, ಚುರುಮುರಿ, ಚಕ್ಕುಲಿ, ಕೋಡುಬಳೆಯೆಲ್ಲ  ಎಂಥ ರುಚಿ ಇರುತ್ತೆ.
+ನಂಗೆ ಅದೆಲ್ಲ ಮರೆತಂಗಾಗಿದೆ.
+ಅದೆಲ್ಲ ತಿನ್ನೋ ಆಸೆ?
+ಕಣ್ಣೀರಿಟ್ಟವಳು ಬಿಕ್ಕಿ ಬಿಕ್ಕಿ ಅಳಲು ಷುರು ಮಾಡಿದಾಗ, ಅವಳ ಪಕ್ಕ ಹೋಗಿ ಕೂತು ಎದೆಗೊರಗಿಸಿಕೊಂಡು ಕೂದಲಲ್ಲಿ ಕೈಯಾಡಿಸಿದ.
+ಅವನದು ಸೌಮ್ಯ ಸ್ವಭಾವ. 
+ಈಗ. . . . ಈ ಕ್ಷಣ ಡಾ|।ನವೀನ್‌ ಎದುರು ಸಿಕ್ಕರೇ ಕೊಚ್ಚಿ ಹಾಕಿ ಜೈಲಿಗೆ ಹೋಗಲು ಸಿದ್ಧವಿದ್ದ.
+ಅಂಥ ಉದ್ವೇಗವಿತ್ತು ಅವನಲ್ಲಿ ಈಗ.
+"ಬೇಗ ಸರ್ಯೋಗ್ತೀಯಾ ! ಆಮೇಲೆ ಅದ್ನೆಲ್ಲ ತಿನ್ನಬಹುದು.
+ ನೀನು ಮಾನಸಿಕವಾಗಿ ಬೆಂಬಲ ನೀಡದ ಪಕ್ಷದಲ್ಲಿ ದೇಹ ಚೇತರ್ಲಿಕೊಳ್ಳಲಾರದು?" ಧೈರ್ಯ ಹೇಳಿದ.
+ತಾನೇ ಸ್ಪೂನ್‌ನಿಂದ ಇಡೀ ಬಟ್ಟಲು ಗಂಜಿ ಕುಡಿಸಿದ.
+“ಅನ್ಯಾಯವಾಗಿ ಸಾಯಂಕಾಲದ ಪ್ರೋಗ್ರಾಂ ಕ್ಯಾನ್ಸಲ್‌ ಆಯ್ತು” ಮುಖ ಮಾಡಿದಾಗ ತಲೆಯ ಮೇಲೊಂದು ಮೊಟಕಿದ “ಅದ್ಕೇ ನೀನೇ ಕಾರಣ.
+ಒಳ್ಳೆ ನಿದ್ದೆಯಲ್ಲಿದ್ದೆ.
+ಅಪ್ಪ ಎಬ್ಬಿಸೋದ್ಬೇಡಾಂದ್ರು.
+ನಾಳೆ ಆ ಪ್ರೋಗ್ರಾಂ ಇಟ್ಕೋಬಹುದು.
+ಈವೊತ್ತಿನ ಪೇಪರ್‌ನಲ್ಲಿ ಒಂದು ವಿಶೇಷ ಸುದ್ದಿ ಬಂದಿದೆ,ಗೊತ್ತಾ?ಎದ್ದು ಹೋಗಿ ಪೇಪರ್‌ ಹಿಡಿದು ಬಂದ.
+ನವಂಬರ್‌ 4ರ ಕನ್ನಡಪ್ರಭದಲ್ಲಿ "ಬುದ್ಧಿ ಜೀವಿಗಳು ಯಾರು ?
+ಅವರ ಕಸಿನ್ಸ್‌ ಯಾರು ?
+ಒಂದು ಹೆಡ್ಡಿಂಗ್‌ "ಯಾರು ಹೇಳಿದ್ದು ಅರ್ಥವಾಗುವುದೋ ಅವರು ಬುದ್ಧಿಜೀವಿಗಳು" ಒಬ್ಬ ಕಾಂಗ್ರೆಸ್‌ ಮುಖಂಡರ ವಾದ.
+“ಪೂಜಾ, ನಿನ್ನ ಪ್ರಕಾರ ಬುದ್ಧಿ ಜೀವಿಗಳು ಅಂದರೆ ಯಾರು ?" ಕೇಳಿದ ಪೇಪರ್‌ ಅವಳ ಮುಂದಿಟ್ಟು.
+ಗಲ್ಲಕ್ಕೆ  ಕೈಯೊತ್ತಿಕೊಂಡು ಕೂತ ಪೂಜಾ "ಹೇಗೆ ಒಂದು ತೀರ್ಮಾನಕ್ಕೆ ಬರೋದು?
+ಇಬ್ಬರು ಬುದ್ಧಿ ಜೀವಿಗಳೆಂದು ಹೇಳಿಕೊಳ್ಳುವವನ್ನ ಪ್ರತ್ಯೇಕ. . . ಪ್ರತ್ಯೇಕವಾಗಿ ಭೇಟಿ ಮಾಡಿ ಒಬ್ಬರ ಬಗ್ಗೆ ಇನ್ನೊಬ್ಬರನ್ನ ಕೇಳಿದ್ರೆ, ಅವರಿಬ್ಬರೂ ಒಪ್ಪೋಲ್ಲ.
+ಅವ್ರಿಗೆ ತಾವು ಬುದ್ಧಿ ಜೀವಿ ಅನ್ನೋ ಅಹಂ ಇರುತ್ತದೆಯೇ ಹೊರತು ಇಬ್ಬರನ್ನ "ಬುದ್ಧಿಜೀವಿ" ಎಂದುಒಪ್ಪಲಾರರು.
+ನಂಗೂ ಕನ್‌ಪ್ಯೂಷನ್‌' ಚಿಂತಿತಳಾದಳು. 
+"ಓಕೇ. . . . ಓಕೇ. . . . ಅದ್ಯೇ ನಮ್ಮ ರಾಜಕೀಯ ವ್ಯಕ್ತಿಗಳು ಏನ್ಹೇಳಿದ್ದಾರೋ ಕೇಳು.
+ಕಾಂಗ್ರೆಸ್‌ ಪಕ್ಷದ ಒಬ್ಬ ಮುಖಂಡರು "ಯಾರು ಹೇಳಿದ್ದು ಅರ್ಥವಾಗುವುದಿಲ್ಲವೋ ಅವರೇ ಬುದ್ಧಿ ಜೀವಿಗಳು" ಎಂದಿದಕ್ಕೆ ಅದೇ ಪಕ್ಷದ ಇನ್ನೊಬ್ಬರ ಪ್ರತಿಕ್ರಿಯೆ "ಸಮಾಜಕ್ಕೆ ಏನು ಮಾಡದವರು ಬುದ್ಧಿ ಜೀವಿಗಳು". 
+ಅದಕ್ಕೆ ಇನ್ನೊಬ್ಬರು ರೈತ ಸಂಘದವರು ಹೇಳಿದ ಕತೆ ನೋಡು" ಅದರ ಸಾರಾಂಶ ಓದಿದ.
+"ಒಬ್ಬ ಸುಶಿಕ್ಷಿತ ವ್ಯಕ್ತಿ ತನ್ನ ಹೆಂಡತಿ ತರಕಾರಿ ಖರೀದಿಸಲು ಕರೆದೊಯ್ದ.
+ತರಕಾರಿ ಮಾರುವವನು ಆಕೆಯನ್ನೆ ನೋಡುತ್ತಿದ್ದನ್ನ ನೋಡಿ ಸಿಟ್ಟಾದ ಯಾಕೆ ನನ್ನ ಹೆಂಡತಿಯನ್ನು ದುರುಗುಟ್ಟಿಕೊಂಡು ನೋಡುತ್ತೀಯಾ ?"ಎಂದು ಪ್ರಶ್ನಿಸಿದ.
+ತಕ್ಷಣ ತರಕಾರಿ ಮಾರುವ ವ್ಯಕ್ತಿ  “ನಿಮ್ಮಹೆಂಡತಿ ತುಂಬ ಓದಿರಬೇಕಲ್ಪ”ಎಂದು ಕೇಳಿದ.
+“ಹೌದು, ನನ್ನ ಹೆಂಡತಿ ಪದವಿಧರೆ.
+ನಿನಗೆ ಹೇಗೆ ಗೊತ್ತಾಯಿತು ? "ಕೇಳಿದ.
+"ಮುಖ ನೋಡಿದ ಕೂಡಲೇ ಗೊತ್ತಾಯಿತು.
+ಅವರು ಮೊದಲು ಚೀಲದಲ್ಲಿ ಟೊಮೋಟೋ ಹಾಕಿಸಿಕೊಂಡು ನಂತರ ಕೋಸು, ಈರುಳ್ಳಿ ಮುಂತಾದುವನ್ನು ಹಾಕ್ಸಿಕೊಂಡರು."
+ಅದಕ್ಕೆ ಇನ್ನೊಬ್ಬ ರಾಜಕೀಯ ವ್ಯಕ್ತಿಯ ವ್ಯಾಖ್ಯಾನ  "ಅಪಘಾತ ನಡೆದಾಗ ಪೆಟ್ಟು ತಿಂದವನನ್ನ ಆಸ್ಪತ್ರೆಗೆ ಸೇರಿಸಿ ಪ್ರಚಾರ ಪಡೆಯುವವನು ರಾಜಕಾರಣಿ,ಅಪಘಾತದ ಬಗ್ಗೆ ಮೌನವಾಗಿ ಕವನ ಬರೆಯುವವನು ಬುದ್ಧಿ ಜೀವಿ."
+“ಬುದ್ಧಿ ಮಾರಿ ಬದುಕುವವರು ಬುದ್ಧಿ ಜೀವಿ" ಇನ್ನೊಬ್ಬರ ವಿವರಣೆ.
+ಪೂಜಾ ಘೊಳ್ಳನೆ ನಕ್ಕಳು.
+ಆ ನಗೆ ಬೆಳದಿಂಗಳಿನಂತೆ ಮಿಂಚಿತು.
+ಅಂಥ ನಗೆ ಅವಳ ಮುಖದ ಮೇಲೆ ಕಂಡು ಎಷ್ಟೋ ದಿನಗಳು ಆಗಿತ್ತು.
+“ಬುದ್ಧಿ ಜೀವಿಗಳ ಕಸಿನ್ಸ್‌ ಪತ್ರಕರ್ತರಂತೆ” ಹೀಗೆಂದವರು ಸಭಾಧ್ಯಕ್ಷರು.
+ಇದು ಸದನದಲ್ಲಿ ಚಕಮುಕಿ ಎಂದ ಮೂರ್ತಿ.
+ಮಗಳ ನಗೆ ಕೇಳಿ ಯುಗಂಧರ್‌ ಹೆಂಡತಿಯೊಂದಿಗೆ ಬಂದರು.
+ಆಗ ಹುಟ್ಟಿದ ಪುಟ್ಟ ಮಗು ತನ್ನ ಹಲ್ಲಿಲ್ಲದ ಬಾಯಲ್ಲಿ ನಗೆ ತುಂಬಿಕೊಂಡಾಗ ಆನಂದಿಸುವ ತಾಯಿ ತಂದೆಯ ಸ್ಥಿತಿ ಅವರದಾಗಿತ್ತು.
+ಪೇಪರ್‌ ತೆಗೆದು ತನ್ನ ಕೈಯಲ್ಲಿಟ್ಟ "ಒಂದಿಷ್ಟು ಓದಿ.
+ಪೂಜಾ ಈ ರೂಮಿನ ಸಹವಾಸ ಸಾಕು.
+ಒಂದಿಷ್ಟೊತ್ತು ಹೊರ್ಗಡೆ ಕೂರೋಣ ನಡೀ"
+ತಂಗಿಯನ್ನು ಎಬ್ಬಿಸಿಕೊಂಡು ಹೊರಗೆ ಹೋದ.
+“ಕೆಲವು ದಿನ ಮೂರ್ತಿಯಾದ್ರೂ ಇಲ್ಲಿರಬೇಕು.
+ಇಲ್ಲ ಪೂಜಾನಾದ್ರೂ ಅವ್ನ ಜೊತೆ ಕಳಿಸ್ಬೇಕು” ಎಂದರು ಆಕೆ.
+ಮಗಳು ಬೇಗ ಗೆಲುವಾಗುವುದು ಮುಖ್ಯವಾಗಿತ್ತು.
+ಯುಗಂಧರ್‌ ಹ್ಞೂ ಗುಟ್ಟಿದರು.
+ಕೆಲವು ದಿನಗಳಾದ ಮೇಲಾದರೂ ಪೂಜಾ ಚೇತರಿಸಿಕೊಳ್ಳಬಹುದು.
+ಆಮೇಲೆ ವಿವಾಹ ಅವಳದೇ ಒಂದು ಮನೆ. . . . ಅವೆಲ್ಲ ಸರಿ. 
+ಆದರೆ ಮೂರ್ತಿ ಬದುಕೇನು ?
+ವರ್ಷಕ್ಕೆ ಮುನ್ನವೇ ವಿಯೋಗ ಅನುಭವಿಸಬೇಕಾ ?
+ಸ್ವಲ್ಪ ತಲೆ ಬಿಸಿಯಾಯಿತು.
+ಅವರ ಮಸ್ತಿಷ್ಕದಿಂದ ಪೂಜಾ ಸರಿದು ಮೂರ್ತಿ ಕೂತ.
+"ಮುಂದೆ ಇವ್ನ ಗತಿಯೇನು ?
+ಇಷ್ಟಕ್ಕೆ ಮುಗ್ದು ಹೋಗ್ಬೇಕಾ, ಅವ್ನ ದಾಂಪತ್ಯಜೀವನ ? ನಿನ್ನ ಸೊಸೆ ಕೆಲ್ಸಕ್ಕೆ ಹೋಗ್ತಾ ಇದ್ದಾಳಂತೆ.
+ಧೈರ್ಯಸ್ಥೆ, ಇವ್ನು ಡೈವೋರ್ಸ್‌ ಕೊಟ್ಟರೆ ಮತ್ತೊಂದು ವಿವಾಹವಾಗಬಹುದು.
+ಅದ್ಕೇ ಅಪ್ಪ, ಅಣ್ಣನ ಕೋಪರೇಷನ್‌ ಸಿಕ್ಕುತ್ತೆ" ಒಂದು ಚಿತ್ರವನ್ನು ಹೆಂಡತಿಯ ಮುಂದೆ ಬಿಡಿಸಿಟ್ಟರು.
+ಯಾಕೋ, ಸೊಸೆಯ ಬಗ್ಗೆ ಅಷ್ಟೆಲ್ಲ ಯೋಚಿಸಲು ಇಷ್ಟವಾಗಲಿಲ್ಲ.
+"ಚಾರು, ನಮ್ಮನ್ನು ಅದೆಷ್ಟು ಹೊಂದಿಕೊಂಡಿದ್ದು.
+ಎಷ್ಟು ವರ್ಷದಿಂದ ನಮ್ಮೊಂದಿಗೆ ಇದ್ಲು ಅನ್ನೋ ತರಹ ನಡಕೊಂಡ್ಲು.
+ಪೂಜಾನೂ ಅವ್ಳು ಎಷ್ಟೊಂದು ಇಷ್ಟವಾಗಿದ್ದು."
+ಸೊಸೆಯ ಬಗ್ಗೆ ಸ್ವಲ್ಪ ಮೃದುವಾದರು.
+"ಎಲ್ಲಾ ಸರಿನೇ !ನಾವು ಏನು ಅಲ್ಲ ಅನ್ನೋ ತರಹ ನಡ್ಕೊಂಡ್ಲು.
+ಎದುರು ಮನೆ ಹುಡ್ಗೀಗಾಗಿ ಪೂಜಾನ ಸಾವಿನಂಚಿಗೆ ತಳ್ಳಿದಳು.
+ಸಕಲ ಕಲ್ಯಾಣ ಗುಣಗಳು ಅದರಡಿಯಲ್ಲಿ ಸಮಾಧಿಯಾಯ್ತು.
+ಈಗ್ಲೂ ಪರಿಚಿತರಿಗೆ ಮುಖ ತೋರಿಸ್ಟಂಗಾಗಿದೆ" ಕಹಿಯಾಗಿ ನುಡಿದರು.
+ಅದು ಯಾವುದು ಸುಳ್ಳಲ್ಲ.
+ಆಕೆ ತೆಪ್ಪಗಾದರು.
+ಮಾರನೆ ಸಂಜೆ ಚೆನೈನಿಂದ ಫೋನ್‌ ಬಂತು.
+ಯುಗಂಧರ್‌ಗೆ  “ನಿಮ್ಮ ಮಗ್ಳು ಫೋಟೋ ನಮ್ಮ ಮಗಿಗೆ ಕಳಿಸಿದ್ದಿ.
+ತುಂಬ ಮೆಚ್ಚಿಕೊಂಡಿದ್ದಾನೆ.
+ಮುಂದಿನ ತಿಂಗ್ಳು ಒಮ್ಮೆ ಬರ್ತೀವಿ” ಈ ಸಂತೋಷದ ಸುದ್ದಿಯಿಂದ ಹಿರಿಯರೆಲ್ಲ ತಬ್ಬಿಬ್ಬಾದರು.
+ಪೂಜಾ ಮಾತ್ರ ಮೌನವಹಿಸಿದಳು.
+"ಗಂಡು ತುಂಬ ತುಂಬ ಹ್ಯಾಂಡ್‌ಸಮ್‌, ಅವ್ರ ಮನೆಗೆ ಹೋಗಿದ್ದಾಗ ಆಲ್ಬಂ ತೋರಿಸಿದರು.
+ಎಷ್ಟು ಸಾರ್ಟ್ಮಾಗಿದ್ದಾನೆಂದರೆ ನಾನ್ಶಾಕೆ ಹೆಣ್ಣು ಆಗ್ಲಿಲ್ಲಾಂತ ಯೋಚಿಸ್ಟೇ" ತಂಗಿಯ ಕೆನ್ನೆ ಸವರಿ ಹೇಳಿದ.
+ಅವಳು ಬಾಯಿಗೆ ಕೈ ಅಡ್ಡ ಹಿಡಿದು ಬಿಕ್ಕಿದಳು.
+ಗುರುತು ಹಿಡಿಯಲಾರದಷ್ಟು ಪೇಲವವಾಗಿದ್ದೊಂದು ಪೂಜಾಗೆ ಭಯ.
+ಕನ್ನಡಿಯ ಮುಂದೆ ನಿಂತಾಗಲೆಲ್ಲ ಹೃದಯ ಒಡೆದು ಹೋಗುತ್ತಿತ್ತು.
+ದುಂಡಗಿನ ನವಿರಾದ ಕೆನ್ನೆಗಳ ಬಣ್ಣ ಪೂರ್ತಿ ಮಸುಕಾಗಿತ್ತು.
+"ಯಾಕೆ ಅಳ್ತಾ ಇದ್ದೀಯಾ ?
+ಇಂಥ ಲವ್‌ ಅಫೇರ್ಸ್‌ನ ಸಾಕಷ್ಟು ನೋಡಿದ್ದೀನಿ.
+ನೀವೇನು ವರ್ಷಾನು ಗಟ್ಟಲೆ ಪ್ರೇಮಿಸ್ಲಿಲ್ಲ.
+ಈ ಮನೆಗೆ ಅವನ ಪರಿಚಯವಾಗಿ ಹದಿನೈದು ತಿಂಗಳಷ್ಟೆ.
+ನೀವುಗಳು ಓಡಾಡಿದ್ದು ಅಷ್ಟರಲ್ಲೇ ಇದೆ.
+ಅವ್ನು ಸ್ನೇಹ ಅಂದ್ರೇ, ನೀನು ಪ್ರೇಮ ಅಂತೀಯಾ ? ಅದೆಲ್ಲ. . . ಹಾಳಾಗ್ಲಿ!
+ಮಧು ಮನೆಯವ್ರು ತುಂಬ ಒಳ್ಳೆ ಜನ.
+ಹೆಣ್ಣು ಮಕ್ಳುನ ಹೆತ್ತ ಜನ.
+ನಿನ್ನ ಚೆನ್ನಾಗಿ ನೋಡ್ಕೋತಾರೆ.
+ಡೋಂಟ್‌ ವರೀ.
+ಹಳೆ ವಿಷ್ಯಗಳನ್ನೆಲ್ಲ ನಿನ್ತಲೆಯಿಂದ ತೆಗ್ದು ಬಿಸಾಕು" ಅನುನಯಿಸಿದ ತಂಗಿಯನ್ನು.
+ಅಣ್ಣನ ಕೈಗಳಿಂದ ಮುಖ ಮುಚ್ಚಿಕೊಂಡು ಬಿಕ್ಕಿದಳು.
+"ನಾನು, ನನ್ಮುಖ ಹೇಗಾಗಿದೆ ನೋಡು.
+ಅವ್ರು ನನ್ನ ಒಪ್ಕೋಬೇಕಲ್ಲ " ಅವಳು ಭಯವನ್ನು ಸ್ಪಷ್ಟಪಡಿಸಿದಾಗ ಸಮಾಧಾನದ ಉಸಿರು ದಬ್ಬಿದ ಮೂರ್ತಿ ಎದೆಯ ಮೇಲೆ ಕೈ ಇಟ್ಟುಕೊಂಡ.
+"ಇನ್ನೊಂದು ತಿಂಗಳಲ್ಲಿ ನೀನು ಮೊದ್ಲಿನ ಪೂಜಾನೇ.
+ನೀನು ಮನಸ್ಥೈರ್ಯ ತುಂಬ್ಕೋಬೇಕು.
+ಆಗ ನಿನ್ನ ಮುಖದಲ್ಲಿ ಕಳೆ ಮೂಡುತ್ತೆ."ಧೈರ್ಯ ತುಂಬಿದ.
+ಪೂಜಾಳಿಗೆ ಭಯವೆನಿಸಿತು.
+ಫೋಟೋದಲ್ಲಿನ ಚೆಂದದ ಚೆಲುವೆ ಈಗಿಲ್ಲವೆನಿಸಿತು.
+ಅವಳು ಬೇಗ ಚೇತರಿಸ್ಕೋಬೇಕು.
+ಹೇಗೆ ?ಡಾಕ್ಟರ್‌ಪ್ರಕಾರ ಕಾಲಾವಕಾಶ ಬೇಕಿತ್ತು.
+ಯುಗಂಧರ್‌ ರಾತ್ರಿ ಎಲ್ಲಾ ಮಲಗಿದ ಮೇಲೆ ಮಗನ ಬಳಿ ಈ ಪ್ರಸ್ತಾಪವೆತ್ತಿದರು  "ಪೂಜಾ ಭಯದಲ್ಲಿ ಸತ್ಯವಿದೆ.
+ಅವ್ಳ ಕಣ್ಣುಗಳು ಎಷ್ಟೊಂದು ಕಳಾಹೀನವಾಗಿದೆ.
+ಸಧ್ಯಕ್ಕೆ ಅವ್ನು ಪೂಜಾನ ವಿವಾಹವಾಗದಿದ್ದರೂ ಪರವಾಗಿಲ್ಲ,
+ತಕ್ಷಣ ಮದ್ವೆಯಾಗಿ ಷಾಕ್‌ ಕೊಡ್ಬಾರ್ದಿತ್ತು.
+ಅವ್ಳ ಭವಿಷ್ಯನ ಹಾಳು ಮಾಡ್ದಾ !"ಕೈ ಕೈ ಹಿಸುಕಿಕೊಂಡರು.
+“ಹಾಗೇನಾಗೋಲ್ಲ !ಪೂಜಾ ಬೇಗ ಚೇತರಿಸ್ಕ್ಯೋತಾಳೆ.
+ಅವ್ಳು ಹೊಟ್ಟೆಗೆ ಸರ್ಯಾಗಿ ಫುಡ್‌ ತಗೊಂಡರೇ ಬೇಗ ಚೇತರಿಸ್ಕೋತಾಳೆ.
+ಆ ಬಗ್ಗೆ ನಾವು ಯೋಚಿಸಬೇಕು.
+ಡಾ|| ನವೀನ್‌ನ ಮರೆತಿದ್ದಾಳೆ.
+ಸಧ್ಯಕ್ಕೆ ಅಷ್ಟು ಸಾಕು.
+ಅಂತು ಬೇರೆಯವುನ್ನ ಕೈ ಹಿಡ್ಕೋಕೆ ಸಿದ್ಧಾಂತ ತಿಳಿದಂಗಾಯ್ತು."
+ಮಗನ ಮಾತು ಅವರಿಗೂ ಸರಿಯೆನಿಸಿತು.
+ತಂದೆ, ಮಗ ಎಷ್ಟೋ ಹೊತ್ತು ಕೂತು ಮಾತಾಡಿದರು ಮನ ಬಿಚ್ಚಿ.
+ಮುಂದೆ ಚಾರುಲತಳೊಂದಿಗೆ ಸಂಸಾರ ನಡೆಸುವ ಆಸೆ ಇಲ್ಲವೆಂದು ಸ್ಪಷ್ಟಪಡಿಸಿದ ಮೂರ್ತಿ.
+ಮರುದಿನ ಇವನು ಬಸ್‌ ಸ್ಟಾಂಡ್‌ಗೆ ಹೊರಟಾಗ ಸ್ಕೂಟರ್‌ನಲ್ಲಿ ಎದುರಾದ ಡಾ| ನವೀನ್‌ ನಿಲ್ಲಿಸಿದ.
+"ನಿನ್ನನ್ನೇ ನೋಡೋಣಾಂತ ಬಂದೆ" ಎಂದ. 
+“ಅಗತ್ಯವಿಲ್ಲ. ಇಬ್ಬರ ಸಮಯನ ಅನಗತ್ಯವಾಗಿ ವೇಸ್ಟ್‌ ಮಾಡಿಕೊಳ್ಳೋದ್ಬೇಡ ಬರ್ತಿನಿ. . . ” ತನ್ನ ಪಾಡಿಗೆ ತಾನು ನಡೆದ.
+ಅವನಲ್ಲಿ ಯಾವುದೇ ಬದಲಾವಣೆ ಇಲ್ಲ.
+ಸಧ್ಯಕ್ಕೆ ಚಾರುಲತನ ಅವನು ಕರೆದೊಯ್ಯಲಾರ.
+ಮುಂದೇನು `?ಕೋರ್ಟುಮೆಟ್ಟಲು ಹತ್ತಬೇಕು.
+ಅದಕ್ಕೆ ಚಾರುಲತ ಸಮೃತಿ ಇಲ್ಲ.
+ಒಂದೊಂದು ತೀರದಲ್ಲಿ ಒಬ್ಬೊಬ್ಬರು.
+ಅರ್ಧ ದಿನ ನರ್ಸಿಂಗ್‌ ಹೊಂಗೆ  ರಜ ಹಾಕಿದ್ದರಿಂದ ನೇರವಾಗಿ ಮನೆಗೆ ಬಂದ.
+ಇದ್ದಿದ್ದು ವಾಸುದೇವಯ್ಯನವರೊಬ್ಬರೇ.
+"ನೀರದ ಎಲ್ಲಿ ?" ಎಂದ.
+“ಎದುರು ಮನೆಗೆ ಹೋಗಿದ್ದಾಳೆ” ಸಹಜವಾಗಿ ಹೇಳಿದರು.
+ಅವನ ಮೈ ಬೆಂಕಿಯಾಯಿತು.
+ಅವಳು ಯಾವ ದುರುದ್ದೇಶದಿಂದ ಹೋಗದಿದ್ದರೂ ಅಸಹನೀಯವೆನಿಸಿತು.
+“ಮೂರ್ಹೊತ್ತು ಅಲ್ಲೇನು ಕೆಲ್ಸ ?
+ಅಪ್ಪ ಇನ್ನಾದ್ರೂ ನೀವು ಮನೆ ಕೆಲ್ಸ ಮಾಡೋದು ನಿಲ್ಲಿಸ್ತೀರಾ !
+ಇಲ್ಲಿ ಕೈ ತುಂಬ ಕೆಲ್ಸವಿದ್ದರೇ ಅಲ್ಲಿಗ್ಯಾಕೆ ಹೋಗ್ತಾಳೆ?
+ಇರೋವರ್ಗೂ ಚಾರು ಮಾಡ್ತಾಳೆ.
+ಮಿಕ್ಕಿದ್ದು ನೀವು ಮಾಡ್ತೀರಾ.
+ಯಾಕೋ ಯಾವುದು  ಸರಿ ಹೋಗ್ಲಿಲ್ಲ" ಸಿಡುಕುತ್ತ ರೂಮಿಗೆ ಹೋದ.
+ಅಷ್ಟರಲ್ಲಿ ಬಂದ ನೀರದ ಅತ್ತಿಗೆ “ಸಕ್ಕರೆ ತಗೊಂಡ್ಹೋಗ್ತೀನಿ”' ಎನ್ನುತ್ತ ಅಡಿಗೆಯ ಮನೆಗೆ ಹೋದವರೇ ಡಬ್ಬದಲ್ಲಿದ್ದ ಸಕ್ಕರೆಯನ್ನು ದೊಡ್ಡ ಬಾಟಲಿಗೆ ಬಗ್ಗಿಸಿಕೊಂಡು ಹೋದರು.
+ಇಬ್ಬರು ಮಗಂದಿರ ದುಡಿಮೆಯ ಜೊತೆಗೆ ಗಂಡನ ಪೆನ್‌ಷನ್‌ ಕೂಡ ನೀರದ ಅಮ್ಮನ ಕೈ ಸೇರುತ್ತಿತ್ತು.
+ಶ್ರೀಮಂತಿಕೆ ಇಲ್ಲದಿದ್ದರೂ ಪರದಾಟವಂತು ಇರಲಿಲ್ಲ.
+ಕೆಟ್ಟ ಜನರು ಅಲ್ಲದಿದ್ದರೂ ವಿವಾಹವಾದ ಮೇಲೆ ಸದಾ ಬಂದುಕೂಡುವ ನಾದಿನಿಯ ಮೇಲೆ ಸಿಟ್ಟು.
+ಅದಕ್ಕೆ ಈ ರೀತಿ ಸೇಡು ತೀರಿಸಿಕೊಳ್ಳುತ್ತಿದ್ದರು.
+ಟವಲು ಹೆಗಲ ಮೇಲೆ ಹಾಕಿಕೊಂಡು ಬಂದ ನವೀನ್‌ "ಅಪ್ಪ, ನೀವಾದ್ರೂ ನಂಗೆ ಬುದ್ಧಿ ಹೇಳ್ಬೇಕಿತ್ತು.
+ನಂಗೆ ಈಗಾಗ್ಲೇ ಜೀವನ ರೋಸಿ ಹೋಗಿದೆ.
+ಯಾಕೆ ಮದ್ವೆ. . . ಮದ್ವೇಂತ ಸಾಯ್ವಾರೋ ?
+ಏನಿದೆ ಇದ್ರಲ್ಲಿ ಮಣ್ಣಾಗಟ್ಟಿ !"ಜೊರು ದನಿಯಿಂದಲೇ ಗೊಣಗಿದ್ದು ಬಂದ ನೀರದ ಕಿವಿಗೆ ಬಿತ್ತು.
+ಅವಳ ಮೈಪೂರ್ತಿ ತಣ್ಣಗಾಯಿತು.
+ಅವಳು ಸದಾ ಗಂಡ ಬರುವ ವೇಳೆಗೆ ಮನೆಯಲ್ಲಿರಬೇಕೆಂದು ಅಂದುಕೊಳ್ಳುತ್ತಿದ್ದರೂ ಆಗುತ್ತಿರಲಿಲ್ಲ.
+ಅದಕ್ಕೆ ಅವಳ ಮೈ ಮರೆವು ಕಾರಣವಿರಬೇಕು.
+ಇಲ್ಲ, ತಾಳಿ ಬಿಗಿದಾಗಿತ್ತು ದಾಂಪತ್ಯ ಸುಖ ಉಂಡಾಗಿತ್ತು.
+ಮತ್ತೇನು ಎನ್ನುವ ಉತ್ಪೇಕ್ಷೆಯೇನೋ |!
+“ಅಲ್ಲೇ ಇದ್ಬಿಡು ಇಲ್ಲಿಗ್ಯಾಕೆ ಬರ್ತೀಯಾ ?
+ಇದನ್ನೇನು ಗೆಸ್ಟ್‌ಹೌಸ್‌ ಅಂತ ತಿಳ್ಕೊಂಡಿದ್ದೀಯಾ” ರೇಗಿದ ದುರ ದುರ ನೋಡುತ್ತ.
+"ಅಮ್ಮ. . . " ಎಂದಳು.
+“ಹೌದು, ನಿಮ್ಮಮನಿಗೆ ಕಾಯಿಲೆ.
+ಇನ್ನಷ್ಟು ಮಾತಾಡಿ ಅವ್ರ ನೆಮ್ದಿ ಕೆಡಿಸ್ತಾ ಇರೋಳು ನೀನೇ.
+ಅಲ್ಲೇನು ಕೆಲ್ಸ ?
+ಅಲ್ಲಿನ ಭ್ರಮೆಯಲ್ಲೇ ಇರಬೇಕಾದರೆ ನಿಂಗೆ ವಿವಾಹ ಯಾಕೆ ಬೇಕಿತ್ತು ?" ಯದ್ವಾ ತದ್ವಾ ಕೂಗಾಡಿದ.
+ತಂದೆಯ ಎದುರು ದನಿ ಇಷ್ಟು ಎತ್ತರಕ್ಕೆ ಏರಿಸಿದ್ದು ಇಂದೇ.
+ಅವನ ಸಹನೆ ಸತ್ತುಹೋಗಿತ್ತು.
+ಬಂದ ವಾಸುದೇವಯ್ಯ ಸೊಸೆಗೆ ಒಳಗೆ ಹೋಗುವಂತೆ ಸನ್ನೆ ಮಾಡಿ ಮಗನತ್ತ ತಿರುಗಿ “ಏನೋ. . . . ಇದು ?
+ಇಷ್ಟರ ಮಟ್ಟಿಗೆ ಕೂಗಾಡುವಷ್ಟು ಹಳೆದಾಗಿಬಿಟ್ಟಿದ್ಯಾ, ನಿಮ್ಮ ದಾಂಪತ್ಯ ?
+ಎದುರು ಬದರು ಮನೆ ಒಂದು ಕಾರಣವಾದರೇ,ಅವಳಮ್ಮನಿಗೆ ಕಾಯಿಲೆ. 
+ಇದು. ಮತ್ತೊಂದು ಕಾರಣ.
+ಸರ್ಯಾದ ಸಮಯ ನೋಡಿ ಮೆಲ್ಲಗೆ ಹೇಳು.
+ತಾನೇ ತಿದ್ದಿಕೋತಾಳೆ" ಹೇಳಿದರು ನಿಧಾನವಾಗಿ.
+ಈಗ ಮಗಳು ಒಂಟಿ ಪಕ್ಷಿ.
+ಒಂದೇ ರೆಕ್ಕೆಯಿಂದ ಹಾರಾಡುವ ಹಕ್ಕಿ - ಈಸ್ಥಿತಿಯಲ್ಲಿ ಇವರಿಬ್ಬರ ನಡುವಿನ ಅನ್ಯೋನ್ಯತೆ ಹಾಳಾಗುವುದು ಬೇಕಿರಲಿಲ್ಲ.
+ಇನ್ನಷ್ಟು ಮುಖ ದಪ್ಪಗೆ ಮಾಡಿಕೊಂಡು ಎದ್ದು ಹೋದ ನವೀನ್‌.
+ನರ್ಸಿಂಗ್‌ಹೋಂನಲ್ಲಿ ಏನೇನು ಸರಿಯಾಗಿರಲಿಲ್ಲ.
+ಅದು ಒಂದು ಜಾತಿಯ ವರ್ಗದ ನರ್ಸಿಂಗ್‌ಹೋಂ ಆಗಿತ್ತು.
+ಒಬ್ಬ ಮಠದ ಸ್ವಾಮಿಗಳು ಅದರ ದಾಯತ್ವಹೊಂದಿದ್ದರಿಂದ ಆ ಮನುಷ್ಯನ ಮಾತೇ ಪ್ರಧಾನ.
+ಅವರ ಹೇಳಿಕೆಯಂತೇ ನಡೆಯಬೇಕು ನರ್ಸಿಂಗ್‌ ಹೋಂ.
+ಕೆಲವೊಮ್ಮೆ ಪೇಷಂಟ್‌ಗಳ ಬಿಲ್‌ಗಳು ಕೂಡ ಅವರ ಅಣತಿಯಂತೆ ಸಿದ್ಧವಾಗುವುದು ಕೂಡ ಒಂದು ಅದ್ಭುತ.
+ಇವನೆ ಕೊಲೀಗ್ಸ್‌ ಮಠದ ಭಕ್ತರಾದುದರಿಂದ ಅವರ ಸಂಬಳವು ಕೂಡಹೆಚ್ಚು.
+ಅವರಿಗೆ ಸಿಗುವ ಕೆಲವು ರಿಯಾಯಿತಿಗಳು ಇವನಿಗೆ ಸಿಕ್ಕಿರಲಿಲ್ಲ.
+ ಎಂ.ಎಸ್‌. ಮಾಡುವುದು ಅವನ ಗುರಿಯಾದರೂ ಸೀಟು ಸಿಕ್ಕಿರಲಿಲ್ಲ.
+ಧನಬಲ-ಅಂಥದ್ದು ಇಲ್ಲದಿದ್ದರಿಂದ ಅವೆಲ್ಲ ಗಗನ ಕುಸುಮ.
+ಅವನಿಗೂ ಕೂಡ ಭವಿಷ್ಯದ ಬಗ್ಗೆ ಭಯ ಉಂಟಾಗಿತ್ತು.
+ಚಾರುಲತ ಬಂದ ಕೂಡಲೇ ಮನೆಯ ಗಾಂಭೀರ್ಯ ಗಮನಿಸಿ ಒಂದಿಷ್ಟುಅಳುಕಿದ್ದು ಸಹಜವೇ.
+ನೀರದ, ನವೀನ್‌ನ ಮಧ್ಯೆ ಸರಿ ಇಲ್ಲವೆನಿಸಿತ್ತು.
+ತಂದೆಯ ರೂಮಿನಲ್ಲಿ ಇಣಕಿದಳು ನಿಶ್ಶಬ್ಧವಾಗಿತ್ತು.
+ಅವರು ಹಣೆಯನ್ನು ಅಮುಕಿಕೊಳ್ಳುತ್ತಿದ್ದರು.
+ನವೀನ ಅವನ ರೂಮಿನಲ್ಲಿ ಮುಖ ಗಂಟಿಕ್ಕಿ ಕೂತಿದ್ದರೇ ನೀರದ ಅಡಿಗೆ ಮನೆಯ ನೆಲದ ಮೇಲೆ ಕೂತು  ಕಣ್ಣೀರು ಹಾಕುತ್ತಿದ್ದಳು.
+ಸೆಂಟಿಮೆಂಟ್‌ನ ಒಂದು ಚಲನ ಚಿತ್ರದ ದೃಶ್ಯದಂತೆ.
+ಇವಳು ಬಂದು ಹಾಲ್‌ನಲ್ಲಿ ಕೂತಳು.
+ಅಲ್ಲಿಗೆ ಕೆಲಸಕ್ಕೆ ಬರುವ ಹೆಚ್ಚು ವಿದ್ಯಾವಂತ ಹೆಣ್ಣುಗಳು ಕೂಡ ಗಂಡ, ಅತ್ತೆ-ಮಾವ ಕಡೆಗೆ ಅಪ್ಪ, ಅಮ್ಮ ಅಣ್ಣ, ತಮ್ಮಂದಿರಿಂದ ಶೋಷಿತಗೊಂಡವರೇ.
+ಒಬ್ಬೊಬ್ಬರದು ಒಂದೊಂದು ಕತೆ.
+ಇಲ್ಲ ಅಂಥ ಹೆಣ್ಣುಗಳನ್ನ ಆಯ್ಕೆ ಮಾಡಿ ಕೆಲಸ ಕೊಟ್ಟರಾ ?
+ಒಂದೊಂದು ಕಾದಂಬರಿಯಲ್ಲು ಪ್ರಧಾನ ಪಾತ್ರಧಾರಿ ಹೆಣ್ಣೇ ದಟ್ಟವಾಗಿ ಅವಳ ಪಾತ್ರವೆ ಓದುಗರ ಮನಸ್ಸಿನಲ್ಲಿ ನಿಲ್ಲುವುದು.
+ಎಷ್ಟೋ ಹೊತ್ತು ಚಿಂತಿಸುತ್ತ ಒಳಗೆ ಬಂದರೂ ಒಳಗಿನ ಮೌನ ಕರಗಿರಲಿಲ್ಲ.
+ಮೊದಲಿಗಿಂತ ಹೆಚ್ಚಾಗಿ ನರ್ಸಿಂಗ್‌ಹೋಂನಲ್ಲಿ ನವೀನ್‌ಗೆ ನೈಟ್‌ ಡ್ಯೂಟಿ ಇರುತ್ತಿತ್ತು.
+ಮುಖ ಮೇಲೆತ್ತಿ ಗಹಗಹಿಸುವ ಅವನ ನಗೆಯೇ ಕಡಿಮೆಯಾಗಿತ್ತು.
+ಮರು ದಿನ ಸಿಟಿ ಬಸ್ಸಿನಿಂದ ಇಳಿದು ಬರುತ್ತಿರುವಾಗ ಕಮಲ ಸಿಕ್ಕಿದ್ದು ಆಕಸ್ಮಿಕವೇ.
+ಏದುಸಿರು ಬಿಡುತ್ತ ಬಂದು ಮಾತಾಡಿಸಿದಳು.
+“ನಿನ್ನ ಮೀಟ್‌ಮಾಡ್ಬೇಕೂಂತ ಒಂದ್ವಾರದಿಂದ ಪ್ಲಾನ್‌ ಮಾಡ್ತಾ ಇದ್ದೀನಿ.
+ಆಗ್ಲೇ ಇಲ್ಲ ! ಏನಾದ್ರೂ ಒಂದು ತಾಪತ್ರಯ.
+ಹೇಗಿದ್ದೀ ?"ಸ್ನೇಹದಿಂದ ಕೇಳಿದಳು.
+“ನಾನು ಓಕೇ.
+ಆದರೆ ನಾನು ಮಾಡೋಂಥ ಸಹಾಯವೇನು ?
+ಮನೆಗೆ ಬರ್ತೀಯಾ ?” ಅತ್ತಿತ್ತ ನೋಡಿದ ಚಾರುಲತ “ರೆಸ್ಟೋರೆಂಟ್‌ ನಲ್ಲಿ ಕೂತು ಮಾತಾಡೋಣ.
+ನೀನು ಮಹಾನ್‌ ಸುಸ್ತಾದಂಗೆ ಕಾಣ್ತೀಯಾ?"
+ಸೂಚಿಸಿದ್ದು ಸ್ವಲ್ಪ ನಿಧಾನವಾಗಿ ಮನೆಗೆ ಹೋಗುವ ಸಲುವಾಗಿಯೇ.
+ನೀರದ, ಅಣ್ಣನಿಗೆ ಸಾಕಷ್ಟು ಏಕಾಂತ ಸಿಕ್ಕಿ ಪರಸ್ಪರ ಚರ್ಚಿಸಿ ಅವರಲ್ಲಿನ ಡಿಫರೆನ್ಸ್‌ ಹೋಗಲಾಡಿಸಿಕೊಳ್ಳಲಿ ಎನ್ನುವುದು ಅವಳ ಉದ್ದೇಶ.
+ಅದೊಂದು ಗಾರ್ಡನ್‌ ರೆಸ್ಟೋರೆಂಟ್‌.
+ಇಬ್ಬರು ಹೋಗಿ ಮೂಲೆಯಲ್ಲಿನ ಖಾಲಿಯಾದ ಟೇಬಲ್ಲು ಹಿಡಿದರು.
+ಐದು ನಿಮಿಷದ ನಂತರ ಬೇರರ್‌ಬಂದ.
+"ಮೆನು ಬೇಡ, ಏನಿದೇಂತ ಹೇಳಿದ್ರೆ ಸಾಕು" ಎಂದಳು ಕರ್ಚಿಫ್‌ನಿಂದ ಕೈಯೊರೆಸುತ್ತ.
+ಅವನು ಸಿಕ್ಕಾಪಟ್ಟೆ ಹೇಳಿದಾಗ "ಅದೇನು ಬೇಕೋ, ಹೇಳು ಈಗ ಬರ್ತಿನಿ" ಲೇಡಿಸ್‌ ಟಾಯ್‌ಲೆಟ್‌ನತ್ತ ನಡೆದಳು.
+ಈಗ ಅವಳ ಸಂಬಳ ಬ್ಯಾಗ್‌ನಲ್ಲಿತ್ತು.
+ಒಂದು ರೀತಿಯ ಖುಷಿ.
+ಅಪ್ಪನಿಂದ, ಅಣ್ಣನಿಂದ ಗಂಡನಿಂದ ಹಣ ಪಡೆದು ಗೊತ್ತಿತ್ತೇ ವಿನಃ ಅವಳು ದುಡಿದು ಗಳಿಸಿರಲಿಲ್ಲ.
+ಈಗ ಸಂಬಳ ಕೈಸೇರಿದಾಗ ಬೇಕೆನಿಸಿದ್ದನ್ನೆಲ್ಲ ತಂದೆ, ಅಣ್ಣ, ನೀರದಾಗಾಗಿ ಸಣ್ಣ ಪುಟ್ಟದ್ದನ್ನು ಖರೀದಿಸಿದಾಗ ಆಕಾಶದಲ್ಲಿ ಹಾರಾಡಿದಂತಾಗಿತ್ತು.
+ಕೈ ತೊಳೆದು ಬಂದಾಗ ಕಮಲ ಆರ್ಡರ್‌ ಮಾಡಿ ಕೂತಿದ್ದಳು.
+"ನಾನಂತೂ ವೆಜಿಟೆಬಲ್‌ ಕಟ್‌ಲೆಟ್‌, ಬಾಸುಂದಿಗೆ ಹೇಳ್ದೇ.
+ನಿಂಗೇನು ಬೇಕಾಗಿತ್ತೋ" ಎಂದಾಗ ಛೇರ್‌ ಹಿಂದಕ್ಕೆ ಸರಿಸಿ ಕೂತ ಚಾರುಲತ  "ನಂಗೇನು ರೆಸ್ಟೋರೆಂಟ್‌ಗೆ ಬಂದು ತಿಂಡಿ ತಿನ್ನೋ ಉದ್ದೇಶವೇನು ಇದ್ದಿಲ್ಲ.
+ನಿನ್ನ ಕಂಪನಿಗೋಸ್ಕರ ತಿನ್ನೋದು.
+ನನ್ನ ಅತ್ತಿಗೆ ನೀರದ ತಂದ್ಕೊಟ್ಟ ಪ್ಲೇಟ್‌ನ ತಿಂಡಿ ಖಾಲಿ ಮಾಡದಿದ್ದರೇ ಬೇಜಾರು ಮಾಡ್ಯೋತಾರೆ" ಅಂದಳಷ್ಟೆ.
+ಎರಡು ನಿಮಿಷ ಮೌನವಾಗಿ ತಲೆ ತಗ್ಗಿಸಿ ಕೂತ ಕಮಲ "ನಂಗೊಂದು ಕೆಲಸ ಕೊಡಿಸ್ತೀಯಾ ?
+ಮನೆಯಲ್ಲಿ ಬೋರಿಡಿದು ಹೋಗಿದೆ.
+ಹಾಳು ಸಂಪ್ರದಾಯಗಳು ಸಾಯ್ಲಿ.
+ನಿನ್ನ ಜೀವ್ನ ನೋಡಿದ್ಮೇಲೆ ನಂಗೆ ವಿವಾಹದ ಬಗ್ಗೆ ಆಸಕ್ತಿನೇ ಹೋಗಿದೆ.
+ನೀನೂಂದರೇ ಪ್ರಾಣ ಬಿಡ್ತಾ ಇದ್ದ ಮೂರ್ತಿ, ಈಗ ಯಾವ ತರಹ ನಡ್ಕೋತಾರೆ ನೋಡು.
+ಸ್ವಲ್ಪ ಕೂಡ ಅನುಸರಣೆ ಬೇಡ್ವಾ?"ಬೇಸರ ವ್ಯಕ್ತಪಡಿಸಿದಳು.
+ಚಾರುಲತ ತುಟಿಗಳು ಕಚ್ಚಿ ಕೂತವು.
+ಅವಳೆದೆಯಲ್ಲಿ ದೊಡ್ಡ ಅಗ್ನಿಕುಂಡವಿದ್ದರೂ ಹೊರ ಮುಖಕ್ಕೆ ಶಾಂತವಾಗಿದ್ದು ಹೆಚ್ಚು ಪ್ರಯಾಸದಿಂದಲೇ.
+"ಯಾರದೋ ಒಬ್ಬರ ಜೀವನ ನೋಡಿ ಇಡೀ ವ್ಯವಸ್ಥೆಯ ಬಗ್ಗೆಯೇ ಒಂದುನಿರ್ಧಾರಕ್ಕೆ ಬಂದು ಬಿಡೋದು ತಪ್ಪು.
+ನೀನು ಕೆಲ್ಸದ ಬಗ್ಗೆ ಆಸಕ್ತಿ ವಹಿಸೋದೇನುತಪ್ಪಲ್ಲ.
+ಒಮ್ಮೆ ನನ್ಜೊತೆ ಬಾ.
+ಅಪ್ಲಿಕೇಷನ್‌ ಅಂಥದ್ದೇನ್ಬೇಡ.
+ನಮ್ಮ ಎಂ.ಡಿ.ದು ನೇರ ಇಂಟರ್‌ವ್ಯೂ.
+ಸ್ವಲ್ಪ ಹೆಚ್ಚು ಶಿಸ್ತಿನ ಮಹಿಳೆ.
+ಅಂತು ಒಂದು ಪ್ರಯತ್ನ ಮಾಡ್ಬಹುದು" ಸಲಹೆ ಕೊಟ್ಟಳು.
+ಕಮಲ ಹೂಗುಟ್ಟಿದ್ದು ಮೌನವಾಗಿಯೇ.
+ವೆಯಿಟರ್‌ ತಂದಿಟ್ಟ ವೆಜಿಟೇಬಲ್‌ ಕಟ್‌ಲೆಟ್‌ ಮತ್ತು ಬಾಸುಂದಿ ತಿಂದನಂತರ ಇಬ್ಬರು ತರಿಸಿಕೊಂಡು ಕುಡಿದಿದ್ದು ಕಾಫಿ
+“ನನ್ನ ಹುಡ್ಗಿ ಐಸ್‌ಕ್ರೀಮ್‌ ಹುಡ್ಗಿಯಲ್ಲ” ಮೂರ್ತಿ ಕಣ್ಣಲ್ಲಿ ಕಣ್ಣಿಟ್ಟು ಹೇಳುತ್ತಿದ್ದ ಮಾತು ನೆನಪಾಯಿತು.
+ಅವಳ ಹೃದಯ ದ್ರವಿಸಿತು.
+ಹತ್ತಿಕ್ಕಲಾರದ ನೋವು, ಸಂಕಟ.
+ತಟ್ಟನೆ ಎದ್ದು ಹೋಗಿ ಕೈ ತೊಳೆಯುವ ನೆಪದಲ್ಲಿ ಕಣ್ಣೀರು ತೊಡೆದುಕೊಂಡು ಬಂದಳು.
+ಬಂದ ವೆಯಿಟರ್‌ಗೆ  "ಎರ್ಡು ಐಸ್‌ಕ್ರೀಮ್‌'"ಎಂದಿದ್ದು ಕಮಲಾನೇ.
+ಅವಳಿಗೆ ಇನ್ನಷ್ಟು ಮಾತಾಡುವುದಿತ್ತು.
+“ಮುಂದೇನು ಮಾಡ್ಬೇಕೂಂತ ಇದ್ದೀಯಾ ?”ಕೇಳಿದಳು ಗಂಭೀರವಾಗಿ.
+“ಐಸ್‌ಕ್ರೀಮ್‌ ತಿಂದು ಮುಗ್ಸಿ ಮನೆಗೆ ಹೋಗೋ ಪ್ರೋಗ್ರಾಂ ಅಷ್ಟೆ”ಅಂದಳು ಮುಗುಳ್ನಗೆ ಚೆಲ್ಲುತ್ತ.
+"ಅದಲ್ಲ, ಪೂಜಾನ ಕರ್ಕಂಡ್‌ ಆಂಟೀ,ಅಂಕಲ್‌ ಬಂದಿದ್ದಾರೆ.
+ಬೇರೆ ನೆಪದಲ್ಲಾದ್ರೂ ಹೋಗಿ ನೋಡ್ಬೇಕಿತ್ತು.
+ನಿನ್ನ ನಿಸ್ಸಾಹಾಯಕತೆಯನ್ನು ಅವ್ರ ಮನಸ್ಸಿಗೆ ಮುಟ್ಟೋ ಹಾಗೆ ಹೇಳ್ಕೋ ಬೇಕಿತ್ತು" ಇಂಥ ಒಂದು ಸಲಹೆಯನ್ನು ಅಂಜುತ್ತ ಕೊಟ್ಟಿದ್ದು ಕಮಲ.
+"ಅಂತು ಅಲ್ಲೊಂದು ಫಿಲಂ ಸೀನ್‌ ಕ್ರಿಯೇಟ್‌ ಮಾಡ್ಬೇಕು.
+ಸುಮ್ಮೆ ಏನೇನೋ ಮಾತಾಡ್ಬೇಡ.
+ಬೇಗ ಐಸ್‌ಕ್ರೀಮ್‌ ಖಾಲಿ ಮಾಡು" ಎಂದಳು ಅನಾಸಕ್ತಿಯಿಂದ.
+ಕಮಲ ತಡೆಯಲಾರದೆ ಅವಳು ಮೂರ್ತಿಯನ್ನು ಭೇಟಿ ಮಾಡಿದ್ದು, ಅಲ್ಲಿ ನಡೆದ ಮಾತುಕತೆಯನ್ನು ಚಾಚು ತಪ್ಪದೇ ಹೇಳಿದಳು.
+“ನೀನು ಗಂಡನ ಕಡೆ ನಿಲ್ಲಬೇಕಿತ್ತು” ಎಂದಳು ಕಮಲ.
+“ಆ ಮಾತುಗಳು ತುಂಬ ಹಳೆಯದಾದವು.
+ಈಗ ಅವೆಲ್ಲ ಬೇಡ ಹೆತ್ತವರು-ತವರಿನ ಬಗ್ಗೆ ಹೆಣ್ಣು ಮಕ್ಳು ಅಷ್ಟು ನಿರ್ದಯಿಗಳಾಗ್ಬಾರ್ದು.
+ಈಗ ಪೂಜಾ ಹೇಗಿದ್ದಾಳೆ ?ವಿಚಾರಿಸಿದಳು.
+“ಪರವಾಗಿಲ್ಲ ಅನ್ನಿಸುತ್ತೆ.
+ಎಂಥಾ ಬಣ್ಣ, ಮುದ್ದಾದ ಮುಖ ಅವಳದು ಈಗ ವಿವಾಹದ ಮಾತುಕತೆಗಳ್ನ ಷುರು ಮಾಡಿದ್ದಾರೆ.
+ಮೂರ್ತಿ ಚೆನೈಗೆ ಹೋಗ್ಬಂದ್ರಂತೆ.
+ಇವ್ಳೇ ಚೇತರ್ಲಿಕೊಂಡಿಲ್ಲ.
+ಅದೇ ಒಂದು ಸಮಸ್ಯೆಯಾಗಿದೆ” ಅಲ್ಲಿನ ವಿಷಯಗಳನ್ನ ಚಾಚು ತಪ್ಪದೇ ತಿಳಿಸಿದಳು.
+ಪೂಜಾದು ಸ್ವಲ್ಪ ಹಟವೆಂದುಕೊಂಡರೂ ಇವಳನ್ನ ಕಂಡರೇ ಪ್ರಾಣ.
+ಹೊಸದರಲ್ಲಿ ಇವಳ ಹಿಂಬಾಲಕಳಾಗಿದ್ದಳು.
+ಎಷ್ಟೊಂದು ಆತ್ಮೀಯತೆ - ಚಾರುಲತಳ ಹೃದಯ ಭಾರವಾಯಿತು.
+ಐಸ್‌ಕ್ರೀಮ್‌ ಕೂಡ ತಿನ್ನಬೇಕೆನಿಸಲಿಲ್ಲ.
+"ಕಮಲ ಡೋಂಟ್‌ ಮೈಂಡ್‌, ಈ ಐಸ್‌ಕ್ರೀಮ್‌ ಕೂಡ ತಗೊಂಡ್ಬಿಡು.
+ನಂಗ್ಯಾಕೋ ತಿನ್ನಬೇಕೂಂತ ಅನ್ನಿಸ್ತ ಇಲ್ಲ" ಐಸ್‌ಕ್ರೀಮ್‌ ಬಟ್ಟಲನ್ನ ಅವಳ ಮುಂದಕ್ಕೆ ತಳ್ಳಿದಳು.
+ಕಮಲ ನೊಂದರೂ ತಿಂದು ಮುಗಿಸಿದ್ದು ಅವಳ ಸಹಜ ಸ್ವಭಾವ.
+ಬಿಲ್‌ ತೆತ್ತು ಇಬ್ಬರು ಹೊರಗೆ ಬಂದರು.
+“ಹೇಗೂ ಬಂದಿದ್ದೀಯಾ !
+ಮನೆವರ್ಗೂ ಯಾಕೆ ಬರ್ಬಾರ್ದು” ಕೇಳಿದಳು ಚಾರುಲತ.
+ಮೊದಲು ತಲೆಯಾಡಿಸಿದರು “ಆಯ್ತು, ಮನೆಗೆ ಹೋಗಿ ಮಾಡೋದೇನಿದೆ ?
+ಅಮ್ಮನಿಗೂ ಹೇಳೇ ಬಂದಿದ್ದೀನಿ.
+ಒಂದ್ಗಂಟೆ ಕಳೆದೇ ಹೋಗ್ತೀನಿ.
+ನಿನ್ನ ಅತ್ತಿಗೇನಾ ಸರ್ಯಾಗಿ ನೋಡೇ ಇಲ್ಲಾಂತ ಅನ್ನಿಸುತ್ತೆ.
+ನೋಡಿದಂಗಾಗುತ್ತೆ” ಅವಳ ಜೊತೆ ಹೊರಟಳು.
+ಚಾರುಲತ ಮನಸ್ಸಿಗೆ ಬರಲಿಲ್ಲ.
+ಹಾಗೆಂದು ಬರಬೇಡವೆಂದು ಹೇಳಲು ಸಾಧ್ಯವಿರಲಿಲ್ಲ.
+ಆದರೂ ಒಂದು ಮಾತು ಹೇಳಬೇಕೆನಿಸಿತು.
+“ಪ್ಲೀಸ್‌, ಆ ಮನೆಯವುರ  ಸುದ್ದಿ ಇಲ್ಲೇನು ಎತ್ತಬೇಡ.
+ಅನಗತ್ಯ ಕಹೀಅಷ್ಟೆ.” ಗೆಳತಿಯ ಮಾತಿಗೆ ಕಮಲ ಸರಿಯೆಂದಳು.
+ಆದರೂ ಅವಳಿಗೆ ಕಿರಿಕಿರಿಯೆನಿಸಿತು.
+ಅಲ್ಲೇ ನಿಂತು “ಬೇಡ ಬಿಡು, ನಾನು ಬಲವಂತವಾಗಿ ನಿಮ್ಮ ಮನೆಗೆ ಬಂದಂಗಾಗುತ್ತೆ.
+ನಾನು ಯಾವ್ದೇ ದುರುದ್ದೇಶ .
+ಇಟ್ಕೊಂಡ್‌ಬಂ ದಿದ್ದೀನೀಂತ ನೀನು ತಿಳ್ದುಕೊಳ್ಳೋದ್ಬೇಡ."
+ಅವಳ ಮಾತಿಗೆ ಚಾರುಲತ ಒಂದು ತರಹ ಮುಖ ಮಾಡಿ “ಪ್ಲೀಸ್‌ತಪ್ಪು ತಿಳ್ಕೋಬೇಡ.
+ನಂಗೆ ಅಂಥ ಭಾವನೆಯೇನಿಲ್ಲ.
+ನೀನು ಬರೀಸ್ನೇಹಿತಳಾಗಿದ್ದರೇ ಒಂದು ತರಹ, ನನ್ನ ಅತ್ತೆಯ ಮನೆಯ ಕಡೆಯ ಹತ್ತಿರದ ಬಂಧು.
+ಅಪ್ಪ, ನೀರದ, ಅಣ್ಣ ಏನಾದ್ರೂ ಕೇಳಿದ್ರೆ  ಅದು ಸಹಜ ತಾನೇ?
+ನೀನು ಸತ್ಯ ಹೇಳಿದ್ರೂ ತೀರಾ ನೊಂದಿರೋ ಅವುಗಳು ಮತ್ತಷ್ಟು ನೋಯ್ತಾರೆ.
+ಅದೆಲ್ಲ ಬೇಡಾಂತ ಅಷ್ಟೆ, ಸುಮ್ನೆ ಬಾ” ಬಲವಂತದಿಂದ ಕರೆದೊಯ್ದಳು.
+ಅವಳಪ್ಪ, ಅಣ್ಣ ಯಾರು ಇರಲಿಲ್ಲ.
+ನೀರದ ಮಾತ್ರ ಬಾಗಿಲಲ್ಲಿ ನಿಂತಿದ್ದಳು.
+ಎದುರು ಮನೆಗೆ ಹೋಗಲೇಬಾರದೆಂಬ ಕಟ್ಟಪ್ಪಣೆ ಮಾಡಿದ್ದರಿಂದ ಅವಳು ಪಾಲಿಸಲೇ ಬೇಕಿತ್ತು ಇದರಿಂದ ಅವಳಮ್ಮನಿಗೆ ಮಾತ್ರ ಕೋಪ.
+ನೀರದಾಗೆ "ಇವ್ಳು ಕಮಲಾಂತ ನನ್ನ ಫ್ರೆಂಡ್‌'" ಪರಿಚಯಿಸಿದಳು.
+"ಓಹೋ, ತುಂಬಾನೇ ಗೊತ್ತು.
+ನಿನ್ನ ಮದ್ವೆಯಲ್ಲಿ ಗಂಡಿನ ಕಡೆಯವರಾಗಿ ಹೆಚ್ಚು ಓಡಾಡಿದ್ದು ಇವ್ರೆ" ನೀರದ ಕಣ್ಣರಳಿಸಿದಳು.
+ವಿಷಯ ಬಂದೇ ಬಿಟ್ಟಿತು.
+ಕಮಲ ನಿಸ್ಸಹಾಯಕತೆಯ ನೋಟ ಬೀರಿದಳು “ಕೂತ್ಕೋ. . . ಬರ್ತಿನಿ”ಕೂಡಿಸಿ ರೂಮಿಗೆ ಹೋದಳು.
+ನೀರದ ಸ್ವಲ್ಪ ಮಾತಿನ ಪ್ರಿಯಳು.
+ಕಮಲ ಎದುರು ಕೂತಳು.
+“ಮೂರ್ತಿ ಮನೆಗೆ ಹೋಗಿದ್ರಾ ?” ಷುರು ಹಚ್ಚಿದಳು.
+“ಇಲ್ಲ, ಈಚೆಗೆ ಹೋಗಿಲ್ಲ.
+ಎಲ್ಲಾ ಮುಂಬಯಿಗೆ ಹೋಗಿದ್ರು. 
+ಬಂದರೋ. . . ಇಲ್ವೋ ಗೊತ್ತಿಲ್ಲ"ಅಷ್ಟು ಹೇಳಿದ್ದು ಕಮಲಾಗೆ ಸಾಕಿತ್ತು.
+ಇಂಚು ಇಂಚು ಅವಳ ಬಾಯಿಂದ ಬಿಡಿಸಿದಳು.
+ಚಾರುಲತ ಮುಖ ತೊಳೆದು ಹೊರಬರುವಷ್ಟರಲ್ಲಿ.
+"ಪೂಜಾ ವಿಷ ಕುಡಿದಿದ್ದರಂತಲ್ಲ !"ಇವಳತ್ತ ತಿರುಗಿದಳು.
+ಚಾರುಲತಗೆ ಗಾಬರಿಯೋ. . . . ಗಾಬರಿ.
+ ಇದು ಯಾವುದಪ್ಪ ಹೊಸ ಸುದ್ಧಿ?
+ಟವಲನ್ನು ಹೆಗಲ ಮೇಲೆ ಹಾಕಿಕೊಂಡು ಬಂದು ಅವರ ನಡುವೆ ಕೂತಿದ್ದು ಲಗುಬಗೆಯಿಂದ. 
+“ಯಾರು. . . . . ಹೇಳಿದ್ದು ?
+ವಿಷ ಕುಡಿಯೋಂಥ ಹಣೆಬರಹ ಅವಳಿಗ್ಯಾಕೆ?"
+ಚಾರುಲತ ಧಾವಿಸಿದ್ದು ಲಗುಬಗೆಯಿಂದ "ಅಲ್ಲ, ವಿಷವೇನು ಕುಡಿದಿರಲಿಲ್ಲ,ನಿದ್ದೆ ಮಾತ್ರೆ ತಗೊಂಡಿದ್ದು" ತಕ್ಷಣ ಕಮಲ ಉಸುರಿದ್ದು ಷಾಕಾಯಿತು ಅವಳಿಗೆ.
+ಇವಳನ್ನ ಕರೆತಂದು ತಪ್ಪು ಮಾಡಿದೆ ಎಂದು ಕೈ ಕೈ ಇಸುಕಿಕೊಂಡಳು.
+"ಅವೆಲ್ಲ ಯಾಕೆ ?
+ನೀರದ ನೀವ್ಹೋಗಿ ಏನಾದ್ರೂ ತಿನ್ನೋಕೆ ತನ್ನಿ" ಎಬ್ಬಿಸಿ ಬಲವಂತದಿಂದ ಅಡಿಗೆ ಮನೆಗೆ ತಳ್ಳಿ ನಿಟ್ಟುಸಿರು ಬಿಡುತ್ತ ಬಂದು ಕೂತ ಚಾರುಲತ ದಯಾನೀಯವಾಗಿ ನೋಡಿದಳು ಗೆಳತಿಯನ್ನ “ಮಹಾರಾಯ್ತಿ,ಅದ್ನೆಲ್ಲ ಯಾಕೆ ಹೇಳ್ದೆ ?
+ನೀರದ ತುಂಬ ಸೆನ್ಸಿಟೀವ್‌, ಏನಾದ್ರೂ ಕಲ್ಪಿಸಿಕೊಂಡು ನೊಂದ್ಕೋಬಹುದು"ಪರಿಸ್ಥಿತಿ ವಿವರಿಸಿದಳು.
+“ನಾನಾಗಿ ಏನು ಹೇಳಿಲ್ಲ.
+ನೀರದನೇ ಕೇಳಿದ್ದು ನೊಂದ್ಳೊಳ್ಳಿ ಬಿಡು.
+ತೀರಾ ಸಾಧಾರಣ ರೂಪಿನ ಈ ಹುಡ್ಗಿಗಾಗಿ ನಿಮ್ಮಣ್ಣ ಮಾಡಿರೋದು ದೊಡ್ಡ ತ್ಯಾಗವೇ.
+ಪೂಜಾಗೂ, ಇವ್ಳಿಗೂ ಎಲ್ಲಿಗೆಲ್ಲಿಗೆ ?"
+ಕಮಲ ಷುರು ಹಚ್ಚಿದಾಗ ಕೈಯಿಂದ ಬಾಯಿ ಮುಚ್ಚಿ  "ಮಹಾರಾಯ್ತಿ, ರೂಪವೊಂದೇ ಬದ್ಕಿಗೆ ಮುಖ್ಯವಲ್ಲ.
+ಪೂಜಾ, ನೀರದಾಗಿಂತ ರೂಪವತಿ.
+ಹಾಗಂತ ಹೋಲಿಕೆ ಮಾಡೋಕೆ ಹೋಗ್ಬೇಡ.
+ನಮ್ಮಣ್ಣನ ಕಣ್ಣಿಗೆ ಇವ್ಳೇ ಚೆಲುವೆ.
+ದಯವಿಟ್ಟು ಇನ್ನೇನು ಮಾತಾಡ್ಬೇಡ" ಎದ್ದು ಹೋದಳು ರೂಮಿಗೆ.
+ಚಟ್ನಿ ಮಾಡಿಟ್ಟು ಕಡಲೇ ಹಿಟ್ಟು ಕಲಿಸಿರಬೇಕು.
+ಐದು ನಿಮಿಷದಲ್ಲಿ ಹೀರೇಕಾಯಿ ಬೊಂಡ ತಂದಳು ಚಟ್ನಿಯೊಂದಿಗೆ.
+“ನೀವಿಬ್ರೂ ತಗೋತಾ ಇರಿ.
+ಸ್ಟೌವ್‌ ಮೇಲೆ ಎಣ್ಣೆ ಇದೆ” ನೀರದ ಒಳಗೆ ಹೋದಾಗ "ನೀರದ ತುಂಬ ಒಳ್ಳೆಯವುಳು"ಅಂದಳು ಮೈಮರೆತು ಚಾರುಲತ.
+“ನಿನ್ನಂಥ ನಾದಿನಿ ಸಿಕ್ಕರೇ, ಎಲ್ಲಾ ಅತ್ತಿಗೆಯವ್ರು ಒಳ್ಳೆಯವ್ರೆ.
+ಅಂತು ತೀರಾ ಸಾಧಾರಣ ರೂಪು.
+ಏನೇ ಹೇಳ್ಕೋ ನಿಮ್ಮಣ್ಣ ದುಡುಕಿ ಬಿಟ್ಟ.
+ತನ್ನ ಭವಿಷ್ಯ ಹಾಳು ಮಾಡಿಕೊಳ್ಳುವುದರ ಜೊತೆಗೆ ನಿನ್ನ ಬಲಿ ಪಶುವನ್ನಾಗಿಮಾಡಿಬಿಟ್ಟ” ಮನಸ್ಸು ತಡೆಯದೆ ಕಮಲ ಮಿಡುಕಿದಾಗ, ಇವಳು ಹೆಚ್ಚುಹೊತ್ತು ಇರುವುದು ಅಪಾಯವೆನಿಸಿತು.
+ತಾನೇ ಹೋಗಿ ಎರಡು ಕಪ್‌ ಬೂಸ್ಟ್‌ ಬೆರೆಸಿಕೊಂಡು ಬಂದು ಕೊಟ್ಟಳು.
+ಆದಷ್ಟು ಬೇಗ ಇವಳನ್ನು ಕಳುಹಿಸುವುದು ಕ್ಷೇಮವೆನಿಸಿತು.
+ಕೆಲವು ತಮ್ಮ ಕೈ ಮೀರಿದ್ದೆನಿಸಿತು.
+ಅಡಿಗೆ ಮನೆಗೆ ಹೇಳಿ ಬರಲು ಹೋದಾಗ, ನೀರದ ಅವಳ ಕೈಹಿಡಿದುಕೊಂಡು “ಪ್ಲೀಸ್‌, ನನ್ನಿಂದ ಎಲ್ಲಾ ಮುಚ್ಚಿಡೋಕೆ ಹೋಗ್ಬೇಡಿ.
+ಪೂಜಾ ಯಾಕೆ ನಿದ್ದೆ ಮಾತ್ರೆ ನುಂಗಿದ್ದು ?” ಕೇಳಿದಳು.
+ಅವಳ ಕಣ್ಣಲ್ಲಿ ಕಂಬನಿ ಇತ್ತು.
+"ನೀರದ, ದಯವಿಟ್ಟು ಸುಮ್ನೆ ಇರೋದು ಒಳ್ಳೇದು.
+ನಂಗೆ ಅಲ್ಲಿನ ವಿಷ್ಯ ಹೇಗೆ ಗೊತ್ತಾಗ್ಬೇಕು ?
+ಸುಮ್ನೇ ಕೆಲ್ಸ ಮುಂದುವರೆಸಿ" ಕೈ ಬಿಡಿಸಿ ಕೊಂಡು ಹೊರಗೆ ಬಂದಳು.
+ಕಮಲನ ಸಿಟಿ ಬಸ್ಸು ಹತ್ತಿಸಲು ತಾನೇ ಹೋದ ಚಾರುಲತ ದಾರಿಯಲ್ಲಿ "ಯಾವಾಗ್ಬೇಕಾದ್ರೂ ನಮ್ಮ ಮನೆಗೆ ಬಾ
+ಅಲ್ಲಿನ ಸುದ್ಧಿ ಮಾತ್ರ ಪ್ರಸ್ತಾಪಿಸೋದ್ಬೇಡ" ಎಂದಿದ್ದು ಅತ್ಯಂತ ಸ್ಪಷ್ಟವಾಗಿಯೇ.
+“ಎಲ್ಲಾ ವಿಚಿತ್ರವಾಗಿ ಕಾಣಿಸುತ್ತೆ.
+ನನ್ನಲ್ಲಿ ಯಾವ್ದೇ ದುರುದ್ದೇಶವಿಲ್ಲ.
+ನೀನು, ನಿಮ್ಮ ಮನೆಯವುರು ತಪ್ಪು ಮಾಡಿದ್ದೀರಾ.
+ಮೂರ್ತಿ ಪೂರ್ತಿ ನಿನ್ನ ಮರೆಯೋಕೆ ಮುನ್ನ ನೀನ್ಹೋಗಿ ಸೇರ್ಕೋ" ಕಮಲ ಬಡಬಡಿಸಿದಳು.
+ಚಾರುಲತ ಮಾತಾಡಲಿಲ್ಲ.
+ಅವಳನ್ನ ಬಸ್ಸು ಹತ್ತಿಸಿ ಹಿಂದಿರುಗಿದಾಗ ತೀರಾ ಮಂಕಾಗಿದ್ದಳು.
+ಪರಿಸ್ಥಿತಿಗೆ ಹೊಂದಿಕೊಳ್ಳುವ ಪ್ರಯಾಸದಲ್ಲಿ ಇದ್ದಾಗಲೇ ಕಮಲ ಬಂದು ಅವಳ ಮನಸ್ಥಿತಿಯನ್ನು ಕದಡಿದ್ದಳು.
+ಇವಳು ಬರೋದನ್ನ ಕಾದ ನೀರದ  "ನೀವು ಅಣ್ಣ ತಂಗಿ ನನ್ನಿಂದ ತುಂಬಮುಚ್ಚಿಟ್ಟು ಬಿಟ್ಟಿರಿ.
+ಎಲ್ಲಾದಕ್ಕೂ ನಾನೇ ಕಾರಣವಾದಂತಾಯಿತು" ಮುಖಕಿವಿಚಿದಳು.
+ನೇರವಾಗಿ ನೀರದಾನ ನೋಡಿದಳು.
+ಅವರಿಗೆ ಅಷ್ಟಿಷ್ಟೇನು ಎಲ್ಲಾ ಹೆಚ್ಚು ಗೊತ್ತಿತ್ತೆಂದು ಅವಳ ಭಾವನೆ.
+ದಿಢೀರೆಂದು ಅವರು ಹತ್ತಿರದ ಮಹೂರ್ತ ಇಡಲು ಅದು ಒಂದು ಕಾರಣವೇ.
+"ದಯವಿಟ್ಟು ಏನೇನೋ ಊಹಿಸ್ಕೋಬೇಡಿ.
+ಎಲ್ಲಾ ಮುಗ್ದ ಕತೆ.
+ಮತ್ತೆ ಮತ್ತೆ ಪ್ರಸ್ತಾಪಿಸಿ ರಾಡಿ ಮಾಡಿಕೊಳ್ಳೋದ್ಬೇಡಿ" ತಿಳಿ ಹೇಳಿದಾಗ ನೀರದ ಅಳಲು ಷುರು ಮಾಡಿದರು “ವಿವಾಹ ಮಾಡಿಕೊಳ್ಳೋದು ಯಾಕೆ ಹೇಳಿ?
+ಅವ್ರಿಗೆ ನನ್ನ ಸಮೀಪವೇ ಬೇಕಾಗಿಲ್ಲ.
+ಅದಕ್ಕೋಸ್ಕರನೇ ನೈಟ್‌ ಡ್ಯೂಟಿ ಹಾಕಿಕೊಳ್ಳೋದು.
+ನಂಗೆ ಅವ್ರು ತುಂಬ. . . . ತುಂಬ ಬೇಕಾದಾಗ್ಲೇ ದೂರ ಉಳಿದರೇ ಹೇಗೆ ?"ಅವಳ ಮಾತುಗಳನ್ನು ಕೇಳಿದ ಚಾರುಲತ ಕುಸಿದಳು.
+ಇದು ಮುಗ್ದೆಯೋ?
+ಮನಸ್ಸಿನಾಳದ ನೋವೋ ? ರೂಮಿನ ಒಳಗೆ ಇರಬೇಕಾದ ವಿಷಯ ಬಹಿರಂಗವಾಗುವುದು ಸರಿ ಕಾಣಲಿಲ್ಲ.
+ನೀರದ, ಇದ್ದೆಲ್ಲ ನೀವು ಯಾರಹತ್ರ  ಹೇಳ್ಕ್ಯೋಬಾರುದು.
+ನಿಮ್ಮ ತಾಯಿ ಹತ್ರ ಇಂಥ ವಿಷ್ಯಗಳ್ನ ವರದಿ ಒಪ್ಪಿಸೋದು ತೀರಾ ಅಪಾಯ !
+ಇದೆಲ್ಲ ನಿಮ್ಗೆ ಯಾಕೆ ಅರ್ಥವಾಗೋಲ್ಲ.
+ನವೀನಣ್ಣ ಕಿವಿಯ ಮೇಲೆ ಬಿದ್ದರೆ ತೀರಾ ಮನಸ್ಸು ಕೆಡಿಸ್ಕೋತಾನೆ.
+ಮನಸ್ಸು ಸರಿ ಇಲ್ಲದಾಗ ಇವೆಲ್ಲ ಸಹಜ.
+ಮನಸ್ಸು,ಇಂದ್ರಿಯಗಳು ಹತೋಟಿಯಲ್ಲಿದ್ದರೇ ಚೆನ್ನ  ಬುದ್ಧಿ ಹೇಳಿದಳು.
+ನಿಶ್ಯಬ್ಧವಾಗಿ ಕೇಳಿಸಿಕೊಂಡ ನೀರದ ಅಡಿಗೆ ಮನೆಗೆ ಹೋದಳು.
+ಅವಳ ಈ ಸ್ವಭಾವ ಇಂದಿನವರೆಗೂ ತನ್ನ ಅರಿವಿಗೆ ಬಾರದಿದ್ದಕ್ಕೆ  ಪರಿತಪಿಸಿದಳು ಚಾರುಲತ.
+ಆ ವಾರದ ಕೊನೆಯ ದಿನದಲ್ಲಿ ಡಾ।। ನವೀನ್‌ ಮನೆ ಬದಲಾಯಿಸುವ ಮಾತಾಡಿದಾಗ ಅವಾಕ್ಕಾದಳು.
+“ಇದು ನಮ್ಮ ಸ್ವಂತ ಮನೆ ಕಣೋ.”
+“ಹೌದು, ಇರ್ಬಹುದು
+ಇದ್ನ ಬಾಡಿಗೆಗೆ ಕೊಡೋಣ.
+ಇಲ್ಲಿಂದ ನರ್ಸಿಂಗ್‌ಹೋಂಗೆ ಓಡಾಡಿ ಸಾಕಾಗಿದೆ.
+ಅಲ್ಲೇ ಹತ್ತಿರವಿದ್ದರೇ ಎಷ್ಟೋ ಅನ್ಕೂಲ" ಎಂದ ಅಣ್ಣನನ್ನೆ ನೋಡಿದಳು.
+ಮನೆ ಬದಲಾವಣೆಗೆ ಕಾರಣ ಅಷ್ಟಿಷ್ಟೇನು ಎಲ್ಲಾ ಮನದಟ್ಟಾಯಿತು.
+ಈಗಲೂ ಇವರುಗಳು ಯಾರು ಇಲ್ಲದಾಗ ನೀರದ ಹೋಗಿ ಮಂಚವಿಡಿದ ಅಮ್ಮನ ಮುಂದೆ ಕೂಡುತ್ತಿದ್ದಳು.
+ಒಂದೇ ವಿಷಯ, ಸದಾ ಅದೇ ಮಾತುಗಳು.
+ಇದು ಅವರ ಅತ್ತಿಗೆಯವರಿಂದ ಅಣ್ಣಂದಿರ ಕಿವಿ ಮುಟ್ಟಿತ್ತು.
+ಗಟ್ಟಿಯಾಗಿ ಅವಳಿಗೆ ಬುದ್ಧಿ ಹೇಳಲು ಹೋದರೆ ಕಾಯಿಲೆ ಅಮ್ಮನ ಕಣ್ಣೀರು ನೋಡಬೇಕಿತ್ತು.
+ಅದಕ್ಕಾಗಿಯೇ ಒಂದು ವಿನಂತಿಯನ್ನು ಡಾ||ನವೀನ್‌ನ ಮುಂದಿಟ್ಟಿದ್ದರು.
+"ನಮ್ಮ ನೀರದ ಬದಲಾಗ್ಬೇಕಾದರೇ, ನೀವಾದ್ರೂ ಮನೆ ಬದಲಾಯಿಸ್ಪೇಕು, ಇಲ್ಲ ನಾವಾದ್ರೂ ದೂರ ಹೋಗ್ಬೇಕು.
+ಇಲ್ಲ ನಿಮ್ಮ ಸಂಸಾರದಲ್ಲಿ ತಾನಾಗಿ ಸಮಸ್ಯೆಗಳು ಹುಟ್ಟಿಕೊಳ್ಳುತ್ತೆ."
+"ನೀವೇನು ಮನೆ ಬದಲಾಯಿಸೋದ್ಬೇಡ.
+ನಾವೇ ದೂರ ಹೋಗ್ತೀವಿ.
+ಈ ಯೋಚ್ನೆ ನನ್ನ ಮನಸ್ಸಿನಲ್ಲಿ ಕೂಡ ಬಂದಿದೆ" ಇವನೇ ದಾರಿ ತೋರಿಸಿದ್ದ.
+ಮರುದಿನವೇ ತಂದೆ ವಾಕ್‌ ಹೊರಟಾಗ ತಾನು ಜೊತೆಯಲ್ಲಿ ಹೋದ “ಅಪ್ಪ, ನಿಮ್ಮ ಮನಸ್ಸಿಗೆ ಬೇಸರವಾಗೋಂಥ ತೀರ್ಮಾನ ಕೈಗೊಳ್ಳ ಬೇಕಾಗಿದೆ.
+ಸಧ್ಯಕ್ಕೆ ಮನೆ ಬದಲಾಯಿಸ್ಬೇಕು."ಆತ ಬೆಚ್ಚಿ ಬಿದ್ದ.
+ಇದು ಅವರು ಕಟ್ಟಿಸಿದ ಸ್ವಂತ ಮನೆ.
+ಸಾಕಷ್ಟು ಕಷ್ಟಪಟ್ಟಿದ್ದರು ಆ ದಿನಗಳಲ್ಲಿ ಹೆಂಡತಿಯೊಂದಿಗೆ.
+ಕಳೆದು ಹೋದ ಒಂದೊಂದು ನೆನಪು ಇಲ್ಲಿ ಹುದುಗಿ ಹೋಗಿತ್ತು.
+"ನಂಗೆ ಅರ್ಥವಾಗ್ಲಿಲ್ಲ" ಎಂದರು ಕ್ಷೀಣ ದ್ವನಿಯಲ್ಲಿ.
+ಸಂಕ್ಷಿಪ್ತವಾಗಿ ವಿವರಿಸಿದ.
+ಈಗ ಅನುಭವಿಸುತ್ತಿರುವ ಸ್ಥಿತಿ, ಮುಂದೆ ಬರುವ ಸಮಸ್ಯೆಗಳನ್ನ ಕೂಡ ಅವರ ಮುಂದಿಟ್ಟ.
+"ಸಂಬಂಧಗಳು ಬೆಳೆದ ನಂತರವೇ ವ್ಯಕ್ತಿಗಳ ನಡವಳಿಕೆಯ ಪರಿಚಯವಾಗುವುದು.
+ಒಂದಲ್ಲ ನಾಲ್ಕು ಸಲ ನೀರದ ತಾಯಿ ನಂಗೆ ಕರೆಸಿ ಬುದ್ಧಿ ಹೇಳಿದ್ದಾರೆ.
+ಅವ್ರಿಗೆ ಈಗ್ಲೂ ನಾನು ಎದುರು ಮನೆಯ ವಾಸುದೇವಯ್ಯನ ಮಗ ಮಾತ್ರ ಅನ್ನೋಷ್ಟು ಸಲಿಗೆ ತಗೋತಾರೆ.
+ಇವ್ಳಿಗೆ ಹೇಳಿ ಆಯ್ತು. 
+ಏನು ಪ್ರಯೋಜನವಾಗ್ಲಿಲ್ಲ. 
+ಒಂದಿಷ್ಟು ಅಂದರೆ ಒಂದೆರಡು ವರ್ಷ ಗಳಾದ್ರೂ ಈಮನೆ ಲೀಜ್‌, ಬಾಡ್ಗೆಗೆ ಕೊಟ್ಟು ನರ್ಸಿಂಗ್‌ ಹೋಂ ಹತ್ತಿರದಲ್ಲಿ ಮನೆ ಹಿಡಿಯೋಣ.
+ಇದ್ರಿಂದ ನಿಮ್ಮ ಮನಸ್ಸಿಗೆ ನೋವೂಂತ ಗೊತ್ತು.
+ಆದರೆ ಬೇರೆ ದಾರಿ ಇಲ್ಲ."
+ಸಂಪೂರ್ಣ ಚಿತ್ರ ಅವರ ಮುಂದೆ ತೇಲಿದಾಗ ಅರ್ಥವಾಯಿತು ಅವರಿಗೆ.
+ಮದುವೆಗೆ ಮುನ್ನ ಇದ್ದ ಮನೆಯಲ್ಲಿನ ಗೆಲುವು ಈಚೆಗೆ ಇರಲಿಲ್ಲ.
+ಸೊಸೆ ಕೂಡ ಮಂಕಾಗಿ ಮುಖ ಊದಿಸಿಕೊಂಡು ಇರುವುದು ಅವರ ಗಮನಕ್ಕೆ ಬಂದಿತ್ತು.
+ಸಧ್ಯಕ್ಕೆ ಇದೊಂದು ತಾತ್ಕಾಲಿಕ ಪರಿಹಾರವೆನಿಸಿತು.
+ನೀರದ ತಪ್ಪು ತಿಳ್ಕೋತಾಳೇನೋ !ಎಂದರು ಅನುಮಾನದ ಸ್ವರದಲ್ಲಿ.
+ಡಾ|।ನವೀನ್‌ನ ಮುಖ ಬಿಗಿದುಕೊಂಡಿತು.
+"ಆ ಮನಸ್ಥಿತಿನೇ ಇವೊತ್ತಿನ ಹಲವು ಸಮಸ್ಯೆಗಳಿಗೆ ಕಾರಣವಾಯ್ತು.
+ಚಾರುಲತ, ಮೂರ್ತಿ ಎಷ್ಟೊಂದು ಅನ್ಯೋನ್ಯವಾಗಿದ್ದರು.
+ಅವ್ಳ ಅಣ್ಣನಾಗಿ ಅವಳ ದಾಂಪತ್ಯ ಜೀವನಕ್ಕೆ ಬೆಂಕಿ ಇಟ್ಟು ಉಪಕಾರ ಮಾಡ್ದೇ" ಉದ್ವೇಗದಿಂದ ನುಡಿದ.
+ಅವನ ಕಣ್ಣಂಚು ಒದ್ದೆಯಾಗಿತ್ತು.
+"ಏನೇನೋ ಮಾತಾಡ್ಬೇಡ !
+ಅವ್ರು ಅನಗತ್ಯವಾಗಿ ಪಟ್ಟು ಹಿಡಿದ್ರು.
+ಇಷ್ಟವಿಲ್ಲದ ವಿವಾಹ ಯಾರ ಜೀವನಕ್ಕೂ ಒಳ್ಳೇದಲ್ಲ.
+ನಾನು ಕೋಪ ಬಂದಾಗ ಒಂದ್ದತು ಆಡಿರ್ಬಹ್ಹು.
+ಅದ್ನ ಮನಸ್ಸಿನಲ್ಲಿ ಇಟ್ಕೋಬೇಡ" ಸಂತೈಯಿಸಿ  “ಹಾಗೇಮಾಡು.
+ಮನೇನಾ ಯಾರಾದ್ರೂ ಒಳ್ಳೆಯವ್ರಿಗೆ ಕೊಡು.
+ತಂದೆ ಇಷ್ಟು ಸರಳವಾಗಿ ಒಪ್ಪಿಗೆ ಸೂಚಿಸಿದ್ದು ನೋಡಿ ಅವನಿಗೆ ಆಶ್ಮರ್ಯದ ಜೊತೆ ಆನಂದವು ಕೂಡ.
+ಇದು ಸುಲಭ ಸಾಧ್ಯವಲ್ಲವೆಂದು ತಿಳಿದಿದ್ದ.
+“ತುಂಬ ಥ್ಯಾಂಕ್ಸ್‌ !
+ಇದ್ರಿಂದ ನಿಮ್ಮ ಮನಸ್ಸಿಗೆಷ್ಟು ನೋವೂಂತ ನಂಗೆ ಗೊತ್ತು.
+ಆದರೆ ಬೇರೆ ದಾರಿ ಇಲ್ಲ.
+ನರ್ಸಿಂಗ್‌ ಹೋಂ ಹಿಂದಿನ ರೋಡಿನಲ್ಲಿಯೇ ಒಂದನ್ನೆ ನೋಡಿದ್ದೀನಿ.
+ಬಾಡಿಗೆ ಹೆಚ್ಚೆ 1 ಇಲ್ಲಿನ ಬಾಡ್ಗೆ ಅಲ್ಲಿ ಕೊಟ್ಟರಾಗುತ್ತೆ.
+ಚಾರುಲತನ ಏನು ಮಾಡೋದು ?” ಕೇಳಿದ.
+“ಅದ್ನ ಕಾಲ ಹೇಳ್ಬೇಕಷ್ಟೆ.
+ಯುಗಂಧರ್‌ ಎದುರಿಗೆ ಸಿಕ್ಕರೂ ಮಾತಾಡಿಸೋಲ್ಲ.
+ನಾನು ಮಾತನಾಡಿಸೋ ಪ್ರಯತ್ನ ಮಾಡಿದ್ರೂ. . . ಅವು ಮುಖ ತಿರುವಿ ಕೊಳ್ತಾರೆ.
+ಬಹುಶಃ  ಪೂಜಾ ವಿವಾಹವಾದ್ಮೇಲೆ ಅವ್ರ ಕೋಪತಗ್ಗುತ್ತೇನೋ”ಎಂದರು.
+ಡಾ|| ನವೀನ್‌ ತಲೆ ತಗ್ಗಿಸಿದ.
+ಕಾಲಕ್ಕೆ ಶರಣಾಗುವುದು ಬಿಟ್ಟು ಅವನಿಗೂ ಬೇರೆ ದಾರಿ ಕಾಣಲಿಲ್ಲ.
+ಆದರೆ ಚಾರುಲತನ ನೋಡಿದಾಗಲೆಲ್ಲ ಬಲವಾದ  ಸಲಾಕೆಯಿಂದ ಪೆಟ್ಟು ತಿಂದಂತೆ ನೋವು ಅನುಭವಿಸುತ್ತಿದ್ದ.
+ಮರುದಿನದಿಂದಲೇ ಸ್ವಂತ ಮನೆಯನ್ನ ಬಾಡಿಗೆಗೋ, ಲೀಜ್‌ಗೋ ಕೊಡಲು ಅವರಿವರಿಗೆ ತಂದೆ ಮಗ ಹೇಳತೊಡಗಿದರು.
+ನೀರದ ಮುಖಾಂತರವೇ ಚಾರುಲತಗೆ ಈ ಸುದ್ದಿ ಮುಟ್ಟಿದ್ದು.
+ಅವಳಿಗೆ ವಿಚಿತ್ರವೆನಿಸಿತು.
+ಕಾರಣವನ್ನು ಅಂದಾಜು ಮಾಡಿದರೂ, ಈ ಕಾರಣದಿಂದ ಮನೆ ಬಿಡುವುದು ತೀರಾ ಒಳ್ಳೆಯದಲ್ಲವೆನಿಸಿತು.
+"ಯಾಕಂತೆ ?" ಅವಳನ್ನೇ ಕೇಳಿದಳು.
+"ಗೊತ್ತಿಲ್ಲ, ಅವ್ರು ನೇರವಾಗಿ ನನ್ನೊಂದಿಗೆ ಏನು ಹೇಳ್ಲಿಲ್ಲ.
+ಅವುರು ಮಾವ ಮಾತಾಡ್ತಾ ಇದ್ರು.
+ನಂಗೆ ಇದೆಲ್ಲ ಸರಿಯೆನಿಸೋಲ್ಲ?" ತನ್ನ ಅಭಿಪ್ರಾಯ ತಿಳಿಸಿದಳು.
+ನಸುನಗು ತೇಲಿತು ಚಾರುಲತ ತುಟಿಗಳ ಮೇಲೆ.
+ತಾಳಿ ಕಟ್ಟಿಸಿಕೊಳ್ಳದ ಮುನ್ನ ಎಷ್ಟೊಂದು ವಿನಯದಿಂದ ಮೃದುವಾಗಿ ಇದ್ದಳು “ನಾನು ಅವ್ರಿಗಾಗಿ ಏನು ಬೇಕಾದ್ರೂ ಮಾಡಬಲ್ಲೆ.
+ಆದರೆ ನವೀನ್‌ನ ಕಳ್ಳುಕೊಂಡು ಬದುಕಿರಲಾರೆ” ಇಂಥ ಮಾತುಗಳನ್ನ ಎಷ್ಟೋ ಸಲ ಹೇಳಿದ್ದ ಹೆಣ್ಣು ಇವಳೇನಾ ಎಂದು ಚಿಂತಿಸುವಂತಾಯಿತು.
+“ಏನೋ ನಂಗು ಗೊತ್ತಿಲ್ಲ.
+ನೀನು ವಿಚಾರಿಸು" ತನ್ನ ಪಾಡಿಗೆ ತಾನು ಹೋದಳು.
+ಆಗ ನೆನಪಾದದ್ದು ಪೂಜಾ "ಅತ್ತಿಗೆ, ನಿಮ್ಮ ಉಗುರುಗಳಿಗೆ  ಬಣ್ಣ ಹಾಕ್ತೀನಿ.
+ನಿಮ್ಮ ಕಲರ್‌ಗೆ ಮ್ಯಾಚ್‌ ಆಗೋಂಥ ಬಣ್ಣ ತಂದಿದ್ದೀನಿ"
+ಬಲವಂತವಾಗಿ ಕೈ ಹಿಡಿದು ಕೊಡುತ್ತಿದ್ದಳು.
+ಪ್ರೀತಿಯ ಹೊಳೆಯನ್ನೇ ಹರಿಸಿದ್ದಳು ಚಾರುಲತ ಮೇಲೆ, ಮೃದುವಾಗಿ ಬಿಟ್ಟಳು ಪೂರ್ತಿಯಾಗಿ.
+ಯಾಕೆ ಒಮ್ಮೆ ಹೋಗಿ ಅವಳನ್ನ ನೋಡಬಾರದು?
+ಅವಳ ಈ ಸ್ಥಿತಿಗೆ ನೇರವಾಗಿ ತನ್ನನ್ನು ಕಾರಣ ಮಾಡಿರೋ ಅತ್ತೆ, ಮಾವ ಇದಕ್ಕೆ ಅವಕಾಶ ಮಾಡಿಕೊಟ್ಟರಾ?
+ಖಂಡಿತ ಇಲ್ಲ.
+ಆ ಆಸೆಯನ್ನ ದೂರಕ್ಕೆ ತಳ್ಳಿದ್ದು ಕೆಲವು ಕ್ಷಣಗಳು ಮಾತ್ರ.
+ಫೋನ್‌ನ ಬಟನ್‌ಗಳನ್ನೊತ್ತಿ ಕಿವಿಗಿಟ್ಟುಕೊಂಡಳು.
+ಮೊದಲ ಸಲ ಎತ್ತಿದ್ದು ಯುಗಂಧರ್‌ "ಹಲೋ. . . . '' ಎಂದರಷ್ಟೆ.
+ಅವಳ ನಾಲಿಗೆಯಲ್ಲಿನ ಪಸೆಯಾರಿತು.
+ಧ್ವನಿ ಹೊರಡಲಿಲ್ಲ. “ಈಡಿಯಟ್‌. . . . . " ಅವರಿಟ್ಟರು.
+ಎರಡನೆ ಸಲ ಮತ್ತೆ ಬಟನ್‌ಗಳನ್ನೊತ್ತಿದಳು "ಹಲೋ. . . ಕಮಲಾನಾ ?"ಅವಳತ್ತೆ ವಾಯ್ಸ್‌.
+ಮೂರನೆ ಸಲ ಮಾತ್ರ ತಂತಿಯ ಕೊನೆಯಲ್ಲಿ ಇದ್ದಿದ್ದು ಮೂರ್ತಿ “ಹಲೋ. . . ಹಲೋ. . . ಹಲೋ. . . ಅವಳ ಕಣ್ಣಂಚು ಒದ್ದೆಯಾಯಿತು.
+ ನವಿಲು ನರ್ತಿಸಿದಂತಾಯಿತು. 
+ ಸೂರ್ಯನ ಕಿರಣಗಳಿಗೆ ಅರಳುವಂತೆ ತಾವರೆಯಂತೆ.
+ಅವಳ ಮನ ಬಿರಿಯಿತು.
+ತನ್ಮಯತೆಯಿಂದ ಸಂಗೀತವನ್ನು ಆಲಿಸುವಂತೆ ಗಂಡನ ದನಿಯನ್ನ ಆಸ್ಪಾದಿಸಿದಳು.
+ಅವನ ಉಸಿರು ಚಾರುಲತಳ ಅಧರಗಳನ್ನು ಸ್ಪರ್ಶಿಸಿದಂತಾಯಿತು.
+"ಯಾರೋ ಮಾತಾಡ್ತಾ ಇಲ್ಲ"ಫೋನಿಟ್ಟಿದ್ದು ಕೇಳಿಸಿತು.
+ನಿಧಾನವಾಗಿ ಫೋನ್‌ನ ಕ್ರೆಡಲ್‌ ಮೇಲಿಟ್ಟಳು.
+ಮನಕ್ಕೆ, ಹೃದಯಕ್ಕೆ ಹತ್ತಿರವಾದವರ ದನಿಗಳನ್ನ ಆಲಿಸಿದ್ದು ಸಂತೋಷವೆನಿಸಿತು.
+ರಾತ್ರಿ ಅಪ್ಪ, ಮಗಳು ತರಕಾರಿ ತರಲು ಹೊರಟಾಗ ಅವರೇ ಪ್ರಸ್ತಾಪಿಸಿದರು  "ನವೀನಾ ಬೇರೆ ಮನೆ ಹುಡುಕ್ತಾ ಇದ್ದಾನೆ" ಸಾವಿರ ಕ್ಯಾಂಡಲ್‌ನ ಹೊಳಪು ಅವಳ ಮಿದುಳಲ್ಲಿ ಹತ್ತಿ ಆರಿ ಹೋಯಿತು.
+ಅಂದರೆ ನೀರದ ಕೇಳಿಸಿಕೊಂಡಿದ್ದು ಸರಿಯೆನಿಸಿತು.
+"ಇದು ನಮ್ಮ ಸ್ವಂತ ಮನೆಯಲ್ವಾ !
+ಬೇರೆ ಮನೆ ಹುಡ್ಕೋ ಅಂತ ತಾಪತ್ರಯವೇಕೆ ?
+ನೀರದ ಹೇಳಿದಾಗ ನಿಜವೆನಿಸ್ಲಿಲ್ಲ.
+ಈಗ ನಮ್ಮಮನೆಯಲ್ಲಿ ಏನು ಅನಾನ್ಕೂಲವಾಗಿದೆ ?"ಕೇಳಿದಳು.
+ಕಾರಣಗಳನ್ನು ವಿವರಿಸಿದರು ಮಗಳಿಗೆ.
+ಅವೆಲ್ಲ ಅವಳಿಗೆ ಗೊತ್ತಿದ್ದುದ್ದೇ.
+ಅವಳು ಕೂಡ ಸೂಕ್ಷವಾಗಿ ಬೇರೆ ರೀತಿಯಲ್ಲಿ ಹೇಳಿ ಸೋತಿದ್ದಳು.
+ನೀರದ ಕಿವಿಗೆ ಆ ಮಾತುಗಳು ಹೋಗಿರಲಿಲ್ಲ.
+ವಾಸುದೇವಯ್ಯನವರು ಕೂಡ ಒಮ್ಮೆ ತಿಳಿ ಹೇಳಿದ್ದರು ನಗುತ್ತಾ.
+"ಮದ್ವೆಗೆ ಮುಂಚೆನೇ ಇಲ್ಲಿ ಬಹಳ ಹೊತ್ತು ಇರ್ತಾ ಇದ್ದೆ, ಇಲ್ಲಿ.
+ಈಗಿನ ದಿನಗಳಲ್ಲಿ ಅಲ್ಲಿರೋದೇ ಜಾಸ್ತಿ. 
+ಹೀಗಾದರೇ. . . ಹೇಗೆ ?"
+ ಅವಳು ಅದನ್ನ ತಮಾಷೆಯಾಗಿ ತಗೊಂಡಿದ್ದಳೇ ವಿನಃ ಸೀರಿಯಸ್ಸಾಗಿ ಸ್ವೀಕರಿಸಿರಲಿಲ್ಲ.
+ಹಾಗೆಯೇ ಮುಂದುವರಿದಾಗ ಅವರು ತಟಸ್ಥ ಧೋರಣೆ ವಹಿಸಿದರು.
+"ಇದೆಲ್ಲ ನಿಜವೇ !ಆದ್ರೂ ಸರಿಯೆನಿಸೋಲ್ಲ.
+ಇಷ್ಟೊಂದು ಸಣ್ಣ ಕಾರಣ ಮುಂದು ಮಾಡ್ಕೊಂಡ್‌ ಸ್ವಂತ ಮನೆ ಬಿಟ್ಟು ಬಾಡಿಗೆ ಮನೆಗೆ ಹೋಗೋದಾ?
+ಬೇಕಾದರೇ, ಅವರಿಬ್ರೂ ಒಂದು ಬಾಡ್ಗೇ ಮನೆ ಹಿಡ್ದುಕೊಳ್ಳಿ.
+ನಾವಿಬ್ರೂಇಲ್ಲೇ ಇರೋಣ?" ಸೂಚಿಸಿದಳು.
+ಮಗಳನ್ನ ಬೆರಗಿನಿಂದ ನೋಡಿದರು.
+ಅದ್ಭುತವಾದ ವಿಚಾರವೆನಿಸಿತು.
+ತನಗೆ ಯಾಕೆ, ಹೊಳೆಯಲಿಲ್ಲ ?
+ತಲೆಯ ಮೇಲಿದ್ದ ದೊಡ್ಡ ಭಾರ ಇಳಿಸಿದಂತಾಯಿತ್ತು.
+“ಒಳ್ಳೆ ಸಲಹೆ ತಾಯಿ !
+ನಿನ್ನ ತಾಯಿಯೊಂದಿಗೆ ಕಾಲ ಕಳೆದ ಈ ಮನೆ ನನ್ನ ಪಾಲಿಗೆ ದೇವಸ್ಥಾನ.
+ಇಲ್ಲೇ ಪ್ರಾಣ ಬಿಡೋ ಆಸೆ ಕೂಡ.
+ಆದರೂ ಅವ್ನ ಅಭಿಪ್ರಾಯಕ್ಕೆ ವಿರೋಧ ಸೂಚಿಸೋಕ್ಕಾಗೋಲ್ಲ.
+ಸಧ್ಯ ನನ್ನ ಉಳಿಸ್ದೇ.
+ಇಷ್ಟನ್ನ ನಿಮ್ಮಣ್ಣನಿಗೆ ಹೇಳೋ ಭಾರ ನಿಂದೆ.
+ಒಂದು ರೀತಿಯ ಬಿಡುಗಡೆ ನಂಗೆ"ಹರ್ಷಿಸಿದರು.
+ಮಗ ಈ ಪ್ರಸ್ತಾಪವೆತ್ತಿದ ಮೇಲೆ ಅವರು ಮೇಲುಖಕ್ಕೆ ಉತ್ಸಾಹವಾಗಿದ್ದರೂ ಅಂತರಂಗವಾಗಿ ಬಹಳ ಬಳಲಿ ಹೋಗಿದ್ದರು.
+ಮನೆಗೆ ಹಿಂದಿರುಗಿದಾಗ ನವೀನ್‌ ಹೊರಗೆ ನಿಂತಿದ್ದ.
+ಮನತೆ ಇತ್ತು ಮುಖದ ಮೇಲೆ.
+ಚೂಟಿ, ಹೆಚ್ಚು ಮಾತಿನ ಇವನಿಗೆ ಏನಾಗಿದೆ ?
+"ಇವ್ನು ಸುಖವಾಗಿಲ್ಲ" ಎಂದರು ನೋವಿನಿಂದ.
+"ಬಹುಶಃ ಅದಕ್ಕೆ ಕಾರಣ ನಾನೇ !
+ಅವನೊಬ್ಬ ಪ್ರಾಮಾಣಿಕ ಅಣ್ಣ.
+ನನ್ನ  ಬಗ್ಗೆ ಚಿಂತೆ.
+ಈಗಿನ ಅವನ ಬೇಡಿಕೆ ಕನಿಷ್ಟ ಪರಿಹಾರವಾದೀತು.
+ನೀವು ಕೂಡ ಅದೇ ಹೇಳಿ" ನಿಟ್ಟುಸಿರು ಚೆಲ್ಲುತ್ತ ಹೇಳಿದಳು.
+ವಾಸುದೇವಯ್ಯ  ಒಳಗೆ ಹೋದರು.
+ತರಕಾರಿ ಬ್ಯಾಸ್ಕೆಟ್‌ ಇಟ್ಟು ಹೊರಬಂದು ನವೀನ್‌ "ಯಾಕೆ, ಇಲ್ಲಿ ನಿಂತೆ ?"ಕೇಳಿದಳು.
+"ಸುಮ್ನೆ, ನಮ್ಮಂಥ ತೀರಾ ಸಾಮಾನ್ಯ ಜನಕ್ಕೆ ಮಗ, ಹೆಂಡ್ತಿ ಇಷ್ಟರದೇ ಸಮಸ್ಯೆ.
+ಯಾವುದಾದ್ರೂ ದೊಡ್ಡ ಆ್ಯಂಬಿಷನ್‌ ಬೆಳೆಸ್ಕೋಬೇಕು.
+ಈಗಾಗ್ಲೇ ಬದುಕು ಬೋರ್‌ ಅನ್ನಿಸೋಕೆ ಹುರುವಾಗಿದೆ" ಎಂದ ಕ್ರಾಪನ್ನ ಹಿಂದಕ್ಕೆ ತಳ್ಳುತ್ತ.
+ಅವನ ಒತ್ತು ಕೂದಲು ಕೂಡ ಈಗ ಹಿಂಸೆಯೆನಿಸುತ್ತಿತ್ತು.
+"ದೇವರೇ ಕಾಪಾಡ್ಬೇಕು !
+ಸ್ವಲ್ಪ ದಿನ ನೀವಿಬ್ರೂ ಹೊರ್ಗಡೆ ತಿರ್ಗಾಡಿ ಬನ್ನೀಂತ ಹೇಳಿದರೆ ಕೇಳ್ಲಿಲ್ಲ.
+ಹೋಗ್ಲಿ, ನೀನು ಮನೆ ಬದಲಾಯಿಸ್ಬೇಕೂಂತ ಇರೋ ಸುದ್ಧಿ ನಿಜನಾ ?
+ಯಾಕೆ ಈ ತರಹ ಯೋಚಿಸ್ತಿ ತಂಗಿಯತ್ತ ಒಮ್ಮೆ ನೋಟ ಹರಿಸಿ "ಸಧ್ಯಕ್ಕೆ ಅದ್ಬಿಟ್ಟು ಬೇರೆ ದಾರಿ ಇಲ್ಲ.
+ಗಿಣ್ಣು ಮಾಡಿದೇಂತ ನೀರದ ಅಮ್ಮ ಹೇಳಿ ಕಳಿಸಿದ್ದು.
+ಇವ್ಳು ಕುಣಿಯುತ್ತ ಹೋದ್ಲು.
+ನಾನು ಹೋಗ್ಲಿಲ್ಲ ಅನ್ನೋ ಕೋಪ ಬೇರೆ.
+ಮೂರ್ಹೊತ್ತು ಅವ್ಳಿಗೆ ಇದೇ ಆಗಿ ಹೋಯ್ತು.
+ಆಗ ಅಲ್ಲಿಂದ ಇಲ್ಲಿಗೆ ಹೋಗಿ ಬರ್ತಾ ಇದ್ದು.
+ಈಗ ಇಲ್ಲಿಂದ ಅಲ್ಲಿಗೆ ಓಡ್ತಾಳೆ.
+ನಂಗೆ ಹೇಳಿ ಸಾಕಾಯ್ತು" ವಿವರಿಸಿದ.
+"ನೀನು ಹೇಳೋದು ಸರಿ.
+ಮನೆ ಬದಲಾಯಿಸೋದ್ರಿಂದ ಎಷ್ಟು ಹಿಂಸೆ ಆಗುತ್ತೆ ಅಪ್ಪನಿಗೆ ಗೊತ್ತಾ ?
+ಈ ವಯಸ್ಸಿನಲ್ಲಿ ನಾವು ಸುಖ ಕೊಡದಿದ್ರೂ ದುಃಖ ಕೊಡ್ಬಾರ್ದು.
+ಹೇಗೂ ಒಂದು ನಿರ್ಧಾರಕ್ಕೆ ಬಂದಿದ್ದೀಯ.
+ಇಲ್ಲಿ,ನಾನು ಅಪ್ಪ ಇದ್ಯೋತೀವಿ.
+ನೀನು ನೀರದ ಬಾಡ್ಗೆ ಮನೆಯಲ್ಲಿರಿ. ಅತ್ಯುತ್ತಮ ಸಲಹೆಯನ್ನ ನೀಡಿದಳು.
+ಅವನ ಮುಖ ವಿವರ್ಣವಾಯಿತು "ವಾಟ್‌,ಬರೀ ನಾವಿಬ್ರೂ ಬೇರೆ ಹೋಗೋದಾ ? ಇಂಪಾಜಿಬಲ್‌. . . ಅಂಥ ಯೋಚ್ನೆ ಎಂದೂ ಮಾಡೋಲ್ಲ"  ಸಿಡಿದ.
+ಅವನ ಮನಸ್ಥಿತಿ ಅರ್ಥವಾದರೂ ಅವಳೇನು ಮಾಡುವಂತಿರಲಿಲ್ಲ.
+ಈಗ ಅವಳಿಗೆ ನೀರದ ತೀರಾ ಮೂರ್ಖಳಾಗಿ ಕಂಡಳು.
+ಮರುದಿನ ಇವಳು ಬಸ್‌ ಸ್ಟಾಪ್‌ನಲ್ಲಿ ನಿಂತಿದ್ದಾಗ ರಸ್ತೆಯಲ್ಲಿ ಓಡಾಡಿದ ಕಾರು ಒಂದು ಪಕ್ಕಕ್ಕೆ ಹೊರಳಿ ಪುಟ್‌ಪಾತ್‌ನ ಕಲ್ಲಿಗೆ ತಗುಲಿ ನಿಂತಾಗ ಕ್ಯೂನಲ್ಲಿದ್ದ ಕೆಲವರು ಓಡಿದರು ಅತ್ತ.
+ಚಾರುಲತ್ತ ಅತ್ತ ಧಾವಿಸಿದಳು.
+ಅದಕ್ಕೆ ಕಾರಣವಿತ್ತು.
+ಅದು ಯುಗಂಧರ್‌ ಕಾರು.
+ಮುಖವೆಲ್ಲ ಬೆವರಿನಿಂದ ತೊಯ್ದ ಯುಗಂಧರ್‌ ಬಾಧೆ ಪಡುತ್ತ ಸೀಟಿಗೆ ಪೂರ್ತಿ ಒರಗಿದ್ದನ್ನ ನೋಡಿ ಗಾಬರಿಗೆ ಅವಳೆದೆ ನಿಂತಂತಾಯಿತು.
+ಬೇರೆಯವರ ಸಹಾಯದಿಂದ ಅವರನ್ನು ನರ್ಸಿಂಗ್‌ಹೋಂಂಗೆ ಸಾಗಿಸಿದ್ದು ಪ್ರಯಾಸಪಡುತ್ತ.
+ಇನ್‌ಟೆನ್ಸಿವ್‌ ಕೇರ್‌ಗೆ ಒಯ್ದರು ಪೇಷಂಟ್‌ನ.
+ಬಲವಾದ ಹೃದಯಾಘಾತಕ್ಕೆ ತುತ್ತಾಗಿದ್ದರು.
+ಕೆಲವು ನಿಮಿಷಗಳು ತಡವಾಗಿದ್ದರು ಅವರು ಪರಲೋಕವಾಸಿಯಾಗಿ ಬಿಡುತ್ತಿದ್ದರು.
+ಏನು ಪರ್ದಾಗಿಲ್ಲ !ನೀವೇನಾಗ್ಬೇಕು ?"
+ಡಾಕ್ಟರ್‌ ಪ್ರಶ್ನಿಸಿದಾಗ  "ನಾನು ಅವ್ರ ಸೊಸೆ" ಎಂದಳು.
+"ದಟ್ಸ್‌ ಗುಡ್‌, ಅವುರು  ಇನ್ನು ಪೂರ್ತಿ ಅಪಾಯದಿಂದ ಪಾರಾಗಿಲ್ಲ.
+ಅವ್ರ ಹೆಂಡ್ತಿ, ಮಗನಿಗೆ ಇನ್‌ಫರ್ಯೇಷನ್‌ ಕೊಟ್ಟು ಕಳ್ಸಿ" ತಿಳಿಸಿದರು.
+ನಿರಂತರವಾಗಿ ಹತ್ತಾರು ಸಲ ಫೋನ್‌ ಮಾಡಿದರೂ ಮನೆಯಲ್ಲಿ ಯಾರೂ ಎತ್ತುತ್ತಿರಲಿಲ್ಲ.
+ಅವರೆಲ್ಲ ಎಲ್ಲಿ ಹೋದರು.
+ಮೂರ್ತಿಗೂ ಮಾಡಿದಳು.
+ಅಲ್ಲು ಅದೇ ರೆಸ್ಪಾನ್ಸ್‌.
+ದಿಕ್ಕು ತೋಚದೇ ಅಲ್ಲೇ ಉಳಿದು ಕಡೆಗೆ ಅಣ್ಣನನ್ನ ಸಂಪರ್ಕಿಸಿದಳು.
+“ಮಾವನೋರಿಗೆ ಹಾರ್ಟ್‌ ಅಟ್ಯಾಕ್‌ ಆಗಿದೆ.
+ಮುರುಗನ್‌ ನರ್ಸಿಂಗ್‌ಹೊಂಂಗೆ ಸೇರಿಸಿದ್ದೀನಿ.
+ಕಾರ್ಡಿಯಾಲಜಿ ವಿಭಾಗದ ಇನ್‌ಟೆನ್ಸಿವ್‌ ಕೇರ್‌ನಲ್ಲಿಟ್ಟಿದ್ದಾರೆ.
+ಏನು ಗೊತ್ತಾಗ್ತಾ ಇಲ್ಲ "ಯಾವ ಮಾವ ?" ಅವನಿಗೇನು ಅರ್ಥವಾಗಲಿಲ್ಲ.
+ಉಂಡಾಡಿಯಾಗಿ ತಿರುಗುವ ಅವನ ಸೋದರ ಮಾವ ಎಂದೋ ಒಮ್ಮೆ ಬಂದು ಹೋಗುವುದಿತ್ತು.
+ಯುಗಂಧರ್‌ ಅವನ ಕಲ್ಪನೆಯಲ್ಲಿ ಕೂಡ ಮೂಡಲಿಲ್ಲ.
+"ಯುಗಂಧರ್‌ ಮಾರಾಯ !
+ಅವ್ರು ಕಾರಿನಲ್ಲಿ ಕುಸಿದಾಗ ನಾನು ಬಸ್‌ಸ್ಟಾಪ್‌ನಲ್ಲಿದ್ದೆ.
+ನೀನು ಕೂಡಲೇ ಬಾ" ಫೋನಿಟ್ಟು ಮುಖದ ಬೆವರನ್ನುತೊಡೆದುಕೊಂಡಳು.
+ಡಾ|।ನವೀನ್‌ ಬರುವ ವೇಳೆಗೆ ಮಧ್ಯಾಹ್ನವೇ ಆಯಿತು.
+ಅವನ ಸ್ಥಿತಿ ನರ್ಸಿಂಗ್‌ ಹೋಂನಲ್ಲಿ ತುಂಬ ಸೂಕ್ಷ ವಾಗಿತ್ತು.
+ಮತ್ತೆ ಮತ್ತೆ ಯುಗಂಧರ್‌ ಮನೆಗೆ ಮತ್ತು ಮೂರ್ತಿಗೆ ಫೋನ್‌ ಮಾಡಿಸೋತು ಹೋದಳು.
+ರಿಂಗ್‌ ಆದರೂ ಯಾರು ಫೋನ್‌ ಎತ್ತುತ್ತಿರಲಿಲ್ಲ.
+ಡಾ|।ನವೀನ್‌ ಕಾರ್ಡಿಯಾಲಜಿಸ್ಟ್‌  ಡಾ||ಶರ್ಮ ಅವರನ್ನು ಭೇಟಿಮಾಡಿ ಪೇಷಂಟ್‌ನ ಸ್ಥಿತಿಯನ್ನು ಅರಿತು ಬಂದ ನಂತರವೇ ಕೇಳಿದ್ದು.
+"ಅವ್ರ ಮನೆಯವರಾರು ಇಲ್ವ ?"ಫೋನ್‌ ಮಾಡಿ ಮಾಡಿ ಸಾಕಾಯ್ತು.
+ಫೋನ್‌ನ ಪ್ರಾಬ್ಲಮ್ಮೋ, ಅಥವಾ ಮನೆಯಲ್ಲಿ ಯಾರು ಇಲ್ವೋ ?
+ಅವ್ರಿಗೂ ಫೋನ್‌ ಮಾಡ್ದೆ.
+ಏನು ಪ್ರಯೋಜನವಾಗ್ದಿಲ್ಲ" ಎಂದು ಹಣೆಗೆ ಕೈಯೊತ್ತಿದಳು.
+"ಇನ್ನ ಅವರು ಅನ್‌ಕಾನ್‌ಷಿಯಸ್‌ನಲ್ಲೇ ಇದ್ದಾರೆ.
+ನಾನೇ ಮನೆಗೆ ಹೋಗಿ ವಿಷ್ಯ ತಿಳ್ಸಿ ಬರ್ತೀನಿ.
+ಸಧ್ಯಕ್ಕೆ ಇಲ್ಲೇ ಇರು.
+ಫೋನ್‌ ಮಾಡಿ ಅಪ್ಪನ್ನೋ,ನೀರದನೋ ಕರೆಸ್ಕೋ" ಸ್ಕೂಟರ್‌ ಹತ್ತಿದ.
+ನವೀನ್‌ ಯುಗಂಧರ್‌ ಮನೆಯ ಮುಂದೆ ಇಳಿದಾಗ ಗೇಟುಗೆ ಬೀಗ ಹಾಕಿತ್ತು.
+ಅಂದರೆ ಅವರುಗಳು ಇಲ್ಲ.
+ಎದುರು ಮನೆಯವರು ಕೂಡ ಇರಲಿಲ್ಲ.
+ಪಕ್ಕದ ಮನೆಯ ಕಾಲಿಂಗ್‌ ಬೆಲ್‌ ಒತ್ತಿದ.
+"ಓ, ನೀವು ಚಾರುಲತ ಅವ್ರ ಅಣ್ಣ ಅಲ್ವಾ ?
+ನೀವು ವಿವಾಹವಾಗೋ ಮುನ್ನ ಒಂದಿಷ್ಟು ಯೋಚಿಸಬೇಕಿತ್ತು.
+ನಿಮ್ಗೆ ತಂಗಿಯ ಭವಿಷ್ಯಕ್ಕಿಂತ ಪ್ರೇಮನೇ ದೊಡ್ಡದಾಗಿ ಹೋಯ್ತು" ಈ ಪ್ರವರದೊಂದಿಗೆ ಆ ಮನೆಯೊಡತಿ ಇವನನ್ನು ಎದುರುಗೊಂಡಿದ್ದು.
+ಮುಷ್ಟಿ ಬಿಗಿ ಹಿಡಿದು ಮುಖದ ಮೇಲೆ ಗುದ್ದಿದಂತಾಯಿತು ಅವನಿಗೆ.
+ಚೇತರಿಸಿಕೊಳ್ಳಲು ಕ್ಷಣಗಳು ಬೇಕಾಯಿತು.
+"ಸಾರಿ ಫಾರ್‌ ದಿ ಡಿಸ್ಟರ್ಬ್‌.
+ಯುಗಂಧರ್‌ ಮನೆಯವರಾರು ಕಾಣ್ತಾ ಇಲ್ವಲ್ಲ !"ವಿಚಾರಿಸಿದ ಬಿಳುಪೇರಿ.
+“ನೆನ್ನೆ ಸತ್ಯನಾರಾಯಣ ಪೂಜೆಗೆ ಹೋಗೋದಿದೇಂತ ಅಂದ್ರು ಬಹುಶಃ ಅಲ್ಲಿಗೆ ಹೋಗಿರ್ತಾರೆ.
+ಈಚೆಗೆ ಅವ್ರಿಗೆ ದೇವರು, ಪೂಜೆಯೆಂದರೆ ತುಂಬಅಕ್ಕರೆ” ಉತ್ತರದ ಜೊತೆ ಒಂದಿಷ್ಟು ಬೇಡದ ವಿಷಯವನ್ನ ಕೂಡ ಹೇಳಿದರು
+"ಎಲ್ಲಿಗೇಂತ ಗೊತ್ತಾ ?" ಕೇಳಿದ.
+"ಗೊತ್ತಿಲ್ಲ, ಹೇಳಿದಷ್ಟು ಮಾತ್ರ ಕೇಳೋದು ನನ್ನ ಸ್ವಭಾವ.
+ನೀವು ಬಂದಿದ್ದೇನು ?" ಕುತೂಹಲ ತೋರಿದರು.
+ಏನು ಹೇಳುವುದು ಬೇಡವೆನಿಸಿತು ಡಾ ನವೀನ್‌ಗೆ.
+ಸುಮ್ನೆ ನೋಡಿ ಹೋಗೋಣಾಂತ ಬಂದೆ.
+ನಾಳೆ ಬಂದು ನೋಡ್ತೀನಿ ಸ್ಕೂಟರ್‌ನತ್ತ ಹೊರಟ.
+ಅವನಿಗೆ ಈಗ ಏನು ಮಾಡುವುದೋ ದಿಕ್ಕು ತೋಚಲಿಲ್ಲ.
+ಅವನ ಸ್ಕೂಟರ್‌ ನರ್ಸಿಂಗ್‌ ಹೋಂನತ್ತ ಧಾವಿಸಿತು.
+ತೀರಾ ಹತ್ತಿರದವರು ಇರಬೇಕೆನಿಸಿತು.
+ಮಾರ್ಗ ಮಧ್ಯದಲ್ಲಿ ಇಳಿದು ಮೂರ್ತಿಯ ಮನೆಗೆ ಫೋನ್‌ಹಚ್ಚಿದ.
+ನಂತರ ಕಾಲೇಜಿನಲ್ಲಿ ಸಿಕ್ಕ ಸುದ್ದಿಯ ಪ್ರಕಾರ ಅವನು ಸ್ಟೂಡೆಂಟ್ಸ್‌  ಕರೆದುಕೊಂಡು ಟೂರ್‌ಗೆ ಹೋಗಿದ್ದ.
+ವಿಷಯನ ತಂಗಿಗೆ ಮುಟ್ಟಿಸಿ ಸುತ್ತಲೂ ನೋಟ ಹರಿಸಿದ.
+"ಮನೆಯಲ್ಲಿ ಯಾರು ಫೋನ್‌ ತಗೋತಾ ಇಲ್ಲ.
+ಅಪ್ಪ ಇದ್ದರೋ,ಇಲ್ವೋ ?"ಎಂದಳು ಸಪ್ಪಗೆ.
+ಹಣೆ ಗಟ್ಟಿಸಿಕೊಳ್ಳಬೇಕೆನಿಸಿತು ಡಾ|| ನವೀನ್‌ಗೆ.
+ನೀರದಾಗೆ ಮೃದುವಾಗಿ,ಖಾರವಾಗಿ ಹೇಳಿ ಸಾಕಾಗಿದ್ದ.
+ಅವಳ ಸ್ವಭಾವದಲ್ಲಿ ಕಿಂಚಿತ್‌ ಬದಲಾವಣೆ ಇಲ್ಲ.
+ಯಾರು ಇಲ್ಲದಿದ್ದರೇ ಅವಳಂತು ಮನೆಯಲ್ಲಿ ಇರುತ್ತಿರಲಿಲ್ಲ.
+“ಅವ್ಳಿಗೆ ಹೇಳಿ ಸಾಕಾಗಿದೆ.
+ಅನ್ನೋದು ನೂರಕ್ಕೆ ನೂರರಷ್ಟು ನಿಜ.
+ಆಗ ಎಷ್ಟು ಇಷ್ಟವಾಗಿದ್ದು ಅಂದರೇ, ಹೇಗೆ ಹೇಳ್ಲಿ ?
+ಈಗಾಗ್ಲೇ ಅವ್ಳ ಸ್ವಭಾವ ಬೇಸರ ಬಂದ್ಹೋಗಿದೆ.
+ಸುಮ್ನೆ ಮದ್ವೆ ಆಗೋ ಬದಲು ಪ್ರೇಮಿಗಳಾಗಿಯೇ ಇದ್ಬಿಟ್ಟಿದ್ದರೇ ಚೆನಾಗಿತ್ತು.
+ಅದೆಲ್ಲ ಸವಿ ಸವಿಯಾಗಿ ಇರ್ತಾಇತ್ತು” ಜಿಗುಪ್ಸೆಗೊಂಡು ನುಡಿದ.
+ಆದರೆ ಈ ವಿಷಯವಾಗಿಯೇ ತಲೆ ಕೆಡಿಸಿಕೊಳ್ಳುವಂತಿರಲಿಲ್ಲ.
+ಡಾಕ್ಟರ್‌ಗಳ ಒಂದು ಹಿಂಡು ಯುಗಂಧರ್‌ ಸುತ್ತಮುತ್ತ ಇತ್ತು.
+ಅವರ ಮನೆಯವರಾರು ಇಲ್ಲದಿದ್ದೊಂದು ಚಿಂತೆ.
+“ಅಣ್ಣ, ಕಾರು ಅಲ್ಲೇ ಇತ್ತು” ಎಂದಳು ನೆನಪಿಸಿಕೊಂಡು.
+“ಅದ್ನ ಆಮೇಲೆ ನೋಡ್ಕೋಬಹ್ಹು.
+ಅವ್ರೆಲ್ಲ ಎಲ್ಹೋದ್ರು” ಹಣೆಗೆ ಕೈಹಚ್ಚಿದ.
+"ಸತ್ಯನಾರಾಯಣ ಪೂಜೆಗೆ ಹೋದೋರು, ಸಂಜೆಗಾದ್ರೂ ಬರ್ತಾರೆ.
+ಡೋಂಟ್‌ ವರಿ.
+ನೀನು ಇಲ್ಲೇ ಇರು" ಎಂದವನು ಮತ್ತೆ ಡಾಕ್ಟರೊಂದಿಗೆ ಡಿಸ್ಕಸ್‌ ಮಾಡಿ ಬಂದ  "ಪ್ರಜ್ಞೆ ಬರೋವರ್ಗೂ ಏನು ಹೇಳೋಕ್ಕಾಗೋಲ್ಲ ಅಂತಾ ಇದ್ದಾರೆ.
+ಈ ತರಹದ ಕೇಸ್‌ಗಳೆಲ್ಲ ಹಾಗೇ.
+ಒಂದಿಷ್ಟು ಕಾರು ನೋಡ್ಕೊಂಡ್‌ ಬಂದ್ಬಿಡ್ತೀನಿ.
+ಅಲ್ಲೇ ಇದ್ದರೇ ಅದ್ನ ಅವ್ರ ಮನೆ ಮುಂದೆ ನಿಲ್ಲಿಸೋ ಏರ್ಪಾಟು ಮಾಡ್ಬರ್ತಿನಿ.
+ನಿಮ್ಮ ಆಫೀಸ್‌ಗೆ ಫೋನ್‌ ಮಾಡಿದ್ಕಾ?"ನಾಲ್ಕು ಹೆಜ್ಜೆ ಮುಂದೆ ಹೋದವನು ಬಂದು ಪ್ರಶ್ನಿಸಿದ.
+"ಮಾಡ್ತೀನಿ, ಆದಷ್ಟು ಬೇಗ್ಬಂದ್ಬಿಡು" ಎಂದಳು.
+ಅವಳ ಕಣ್ಣುಗಳಲ್ಲಿ ನೀರಿತ್ತು "ಏಯ್‌ ಅಳೋಂಥದ್ದು ಏನಾಗಿದೆ ?
+ಇದಿನ್ನ ಮೊದಲ ಅಟ್ಕಾಕ್‌  ತಾನೇ ?
+ಅಂಥ ಡೇಂಜರ್‌ ಏನಲ್ಲ" ಸಂತೈಯಿಸಿ ಹೋದವನು ಐದು ನಿಮಿಷದಲ್ಲಿ ಹಿಂದಿರುಗಿ "ಅದು ಎಲ್ಲಾದ್ರೂ ಹಾಳಾಗ್ಲಿ.
+ಅವ್ರುಗಳು ಯಾರಾದ್ರೂ ಬರೋವರ್ಗೂ ನಾನು ಇಲ್ಲಿ ಇರ್ತೀನಿ. 
+ಈಗ್ಭಂದೆ. . . ” ಮತ್ತೆ ಹೋದ.
+ಪೂಜಾ ವಿಷಯ ಬಂದ ಮೇಲೆ ಅವರು ಬದಲಾಗಿದ್ದರೂ, ಅದರ ಹಿಂದಿನ ದಿನಗಳಲ್ಲಿ ಯುಗಂಧರ್‌ ಸೊಸೆಯನ್ನು ಮಗಳಿಗಿಂತ ಹೆಚ್ಚಾಗಿ ನೋಡಿಕೊಂಡರು.
+“ಇಲ್ಲಿ ಅತ್ತೆ, ಮಾವ ಇದ್ದಾರೆ ಅಂತ ಸಂಕೋಚವೇನು ಇಟ್ಕೋಬೇಡ.
+ಅಲ್ಲಿ ನಿನ್ತಂದೆ ಮನೆಯಲ್ಲಿ ಹೇಗೆ ಇರ್ತೀಯೋ ಹಾಗೆ ಇರು.
+ನಂಗೆ ಪೂಜಾ,ನೀನು ಒಂದೇ” ಮನಃದುಂಬಿ ಇವಳು ಹೋದ ಹೊಸದರಲ್ಲಿ ಹೇಳಿದ ಮಾತುಗಳು.
+"ಚಾರು. . . . . ಬಾ ಇಲ್ಲಿ" ಬಾಯಿ ತುಂಬ ಕರೆಯುತ್ತಿದ್ದ ಯುಗಂಧರ್‌ ಅವಳಿಗೆ ತುಂಬ ಇಷ್ಟವಾಗಿದ್ದರು.
+ಚಾರುಲತ ಅತ್ತು ಕಣ್ಣೀರು ತೊಡೆದುಕೊಂಡಳು.
+ನೆನಪಾದ ದೇವರುಗಳನ್ನೆಲ್ಲ ಪ್ರಾರ್ಥಿಸಿದಳು, ಅವರನ್ನ ಉಳಿಸಿಕೊಡಲು.
+ಪೂಜಾಗೆ ಇದರಿಂದ ಎಂಥ ಷಾಕ್‌ ಆಗಬಹುದು ?
+ತಲೆ ಕೆಟ್ಟಂತಾಯಿತು ಅವಳಿಗೆ.
+ಸಂಜೆಯ ವೇಳೆಗೆ ಯುಗಂಧರ್‌ ದೇಹ ಸ್ಥಿತಿಯಲ್ಲಿ ಅಂಥ ಸುಧಾರಣೆಯೇನುಕಾಣದಿದ್ದರೂ, ಮೂರ್ತಿಯ ತಾಯಿ ಫೋನ್‌ನಲ್ಲಿ ಸಿಕ್ಕರು.
+“ಅತ್ತೆ, ದಯವಿಟ್ಟು  ಫೋನ್‌ ಇಡ್ಬೇಡಿ.
+ಮಾವ ಒಂದಿಷ್ಟು ಎಡವಿ ಪೆಟ್ಟು ಮಾಡೊಂಡಿದ್ದಾರೆ.
+ನೀವು ಮುರುಗನ್‌ ನರ್ಸಿಂಗ್‌ಹೋಂಗೆ ಬನ್ನಿ.
+ಗಾಬ್ರಿ ಯಾಗೋ ಅಗತ್ಯವೇನಿಲ್ಲ” ಹೇಳಿ ಅವರ ಪ್ರತಿಕ್ರಿಯೆಗಾಗಿ ಕಾದಳು.
+"ಯಾರು ಮಾತಾಡ್ತಾ ಇರೋಡು ?" ಆಕೆಯ ದನಿ ನಡುಗಿತು.
+ಚಾರುಲತ ಮಾತಾಡ್ತಾ ಇರೋದು.
+ಅದೇ ಮುರುಗನ್‌ ನರ್ಸಿಂಗ್‌ಹೊಂಗೆ  ಬನ್ನಿ.
+ಆತಂಕ ಪಡೋಂಥದೇನಿಲ್ಲ.
+ಕಾರಿನಿಂದ ಇಳಿಯೋವಾಗ ಆದ ಪೆಟ್ಟಷ್ಟೆ" ಎಂದಳು.
+“ನಿಂಗೆ ಅವ್ರೆಲ್ಲಿ ಸಿಕ್ಕರು ?” ಆಕೆಯ ಸ್ವರವೇ ಉಡುಗಿತು.
+“ಅದೆಲ್ಲ ಆಮೇಲೆ ಹೇಳ್ತೀನಿ.
+ಪೂಜಾ ಬೇಕಾದರೇ ಮನೆಯಲ್ಲೇ ಇರ್ಲಿ. 
+ನೀವೊಬ್ರು. . . ಬನ್ನಿ” ಫೋನಿಟ್ಟಳು.
+ಅವಳಿಗೆ ಮೈ ಮೇಲೆ ಬಿಸಿ ನೀರು ಸುರಿದುಕೊಂಡ ಅನುಭವವಾಯಿತು.
+ಒಬ್ಬರನ್ನೊಬ್ಬರು ಅರ್ಥ ಮಾಡಿಕೊಂಡು ಬದುಕಿದ ಜೀವಗಳು.
+ಮೃಣಾಲಿನಿ ಫೋನಿಟ್ಟು ಮಗಳನ್ನು ತಬ್ಬಿಕೊಂಡು ಬಿಕ್ಕಳಿಸಿದರು "ಅವುರು ಪೂಜೆಯ ವೇಳೆಗೆ ಬರದಿದ್ದಾಗಲೇ ಗಾಬ್ರಿ.
+ಏನಾಗಿದೆಯೋ, ಏನೋ" ಎಂದು ತಾಯಿ ಮಗಳು ಒಬ್ಬರನ್ನೊಬ್ಬರು ಸಮಾಧಾನ ಪಡಿಸಿಕೊಂಡು ಬೀಗ ಹಾಕುವ ವೇಳೆಗೆ ಪಕ್ಕದ ಮನೆಯಾಕೆ ಕಾಂಪೌಂಡ್‌ ಬದಿಗೆ ಬಂದು  "ಎಲ್ಹೋಗಿದ್ರಿ ?
+ನಿಮ್ಮ ಸೊಸೆ ಅಣ್ಣ ಹುಡ್ಕಿಕೊಂಡ್ಬಂದಿದ್ದ" ಅಂತು ವಿಷಯ ಮುಟ್ಟಿಸಿದ ತೃಪ್ತಿ ಅವರಿಗೆ.
+ಸರ್ರೆಂದು ಕಾಂಪೌಂಡ್‌ ಗೋಡೆಯ ಬಳಿ ಬಂದ ಮೃಣಾಲಿನಿ, ಹಾರುವ ಎದೆಯ ಮೇಲೆ ಕೈಯಿಟ್ಟುಕೊಂಡು  "ಏನಾದ್ರೂ ಹೇಳಿದ್ದಾ ?"ಕೇಳಿದರು.
+"ಏನು ಹೇಳಿಲ್ಲ !
+ನಾನು ಛೀಮಾರಿ ಹಾಕ್ದೇ ಬಿಡಿ.
+ಯಾವ ಮುಖ ಇಟ್ಕೊಂಡ್‌ ನಿಮ್ಮ ಮನೆಗೆ ಬಂದ್ನೋ" ಎಂದರು ಆಕೆ.
+ಮೃಣಾಲಿನಿ ಮುಖ ಮತ್ತಷ್ಟು ಬಿಳುಚಿಕೊಂಡಿತು.
+ಯುಗಂಧರ್‌ಗೆ ಬರೀ ಪೆಟ್ಟಾಗಿರಲಾರದು.
+ಕೆಟ್ಟ ಕೆಟ್ಟ ಯೋಜನೆಗಳಿಂದ ಕುಸಿದಾಗ ಪೂಜಾ ಪ್ರಯಾಸದಿಂದ ಎಬ್ಬಿಸಿಕೊಂಡು ಗೇಟಿನ ಬಳಿಗೆ ಬರುವ ವೇಳೆಗೆ ಆಟೋ ನಿಂತಿತ್ತು.
+ಅದರ ಪಕ್ಕದಲ್ಲಿ ಸ್ಕೂಟರ್‌ ಮೇಲಿದ್ದ ಡಾ॥। ನವೀನ್‌ ಮೆಲ್ಲಗೆ  ಇಳಿದು ಇವರತ್ತ ಬಂದ.
+"ಆಟೋ ಹತ್ಕೊಳ್ಳಿ.
+ಏನು ಗಾಬ್ರಿ ಪಡೋಂಥದ್ದಲ್ಲ " ಎಂದ ಮೆಲ್ಲಗೆ.
+ಪೂಜಾನ ನೋಡಿ ಅವನ ಜಂಘಾಬಲವೇ ಉಡುಗಿ ಹೋಗಿತ್ತು.
+ಗುರುತು ಸಿಗದಷ್ಟು ಬಡವಾಗಿದ್ದಳು.
+ಗುಲಾಬಿ ಹೂವಿನಂತೆ ನಳನಳಿಸುತ್ತಿದ್ದ ಹೆಣ್ಣು ಬಿಸಿಲಿಗೆ ಕಮರಿ ಹೋದಂತೆ ಕಂಡಳು.
+ಸ್ಕೂಟರ್‌ ಹತ್ತಿದವನೆ ಹೊರಟುಬಿಟ್ಟ.
+ನರ್ಸಿಂಗ್‌ ಹೋಂ ತಲುಪೋವರೆಗೂ ಹಿಂದಿರುಗಿ ಕೂಡ ನೋಡಲಿಲ್ಲ.
+ಒಂದು ಹೆಣ್ಣಿನ ಸ್ಥಿತಿ ಇಷ್ಟೊಂದು ದಾರುಣ - ಅದಕ್ಕೆ ತಾನು ಕಾರಣ.
+ಡಾ|| ನವೀನ್‌ ಮೈಯೆಲ್ಲ ಕಂಪಿಸುತ್ತಿತ್ತು.
+ದಢಬಢ ಬಂದವನೆ “ನಿನ್ನತ್ತೆ ಪೂಜಾ ಬರ್ತಾ ಇದ್ದಾರೆ.
+ಹೇಗೆ ಹ್ಯಾಂಡಲ್‌ಮಾಡ್ತೀಯೋ ನೋಡು.
+ಸಧ್ಯಕ್ಕೆ ನಾನು ಇಲ್ಲಿದ್ರೂ ನಿನ್ನ ಕೈ ಗೆ ಸಿಗೋಲ್ಲ” ಹೊರಟೇ ಬಿಟ್ಟ ಹಿಂದಿರುಗಿ ಕೂಡ ನೋಡದೇ.
+ಹತ್ತು ನಿಮಿಷದಲ್ಲಿ ಮೃಣಾಲಿನಿ, ಪೂಜಾ ಬಂದಾಗ ತಾನೇ ಎದುರು ಗೊಂಡುಪಕ್ಕಕ್ಕೆ ಕರೆದೊಯ್ದು ಕೂಡಿಸಿ ವಿಷಯ ತಿಳಿಸಿದಳು.
+"ಅಂಥ ಪ್ರಮಾದಕರವಾದ ಅಟ್ಯಾಕ್‌ ಅಲ್ಲಾಂತ ಡಾಕ್ಟ್ರ ಹೇಳ್ತಾ ಇದ್ದಾರೆ " ಎಂದಳು ಉಗುಳು ನುಂಗಿ.
+ಆಕೆ ಪ್ರಜ್ಞೆ ತಪ್ಪಿದರೂ ತಕ್ಷಣ “ಅಮ್ಮನ ಹಿಡ್ಕೋ,ಹೋಗಿ ಡಾಕ್ಟುನ ಕರ್ಕಂಡ್‌ ಬರ್ತಿನಿ” ಓಡಿದಳು.
+ಬಂದ ಸಿಸ್ಟರ್‌ ಆಕೆಯನ್ನು ಬೆಡ್‌ಗೆ ಸಾಗಿಸಿದರು. 
+"ಬಿ. ಪಿ. ಜಾಸ್ತಿಯಾಗಿದೆ. 
+ಡೋಂಟ್‌ ವರೀ, ಷಾಕ್‌ ನ್ಯೂಸ್‌, ಎಲ್ಲರ ಸ್ಥಿತಿನು ಇಷ್ಟೆ" ಇಂಜಕ್ಟನ್‌ ಚುಚ್ಚಿದ ಸಿಸ್ಟರ್‌ ಉಸುರಿ ಹೋದಾಗ ಅವಳಿಗೆ ದಿಕ್ಕೇ ತೋಚದಂತಾಯಿತು.
+ನಿಂತ ಪೂಜಾ ಜೀವವಿಲ್ಲದ ಗೊಂಬೆಯಂತೆ ಕಂಡಳು.
+ಚಾರುಲತಳ ಕರುಳು ಕಿತ್ತು ಬಾಯಿಗೆ ಬಂದಂತಾಯಿತು.
+ಹಿಡಿದು ಬೆಡ್‌ ಮೇಲೆ ಕೂಡಿಸಿ  "ಬರೀ ಷಾಕ್‌ ಅಷ್ಟೆ, ಪೂಜಾ.
+ಗಾಬ್ರಿಯಾಗೋಂಥದೇನಿಲ್ಲ " ಹೇಳಿದಳು.
+ಮೊದಲು ಮೌನವಹಿಸಿದ್ದ ಪೂಜಾ ಭೋರೆಂದು ಅಳತೊಡಗಿದಾಗ ದಿಕ್ಕು ತೋಚದಂತಾಯಿತು ಚಾರುಲತಗೆ.
+ಇವಳು ಇಲ್ಲಿ ಇರುವುದು ಎರಡು ಕಡೆಯ ಅಪಾಯವಾಗಿ ಕಂಡಿತು.
+"ಪ್ಲೀಸ್‌ ಪೂಜಾ, ಅಮ್ಮನಿಗೆ ಏನು ಆಗಿಲ್ಲ.
+ನೀನು ಧೈರ್ಯಗೆಟ್ಟರೆ ಕಷ್ಟವಾಗುತ್ತೆ" ತಲೆ ಸವರಿ ಹೊರಗೆ ಬಂದವಳೇ ಡಾ॥। ನವೀನ್‌ನ ಹುಡುಕಿಕೊಂಡು ಹೋಗಿ "ಅಣ್ಣ, ಪೂಜಾ ತುಂಬ ವೀಕಾಗಿ ಕಾಣ್ತಾಳೆ.
+ಒಂದು ಪೆಥೆಡಿನ್‌ ಕೊಡ್ಸಿದರೇ ಹೇಗೆ ?"ಸಲಹೆ ಕೇಳಿದಳು.
+ಡಾ|| ನವೀನ್‌ ಅವಳ ಜೊತೆಯಲ್ಲಿ ಬಂದವನು ಪೂಜಾನ ಎಬ್ಬಿಸಿ  "ಸ್ಪೆಷಲ್‌ವಾರ್ಡ್‌ ಖಾಲಿ ಇದೆ.
+ಡಾಕ್ಟುನ ಕನ್‌ಸಲ್ಟ್‌ ಮಾಡ್ತೀನಿ.
+ನೀನು ಇವ್ರುನ ನೋಡ್ಕೋ" ಹೇಳಿ ಕರೆದೊಯ್ದ.
+ಮೃಣಾಲಿನಿಗೆ ಎಚ್ಚರವಾದ ಮೇಲೆ ಒಂದೇ ಸಮ ವಾಂತಿ.
+ಮೊದ ಮೊದಲು ಬೊಗಸೆಯಲ್ಲಿಡಿದು ಚಾರುಲತ ಹೊರ ಚೆಲ್ಲಬೇಕಾಯಿತು.
+ಇವಳ ಸೀರೆ, ಮೈ ಮೇಲೆಲ್ಲ ವಾಂತಿ.
+ಅಂತು ಯುಗಂಧರ್‌ಗಿಂತ ಈಕೆಯ ಸೇವೆ ಮಾಡಿದ್ದೇ ಹೆಚ್ಚಾಯಿತು.
+ಮರುದಿನ ಸಂಜೆ ಯುಗಂಧರ್‌ಗೆ ಪ್ರಜ್ಞೆ ಬಂದಾಗ ಮೃಣಾಲಿನಿ  ಸ್ವಲ್ಪ ಚೇತರಿಸಿಕೊಂಡಿದ್ದರು.
+ಸೊಸೆಯನ್ನು ತಬ್ಬಿಕೊಂಡು ಕಣ್ಣೀರು ಸುರಿಸುತ್ತ  “ಅವ್ರಿಗೆ ಏನು ಆಗೋಲ್ಲ ತಾನೇ ?” ಕೇಳಿದ್ದೇ ಕೇಳಿದ್ದು.
+“ಇಲ್ಲ, ಖಂಡಿತ ಮಾವನವ್ರಿಗೆ ಏನು ಆಗೋಲ್ಲ.
+ಈಗ ತಾನೇ ಜ್ಞಾನ ಬಂದಿದೆ.
+ಅವ್ರ ಮುಂದೆ ಅಳ್ಬಾರ್ದು” ಮಂಚದಿಂದ ಎಬ್ಬಿಸಿ ಕರೆದೊಯ್ದರು.
+ಹೊರಗಡೆಯ ಕಿಟಕಿಯ ಗ್ಲಾಸ್‌ನಿಂದ ಯುಗಂಧರ್‌ನ ನೋಡಬಹುದಿತ್ತು.
+ಕೃತಕ ಉಸಿರಾಟದ ನಳಿಕೆಯ ಸಲೈನ್‌ ತಾಗಾಡುತ್ತಿದ್ದರಿಂದ ಮೃಣಾಲಿನಿಗೆ' ತಡೆಯಲಾಗಲಿಲ್ಲ.
+"ಚಾರು, ನಂಗೆ ಭಯ ಆಗ್ತಾ ಇದೆ" ಅತ್ತರು ಅವಳ ಆಸರೆಯಲ್ಲಿ.
+"ಯಾಕೆ ಭಯ ಪಡುತ್ತೀರಾ ?
+ಮಾವನವುರು  ಫಿಪ್ಟಿ ಪರ್ಸೆಂಟ್‌' ಚೇತರಿಸಿಕೊಂಡಿದ್ದಾರೆ.
+ಒಂದೆರಡು ದಿನದಲ್ಲಿ ಕರ್ಕಂಡ್‌ ಹೋಗ್ಟಹ್ಹು ಅಂದರಲ್ಲ?
+ಧೈರ್ಯ ಹೇಳಿದಳು.
+ಅವಳ ಮನದಲ್ಲಿ ಯಾವ ಕಹಿ ಭಾವನೆಯು ಇರಲಿಲ್ಲ,ಕಾರಿಡಾರ್‌ನಲ್ಲಿ ಹಾಕಿದ್ದ ಛೇರ್‌ ಮೇಲೆ ಕುಸಿದ ಮೃಣಾಲಿನಿ “ಮೂರ್ತಿಗೆ ಗೊತ್ತಾಯ್ತ ?
+ಮನಸ್ಕತೆಯನ್ನ ಬಲವಾಗಿ ಹೊಡೆದಟ್ಟಿ "ಗೊತ್ತಾಯ್ತು ಬಂದ ಕೂಡ್ಲೇ ಕಳ್ಲಿಕೊಡೀಂತ ಹೇಳ್ದೆ.
+ಸುಮ್ನೆ ವಿಷ್ಯ ತಿಳಿದ್ರೆ ಗಾಬ್ರಿಯಾಗ್ಬಾರದಲ್ಲ.
+ಹೇಗೂ,ನಾಳಿದ್ದು ಸಾಯಂಕಾಲ ಬರ್ತಾರೇಂತ ತಿಳಿಸಿದ್ರು" ಉದ್ವಿಗ್ಗಳಾಗದೇ ಅತ್ಯಂತ ಸಮಾಧಾನವಾಗಿ ನುಡಿದಿದ್ದು ಪ್ರಯಾಸದಿಂದಲೇ.
+ಡಾಕ್ಟರನ್ನು ಭೇಟಿಯಾದಾಗ "ಇನ್ನೇನು ಪ್ರಾಬ್ಲಮ್‌ ಇಲ್ಲ.
+ಇಲ್ಲೇ ಉಳಿದ್ರೆ ಪೇಷಂಟ್‌ಗಳಾಗಿ ಬಿಡ್ತಾರೆ ಇವರುಗಳು.
+ಮನೆಗೆ ಕರ್ಕೊಂಡ್ಹೋಗಿ.
+ನೀವೊಬ್ರು ಇದ್ದರೆ ಸಾಕು'' ಎಂದರು.
+ಡಾ|।ನವೀನ್‌ ಕೂಡ ಅದೇ ಸಲಹೆ ಕೊಟ್ಟ “ಹೇಗೂ, ನಾನು ಇಲ್ಲೇ ಇರ್ತೀನಿ.
+ಆದರೆ ಯುಗಂಧರ್‌ ಮುಖತಃ ನನ್ನ ನೋಡೋದ್ಬೇಡ.
+ಮತ್ತೆ ಎಕ್ಸೈಟ್‌ ಆಗಬಹುದು.
+ಪೂಜಾನ ನೋಡಿ ನಂಗೆ ತುಂಬ ಸಂಕಟವಾಯ್ತು.
+ಈ ಹಟದ ಹುಡ್ಗಿ ಇಷ್ಟೊಂದು ಅಪಾಯ ತಂದುಕೋತಾಳೇಂತ ತಿಳ್ದು ಕೊಂಡಿರಲಿಲ್ಲ.
+ಪಾಸ್ಟ್‌ ಈಸ್‌ ಪಾಸ್ಟ್‌ ಈಗ ನೆನೆದು ಪ್ರಯೋಜನವೇನು ?"ವಿಷಾದ ಇಣಕಿತು ಅವನ ದನಿಯಲ್ಲಿ.
+ತಾಯಿ, ಮಗಳನ್ನ ಒಪ್ಪಿಸುವ ವೇಳೆಗೆ ಅವಳಿಗೆ ಸಾಕು ಬೇಕಾಯಿತು.
+ಈಗಲೂ ಪೂಜಾ ನೇರವಾಗಿ ಅವಳೊಂದಿಗೆ ಮಾತಾಡುತ್ತಿರಲಿಲ್ಲ.
+ಹೋಗುವ ಮುನ್ನ ಪ್ರಜ್ಞೆ ಬಂದ ಯುಗಂಧರ್‌ ಸೊಸೆ, ಹೆಂಡತಿ, ಮಗಳನ್ನ ಒಟ್ಟಿಗೆ ನೋಡಿ ಆಶ್ಚರ್ಯ ಚಕಿತರಾದರು.
+ಒಂದೆರಡು ಕ್ಷಣ ಅವರ ಮುಖದ ಭಾವನೆಗಳಲ್ಲಿ ಏರುಪೇರಾಯಿತು.
+ಅಷ್ಟರಲ್ಲಿ ಬಂದ ಡಾಕ್ಟರ್‌ ಅವರನ್ನ ಹೊರಗೆ ಕಳಿಸಿದರು.
+ಕಾಂಪೌಂಡ್‌ನೊಳಕ್ಕೆ ಇಳಿದ ಮೇಲೆ  "ಕಾರೆಲ್ಲಿ ?" ಕೇಳಿದರು.\
+ ಸುತ್ತಲೂನೋಟ ಹರಿಸುತ್ತ ಮೃಣಾಲಿನಿ “ಡ್ರೈವರ್‌ ಇಲ್ಲ.
+ಇಲ್ಲೇ ಗ್ಯಾರೇಜ್‌ನಲ್ಲಿ ಬಿಟ್ಟಿದೆ.
+ಹೇಗೂ ಮಾವನವರನ್ನ ಕರೆದೊಯ್ಯಲು ಕಾರು ಬೇಕಲ್ಲ.
+ಈಗ ಆಟೋದಲ್ಲಿ ಹೋಗೋಣ."
+ಆಕೆ ತೀರಾ ಸುಸ್ತಾಗಿದ್ದರು.
+ನಿಂದಿಸಲಾಗಲೀ, ಕೋಪ ತೋರಿಸಲಾಗಲಿ  ಅವರಿಂದ ಸಾಧ್ಯವಿರಲಿಲ್ಲ.
+ಸಧ್ಯಕ್ಕೆ ಮಾನಸಿಕವಾಗಿ ಸಪೋರ್ಟು ನೀಡಲು ಅವರವರಾಗಿ ಯಾರಾದರೂ ಬೇಕಿತ್ತು.
+ಜೊತೆಗೆ ಎರಡು ದಿನದಿಂದ ಚಾರುಲತ ಉಪಚರಿಸಿದ ರೀತಿಗೆ ಮೃದುವಾಗಿ ಹೋಗಿದ್ದರು.
+ಮನೆಯ ಬಳಿ ಆಟೋದಿಂದ ಇಳಿದಾಗ ಬಿಕೋ ಎನ್ನುತ್ತಿತ್ತು.
+ರಾತ್ರಿ ಮನೆಯ ಕಾವಲಿಗೆ ಡಾ।। ನವೀನ್‌ ಯಾರನ್ನೋ ಕರೆತಂದು ಮಲಗಿಸಿದ್ದ.
+ಗೇಟಿನ ಬೀಗ ನೋಡಿ ಆಕೆ ಸಮಾಧಾನಗೊಂಡರು.
+ಸುತ್ತಲು ಕಳ್ಳತನಗಳು ನಮ್ಮ ಪುಣ್ಯ ಏನು ಆಗಿಲ್ಲ ಎಂದಾಗ ಅವಳಿಗೆ ನಗು ಬಂತು.
+ಮನುಷ್ಯ ಎಂಥ ಭ್ರಮೆಯಲ್ಲಿರುತ್ತಾನೆ.
+ಹಿಂದಿನ ದಿನ ಆಕೆ “ಚಾರು, ನಂಗೆ ಒಂದಿಷ್ಟು ವಿಷ ಕೊಡೊಕೇಳು.
+ಅವ್ರು ಇಲ್ದೇ ನಾನು ಬದ್ಕಲಾರೆ”ಗೋಳಿಟ್ಟಿದ್ದರು.
+ಇಂದು ಮನೆ ಸಂಪತ್ತಿನ ಬಗ್ಗೆ ವ್ಯಾಮೋಹ.
+"ಒಂದು ರೀತಿಯ ವಿಚಿತ್ರವಾದ ಸುಳಿಯಲ್ಲಿ ಮಾನವರನ್ನ ಬಂಧಿಸಿಡುತ್ತಾನೆ, ಸೃಷ್ಟಿಕರ್ತ" ಅವಳ ತಂದೆ ಆಗಾಗ ಹೇಳುತ್ತಿದ್ದರು.
+ಇಬ್ಬರನ್ನ ಒಳಗೆ ಕರೆದೊಯ್ದು ಮಲಗಿಸಿ ಗೀಸರ್‌ ಸ್ವಿಚ್‌ ಆನ್‌ ಮಾಡಿ ಸೊಂಟಕ್ಕೆ ಸೆರಗನ್ನ ಸಿಕ್ಕಿಸಿ ಇಡೀ ಮನೆಯನ್ನು ಸ್ವಚ್ಛ ಮಾಡತೊಡಗಿದಳು.
+ಸ್ನಾನ ಮುಗಿಸಿ ಬಂದು ಪಕ್ಕದ ಮನೆಯ ಹುಡುಗನಿಂದ ಹಾಲು ತರಿಸಿ ಇಬ್ಬರಿಗೂ ಕಾಫಿ ಒಯ್ದು ಕೊಟ್ಟಳು.
+“ನಂಗೆ ಬೇಡ” ಪೂಜಾ ಗುರ್‌ಗುಟ್ಟಿದಳು.
+“ತುಂಬ ಸುಸ್ತಾಗ್ತೀಯಾ !
+ನೀನೇನು ನನ್ನ ಅತ್ತಿಗೇಂತ ಟ್ರೀಟ್‌ ಮಾಡ್ಬೇಡ.
+ಸಧ್ಯಕ್ಕೆ ಮಾವನವುರು ಒಂದಿಷ್ಟು ಚೇತರಿಸ್ಕೋಬೇಕು.
+ಅದ್ಕೇ ನಿನ್ನ ಕೋಪರೇಷನ್‌ ಮುಖ್ಯವಾಗುತ್ತೆ.
+ಫ್ಲೀಸ್‌ ಕುಡಿ” ಓಲೈಸಿ ಹೊರ ಬಂದ ಮೇಲೆ ಕಾಫಿಯ ಕಪ್‌ಖಾಲಿಯಾಗಿದ್ದು.
+ಮೃಣಾಲಿನಿಯವರ ಬಳಿಗೆ ಬಂದು  "ಅತ್ತೆ, ನಾನು ನರ್ಸಿಂಗ್‌ ಹೋಂಗೆ ಹೋಗ್ತಾ ಇದ್ದೀನಿ.
+ಅಲ್ಲಿಂದಲೇ ಫೋನ್‌ ಮಾಡ್ತೀನಿ.
+ಅಡಿಗೆ ಮಾಡಿಟ್ಟಿದ್ದೀನಿ.
+ಊಟ ಮಾಡಿ" ಎಂದು ಹೇಳಿ ಹೊರಬಂದಳು.
+ಈ ಮನೆಯ ಸೊಸೆ ಅವಳು.
+ಅಲ್ಲಿನ ಇಂಚು ಇಂಚಿನ ಪರಿಚಯ ಅವಳಿಗೆ ಇತ್ತು.
+ ಯೋಗಾ. . . ಯೋಗವೇನೋ ಮತ್ತೆ ತಾತ್ಕಾಲಿಕವಾಗಿಯಾದರೂ ಈ ಮನೆಯೊಳಕ್ಕೆ ಬಂದಿದ್ದಳು.
+ಡಾ|| ನವೀನ್‌ ಅವಳಿಗಾಗಿ ಕಾದಿದ್ದ.
+“ಹೇಗಿದ್ದಾರೆ, ತಾಯಿ ಮಗ್ಳು ?
+ಈ ಸ್ಥಿತಿಯಲ್ಲಿ ನನ್ನ ಪೂಜಾ ಹುಲಿಯನ್ನ ನೋಡಿದಂತೆ ನೋಡ್ತಾಳೆ.
+ಯುಗಂಧರ್‌ ಅಪಾಯದಿಂದ ಹೊರಗೆ.
+ಏನು ತೊಂದರೆ ಇಲ್ಲ.
+ನೀನು ಅವುನ್ನು ಕರ್ಕಂಡ್‌ ಬಂದು ನರ್ಸಿಂಗ್‌ ಹೋಂಗೆ ಸೇರಿಸಿರೋದು, ಅದು ಸ್ವಲ್ಪ ಹೆಚ್ಚು ಕಡೆಯಾದರೇ ಎಲ್ಲಿಂದ ಎಲ್ಲಿಗೋಎಂದು ಹೆದರಿದ್ದೆ" ಸ್ವಲ್ಪ ಗೆಲುವಿನಿಂದ ನಗಾಡಿದ.
+“ಪರ್ವಾಗಿಲ್ಲ, ಪೂಜಾಗಂತು ಕೋಪ ತಗ್ಗಿಲ್ಲ.
+ಅವ್ಳ ಸ್ಥಿತಿ ನೋಡಿ ನಂಗೆ ಕರುಳು ಕಿತ್ತು ಬಂತು.
+ಸ್ಲೀಪಿಂಗ್‌ ಟ್ಯಾಬ್ಲೆಟ್ಸ್‌ ತಗೊಂಡಿದ್ದಳಂತೆ ಸಾಯೋಕೆ.
+ಪಕ್ಕದ ಮನೆಯಾಕೆ ಹೇಳಿದ್ರು" ತಂಗಿ ಹೇಳಿದ ಕೂಡಲೇ "ಬೊ ಖೊ ಖೊ ಎಂದು ಜೋರಾಗಿ ನಕ್ಕು "ಸಾಯ್ಲಿಲ್ಲ, ನಮ್ಮನ್ನ ಉಳಿಸಿದ್ದು.
+ಇಲ್ಲದಿದ್ದರೇಅಮ್ಮ ಮಕ್ಳು ಪೂಜಾ ಸಾವಿಗೆ ನಾವೇ ಕಾರಣಾಂತ ಕೋರ್ಟಿಗೆ ಹೋಗಿ ಬಿಡ್ತಾ ಇದ್ದರೇನೋ !
+ಅದೊಂದು ತಪ್ಪಿತು" ನಿಟ್ಟುಸಿರು ದಬ್ಬಿದ.
+ಚಾರುಲತ ತುಟಿಗಳ ಮೇಲೆ ನಗೆ ಅರಳಿತು.
+ಏನಿ ವೇ ಹ್ಯಾಪಿ ಎಂಡಿಂಗ್  ಎಂದಳು ಮೈ ಮರೆತು. 
+“ಚಾರು. . . '' ಉದ್ಗರಿಸಿದ.
+ಅವನ ನೋಟದಲ್ಲಿ ನೋಟ ನೆಟ್ಟು ಮೆಲು ನಗೆ ಬೀರಿದಳು.
+“ನನ್ನ ಅವಕಾಶವಾದಿ ಅಂತ ಅವ್ರೇನು ತಿಳಿಯೋದ್ಬೇಡ.
+ಸಮಯ ಆಗಿತ್ತು.
+ಮಾವನವುರು ಹುಷಾರಾದರೇ ಸಾಕು.
+ಅಣ್ಣ, ತಂಗಿ ನಗುತ್ತ ಒಳ ಬಂದರು.
+ಅಪಾಯದಿಂದ ಹೊರ ಬಂದಿದ್ದರೂಇನ್ನ ಇನ್‌ಟೆನ್‌ಸ್ಲ್ಸೀವ್‌ ಕೇರ್‌ನಲ್ಲಿಯೇ ಇಟ್ಟಿದ್ದರು ಯುಗಂಧರ್‌ನ;
+ ಡಾ|| ನವೀನ್‌ ಮಾತ್ರ ಅತ್ತ ಸುಳಿಯುತ್ತಿರಲಿಲ್ಲ.
+ಅವರು ಹುಷಾರಾಗ್ತಾರೆ.
+ನೀನು ಆಗಿರೋದು, ನೋಡು.
+ನೆನ್ನೆ ಇಡೀ ರಾತ್ರಿ ನಿದ್ದೆ ಇಲ್ಲ.
+ಈಗ ಮನೆಗೆ ಹೋಗ್ಬರೋಣ ನಡೀ ಎಂದ ಹಣೆಯುಜ್ಜುತ್ತ "ಬೇಡ, ಸಧ್ಯಕ್ಕೆ ಇಲ್ಲಿ ಯಾರಾದ್ರೂ ಇರಲೇ ಬೇಕು.
+ನಾಳೆ ವೇಳೆಗೆ ಅತ್ತೆ,ಪೂಜಾ ಚೇತರಿಸ್ಕೋತಾರೆ.
+ನಾಳಿದ್ದು ವಿಷ್ಯ ಮುಟ್ಟಿದ ಕೂಡ್ಲೇ ಅವರು ಬರ್ತಾರೆ.
+ಆಮೇಲೆ ಇಲ್ಲೇನು ಕೆಲ್ಸ ಇರೋಲ್ಲ?
+ಅತ್ಯಂತ ಸರಳವಾಗಿ ಹೇಳಿದಳು.
+ಅಣ್ಣ, ತಂಗಿ ಇಡೀ ಕಾರಿಡಾರ್‌ನಲ್ಲಿ ಒಂದು ರೌಂಡ್‌ ಹಾಕಿಕೊಂಡು ಬಂದರು.
+"ನೀನಿನ್ನ ಹೋಗು.
+ನಾಳೆ ಬೆಳಿಗ್ಗೆ ಫೋನ್‌ ಮಾಡು.
+ನಿನ್ನ ಅಗತ್ಯವಿದ್ದರೇ ಬಾ ಅಂತೀನಿ.
+ಇಲ್ಲದಿದ್ದರೇ ನರ್ಸಿಂಗ್‌ಹೋಂಗೆ ಹೋಗು.
+ಅಪ್ಪ ಏನು ಬರೋದ್ಬೇಡ.
+ನನಗೋಸ್ಕರ ಅವರು ಅವಮಾನ ಸಹಿಸೋದು ನಂಗಿಷ್ಟವಿಲ್ಲ"  ಸ್ಪಷ್ಟವಿತ್ತು ಅವಳ ಮಾತಿನಲ್ಲಿ.
+“ರಾತ್ರಿ ನೀನು ಇಲ್ಲಿರ್ಬೇಕಾದ ಅಗತ್ಯವೇನಿಲ್ಲ.
+ಬೆಳಿಗ್ಗೆ  ಬರ್ಬಹುದು” ಎಂದ ಹೋಗುವ ಮುನ್ನ “ಬೇಡ, ಎಷ್ಟೇ ಡಾಕ್ಟ್ರು ಸಿಸ್ಟರ್ಸ್‌ ಇದ್ದರೂ ಮನೆಯವ್ರ ಅಗತ್ಯವಿದೆ.
+ನೀನು ಹೋಗ್ಬಾ. . . ಅನಗತ್ಯವಾಗಿ ನೀರದ ಮೇಲೆ ರೋಪ್‌ಹಾಕೋದ್ಬೇಡ" ಎಚ್ಡರಿಸಿಯೇ ಕಳಿಸಿದ್ದು.
+ಆಮೇಲೆ ಮೃಣಾಲಿನಿಗೆ ಫೋನ್‌ ಮಾಡಿದಳು.
+"ಮುತ್ತಷ್ಟುಸುಧಾರಿಸಿದ್ದಾರೇಂತ ಅಂದರು ಡಾಕ್ಟು.
+ನಾನು ಇಲ್ಲೇ ಇರ್ತಿನಿ.
+ನಿಮ್ದು ಊಟ ಆಯ್ತ ?
+ಪೂಜಾಗೆ ಊಟ ಮಾಡ್ಸಿ.
+ಇಲ್ಲಿನ ಯೋಚ್ನೇಬೇಡ.
+ಸ್ಲೀಪಿಂಗ್‌ಟ್ಯಾಬ್ಲೆಟ್‌ ಹಾಕಿಕೊಳ್ಳೋದು ಮರೀಬೇಡಿ" ಎಂದಳು.
+ಅವರು ಪ್ರತಿಯೊಂದಕ್ಕೂ ಹ್ಲೂಗುಟ್ಟಿದರು.
+"ಜೋಪಾನ, ಮನಸ್ಗೇ ನಿಲ್ಲದು.
+ಮತ್ತೊಮ್ಮೆ  ಫೋನ್‌ಮಾಡು" ಅವರ ಕಣ್ಣೀರು ಚಾರುಲತವರೆಗೂ ಹರಿದು ಬಂದಂತಾಯಿತು.
+ಇಡೀ ರಾತ್ರಿ ನಿದ್ದೆ ಗೆಟ್ಟು ಅವರ ಬಳಿ ಇದ್ದುದ್ದರಿಂದ ಚಾರುಲತ ಕಣ್ಣುಗಳು ಬೆಳಗಿನ ವೇಳೆಗೆ ಭಗಭಗ ಎನ್ನತೊಡಗಿತು.
+ರೂಮಿನಿಂದ ಹೊರ ಬಂದಾಗ ಎದುರಾದುದ್ದು ತಾಯಿ ಮಗ.
+"ಹೇಗಿದ್ದಾರೆ ?" ಮೃಣಾಲಿನಿಯ ಗಾಬರಿ.
+ಏನು ಪರ್ವಾಗಿಲ್ಲ.
+ಎಚ್ಚರವಾಗಿಯೇ ಇದ್ದಾರೆ  .
+ಸರಿದು ಹೋದಾಗ ಮೂರ್ತಿಯ ನೋಟ ಹಿಂಬಾಲಿಸಿತು "ಚಾರುನ ನೀನೇ ಕರೆಸಿಕೊಂಡ್ಕಾ?"
+ಅರಿವಾಗದಂತೆ ಅವನ ಹುಬ್ಬುಗಳು ಬಿಗಿದುಕೊಂಡವು.
+ಕೇಳಿದ ಅಷ್ಟೆ,ಉತ್ತರವೇನು ನಿರೀಕ್ಷಿಸಲಿಲ್ಲ.
+ಅವನಿಗೆ ತಂದೆಯ ಆರೋಗ್ಯದ ಬಗ್ಗೆ ಗಾಬರಿ ಇತ್ತು.
+ಒಂದು ದಿನ ಮೊದಲೇ ಬಂದಿದ್ದರಿಂದ ಸುದ್ದಿ ಸಿಕ್ಕ ಕೂಡಲೇ ರಾತ್ರಿನೇ ಟ್ಯಾಕ್ಸಿ ಮಾಡಿಕೊಂಡು ಬಂದಿದ್ದ.
+ಆರಾಮಾಗಿ ಚಾರುಲತ ಆಟೋ ಹತ್ತಿ ಮನೆಗೆ ಬಂದಳು.
+ಇನ್ನು ಇವಳ ಅಗತ್ಯ ಅಲ್ಲಿರಲಿಲ್ಲ.
+ಈಗಾಗಲೇ ವಿಷಯ ಮುಟ್ಟಿ ಯುಗಂಧರ್‌ ತಮ್ಮ ತಂಗಿಯೆಲ್ಲ ಬಂದ ಸುದ್ಧಿ ತಿಳಿದಾಗ ಹಾಯೆನಿಸಿತು.
+ಸ್ಕೂಟರ್‌ ಹತ್ತುತ್ತಿದ್ದ ಡಾ|| ನವೀನ್‌ ಅಚ್ಚರಿಯಿಂದ ಇಳಿದ.
+“ಏನು ವಿಷ್ಯ ?” ಗಾಬರಿಯಿಂದ ಪ್ರಶ್ನಿಸಿದ.
+“ಮೊದ್ಲು ಆಟೋಗೆ ಹಣ ಕೊಡು” ಎಂದು ಮನೆಯೊಳಕ್ಕೆ ಹೋದಳು.
+ವರಾಂಡದಲ್ಲಿ ಪೇಪರ್‌ ಹಿಡಿದು ಕೂತ ವಾಸುದೇವಯ್ಯ “ಹೇಗಿದ್ದಾರೆ? ” ಮೇಲೆದ್ದರು. 
+"ಈಗ ಹುಷಾರಾಗಿದ್ದಾರೆ" ಎಂದು ಅವರ ಎದುರಿನಲ್ಲಿ ಕೂತಳು.
+“ನಾನು ಬರೋಣಾಂತ ಇದ್ದೆ.
+ನವೀನ ಬೇಡಾಂದ.
+ಬಹಳ ಒಳ್ಳೆ ಮನುಷ್ಯ.
+ಏನೋ ಭಿನ್ನಾಭಿಪ್ರಾಯ ಬಂತು.
+ಹಾಗೆಂದು ಸಂಬಂಧನ ಕಡಿದುಕೊಳ್ಳೋಕೆ ಸಾಧ್ಯನಾ ?"ಅವರ ದನಿಯಲ್ಲಿ ನೋವಿತ್ತು.
+ “ಚೇತರಿಸಿಕೊಂಡಿದ್ದಾರೆ. ನಮ್ಗೆ ಅಷ್ಟು ಸಾಕು.
+ಸ್ನಾನ ಮಾಡ್ಕೊಂಡ್‌ಬೇಗ್ಫರ್ತೀನಿ" ಎದ್ದು ಹೋದಳು.
+ಮೈಯಲ್ಲಿ ನೀರಸವಿದ್ದರೂ ಅವಳು ಆಫೀಸಿಗೆ ಹೋಗುವ ನಿರ್ಧಾರ ಮಾಡಿದಳು.
+ಬಾತ್‌ರೂಂನ ಬಳಿ ಎದುರಾದ ನೀರದ  "ಯಾವಾಗ್ಬಂದ್ರಿ ?
+ನೀವು ಅಲ್ಲೇ ಉಳ್ಳೋತೀರೀಂತ ಅದ್ಕೊಂಡೆ.
+ಅಮ್ಮ ಕೂಡ ಅದನ್ನೇ ಹೇಳಿದ್ರು"ಅವಳ ಮಾತುಗಳಿಗೆ  ಪ್ರತಿಕ್ರಿಯಿಸದೇ  "ಹೊತ್ತಾಯ್ತು ಬೇಗ ಸ್ನಾನ ಮಾಡ್ಕೊಂಡ್‌ಬರ್ತಿನಿ"ಸರಸಿಕೊಂಡು ಬಾತ್‌ರೂಮು ನೊಳಕ್ಕೆ ಹೋಗಿ ಬಾಗಿಲು ಹಾಕಿಕೊಂಡಳು ಮೌನವಾಗಿ ಕಣ್ಣಿರು ಸುರಿಸಿದಳು.
+ತುಂಬು ಅಕ್ಕರೆ ಸುರಿಸುತ್ತಿದ್ದ ನೀರದ ಅತ್ತಿಗೆಯಾದ ಮೇಲೆ ಬದಲಾಗಿದ್ದಾಳೆಯೆನಿಸಿತು.
+ಅವರ ವೈಯಕ್ತಿಕ ಸುಖ ಸಂತೋಷಗಳಿಗೆ ತಾನು ಅಡ್ಡಿಯೆನ್ನುವಂತೆ ಅವಳ ನೋಟ.
+ಇದೇನು ಬಿಡಿಸಲಾರದ ಒಗಟಲ್ಲ.
+ಕನ್ಯೆಯಾಗಿದ್ದಾಗ ತವರು ಮನೆಯಲ್ಲಿರುವುದೇ ಬೇರೆ.
+ಇನ್ನೊಬ್ಬರ ಕೈ ಹಿಡಿದ ಕೂಡಲೇ ತಾಯಿ ಮನೆಯಲ್ಲಿ ಹೆಣ್ಣು ತನ್ನ ಅಸ್ತಿತ್ವವನ್ನೇ ಕಳೆದುಕೊಂಡು ಬಿಡುತ್ತಾಳೆ.
+ಸರಿಯೋ, ತಪ್ಪೋ ಅಂತು ಇದೊಂದು ಪದ್ಧತಿ.
+ಮಾನಸಿಕವಾಗಿ ಎಲ್ಲರೂ ಇದಕ್ಕೆ ಹೊಂದಿಕೊಂಡಿದ್ದರು.
+ಸ್ನಾನ ಮುಗಿಸಿಕೊಂಡು ಹೊರ ಬಂದಾಗ ಡಾ॥ನವೀನ್‌ ಅವಳಿಗಾಗಿ ಕಾದಿದ್ದ  "ನಿನ್ನ ಡ್ರಾಪ್‌ ಮಾಡಿ ನಾನ್ಹೋಗ್ತೀನಿ.
+ಒಂದ್ಗಂಟೆ ಲೇಟಾಗಿ ಬರ್ತೀನೀಂತ ಪರ್ಮೀಷನ್‌ ತಗೊಂಡಿದ್ದೀನಿ" ಎಂದ.
+ಐದೇ ನಿಮಿಷದಲ್ಲಿ ರೆಡಿಯಾದಾಗ ನೀರದ ತಂದು ಉಪ್ಪಿಟ್ಟಿನ ತಟ್ಟೆ ಅವಳ ಮುಂದಿಟ್ಟು “ಸ್ವಲ್ಪ ಉಪ್ಪು ಜಾಸ್ತಿಯಾಗಿದೆ.
+ಮೊಸರು ತರ್ಲ” ಎಂದಾಗ,ಚಾರುಲತಗೆ ತಿಂಡಿ ತಿನ್ನುವ ಉದ್ದೇಶವೇನು ಇರಲಿಲ್ಲ.
+“ಬೇಡ, ಈಗ್ಲೇ ಲೇಟಾಗಿದೆ.
+ಎರ್ದು ದಿನ ರಜ ತಗೊಂಡಾಗಿದೆ.
+ಅದೊಂದು  ಪ್ರೈವೇಟ್‌ಫರ್ಮ್‌.
+ಜೊತೆಗೆ ತುಂಬ ಸ್ಟಿಕ್ಟ್‌.
+ಒಳ್ಳೆ ಧ್ಯೇಯೋದ್ದೇಶಗಳನ್ನ ಇಟ್ಕಂಡ್  ಬೇಳೀತಾ ಇರೋ ಕಂಪನಿ. 
+ತೆಗೆದಿಡಿ. ಸಂಜೆ ಬಂದು ತಿಂತೀನಿ” ಚಪ್ಪಲಿ ಮೆಟ್ಟಿ ವರಾಂಡದಲ್ಲಿದ್ದ ತಂದೆಗೆ ಹೇಳಿ ಹೋಗುವ ವೇಳೆಗೆ ನವೀನ್‌ ಸ್ಕೂಟರ್‌ ಏರಿದ್ದ.
+ಸ್ಕೂಟರ್‌ ನಿಂತಿದ್ದು ಹೋಟಲ್‌ ಮುಂದೆ.
+ಇದೇನಿದು ? ಎಂದಳು.
+"ನಂಗಂತು ಹಸಿವು.
+ಉಪ್ಪಿಟ್ಟು ಬಾಯಿಗೆ ಇಡೋಕೆ ಆಗದಷ್ಟು ಉಪ್ಪು ಹಾಕಿದ್ದಾಳೆ.
+ಹೊಟ್ಟೆಗೆ ಏನಾದ್ರೂ ಬಿದ್ದರೇನೇ ಮೈಗೆ ಶಕ್ತಿ" ಹೋಟೆಲ್‌ನೊಳಕ್ಕೆ ನಡೆದಾಗ ಹಿಂಬಾಲಿಸಿದಳು.
+ನೀರದ ಬಹಳ ರುಚಿಕಟ್ಟಾಗಿ ಅಡಿಗೆ ತಿಂಡಿ ಮಾಡುತ್ತಿದ್ದಳು.
+ಅದನ್ನೆ ಹೆಚ್ಚು ಮೆಚ್ಚಿಕೊಂಡಿದ್ದು ಡಾ|| ನವೀನ್‌.
+ಅವನಿಗೆ ಸದಾ ಅಡಿಗೆ ರುಚಿ ರುಚಿಗಟ್ಟಾಗಿರಬೇಕು.
+ಆದರೆ ಮಡದಿಯಾಗಿ ಈ ಮನೆಗೆ ಕಾಲಿಟ್ಟ ಮೇಲೆ ಅಡಿಗೆ ತಿಂಡಿಯ ಹದವೇ ಕೆಟ್ಟು ಹೋಗಿತ್ತು.
+ಯಾಕೆ ಹೀಗೆ ?
+ಇದಕ್ಕೆ ಕಾರಣಯಾರು ಹೇಳಬೇಕು.
+ಕೂತ ನಂತರ ಅಣ್ಣನತ್ತ ನೋಡಿ ಮುಗುಳ್ನಗೆ ಬೀರಿ  "ಏನಾದ್ರೂ ಸಣ್ಣ ಫೈಟಿಂಗಾ ?
+ಅದ್ಕೇ ಉಪ್ಪಿಟ್ಟಿನ ಹದ ಕೆಟ್ಟಿದೆ" ಎಂದಳು.
+ಫ್ಯಾನ್‌ನ ಬಟನ್ನೊತ್ತಿ ಷರಟಿನ ಮೇಲಿನ ಗುಂಟಿ ಬಿಚ್ಚಿ "ಅವ್ಳ  ಹದ ಕೆಟ್ಟಿದೆ.
+ಇನ್ನ ಉಪ್ಪಿಟ್ಟಿನ ಹದ ಕೆಡೋದೇನು ?
+ಎಷ್ಟೊಂದು ಓಲೈಸೋಳು.
+ಅವ್ಳು ಹುಟ್ಟಿರೋದೇ ನಂಗಾಗಿ, ಬದ್ಕಿರೋದೇ ನಂಗಾಗಿ ಅನ್ನೋ ತರಹ ನಡ್ಕೋತಾ ಇದ್ದೋಳು ಈಗ ಪೂರ್ತಿ ತದ್ವಿರುದ್ಧ ನನ್ನಿಂದ್ಲೇ ಅವ್ಳಿಗೆ ಅನ್ಯಾಯವಾಗಿದೆ ಅನ್ನೋ ತರಹ ನಡ್ಕೋತಾಳೆ.
+ಎಲ್ಲಾ ವಿಪರೀತ, ವಿಚಿತ್ರ."
+ಹೆಣ್ಣನ್ನ, ಮನೆಯನ್ನ ತೀರಾ ಹಚ್ಕೊಂಡೋನು ಬುದ್ಧಿನಲ್ಲಿ ಮೇಲೇರೋಲ್ಲ.
+ಇದು ನನ್ನ ಫಿಲಾಸಪಿ.
+ಅವೆಲ್ಲ ಬಿಡು, ಈಗೇನು ತಗೋತೀಯಾ ?
+ತಿಂಡಿ ಆಗೋವರ್ಗೂ ಯಾವೇ ವಿಷ್ಯದಲ್ಲಿ ಕಾಮೆಂಟ್ಸ್‌ ಬೇಡ" ತುಟಿಗಳ ಮೇಲೆ ಬೆರಳಿಟ್ಟು ಎಚ್ಚರಿಸಿದ.
+"ಸಾರಿ, ಒಂದೇ ಒಂದ್ಭಾತು.
+ನಿನ್ನ ಅನುಭವಗಳ್ನ ಬರ್ದು ಪುಸ್ತಕ ರೂಪದಲ್ಲಿ ಪ್ರಕಟಿಸ್ಟಾರ್ದು.
+ಅದರಿಂದ ಪ್ರೇರಿತರಾಗಿ ಕೆಲವರಾದ್ರೂ ತಮ್ಮ ವಿವಾಹದ ಡೇಟ್ಸ್‌ನ ಮುಂದೆ ಹಾಕ್ತಾರೆ.
+ಮತ್ತೆ ಕೆಲವರು ಪ್ರೇಮಿಗಳಾಗಿಯೇ ಉಳಿತಾರೆ.
+ಇನ್ನ ಕೆಲವರು ಪ್ರೇಮಿಗಳ್ನ ಬಿಟ್ಟು ಹಿರಿಯರು ತೋರಿಸೋವನ್ನ ಲಗ್ನವಾಗ್ತಾರೆ"ನಕ್ಕಳು.
+"ಇದು ಒಂದೇ. . . ಒಂದ್ಮಾತಾ ?
+ಆ ಬಗ್ಗೆ ಯೋಚಿಸ್ತೀನಿ.
+ಸಧ್ಯಕ್ಕೆ ಮಾತ್ಬೇಡ"ಅಲ್ಲಿಗೆ ನಿಲ್ಲಿಸಿದ.
+ಇಬ್ಬರು ಇಡ್ಲಿ, ವಡೆ ಸಾಂಬಾರ್‌ ಜೊತೆ ಒಂದೊಂದು ಪ್ಲೇಟ್‌ ಪೂರಿ ಕೂಡ ತಿಂದು ಎದ್ದರು.
+"ಸಧ್ಯಕ್ಕೆ  ತೃಪ್ತಿ ಆಯ್ತು.
+ಅದೇನು ಅಪ್ಪ ಒಂದೆರಡು ಸಲ ಕೇಳಿದ್ರು.
+ನಿನೇನೋ ಹೇಳೋದಿದೆ ಅಂದರು.
+ಅದೇನಮ್ಮ ಅಂಥ ವಿಷ್ಯ  ಡಾ|| ನವೀನ್‌ ಕೇಳಿದ ನಂತರವೇ ಅವಳಿಗೆ ಮನೆಯ ವಿಷಯ ನೆನಪಾದದ್ದು.
+ಆದರೆ ಈಗ ಅದರ ಪ್ರಸ್ತಾಪ ಬೇಡವೆನಿಸಿತು.
+"ಅದೇನು ಮುಖ್ಯವಾದುದ್ದಲ್ಲ.
+ನಂಗೆ ಹೊತ್ತಾಯ್ತು." 
+ತಂಗಿಯನ್ನ ನಿವೇದಿತಾ ನ್ಯೂ ವುಮನ್ಸ್‌ ವೇರ್‌ ಬಳಿ ಇಳಿಸಿಯೇ ಅವನು ನರ್ಸಿಂಗ್‌ ಹೋಂಗೆ ಹೋಗಿದ್ದು.
+ಮಧ್ಯೆ ನರ್ಸಿಂಗ್‌ ಹೋಂಗೆ ಫೋನ್‌ಮಾಡಿ ಯುಗಂಧರ್‌ ದೇಹ ಸ್ಥಿತಿ ವಿಚಾರಿಸಿಕೊಂಡು ಸಮಾಧಾನದ ಉಸಿರುದಬ್ಬಿದ "ಗಾಡ್‌ ಈಸ್‌ ಗ್ರೇಟ್‌'" ಎಂದುಕೊಂಡ.
+ಹಿಂದೆಯೇ ಪೂಜಾಳ ನೆನಪಾಯಿತು.
+ಅವಳ ಕಣ್ಣುಗಳಲ್ಲಿನ ಮಿಂಚು ಏನಾಯಿತು ?
+ಆ ಹುಡುಗಿ ಆತ್ಮಹತ್ಯೆ ಮಾಡಿಕೊಳ್ಳಬೇಕಾದರೇ ತನ್ನನ್ನು ಎಷ್ಟು ತೀವ್ರವಾಗಿ ಪ್ರೇಮಿಸಿರಬೇಕು.
+ಅವಳ ನಗು, ಸ್ನೇಹಮಯವಾದ ಮಾತುಗಳಲ್ಲಿನ ಪ್ರೇಮವನ್ನ ತಾನು ಗುರುತಿಸಲೇಇಲ್ಲ.
+ಇದಕ್ಕೆ ನೀರದ ಅಡ್ಡ ನಿಂತಿರಬೇಕು.
+"ಛೆ. . . ಆ ಬಗ್ಗೆ ಚಿಂತಿಸುವುದು ಬೇಡ" ಎನ್ನುವ ತೀರ್ಮಾನಕ್ಕೆ ಬಂದು ತನ್ನ ಕೆಲಸದಲ್ಲಿ ಮಗ್ನನಾದ.
+ಅಂದು ಚಾರುಲತ ಬಸ್ಸಿಗಾಗಿ ಹೊರಟಾಗ ಅವಳ ತಂದೆ ಜೊತೆಯಾದರು.
+ನವೀನ್‌ ಹತ್ತಿರ ಮನೆ ವಿಷ್ಯ ಮಾತಾಡಿದ್ಯಾ?
+ಅವ್ಳು ಯಾರೋ ನೆನ್ನೆ ದಿನ ಬಂದು ಮನೆ ನೋಡ್ಕೊಂಡ್ಹೋದ್ರು.
+ಎದೆಯಲ್ಲಿ ಛಳಕ್‌ ಅಂತು.
+ಆಮೇಲೆ ನೀರದ ದೊಡ್ಡ ಪಂಚಾಯಿತಿನೇ ಮಾಡಿದ್ಲು.
+ಅವ್ಳಿಗಂತು ಮನೆ ಬದಲಾವಣೆ ಸುತರಾಂ ಇಷ್ಟವಿಲ್ಲ."
+ಅವಳ ಮುಖ ತೀರಾ ಗಂಭೀರವಾಯಿತು.
+ಸದಾ ಮಲಗಿಯೇ ಇರೋ ನೀರದ ಅಮ್ಮ ಸದಾ ಕದಡುತ್ತಲೇ ಇದ್ದರು.
+ಈ ಕದಡುವಿಕೆಯ ಪರಿಣಾಮ ಅವಳ ವೈಯಕ್ತಿಕ ಜೀವನದ ಮೇಲೆ ಕರಿ ನೆರಳಿನ ಛಾಯೆ ಬೀಳುತ್ತದೆಯೆನ್ನುವುದು ಆಕೆಗೆ ತಿಳಿಯದೋ |!
+ಇಲ್ಲ ಭಯ, ಆವೇಗದಿಂದ ವಿವೇಕಕಳೆದುಕೊಂಡಿದ್ದಾರೇನೋ ? ಈ ವಿಷ್ಯದಲ್ಲಿ ನಮ್ಮ ಪ್ರವೇಶ ಬೇಡವೇ ಬೇಡ.
+ಅವರಿಬ್ಬರೇ ಚರ್ಚಿಸಿ ನಿರ್ಧಾರಕ್ಕೆ ಬರ್ಲಿ.
+ನಂಗೆ ಅಣ್ಣನ ಮುಂದೆ ಈ ಪ್ರಸ್ತಾಪ ಎತ್ತೋಕೆ ತುಂಬ ಭಯ.
+ಈಗ್ಲೇ ಸುಮಾರು ತಲೆ ಕೆಡ್ಲಿಕೊಂಡಿದ್ದಾನೆ. . ನಿಮ್ಮನ್ನು ದೂರ ಮಾಡ್ಕೊಂಡರೆ ಮತ್ತಷ್ಟು ಹದಗೆಡಬಹುದು.
+ಅದೇ ನಂಗೆ ಭಯ.
+ನಾನು ಇಲ್ಲದಿದ್ದರೇ ಅವರಿಬ್ರೂ ಸರಿ ಹೋಗ್ತಾರೆ.
+ಅಲ್ಲೇ ವುಮೆನ್ಸ್‌ ಹಾಸ್ಟಲ್‌ ಇದೆ.
+ದೂರ ಅನ್ನೋ ಕಾರಣ ನೀಡಿ ನಾನು ಅಲ್ಲೇ ಉಳ್ಳೋತೀನಿ ಎಂದಳು ಮೆಲುವಾಗಿ.
+ಇದರಿಂದ ಅವರಿಗೆ ನೋವೆಂದು ಗೊತ್ತು.
+ಹಾಗೆಂದು ಮತ್ತಷ್ಟು ಸಮಸ್ಯೆಗಳನ್ನುಗುಡ್ಡೆ ಹಾಕಿಕೊಳ್ಳುವುದು ಬೇಡವಾಗಿತ್ತು.
+ವಾಸುದೇವಯ್ಯನ ಕಣ್ಣಲ್ಲಿ ನೀರಾಡಿತು.
+ಉದ್ವಿಗ್ನತೆ ಕಂಪಿಸುತ್ತಿದ್ದರಿಂದ ತಡೆಯಲು ಸಾಧ್ಯವಿಲ್ಲವೆನಿಸಿತು.
+"ಸಂಜೆ ಮಾತಾಡೋಣ, ನೀನ್ಹೋಗು. . . . "ಎಂದವರು ಅಲ್ಲೇ ಇದ್ದ ಮೆಡಿಕಲ್‌ ಸ್ಟೋರ್‌ಗೆ ಹೋದರು.
+ಅವರು ಆಗಾಗ ಹೋಗಿ ಬರುತ್ತಿದ್ದರಿಂದ ರೂಢಿಯಾಗಿದ್ದರು.
+ಅಲ್ಲಿ ಹೋಗಿ ಕೂತು ಸುಧಾರಿಸಿಕೊಳ್ಳುವುದು ಅವರ ಉದ್ದೇಶವಾಗಿತ್ತು.
+ “ಬನ್ನಿ. . . . . ಬನ್ನಿ” ಸ್ವಾಗತಿಸಿದರು ಹಿರಿಯರು.
+ಅವರೊಬ್ಬ ಸರ್ಕಾರಿ ನೌಕರರು.
+ನಿವೃತ್ತಿಯ ನಂತರ ಮಗನ ಮೆಡಿಕಲ್‌ ಸ್ಟೋರ್‌ನಲ್ಲಿ ಬಂದು ಕೂಡುತ್ತಿದ್ದರು ಆಗಾಗ.
+ಸ್ವಲ್ಪ ಮಾತಿನ ಮನುಷ್ಯ.
+“ಕೂತ್ಕೊಳ್ಳಿ” ಕೈಯಲ್ಲಿನ ಪೇಪರ್‌ನ ಪಕ್ಕಕ್ಕಿಟ್ಟರು.
+ಈಗಿನ ಪ್ರಸಕ್ತ ರಾಜಕೀಯದ ಮಾತುಕತೆ ಷುರುವಾಗಿ ಹಿಂದಿನ ದಿನ ನಡೆದ ಶಿರಾ ಗಲಭೆ, ಪೊಲೀಸರಿಂದ ಲಾಠಿ ಛಾರ್ಜ್‌, ಆರು ಜನ ರೈತರು ಸೇರಿ ಒಬ್ಬ ಸರ್ಕಲ್‌ ಇನ್ಸ್‌ಪೆಕ್ಟರ್‌ನ ಮರಣ.
+ಲಾಜಿಕ್ಕಾಗಿ ಚರ್ಚೆ ಮಾಡಿದರು ಎಲ್ಲಾ ಕೋನಗಳಿಂದಲೂ.
+"ತೀರಾ ಕುಲಗೆಟ್ಟು ಹೋಗಿದೆ, ರಾಜಕೀಯ ಪರಿಸ್ಥಿತಿ.
+ಬರೀ ತಮ್ಮ ಛೇರ್‌ಗಾಗಿ ಬಡಿದಾಡುತ್ತಾರೆಯೇ ವಿನಃ ಯಾರಿಗೂ ಸಾಮಾನ್ಯ ಜನರ ಬಗ್ಗೆ ಕಾಳಜಿ ಇಲ್ಲ" ನೋವಿನಿಂದ ನುಡಿದರು.
+ಅಂಗಡಿಯಲ್ಲಿದ್ದ ಹುಡುಗನನ್ನ ಕಳಿಸಿ ಕಾಫಿ ತರಿಸಿದವರೇ ಮತ್ತೆ ಮಾತು ಷುರು ಹಚ್ಚಿದರು “ನಿಮ್ಮ ಮಗ್ಳಿಗೆ ವಿವಾಹವಾಗಿದೆ ಅಲ್ವಾ ?
+ನಾನು ಬಂದಿದ್ದೆ ಮದುವೆಗೆ.
+ಆದರೆ ಈ ಕಡೆ ಓಡಾಡ್ತಾ ಇರೋದು, ಇನ್ನೊಬ್ಬ ಮಗಳಾ ?” ಕೇಳಿದರು ನೇರವಾಗಿ.
+“ಇಲ್ಲ, ಇರೋದು ಒಬ್ಬ ಮಗ್ಳು.
+ಇನ್ನೊಂದು ಗಂಡು ಸಂತಾನ.
+ಅವ್ನಿಗೂ ಈಚೆಗೆ ವಿವಾಹವಾಯ್ತು.
+ನಾನೇ ಸ್ವತಃ ಬಂದು ಆಹ್ವಾನ ಪತ್ರಿಕೆ ಕೊಟ್ಟುಹೋಗಿದ್ದೆ” ಎಂದರು ವಾಸುದೇವಯ್ಯ.
+ಅವರ ಮುಖನೇ ಒಂದು ತರಹ ಆಯಿತು.
+"ನೀವು ಕೊಟ್ಟಿರುತ್ತೀರಿ !
+ಅವುರು  ನನಗೆ ತಲುಪಿಸಬೇಕಲ್ಲ.
+ಹಿರಿಯರು ಅಂದರೇನು ಉತ್ಪೇಕ್ಷೆ
+ಮೊದಲಿನ ಹಾಗೆ ಈಗಿನವ್ರಿಗೆ ಬದ್ಧಿನ ಬಗ್ಗೆ ಪ್ರೀತಿಕಡ್ಮೇ.
+ಬೇರೆ ಜನರೊಂದಿಗೆ ಸ್ನೇಹ, ವಿಶ್ವಾಸ ಅನ್ನೋದಿಲ್ಲ.
+ಬರೀ ವ್ಯವಹಾರಿಕ ಸ್ವಪ್ಪತಿಷ್ಟೆ.
+ನಂಗೆ ಇದೆಲ್ಲ ಹಿಡಿಯೋಲ್ಲ.
+ಅದ್ನ ಯಾಕ್ಗೇ ಹೇಳ್ಬೇಕು ?
+ಕೇಳೋರು ಯಾರಿದ್ದಾರೆ ?
+ನಮ್ಗೆ ಬಾಯಿ ನೋವು.
+ಆದ್ರೂ ಮನಸ್ಸು ತಡ್ಕೋಲ್ಲ" ಮಗನನ್ನ ಬೈಯ್ದುಕೊಂಡರು.
+ಅವರು ಸ್ವಲ್ಪ ತಮ್ಮ ಯೌವನದ ದಿನಗಳನ್ನ ನೆನಪಿಸಿಕೊಂಡಿದ್ದರೇ, ಸ್ವಲ್ಪವಾದರೂ ರಾಜಿ ಯಾಗುತ್ತಿದ್ದರು.
+ಅವರ ಮನಸ್ಥಿತಿ, ಸಮಸ್ಯೆಗಳನ್ನ ಅರ್ಥ ಮಾಡಿಕೊಳ್ಳುತ್ತಿ ದ್ದರು.
+ಅದು ಬಹಳಷ್ಟು ಜನಕ್ಕೆ ಸಾಧ್ಯವಾಗದು.
+ಸ್ವಲ್ಪ ಬಳಲಿಕೆ ಇದ್ದುದ್ದರಿಂದ ವಾಸುದೇವಯ್ಯ ಮಾತಾಡಲಿಲ್ಲ.
+ಆದರೆ ಮತ್ತೆ ಅವರು ಹಿಂದಕ್ಕೆ ಹೋದರು.
+"ನಿಮ್ಮ ಮಗ್ಳು ಒಬ್ಳೇ ಅಂದರಲ್ಲ?"
+ಕನ್ನಡಕ ಸರಿಪಡಿಸಿಕೊಂಡು ಕಣ್ಣು ಕಿರಿದು ಮಾಡಿದರು.
+"ಹೌದು" ಎಂದರು.
+“ಇಲ್ಲೇ ಓಡಾಡುತ್ತಾಳಲ್ಲ !
+ದಿನ ಇದೇ ಸಮಯಕ್ಕೆ ಹೋಗ್ತಾಳೆ.
+ಇದು ಆಫೀಸ್‌ಗಳಿಗೆ ಹೋಗೋ ಸಮಯ.
+ಎಲ್ಲಾದ್ರೂ ಕೆಲ್ಸದಲ್ಲಿ ಇದ್ದಾಳ?"
+ಅವರ ಮನಕ್ಕೆ ನೇರವಾಗಿ ಪಾತಾಳ ಗರಡಿ ಹಾಕಿದರು.
+ಯಾಕಾದರೂ ಇಲ್ಲಿಗೆ ಬಂದೆನೋ, ಎಂದು ಮರುಗಿದರು ವಾಸುದೇವಯ್ಯ.
+ಅಷ್ಟರಲ್ಲಿ ಗಿರಾಕಿಗಳು ಬಂದಿದ್ದರಿಂದ ಮೇಲೆದ್ದರು.
+ಸುಮ್ನೆ ತೊಂದರೆ.
+ಆ ಮನುಷ್ಯ ಬಿಡಬೇಕಲ್ಲ.
+ಕೈ ಹಿಡಿದು "ಕೂತ್ಕೊಳ್ಳಿ, ಅದ್ರಿಂದ ನಮ್ಗೇನು ತೊಂದರೆ ?
+ಹುಡ್ಗ ನೋಡ್ಕೋತಾನೆ.
+ನಾನು ನಾಮಕಾವಸ್ಥೆ ಮಗ ಇಲ್ಲದಾಗ ಬಂದು ಕೂತ್ಯೋತೀನಿ" ಕೂಡಿಸಿಕೊಂಡ ಮಹಾಶಯ.
+"ಮಗ್ಳು ಕೆಲ್ಸದಲ್ಲಿ ಇದ್ದಾಳ ?" ಮತ್ತೆ ಅದೇ ಪ್ರಶ್ನೆ.
+"ಹೌದು, ನ್ಯೂ ವುಮೆನ್ಸ್‌ ವೇರ್‌ ಹೌಸ್‌ನ ಅಕೌಂಟ್‌ ಸೆಕ್ಟನ್‌ನಲ್ಲಿದ್ದಾಳೆ.
+ಈಗ ಹೆಣ್ಣು ಮಕ್ಳು ಓದೋದು, ಕೆಲ್ಸಕ್ಕೆ ಹೋಗೋದು ಸರ್ವೆ ಸಾಮಾನ್ಯ"ಎಂದರು.
+ಇದೊಂದು ತಪ್ಪಿಸಿಕೊಳ್ಳುವ ಪ್ರಯತ್ನ ಅವರದು.
+"ನಿಮ್ಮ ಮಾತು ನೂರಕ್ಕೆ ನೂರರಷ್ಟು ನಿಜ.
+ನಿಮ್ಮ ಮಗ್ಳು ಕೂಡ ಕೆಲ್ಸಕ್ಕೆ ಹೋಗ್ಲಿ.
+ಹಣ ಬರುತ್ತೆ.
+ದುಡ್ಡು ಯಾರ್ಗೆ ಬೇಕಿಲ್ಲ?
+ಆದರೆ ಗಂಡ-ಹೆಂಡ್ತಿ ಒಂದೇ ಊರಿನಲ್ಲಿ ಇರ್ಬೇಕು.
+ಇಲ್ಲದಿದ್ದರೇ ನೂರೆಂಟು ಸಮಸ್ಯೆ.
+ಅವ್ರ ಮಧ್ಯೆ ಪ್ರೀತಿ-ಪ್ರೇಮ ಬೆಳೀಬೇಡ್ವಾ ?
+ಅತಿಥಿಗಳಂತೆ ವಾರಕ್ಕೋ, ತಿಂಗ್ಳಿಗೋ,ವರ್ಷಕ್ಕೋ ಭೇಟಿಯಾಗೋದು ಏನು ಚೆನ್ನ ?
+ನಂಗೆ ಮಾತ್ರ ಅದು ಹಿಡಿಸೋಲ್ಲ.
+ಇದ್ರಿಂದ ತೀರಾ ಅಪಾಯ ಕೂಡ.
+ನಿಮ್ಗೂ ಇದೆಲ್ಲ ಗೊತ್ತಿಲ್ಲದ ಸಂಗ್ತಿಯಲ್ಲಬಿಡಿ" ಇಡೀ ಪುರಾಣವೇ ಒದರಿದರು.
+ಅದರಲ್ಲಿ ಪೀಠಿಕೆ ಕೂಡ ಇತ್ತು.
+ಅರ್ಧಂಬರ್ಧ ವಿಷಯ ಇವರಿಗೆ ಗೊತ್ತಿರ ಬಹುದೆಂದುಕೊಂಡರು ವಾಸುದೇವಯ್ಯ.
+“ನಿಮ್ಮ ಮಾತು ನಿಜ” ಒಪ್ಪಿಗೆ ಸೂಚಿಸಿದರು.
+ವಯಸ್ಸಾದ ವ್ಯಕ್ತಿ ಸ್ವಲ್ಪ ಬಗ್ಗಿ ಗುಟ್ಟು ಹೇಳುವಂತೆ "ನಿಮ್ಮ ಅಳಿಯ ಬೇರೆ ಊರಿನಲ್ಲಿ ಲೆಕ್ಟರರ್‌.
+ಒಳ್ಳೆ ಕೆಲ್ಸ.
+ಕೈ ತುಂಬ ಸಂಬಳನು ಕೂಡ.
+ಅಂದರೇ ನಿಮ್ಮಮಗ್ಳು ಕೆಲ್ಸಕ್ಕೆ ಹೋಗ್ಬಾರ್ದು ಅನ್ನೋ ಉದ್ದೇಶ ನನ್ನದಲ್ಲ.
+ಇದು ನಮ್ಮ ಕಾಲ ಅಲ್ಲ.
+ಹೆಣ್ಣು ಮಕ್ಕಳಿಗೆ ನೂರೆಂಟು ಖರ್ಚುಗಳು ಇರುತ್ತೆ.
+ಎಲ್ಲಾ ಗಂಡ ಪೂರೈಸೋಕೆ ಆಗುತ್ತಾ ?
+ಸ್ವಂತ ದುಡಿಮೆ ಇರ್ಲಿ.
+ಹಾಗಂತ ಗಂಡನಿಂದ ದೂರ ಇರೋದು ಮಾತ್ರ ಸರಿಯಲ್ಲ" ಹಿತೈಷಿಯಂತೆ ಹೇಳಿದಾಗ ಹ್ಲೂಗುಟ್ಟುವುದರ ವಿನಃ ಮತ್ತೇನು ಮಾಡುವಂತಿರಲಿಲ್ಲ ವಾಸುದೇವಯ್ಯ.
+ಮತ್ತಷ್ಟು ವಿಶ್ವಾಸ ತೋರುವಂತೆ ಅವರ ಕೈ ಹಿಡಿದುಕೊಂಡು  "ಯುಗಂಧರ್‌ಗೊತ್ತು, ಒಳ್ಳೆ ಮನುಷ್ಯ.
+ಹಣದ ಮುಖ ನೋಡಿದೋನೇ ಅಲ್ಲ.
+ಇದು ನಂಗೆ ಹೇಗೇ ಗೊತ್ತಾಯಿತೂಂದರೇ, ಅದೇ ಅವ್ರ ಮಗನಿಗೆ ನಮ್ಮ ಸಂಬಂಧದ ಹುಡ್ಗೀನ ಕೊಡಿಸಲಿಕ್ಕೆ ನಾನೇ ಮಧ್ಯಸ್ಥಿಕೆ ವಹಿಸಿದ್ದೆ.
+ಬೆಂಕಿಯಂಥ ಜನ.
+ನಮ್ಗೇ ಅಂಥದೆಲ್ಲ ಬೇಡ.
+ನಮ್ಗೆ ಹುಡ್ಗಿ ಇಷ್ಟವಾದರೇ ಸಾಕೂಂದ.
+ಆಮೇಲೆ ಆ ಸಂಬಂಧ ಆಗಲಿಲ್ಲ ಅಂದ್ಕೊಳ್ಳಿ.
+ಅವ್ರ ಮಗ್ಳು ನಿಮ್ಮ ಮಗ್ಳೇ ಅತ್ತಿಗೆ ಆಗ್ಬೇಕೂಂತ ಹಟ ಹಿಡಿದಳಂತೆ.
+ಇವೆಲ್ಲ ಸ್ವಲ್ಪ ಹಳೆಯದಾಯ್ತು.
+ನೀವು ಸ್ವಲ್ಪ ದೊಡ್ಡ ಮನಸ್ಸು ಮಾಡ್ಕೊಂಡ್‌ ಆ ಹುಡ್ಗೀನ ತಂದ್ಯೋಬೇಕಿತ್ತು” ಎನ್ನುವ ವೇಳೆಗೆ ಅವರ ಮಗ ಬಂದು ವ್ಯಾಪಾರಕ್ಕೆ ನಿಂತ.
+“ಏನೋ ಋಣಾನುಬಂಧ ಇದ್ದಿಲ್ಲ.
+ಮೊದ್ಲೇ ಹುಡ್ಗಿ ನಿಶ್ಚಯವಾಗಿದ್ದು.
+ಮಾತು ಕೊಟ್ಟು ಬದಲಾಯಿಸೋಕೆ ಸಾಧ್ಯನಾ ?
+ಅದೆಲ್ಲ ನಮ್ಮ ಕೈಯಲ್ಲಿ ಇದ್ಯಾ ?
+ದೈವ ಚಿತ್ತದಂತೆ ನಾವು ನಡೀಬೇಕು” ವಾಸುದೇವಯ್ಯ ನೊಂದ ದನಿಯಲ್ಲಿ ಹೇಳಿದರು.
+ಅವರೆದೆಯಲ್ಲಿ ದೊಡ್ಡ ವೇದನೆಯ ಅಗ್ನಿಕುಂಡವೇ ಇತ್ತು.
+ಬೊಗಸೆ ಬೊಗಸೆ ಚೆಲ್ಲಿದಷ್ಟು ತುಂಬಿಕೊಳ್ಳುತ್ತಿತ್ತು.
+"ಇದೆಲ್ಲ ತಪ್ಪಿಸಿಕೊಳ್ಳೋ ಮಾತುಗಳು.
+ನಿಮ್ಗೆ ದೇವ್ರು ಬುದ್ಧಿಕೊಟ್ಟಿರಲಿಲ್ವಾ??
+ಒಂದಿಷ್ಟು ವ್ಯವಹಾರಿಕವಾಗಿ ಯೋಚಿಸಬೇಕಿತ್ತು.
+ತಂದೆಯಾಗಿ ಸ್ವಂತ ಮಗಳ ಬಾಳಿಗೆ ಬೆಂಕಿ ಇಟ್ಟಿರಿ.
+ನಿಮ್ಮ ಮಗ್ಳು ಗಂಡ ನೊಂದಿಗೆ ನಗುನಗುತ್ತಾ ಹೋಗ್ತಾ ಇದ್ದಿದ್ದಾ ನೋಡಿ ಸಂತೋಷಪಟ್ಟೋನು ನಾನು.
+ಈಗ ಆ ಹುಡ್ಗಿ ಒಂಟಿಯಾಗಿ ಹೋಗ್ತಾ ಇದ್ದರೇ ಎದೆಗೆ ಭರ್ಜಿ ಹಾಕಿ ತಿವಿದಂತಾಗುತ್ತೆ.
+ಸ್ವಂತ ತಂದೆಯಾಗಿ ನೀವು ಹೇಗಿದ್ದೀರಿ?
+ನಂಗೆ ಮಾತ್ರ ಇದು ಚೆನ್ನಾಗಿ ಕಾಣ್ಣಿಲ್ಲ” ಎದೆಗೆ ಒದ್ದಂತೆ ಹೇಳಿದಾಗ ಎದ್ದ ವಾಸುದೇವಯ್ಯಎರಡು ಕೈಗಳನ್ನು ಜೋಡಿಸಿದರು.
+"ಹಿಂದೆ ನಿಮ್ಮನ್ನ ಭೇಟಿ ಮಾಡ್ಬೇಕಿತ್ತು.
+ಇದೇ ಮಾತುಗಳ್ನ ಯಾರಾದ್ರೂ ಆಗ ಹೇಳಿದ್ದರೇ, ಇಂಥ ದೊಡ್ಡ ತಪ್ಪು ಆಗ್ತಾ ಇಲ್ಲಿಲ್ಲ.
+ಬರ್ತಿನಿ" ನಡೆದೇ ಬಿಟ್ಟರು.
+ಹಿಂಬಾಲಿಸಿಕೊಂಡು ಬಂದ ಅವರ ಮಗ “ನಮ್ತಂದೆ ಮಾತಿಗೆ ನೀವೇನು ಬೇಜಾರು ಮಾಡ್ಕೋಬೇಡಿ.
+ಅವ್ರ ತಪ್ಪುಗಳ್ನ ಬೇಕಾದರೆ ಪಟ್ಟಿ ಮಾಡ್ಬಹುದು
+ನಮಕ್ಕನ ಚಿಕ್ಕ ವಯಸ್ಸಿನಲ್ಲಿ ಇಷ್ಟವಿಲ್ಲದವ್ನಿಗೆ ಕಟ್ಟಿದ್ರು.
+ಮೂರು ಮಕ್ಳು ಜೊತೆ ಬಂದು ತವರು ಮನೆ ಸೇರ್ಕೊಂಡ್‌ ಹತ್ತು ವರ್ಷ ಆಯ್ತು.
+ಅವ್ನು ಈ ಕಡೆ ತಿರುಗಿ ನೋಡ್ಲಿಲ್ಲ.
+ಬರೀ ಕೋರ್ಟು, ಲಾಯರ್‌ ಅಂತ ಹಣ ಖರ್ಚುಮಾಡೋದೇ ಆಯ್ತು.
+ಇದೊಂದು ಎಗ್ಗಾಮ್‌ಪಲ್‌.
+ಇಂಥದ್ದು ಬೇಕಾದಷ್ಟಿದೆ.
+ಚಾರುಲತ ನಾವು ನೋಡ್ದ ಹುಡ್ಗೀನೇ.
+ಎಲ್ಲಾ ಗೊತ್ತಾಯ್ತು.
+ನಮಕ್ಕನ ಹಾಗೇ ತವರು ಮನೆಗೆ ಭಾರವಾಗಿ ಅಳ್ತಾ ಕೂಡಲಿಲ್ಲ.
+ಒಂದ್ಕೆಲ್ಸ ಹಿಡಿದಿದ್ದಾಳೆ.
+ಅದೇ ಸಂತೋಷಪಡಿ.
+ಮನೆ ಮನೆಯಲ್ಲು ಇಂಥದ್ದು ಇದೆ.
+ನಂಗೂ ವಿವಾಹವಾಗಿ ಹತ್ತು ವರ್ಷ ಆಯ್ತು.
+ಅವ್ಳಿಗೆ ಸದಾ ಗಂಡ ನನ್ನ ಸೆರಗು ಇಡ್ಕೊಂಡ್‌ ಓಡಾಡ್ಬೇಕು ಅನ್ನೋ ಆಸೆ.
+ನಂಗೆ ನನ್ನ ವ್ಯಾಪಾರನೇ ಮುಖ್ಯ.
+ಮುನಿಸ್ಕೊಂಡ್‌ ಮೂರು ತಿಂಗ್ಳು ಹಿಂದೆ ತವರಿಗೆ ಹೋದ್ಲು.
+ ನಂಗೇನು ಬೇಜಾರಿಲ್ಲ.
+ಹತ್ತು ಗಂಟೆವರ್ಗೂ ವ್ಯಾಪಾರ.
+ಆಮೇಲೆ ಲೆಕ್ಕ ನೋಡೋದು ಇರುತ್ತೆ.
+ಆಮೇಲೆ ಆರಾಮಾಗಿ ನಿದ್ದೆ ಬರುತ್ತೆ.
+ಯಾವಾಗ್ಲಾದ್ರೂ ಬರಲೀ.
+ನಾನು ಆ ಕಡೆ ತಲೆ ಹಾಕಿಲ್ಲ” ಅವರ ಮನೆಯ ಪೂರ್ತಿ ಕತೆಯನ್ನ ಬಿಡಿಸಿಟ್ಟ.
+ಅವರು ತಲೆ ದೂಗಿದರಷ್ಟೆ.
+ಮಾತು ಬೇಕೂಂತ ಅನ್ನಿಸಲಿಲ್ಲ.
+“ಇಷ್ಟೆಲ್ಲ ಯಾಕೆ ಹೇಳ್ಬೇಂತ ಅಂದರೇ, ನಮ್ಮ ಅಪ್ಪ ರಾಡಿ ಮಾಡಿರೋ ನಿಮ್ಮ ಮನಸ್ಸು ಒಂದಿಷ್ಟು ತಿಳಿಯಾಗ್ಲಿ” ಎಂದು ಹಿಂದಕ್ಕೆ ಹೋದ.
+ಆ ಹಿರಿಯ ಮನುಷ್ಯನ ಬಗ್ಗೆ ಅವರಿಗೆ ಬೇಜಾರು ಇರಲಿಲ್ಲ.
+ಅವರು ಹೇಳಿದ ಮಾತಿನ ಅರ್ಥ ಮನದಟ್ಟಾಗಿತ್ತು.
+ಅಂದು ತಾನು ಮಗಳ ಬಗ್ಗೆ ಯೋಚಿಸಿದರೇ ಚೆನ್ನಿತ್ತು.
+ಈಗ ಚಿಂತಿಸಿ ಪ್ರಯೋಜನವೇನು ?
+ಮನೆಯ ಕಡೆ ಹೆಜ್ಜೆ ಹಾಕಿದರು.
+ಬಾಗಿಲಲ್ಲಿ ನಿಂತಿದ್ದ ನೀರದ ತಟ್ಟನೇ ಒಳಗೆ ಹೋದಳು.
+ಅವಳಿಗೆ ಈಗ ತಂದೆ, ಮಗನ ಬಗ್ಗೆ ವಿಪರೀತ ಕೋಪ.
+ಅವಳಮ್ಮ ಇನ್ನೊಂದು ವಿಷಯ ಊದಿದ್ದರು.
+"ನಂಗೇನೋ ಅನುಮಾನ ಕಣೇ !
+ಚಾರುಲತ ಮದ್ವೆಯಲ್ಲಿ ಅವ್ಳು ವರದಕ್ಷಿಣೆ, ವರೋಪಚಾರ ಬೇಡ ಅಂದಿರಬಹುದು.
+ಈಗ ಅವುರ ಮಗ್ಳಿಗೆ ಕೊಡಲು ಹಣ ಬೇಕು.
+ಅದ್ಕೇ ಇವು ಮನೆ ಮಾರಿ ಹಣ ಕೊಡಬಹುದು.
+ಇರೋಒಂದ್ಮನೆ ಮಾರ್ಕೊಂಡರೇ ಏನು ಉಳಿಯುತ್ತೆ.
+ಹಾದಿಗೆ ನಾಲ್ಕು ಜನ ಡಾಕ್ಟರ್‌ಗಳು ಆಗ್ಬಿಟ್ಟಿದ್ದಾರೆ.
+ಸರ್ಕಾರಿ ನೌಕರಿ ಸಿಕ್ಕೋಲ್ಲ.
+ನವೀನ್‌ ನಿನ್ನ ಕೈ ಹಿಡೀತಾನೇಂತ ತಿಳಿದಾಗ ನಾನು ಎಷ್ಟೊಂದು ಆಸೆ ಇಟ್ಕೊಂಡಿದ್ದೆ, ಗೊತ್ತಿದ್ಯಾ !
+ಕಡೆವರ್ಗೂ ಈ ಹಳೆ ಸ್ಕೂಟರ್‌ ಗತಿಯಾಗುತ್ತೇನೋ" ಆಕೆಯ ಕಣ್ಣೀರು ಅವಳನ್ನ ತಟ್ಟಿತ್ತು.
+ವಾಸುದೇವಯ್ಕ ಸೊಸೆಯ ಕಡೆ ನೋಡಿ “ಯಾಕಮ್ಮ ಒಂದು ತರಹ ಇದ್ದೀಯಾ ?
+ಅಕಸ್ಮಾತ್‌ ಕೋಪದಿಂದ ಅವನೇನಾದ್ರೂ ಎಗರಾಡಿದರೇ ಸಮಾಧಾನವಾಗಿ ಹೋಗ್ಬೇಕು.
+ಹೊರ್ಗಡೆ ಅವ್ನಿಗೆ ಹಲವು ಸಮಸ್ಯೆಗಳು ಇರುತ್ತೆ? "ಬಿಡಿಸಿಟ್ಟರು. 
+ಮನೆಗೆ ಬಂದ ಹೆಣ್ಣು ಮುಖ ಮುದುಡಿ ಕೂಡುವುದು ಬೇಕಿರಲಿಲ್ಲ.
+"ನೀವು ಕೋಪ ಮಾಡ್ಕೋಬಾರ್ದು.
+ಈಗ ಮನೆ ಬದಲಾಯಿಸೋದು ಯಾಕೆ ?"
+ಸೊಸೆಯ ಪ್ರಶ್ನೆಗೆ ನಿರುತ್ತರರಾದರು.
+ಖಂಡಿತ ಉತ್ತರಿಸಲಾರರು “ಅದ್ನ ನವೀನ್‌ನಲ್ಲಿ ಕೇಳು” ಅಂದವರು ಅಲ್ಲೇ ಇದ್ದ ಆರಾಮ ಛೇರ್‌ನ ಮೇಲೆ ಕೂತು ಕಣ್ಣುಚ್ಚಿ “ಒಂದ್ಲೋಟ ನೀರು ಕೊಡು ತಾಯಿ” ಹೇಳಿದರು.
+ಒಂದಷ್ಟು ಪಾತ್ರೆಗಳು ಸದ್ದಾದ ನಂತರವೇ ನೀರದ ನೀರು ಹಿಡಿದು ಬಂದಿದ್ದು.
+ಮುಗುಳ್ನಗು ತೇಲಿತು ಅವರ ತುಟಿಗಳ ಮೇಲೆ.
+ಇದೇ ಈ ನೀರದ ಸದಾ ಅವರ ಹಿಂದೂ ಮುಂದು ಸುತ್ತುತ್ತಿದ್ದಳು.
+ಇಲ್ಲಿ ಕೆಮ್ಮಿದ್ದು ಕೇಳಿಸಿದರೇ ಎದುರು ಮನೆಯಿಂದ ನೀರಿಡಿದು ಹಾರಿ ಬರುತ್ತಿದ್ದಳು.
+ಎಷ್ಟೊಂದು ಅಕ್ಕರೆ, ಇವರ ಪ್ರತಿಯೊಂದು ಕೆಲಸದಲ್ಲು ಅವಳು ಸಹಾಯ ಮಾಡುವುದು.
+"ಮಾವ, ಮಾವ"ಒಂದು ನೂರು ಸಲವಾದರೂ ಕರೆಯುತ್ತಿದ್ದಳು ಆತ್ಮೀಯವಾಗಿ.
+ಅವಳ ನಡತೆ ಅವರನ್ನ ಬಹಳವಾಗಿ ತಟ್ಟಿತ್ತು.
+"ತಾನು ಸ್ವಾರ್ಥದಿಂದ ಯೋಚಿಸಿರಬೇಕು"ಎಂದುಕೊಂಡರು ಇಂದು.
+ನೀರು ಕುಡಿದು ಲೋಟ ಹಿಂದಿರುಗಿಸಿದರು ನೀರದ ನಿಂತ ಜಾಗ ಬಿಟ್ಟು ಅಲ್ಲಾಡಲಿಲ್ಲ.
+ಅವಳು ಮತ್ತೇನೋ ಹೇಳುವುದಿದೆಯೆಂಬು ತಿಳಿದು ಮೌನವಾದರು.
+"ಒಂದ್ಮಾತು ಕೇಳಿದ್ರೆ ನೀವು ಬೇಜಾರು ಮಾಡ್ಕೋಬಾರ್ದು.
+ನವೀನ್‌  ನಿಮ್ಮ ಮಾತು ಇಲ್ದೇ ಇಂಥ ಪ್ರಯತ್ನ ಮಾಡ್ತಾರಾ ?
+ನಂಗೆ ನಂಬಿಕೆ ಇಲ್ಲ " ಎಂದಳು.
+ಅವಳಲ್ಲಿನ ದಿಟ್ಟತನದ ಅರಿವಾಯಿತು ವಾಸುದೇವಯ್ಯನವರಿಗೆ.
+ಉಗುಳು ಕಹಿಯೆನಿಸಿದರೂ ಬಲವಂತದಿಂದ ನುಂಗಿದರು.
+"ನನ್ನ ಮುಂದು ಕೂಡ ಪ್ರಸ್ತಾಪಿಸಿದ್ದಾನೆ.
+ಅವನೊಂದಿಗೆ ಮಾತಾಡು.
+ಕೂತು ಚರ್ಚಿಸಿ.
+ನಿಮ್ಮ ನಿಮ್ಮಲ್ಲಿನ ಲೋಪ ದೋಷಗಳ್ನ ಒಮತ್ವದಿಂದ ತಿದ್ದಿಕೊಳ್ಳಿ.
+ಆಗ ಒಬ್ಬರ ಬಗ್ಗೆ ಇನ್ನೊಬ್ಬರ ನಂಬಿಕೆ ಅನುಮಾನ ಬಲವಾಗುತ್ತೆ.
+ಅದ್ಬಿಟ್ಟು ನೀನು ಮುಖ ಮುದುರಿ ಕೂಡೋದು, ಅವ್ನು ಸಿಡುಕೋದು ಏನು ಚೆನ್ನ ?"ಅಕ್ಕರೆಯಿಂದ ಬುದ್ಧಿ ಹೇಳಿದರು.
+ಇವಳು ಸಹನೆ ಕೆಟ್ಟರೆ ಡಾ||ನವೀನ್‌  ಮನೆಗೆ ಬರುವುದನ್ನ ಕಮ್ಮಿ ಮಾಡುತ್ತಾನೆಂದು ಅವರ ಅನುಭವಕ್ಕೆ ಬಂದಿತ್ತು.
+ಈಗಾಗಲೇ ಆ ಹಾದಿಯನ್ನ ಹಿಡಿದಿದ್ದ.
+"ನನ್ನ ತಪ್ಪೇನಿಲ್ಲ.
+ಅವ್ರೇ ಬದಲಾಗಿದ್ದಾರೆ" ಮುಖ ದಪ್ಪಗೆ ಮಾಡಿದ್ದು ವಾಸುದೇವಯ್ಯನಿಗೆ ಸರಿ ಕಾಣಿಸಲಿಲ್ಲ  “ಆಯ್ತು, ಅದ್ಕೇ ಕಾರಣ ಹುಡ್ಕು.
+ನನ್ನಿಂದ ನನ್ನ ತಂಗಿ ಬಾಳು ಹಾಳಾಯಿತಲ್ಲ ಅನ್ನೋ ನೋವು ಇರೋದು ಸಹಜ.
+ಅದ್ನ ನೀನು ಹಂಚ್ಯೋ.
+ಧೈರ್ಯ ಹೇಳು.
+ಆಗ ಎಲ್ಲಾ ಸರಿಹೋಗುತ್ತೆ"ತಿಳುವಳಿಕೆಯ ಮಾತುಗಳನ್ನ ಹೇಳಿದರು.
+“ಅವ್ಳು ಕಾರಣವಾಗಬಹುದು.
+ನಾನಂತೂ ಕಾರಣವಲ್ಲ.
+ಆ ಹುಡ್ಗೀ ಜೊತೆ ಪ್ರೇಮ - ಪ್ರೀತಿ ಅಂತ ಸುತ್ತಾಡಿದ್ದಕ್ಕೆ ತಾನೇ ಇಷ್ಟೊಂದು ರಾಮಾಯಣವಾಗಿದ್ದು.
+ಎಲ್ಲಾ ಮುಚ್ಚಿಟ್ಟರು."
+ಮಗನ ಮೇಲೆ ಸೊಸೆಯೊರೆಸಿದ ದೋಷಾರೋಪಣೆಗೆ ಅವಾಕ್ಕಾದರು. 
+ಭಯವೆನಿಸಿತು  ಇದು ತೀರಾ ಅಡ್ಡ ದಾರಿ.
+ಹೀಗಾದರೆ ಇಬ್ಬರು ಬೇರೆ ಬೇರೆ ತೀರಗಳನ್ನ ಸೇರಿ ಬಿಡುತ್ತಾರೆ.
+"ನಿನ್ನ ಯೋಚ್ನೇ ಅಡ್ಡ ದಾರಿ ಹಿಡಿದಿದೆ.
+ಅವ್ಳ ಮೇಲೆ ಪ್ರೀತಿ ಪ್ರೇಮವಿದ್ದರೇ ನಿನ್ನನ್ಯಾಕೆ ವಿವಾಹವಾಗ್ತಾ ಇದ್ದ ?
+ಇಷ್ಟು ಸರಳವಾದ ವಿಷಯನ ತಿಳಿಯಲಾರದಷ್ಟು ಹೆಡ್ಡಿನಾ ?
+ಈ ಮಾತುಗಳ್ನ ಅವ್ನ ಮುಂದೆ ಆಡಿ ಅವ್ನ ಮನಸ್ಸಿನಿಂದ ದೂರ ಸರಿಬೇಡ.
+ಹೋಗಿ, ಕೆಲ್ಸ ನೋಡ್ಕೋ.
+ಸಧ್ಯಕ್ಕೆ ನಿಮ್ಮಮ್ಮನ ಮುಂದೆ ಹೋಗಿ ಕೂತು ಉಪದೇಶ ಕೇಳೋದನ್ನ ಕಡ್ಮೆ ಮಾಡ್ಕೋ"ಮೊದಲ ಸಲ ಸೊಸೆಯ ಮೇಲೆ ಗುಡುಗಿದರು.
+ಅಡಿಗೆ ಮನೆಗೆ ಹೋದ ನೀರದ ಇಡೀ ದಿನ ಗರಬಡಿದಂತೆ ಅಲ್ಲೇ ಕೂತಳೇ ವಿನಃ ಒಂದು ಕೆಲಸ ಮಾಡಲಿಲ್ಲ.
+ಹೇಳಿ ಸಾಕಾದ ವಾಸುದೇವಯ್ಯ ತಾವೇ ಅಡಿಗೆ ಮಾಡಿದರು.
+“ಊಟ ಮಾಡು ಬಾ” ಕರೆದರು.
+ನೀರದ ಅಲ್ಲಾಡಲಿಲ್ಲ.
+ಕಾದು ಕಾದು ಸೋತುಡೆಗೆ ತಾವೇ ತಟ್ಟೆಗೆ ಬಡಿಸಿಕೊಳ್ಳುವ ವೇಳೆಗೆ ಅವಳ ಅತ್ತಿಗೆ ಬಂದಳು "ನೀರದ ಎಲ್ಲಿ ?"
+ಅಡಿಗೆ ಮನೆಯತ್ತ ಸನ್ನೆಯಿಂದ ತೋರಿದರಷ್ಟೆ.
+ಅಸಹನೆ, ಕೋಪ,ಜಿಗುಪ್ಸೆಯಿಂದ ಅವರ ತಲೆ ಸಿಡಿಯುತ್ತಿತ್ತು.
+ಸೊಸೆ ಮನೆಗೆ ಬಂದರೇ ಸಕಲ ಸೌಭಾಗ್ಯಗಳು ಲಭಿಸಿ ತಾವು ಸುಖಿಯಾಗಿ ಬಿಡುತ್ತೇನೆಂದು ತಿಳಿದಿದ್ದು ತಪ್ಪೆನಿಸಿತು.
+ಹಿಂದೆ ನಗುವಿತ್ತು, ಶಾಂತಿ ಇತ್ತು, ಸಂತೋಷವಿತ್ತು-ಈಗ ಅವೆಲ್ಲ ಅದೃಶ್ಯವಾಗಿತ್ತು.
+ಅವರಿಗೆ ಊಟ ಮಾಡಲಾಗಲಿಲ್ಲ.
+ತಟ್ಟೆಗೆ ನಮಸ್ಕರಿಸಿ ಅನ್ನವನ್ನ ಹಿತ್ತಲಲ್ಲಿ ಚೆಲ್ಲಿ ಬಂದು ಕೂತರು.
+"ನೀರದಾಗೆ ಏನಾಗಿದೆ ?"
+ ಅವಳ ಅತ್ತಿಗೆ ಕೇಳಿದಾಗ ಗೊತ್ತಿಲ್ಲವೆಂದು ತಲೆಯಾಡಿಸಿ "ಅವ್ಳು ಊಟ ಮಾಡಿಲ್ಲ.
+ಕರ್ಕೊಂಡ್ಹೋಗಿ ಊಟಕ್ಕೆ ಹಾಕು.
+ಉಪವಾಸದಿಂದ ಏನು ಸಾಧಿಸೋಕ್ಕಾಗೋಲ್ಲ" ಎಂದರು.
+ಅತ್ತಿಗೆ ಕರೆದಿದ್ದೇ ಸಾಕು, ಎದ್ದು ಆರಾಮಾಗಿ ಹೊರಟು ಬಿಟ್ಟಳು.
+ಇದಕ್ಕೆ  ಪ್ರತ್ಯಕ್ಚದರ್ಶಿಯಾಗಿದ್ದ ಕೆಲಸದ ಮೋನಮ್ಮ ಬಂದ ಕೂಡಲೇ ಡಾ॥ನವೀನ್‌ಗೆ ಹೊರಗಡೆ ವಿಷಯ ಮುಟ್ಟಿಸಿ ತಾನು ಹಗುರಾದಳು. 
+"ನೀನ್ಹೋಗು. . . . " ಎಂದ ಮುಖ ಗಂಟಿಕ್ಕಿ.
+ಅಯ್ನೋರು ಒಂದು ತುತ್ತು ಅನ್ನ ತಿನ್ನಲಿಲ್ಲ ಅಂದಾಗ ಮಾತ್ರ ನೀರದಾನ ಕತ್ತರಿಸಿ ಹಾಕಬೇಕೆನಿಸಿತು.
+ಒಳಗೆ ಬಂದವನು ತಂದೆಯನ್ನ ಆತುರಾತುರವಾಗಿ ಹೊರಡಿಸಿಕೊಂಡು "ಬೇಗ ಬರ್ಬೆಕು" ಎಳೆದೊಯ್ದ ಎಂದು ಹೇಳಬಹುದು.
+ಹತ್ತಿರದ ಹೋಟೆಲ್‌ಗೆ ಕರೆದೊಯ್ದು ತಿಂಡಿಗೆ ಆರ್ಡರ್‌ ಮಾಡಿದ.
+"ಏನೋ ಇದು ?
+ಅಡಿಗೆನೇ ಖರ್ಚಾಗಿಲ್ಲಿಲ್ಲ.
+ಅದ್ಕೆ ತಿಂಡಿಯೇನು ಮಾಡ್ಲಿಲ್ಲ.
+ನಂಗೇನು ಹಸಿವು ಇಲ್ಲಿಲ್ಲ.
+ಯಾಕೋ ತುಂಬ ಬದಲಾಗಿದ್ದೀಯ" ತಂದೆಯ ಮಾತಿಗೆ ಜೋರಾಗಿ ನಕ್ಕು ದನಿ ತಗ್ಗಿಸಿ ಅವರತ್ತ ನೋಡಿ "ಹೊಸ ಪೋಸ್ಟ್‌  ನಿಭಾಯಿಸಬೇಕಲ್ಲ !
+ಏನೇನೋ ಅರ್ಥ ಮಾಡ್ಕೋಬೇಡಿ.
+ನಿಮ್ಗೆ ಮನೆ ತೋರಿಸೋದು ಇತ್ತಲ್ಲ.
+ಅದ್ಕೇ ಆತುರಾತುರವಾಗಿ ಎಳ್ಳಂಡ್‌ ಬಂದೆ" ಎಂದ ಅಂಗೈಗಳನ್ನ ಹೊಸಕಿಕೊಳ್ಳುತ್ತ.
+ಮೊದಲು ಕಸಿವಿಸಿಗೊಂಡರು ವಾಸುದೇವಯ್ಯ, ತೃಪ್ತಿಯಾಗಿಯೇ ಬೆಣ್ಣೆ ಮಸಾಲೆ ತಿಂದರು.
+ಕಾಫಿ ಕುಡಿದಾದ ಮೇಲೆ ಸ್ಕೂಟರ್‌ ತಂದು ಚಾರುಲತ ಇಳಿಯುವ ಬಸ್‌ಸ್ಟಾಪ್‌ನಲ್ಲಿ ನಿಲ್ಲಿಸಿದ.
+"ಇದೇನು, ಇಲ್ಲಿ ?"ಕೇಳಿದರು.
+"ಚಾರುನು ಬರ್ತಳಲ್ಲ.
+ಮತ್ತೆ ಇನ್ನೊಂದ್ಸಲ ಕರ್ಕಂಡ್‌ ಹೋಗೋದೇನು?
+ಅದ್ಕೇ ಓಟ್ಟಿಗೆ ಹೋಗೋಣಾಂತ" ಎಂದ ಬಸ್ಸಿನ ಹಾದಿ ನೋಡುತ್ತ.
+ಸೊಸೆಯ ಮನದ ಮಾತನ್ನ ಮಗನಿಗೆ ತಿಳಿಸುವುದು ಕರ್ತವ್ಯವಾಗಿ ಕಂಡಿತು.
+“ಮಧ್ಯಾಹ್ನ ಮನೆ ಬದಲಾವಣೆಯ ವಿಷ್ಯ ನೀರದ ಪ್ರಸ್ತಾಪಿಸಿದ್ದು.
+ನೀನು ಮೊದ್ಲೇ ಅವ್ಳ ಕಿವಿಯ ಮೇಲೆ ಈ ಮಾತು ಹಾಕ್ಬೇಕಿತ್ತು.
+ತುಂಬ ನೊಂದುಕೊಂಡ್ಲು.
+ಅವ್ಳಿಗೆ ಇಷ್ಟವಾಗೋಲ್ಲ."
+ತಂದೆಯ ಮಾತುಗಳಿಗೆ ಕಿರುನಗೆ ಬೀರಿದ.
+"ಹೇಗೆ, ಹೇಳೋಕ್ಕಾಗುತ್ತೆ ? ಬೇಡಾಂತಾಳೆ. 
+ಇವ್ಳ ಇಲ್ಲಿಂದ ಹೊರಟುಹೋದರೆ ಅವಳಮ್ಮನ ಉಪದೇಶ ಕೇಳೋರು ಯಾರು ?
+ನಮ್ಮ ಡಾ॥ರೆಡ್ಡಿ ಆಗಾಗ ಒಂದ್ಮಾತು ಹೇಳ್ತಾರೆ.
+ಕೋಳಿನ ಕೇಳಿ ಮಸಾಲೆ ಅರೆಯೋಲ್ಲ ಅಂತ.
+ಈ ವಿಷ್ಯದಲ್ಲಿ ಅವ್ಳ ಅಭಿಪ್ರಾಯ ಬೇಕಿಲ್ಲ" ಸ್ಪಷ್ಟವಾಗಿ ಹೇಳಿದ.
+ಅವನ ಮುಖ ಕೋಪದಿಂದ ಉರಿಯುತ್ತಿತ್ತು.
+"ನಂಗೇನು ಅರ್ಥವಾಗೋಲ್ಲ !"ಎಂದರು ನೋವಿನಿಂದ.
+ತಂದೆಯತ್ತ ನೋಡಿದ.
+"ಅರೆ, ಇಷ್ಟೊಂದು ಸುಕ್ಕುಗಳು ಇವರ ಮುಖದ ಮೇಲೆ ಮೂಡಿದ್ದು ಎಂದು ?"
+ಚಾರುಲತ ಭವಿಷ್ಯದ ಬಗ್ಗೆ ಆತಂಕದಿಂದ ತೀರಾ ಹಣ್ಣಾಗಿದ್ದಾರೆನಿಸಿದಾಗ, ಅವನ ಕರುಳು ಕಿತ್ತು ಬಂದಂತಾಯಿತು.
+ಝಳುಝಳು ಹರಿದು ಹೋಗುತ್ತಿದ್ದ ಜೀವನ ಸಮಸ್ಯೆಗಳೆಂಬ ಕಸ ಕಡ್ಡಿಯ ನಡುವೆ ಸಿಕ್ಕಿಕೊಂಡು ಒದ್ದಾಡುತ್ತಿತ್ತು.
+ಹದಿನೈದು ನಿಮಿಷ ಕಾದ ನಂತರವೆ ಬಸ್ಸು ಬಂದಿದ್ದು.
+ಇಳಿದ ಚಾರುಲತ ಆಶ್ಚರ್ಯಗೊಂಡಳು.
+ಹಿಂದೆಯೇ ಆತಂಕ.
+ಇಂದು ಮಧ್ಯಾಹ್ನ ಯುಗಂಧರ್‌  ಆರೋಗ್ಯ ವಿಚಾರಿಸಲು ಫೋನ್‌ ಮಾಡಿದಾಗ ಮೃಣಾಲಿನಿ ಬಹಳ ದಿನಗಳ ನಂತರ  "ಹೇಗಿದ್ದಿ ?"
+ಎಂದು ವಿಚಾರಿಸುವುದರ ಜೊತೆಗೆ  "ತುಂಬ ಥ್ಯಾಂಕ್ಸ್‌,ನಿನ್ನಿಂದ ದೊಡ್ಡ ಉಪಕಾರವೇ ಆಗಿದೆ" ಅಂದಾಗ ಸದ್ದಿಲ್ಲದೇ ಫೋನಿಟ್ಟಿದ್ದಳು.
+"ಇದೇನು, ನೀವಿಬ್ರೂ ಇಲ್ಲಿ ?" ಕೇಳಿದಳು ಗಾಬರಿಯಿಂದ.
+"ಅಂಥದೇನಿಲ್ಲ !"ಎಂದವ ಸ್ಕೂಟರ್‌ನ ವೆಹಿಕಲ್‌ ಸ್ಟಾಂಡ್‌ನಲ್ಲಿ ನಿಲ್ಲಿಸಿ ಆಟೋನ ತಂದ  "ಹತ್ಯೊಳ್ಳಿ" ಸೂಚಿಸಿದ.
+ತಂದೆ, ಮಗಳು ಮುಖ ಮುಖ ನೋಡಿಕೊಂಡರು.
+ಆಗ ತಾನೇ ಕಟ್ಟಿ ಮುಗಿಸಿದ ಇತ್ತೀಚೆಗೆ ಗೃಹಪ್ರವೇಶ ಮಾಡಿದ ಒಂದು ಹೊಸ ಮನೆಯ ಮುಂದೆ ಆಟೋ ನಿಲ್ಲಿಸಿ ಹಣ ಕೊಟ್ಟಾಗಲೇ ದೂರದ ಲೆಕ್ಕ ಹಾಕಿದ್ದು ಚಾರುಲತ.
+ಮುವತ್ತಾರು ರೂಪಾಯಿ ಆಟೋದವನಿಗೆ ತೆತ್ತಿದ್ದ.
+ಹೊಸ ಏರಿಯಾ.
+ಹೆಚ್ಚು ಕಡಿಮೆ ಇತ್ತೀಚೆಗೆ ಕಟ್ಟಲ್ಪಟ್ಟ ಬಿಲ್ಡಿಂಗ್‌ಗಳು.
+ಅವನೇ ಜೇಬಿನಿಂದ ಕೀ ತೆಗೆದು ಗೇಟಿಗೆ ಹಾಕಿದ್ದ ಬೀಗ ತೆಗೆದ.
+ವಿಶಾಲವಾದ ಕಾಂಪೌಂಡ್‌ ಬಟ್ಟ ಬಯಲಿನಂತಿತ್ತು.
+ಅಲ್ಲಲ್ಲಿ ಪೈಂಟ್‌ನ ಕಲೆಗಳು, ಸಿಮೆಂಟುನ ಧೂಳು ಇತ್ತು.
+ಅಂತು ಚೆಂದವಾದ ಮನೆಯೇ.
+“ಅಂತು ಒಳ್ಳೆ ಕಡೆನೇ ಮನೆ ಹಿಡಿದಿದ್ದೀಯಾ !
+ನೀರದ ಅವ್ಳ ಅಮ್ಮನನ್ನ ಒಮ್ಮೆ ನೋಡಿ ಬರಬೇಕಾದರೆ, ನೂರು ರೂಪಾಯಿ ಖರ್ಚು.
+ಇದು ತುಂಬ ಅನ್ಯಾಯ.
+ಆ ಹಣ ನೀನೇ ಕೊಡಬೇಕಲ್ಲ ಬಿಡು” ಅಂದು ಅಣಕಿಸಿದಳು ಚಾರುಲತ.
+ಬೀಗ ತೆಗೆಯುತ್ತಿದ್ದವನು ತಂಗಿಯತ್ತ ನೋಟ ಹರಿಸಿ  "ಯಾಕೆ ಕೊಡೋಲ್ಲ?
+ಖಂಡಿತ ಕೊಡ್ತೀನಿ.
+ನನ್ನ ಸಂಬಳ ಈ ಮನೆ ಬಾಡಿಗೆ, ಎಲೆಕ್ಟ್ರಿಕ್‌ ಬಿಲ್‌ಗೆ ಸರ್ಯೋಗುತ್ತೆ.
+ಉಳಿದಿದ್ದು ಪೆಟ್ರೋಲ್‌ಗೆ.
+ನಾನು ಇಂಥ ಸ್ಥಿತಿಯಲ್ಲಿರೋವಾಗ,ಅವಳಿಗೆ ನೂರು ನೂರು ಕೊಟ್ಟು ಅವಳಮ್ಮನನ್ನು ನೋಡಲು ಕಳಿಸ್ತೀನಿ "ವ್ಯಂಗ್ಯವಾಗಿ ಅಂದ.
+ಸ್ವಲ್ಪ ಜಿದ್ದಿಯಾಗಿ ಕಂಡ ನವೀನ್‌ ಮೊದಲ ಸಲ ಚಾರುಲತಗೆ.
+ಮೂವರು ಒಳಗೆ ಪ್ರವೇಶಿಸಿದರು.
+ಒಳಗೆ ಬರೀ ಪೈಂಟ್‌ ಮತ್ತು ಪಾಲಿಷ್‌ನ ವಾಸನೆ.
+ನೆಲಕ್ಕೆ ಪೂರ್ತಿಯಾಗಿ ಮಾರ್ಬಲ್‌ ಹಾಕಿಸಿದ್ದರು.
+ಎರಡು ದೊಡ್ಡ ರೂಮು.
+ಹಾಲ್‌, ಡೈನಿಂಗ್‌ ಹಾಲ್‌ನ ಕೂಡಿಸಿ ನವೀನ ಮಾದರಿಯಲ್ಲಿ ವಿಸ್ತರಿಸಿದ್ದರು.
+ಅಡಿಗೆ ಮನೆಗೂ ಪೂರ್ತಿಯಾಗಿ ಮಾರ್ಬಲ್ಸ್‌.
+ಗೋಡೆಗಳಿಗೆ ಸೆರಾಮಿಕ್ಸ್‌ ಟೈಲ್ಸ್‌, ಸಿಂಕ್‌-ನಲ್ಲಿ ಎಲ್ಲಾ ಲೇಟೆಸ್ಟ್‌ ಆಗಿಯೇ ಇತ್ತು.
+ಅಂತು ಚೆಂದದ ಮನೆಯೇ.
+ತಂದೆ, ಮಗಳು ಡಾ|। ನವೀನ್‌ನತ್ತ ನೋಡಿದರು. 
+ಅರ್ಥಮಾಡಿಕೊಂಡ "ಬಾಡ್ಗೇ ಬಗ್ಗೆ ಅಂಥ ಯೋಚೇನೇ ಬೇಡ.
+ಹೆಚ್ಚಿಗೇನು ಕೊಡೊದ್ಬೇಡ ಅಂದಿದ್ದಾನೆ.
+ಡಾ|ರೆಡ್ಡಿ ಒಂದೈದು ವರ್ಷ ದುಬೈಗೆ ಹೋಗ್ತಾ ಇದ್ದಾನೆ.
+ಅವನದೇ ಮನೆ.
+ಅವ್ನೇ ನನಗೊಂದು ಆಫರ್‌ ಕೊಟ್ಟ.
+ಇಂಥ ಮನೆ ಕಟ್ಟಿಸೋದಂತು ದೂರದ ಮಾತು.
+ಆದರೂ ಇಂಥ ಮನೆಯಲ್ಲಿ ಬಾಡಿಗೆ ಕೊಟ್ಟುದ್ರೂ ವಾಸ ಮಾಡಬಹುದಲ್ಲ" ಎಂದ ಸುತ್ತಲೂ ನೋಟ ಹರಿಸುತ್ತ.
+ಹಾಲ್‌ನಿಂದ ನಾಲ್ಕು ಮೆಟ್ಟಲು ಎತ್ತರಿಸಿ ಡೈನಿಂಗ್‌ ಟೇಬಲ್‌ಹಾಕಲು ಮಾಡಿದ್ದರು.
+ಆ ಮೆಟ್ಟಲು ಮೇಲೆ ಕೂತಳು ಚಾರುಲತ.
+ಸಧ್ಯಕ್ಕೆ ನವೀನ್‌ನೊಂದಿಗೆ ಮಾತಾಡಲು ಇದು ಸುಸಮಯವೆನಿಸಿತು.
+"ಕೂತ್ಯೋಪ್ಪ" ಎಂದಳು ತನ್ನ ಹ್ಯಾಂಡ್‌ ಬ್ಯಾಗ್‌ನ ಪಕ್ಕದಲ್ಲಿರಿಸಿ ಕೊಳ್ಳುತ್ತ.
+ಅವರಿಗೂ ಕೂಡ ಮುಂದೆ ಮಗ ಹೆಜ್ಜೆ ಇಡುವ ಮುನ್ನ ಒಂದಿಷ್ಟು ಮಾತನಾಡುವುದು ಸರಿಯೆನಿಸಿತು.
+"ನವೀನಾ, ನಂಗೆ ಸರಿಯೆನಿಸಿದ ನಾಲ್ಕು ಮಾತು ಹೇಳ್ತೀನಿ.
+ಒಮ್ಮೆ ಮಾಡಿದ ತಪ್ಪ, ಮತ್ತೆ ಮಾಡ್ಬಾರ್ದು.
+ನೀನು ಈಗ ಮನೆ ಬದಲಾಯಿಸೋದ್ರಿಂದ ದೊಡ್ಡ ತೊಡಕು ಇದೆ.
+ನೀರದಾಗೆ ಇಷ್ಟವಾಗೋಲ್ಲ.
+ಅವ್ಳು ನಿನ್ನ ನಡ್ಡೇ ನೇರವಾಗಿ ಘರ್ಷಣೆ ಷುರುವಾಗುತ್ತೆ" ಎಚ್ಚರಿಸಿದರು.
+ಆರಾಮಾಗಿ ನಕ್ಕು ಬಿಟ್ಟ.
+ಅವನಿಗೆ ತಾನು ಮಾಡಿದ ತಪ್ಪು  ಬ್ರಹ್ಮಾಂಡವಾಗಿ ಕಾಣುತ್ತಿತ್ತು.
+ಈಗ ಸ್ವಲ್ಪ ಬಿಗಿ ಧೋರಣೆ ಅನುಸರಿಸದಿದ್ದರೆ ಜೀವನಪೂರ್ತಿ ನರಳಬೇಕೆಂದು ಅವನಿಗೆ ಗೊತ್ತು.
+ಅಲ್ಲೇ ತಂದೆಯ ಪಕ್ಕ ಕೂತು  "ಅಪ್ಪ, ಒಂದ್ಮಾತು ಕೇಳ್ಲಾ ?
+ವರ್ಷ ಗಟ್ಟಲೇ ಜಡಿಮಳೆ ಹಿಡಿದರೇ ಹೇಗೆ ?
+ಭೂಮಿನ ತೋಯಿಸೋಕೆ ವರ್ಷ ಅನಿವಾರ್ಯ.
+ಅದಿಲ್ಲದೇ ಬದುಕಿಲ್ಲ.
+ಆದರೆ,ವರ್ಷಾನುಗಟ್ಟಲೆ ದಿನದ ನಲವತ್ತೆಂಟು ಗಂಟೆಗಳು ಜಡಿಮಳೆ ಸುರಿಯುತ್ತಿದ್ದರೆ ಹೇಗೆ ?
+ಇಲ್ಲ  ಪ್ರಕೃತಿದತ್ತವಾದ ಒಂದು ಕಾಲದಲ್ಲಿ ಮಳೆ ಇತಿ ಮಿತವಾಗಿ ಸುರಿದು, ನಂತರ ಶುಭ್ರವಾದ ಆಕಾಶದ ದರ್ಶನವಾದರೇ ಹೇಗೆ ?
+ಇಡೀ ರಾತ್ರಿ ಮಳೆ ಸುರಿದರೂ ಮನುಷ್ಯ ಬೆಳಿಗ್ಗೆ ಸೂರ್ಯನನ್ನ ನೋಡಲು ಹಂಬಲಿಸುತ್ತಾನೆ.
+ಈಗ ಮೊದಲಿದರ ಬಗ್ಗೆ ನಿಮ್ಮ ಅಭಿಪ್ರಾಯವೇನು ?"ಅರ್ಥಗರ್ಭಿತವಾಗಿ ಕೇಳಿದ.
+ಅವರು ಚಿಂತಿತರಾದರು.
+ಮಗನ ಒಳ ಪೂರ್ತಿ ಅರ್ಥವಾಗದಿದ್ದರೂ ಅಪ್ಪಿಷ್ಟು ಅರ್ಥಮಾಡಿಕೊಂಡರು.
+ಆದರೆ ವಿಶ್ಲೇಷಿಸಿದ್ದು ಮಾತ್ರ ಚಾರುಲತ.
+"ಯಾರ್ಗೂ ಇಪ್ಪತ್ನಾಲ್ಕು ಗಂಟೆ ಸುರಿಯೋ ಮಳೆ ಬೇಕಿರೋಲ್ಲ.
+ನಾವು ಈಗಿನ ಇಲ್ಲಿನ ಪ್ರಕೃತಿಯ ವೈಪರೀತ್ಯಕ್ಕೆ  ಒಗ್ಗಿಕೊಂಡಿದ್ದೀವಿ.
+ಅಂಥ ಏರುಪೇರುಗಳಾದರೇ. . . . ಸಾಧ್ಯವಿಲ್ಲ" ತಲೆ ಅಡ್ಡಡ್ಡ ಆಡಿಸಿದಳು.
+ತಂಗಿಯ ತಲೆ ಕೆದರಿ "ಚಾರು, ಅಪ್ಪ ಎದುರಿಗೆ ಇದ್ದರೂ ಪರ್ಹಾಗಿಲ್ಲ!
+ಲವ್‌  ಅಂದರೇನು ?
+ನನ್ನ ನೀರದ ಭಯಂಕರವಾಗಿ ಪ್ರೀತಿಸ್ತಾ ಇದ್ದಾಳೆ.
+ನನ್ನ ನಿಲುವು ಸ್ವಲ್ಪ ಬದಲಾದ್ರೂ ಆತ್ಮಹತ್ಯೆ ಮಾಡ್ಕೋತಾಳೇಂತ ತಿಳಿದಿದ್ದೆ. 
+ಅದೆಲ್ಲ ಸುಳ್ಳು. ಒಬ್ಬ ಡಾಕ್ಟ್ರು ಗಂಡ ಪುಗಸಟ್ಟೆಯಾಗಿ ಸಿಕ್ತಾನೇ ಅಂತಲೇ ಮನೆಯವ್ರೆಲ್ಲ ಓಲೈಸಿದ್ದು.
+ಮದ್ವೆ ಆದ್ಮೇಲೆ ಹೇಗೆ ಬದಲಾಗ್ಬಿಟ್ಟು ನೋಡು.
+ನೀವು ಮನೆ ಬದಲಾಯಿಸದಿದ್ರೆ ತೊಡಕಿಗೆ ಸಿಕ್ಕಿ ಕೋತೀರೀಂತ ಅವ್ಳ ಅಣ್ಣನ ಸಲಹೆ.
+ಸಧ್ಯಕ್ಕೆ ಆ ಮಹಾತಾಯಿ ಸಾವಿನ ಡೇಟ್‌ ಮುಂದಕ್ಕೆ ಹಾಕ್ತಾ ಹೋಗ್ತಾ ಇದ್ದಾಳೆ"ಗೊಣಗಿದ.
+ತಂದೆಯ ಮುಖ ನೋಡಿದಳು.
+ಸಪ್ಪಗೆ ಕೂತಿದ್ದರು.
+"ಒಂದ್ಕೆಲ್ಸ ಯಾಕೆ ಮಾಡ್ಬಾರ್ದು ?
+ನಾನು, ಅಪ್ಪ ಅಲ್ಲೇ ಇದ್ಯೋತೀವಿ.
+ನೀನು ನೀರದ ಇಲ್ಲಿರಬಹುದು" ಮೆಲ್ಲಗೆ ಪ್ರಸ್ತಾಪಿಸಿದಳು.
+ಚಪ್ಪಾಳೆ ತಟ್ಟಿದ ಡಾ||ನವೀನ್‌.
+ "ಹೇಗೂ, ನನ್ನ ಸಂಪಾದ್ನೇನ ಬಾಡ್ಗೆಯಾಗಿ ಕೊಟ್ಟು ಊಟ, ತಿಂಡಿಗೆ ದಿನವು ಅಲ್ಲಿಗೆ ಬರ್ತೀವಿ.
+ಅದು ಇದ್ದಿದ್ದು ಆರಾಮು.
+ನೀರದ ಹೇಗೂ ದೊಡ್ಡ ಮನೆ ಬೇಜಾರೂಂತ ಅವಳಮ್ಮನನ್ನು ಶಾಶ್ವತವಾಗಿ ತಂದಿಟ್ಕೋತಾಳೆ.
+ಅವ್ರ ಮಕ್ಳಿಗೆ ಇದು ಸಂತೋಷದ ಸುದ್ಧಿ ನಿಮ್ಮಣ್ಣನಿಗೆ ನರಕ !
+ಇದೊಂದು ಉಪಕಾರ ಮಾಡ್ಬಿಡು.
+ಇಲ್ಲಿ ನನ್ನ ತ್ಯಾಗ ರಿವರ್ಸ್‌ ಆಯ್ತು" ತಂಗಿಯ ಎರಡು ಕೈಗಳನ್ನ ಹಿಡಿದುಕೊಂಡು ಗದ್ಗದಿತನಾದ.
+ಚಾರುಲತ ಹತ್ತಿಕ್ಕಲಾರದೆ ಪಕ್ಕಕ್ಕೆ ತಿರುಗಿ ಕಣ್ಣೊರೆಸಿಕೊಂಡಳು.
+ನಿಜವಾಗಲೂ ಇದೊಂದು  ಷಾಕಿಂಗ್‌ ನ್ಯೂಸ್‌.
+ಪ್ರೇಮಿಸಿ ಮದುವೆಯಾದ ಜೋಡಿಯ ನಡುವೆ ಇಷ್ಟು ಬೇಗ ಅಭಿಪ್ರಾಯ ಭೇದ, ಬೇಸರ, ಜಿಗುಪ್ಸೆ.
+ತಕ್ಷಣ ಚೇತರಿಸಿಕೊಂಡ ಅವನು "ಡೋಂಟ್‌ ವರಿ, ನಾನು ನೀರದಾನ ಇಷ್ಟಪಟ್ಟಿದ್ದು ನಿಜ.
+ಇವೆಲ್ಲ ಅವರವ್ರ ಯೋಗ್ಯತೆಗಳಿಗೆ ಸಂಬಂಧಿಸಿದ ವಿಷಯ.
+ಆ ಬಗ್ಗೆಯೇನು ನೀನು ತಲೆ ಕೆಡಿಸ್ಕೋಬೇಡ.
+ಆ ಮನೆನಾ ನನ್ನ ಪ್ರೆಂಡ್‌ಗೆ ನಾಲ್ಕು ಲಕ್ಷ ಲೀಜ್‌ ಮೇಲೆ ಕೊಡೋದು.
+ಆ ಹಣನ ಅಪ್ಪನ ಹೆಸರಿನಲ್ಲಿ ಫಿಕ್ಸೆಡ್‌ಗೆ ಹಾಕೋದು.
+ಸಧ್ಯಕ್ಕೆ ನೀರದ ಅವ್ಳ ಅಮ್ಮನ ಉಪ ದೇಶದಿಂದ ಮುಕ್ತಾಳಾಗ್ಬೇಕು.
+ಇಲ್ಲದಿದ್ದರೇ ಮನೆ ಸುಡುಗಾಡು ಆಗ್ಬಿಡುತ್ತೆ.
+ದಯವಿಟ್ಟು ಇದ್ಕೇ ನೀವಿಬ್ರೂ ಒಪ್ಪಿಗೆ ಕೊಡ್ಬೇಕು" ಎಂದ.
+ಅವನು ಹೆಣಗಿ ಒಂದು ಬಲವಾದ ನಿರ್ಧಾರಕ್ಕೆ ಬಂದಿದ್ದ.
+ಐದು ನಿಮಿಷ ಮೌನವಾಗಿ ಕೂತ ವಾಸುದೇವಯ್ಯ  "ದುಡುಕಬೇಡ.
+ನೀರದಾಗೆ ಇನ್ನೊಂದು ಅನುಮಾನ.
+ನಾವು ನಮ್ಮ ಮನೆನ ಮಾರಿ ಆ ಹಣನ ಪೂಜಾ ಮದುವೆ ಸಲುವಾಗಿ ಮೂರ್ತಿಗೆ ವರದಕ್ಷಿಣೆ ರೂಪದಲ್ಲಿ ಕೊಡ್ತಾ ಇದ್ದೀವಿ ಅನ್ನೋ ಅವ್ಳ ಅಭಿಪ್ರಾಯ.
+ಹಾಗೇ ತಿಳ್ಕೋತಾಳೆ ಕೂಡ" ಬಹಳ ನಿಧಾನವಾಗಿ ಹೇಳಿದರು ಅರ್ಥವಾಗುವಂತೆ.
+ಭೇಷ್‌, ನಂಗೆ ಅಂಥ ಒಂದು ಅವಕಾಶ ಸಿಕ್ಕರೇ, ನೀರದಾನ ಎತ್ಕೊಂಡ್‌ಓಡಾಡಿ ಬಿಡ್ತೀನಿ.
+ಆ ಹಣದಲ್ಲಿ ನನ್ತಂಗಿ ಸಂಸಾರ ಸರಿಪಡಿಸೋಕೆ ಸಾಧ್ಯನಾ?
+ಅವ್ರು ಅಂಥ ಜುಜುಬಿ ಜನ ಅಲ್ಲ ಬಿಡು.
+ಇವ್ರಿಗೇನು ಗೊತ್ತು ಅವ್ರ ಯೋಗ್ಯತೆ.
+ಮೂರ್ತಿ ಈಗ್ಲೂ ಸಾವಿರದಲ್ಲಿ ಒಬ್ಬ.
+ಅದ್ಕೇ ಅವ್ನಿಗೆ ಲಕ್ಷದಲ್ಲಿ ಒಬ್ಳು ಅನ್ನೋಂತ ಸಂಗಾತಿ ಸಿಕ್ಳು.
+ಅಪ್ಪ, ನೀರದಾ ವಿಷ್ಯ ಬಿಡಿ.
+ದಯವಿಟ್ಟು ನಿಮ್ಮನ್ನ ನೋಯಿಸ್ತಾ ಇದ್ದೀನಿ.
+ಬೇರೆ ದಾರಿ ನಂಗಿಲ್ಲ.
+ನೀವು ಮಾತ್ರ ಕೊರಗ್ಬಾರ್ದು" ಅವರ ಎರಡು ಕೈಗಳನ್ನ ಹಿಡಿದು ಕಣ್ಣಿಗೊತ್ತಿಕೊಂಡ.
+ವಾಸುದೇವಯ್ಯ ಮಗನನ್ನು ತಬ್ಬಿಕೊಂಡು ಕಣ್ಣೀರು ಸುರಿಸಿದರು.
+ಚಲನಚಿತ್ರದಲ್ಲಿ ಈ ದೃಶ್ಯ ಮೂಡಿ ಬರಬೇಕಾದರೇ ಎಷ್ಟು ರಿಟೇಕ್‌ಗಳು ಆಗುತ್ತಿದ್ದವೋ.
+ಅದಕ್ಕಾಗಿ ಡೈರೆಕ್ಟರ್‌ ಎಷ್ಟು ಕಷ್ಟಪಡಬೇಕಿತ್ತೋ !
+ಹೃದಯವಿದ್ಧ ಪ್ರೇಕ್ಷಕರೆಲ್ಲ ಕಣ್ಣೀರು ಮಿಡಿದರೆ, ಬರೀ ಮಿದುಳಿದ್ದ ಜನ ಮುಖ ತಿರುವಿ ಕರ್ಚಿಫ್‌  ಆಡಿಸುತ್ತಿದ್ದರೇನೋ  ಫುಲ್‌ ಸೆಂಟಿಮೆಂಟಲ್‌ ಸೀನ್‌,-ಬಹಳ ಹೊತ್ತು ಮೂವರು ಕೂತು ಮಾತಾಡಿ ಮನೆಗೆ ಹೊರಟಾಗ ರಾತ್ರಿಯೇ ಆಗಿತ್ತು.
+ಬಲವಂತದಿಂದ ಡಾ| ನವೀನ್ ತನ್ನ ಸ್ನೇಹಿತನ ಮನೆಗೆ ಕರೆದೊಯ್ದ.
+ಅಲ್ಲೇ ಊಟ, ಉಪಚಾರ ಆಯಿತು.
+"ಮನೆಗೆ ಫೋನಾದ್ರೂ ಮಾಡು.
+ನೀರದ ಏನು ತಿಳ್ಕೋ ಬೇಕು?" ತಂಗಿಯ ಮಾತಿಗೆ ಒಂದಲ್ಲ ನಾಲ್ಕು ಸಲ ಪ್ರಯತ್ನಿಸಿದ.
+"ಯಾರು ಫೋನ್‌  ಎತ್ತುತ್ತ ಇಲ್ಲ. 
+ನೀನು. . . . ನೋಡು" ತಂಗಿಯ ಕೈಗೆ ಕೊಟ್ಟು ಮುಗಿಸಿದ ಕರ್ತವ್ಯವೆನ್ನುವಂತೆ.
+ಅವಳು ಕೂಡ ಪ್ರಯತ್ನಿಸಿದಳು.
+ಫೋನ್‌ ರಿಂಗಾಗುತ್ತಿತ್ತು “ಇಲ್ಲಪ್ಪ. . . ” ಎಂದು ಕೂತಳು.
+ಆಟೋದಲ್ಲಿ ಬಂದು ಇಳಿದಾಗ ಹನ್ನೊಂದು ದಾಟಿ ಹೋಗಿತ್ತು.
+ಕನಿಷ್ಟ ಮನೆಯ ಮುಂದೆ ಲೈಟು ಕೂಡ ಇರಲಿಲ್ಲ.
+ಮುಂಬಾಗಿಲಿನ ಬೀಗದ ಒಂದು ಗೊಂಚಲು ಸದಾ ನೀರದ ಸೊಂಟದಲ್ಲಿಯೇ ಇರುತ್ತಿತ್ತು.
+ಅದು ಎಲ್ಲರಿಗೂ ಗೊತ್ತಿತ್ತು.
+"ಈ ಹುಡ್ಗಿ ಮನೆಗೆ ಬಂದಿಲ್ಲ" ಎಂದರು ವಾಸುದೇವಯ್ಯ.
+ಮುಖ ಬಿಗಿದುಕೊಂಡೇ ಹೋಗಿ ಬಾಗಿಲು ತೆಗೆದ ಡಾ| ನವೀನ್‌  "ಲೈಟು ಹಾಕಿದ.
+ನೀರದಾನ ಕರೀತೀನಿ" ಹೊರಟ ತಂಗಿಯ ರೆಟ್ಟೆ ಹಿಡಿದು ನಿಲ್ಲಿಸಿದ.
+"ಬೇಡ, ಸುಮ್ನೆ ನಿದ್ದೆ ಮಾಡಿರೋರ್ನ ಎಬ್ಬಿ ಸಿ ಡಿಸ್ಟರ್ಬ್‌ ಮಾಡೋದ್ಬೇಡ" ತಡೆದ.
+ಬಾಗಿಲು ತೆಗೆದವನು ಹೊರಗಡೆ ಲೈಟು ಹಾಕಲೇ ಇಲ್ಲ. 
+ಟಿ.ವಿ. ನೋಡುತ್ತಿದ್ದ ನೀರದಾಗೆ ಆಟೋ ನಿಂತ ಸದ್ದೇ ಕೇಳಲಿಲ್ಲ.
+ಚಲನಚಿತ್ರದ ಒಂದು ಮಹತ್ತರ ಘಟ್ಟದಲ್ಲಿ ಎಚ್ಚರವಿಲ್ಲದೇ ಮುಳುಗಿ ಹೋದಳು.
+ಯಾವ ಧ್ಯೇಯೋದ್ದೇಶಗಳು ಇಲ್ಲದ ಹೆಣ್ಣುಗಳು ಕಾಣುವ ಕನಸುಗಳೆಲ್ಲ ಒಂದೇ.
+ಇದು ಸರಿಯೆನಿಸಲಿಲ್ಲ ಚಾರುಲತಗೆ.
+"ಏಯ್‌ ನವೀನಣ್ಣ ಒಂದು ಕೂಗು ಹಾಕು.
+ಇಷ್ಟೊಂದು ಕಟುವಾದರೆ ಹೇಗೆ ?"ಎಂದಳು ಬೇಸರದಿಂದ.
+ಅವಳ  ಬಳಿಯಲ್ಲಿ ಬಗ್ಗಿ "ಖಂಡಿತ ನಿನ್ನ ಗಂಡನಷ್ಟು ಕಟುವಲ್ಲ.
+ನಿನ್ನಂಥ ನಿರಪರಾಧಿ ಹೆಣ್ಣಿಗೆ ವಿಧಿಸಿದ ಶಿಕ್ಷೆ ಎಷ್ಟೊಂದು ಘೋರ !" ಕನಲಿದ.
+ಅವನ ದನಿಯಲ್ಲಿ ಕೂಡ ಕೋಪ ಇಣಕಿತು.
+ನಗಲು ಪ್ರಯತ್ನಿಸಿದಳು. ನಗಲಾಗಲಿಲ್ಲ. 
+ಆದರೂ ಸೋಲೊಪ್ಪಿಕೊಳ್ಳಲು ಇಚ್ಛಿಸದೇ ಪ್ರಯತ್ನಪೂರ್ವಕವಾಗಿ ಮುಗುಳ್ನಗು ಬೀರಿದಳು.
+ಸಾರಿ ಕೇಳಲಾ ? ನಂಗೆ ಗೊತ್ತು ನಿನ್ನ ಮೃದು ಸ್ವಭಾವ.
+ಅವಳದು ತಪ್ಪೇ ಇರ್ಬಹುದು.
+ರಾತ್ರಿಯೆಲ್ಲ ಕಣ್ಣೀರಿಡಬಾರದಲ್ಲ.
+ಸಂಜೆಯೆ ಕಾರ್ಯ ಕ್ರಮ ಬೆಳಿಗ್ಗೆನೇ ನೀನು ಬಿತ್ತರಿಸ್ಬೇಕಿತ್ತು.
+"ಇಗೋ ಬೇಡ, ನಾನ್ಹೋಗಿ ಕೂಗ್ಲಾ ? " ಕೇಳಿದಳು.
+ ಕಿವಿ ಹಿಡಿದು ರೂಮಿನವರೆಗೂ ಕರೆದೊಯ್ದು ಬಿಟ್ಟು  "ಗುಡ್‌ನೈಟ್‌,ಬೇರೆಯವುರ ನಿದ್ದೆ ಹಾಳು ಮಾಡ್ಬಾರ್ದು" ಹೇಳಿ ಬಾಗಿಲು ಎಳೆದುಕೊಂಡು ಆರಾಮಾಗಿ ಹೋಗಿ ಮಲಗಿದ.
+ಇಂದು ಹಾಯೆನಿಸಿತು.
+ಜೊತೆಗಾತಿಗಾಗಿ ಚಡಪಡಿಸಿದ ರಾತ್ರಿಗಳೆಷ್ಟೋ,ಕಂಡ ಕನಸುಗಳೆಷ್ಟೋ.
+ಈಗ ಎಲ್ಲಾ ಮುಗಿದಂತಾಗಿತ್ತು.
+ಮುಂದೇನು ? ಇಷ್ಟೇನಾ. . . . ಬದುಕು ?
+ಇದಕ್ಕಾಗಿ ಇಷ್ಟೊಂದು ಹಾರಾಟ, ಹೊಯ್ದಾಟ. 
+ಎಲ್ಲಾ ವಿಚಿತ್ರವೆನಿಸಿತು. 
+ಬೇಗ ನಿದ್ದೆ ಬಂತು ಕೂಡ.
+ಸಿನಿಮಾ ಮುಗಿದಾಗ ಒಂದರ ಸುಮಾರು.
+ಹುಡುಗರ ಜೊತೆ ತಾಯಿ,ಮಗಳು ನೋಡಿದ್ದರು.
+ರುಗ್ಗನೇ ಎದ್ದ ನೀರದ ಗಡಿಯಾರದ ಕಡೆ ನೋಟ ಹರಿಸಿ ಬೆಚ್ಚಿಬಿದ್ದು.
+"ಆಗ್ಲೇ, ಒಂದ್ಗಂಟೆ   ಇನ್ನೇನು ಗತಿ ?
+ಇವುಗಳೆಲ್ಲ ಎಲ್ಲಿ ಹೋದ್ರೋ"ಗಾಬರಿಯಿಂದ ಕಣ್ಣೀರು ಸುರಿಸಲು ಷುರು ಮಾಡಿದಾಗ, ಅವಳಮ್ಮ ಮಗನನ್ನ ಕೂಗಿಕೊಂಡರು "ಒಂದಿಷ್ಟು ನೋಡೋ.
+ಎಲ್ಲಾ ಹೇಳ್ದೇ ಕೇಳ್ದೆ. . . ಎಲ್ಹೋದ್ರೋ. ?"
+ಹೊರ ಬಂದ ಹಿರಿಯ ಮಗ ಗೊಣಗಿಕೊಂಡೇ ಹೋದವನು ಹಿಂದಕ್ಕೆ ಬಂದು "ಅವರು ಬಂದು ಮಲ್ಗಿಯಾಗಿದೆ.
+ಇವ್ಳಿಗೆ ಮೈಮೇಲೆ ಜ್ಞಾನ ಬೇಡ್ವಾ?
+ಎದುರು ಮನೆ ಅಮ್ಮನ ಮನೇಂತ ಮೂರ್ಹೊತ್ತು ಬಂದು ಕೂಡೋದಾ ?
+ನಾಳೆಯಿಂದ ಇಲ್ಲಿಗೆ ಬಂದರೆ ಒದ್ದು ಹೊರಗೆ ಹಾಕ್ಟಿಡ್ತೀನಿ" ರೇಗಿದ.
+“ನಾನ್ಹೋಗ್ತೀನಿ !” ಎಂದಳು.
+"ಬಾಯಿ ಮುಚ್ಕೊಂಡ್‌ ಮಲ್ಗು
+ಇಷ್ಟೊತ್ತಿನಲ್ಲಿ ಹೋಗಿ ಬಾಗ್ಲು ಬಡಿದರೆ ಅಕ್ಕಪಕ್ಕದ ಜನ ಏಳ್ತಾರೆ.
+ಸುಮ್ನೇ ನಗೆ ಪಾಟಲು.
+ಬೀಟ್‌ ಪೊಲೀಸ್  ಸ್ಟೇಷನ್‌ಗೆ ಎಳೆದೊಯ್ದರು ಹೆಚ್ಚಲ್ಲ" ಅಂದು ರೂಮಿಗೆ ಹೋಗಿ ಬಾಗಿಲು ಹಾಕಿಕೊಂಡ.
+ಈ ಪ್ರಕರಣದಿಂದ ತಾಯಿ, ಮಗಳು ಎಷ್ಟು ಹೆದರಿದರೆಂದರೇ ಒಂದು ಹಂತದವರೆಗೂ ನಾನಾ ಯೋಚನೆಗಳು.
+ಆಮೇಲೆ ಭಂಡ ಧೈರ್ಯ.
+“ಸುಮ್ನೆ ಮಲಕ್ಕೋ !
+ನಿನ್ನದೇನು ತಪ್ಪು ?
+ಬಂದ ಕೂಡಲೇ ಕರೀಬೇಕಿತ್ತು.
+ಇಲ್ಲ ಬೆಳಿಗ್ಗೆ ಮೂವರಲ್ಲಿ ಒಬ್ಬರಾದ್ರು ಹೇಳಿ ಹೋಗ್ಬೇಕಿತ್ತು.
+ಎಂಥ ಧೈರ್ಯ" ಅಳಿಯ, ಅವನ ತಂಗಿ ಅಪ್ಪನನ್ನೇ ಬೈಯ್ದರು ಆಕೆ.
+ಅದು ಅವಳಿಗೆ ಸರಿಯೆನಿಸಿತು.
+ಒಂದಿಷ್ಟು ಧೈರ್ಯ ಕೂಡ ಬಂತು.
+ಅಪರಾಧವೆಲ್ಲ ಅವರದೇ ಆಗಿ ಕಂಡಾಗ, ಅಳು ಕೋಪವಾಗಿ ಪರಿವರ್ತನೆಗೊಂಡಿತು.
+ತಾಯಿಯ ಬಳಿಯಲ್ಲಿ ಹಾಸಿಕೊಂಡು ಮಲಗಿದಳು.
+ಆದರೆ ಬೆಳಿಗ್ಗೆವರೆಗೂ ನಿದ್ದೆ ಹತ್ತಲಿಲ್ಲ.
+ಪದೇ ಪದೇ ಮಗ್ಗುಲು ಬದಲಾಯಿಸಿ ಎದ್ದುಕೂಡುತ್ತಿದ್ದಳು.
+“ಸುಮ್ನೆ ಮಲಕ್ಕೋ.
+ಈಗ ಚಾರುಲತ ನೋಡು ಎಷ್ಟೊಂದು ಆರಾಮಾಗಿದ್ದಾಳೆ.
+ಹೆಣ್ಣು ಅಂದರೇ ಅಷ್ಟಾದ್ರೂ ಧೈರ್ಯ ಬೇಕು ” ಆಕೆ ಗೊಣಗಿದರು.
+ಚಾರುಲತಳ  ದಿನಚರಿಯನ್ನೇ ಮೆಲಕು ಹಾಕುತ್ತ ಉಳಿದ ಸಮಯ ಕಳೆದಳು.
+ಎರಡು ದಿನದಿಂದ ಹಿಡಿದ ಮಳೆ ಬಿಟ್ಟಿರಲಿಲ್ಲ.
+ಧೋ ಎಂದು ಸುರಿಯುವ ಮಳೆ ಆಗಾಗ ಕಡಿಮೆಯಾದರೂ ಮತ್ತೆ ವೇಗ ಹೆಚ್ಚಿಸಿ ಅಲಿ ಕಲ್ಲುಗಳಂತೆ ದಪ್ಪದಪ್ಪ ಹನಿಗಳು ಉದುರುತ್ತಿದ್ದವು.
+ಇದು ಯಾವ ವೈಖರಿ ?ಕೆಲವರ ಗೊಣಗಾಟ.
+ಅಂತು ಮಳೆಯ ಚೆಲ್ಲಾಟ ನಡೆದೆ ಇತ್ತು.
+ಬೆಳಿಗ್ಗೆಯೇನೋ ಆಫೀಸ್‌ಗೆ ಹೋದಳು ಅಷ್ಟಿಷ್ಟು ನೆನೆದರು ಸಿಟಿ ಬಸ್ಸುಹಿಡಿದು.
+ಸಂಜೆ ಬಸ್ಸಿಗಾಗಿ ಕಾದು ಸೋತಳು.
+ತಾನೊಂದು "ಮೊಪೆಡ್‌,ಸ್ಕೂಟರ್ " ಅಂಥದ್ದು ಕೊಳ್ಳುವುದು ಅಗತ್ಯವೆನಿಸಿತು.
+ಅದನ್ನು ವ್ಯಕ್ತಪಡಿಸಿದ್ದಳು ಕೂಡ ಅಣ್ಣನ ಮುಂದೆ.
+"ನಂಗೆ ಈ ಸಿಟಿ ಬಸ್ಸಿನ ಓಡಾಟ ಸಾಕಾಗಿದೆ.
+ನಾನ್ಯಾಕೆ ಒಂದು ಸ್ಕೂಟಿ ಕೊಳ್ಳಬಾರ್ದು.
+ಪ್ರಯತ್ನಪಟ್ಟರೇ ಬೇಗನೆ ಡ್ರೈವಿಂಗ್‌ ಕಲೀತೀನಿ."
+ಡಾ|| ನವೀನ್‌ ಬೆಪ್ಪಾಗಿ ನಿಂತ, ತಂಗಿಯ ಬದುಕು ಈ ಮಿತಿಯಲ್ಲಿ ಶಾಶ್ವತವಾಗಿ ನಿಂತು ಹೋಗಬೇಕಾ ?
+ಅವನಿಗೆ ಎಚ್ಚರ ತಪ್ಪುವಂತಾಯಿತು.
+"ನೋಡೋಣ, ಸಧ್ಯಕ್ಕೆ ಬೇಡ" ಎಂದಿದ್ದ.
+ಕೆಲವರು ವೆಹಿಕಲ್‌ನಲ್ಲಿ ಬಂದವರು ಕೂಡ ಅವನ್ನ ಅಲ್ಲಿಯೇ ಬಿಟ್ಟು ಬಸ್ಸಿಗಾಗಿ ಬಂದು ಕಾದು ಕೂತರು.
+ಅಂತು ಗಂಟೆ ಕಳೆದರೂ ಬಸ್ಸು ಬರಲಿಲ್ಲ.
+ಮೈನ್‌ ಬಸ್‌ಸ್ಟಾಂಡ್‌ಗೆ ಹೋಗೋ ಬಸ್ಸು ಬಂದಾಗ ಎಲ್ಲರೊಂದಿಗೆ ಹತ್ತಿಕೊಂಡು ಕಂಬಿಗೆ ತೂಗು ಬಿದ್ದಳು.
+"ಅಲ್ಲಿಗೆ ಹೋದರೆ ಯಾವುದಾದ್ರೂ ಬಸ್ಸುಗಳು ಸಿಗುತ್ತೆ.
+ಕಡೆಗೆ ಆಟೋ ಟ್ಯಾಕ್ಸಿನಾದ್ರೂ ಹಿಡಿಯಬಹುದು" ಕೆಲವರುಸೂಚಿಸಿದರು.
+ಬಸ್‌ಸ್ಟಾಪ್‌ನ ತಲುಪುವ ವೇಳೆಗೆ ಪೂರ್ತಿ ಕತ್ತಲಾಗಿತ್ತು.
+ಮಳೆಯ ಬಿರುಸು ಕೂಡ ಹೆಚ್ಚಾಯಿತು.
+ಜನ ಗಿಜಿಗಿಜಿಯೆನ್ನುತ್ತಿದ್ದರು. 
+ನಿಲ್ಲುವುದೇ ಕಷ್ಟ ಮನೆಗೆ ಫೋನಾಯಿಸಿದಳು.
+"ಎಲ್ಲಾ ಒಟ್ಟಿಗೆ ಇದ್ದೇವೆ.
+ಬೇಗ ಬರ್ತಿವಿ ಗಾಬ್ರಿ ಬೇಡ."
+ಆ ಕಡೆಯಿಂದ ಬರೋವಾಗ ಎದುರಾದದ್ದು ಮೂರ್ತಿ.
+ನೋಡಿ ನೋಡದಂತೆ ಸರಿದು ಹೋದರೂ ಅಷ್ಟು ದೂರ ಹೋದ ಮೇಲೆ ಹಿಂದಿರುಗಿದ.
+ಹೃದಯ ಹೊರಳಿ ಹೊರಳಿ ನರಳಿ ಅತ್ತಿತ್ತು.
+ಸುರಿಯೋ ಮಳೆಯಲ್ಲಿ ಇವಳು ಮನೆಗೆ ಹೋಗುವುದು ಹೇಗೆ ?
+ಎಂದು ಯೋಚಿಸಿ ಹೆದರಿದ.
+ಮತ್ತೆ ಜನಗಳ ನಡುವೆ ಅರಸಿಕೊಂಡು ಅಲೆದಾಡಿದ.
+ಹೊರಗಿನ ಕತ್ತಲು, ಮಳೆ ಜನರನ್ನ ಹೆದರಿಸುತ್ತಿತ್ತು.
+ಬಸ್ಸು ಬಂದ ಕೂಡಲೇ ಜನರು ಗೂಳಿಗಳಂತೆ ಓಡುತ್ತಿದ್ದುದೊಂದು ಚಿತ್ರ.
+ಬಂದ ಪೊಲೀಸ್‌ ಜನರನ್ನ ಕ್ಯೂನಲ್ಲಿ ನಿಲ್ಲಿಸಿ ಆಯಾ ರೂಟ್‌ನ ಬಸ್ಸುಗಳು ಬಂದ ಕೂಡಲೇ ಕಳಿಸತೊಡಗಿದಾಗ, ನಿಶ್ಚಿಂತೆಯಿಂದ ಅಲ್ಲಿ ಹೋಗಿ ನಿಂತಳು,“ಚಾರುಲತ. . . . ಚಾರು'' ಕೂಗು ಕೇಳಿಸಿದ ಕಡೆ ಕತ್ತು ತಿರುಗಿಸಿದಳು.
+ಬ್ರೀಫ್‌ಕೇಸ್‌ ಹಿಡಿದಿದ್ದ ಮೂರ್ತಿ ಬರುವಂತೆ ಸನ್ನೆ ಮಾಡಿದಾಗ ಹಿಂದೆ,ಮುಂದೆ ನೋಡಿ ತನ್ನನ್ನೇ ಎಂದು ಮನದಟ್ಟಾದಾಗ ಕ್ಯೂ ನಿಂದ ಅರೆ ಮನಸ್ಸಿನಿಂದಲೇ ಹೊರ ಬಂದಿದ್ದು.
+"ಬ್ರೀಫ್‌ಕೇಸ್‌ ಇಟ್ಕೊಂಡಿರು.
+ಹೋಗಿ ಟ್ಯಾಕ್ಸಿ ತರ್ತೀನಿ"ಅವಳ ಮುಂದಿಟ್ಟು ಹೋದಾಗ ಅವಳಿಗೇನು ಹೇಳಲು ಸಮಯವೇ ಇರಲಿಲ್ಲ.
+ನಿಧಾನವಾಗಿ ಬ್ರೀಪ್‌ಕೇಸ್‌ ಎತ್ತಿಕೊಂಡಳು.
+ಹಿಡಿಯಲ್ಲಿ ಅವನ ಕೈನ ಬಿಸಿಯೆನಿಸಿತು.
+ಕಳೆದ ಮಧುರ ದಿನಗಳು ನೆನಪಾಗಿ ಬಿಕ್ಕುವಂತಾದರೂ ಸಮರ್ಥಿಸಿಕೊಂಡಳು.
+ಹತ್ತು ನಿಮಿಷದಲ್ಲಿ ಬಂದವ ಅವಳ ಕೈಯಲ್ಲಿನ ಬ್ರೀಫ್‌ಕೇಸ್‌ ತಗೊಂಡು "ಬಾ ಬೇಗ, ಈ ಮಳೆ ಧಾಟಿ ನೋಡಿದ್ರೆ ಜಗತ್ತನ್ನೇ ಮುಳುಗಿಸೋ ಹಾಗಿದೆ"ಎಂದು ಬಿರ ಬಿರ ನಡೆದಾಗ ಜನ ಜಗುಲಿ ಮಳೆಯಲ್ಲಿ ಹಿಂಬಾಲಿಸದೇ ಬೇರೆ ದಾರಿ ಇರಲಿಲ್ಲ.
+ಟ್ಯಾಕ್ಸಿಯಲ್ಲಿ ಕೂತ ನಂತರ ತನ್ನ ಹ್ಯಾಂಡ್‌ ಬ್ಯಾಗ್‌ನಲ್ಲಿದ್ದ ಪುಟ್ಟ ಟವಲನ್ನು ತೆಗೆದು ಅವನ ತೊಡೆಯ ಮೇಲೆ ಹಾಕಿ ಕರ್ಚೀಫ್‌ನಿಂದ ಮುಖ ಕೈಗಳನ್ನೊರೆಸಿಕೊಂಡಳು.
+ಕೋಪದಿಂದ ಕುದಿಯುತ್ತಿದ್ದವ ತಕ್ಷಣ ತಣ್ಣಗಾದ.
+ಈ ಕತ್ತಲು ಮಳೆಯಲ್ಲಿ ಮನೆಯಿಂದ ಹೊರಗೆ ಬರುವ ಅಗತ್ಯವಿತ್ತೆ ?
+ಆ ಪ್ರಜ್ಞೆಗೆ ಅವನಲ್ಲಿಯೇ ಉತ್ತರವಿತ್ತು.
+"ನಿವೇದಿತಾ ನ್ಯೂ ವುಮೆನ್ಸ್‌ ವೇರ್‌ ಅಕೌಂಟ್‌ ಸೆಕ್ಟನ್‌ನಲ್ಲಿ ಚಾರುಲತ ಕೆಲ್ಸ ಮಾಡ್ತಾ ಇದ್ದಾಳೆ" ಕಮಲ ಸಿಕ್ಕಾಗ ಹೇಳಿದ್ದಳು.
+"ಹಕ್ಕು ಅಧಿಕಾರ" ಎರಡು ಒಂದೇ ನಾಣ್ಯದ ಎರಡು ಮುಖಗಳು.
+ಒಂದರ ಬಿಟ್ಟು ಮತ್ತೊಂದಿಲ್ಲ ಅಂದುಕೊಂಡು ತೆಪ್ಪಗೆ ಕೂತ.
+ಇವರ ಮನೆಯ ಅಡ್ರಸ್‌ ಟ್ಯಾಕ್ಸಿಯವನಿಗೆ ಹೇಳಿದಾಗ ತಕ್ಷಣ "ಮನೆ ಬದಲಾಯಿಸಿದ್ದೀವಿ.
+ಹೊಸ ಮನೆ ವಿದ್ಯಾನಗರದ ಬಡಾವಣೆಯ ಏಳನೇ ಕ್ರಾಸ್‌ನಲ್ಲಿರೋದು?ಎಂದಳು ಮೆಲ್ಲಗೆ.
+ಮೂರ್ತಿ ಮಾತಾಡಲಿಲ್ಲ.
+ಏಳನೇ ಕ್ರಾಸ್‌ನಲ್ಲಿ ಎರಡನೇ ಮನೆಯೆಂದ್ದುದ್ದರಿಂದ ಟ್ಯಾಕ್ಸಿಯವನಿಗೆ ಅಂಥ ತೊಂದರೆಯೇನು ಆಗಲಿಲ್ಲ.
+ನಿಂತಾಗ ಡೋರ್‌ ತೆಗೆದು ಇಳಿಯುವ ಮುನ್ನ "ತುಂಬ ಥ್ಯಾಂಕ್ಸ್‌, ಸಾಧ್ಯವಾದರೇ ಒಳಗೆ ಬಂದು ಹೋಗಬಹುದು" ಅಂದಿದ್ದಕ್ಕೆ ಅವನು ಮಾತಾಡಲಿಲ್ಲ.
+ಚಾರುಲತ ಇಳಿದ ಕೂಡಲೇ ಟ್ಯಾಕ್ಸಿ ಮುಂದಕ್ಕೆ ಹೋಯಿತು.
+ಸಣ್ಣಗೆ ಹನಿಯುತ್ತಿದ್ದ ಮಳೆಯಲ್ಲಿ ಸೀರೆಯ ನೆರಿಗೆಗಳನ್ನು ಮೇಲಕ್ಕೆ ಎತ್ತಿಡಿದು ಗೇಟು ತೆರೆದಾಗ ಹೊರಗಿನ ವಿದ್ಯುತ್‌ದೀಪಗಳೆಲ್ಲ ತಕ್ಷಣ ಹತ್ತಿ ಕೊಂಡವು.
+ವಾಸುದೇವಯ್ಯ ಬಾಗಿಲು ತೆರೆದುಕೊಂಡು ಹೊರಗೆ ಬಂದು "ಸದ್ಯ ಬಂದ್ಯಾ ನನ್ನ ಜೀವನೇ ಹಾರಿ ಹೋಗಿತ್ತು.
+ಅವ್ನು ನರ್ಸಿಂಗ್‌ಹೋಂನಲ್ಲಿ ಸಿಕ್ಕಿ ಹಾಕ್ಕೊಂಡಿದ್ದಾನೆ.
+ಮೂರು ಸಲ ಫೋನ್‌ ಮಾಡಿ ವಿಚಾರಿಸ್ದ.
+ನೀನುಫೋನ್‌ ಮಾಡದಿದ್ದರೇ, ಅಲ್ಲಿಗೆ ಹುಡ್ಕಿಕೊಂಡು ಹೋಗ್ತಾ ಇದ್ದನೇನೋ.
+ಅಲ್ಲಿಗೂ ಫೋನ್‌ ಮಾಡ್ದೆ.
+ನೀನು ಹೊರಟ ವಿಷ್ಯ ತಿಳಸಿದ್ರು" ಉದ್ವೇಗದಿಂದ ನುಡಿದಾಗ ಮುಖದ ಮೇಲಿನ ಮಳೆಯ ನೀರನ್ನ ಕೈಯಿಂದ ತೊಡೆದುಕೊಳ್ಳುತ್ತ "ನಾನು ಇನ್ನ ಮಗುನಾ, ಅಪ್ಪ ?
+ಪುಟ್ಟ ಮಗು ಶಾಲೆಯಿಂದ ಸ್ವಲ್ಪ ಬರೋದು ಲೇಟಾದ್ರೆ ಚಡಪಡಿಸುತ್ತಾರಲ್ಲ, ಹಾಗೇ ಆತಂಕಗೊಳ್ಳುತ್ತೀರಲ್ಲ ಬನ್ನಿ. . . ಒಳ್ಗಡೆ" ಒಳ ನಡೆದಳು.
+ಟವಲು ಹಿಡಿದು ಬಂದ ನೀರದ "ಅದೆಂಥ ಭಯಂಕರ ಮಳೆ.
+ಅವುರು ಕೂಡ ಇನ್ನ ಬಂದಿಲ್ಲ.
+ಮಾವನೋರಂತು ರಾಮ ನಾಮ ಜಪಿಸ್ಕೊಂಡ್‌ಕೂತುಬಿಟ್ಟರು" ಪಟ್ಟ ಆತಂಕದ ಸ್ಥಿತಿಯನ್ನು ವಿವರಿಸಿದಾಗ "ಮಳೆಯೇನೋ ಜೋರಿದೆ.
+ಬಸ್ಸು ಬರಲೇ ಇಲ್ಲ.
+ಅದ್ಕೆ ಇಷ್ಟೆಲ್ಲ ತೊಂದರೆ" ರೂಮಿಗೆ  ಹೋದಳು.
+ ಬಟ್ಟೆ ಬದಲಾಯಿಸಿ ಹೊರ ಬರುವ ವೇಳೆಗೆ ಲೈಟು ಹೋಗಿ ಇಡೀ ಮನೆ ಕತ್ತಲಲ್ಲಿ ಮುಳುಗಿ ಹೋಯಿತು.
+“ಬಾ ಕೂತ್ಕೋ” ಎಂದು ಕ್ಕಾಂಡಲ್‌ ಹಚ್ಚಿದ ವಾಸುದೇವಯ್ಕ  "ಮೊದ್ಲು ನರ್ಸಿಂಗ್‌ಹೋಂಗೆ ಫೋನ್‌ ಮಾಡಿ ನೀನು ಮನೆಗೆ ಬಂದಿರೋದು ನಿಮ್ಮಣ್ಣನಿಗೆ ತಿಳ್ಸು.
+ಅವನೆಷ್ಟು ಗಾಬ್ರಿಯಾಗಿದ್ದಾನೋ" ಉಸುರಿದರು.
+ಅಲ್ಲಿಗೆ ವಿಷಯ ಮುಟ್ಟಿಸೋ ವೇಳೆಗೆ ಕಾಫಿ ತಂದಿಟ್ಟ ನೀರದ  “ಅವ್ರು ಮನೆಗೆ ಬರುತ್ತಾರಂತ ?” ಕೇಳಿದಳು.
+ಅವನು ಇತ್ತೀಚೆಗೆ ಡೇ ಡ್ಯೂಟಿ ಮಾಡಿದರೂ "ನೈಟ್‌ ಡ್ಕೂಟಿ" ಇದೆ ಎಂದು ಆಗಾಗ ಅಲ್ಲೇ ಉಳಿಯುವುದು ರೂಢಿಯಾಗಿತ್ತು.
+"ಬರದೇ ಎಲ್ಲಿ ಹೋಗ್ತಾನೆ ! ಅಣ್ಣ ಸಿಗ್ಲಿಲ್ಲ, ರಿಸೆಪ್ಪನಿಸ್ಟ್‌ ಕೌಂಟರ್‌ನಲ್ಲಿ ತಿಳ್ಸಿದ್ದೀನಿ.
+ಅಲ್ಲಿ ಎಲ್ಲ ಸರಿಯಿಲ್ಲ.
+ಅದೇ ಅವ್ನಿಗೆ ಪ್ರಾಬ್ಲಮ್‌ ಆಗಿರೋದು.
+ಅಲ್ಲಿ ತಕ್ಷಣಕ್ಕೆ ಕೆಲ್ಸ ಬಿಡೋ ಇಚ್ಛೆ ಇದ್ದರೂ, ಬೇರೆ ಕಡೆ ಕೆಲ್ಸ ಸಿಗ್ಬೇಕಲ್ಲ.
+ನೀವು ದಯವಿಟ್ಟು ಬೇರೇನೋ ತಿಳ್ಕೋಬೇಡಿ" ಎಂದು ಕಾಫಿಯ ಲೋಟ ಎತ್ತಿಕೊಂಡ ಚಾರುಲತ ಮೇಣದ ಬತ್ತಿ ಉರಿಯುವ ಬೆಳಕಲ್ಲಿ ನೀರದ ಮುಖ ದಿಟ್ಟಿಸಿದಳು.
+ಒಂದು ರೀತಿಯ ವ್ಯಾಕುಲತೆ ಸ್ಪಷ್ಟವಾಗಿತ್ತು.
+ಆದರೂ ಮತ್ತೇನು ಹೇಳಲಿಲ್ಲ.
+ಒಂದರ್ಧ ಗಂಟೆ ಕಾದು ನಂತರ ಮೂವರು ಊಟ ಮುಗಿಸಿದರು.
+ಅಷ್ಟರಲ್ಲಿಫೋನ್‌ ಬಂತು.
+"ಡಾ||ನವೀನ್‌ ಇಲ್ಲೇ ಉಳ್ಳೋತಾರೆ" ನರ್ಸಿಂಗ್‌ಹೋಂನಿಂದ ಫೋನ್‌ ಬಂತು.
+"ಅವ್ರು ಬೇಕಾಗಿಯೇ ಈ ರೀತಿ ಮಾಡ್ತಾ ಇದ್ದಾರೆ" ತನ್ನ ಅಸಮಾಧಾನ ನೀರದ ಪ್ರಕಟಿಸಿಯೇ ಬಿಟ್ಟಳು.
+ರೂಮಿನಿಂದ ಹೊರಟ ಚಾರುಲತ ನಿಂತು  "ಹಾಗೆಲ್ಲ ಯಾಕೆ ತಿಳ್ಕೋತೀಯಾ, ನೀರದ ?
+ನಿಮ್ಮದೇನು ಹಿರಿಯರು ಅರೇಂಜ್‌ಮಾಡಿದ ಮ್ಯಾರೇಜ್‌ ಅಲ್ಲ.
+ಅಮ್ಮ ಸತ್ತ ಮೇಲೆ ನಿಮ್ಗೆ ನವೀನಣ್ಣ ಹೆಚ್ಚು ಪರಿಚಯವಾದದ್ದು.
+ಅವ್ನ ಗುಣ, ಸ್ವಭಾವಗಳೆಲ್ಲ ಗೊತ್ತು.
+ಅವನದು ಸರ್ಕಾರಿ ಜಾಬ್‌ ಅಲ್ಲ.
+ಅದ್ರಲ್ಲು ಅವ್ನು ಡಾಕ್ಟ್ರು.
+ಆ ಪ್ರೊಫೆಷನ್‌ಗೆ ಅದರದೇ ಆದ ನೀತಿ ನಿಯಮಗಳು ಇವೆ.
+ಸುಮ್ಮೆ ಏನೇನೋ ಯೋಚ್ನೇ ಮಾಡ್ಕೋಬೇಡಿ.
+ಬೆಳಿಗ್ಗೆ ಬಂದ್ಮೇಲೆ ಅವ್ನೆ ಹೇಳ್ತಾನೆ"  ಎಂದು ಹೇಳಿಯೇ ರೂಮಿಗೆ ಹೋಗಿ ಹಾಸಿಗೆಯ ಮೇಲೆ ಕುಸಿದಿದ್ದು.
+ಬಿಚ್ಚಿದ ಒದ್ದೆಯ ಕೂದಲು ದಿಂಬಿನ ಮೇಲೆ ಹರಡಿಕೊಂಡಿತು.
+ಎರಡು ತಿಂಗಳು ಇಪ್ಪತ್ತು ದಿನಗಳ ನಂತರ ಮೊದಲ ಸಲ ಮೂರ್ತಿಯಿಂದ “ಚಾರುಲತ. . . . ' ಎಂದು ಕರೆಸಿಕೊಂಡಿದ್ದಳು.
+ಅವಳಿಗೆ ವಾಸ್ತವ ಪ್ರಜ್ಞೆ ಇದ್ದುದ್ದರಿಂದ ಮೈ ಮರೆಯಲಿಲ್ಲ.
+ಅವನ ನಡತೆಯಲ್ಲಿ ಅವಳು ಕಂಡಿದ್ದು ಪ್ರೀತಿಗಿಂತ ಆತಂಕವೆ ಹೆಚ್ಚು.
+ಗುರುತು ಪರಿಚಯ ಇರುವ ಯಾವ ಹೆಣ್ಣಾದರೂ ಅವಳ ಸ್ಥಿತಿಯಲ್ಲಿದ್ದರೇ ಖಂಡಿತ ಸಹಾಯ ಮಾಡುವಂಥ ಮನಸ್ಸು ಮೂರ್ತಿಯದು ಎಂದು ಅವಳಿಗೆ ಗೊತ್ತು.
+ಇಲ್ಲಿ ನಡೆದಿರೋದು ಕೂಡ ಅಷ್ಟೆ ಅಂದುಕೊಂಡಳೇ ವಿನಃ ವಿಪರೀತವಾದುದ್ದನ್ನ ಕಲ್ಪಿಸಿಕೊಂಡು ಅದಕ್ಕೆ ರೆಕ್ಕೆ ಪುಕ್ಕ ಹಚ್ಚಿ ಆಕಾಶದಲ್ಲಿ ಹಾರಲಿಲ್ಲ.
+ಆಯಾಸವೆನಿಸಿದ್ದರಿಂದ ಕಣ್ಣು ಮುಚ್ಚಿದ ಕೂಡಲೇ ಅವಳಿಗೆ ನಿದ್ದೆ ಬಂತು.
+ಮೂರ್ತಿ ಆತುರಾತುರವಾಗಿ ಬಂದಿದ್ದಕ್ಕೆ ಕಾರಣವಿತ್ತು.
+ಚೆನ್ಶೆನಿಂದ ಪೈಲೆಟ್‌ನ ತಾಯ್ತಂದೆಯರು ಪೂಜಾನ ನೋಡಲು ಮರುದಿನ ಬರುವವರಿದ್ದರು. . " 
+"ನೀನು ತಕ್ಷಣ ಬಾ.
+ನಮ್ಗೇನು ತೋಚ್ತಾ ಇಲ್ಲ"ಅವನಪ್ಪ ಫೋನ್‌ ನಲ್ಲಿ ಕಂಪಿಸುವ ದನಿಯಲ್ಲಿ ಹೇಳಿದಾಗ "ಈಗ ಹೊರಟೆ ?
+ಯಾಕೆ ಅಷ್ಟೊಂದುಎಕ್ಸೈಟ್‌ ಆಗ್ತೀರಾ ?
+ಅವ್ರು ಕೂಡ ನಮ್ಮಂಗೆ ಮನುಷ್ಯರೇ ತಾನೇ ?" ಬೇಸರಿಸಿದ.
+ಹಾಗಲ್ಲ, ಪೂಜಾ ಬಗ್ಗೆನೇ ಚಿಂತೆ  ಎಂದರು ನಿಟ್ಟುಸಿರಿನೊಂದಿಗೆ .
+"ಅವಳದೇನು ತಕರಾರಿಲ್ಲ ಬಿಡಿ.
+ಪೈಲೆಟ್‌ ಗಂಡನ್ನ ಒಪ್ಕೊಂಡಿದ್ದಾಳೆ.
+ಇದು ಸಿನಿಮಾ ಅಲ್ಲ, ಜೀವನ.
+ಸುಮ್ನೆ ತಲೆ ಕೆಡಿಸ್ಕೊಳ್ಳೋದ್ಬೇಡ, ಬರ್ತಿನಿ"ಎಂದವನು ತಕ್ಷಣ ಹೊರಟಿದ್ದ.
+ಅವಳ ಮದುವೆ, ಭವಿಷ್ಯ ಆದ್ಯ ಕರ್ತವ್ಯವಾಗಿತ್ತು.
+ಅದು ಮುಗಿಯುವವರೆಗೂ ನೆಮ್ಮದಿ ಇರಲಿಲ್ಲ.
+ಮನೆಯ ಬಳಿ ಟ್ಯಾಕ್ಸಿಯಿಂದ ಇಳಿದಾಗ ಹೊರಗಿನ ಲೈಟುಗಳು ಉರಿಯುತ್ತಿತ್ತು.
+ಮಗನ ಬರುವನ್ನೇ ಎದುರು ನೋಡುತ್ತಿದ್ದರು ಯುಗಂಧರ್‌, ಮೃಣಾಲಿನಿ.
+ಪೂಜಾ ಎಷ್ಟೇ ಜೇತರಿಸಿಕೊಂಡಿದ್ದರೂ ಮೊದಲಿನ ಚೆಂದುಳ್ಳಿ ಚೆಲುವೆಯಾಗಿರಲಿಲ್ಲ.
+“ಸಧ್ಯ ಬಂದೆಯಲ್ಲ ! ಈ ಸುರಿಯೋ ಮಳೆ ಬೇರೆ.
+ನಂಗಂತು ನಿನ್ಮುಖ ನೋಡೋವರ್ಗೂ ಜೀವದಲ್ಲಿ ಜೀವ ಇದ್ದಿಲ್ಲ” ಆಕೆಯ ದನಿ ಒದ್ದೆಯಾಯಿತು.
+ನಿಧಾನವಾಗಿ ಏರಿದ ಮೂರ್ತಿ ಹುಬ್ಬು ಮಾಮೂಲಿ ಸ್ಟೇಜ್‌ಗೆ ಬಂದವು “ಏನಮ್ಮ ಇದು !
+ಒಬ್ಬ ಗಂಡಿನೋರು ಬರ್ತಿನಿ ಅಂದ ಮಾತ್ರಕ್ಕೆ ಇಷ್ಟೊಂದು ಧಾವಂತನಾ?
+ಅವ್ರು ನಮ್ಮ ಹಾಗೆ ಸಾಧಾರಣ ಮನುಷ್ಯರೆ!, ಅವ್ರು ಬರ್ತಾ ಇರೋದು ರಷ್ಯ, ಅಮೇರಿಕಾದಿಂದಲ್ಲ.
+ಇಲ್ಲಿರೋ ಚೆನೈನಿಂದಲೇ” ಎಂದು ಬಲಗೈಯಲ್ಲಿದ್ದ ಪುಟ್ಟ ಟವಲಿನಿಂದ ಮುಖವನ್ನೊರೆಸಿಕೊಂಡ.
+ಟ್ಯಾಕ್ಸಿಯಲ್ಲಿ ಇಳಿದು ಗೇಟು ದಾಟಿ ಬಾಗಿಲಿಗೆ ಬರುವ ವೇಳೆಗೆ ಪನ್ನೀರಿನಂತೆ ಎರಚಾಡಿತ್ತು ಮಳೆಯ ಹನಿಗಳು.
+"ನಿನ್ನಷ್ಟು ಧೈರ್ಯ ನಂಗಿಲ್ಲ ಬಿಡು.
+ಹೇಗೂ ನೀನು ಬಂದಿದ್ದೀಯಾ.
+ಎಲ್ಲಾ ನೀನೇ ಸಮಾಳಿಸ್ಕೋ" ಒಳಗೆ ನಡೆದರು.
+ಶಾಲು ಹೊದ್ದು ಕೂತಿದ್ದ ಯುಗಂಧರ್‌ ಮಗನತ್ತ ಅಭಿಮಾನದ ನೋಟ ಬೀರಿದರು.
+"ಹೇಗಿದ್ದೀರಿ ?"ಹತ್ತಿರಕ್ಕೆ ಹೋಗಿ ವಿಚಾರಿಸಿದ.
+"ಪರ್ವಾಗಿಲ್ಲ, ಆದ್ರೂ ಮೊದಲಿನ ಯುಗಂಧರ್‌ ಆಗಿಲ್ಲ.
+ಇನ್ನ ವಾಕ್‌,ಡ್ರೈವಿಂಗ್‌ ಎಲ್ಲಾ ಬಂದ್" ಎಂದರು.
+ಹಾರ್ಟ್‌ ಅಟ್ಯಾಕ್‌ ಆದ ಮೇಲೆ ಮೊದಲಿನ ಗಡಸುತನ ಮಾಯವಾಗಿ ಮೆತ್ತಗಾಗಿದ್ದರು.
+“ಪೂಜಾ ಎಲ್ಲಿ ?
+ಬಟ್ಟೆ ಬದಲಾಯ್ಲಿಕೊಂಡ್ಬರ್ತಿನಿ ” ರೂಮಿನತ್ತ ನಡೆದ.
+ಷರಟು ಬಿಚ್ಚಿ ಹ್ಯಾಂಗರ್‌ಗೆ ಹಾಕುವಾಗ ಪುಟ್ಟ ಟವಲು ಅಣಕಿಸಿತು.
+ ಅದು ಚಾರುಲತದು  ನೆಟ್ಟ ನೋಟದಿಂದ ಅದನ್ನ ನೋಡಿದ.
+ತೀವ್ರವಾದ ಭಾವ ಸಂಘರ್ಷ ಅವನಲ್ಲಿ.
+ಚಾರುಲತ ಮಧುರವಾಗಿ ಮಿಡಿದಿದ್ದಳು ಅವನಲ್ಲಿ.
+ಸಪ್ತ ಸ್ವರಗಳಂತೆ ಬೆರೆತಿದ್ದರು.
+ಧೊಪ್ಪನೆ ಕುಸಿದ.
+ಏನಾಗಿ ಹೋಯಿತು ನಮಗೆ ?
+ಯಾವ ತಪ್ಪಿಗೆ ಈ ಪ್ರಾಯಶ್ಚಿತ.
+ಕಲ್ಲಾಗಿ ವರ್ತಿಸಿ ನನ್ನ ಹೃದಯವನ್ನೋಡೆದು ಬಿಟ್ಟಳು.
+ಎರಡು ಕೈಯಲ್ಲು ತಲೆಗೂದಲನ್ನು ಕಿತ್ತ.
+ಎಷ್ಟೋ ಹೊತ್ತು ಅಲ್ಲಿಂದ ಕದಲಲಾಗಲಿಲ್ಲ ಅವನಿಗೆ.
+"ಮೂರ್ತಿ" ಅವನಮ್ಮನ ದನಿ ಕೇಳಿ ಮೇಲೆದ್ದಿದ್ದು.
+ಒಳಗೆ ಬಂದ ಮೃಣಾಲಿನಿ "ಇನ್ನ ಸರ್ಯಾಗಿ ತಲೆಯೊರ್ಲಿಕೊಂಡಿಲ್ಲ. 
+ಗೀಜರ್‌  ಹಾಕಿದ್ದೀನಿ. 
+ಬಿಸಿಯಾಗಿ ಸ್ನಾನ ಮಾಡ್ಕೊಂಡ್ಬಾ.
+ತಟ್ಟೆ ಹಾಕ್ತೀನಿ" ಹೇಳಿ ಹೋದರು.
+ತಾಯಿ ಹೃದಯ ಮಗನ ಸಂಕಟ ಅರಿಯದೇನಲ್ಲ. 
+"ಹೀಗಾಗಬಾರದಿತ್ತು" ಎಂದುಕೊಂಡರು. 
+ಸ್ನಾನ ಮುಗಿಸಿಕೊಂಡು ನೇರವಾಗಿ ತಂಗಿಯ ರೂಮಿಗೆ ಹೋದ.
+ನೆಪಕ್ಕೊಂದು ಕಾದಂಬರಿ ಇತ್ತು ಕೈಯಲ್ಲಿ.
+ಅವಳ ಎದುರು ಕೂತು  "ಹೇಗಿದ್ದಿ ?,ನೀನು ಹೀಗೇ ಷೇಕ್ಸ್‌ಪಿಯರ್‌ನ ನಾಟಕದ ದುರಂತ ಪ್ರೇಮಿಯಂಗೆ ಕೂತರೇ ದೇವರೇ ಕಾಪಾಡ್ಬೇಕು.
+ಅಪ್ಪನಿಗೆ ಹಾರ್ಟ್‌ ಅಟ್ಯಾಕ್‌ ಆಯ್ತು.
+ಹೇಗೋ ಚೇತರಿಸಿಕೊಂಡರು ದೇವರ ದಯೆಯಿಂದ.
+ಅಮನಿಗೇನಾದ್ರೂ ಹಾರ್ಟ್‌ ಅಟ್ಯಾಕ್‌ ಆದರೇ ಆರಾಮಾಗಿ ರೈಟ್‌ ಹೇಳ್ಬಿಡ್ತಾರೆ.
+ನಾನು ಒಂದ್ಹೊತ್ತೆ ಕಾವಿ ಖರೀದಿಸಿ ಇಟ್ಕೊಂಡ್‌ ಇದ್ದೀನಿ.
+ನಿಶ್ಚಿಂತೆಯಾಗಿ ಹಿಮಾಲಯಕ್ಕೆ ಹೊರಟು ಬಿಡ್ತೀನಿ.
+ಆ ಮೇಲೆ ಆ ಮೂರ್ಜನ ನೆನೆಯುತ್ತ ಪ್ಯಾಥೆರ್‌ ಸಾಂಗ್‌ ಹಾಡ್ಕೋಬಹುದು" ಮುಖ ಗಂಟಿಕ್ಕಿ ಹೇಳಿದ.
+ಅವನ ಮಾತುಗಳು ಪೂಜಾಳನ್ನ ಅಲ್ಲೋಲ ಕಲ್ಲೋಲ ಮಾಡಿತು.
+ತಂದೆಗೆ ಹಾರ್ಟ್‌ಅಟ್ಯಾಕ್‌ ಆದಾಗ ಅವರ ನಂತರ ಏನು ಎನ್ನುವ ಚಿತ್ರವನ್ನ ಕಲ್ಪಿಸಿಕೊಳ್ಳಲಾರದೆ ಭಯಪಟ್ಟಿದ್ದಳು.
+"ಬೇಡ ಕಣೋ, ಬಿಡ್ತು. . . ಬಿಡ್ತು. . . ಅನ್ನೋ. 
+ಫ್ಲೀಸ್‌. . . ಸಾರಿ. . . ನಾನು ಅಪ್ಪ, ಅಮ್ಮನ ಕಳುಕೊಳ್ಳೋಕೆ ಇಷ್ಟಪಡೋಲ್ಲ?"
+ಕಣ್ಣೀರು ಸುರಿಸಿದಾಗ ಕಂಬನಿ ತೊಡೆದು ಕೆನ್ನೆ ತಟ್ಟಿ  “ಈಗ ಸ್ವಲ್ಪ ಗೆಲುವಾಗಿ ಡೈನಿಂಗ್‌ ಹಾಲ್‌ಗೆ ನಡೀ.
+ನಿನ್ನ ಪಾಲಿಗೆ ಇನ್ನ ಕೆಲವು ಗಂಟೆಗಳು ಇವೆ.
+ಮಾನಸಿಕವಾಗಿ ಚೇತರಿಸ್ಕೋ.
+ಮೊದ್ಲಿನ ಪೂಜಾನೆ ಆಗ್ತೀಯಾ” ಉತ್ಸಾಹ ತುಂಬಿದ.
+ಅಣ್ಣ, ತಂಗಿ ಒಟ್ಟಿಗೆ ಬಂದರು ಡೈನಿಂಗ್‌ ಹಾಲ್‌ಗೆ.
+ಇಂದು ಸ್ವಲ್ಪ ನಗು ನಗುತ್ತಾ ಪೂಜಾ ಊಟ ಮಾಡಿದಾಗ ಮನೆಯಲ್ಲಿ ಜೀವ ಸಂಚಾರವಾಯಿತು.
+ಬಂದ ಚೆನೈ ದಂಪತಿಗಳು ಮಗಳನ್ನ ಒಪ್ಪದಿದ್ದರೂ ಪರವಾಗಿಲ್ಲ, ಒಂದಿಷ್ಟು ಗೆಲುವಾದಳಲ್ಲ ಎಂದು ಸಂತಸಗೊಂಡರು.
+ಬಹಳ ಹೊತ್ತು ಮಾತಾಡುತ್ತ ಕೂತರು ಎಲ್ಲರು.
+ಇಷ್ಟು ದಿನಗಳ ತರುವಾಯ ಪೂಜಾ ಕೂಡ ಆಗಾಗ ಒಂದು ಮಾತಾಡಿದಳು.
+ಎಲ್ಲರೂ ಚಾರುಲತ ಮತ್ತು ಅವರ ಮನೆಯವರ ವಿಚಾರ ಬರದಂತೆ ಎಚ್ಚರದಿಂದಿದ್ದರು.
+ಹನ್ನೆರಡರ ನಂತರ ಮೂರ್ತಿ ಹಾಸಿಗೆಗೆ ಹೋಗಿದ್ದು, ಅಲ್ಲೇ ಸ್ಟೂಲ್‌ಮೇಲಿದ್ದ ಟವಲು ಮತ್ತೆ ಅಣಕಿಸಿತು.
+ಕೈ ಅದನ್ನೊತ್ತಿಕೊಂಡು ಅಮೂಲ್ಯವೆನ್ನುವಂತೆ ಎದೆಗವಚಿಕೊಂಡಿತು.
+ಹೃದಯ “ಚಾರು. . . . . ಚಾರುಲತ" ಎಂದು ಪಿಸುಗುಟ್ಟಿತು.
+ಕೋಪವಿರಬಹುದು ಮೂರ್ತಿಗೆ, ಆದರೆ ಮಡದಿಯ ಪ್ರೇಮದ ಬಂಧನದಿಂದ ವಿಮುಕ್ತನಾಗಿರಲಿಲ್ಲ.
+ಅವನು ನಿದ್ದೆಗೆ ಜಾರಿದ ನಂತರವು ಪುಟ್ಟ ಟವಲು ಅವನೆದೆಗೆ ಒತ್ತಿಕೊಂಡು ಹೆಮ್ಮೆಯಿಂದ ಬೀಗುತ್ತಿತ್ತು.
+ಬೆಳಿಗ್ಗೆ ಎಚ್ಚರವಾದಾಗಲೇ ಅವನ ಅರಿವಿಗೆ ಬಂದಿದ್ದು.
+ಅಷ್ಟು ದೂರಕ್ಕೆ ಎಸೆದು ಬಾತ್‌ರೂಮಿಗೆ ಹೋದ.
+ಬ್ರೇಕ್‌ಫಾಸ್ಟ್‌ ನಂತರ ತಾಯಿ ಮಗ ಹಣ್ಣು ಖರೀದಿಸಲು ಹೊರಟಾಗ ಒಂದು ವಿಷಯ ತಿಳಿಸಿದರು.
+"ನಿಮಪ್ಪ ಆಸ್ಪತ್ರೆಯಲ್ಲಿದ್ದಾಗ ಬಂದಿದ್ದ ಚಾರುಲತ ಎರಡೆಳೆಯ ಸರ, ಒಂದು ಜೊತೆ ಬಳೆ ದೇವರ ಮನೆಯಲ್ಲಿ ಬಿಚ್ಚಿಟ್ಟು ಹೋಗಿದ್ದಾಳೆ.
+ಮರ್ತು ಇಟ್ಟು ಹೋಗಿದ್ದಾಳೇನೋ ಮತ್ತೆ ಬರಬಹುದು ಅಂದ್ಕೊಂಡೆ.
+ಅವ್ಳು ಒಂದೆರಡು ಸಲ ಫೋನ್‌ ಮಾಡಿ ಅವ್ರ ಆರೋಗ್ಯದ ಬಗ್ಗೆ ವಿಚಾರಿಸಿದ್ದು.
+ಆಗ್ಲೂ ಈ ಸುದ್ಧಿ ಎತ್ತಲಿಲ್ಲ.
+ಅವ್ಳ ಉದ್ದೇಶವೇನೋ !? ಮೂರ್ತಿ ಮಾತೇ ಆಡಲಿಲ್ಲ.
+ಇವರು ಹಾಕಿದ್ದ ತೂಕದ ಎರಡೆಳೆ ಸರದಲ್ಲಿದ್ದ ಮಾಂಗಲ್ಯವನ್ನ ತೆಗೆದು ಅವಳಪ್ಪ ಕಡಿಮೆ ಚಿನ್ನದಲ್ಲಿ ಎಣಿಸಿಕೊಟ್ಟ ಕರೀಮಣಿಯ ಸರಕ್ಕೆ ಹಾಕಿಕೊಂಡಿದ್ದಳು.
+ಅದಕ್ಕೆ ಅವಳತ್ತೆಯ ಪರ್ಮಿಷನ್‌ ಸಿಕ್ಕಿತ್ತು.
+ಈಗಲೂ ಆ ಕರೀಮಣಿ ಸರದಲ್ಲಿಯೇ ಇದ್ದಿದ್ದು ಮಾಂಗಲ್ಯ.
+ಈಗ ನಿರ್ದಾಕ್ಷಿಣ್ಯವಾಗಿ ಇವರು ಕೊಟ್ಟ ಚಿನ್ನ ನಿರಾಕರಿಸಲು ಸುಲಭವಾಯಿತು.
+"ಕಮಲ ಬಂದರೇ ಅವ್ಳ ಕೈಯಲ್ಲಿ ಕೊಟ್ಟು ಕಳಿಸೋಣಾಂತ" ಎಂದರು ಮತ್ತೆ ಮೃಣಾಲಿನಿ.
+ಮೂರ್ತಿ ತನಗೇ ಕೇಳಲೇ ಇಲ್ಲವೆನ್ನುವಂತೆ ವರ್ತಿಸಿದ.
+ಹಣ್ಣು ಖರೀದಿಸಿ ಹಿಂದಿರುಗಿ ಬರೋವಾಗ “ಈ ವಿಷ್ಯ ಅಪ್ಪನಿಗೆ ಗೊತ್ತಾ?” ಕೇಳಿದ.
+ಸಧ್ಯಕ್ಕೆ ಯಾವುದೇ ಆಘಾತವಾಗುವಂಥ ವಿಷಯಗಳು ಅವರವರೆಗೂ ಹೋಗುವುದು ಬೇಕಿರಲಿಲ್ಲ.
+ಕೈಯಲ್ಲಿನ ಹೂವಿನ ಬ್ಯಾಸ್ಕೆಟ್‌ನ ಹಿಂದಿನ ಸೀಟು ಮೇಲಿಟ್ಟು  "ಹೇಳ್ಲಿಲ್ಲ,ಆದ್ರೂ ಎಷ್ಟೋ ಸಲ ಹೇಳ್ಬೇಕು ಅಂದ್ಕೊಂಡೆ.
+ಒಮ್ಮೆ ಹೇಳಿ ಸಲಹೆ ಕೇಳೋದು ಅನ್ನಿಸಿದರು ಹಿಂಜರಿದೆ.
+ನಾನೇ ಒಮ್ಮೆ ಫೋನ್‌ ಮಾಡಿ ಅವಳನ್ನ ಬಂದುತಗೊಂಡ್ಹೋಗೂಂತ ಹೇಳೋಣಾಂತ ಅಂದ್ಕೊಂಡೆ.
+ನಿಮ್ಮಪ್ಪ ನರ್ಸಿಂಗ್‌ಹೋಂನಿಂದ ಬಂದ್ಮೇಲೆ ಹೊರ್ಗಡೆ ಹೋಗಿಲ್ಲ.
+ಚಾರುಲತ ಬಂದರೇ ಅವುರು  ತಪ್ಪು ತಿಳಿ ಬಾರ್ದಲ್ಲ.
+ಅದ್ಕೆ ನಿಂಗೆ ಹೇಳ್ದೆ" ಪೂರ್ತಿ ಹೇಳಿ ಆಕೆ ಮನಸ್ಸಿನ ಭಾರ ಕಳೆದುಕೊಂಡರು.
+ಈಗ ಸೊಸೆಯ ಬಗ್ಗೆ ಮೆತ್ತಗಾಗಿದ್ದರು.
+ಹಿಂದಿನ ವೈರತ್ವ ಇರಲಿಲ್ಲ.
+"ಈಗೇನ್ಮಾಡೋದು ?"ಅವನನ್ನ ಕೇಳಿದರು.
+"ಅದೇನು ಅಂಥ ಅರ್ಜೆಂಟ್‌ನ ವಿಷ್ಯವಲ್ಲ.
+ನಿಧಾನವಾಗಿ ಯೋಚ್ಸೋಣ"ಸ್ಟೇರಿಂಗ್‌ ವ್ಹೀಲ್‌ನ ಮುಂದೆ ಕೂತ.
+ಅವನು ಕಾರಿನ ತಂಟೆಗೆ ಹೋಗುತ್ತಿದ್ದುದೇ ಕಡಿಮೆ.
+ಓರಿಜಿನಲ್‌ ಡ್ರೈವರ್‌, ಮಾಲೀಕರು ಅವನ ತಂದೆನೇ.
+ಬರುವ ಅತಿಥಿಗಳಿಗಾಗಿ ಮನೆಯನ್ನ ಸಿಂಗರಿಸಿದರು.
+ಪೂಜಾ ಉಡಬೇಕಾದ ಸೀರೆಯನ್ನ ಮೂರ್ತಿನೇ ಆಯ್ಕುಕೊಟ್ಟ. 
+ಈ ಸಮಯದಲ್ಲಿ ಚಾರುಲತ ಇರಬೇಕಾಗಿತ್ತೆಂದು ಒಂದಲ್ಲ, ನೊರು ಸಲವಾದರೂ ಅಂದು ಕೊಂಡ.
+ಮೃಣಾಲಿನಿಯ ಸಹಾಯಕ್ಕೆ ಒಂದಿಬ್ಬರು ನೆಂಟರ ಹೆಂಗಸರು ಬಂದಿದ್ದರು.
+ಹೇಳಿ ಮಾಡಿಸುವುದಷ್ಟೇ ಅವರ ಕೆಲಸ.
+ಮೂರರ ಸುಮಾರಿಗೆ ಲಗ್ಸುರಿ ಟ್ಯಾಕ್ಸಿ ಬಂದು ಮನೆಯ ಮುಂದೆ ನಿಂತಾಗ,ಮೂರ್ತಿ ಹೊರಗೆ ಓಡಿದ.
+ಅವರುಗಳನ್ನ ನೇರವಾಗಿ ನೋಡಿ ಮಾತಾಡಿದ್ದವನು ಇವನೊಬ್ಬನೇ.
+ತೀರ ತಮಿಳು ಬೆರೆತ ಕನ್ನಡವಾಗಿದ್ದರು ಸೊಗಸಾಗಿತ್ತು.
+ಸರಳವಾದ ಜನ ಆತ್ಮೀಯವಾಗಿ ವ್ಯವಹರಿಸಿದಾಗ ಎಲ್ಲಾ ಸುಲಭವೆನಿಸಿತು.
+ಬಹಳ ಕಾಳಜಿಯಿಂದ ಮೂರ್ತಿಯೇ ತಂಗಿಗೆ ಮೇಕಪ್‌ ಮಾಡಿದ್ದರಿಂದ ಮೊದಲಿನ ಕೆಂಪು ಇನ್ನ ಕೆನ್ನೆಗಳ ಮೇಲೆ ಮೂಡದಿದ್ದರೂ ಚೆಲುವಾಗಿಯೇ ಕಂಡಳು.
+ತಮ್ಮ ಮಗನ ದಿನಚರಿಯ ವೀಡಿಯೋ ಕ್ಯಾಸೆಟ್‌ ಕೊಟ್ಟರು.
+"ನಿಮ್ಮ ಮಗ್ಳ ದಿನಚರಿಯ ಒಂದು ವೀಡಿಯೋ ಕ್ಯಾಸೆಟ್‌ ಮಾಡಿ ಕೊಡಿ.
+ಅವ್ನು  ಬರೋಕೆ ಮೊದ್ಲು ಇದ್ದ ಕಳ್ಸಿ ಕೊಡ್ತೀವಿ" ಎಂದರು.
+ಅವರುಗಳು ಕೂಡ ತಮ್ಮ ಹೆಣ್ಣು ಮಕ್ಕಳ ವಿವಾಹ ಮಾಡಬೇಕಾದುದ್ದರಿಂದ ಅರ್ಥ ಮಾಡಿಕೊಂಡು ಹಣ ಕೊಡುವ ಜನ ಬೇಕಿದ್ದರೇ ವಿನಃ ತೀರಾ ವ್ಯವಹಾರ ಮಾಡಿಯೋ, ಅವರನ್ನ ಹಿಂಡಿ ಹಿಪ್ಪೆ ಮಾಡಿ ಹಣ ವಸೂಲು ಮಾಡುವುದು ಅವರ ಉದ್ದೇಶವಾಗಿರಲಿಲ್ಲ.
+ಅದನ್ನ ಸ್ಪಷ್ಟವಾಗಿ ಹೇಳಿಕೊಂಡರು.
+ಈ ಕಡೆಯವರ ಪೂರ್ಣ ಸಮ್ಮತಿ ಇದ್ದುದ್ದರಿಂದ ಅವರುಗಳು ಕೂಡ ಹೆಚ್ಚು ಘಾಸಿಗೊಳ್ಳಬೇಕಿರಲಿಲ್ಲ.
+ರಾತ್ರಿಯ ಫ್ಲೈಟ್‌ಗೆ ರಿಟರ್ನ್‌ ಟಿಕೆಟ್ಸ್‌ನ ಪಡೆದಿದ್ದರಿಂದ ಮೂರ್ತಿಯೇ ಹೋಗಿ ಬೀಳ್ಕೊಟ್ಟು ಕೈ ಬೀಸಿ ಬಂದಿದ್ದ.
+"ನಿಮ್ಮ ಹುಡ್ಗಿ ನಮ್ಗೆ ಪೂರ್ತಿಯಾಗಿ ಇಷ್ಟವಾಗಿದ್ದಾಳೆ" ದಂಪತಿಗಳು ಒಮ್ಮತದಿಂದ ಹೇಳಿದ್ದರಿಂದ ಅವನಿಗೆ ಆಕಾಶಕ್ಕೆ ಏಣಿ ಹಾಕುವಂತಾಗಿತ್ತು.
+ಹಿಂದಿರುಗಿ ಬಂದವನೇ ಕ್ಯಾಸೆಟ್‌ನ ವಿ.ಸಿ.ಆರ್‌. ನೊಳಕ್ಕೆ  ತುರುಕಿ ತಂಗಿಯ ಪಕ್ಕ ಕೂತ.
+ಅರ್ಧ ಗಂಟೆಯ ಕ್ಯಾಸೆಟ್‌.
+ಮನೆಯ ದಿನಚರಿಯಿಂದ ಹಿಡಿದು ಅವನು ವಿಮಾನ ಹತ್ತಿ ಪೈಲಟ್‌ ಸೀಟುನಲ್ಲಿ ಕೂಡುವವರಿಗೂ ಇತ್ತು.
+ಅವನ ಕಂಠದಲ್ಲಿನ ಒಂದು ಹಾಡು ಕೂಡ ಇತ್ತು.
+ಇಂಪಾದ ರಫಿ ಹಾಡಿದ ಚಲನಚಿತ್ರಗೀತೆ.
+ತಂದೆ, ತಾಯಿ, ತಂಗಿಯರೊಂದಿಗಿನ ಒಡನಾಟ, ಎಲ್ಲ ಇಷ್ಟವೆನಿಸಿತು ಎಲ್ಲರಿಗೂ.
+"ಮಧು ತುಂಬ ಚೆನ್ನಾಗಿದ್ದಾನೆ" ಎಂದರು ಮೃಣಾಲಿನಿ.
+ತಂಗಿಯ ಹೆಗಲ ಮೇಲೆ ಕೈ ಹಾಕಿದ ಮೂರ್ತಿ  "ಬರೀ ಚೆನ್ನಾಗಿ ಏನು,ಸೂಪರ್ಬ್‌.
+ಎಂಥ ಹೊಳೆಯೋ ಕಣ್ಣುಗಳು.
+ಎಷ್ಟು ಮಟ್ಟಸವಾಗಿದ್ದಾನೆ.
+ಮಾಡೆಲಿಂಗ್‌ ಮಾಡಿದ್ರೆ ಲಕ್ಷಾಂತರ ಸಂಪಾದಿಸಬಹುದಿತ್ತು.
+ಆದರೆ ಅದೆಲ್ಲಿ ಆಗದ ಮಾತು.
+ಬೆಳಿಗ್ಗೆ ತಿರುಪತಿ ವೆಂಕಟೇಶ್ವರ ಸುಪ್ರಭಾತ ಸುಬ್ಬಲಕ್ಷ್ಮಿಯವರ ಕಂಠದಲ್ಲಿ ಕೇಳದ ದಿನ ಅವ್ರಿಗೆ ಊಟ ಸೇರೋಲ್ವೇನೋ !
+ಅಂಥ ಸಂಪ್ರದಾಯಸ್ಥ ಜನ" ಹೇಳಿದ ಮುಖ ಉಬ್ಬಿಸಿ.
+ಈ ಗಂಡು, ಸಂಬಂಧ,ಎಲ್ಲರಿಗೂ ಇಷ್ಟವಾಗಿತ್ತು.
+ಇಷ್ಟು ಬೇಗ ಇಂಥ ಒಳ್ಳೆಯ ಸಂಬಂಧ ಕಾಲಿಗೆ ತೊಡರಿದ ಬಳ್ಳಿಯಂತೆ ತಮಗೆ ಸಿಕ್ಕಿದ್ದು ತೀರಾ ಅದೃಷ್ಟವೆಂದು ಕೊಂಡರು ಯುಗಂಧರ್‌.
+ಕರಿ ನೆರಳಿನ ಛಾಯೆಯ ಮನಸ್ಥಿತಿಯಲ್ಲಿದ್ದವರನ್ನ ಬೆಳದಿಂಗಳಿಗೆ ದೂಡಿದಂತಾಗಿತ್ತು.
+ಪೂಜಾ ಮಾತ್ರ ಸುಮ್ಯನೆ  ಕೂತಿದ್ದಳು.
+"ಇದೆಲ್ಲ ನಿಮ್ಮಗಳ ಅಭಿಪ್ರಾಯ ಆಯ್ತು.
+ಇನ್ನ ಪೂಜಾ ಒಪ್ಕೊಂಡರೆ ಅರ್ಧ ಮದ್ವೆ ಮುಗಿದಂತಾಗುತ್ತೆ" ಎಂದರು ಮೃಣಾಲಿನಿ ನಿಶ್ಚಿಂತೆಯಿಂದ ಅವಳು ತಟ್ಟನೆ ಎದ್ದು ಹೋದಳು.
+ಯುಗಂಧರ್‌ ಗಾಬರಿಯಾದರು.
+ಮೂರ್ತಿ ಪಕ ಪಕ ನಕ್ಕುಬಿಟ್ಟ  "ಅಪ್ಪ, ನೀವೇನು ಆತಂಕ ಪಡೋದ್ಬೇಡ ನಿಮ್ಮ ಮಗ ಬಗ್ಗೆ ಅವ್ಳಿಗೆ ಹಂಡ್ರೆಡ್‌ ಪರ್ಸೆಂಟ್‌ ಒಪ್ಪಿಗೇಂತ ಅವ್ಳ ಕಣ್ಣುಗಳೇ ಹೇಳ್ತಾ ಇದ್ದು.
+ಹಿರಿಯರು ಒಪ್ಕೊಂಡ್ರು.
+ಒಪ್ಪಬೇಕಾದ ಗಂಡಿನ ಬಗ್ಗೆ ಮಾತ್ರ ನಾವು ಯೋಚಿಸೋಣ?” ಎಂದ.
+ಯುಗಂಧರ್‌ಗೆ ಅದು ಸರಿಯೆನಿಸಿತು.
+“ಒಡವೆ  ವಸ್ತು ಸಾಕಷ್ಟು ಇದೆ.
+ಆ ಬಗ್ಗೆ ನಾವೇನು ತಲೆ ಕೆಡ್ಸಿ ಕೊಳ್ಳೋದ್ಬೇಡ.
+ಅವ್ರೇನು ಕೇಳದಿದ್ರು. . . . ಎಷ್ಟು ಕೊಡೋಕೆ ಸಾಧ್ಯ ನಮ್ಮಿಂದ?
+ಮಧು ಇರೋ ಚೆಂದಕ್ಕೆ ವಿದ್ಯೆಗೆ ಯಾರಾದ್ರೂ ಕೋಟಿಗಟ್ಟಲೆ ಸುರಿದಾರು!
+ನಾವು ಅಷ್ಟೆಲ್ಲ ಎಲ್ಲಿಂದ ತರೋಣ" ಅನುಮಾನಿಸಿದರು ಮೃಣಾಲಿನಿ.
+ ಹಾಗೇನು ಅನ್ನಿಸಲಿಲ್ಲ ಮೂರ್ತಿಗೆ.
+ಅವರು ಅಂದೇ ತಮ್ಮ ಪರಿಸ್ಥಿತಿ ವಿವರಿಸಿದ್ದರು.
+ಯಾರು ಅವರನ್ನು ಗಂಡಿನ ಕಡೆಯವರು ವರದಕ್ಷಿಣೆ ಕೇಳದಿದ್ದರೇ, ಅವರುಗಳು ಕೂಡ ಕೈಯೊಡ್ಡುವಂಥ ಜನವಲ್ಲ.
+ಪರಿಸ್ಥಿತಿ ಅವರನ್ನ ಇಕ್ಕಟ್ಟಿಗೆ ಸಿಕ್ಕಿಸಿತ್ತು.
+"ಹೇಗೂ, ಆ ಮನೆನ ಇನ್ನಷ್ಟು ವಿಸ್ತರಿಸಿ ಡಾ।| ನವೀನ್‌ಗೆ ಒಂದು ನರ್ಸಿಂಗ್‌ಹೋಂ ಮಾಡಿ ಕೊಡೋ ಉದ್ದೇಶವಿತ್ತು.
+ಅದ್ನ ಬಾಯ್ಬಿಟ್ಟು ಕೂಡ ಹೇಳಿದ್ದೆ.
+ಈಗ ಅದೇ ಮನೇನ ಮಾರಿ ಹಣದ ರೂಪದಲ್ಲಿ ಕೊಟ್ಟುಬಿಡೋಣ.
+ನಿನ್ನ ಅಭಿಪ್ರಾಯವೇನು ಮೂರ್ತಿ ?"ಮಗನನ್ನ ಕೇಳಿದರು ಯುಗಂಧರ್‌. 
+ತಲೆದೂಗಿದ ತಂಗಿಯ ವಿವಾಹಕ್ಕಾಗಿ ಅವನು ಯಾವ ರಿಸ್ಕ್‌ ಬೇಕಾದರೂ ತೆಗೆದುಕೊಳ್ಳಲು ಸಿದ್ಧವಿದ್ದ.
+ಪೂಜಾ ಬದುಕು ಸರಿ ಹೋಗಬೇಕು.
+ಇಲ್ಲದಿದ್ದರೇ ಬೇರೆಯವರ ಬೆರಳು ಅವನತ್ತಲೇ.
+"ಖಂಡಿತ, ಅದ್ನೆಲ್ಲ ನಾನು ನೋಡ್ಕೋತೀನಿ.
+ಇನ್ನಷ್ಟು ಸಾಲ ಕೇಳಿದ್ರೂ ಈ ಮನೆಯ ಮೇಲೆ ಸಾಲ ತೆಗ್ದು ಕೊಡೋಣ.
+ನಿಧಾನವಾಗಿ ತೀರಿಸಿಕೊಂಡರಾಯ್ತು.
+ಅವಳೊಬ್ಬಳ ಬದುಕು ಸೇಫಾದರೇ ಸಾಕು" ಉದ್ವಿಗ್ನನಾಗಿ ನುಡಿದ.
+ಯುಗಂಧರ್‌ ಎದೆ ತುಂಬಿತು.
+ಮಗ ಈಗ ಇಷ್ಟು ಬೆಂಬಲವಾಗಿ  ತಮ್ಮೊಂದಿಗೆ ನಿಂತಿದ್ದಕ್ಕೆ ಅವನಿಗೆ ಹೇಗೆ ಕೃತಜ್ಞತೆ ತಿಳಿಸಬೇಕೋ ಅವರಿಗೆ ಅರ್ಥವಾಗಲಿಲ್ಲ. 
+ಕಣ್ತುಂಬಿತು ಮಾತಾಡದೇ ರೂಮಿಗೆ ಹೋಗಿ ಮಲಗಿಬಿಟ್ಟರು.
+ತಾಯಿಯ ಕಡೆ ತಿರುಗಿದ ಮೂರ್ತಿ "ಅಪ್ಪನ್ನ ಯಾವ್ದೂ ಮನಸ್ಸಿಗೆ ಹಚ್ಕೋಬೇಡಾಂತ ಹೇಳು.
+ಎಲ್ಲಾ ನಾನು ನೋಡ್ಕೋತೀನಿ.
+ಪೂಜಾ ನಗುನಗುತ್ತ ಗಂಡನ ಜೊತೆ ಹೋಗ್ತಾಳೆ"ಮೇಲುಸಿರಿನೊಂದಿಗೆ ಹೇಳಿದ.
+ಆಕೆಯ ಕಣ್ಣಾಲಿಗಳು ಒದ್ದೆಯಾಯಿತು.
+ಆದರೆ ಮುಂದಿನ ಮೂರ್ತಿಯ ಬದುಕು ಯೋಚಿಸುವಂತಾಗುತ್ತಿತ್ತು.
+ಆ ಬಗ್ಗೆ ತಲೆ ಕೆಡಿಸಿಕೊಂಡಂಗೆ ಕಾಣಲಿಲ್ಲ.
+"ಚಾರುಲತ ಬಿಟ್ಟೋದ ಒಡವೆಗಳ ಬಗ್ಗೆ ನಿಮ್ಮ ತಂದೆಗೆ ತಿಳಿಸ್ಲಾ ?" ಪಿಸುದನಿಯಲ್ಲಿ ಕೇಳಿದರು.
+ಅವನ ಮುಖ ಒಂದು ತರಹ ಆಯಿತು. 
+“ಸಧ್ಯಕ್ಕೆ ಬೇಡ  ಇದು ಯಾವ ದೊಡ್ಡ ವಿಷ್ಯಾಂತ ಅವ್ರ ವರ್ಗೂ ತಗೊಂಡ್‌ ಹೋಗೋದು?
+ಮರ್ತು ಬಿಟ್ಟೋಗಿರ್ಬೇಕು.
+ಅಣ್ಣನ ಮದ್ವೆ ವಿಷ್ಶ ಬಂದಾಗ ನಮ್ಮನ್ನೆ ನಿರ್ಲಕ್ಷಿಸಿಬಿಟ್ಲು.
+ಈ ಚಿನ್ನ ಯಾವ ಮಹಾ” ಎಂದ ಗಡುಸಾಗಿ.
+ಮಗನ ಕೋಪ ಕಮ್ಮಿಯಾಗಿಲ್ಲವೆಂದು ಕೊಂಡರು.
+"ನೀನು ಮಲಕ್ಕೋ ಹೋಗು.
+ಅವ್ಳಿಗೆ ಬಿಸಾಕೋ ಅಷ್ಟು ಒಡ್ವೆ ಇರ್ಬಹುದು.
+ಪೂಜಾಗೆ ಕೊಟ್ಟರಾಯ್ತು" ಅಂದು ಎದ್ದು ಹೋದ.
+ಅದು ಮನಸ್ಸಿನಾಳದಿಂದ ಬಂದ ಮಾತಲ್ಲ.
+ಮದುವೆಯ ಸಂದರ್ಭದಲ್ಲಿ ಅತ್ತೆ ಮನೆಯವರು ಹಾಕಿದ್ದು ಕೂಡ ಅವಳ ಸ್ವಂತಕ್ಕೆ ಸೇರಿದ್ದೇ.
+ಅದರ ಮೇಲೆ ಯಾರ ಹಕ್ಕು ಇಲ್ಲ.
+ಇದು ಅವನ ಮನಸ್ಸಿನ ಸ್ಪಷ್ಟವಾದ ಅಭಿಪ್ರಾಯ.
+ದಿಂಬಿನ ಮೇಲೆ ತಲೆ ಇಟ್ಟನಂತರ ತಲೆ ತಿರುಗಿಸಿ ನೋಡಿದ.
+ಪುಟ್ಟ ಟವಲು ಸ್ಟೂಲ್‌ನ ಅಡಿಯಲ್ಲಿ ಬಿದ್ದಿತ್ತು.
+ಬಿದ್ದಿದ್ಲಿ ಮುಖ ತಿರುಗಿಸಿ ಮಲಗಿಕೊಂಡರೂ ಹತ್ತು ನಿಮಿಷಗಳನಂತರ ಅದನ್ನ ಎತ್ತಿ ಸ್ಟೂಲ್‌ ಮೇಲೆ ಹಾಕಿದ "ಅಯ್ಕೋ, ಇನ್ನ ಇಡೀ ರಾತ್ರಿ ಜಾಗರಣೆ" ಸದಾ ಕಾಡುವುದು ಹೆಣ್ಣಿನ ಕೆಲಸವೇ.
+ಅಮ್ಮ ತಂಗಿ, ಮಡದಿ, ಮಗಳು ಒಬ್ಬರಲ್ಲಿ ಒಬ್ಬರು ಗಂಡನ್ನ ಕಾಡುತ್ತಿರುತ್ತಾರೆ.
+ಇದು ಅವನ ವಿಶ್ಲೇಷಣೆ.
+ಈ ಬಗ್ಗೆ ಯಾಕೆ ಒಂದು ಲೇಖನ ಸಿದ್ದ ಮಾಡಬಾರದು?
+ತಕ್ಷಣ ಎದ್ದು ಕೂತ.
+ಚೆನ್ನೈನ ಜನ ಮನೆಯಲ್ಲಿ ಮಾತ್ರವಲ್ಲ ವಿಮಾನ ನಿಲ್ದಾಣದಲ್ಲಿ ಕೂಡ ಅವನ ಮಡದಿಯ ಬಗ್ಗೆ ಪ್ರಶ್ನಿಸುತ್ತಿದ್ದರು. 
+"ನೋಡಿದ್ರೆ ಚೆನ್ನಿತ್ತು. ನಿಮ್ತಂದೆ ಕೊಟ್ಟ ಮ್ಯಾರೇಜ್‌ ಆಲ್ಬಮ್‌ ನೋಡಿದ್ವಿ.
+ಬ್ಯೂಟಿ ಫುಲ್‌ಲೇಡಿ.
+ನಮ್ಗೆ ಅಷ್ಟೊಂದು ಸರಳವಾಗಿ, ಸಂಪ್ರದಾಯವಾಗಿ ಇರೋ ಹುಡ್ಡಿರೇ ಇಷ್ಟವಾಗೋಲ್ಲ.
+ನಮ್ಮ ಮಧುಗೆ ಕೂಡ ಸೀರೆಗಳು ಅಂದರೇನೇ ಇಷ್ಟ." ಆಕೆ ಒತ್ತಿ ಹೇಳಿ ಹೋಗಿದ್ದರು.
+ನಡೆದು ಹೋದ ರಾದ್ದಾಂತ ಅವರಲ್ಲಿ ವಿವರಿಸಲು ಹೋದರೆ ಇಡೀ ಕತೆಯೇ ಹೊರಗೆ ಬರುತ್ತೆ.
+ಒಬ್ಬ ಗಂಡಾಗಿ ಆತ್ಮಹತ್ಯೆ ಮಾಡಿಕೊಳ್ಳಲು ಯತ್ನಿಸಿದ ಹೆಣ್ಣನ್ನ ಇನ್ನೊಬ್ಬ ಗಂಡು ಹೇಗೆ ಒಪ್ಪಿಯಾನು ?
+ಮಧುಗಾದರೂ ಅಂಥ ಹಣೆಬರಹವೇನು ?
+ತೀರಾ ಗೋಜಲು ಗೋಜಲಾಗಿ ಹೋಯಿತು ಅವನ ಮನಸ್ಸು.
+ತಲೆಯ ಮೇಲೆ ಕೈಯೊತ್ತು ಕೂತ.
+ಅವನಪ್ಪ, ಡಾ|।ನವೀನ್‌ನ ಪ್ರತಿಯೊಬ್ಬರನ್ನ ಅವಮಾನಿಸಿದ್ದ.
+ಬಂದ ಚಾರುಲತನ ಕತ್ತಿಡಿದು ದಬ್ಬುವಂತೆ ಕಳಿಸಿದ್ದ.
+ಬಿಸಿಲಲ್ಲಿ ನಡೆದು ಹೋಗುತ್ತಿದ್ದವಳ ಕಡೆ -ನೋಟ ಕೂಡ ಹರಿಸಿರಲಿಲ್ಲ.
+ಮಿದುಳು ಸಿಡಿಯತೊಡಗಿತು.
+ಒಂದು ಸಾರಿಡಾನ್‌ ನುಂಗಿದ.
+ಅಮೃತಾಂಜನ ಹಚ್ಚಿದ.
+ಯಾವುದರಿಂದಲೂ ನೋವು ಕಡಿಮೆಯಾಗದಿದ್ದಾಗ ಹೊರಗೆದ್ದು ಬಂದು ಕೂತ.
+ಮೃಣಾಲಿನಿ ಕೂಡ ಭಾಗವತ ಹಿಡಿದು ಕೂತಿದ್ದರು.
+"ಅಮ್ಮ ನಿದ್ದೆ ಬದ್ದಿಲ್ವಾ ?" ಎದುರಿಗೆ ಬಂದು ಕೂತವನು ಭಾರವಾದನಿಟ್ಟುಸಿರು ದಬ್ಬಿದ “ಮಧ್ಯಾಹ್ನ ಮಲಗಿದ್ದೆ” ತಡವರಿಸಿದರು.
+ಅವನಿಗೆ ನಗುಬಂತು.
+"ಹೋಗ್ಲಿ ಬಿಡು.
+ಬಹುಶಃ ನಿನ್ತಲೆಯಲ್ಲಿ ಕೊರೆಯುತ್ತ ಇರೋ ಸಮಸ್ಯೆನೇ ನನ್ನ ತಲೆ ತುಂಬಿಕೊಂಡಿರೋದು.
+ಅವ್ರಿಗೆ ಆಲ್ಬಮ್‌ ತೋರಿಸಬಾರದಿತ್ತು.
+ನನ್ನ ವಿಮಾನ ನಿಲ್ದಾಣದಲ್ಲಿ ಚಾರುಲತ ಬಗ್ಗೆ ಕೇಳಿದ್ರು" ಎಂದ ಅತ್ತಿತ್ತ ನೋಡಿ.
+ಯುಗಂಧರ್‌ ಮಲಗಿದ್ದ ಬೆಡ್‌ರೂಂ ಬಾಗಿಲು ಹಾಕಿತ್ತು.
+“ಹೇಗೆ ತೋರಿಸ್ತೇ ಇರೋಕೆ ಸಾಧ್ಯ ?
+ನೀನು ಮದ್ವೆ ಆಗಿದೇಂತ ಹೇಳಿದ್ದೀಯ.
+ಚಾರುಲತ ಓಡಾಡಿಕೊಂಡಿದ್ದರೇ, ಅದರ ಅಗತ್ಯ ಕಾಣ್ತಾ ಇರಲಿಲ್ಲ.
+ಬದುಕೆ ಸಮಸ್ಯೆಗಳ ಗೊಂಡಾರಣ್ಯ ಅನ್ನಿಸುತ್ತೆ.
+ಒಳ್ಳೆ ಸಂಬಂಧ ಬಂದಿದೆ.
+ಪೂಜಾ ಕೂಡ ಒಪ್ಕೋತಾಳೇಂತ ಅನ್ನಿಸಿದೆ.
+ಇದ್ರ ಮಧ್ಯೆ ಈ ಸಮಸ್ಯೆ.
+ಈಗ ಹೇಗೋ, ಏನೋ ಹೇಳಿ ಸಮಾಳಿಸ್ಕೋಬಹುದು.
+ಮದುವೆಯ ಮನೆಯಲ್ಲಿ ಈ ಮನೆ ಸೊಸೆ ಓಡಾಡದಿದ್ದರೇ ಹೇಗೆ ?
+ವಿಷ್ಯಕ್ಕೆ ರೆಕ್ಕೆ ಪುಕ್ಕ ಹುಟ್ಟಿಕೊಂಡುಮುಂದಿನ ಪೂಜಾಳ ಭವಿಷ್ಯಕ್ಕೆ ತೊಂದರೆ ಆಗುತ್ತೆ.
+ಈಗೇನು ಮಾಡೋದು?
+ಪೂರ್ತಿ ಚಿತ್ರವನ್ನ ಮಗನ ಮುಂದಿಟ್ಟರು.
+ಅವನಿಗೇನು ತೋಚಲಿಲ್ಲ.
+ತಾಯಿಯತ್ತ ನೋಡಿದ.
+ಬರೀ ಆತಂಕವೇ ಆಕೆಯ ಕಣ್ಣುಗಳಲ್ಲಿ.
+ಗಂಟಲು ಹಿಡಿದಂತಾಯಿತು."ಇನ್ನ ಸಮಯವಿದೆಯಲ್ಲ.
+ನೀನು ನಂಬಿರೋ ಕೃಷ್ಣನೇ ಮಾರ್ಗತೋರಿಸ್ತಾನೆ.
+ನಾಳೆ ಓದಬಹುದು  ಹೋಗಿ ಮಲಕ್ಕೊಳ್ಳಿ.
+ಅಪ್ಪನಿಗೆ ನಿದ್ದೆ ಬಂದಿರಬಹುದೆಂದು ನಾವು ಅಂದ್ಕೋಬಹುದು.
+ವಿಷಯ ಮನಸ್ಸಿಗೆ ಇಳಿಯದಿದ್ದರೂ, ನೀವು ಹಾಸಿಗೆಯಿಂದ ಎದ್ದು ಬಂದಿರೋದು ನೋಡಿ ಮೌನವಾಗಿಯೇತಲೆ ಕೆಡಿಸ್ಕೋತಾರೆ.
+ಪ್ಲೀಸ್‌ ಹೋಗಿ ಮಲ್ಲಿಕೊಳ್ಳಿ.
+ಅಪ್ಪಿ ತಪ್ಪಿ ಪೂಜಾ ಮುಂದೆ ಈ ಪ್ರಸ್ತಾಪ ಖಂಡಿತವಾಗಿಯು ಬೇಡ?
+ಬಗ್ಗಿ ಪಿಸು ದನಿಯಲ್ಲಿ ನುಡಿದ.
+ಆಕೆ ತಲೆದೂಗಿ ಎದ್ದು ಹೋದರು. 
+ಟಿ. ವಿ. ಆನ್‌ ಮಾಡಿದ.
+ಯಾವುದೋ ಇಂಗ್ಲೀಷ್‌ ಚಿತ್ರ ಸ್ಟಾರ್‌ ಪ್ಲೇಸ್‌ನಲ್ಲಿ.
+ಬರೀ ಚಾನಲ್‌ಗಳನ್ನ ಬದಲಾಯಿಸುತ್ತ ಗಂಟೆ ಕೂತವನು ಬೇಸರದಿಂದ ಎದ್ದುಹೋಗಿ ಮಲಗಿದ.
+ಪೂಜಾ, ಡಾ।ನವೀನ್‌ನ ವಿಷಯ ಪ್ರಸ್ತಾಪವಾಗಿ ಬಹಳ ದೂರ ಹೋದ ನಂತರ ಹೆದರಿಸಲು ಒಂದು ಮಾತು ಹೇಳಿದ್ದ.
+"ನಿನ್ನ ಭವಿಷ್ಯ ಹಾಳು ಮಾಡ್ಕೋತಾ ಇದ್ದೀಯಾ !
+ಜೀವನ ಪೂರ್ತಿಒಂಟಿಯಾಗಿರ ಬೇಕಾಗುತ್ತೆ."
+ಅವಳು ಒಂದಿಂಚು ಕೂಡ ಅಲಿಸಿರಲಿಲ್ಲ  "ನೀವು ಹೇಳಿದ್ದು ಇಬ್ರಿಗೂ ಅನ್ವಯವಾಗುತ್ತೆ.
+ಒಂದಿಷ್ಟು ಹೆಚ್ಚು ಕಡ್ಮೆಯಾಗಬಹುದು.
+ಬದುಕಿನಲ್ಲಿ ಸಮಸ್ಯೆ ಸಹಜ.
+ಭಾರ ಹೊತ್ತೇನು ವಿಪರೀತ ಕಲ್ಪನೆ ಮಾಡ್ಕೊಂಡರೆ ಭಾರದ ಪ್ರಮಾಣ ನೂರರಷ್ಟು ಹೆಚ್ಚುತ್ತೆ.
+"ಅದೇನು ಮಹಾ !ಎಂದುಕೊಂಡರೇ ಬೆಟ್ಟ ಕೂಡ ಹಗುರವಾಗಿರುತ್ತೆ " ಸವಾಲೆಸೆದಂತೆ ಆಡಿದ ಮಾತುಗಳು ನೆನಪಾಯಿತು.
+ಅಂದು ಅವಳ ಮುಖದಲ್ಲಿ ಮಿನುಗುತ್ತಿದ್ದ ಸ್ವಾಭಿಮಾನ ರೊಚ್ಚಿಗೆಬ್ಬಿಸಿತ್ತು.
+ಇಂದು ವಿವೇಕದಿಂದ ಚಿಂತಿಸಿದಾಗ ಹೆಮ್ಮೆಯೆನಿಸಿತು.
+ಆದರೆ ಅವನ "ಈಗೋ" ಒಪ್ಪಲು ಬಿಡಲಿಲ್ಲ.
+ಆದರೆ ಮೂರ್ತಿಯ ಮಸ್ತಿಷ್ಯದಲ್ಲಿ ಇನ್ನೊಂದು ವಿಷಯ ಸುಳಿಯಿತು.
+"ಸ್ವಂತಮನೆ ಇದ್ದು ಬದಲಾಯಿಸಿದ್ದು ಯಾಕೆ ?
+ ಬಹುಶಃ ಮನೆ ಮಾರಿರ ಬಹುದು.
+ಅಂಥ ಸ್ಥಿತಿ ಅವರಿಗೇನಿತ್ತು.
+ತಲೆ ಬುಡ ಗೊತ್ತಾಗಲಿಲ್ಲ.
+ಬೆಳಿಗ್ಗೆ ಕಮಲ ಮನೆಗೆ ಹೋಗಿ ಬರಬೇಕೆಂದುಕೊಂಡ.
+ನೆಂಟರಾದುದ್ದರಿಂದ ಹೋಗಿ ಬರಲು ಕಾರಣ ಬೇಕಿರಲಿಲ್ಲ.
+ಮತ್ತೆ ಚೆನ್ನೈಗೆ ಸಂಬಂಧ ಸೂಚಿಸಿದವರು ಕೂಡ ಅವಳ ಮನೆಯವರೇ.
+ಎರಡು ನಿದ್ದೆ ಮಾತ್ರೆ ನುಂಗಿ ಮಲಗಿದ.
+ತಾಯಿಗೂ ಇದೇ ಸಲಹೆಕೊಡ ಬೇಕೆನಿಸಿತು.
+ಈಗ ಪೂಜಾಗೂ ಮಾತ್ರೆ ನುಂಗಿಯೇ ನಿದ್ರಿಸುವ ಅಭ್ಯಾಸ.
+ಅದನ್ನ ಆದಷ್ಟು ಕಡಿಮೆ ಮಾಡಬೇಕೆಂದು ಕೊಂಡ.
+ಚಾರುಲತ ಕರ್ಚಿಫ್‌ ಅಣಕಿಸಿದಂತಾಯಿತು.
+ಮನಸ್ಸಿರೋ ಮನುಷ್ಯನಿಗೆ ಮಾತ್ರ ಈ ನೋವುಗಳೆಲ್ಲ ಅನಿಸಿತು.
+ಎದ್ದ ಕೂಡಲೇ ಮೂರ್ತಿ ಸ್ನಾನ ಮುಗಿಸಿ ಬ್ರೇಕ್‌ಫಾಸ್ಟ್‌ ಕೂಡ ಬೇಡವೆಂದು ಹೊರಟ.
+ಅವನಿಗೆ ಈಗ ಕಮಲನ ಕಂಡು ಮಾತಾಡುವುದು ಅಷ್ಟು ಅಗತ್ಯವಾಗಿ ಕಂಡಿತು.
+ಬಾಗಿಲಲ್ಲಿ ತರಕಾರಿ ವ್ಯಾಪಾರ ಮಾಡುತ್ತಿದ್ದ ಕಮಲ ತಾಯಿ ನಗುಮುಖದಿಂದಲೇ ಸ್ವಾಗತಿಸಿದರು "ಒಳಗೆ ಹೋಗಿ ಕೂತ್ಕೋ.
+ಈ ತರಕಾರಿಯೊಳ್ನ ಕಳ್ಸಿ ಬರ್ತೀನಿ" ಎಂದಾಗ ಒಳಗೆ ನಡೆದು ಆಸೀನನಾದ.
+ಮನೆಯಲ್ಲಿ ಯಾರು ಇಲ್ಲದ್ದು ಅವನ ಗಮನಕ್ಕೆ ಬಂತು.
+ಒಳಗೆ ಬಂದ ಕೂಡಲೇ "ಒಂದ್ದಿಮ್ದು ಕೂತ್ಕೋ" ಎಂದು ಒಳಗೆ ಬಂದವರು ತಟ್ಟೆಯ ತುಂಬ ಉಪ್ಪಿಟ್ಟು ತಂದಿಟ್ಟು "ಮೊದ್ಲು ತಿನ್ನು.
+ಆಮೇಲೆ ಮಾತು, ಅವ್ರ ಸ್ನೇಹಿತರ ಮನೆ ಸತ್ಯನಾರಾಯಣ ಪೂಜೇಂತ ಮಕ್ಕಳನ್ನೆಲ್ಲ ಕಟ್ಟಿಕೊಂಡ್ಹೋಗಿದ್ದಾರೆ.
+ನಂಗೂ ಸ್ಪಲ್ಪ ನಿಶ್ಚಿಂತೆ.
+ನಂಗೂ ತಿಂಡಿ ತರ್ತಿನಿ.
+ತಿನ್ನುತ್ತ ಮಾತಾಡೋಣ"ಒಳಗೆ ಹೋದರು.
+ಈಕೆ ಸ್ವಲ್ಪ ಡಿಫರೆಂಟ್‌.
+ಸಂದರ್ಭಕ್ಕೆ ಸರಿಯಾಗಿ ಹೊಂದಿಕೊಳ್ಳುವ ಮನಸತ್ವ ಉಳ್ಳವರು.
+"ಈಗ್ವೇಳು ಪೂಜಾ ವಿವಾಹದ ವಿಷ್ಯ ಏನಾಯ್ತು ?"ವಿಷಯಕ್ಕೆ ಬಂದರು.
+ಬಾಯಲ್ಲಿದ್ದ ಉಪ್ಪಿಟ್ಟು ನುಂಗಿ ನೀರು ಕುಡಿದು "ಈ ಹಂತಕ್ಕೆ ಬಂದಿದೆ. 
+ನಿಮ್ಮಿಂದ ಉಪಕಾರವಾಯ್ತು. ನೆನ್ನೆ ದಿನ ಚೆನೈನಿಂದ ಅವ್ರುಗಳು ಬಂದಿದ್ರು.
+ಪೂಜಾನ ಒಪ್ಕೊಂಡಿದ್ದಾರೆ" ತಿಳಿಸಿದ.
+“ಒಳ್ಳೆದಾಯ್ತು !ಆ ಹುಡ್ಗಿದೊಂದು ಮದ್ವೆ ಆಗ್ಲಿ” ತಮ್ಮ ಮನೆಯ ಚಿಂತೆಯನ್ನು ಆ ಸಮಯದಲ್ಲಿ ಮರೆತರು .
+ಪೂಜಾನ ನೋಡೋಕೆ ಎಷ್ಟೋ ಸಲ ಬರಬೇಕು ಅಂದ್ಯೋತೀನಿ.
+ಈ ಕೊನೆಯಿಂದ ಆ ಮೂಲೆಗೆ ಬರೋದೂಂದರೆ ಒಂದು ಊರಿಗೆ ಹೋಗ್ಬಂದಂಗೆ ಆಗುತ್ತೆ.
+ಇನ್ನೇಲೆ ಅವ್ಳೇ ಬಂದ್ಹೋಗ್ರಾಳೆ.
+ನೀವು ಪೂರ್ತಿಯಾಗಿ ಸಂಸಾರನ ಗಂಟು ಹಾಕ್ಕೊಂಡ್‌ ಬಿಟ್ಟಿದ್ದೀರಾ !
+ಯಾರು ಇಲ್ವಲ್ಲ, ನಂಜೊತೆ ಹೊರಡಿ”ಆಹ್ವಾನ ಕೊಟ್ಟ ರುಚಿಯಾದ ಉಪ್ಪಿಟ್ಟನ್ನು ಚಪ್ಪರಿಸುತ್ತ.
+ಈಕೆಯ ಕೈನ ಅಡಿಗೆ,ತಿಂಡಿ ಎಂದೂ ಹದಗೆಡದೆಂದು ಅವನಿಗೆ ಗೊತ್ತು.
+ತಟ್ಟೆ ಎತ್ತಿಟ್ಟು ಕೈ ತೊಳೆದು ಸೆರಗಿನಿಂದ ಮೂಗೊರೆಸಿಕೊಂಡು ಬಂದ ಕಮಲ ತಾಯಿ “ಹೇಗಾಗುತ್ತೆ !
+ಹೋಗಿರೋದು ಸತ್ಯನಾರಾಯಣ ಪೂಜೆ.
+ಅಲ್ಲಿ ಊಟಾನು ಮಾಡ್ತಾರೆ.
+ಬಂದ ಕೂಡಲೇ ಹಸಿವೂಂತ ಷುರು ಮಾಡ್ತಾರೆ ಬಕಾಸುರನ ವಂಶಸ್ಥರು.
+ಅದ್ಕೆ ಅಚ್ಚುಕಟ್ಟಾಗಿ ಅಡ್ಗೆ ಮಾಡಿ ಇಟ್ಟಿದ್ಲೀಂತ ನನ್ನ ಬಿಟ್ಟೋಗಿದ್ದಾರೆ.
+ಒಂದಿಷ್ಟು ಉಪ್ಪಿಟ್ಟು ತರ್ಲಾ” ಹೊರಟ ವರನ್ನು ನಿಲ್ಲಿಸಿದ “ಬೇಡ ಅತ್ತೆ !ನನ್ನ ಏನಂದ್ಕೊಂಡ್ರಿ.
+ನಿಮ್ಮ ಮನೆಯವ್ರು ಬಕಾಸುರನ ವಂಶಸ್ಥರಾದರೇ ನಾನು ಮಾತ್ರ ಭೀಮನ ನಕ್ಷತ್ರದಲ್ಲಿ ಹುಟ್ಟಿದ್ದೀನಿಂತ ತಿಳಿದಿರಾ” ನಗಾಡಿದ.
+ಒಂದು ರೀತಿಯ ರಿಲ್ಯಾಕ್ಸ್‌ ಆದರೂ ಕಮಲ ಇಲ್ಲದ್ದರಿಂದ ಬಂದು ಪ್ರಯೋಜನವಾಗಲಿಲ್ಲಾಂತ ಅಂದುಕೊಂಡ.
+ಒಂದು ದೊಡ್ಡ ಸ್ಟೀಲ್‌ ಲೋಟದ ತುಂಬ ಕಾಫಿ ಬಂತು.
+ಆಕೆನೇ ವಿಷಯಕ್ಕೆ ಬಂದರು.
+“ಚಾರುಲತ ವಿಷ್ಯ ಏನ್ಮಾಡ್ದೆ ?
+ಮತ್ತೆ ವಿವಾಹವಾಗೋ ಮನಸ್ಸು ಇದ್ಯಾ?”ಕೂತಿದ್ದವನು ಧಡಕ್ಕನೇ ಎದ್ದ.
+ಎಂದೂ ಅವನ ತಲೆಯಲ್ಲಿ ವಿವಾಹ,ಬೇರೆ ಹೆಣ್ಣು ಅಂಥದ್ದು ಸುಳಿದೇ ಇಲ್ಲ.
+ಪ್ರಶಾಂತವಾಗಿದ್ದ ಅವನ ಮನಸ್ಸು ಅಲ್ಲೋಲ ಕಲ್ಲೋಲವಾಯಿತು.
+ಹೆಣ್ಣು ಹೆತ್ತ ತಾಯಿ, ಇಂಥ ಪ್ರಶ್ನೆನ ತನ್ನ ಮುಂದಿಡೋದು ?
+"ಸಧ್ಯಕ್ಕೆ  ಈಗ ಪೂಜಾ ಮದ್ವೆ ಆಗಬೇಕಷ್ಟೆ.
+ಅಲ್ಲ ಅತ್ತೆ, ಒಂದೊಂದು ಮದ್ವೆ ಆಗೋಕೆ ಇಷ್ಟೊಂದು ತಂಟೆ, ತಕರಾರು, ತಾಪತ್ರಯ.
+ಅಂಥದ್ದರಲ್ಲಿ ಎರಡನೇ ವಿವಾಹ ! ಭಯವಾಗುತ್ತೆ. 
+ನಮ್ಮದೆಲ್ಲ ಮುಗೀತಲ್ಲ ನಿಮ್ಮದು ಹೇಳಿ" ಕಾಫಿ ಲೋಟ ಕೈಗೆತ್ತಿಕೊಂಡ.
+ಬರೀ ಪುರಾಣವೆ ಹೇಳಿದರು ಒಂದು ಗಂಟೆ ನಿರಂತರವಾಗಿ ಹರಿಕಥೆಯಂತೆ ಹೇಳಿದರೂ ಮುಗಿಯಲಿಲ್ಲ.
+ಒಂದಾ, ಎರಡಾ, ವಿವಾಹ ವಾಗದ ಹೆಣ್ಣುಗಳಲ್ಲಿ ಮನೆಯಲ್ಲಿಟ್ಟುಕೊಂಡು ಪಡುತ್ತಿದ್ದ ಕಷ್ಟಗಳೆಲ್ಲ ಒಂದು ಬೃಹತ್‌ ಕಾದಂಬರಿಗೆ ಆಗುವಷ್ಟು ಮ್ಯಾಟರ್‌ ಇತ್ತು.
+ಅವನಿಗೆ ಅಯ್ಯೋ ಎನಿಸಿತು.
+ಆದರೂ ಇನ್ನೊಂದು ವಿವಾಹದ ಸುದ್ದಿ ಎತ್ತಿದ ಆಕೆಯ ಬಗ್ಗೆ ಬೇಸರ.
+ಹೊರಟು ಬಾಗಿಲಿಗೆ ಬರೋ ವೇಳೆಗೆ ಕಮಲ ಬಂದಳು.
+"ಅಮ್ಮ ಕಲಶದ ಬೆಳ್ಳಿ ಚೊಂಬು ಕೊಡ್ಬೇಕಂತೆ.
+ಅದು ಅವ್ರ ಹಿರಿಯ ಮಗನ ಭಾಗಕ್ಕೆ ಹೋಯಿತಂತೆ.
+ಕಾದು ಸಾಕಾದಾಗ ಅಣ್ಣ ನನ್ನ ಕಳ್ಗಿದ್ರು.
+ಎಲ್ಹೋದ್ರು ತಲೆನೋವೇ !
+ನಂಗೆ ಒಂದ್ಲೋಟ ಕಾಫಿ ಕೊಟ್ಟರೇನೇ ಹೋಗುದು"ಎಂದು ಕೂತು ಬಿಟ್ಟವಳು ಮೂರ್ತಿಯ ಕಡೆ ನೋಡಿ  "ಯಾರು ಇಲ್ಲ ಸಮಯದಲ್ಲಿ ಬಂದಿದ್ದೀರಿ."
+ಅಮ್ಮ ತುಂಬ ಮಾತಾಡಿ ಬೋರ್‌ ಮಾಡಿರ ಬೇಕು  ಎಂದು ತಾಯಿಯ ಕಡೆ ನೋಡಿ ಅಣಕಿಸಿದಾಗ ಆಕೆ ತಲೆಯ ಮೇಲೊಂದು ಮೊಟಕಿ ಒಳಗೆ ಹೋದರು.
+ಬೆಳ್ಳಿಯ ಕಲಶದ ಚೊಂಬು ತರಲು.
+“ನನ್ನ ಪ್ರಕಾರ ನಿನ್ನಷ್ಟು ಮಾತಾಡ್ಲಿಲ್ಲ.
+ಉಪ್ಪಿಟ್ಟು ಮಾತ್ರ ಚೆನ್ನಾಗಿತ್ತು.
+ತಟ್ಟೆ ಸ್ಕಾಂಪಲ್‌ನಲ್ಲಿ ಕೊಟ್ಟಿದ್ದು, ಒಂದು ತಟ್ಟೆ ತುಂಬ.
+ಸಂಜೆವರ್ಗೂ ಹೊಟ್ಟೆ ಮತ್ತೇನನ್ನು ಕೇಳದು.
+ನೀನು ಬೇಗ ಬಂದರೇ ಬಸ್‌ ಸ್ಟಾಪ್‌ವರ್ಗೂ ಕಂಪನಿ ಕೊಡ್ತೀನಿ.
+ಸಾಧ್ಯವಾದ್ರೆ ನಿನ್ನ ಅಲ್ಪಿಟ್ಟು ಹೋಗ್ತೀನಿ.
+ನೀನು ಕಾಫಿ ಜೊತೆ ಉಪ್ಪಿಟ್ಟು ತಿಂತಾ ಕೂಡ್ಬಾರ್ದು" ಎಂದ ಸ್ನೇಹದಿಂದ.
+ತಾಯಿ ತಂದು ಕೊಟ್ಟ ಅರೆ ಬಿಸಿಯಾದ ಕಾಫಿಯನ್ನೇ ಕುಡಿದು ಹೊರಟಾಗ ಕಮಲ ತಾನಾಗಿ ಬಾಯಿ ಬಿಟ್ಟಳು.
+"ಚಾರು ಕೆಲ್ಸ ಮಾಡ್ತಾ ಇರೋ ಕಡೆ ನಂಗೂ ಒಂದ್ಕೆಲ್ಸ ಸಿಕ್ತು.
+ಅವ್ಳು ಅಕೌಂಟ್‌ ಸೆಕ್ಷನ್‌ನಲ್ಲಿ.
+ನಾನು ಸೇಲ್ಸ್‌ನಲ್ಲಿ.
+ಸೋಮವಾರದಿಂದ ಹೋಗ್ಬೇಕು.
+ಮನೆಯಲ್ಲಿ ಇನ್ನ ಯಾರ್ಗೂ ಗೊತ್ತಿಲ್ಲ.
+ಇರೋರೆಲ್ಲ ಪಲ್ಟಿ ಹಾಕಿದ್ರು ನನ್ನ ನಿರ್ಧಾರ ಬದಲಾಗೋಲ್ಲ.
+ಬೆಳಗಿನಿಂದ ಮಳೆ ಮತ್ತೆ ಹನಿಯೋಕೆ ಷುರುವಾಯಿತು.
+"ಅಂತು ಗಟ್ಟಿ ನಿರ್ಧಾರ !"ಮೆಚ್ಚಿಗೆಯಾಡಿದ.
+ಬರೀ ಚಾರುಲತಳ ಚುರುಕಿನ ಬಗ್ಗೆ ಕೊರೆದಳು ದಾರಿಯುದ್ದಕ್ಕೂ.
+"ನಿಜವಾಗ್ಲೂ ಚಾರುಲತ ಹಂಗೇ ಇರ್ಬೇಕು.
+ನಾವುಗಳು ಆಗಿದ್ರೆ ಅಳ್ತ ಇದ್ದೆವೇನೋ, ಇಲ್ಲ ತಾಯಿ ಮುಂದೆ ಉಪವಾಸ ಸತ್ಯಾಗ್ರಹ ಮಾಡ್ತಾ ಇದ್ದೆವೇನೋ !
+ಅವಳಂತು ಎಷ್ಟು ಗೆಲುವಾಗಿ ಓಡಾಡಿಕೊಂಡಿದ್ದಾಳೆ.
+ಇಂಥದೊಂದು ನನ್ನ ಜೀವ್ನದಲ್ಲಿ ನಡೆದಿದೆಯನ್ನೋ ವ್ಯಥೆ ಕೂಡ ಇದ್ಬಂಗಿಲ್ಲ.
+ಕೆಲವರಿಗಂತು ತೀರಾ ಇಷ್ಟವಾಗಿದ್ದಾಳೆ" ಅದೇ ಮಾತುಗಳು.
+“ಅವ್ರು ಮನೆ ಬದಲಾಯಿಸಿದ್ದಾರಾ ?” ಕೇಳಿದ ಸ್ವಲ್ಪ ಸಂಕೋಚ ದಿಂದಲೇ.
+ಅದಕ್ಕೆ ಕಾರಣ ತಿಳಿಯಬೇಕಿತ್ತು ಅವನು.
+ತಟ್ಟನೇ ಕಮಲ "ಹೌದು, ಅದು ಸ್ವಲ್ಪ ದೊಡ್ಡ ಮನೆ.
+ನರ್ಸಿಂಗ್‌ಹೋಂಗೂ ಹತ್ತಿರ.
+ಆ ಮನೆ ಹತ್ತಿರಾನೇ ಚಾರುಗೂ ಬಸ್‌ ಸ್ಟಾಪ್‌.
+ಅದಕ್ಕೋಸ್ಕರ ಅಲ್ಲಿಗೆ ಹೋದ್ರಂತೆ.
+ಈ ಮನೆನಾಯಾರ್ಲೋ ಲೀಜ್‌ಗೆ ಕೊಟ್ಟಿದ್ದಾರಂತೆ.
+ನಾನು ಒಂದೆರಡು ಸಲ ಹೋಗಿದ್ದೆ.
+ನೀವು ಹೋಗೋದು ಇದ್ಯಾ ?" ಕೇಳಿಯೇ ಬಿಟ್ಟಳು.
+"ಷಟ್‌ ಅಪ್‌'" ಅಂದಾಗ ಬೆಪ್ಪಾದಳು.
+"ಸಾರಿ ಕಮಲ, ನಾನು ಕೇಳಿದ ಉದ್ದೇಶವೇ ಬೇರೆ.
+ಏನಿ ವೇ ಥ್ಯಾಂಕ್ಕೂ ವೆರಿಮಚ್" ಆಟೋ ನಿಲ್ಲಿಸಿ ಹತ್ತಿಕೊಂಡೇ ಬಿಟ್ಟ.
+ಕಮಲ ಹಣೆ ಚಚ್ಚಿಕೊಂಡಳು.
+ಅಂದು ಚಾರುಲತ, ಮೂರ್ತಿಯ ವಿವಾಹವಾದ ದಿನ.
+ಮೂನ್ನೂರಾ ಅರವತೈದು ದಿನಗಳು ಕಳೆಯದ ಎಷ್ಟೋ ದಿನಗಳ ಮೊದಲೇ ಬೇರೆಬೇರೆಯಾಗಿದ್ದರು.
+ತಲೆಗೆ ನೀರು ಹಾಕಿಕೊಂಡು ಟವಲಿನಿಂದೊರೆಸುತ್ತ ಬಂದ ತಂಗಿಯನ್ನ ನೋಡಿ ನಿಂತ.
+"ಹ್ಯಾಪಿ ಮ್ಯಾರೇಜ್‌ ಆನಿವರ್ಸರಿ" ಅನ್ನಬೇಕಿತ್ತು. 
+ಗ್ರಾಂಡಾಗಿ ಆಚರಿಸಬೇಕಿತ್ತು.
+ ದೊಡ್ಡ ಪ್ರಸೆಂಟೇಷನ್‌ ಕೊಟ್ಟು ರೇಗಿಸಬೇಕು.
+ಆದರೆ ಇಂದು ಯಾವುದು ಇಲ್ಲ.
+ಒಳಗೊಳಗೆ ಕುದಿಯುತ್ತಿದ್ದ. 
+"ಚಾರು. . . "ಎಂದು ನಿಲ್ಲಿಸಿದ.
+ಎಣ್ಣೆಯ ಅಭ್ಯಂಜನದಿಂದ ಕೆಂಪಗಾದ ಮುಖ ಮೇಲೆತ್ತಿ "ಏನು ಸರ್‌,ಸಮಾಚಾರ ?" ತಮಾಷೆಯಾಗಿ ಪ್ರಶ್ನಿಸಿದಳು.
+ಬಲವಂತದಿಂದ ಉಗುಳು ನುಂಗಿದ.
+"ಇವತ್ತು ನರ್ಸಿಂಗ್‌ ಹೋಂಗೆ ಹೋಗ್ಬೇಕೂಂತ ಅನ್ನಿಸೋಲ್ಲ.
+ವಿಷಯ ಗೊತ್ತಿದ್ದರಿಂದ ಪ್ರಶ್ನಿಸಿ ರಾಡಿ ಮಾಡುವುದು ಇಷ್ಟವಾಗಲಿಲ್ಲ "ಹೋಗ್ಲಿ, ನನ್ನನ್ನಾದ್ರೂ ಡ್ರಾಪ್‌ ಮಾಡು.
+ಇದೊಂದು ದಿನನಾದ್ರೂ ಬಸ್‌ಗೆ ಕಾಯೋದು ತಪ್ಪುತ್ತೆ  ಅನ್ನುವ ವೇಳೆಗೆ ಅಡಿಗೆ ಮನೆಯಿಂದ ಹೊರ ಬಂದ ನೀರದ  "ಇವತ್ತು ನಮ್ಮ ತಾಯಿ ಮನೆಗೆ ಹೋಗ್ತೀವಿ."
+"ಕರೆಕ್ಟ್‌, ಅದೇ ಸರಿ "ಮುಂದಿದ್ದ ಕೂದಲನ್ನ ಚಾರುಲತ ಹಿಂದಕ್ಕೆ ಎತ್ತಿಹಾಕಿಕೊಂಡು ನಂಗಂತೂ ಹೊತ್ತಾಯ್ತು.
+ಹ್ಯಾವ್‌ ಎ ನೈಸ್‌ ಟೈಮ್ ಎಂದು ತನ್ನ ಪಾಡಿಗೆ ತಾನು ಹೋದಳು.
+ಡಾ|।ನವೀನ್‌ ಆಕಳಿಸುತ್ತ ಸೋಮಾರಿಯಂತೆ  "ಬೇಗ, ರೆಡಿಯಾಗ್ಬಿಡು.
+ನಂಗೂ ಆ ಕಡೆ ಹೋಗೋದಿದೆ" ಎಂದು ಅವಸರಿಸಿದ.
+ತಿಂಡಿಯಾಗಿದ್ದರೂ ತಿನ್ನೋಕೆ ಕೂಡ ಬಿಡಲಿಲ್ಲ.
+ಒಂದು ಹಳೆ ಷರಟು, ಪ್ಯಾಂಟು ಹಾಕಿಕೊಂಡವನು ಅವಳನ್ನ ಕೂಡಿಸಿಕೊಂಡು ಸರ್ಕಲ್‌ಗೆ ಬರುವ ವೇಳೆಗೆ ಸ್ಕೂಟರ್‌ನಿಂತಿತು.
+ಬಹಳ ಸಾಹಸ ಮಾಡಿದ.
+ಜಪ್ಪಯ್ಯ ಅಂದರೂ ಅಲ್ಲಾಡಲಿಲ್ಲ.
+“ಅಲ್ಲಿ ಮೆಕ್ಕಾನಿಕ್‌ ಷಾಪ್‌ ಇದೆ, ನಡೀ?” ಹೇಳಿದ.
+ಮೆಕ್ಕಾನಿಕ್‌ಗೆ ಸ್ಕೂಟರ್‌ ಒಪ್ಪಿಸಿ ಹಿಂದಕ್ಕೆ ಬಂದ.
+“ಪೂರ್ತಿ ಬಿಚ್ಚಬೇಕಂತೆ.
+ಸಂಜೆವರ್ಗೂ ಆಗುತ್ತೇನೋ, ಆರಾಮಾಗಿ ಬಾಗ್ಲು ಹಾಕಿರೋ ಅಂಗಿ ಮುಂದಿನ ಜಗುಲಿ ಮೇಲೆ ಕೂತ್ಕೋ.
+ಸರಿಯಾದ್ಯ್ಮೇಲೆ ಹೋಗೋಣ” ಆರಾಮಾಗಿ ನುಡಿದಾಗ ಬೆಚ್ಚಿದಳು.
+ಬೆಳಗಿನ ತಿಂಡಿ ಇಲ್ಲ.
+ಒಂದು ಪರ್ಲಾಂಗ್‌ನಷ್ಟು ದೂರ ನಡೆಸಿದ್ದ.
+ಇನ್ನ ಸಂಜೆ ವರೆಗೂ ಇಲ್ಲಿ ಕಾದುಕೂಡುವುದೆಂದರೆ ಅವಳಿಂದಾಗದ ಕೆಲಸ.
+'ನನ್ಕೆಯಲ್ಲಾಗೋಲ್ಲ !"ಎಂದಳು ಅತ್ತಿತ್ತ ನೋಡಿ.
+"ನಾನೇನ್ಮಾಡ್ಗಿ ? ಸ್ಕೂಟರ್‌ ಮೆಕ್ಕಾನಿಕ್‌ಗೆ ಕೊಟ್ಟು ಹೋಗೋಕ್ಕಾ ಗೋಲ್ಲ.
+ಹಿಂದಕ್ಕೆ ಹೋಗ್ತಿಯೋ, ಮುಂದಕ್ಕೆ ಹೋಗ್ತೀಯೋ ಯೋಚ್ಸು?
+ಅಡ್ಡ ಗೋಡೆಯ ಮೇಲೆ ದೀಪವಿಟ್ಟಂತೆ ನುಡಿದ.
+ದೊಡ್ಡ ಮನೆ, ಚಾಕರಿಯು ಜಾಸ್ತಿ.
+ಕೆಲಸದವರು ಸಿಗುತ್ತಿರಲಿಲ್ಲ.
+ಮೂರು ದಿನಕ್ಕೊಮ್ಮೆ ಬೋರ್‌ ಕೆಡುತ್ತಿತ್ತು.
+ನಾಲ್ಕನೆ ಮನೆಯಲ್ಲಿರುವ ಬಾವಿಯಿಂದ ನೀರು ಸೇದಿ ತರಬೇಕಿತ್ತು.
+ಚಾರುಲತ ಮನೆಯಲ್ಲಿದ್ದರೇ ಎಲ್ಲಾ ಅವಳೇ ಮಾಡುತ್ತಿದ್ದಳು.
+ಈಗ ಅವಳು ಕಂಪ್ಯೂಟರ್‌ ಕ್ಲಾಸ್‌ಗೆ ಸೇರಿಕೊಂಡಿದ್ದರಿಂದ ಮನೆ ಬೇಗ ಬಿಡಬೇಕಿತ್ತು.
+ಆದ್ದರಿಂದ ಮುಕ್ಕಾಲು ಕೆಲಸ ಅವಳ ಮೇಲೆ ಬೀಳುತ್ತಿತ್ತು.
+ಇಲ್ಲಿಗೆ ಬಂದ ಮೇಲೆ ವಾಸುದೇವಯ್ಯ ನವರ ಗೆಳೆಯರ ಸಂಖ್ಯೆ ಜಾಸ್ತಿಯಾಗಿತ್ತು.
+ಒಬ್ಬರಲ್ಲ ಒಬ್ಬರು ಬರುತ್ತಿ ದ್ದರಿಂದ ಮೊದಲಿನ ಹಾಗೆ ಅಡಿಗೆ ಕೆಲಸ ಮಾಡುತ್ತಿರಲಿಲ್ಲ.
+ಅದರಿಂದ ಒಂದೆರಡು ದಿನಗಳಾದರೂ ಅಮ್ಮನ ಮನೆಯಲ್ಲಿರಬೇಕೆನಿಸಿತ್ತು.
+"ಅಮ್ಮನ ಮನೆಗೆ ಹೋಗ್ತೀನಿ" ಎಂದ ಕೂಡಲೇ ಸಂತೋಷದಿಂದ ಬಿ.ಟಿ.ಎಸ್‌. ಬಸ್ಸಿನಲ್ಲಿ ಕೂಡಿಸಿ ತನ್ನ ಪಾಡಿಗೆ ತಾನು ಬಂದು ಸ್ಕೂಟರ್‌ಸ್ಟಾರ್ಟ್‌ ಮಾಡಿಕೊಂಡು ಮನೆಯ ಕಡೆಗೆ ನಡೆದ.
+ತನ್ನ ಎದೆಯಲ್ಲಿನ ಕೋಪವನ್ನ ಎಲ್ಲಿ ನೀರದ ಮೇಲೆ ಚೆಲ್ಲುತ್ತೇನೋ ಎಂದು ಕಳಿಸಿ ಕೈ ತೊಳೆದುಕೊಂಡಿದ್ದ.
+ಪ್ರತಿಯೊಬ್ಬರು ವಿವಾಹವಾಗುವ ಮುನ್ನ ಒಮ್ಮೆಯಲ್ಲ ಹತ್ತು ಸಲವಾದರೂ ಯೋಚಿಸಬೇಕೆಂದುಕೊಂಡ.
+ಗೇಟಿನ ಬಳಿ ಸ್ಕೂಟರ್‌ ನಿಲ್ಲಿಸುವ ವೇಳೆಗೆ ಚಾರುಲತ ಬಂದಳು.
+ಕಣ್ಣಲ್ಲಿ ಅಚ್ಚರಿ "ಎಲ್ಲಿ ನೀರದ ಅತ್ತಿಗೆ ?
+ಅರ್ಧ ದಾರಿಯಲ್ಲಿ ಇಳ್ಸಿ ಬದ್ಲಿಲ್ಲ ತಾನೇ ?
+ಮಹರಾಯ ನೀನು ತುಂಬ. . . ತುಂಬನೇ ಬದಲಾದೆ?"ರೇಗಿಸಿದಳು. 
+ಸ್ಕೂಟರ್‌ ಸೀಟು ಮೇಲೆ ಒಂದು ಏಟು ಹಾಕಿ  “ಖಂಡಿತ, ಷ್ಯೂರ್‌!
+ನೀನು ಏನೇನು ಮಾತಾಡೋಕೆ ಷುರು ಮಾಡ್ದೆ.
+ಸ್ಕೂಟರ್‌ ಕೈ ಕೊಟ್ಟು ಮೆಕ್ಕಾನಿಕ್‌ ಷಾಪ್‌ವರ್ಗೂ ತಳ್ಳಿಕೊಂಡು ಹೋದೆ.
+ಅವ್ಳಿಗೆ ಹಿಂದಕ್ಕೆ ಬರೋಕೆ ಇಷ್ಟವಿಲ್ಲಿಲ್ಲ.
+ಅದ್ಕೇ ಸಿಟಿ ಬಸ್ಸು ಹತ್ತಿಸ್ದೆ.
+ಏನು ತೊಂದರೆ ಇಲ್ಲ.ತುಂಬ ಸುಸ್ತಾಗಿದ್ದಾಳೆ. 
+ಅಲ್ವೋಗಿ ಉಪದೇಶ ತಗೊಳ್ಳಿ.
+ಚಾರು ನೀನು ಆಫೀಸ್‌ಗೆ ಹೋಗೋದ್ಬೇಡ.
+ತುಂಬ ಲೋನ್ಲಿನೆಸ್‌ ಕಾಡ್ತಾ ಇದೆಎಂದು ಸ್ಕೂಟರ್‌ನ ಗೇಟಿನೊಳಕ್ಕೆ ತಳ್ಳಿದ.
+ಅವನತ್ತ ತಿರುಗಿದ ಚಾರುಲತ "ನವೀನಣ್ಣ ನೀನು ನರ್ಸಿಂಗ್‌ ಹೋಂಗೆ ಹೋಗ್ಟಿಡು.
+ನಂಗೆ ಗೊತ್ತು ನಿನ್ನ ನೋವು.
+ಏನು ಮಾಡೋ ಪರಿಸ್ಥಿತಿಯಲ್ಲಿ ಇಲ್ಲದಾಗ. . . ಎಲ್ಲಾ ನುಂಗಿಕೋಬೇಕು." ಸಾಂತ್ವನದ ದನಿಯಲ್ಲಿ ಹೇಳಿದಳು.
+ಡಾ||ನವೀನ್‌ ಅವಳ ಮಾತುಗಳನ್ನ ಕೇಳಿಸಿಕೊಳ್ಳದವನಂತೆ ಮನೆಯೊಳಕ್ಕೆ ನಡೆದ.
+ಇದೇ ದಿನ ತಂಗಿಯ ಕೈ ಮೂರ್ತಿಯ ಕೈಯೊಳಗಿಟ್ಟು ಹರ್ಷಿಸಿದ್ದ.
+ನೂರು ಸಲ ಸಂತೋಷವಾಗಿರಲಿಯೆಂದು ಹಾರೈಸಿದ್ದ.
+ಅದು ಸುಳ್ಳಾಯಿತು.
+ಅದಕ್ಕೆ ತಾನೇ ಕಾರಣ.
+ಸೋಫಾ ಮೇಲೆ ಕುಸಿದವನು ಜೋರಾಗಿ ಬಿಕ್ಕುತ್ತ ಹಣೆ ಚಚ್ಚಿಕೊಳ್ಳ ತೊಡಗಿದ ಹುಚ್ಚನಂತೆ.
+ಅವನ ತಾಳ್ಮೆ ವಿವೇಕ ಎಲ್ಲಾ ಸತ್ತು ಹೋಗಿತ್ತು.
+ಮನೆಯಲ್ಲಿದ್ದ ಸಾಮಾನುಗಳನ್ನೆಲ್ಲ ಎತ್ತಿ ಕುಕ್ಕಿದ. 
+ಎರಜಾಡಿದ ಸ್ಟೀಲ್‌ ಪ್ರೇಮ್‌ನಲ್ಲಿದ್ದ ಅವನ ಮದುವೆಯ ಫೋಟೋನ ಗೋಡೆಗೆ ಅಪ್ಪಳಿಸಿದ.
+ಗಾಜಿನ ಚೂರುಗಳು ಎಲ್ಲೆಡೆ ಎರಚಾಡಿದವು.
+"ಏನೋ ಇದು, ನವೀನ್" ರೂಮಿನಲ್ಲಿದ್ದ ಅವನ ತಂದೆ ಓಡಿ ಬಂದರು.
+ರೋಷದಿಂದ ಅವರತ್ತ ನೋಡಿದ "ಅಂದು ನೀನೇನು ಮಾಡ್ತಾ ಇದ್ದೇಯಪ್ಪ.
+ಎದುರು ಮನೆ ಹುಡ್ಗಿ ವಿವಾಹವಾಗದಿದ್ದರೇ ನಿನ್ನ ಮಗನೇನು ಆತ್ಮಹತ್ಯೆ ಮಾಡ್ಕೋತಾ ಇದ್ದಾ ?
+ಇಲ್ಲ, ನೀರದ ಉರುಳು ಹಾಕ್ಕೋತಾ ಇದ್ಲಾ ?
+ಅಮ್ಮ ಬದ್ಕಿದ್ದರೇ ಚಾರು ಬದ್ಕು ಈ ರೀತಿ ಆಗೋಕೆ ಅವಕಾಶ ಮಾಡಿ ಕೊಡ್ತಾ ಇದ್ಲಾ?
+ಹಾಳು ಮಾಡ್ಬಿಟ್ಟೆ ಅವ್ಳ ಬಾಳು" ಜೀವನದಲ್ಲಿ ತಂದೆಗೆ ಎದುರು ನಿಂತು  ಚಾರುಲತ ಹೋಗಿ ಅವನ ಬಾಯಿ ಮುಚ್ಚಿದಳು.
+“ಪ್ಲೀಸ್‌ ನವೀನಣ್ಣ, ಅಪ್ಪನ್ನ ಏನು ಅನ್ನಬೇಡ ಮಾರಾಯ.
+ಇದ್ರಲ್ಲಿ ಯಾರ್ದೂ ತಪ್ಪಿಲ್ಲ” ಅಂದ ಕೂಡಲೇ ಮುಂದಿದ್ದ ಟೀಪಾಯಿನ ಬಲವಾಗಿ ಒದ್ದ.
+ಅದುಹೋಗಿ ಗೋಡೆಗೆ ಅಪ್ಪಳಿಸಿತು ಸದ್ದಿನೊಂದಿಗೆ.
+“ಏಯ್‌ ಚಾರು, ಎಷ್ಟೊಂದು ಮೂರ್ಖಳೇ ನೀನು.
+ಅನ್ಯಾಯವಾಗಿ ಈ ಜುಜುಬಿ ಅಣ್ಣನಿಗಾಗಿ ನಿನ್ನ ಸಂಸಾರ ಬಲಿ ಕೊಟ್ಟೆ.
+ಅವ್ನಿಗೆ ತಂಗಿ ಹೆಚ್ಚಾದ್ಲು,ನಿನ್ಮೇಲೆ ಸೇಡು ತೀರಿಸಿಕೊಂಡ.
+ಇವ್ನು ಮಹಾ ದೊಡ್ಡ ಪ್ರೇಮಿ.
+ಆ ಮಹಾತಾಯಿಗಾಗಿ ನಿನ್ನ ಜೀವನನ ಬಲಿ ಕೊಟ್ಟುಬಿಟ್ಟ.
+ನಂಗೆ ಶಿಕ್ಷೆ ವಿಧಿಸೋರು ಯಾರು ?” ರಪರಪನೆ ತಲೆ ಚಚ್ಚಿಕೊಂಡಾಗ, ಅಪ್ಪ ಮಗಳಿಗೆ ಅವನನ್ನ ಹಿಡಿದಿಡಲು ಸಾಧ್ಯವಾಗಲಿಲ್ಲ.
+ಅವನ ಅಳು, ಮಾತು ನಿಲ್ಲಲು ಗಂಟೆಯೇ ಬೇಕಾಯಿತು.
+ಬಲವಂತದಿಂದ ಅವನನ್ನ ರೂಮಿಗೆ ಎಳೆದೊಯ್ದು ಎರಡು ನಿದ್ದೆ ಗುಳಿಗೆಗಳನ್ನು ನುಂಗಿಸಿ ಅಲ್ಲೇ ಕೂತಳು ಚಾರುಲತ.
+ಅವನ ಕೈಯಲ್ಲಿ ತಂಗಿಯ ಕೈ ಇತ್ತು.
+ಬಲವಾಗಿ ನವೀನ್‌ ಕಣ್ಣು ಮುಚ್ಚಿಕೊಂಡಿದ್ದರೂ ಎರಡು ಕಡೆಯು ಸುರಿಯುತ್ತಿದ್ದ ಕಂಬನಿ ಧಾರೆ ಕೂದಲನ್ನು ತೋಯಿಸಿ ದಿಂಬಿನೊಳಗೆ ಮಾಯವಾಗುತ್ತಿತ್ತು.
+ಅವನ ಉದ್ರಿಕ್ತಗೊಂಡ ಮನಸ್ಸು ಸಮಾಧಾನಕ್ಕೆ ಬರಲು ಸಾಕಷ್ಟು ವೇಳೆ ಹಿಡಿಸಿತು.
+ನಿದ್ದೆ ಬಂದ ಮೇಲೆ ಹೊರ ಬಂದ ಚಾರುಲತ ಸಪ್ಪಗೆ ಕೂತಳು.
+“ಅವ್ನು ನನ್ನ ಕೆನ್ನೆಗೊಡೆಯ ಬೇಕಿತ್ತು” ವಾಸುದೇವಯ್ಯ ಹಣೆ ಗಟ್ಟಿಸಿಕೊಂಡರು.
+ಇದು ತೀರಾ ಅತಿಯೆನಿಸಿತು.
+ತಂದೆಯ ಸನ್ನಿಹ ಬಂದು ಕೂತು “ಇದೇನಪ್ಪ, ಅವನಂತು ತಾಳ್ಮೆ ಕಳೆದುಕೊಂಡ ಅಂದರೇ, ನೀವು ತಲೆಕೆಡ್ಲಿಕೊಳ್ಳೋದೇ.
+ಮಗ, ಮಗಳು ಅನ್ನೋ ವ್ಯತ್ಯಾಸ ಯಾರಿಗೆ ಇರುತ್ತೋ ಏನೋ, ನಿಮ್ಗಂತು ಇರೋಲ್ಲ.
+ಅದ್ಕೆ ನೀವು ಹೊಣೆ.
+ಮಗ ಮೆಚ್ಚಿಕೊಂಡ ಹೆಣ್ಣಿನೊಂದಿಗೆ ಲಗ್ನ ಮಾಡೋದು ನಿಮ್ಮ ಕರ್ತವ್ಯವಾಗಿತ್ತು.
+ಅಮ್ಮ ಕಾಯಿಲೆ ಬಿದ್ದಾಗ, ಸತ್ತಾಗ ನೀರದ ಕುಟುಂಬ ನಮ್ಗೆ ಸಾಕಷ್ಟು ಮಾಡಿತ್ತು.
+ಅದರ ಕೃತಜ್ಞತೆಯ ಹೊಣೆ ನಮ್ಮ ಮೇಲಿತ್ತು.
+ಚೆನ್ನಾಗಿ ನಮನ್ನ ಬಲ್ಲ ಹೆಣ್ಣು ಸೊಸೆಯಾಗಿ ಬರೋದು ನಿಮ್ಗೆ ಸಂತೋಷದ ವಿಷ್ಯವಾಗಿತ್ತು.
+ಇದೆಲ್ಲ ಸಹಜವೆ.
+ನನ್ನ ಒಂಟಿತನಕ್ಕೆ ನೀವು ಹೊಣೆಯಲ್ಲ.
+ಆ ಮಾತುಗಳನ್ನೆತ್ತಿಕೊಂಡು ಮನೆಯ ನೆಮ್ದಿ ಹಾಳು ಮಾಡಿಕೊಳ್ಳೋದ್ಬೇಡ.
+ನಾನು ಬರ್ತಿನಿ ಅರ್ಧ ದಿನವಾದ್ರೂ ಕೆಲ್ಸಮಾಡ್ಬಹುದು  ಎಂದು ಉಸುರಿ ಎದ್ದು ಅವರ ಎರಡು ಕೈಗಳನ್ನ ಹಿಡಿದುಕೊಂಡು  "ಅಪ್ಪ, ನೀವು ಖಂಡಿತ ತಾಳ್ಮೆ ಕಳ್ಕೋಬಾರ್ದು.
+ಅಣ್ಣನ ವಿವಾಹದ ಜೀವ್ನಕೂಡ ನಾಶವಾಗಿ ಬಿಡುತ್ತೆ.
+ಹಾಗೇ ಆಗೋಕೆ ಅವಕಾಶ" ಕೊಡ್ಬೇಡಿ.
+ಮನೆಯಿಂದ ಚಾರುಲತ ಹೊರಟಾಗ ತೀರಾ ಗೊಂದಲದಲ್ಲಿದ್ದಳು.
+ಅರ್ಥವಾಗದ ನೋವು, ಸಂಕಟ, ಮೂರ್ತಿ ಎದೆಗೊರಗಿ ಕಣ್ಣೀರು ಸುರಿಸಬೇಕೆನಿಸಿತು.
+ಹೃದಯ, ಮಿದುಳು ಬುದ್ಧಿ ಹೇಳಿತು.
+ಹೆಣ್ಣು ಅಂದ ಮಾತ್ರಕ್ಕೆ ಆ ಮಟ್ಟಕ್ಕೆ ಇಳಿಯಬಾರದು.
+ಮನಸ್ಸು ಇವೆರಡರ ನಡುವಿನ ಘರ್ಷಣೆಗೆ ಮೌನವಾಗಿತ್ತು.
+ನಿವೇದಿತಾ ನರ್ಸಿಂಗ್‌ ಹೋಂ ಎರಡನೇ ಬಸ್‌ಸ್ಟಾಪ್‌ನ  ಮುಂಭಾಗದಲ್ಲಿಯೇ ಯುಗಂಧರ್‌ ಕಾರು ನಿಂತಿದ್ದು ನೋಡಿ ಅವಳೆದೆ ಧಸ್ಸಕ್ಕೆಂದಿತು.
+ಮುಂದಿನ ಸ್ಟಾಪ್‌ನಲ್ಲಿ ಇಳಿದು ಆಟೋ ಮಾಡಿಕೊಂಡು ಹಿಂದಕ್ಕೆ ಬಂದಳು ಹಾರುವ ಎದೆಯನ್ನು ಹಿಡಿದುಕೊಂಡು.
+ಮುಂಭಾಗದಲ್ಲಿಯೇ ಮೂರ್ತಿ ಎದುರಾದಾಗ ಸ್ವಲ್ಪ ಸಂಕೋಚಿಸಿದರೂ ಭಾರವಾದ ಉಸಿರನ್ನ ದಬ್ಬಿ ನಿಂತಳು.
+"ಮಾವನೋರು, ಹುಷಾರಾಗಿದ್ದಾರೆ ತಾನೇ ?" ವಿಚಾರಿಸಿದಳು.
+"ತುಂಬ ಸುಸ್ತಾಗಿದ್ರು.
+ಚೆಕ್‌ಅಪ್‌ಗೆ ಕರ್ಕೊಂಡ್‌ ಬಂದಿದ್ದೆ.
+ಅಮ್ಮ ಅಲ್ಲಿದ್ದಾರೆ" ಎಂದು ತನ್ನ ಪಾಡಿಗೆ ತಾನು ಹೋದ.
+ತಾಯಿ ಸೊಸೆಯ ಬಗ್ಗೆ ತೀರಾ ಮೃದು ಮಾತುಗಳನ್ನ ಆಡುವುದರ ಜೊತೆಗೆ ಇಂದು ಬೆಳಿಗ್ಗೆ ಕಣ್ಣೀರು ಹಾಕಿದ್ದರು "ಅವ್ಳ ಸ್ಥಿತಿ ಹೇಗಿತ್ತೋ, ಏನೋ !
+ಇವ್ಳು ತಾನೇ ಬೇಡಾಂದ ಗಂಡಿನ ಮದ್ವೆಯಾಗ್ಬೇಕೂಂತ ಹಟ ಹಿಡಿದಿದ್ದು ತಪ್ಪು?
+ಇಂದು ಮಗಳನ್ನ ಕೂಡ ಒಂದು ಮಾತು ಅಂದಿದ್ದರು ಧೈರ್ಯದಿಂದ.
+ಅದು ಇಂದು ಅವನು ವಿವಾಹವಾದ ದಿನ.
+ಮೊದಲ ಮ್ಯಾರೇಜ್‌ಅ ನಿವರ್ಸರಿ.
+ಗ್ರಾಂಡಾಗಿ ಆಚರಿಸಬಹುದಿತ್ತು - ಸುಮ್ಮನೆ ತಲೆ ಕೆಡಿಸಿ ಕೊಂಡಿದ್ದ.
+ಯಾರೊಂದಿಗೋ ಮಾತಾಡುತ್ತಿದ್ದ ಮೃಣಾಲಿನಿ ಹಿಂದಕ್ಕೆ ತಿರುಗಿದವರು ಸೊಸೆಯನ್ನ ನೋಡಿ ಮುಖ ದಪ್ಪಗೆ ಮಾಡಲಿಲ್ಲ ಹಸನ್ಮುಖರಾದರು.
+"ಬಸ್ಸಿನಲ್ಲಿ ಹೋಗ್ತಾ ಇದ್ದೆ.
+ಕಾರು ನೋಡಿ ಹಿಂದಕ್ಕೆ ಬಂದೆ  ಹೇಗಿದ್ದಾರೆ" ಕೇಳಿದಳು. 
+ಕಷ್ಟ ಸುಖ ಹೇಳಿಕೊಳ್ಳಲು ಒಂದು ಹೆಣ್ಣಿನ ಜೀವದ ಅಗತ್ಯವಿತ್ತೇನೋ ಕರ್ಚಿಫ್‌ನಿಂದ ಕಣ್ಣೊರೆಸಿಕೊಂಡು "ನೆನ್ನೆ ರಾತ್ರಿಯಿಂದ ತೀರಾ ಸುಸ್ತಾಗಿದ್ರು.
+ರಾತ್ರಿ ಮೂರ್ತಿನು ಬಂದ.
+ಚೆಕ್‌ಅಫ್‌ಗೆ ಕರ್ಕಂಡ್‌ ಬಂದ್ವಿ.
+ಅವ್ರು ಮೊದ್ದಿನಂತಾಗಲೇ ಇಲ್ಲ?” ಆಕೆ ಸ್ವರ ಪೂರ್ತಿ ಒದ್ದೆಯಾಯಿತು.
+“ಇಲ್ಲ ಅತ್ತೆ !ಮಾವನೋರು ಎಷ್ಟೋ ಬೇಗ ಚೇತರಿಸಿಕೊಂಡಿದ್ದಾರೆ.
+ಅವ್ರಿಗೆ ಬಂದಿದ್ದು ಬಲವಾದ ಹಾರ್ಟ್‌ ಅಟ್ಯಾಕ್‌.
+ಇನ್ನು ಸ್ವಲ್ಪ ದಿನ ಬೇಕಾಗುತ್ತೆ.
+ನೀವು ಕೂತ್ಕೊಳ್ಳಿ” ಎಂದು ರೆಟ್ಟೆ ಹಿಡಿದು ಕರೆದೊಯ್ದು, ಅಲ್ಲೇ ಸ್ಟಾಲ್‌ನಲ್ಲಿರುವ ಬಿಸ್ಲೇರಿ ಬಾಟಲು ತಂದು ನೀರು ಕುಡಿಸಿ  "ಪೂಜಾ ಕಾಣೋಲ್ಲ?"
+ಅತ್ತಿತ್ತ ನೋಟ ಹರಿಸಿದಾಗ  "ಅವ್ಳು ಮುಂಬಯಿಗೆ ಹೋದ್ಲು.
+ಇನ್ನು ಸರ್ಯಾಗಿ ಅವ್ಳ ಆರೋಗ್ಯ ಸುಧಾರಿಸಿಲ್ಲ" ಮನಸ್ಸು ಬಿಚ್ಚಿ ಹೇಳಿಕೊಂಡರು.
+ಕಾರ್ಡಿಯಾಲಜಿ ವಿಭಾಗಕ್ಕೆ ಹೋದವಳು ಹದಿನೈದು ನಿಮಿಷಗಳ ನಂತರ ಬಂದು  "ಏನು ಪರ್ಹಾಗಿಲ್ಲಾಂದ್ರು.
+ಬಹುಶಃ ಇಂದು ನಾಳೆ ಇಲ್ಲಿಯೇ ಇರ್ಲಿಕೊಂಡು ರೆಸ್ಟ್‌ಗಾಗಿ ನಾಳಿದ್ದು ಮನೆಗೆ ಕಳಿಸ್ತಾರಂತೆ" ಎನ್ನುವ ವೇಳೆಗೆ ಕೈಯಲ್ಲಿ ಏನೋ ಹಿಡಿದು ಮೂರ್ತಿ ಬರುತ್ತಿದ್ದ  "ಬರ್ತಿನಿ. . . " ಇನ್ನೊಂದು ಅಂದರೆ ಔಟ್‌ಪೇಷಂಟ್‌ನ ಕಡೆಯ ಬಾಗಿಲಿನಿಂದ ಅದೃಶ್ಯಳಾದಳು.
+"ಚಾರುಲತ ಕಣೋ, ಮುಂದಿದ್ದ ಕಾರು ನೋಡಿ ಬಂದಳಂತೆ."
+ಅವನು ಅದಕ್ಕೆ  ಪ್ರತಿಕ್ರಿಯಿಸಲಿಲ್ಲ  “ಡಾಕ್ಟುನ ನೋಡೋದಿದೆ. ಈಗ್ಫರ್ತಿನಿ”ಹೋದ. 
+ಅವನ ಮನಸ್ಸು ನೀರಿನಿಂದ ಹೊರ ಬಿದ್ದ ಮೀನಿನಂತೆ ಒದ್ದಾಡುತ್ತಿತ್ತು ವಿಲವಿಲ.
+ಇದೇ ದಿನ ಅವಳ ಕೈ ಹಿಡಿದು ಸಪ್ತ ಪದಿ ತುಳಿದಿದ್ದ.
+ಮೂರ್ತಿ ಹಿಂದಕ್ಕೆ ಬರುವ ವೇಳೆಗೆ ಅರ್ಧಗಂಟೆಯೇ ಆಯಿತು.
+ಗೆಲುವಿಲ್ಲದ ಮುಖ ನೋಡಿ ಆಕೆಯ ಕರುಳು ಕಿತ್ತು ಬಂದಂತಾಯಿತು.
+“ಚೆಕ್‌ಅಪ್‌ ಮುಗೀತಾ ?” ಧಾವಂತದಿಂದ ಕೇಳಿದರು.
+"ಆಯ್ತು, ಎವ್ವೆರಿಥಿಂಗ್‌ ಈಜ್‌ ನಾರ್ಮಲ್‌.
+ವೀಕ್‌ನೆಸ್‌ಗೆ ಆಯಾಸ ಕಾಣಿಸಿಕೊಂಡಿದೆ ಅಂದ್ರು.
+ಏನು ಗಾಬ್ರಿ ಬೇಡ.
+ಎರಡು ದಿನ ಇಲ್ಲಿರಲೀಂತ ಅಂದಿದ್ದಾರೆ.
+ನಾನು ಹ್ಲೂ ಅಂದೆ.
+ಇಲ್ಲಿ ಅಪ್ಪನ ಜೊತೆ ನಾನು ಇರ್ತಿನಿ" ಅಂದ.
+ಅದರ ಅಗತ್ಯವೇನಿಲ್ಲವೆಂದಿದ್ದರು ಡಾಕ್ಟರ್‌.
+ಆದರೂ ಅವನ ಸಮಾಧಾನಕ್ಕೆ ಇರುವ ನಿರ್ಧಾರ ತಗೊಂಡಿದ್ದ.
+ತಾಯಿ, ಮಗ ಮಧ್ಯಾಹ್ನ ಹತ್ತಿರದ ಹೋಟಲ್‌ನಲ್ಲಿ ಊಟ ಮಾಡಿ ಬಂದರು.
+ಯುಗಂಧರ್‌ ಗೆ ಪಥ್ಯದ ಊಟ.
+ನರ್ಸಿಂಗ್‌ ಹೋಂ ಕ್ಯಾಂಟಿನ್‌ ನಿಂದ ಬಂತು.
+ಅಂಥ ವ್ಯವಸ್ಥೆ ನಿವೇದಿತಾ ನರ್ಸಿಂಗ್‌ಹೋಂನಲ್ಲಿತ್ತು.
+ಸಂಜೆ ಐದೂವರೆಗೆ ತಾಯಿ, ಮಗ ಮನೆಗೆ ಹೊರಡುವಾಗ ಆಟೋದಿಂದ ಇಳಿಯುತ್ತಿದ್ದ ಚಾರುಲತ ಕಂಡಳು.
+"ನಿಮ್ಮಪ್ಪನ್ನ ನೋಡೋಕೆ ಬಂದಿದ್ದಾಳೇಂತ ಕಾಣುತ್ತೆ.
+ಇಷ್ಟು ನಡೆದರೂ ನಮ್ಮ ಮೇಲಿನ ಪ್ರೀತಿ, ವಿಶ್ವಾಸ ಕಡಿಮೆಯಾಗಿಲ್ಲ" ನೊಂದ ದನಿಯಲ್ಲಿ ಮೃಣಾಲಿನಿ ನುಡಿದರು.
+ತಾಯಿಯ ಅರ್ಧದಷ್ಟು  ಕೋಪ ಕರಗಿದೆ ಯೆನಿಸಿತು ಅವನಿಗೆ.
+“ಪ್ರೀತಿ, ವಿಶ್ವಾಸ ಕಡೆಯಾಗೋಕೆ ನಾವೇನು ಮಾಡಿದ್ದೀವಿ” ಎತ್ತಲೋ ನೋಡುತ್ತ ವಿಮನಸ್ಕನಾಗಿ ನುಡಿದ.
+ಅದು ಪೂರ್ತಿ ಸರಿಯೆನಿಸದಿದ್ದರೂ ಆಕೆಯೇನು ಮಾತಾಡಲಿಲ್ಲ.
+ಬಹುಶಃ ಇವರನ್ನ ಗಮನಿಸಿದಳೇನೋ, ಅವಳು ಇನ್ನೊಂದು ಗೇಟುನ ಮೂಲಕ ಒಳಕ್ಕೆ ಹೋದಳು.
+ಅವಳಿಗೆ ಯಾರ ಸರ್ಟಿಫಿಕೇಟ್ಸ್‌ ಬೇಡವಾಗಿತ್ತು.
+ಅವಳೆದೆಯಾಳದ ಸ್ಪಂದನಕ್ಕೆ ಅನುಗುಣವಾಗಿತ್ತು ಚಾರುಲತಳ ನಡವಳಿಕೆ.
+ರಿಸೆಪ್ಪನಿಸ್ಟ್‌ ಕೌಂಟರ್‌ನಲ್ಲಿ ವಿಚಾರಿಸಿಕೊಂಡು ಮೇಲೆ ಸ್ಪೆಷಲ್‌ ವಾರ್ಡ್‌ನ ರೂಮು ನಂಬರ್‌ ನಾಲ್ಕಕ್ಕೆ ಬಂದಾಗ ನಿಶ್ಶಬ್ದವಾಗಿತ್ತು.
+ಬಾಗಿಲು ಸರಿಸಿ ಒಳಕ್ಕೆ ಅಡಿಯಿಟ್ಟಳು.
+ಯುಗಂಧರ್‌ ಕಣ್ಣು ತೆರೆದರು.
+ಇಂದೇನು ಮುಖ ಗಂಟಿಕ್ಕಲಿಲ್ಲ.
+ಅನಾರೋಗ್ಯ ಸ್ವಲ್ಪ ಮೆತ್ತಗೆ ಮಾಡಿತ್ತೇನೋ !
+ಅದೂ ಅಲ್ಲದೆ ಪೂಜಾಳ ಮದುವೆಗೆ ಸೊಸೆಯ ಅಗತ್ಯವಿತ್ತು.
+ಬಹುಶಃ ಅವಳು ಬರದಿದ್ದರೇ ನೂರುಕತೆಗಳು ಹುಟ್ಟಿಕೊಳ್ಳುತ್ತದೆಯೆಂದು ಅವರಿಗೆ ಗೊತ್ತು.
+ತಂದ ಮೋಸಂಬಿಗಳನ್ನ ಅಲ್ಲೇ ತೆಗೆದಿಟ್ಟು  "ಹೇಗಿದ್ದೀರಿ ?"ಕೇಳಿದಳು.
+ಹಿಂಜರಿಕೆಯನ್ನ ಮೆಟ್ಟಿ.
+"ಅಂಥದೇನಿಲ್ಲ ! ಮನೆಯಲ್ಲಿ ಅವ್ಳ ಬಡಬಡಿಕೆ ಕೇಳಲಾರ್ದೇ ನರ್ಸಿಂಗ್‌ಹೋಂಗೆ ಬಂದ್‌ ಸೇರ್ಕೊಂಡೆ" ಎಂದರು.
+ಇದು ಸುಳ್ಳೆಂದು ಅವಳಿಗೆ ಗೊತ್ತು.
+ಮೃಣಾಲಿನಿ ಮೌನಿಯಲ್ಲದಿದ್ದರೂ ಹೆಚ್ಚು ಮಾತಾಡಿ ಬೇರೆಯವರ ತಲೆ ಮಾತ್ರವಲ್ಲ, ಮನೆಯವರ ತಲೆಯನ್ನು ಕೂಡ ಬಿಸಿ ಮಾಡಲಾರರು.
+ಮಾತು ಇಲ್ಲವೆನಿಸಿತು ಅವಳಿಗೆ.
+“ಮೋಸಂಬಿ ರಸ ತೆಗ್ಗುಕೊಡ್ಲಾ ?” ಕೇಳಿದಳು.
+“ಏನು ಬೇಡಾಂತ ಅನ್ನಿಸ್ತಾ ಇದೆ?” ಅಂದರು ಮೆಲ್ಲಗೆ. 
+"ಬರ್ತಿನಿ. . . . " ಅವರ ಅನುಮತಿಗಾಗಿ ಕಾಯದೇ ಹೊರಗೆ ಬಂದಳು.
+ಇಂದು ಮನೆಗೆ ಹೋಗುವ ಧಾವಂತ ಅವಳದು.
+“ಸಾರಿ ಅಮ್ಮ. . . ” ಅಂದಿದ್ದ ಡಾ||ನವೀನ್‌ ಫೋನ್‌ ಮಾಡಿ.
+ಜೊತೆಯಲ್ಲಿಯೇ  "ಸ್ವಲ್ಪಬೇಗ್ಬಾ. . . . ನಿಂಗೋಸ್ಕರ ಕಾಯ್ತ ಇದ್ದೀನಿ" ಎಂದ ಸೋದರ ವಾತ್ಸಲ್ಯ ಹರಿಸುತ್ತ.
+"ಬಹುಶಃ. . . " ಅಂದವಳು  "ಬೇಡ ಬಿಡು, ಆದಷ್ಟು ಬೇಗ್ಬರ್ತಿನಿ" ಹೇಳಿ ಫೋನ್‌ ಇಟ್ಟಿದ್ದಳು.
+ಆಫೀಸ್‌ಗೆ ಬಂದ ಕೂಡಲೇ ಸೆಕ್ಷನ್‌ ಆಫೀಸರ್‌ನ ಭೇಟಿ ಮಾಡಿ ಈ ದಿನ ರಜ ನೀಡಬೇಕೆಂದು ಲೀವ್‌ಲೆಟರ್‌ ಇಟ್ಟಾಗ ಅವರು ನಕ್ಕಿದ್ದರು.
+ಅರ್ಧ ದಿನ ಮುಗಿದಿತ್ತು.
+ಉಳಿದ ಅರ್ಧ ದಿನವನ್ನು ಪನಿಷ್‌ಮೆಂಟಾಗಿ ಸ್ವೀಕರಿಸಿ ಕೆಲಸ ಮಾಡುವುದಾಗಿ ತಿಳಿಸಿದಾಗ ಆಕೆಯ ಕಣ್ಣಲ್ಲಿ ಅರಳಿದ್ದು ಮೆಚ್ಚಿಗೆಯೇ.
+ಆಫೀಸ್‌ ಅವರ್ಸ್‌ ಮುಗಿದ ನಂತರವೆ ಹೊರಟಿದ್ದು.
+ಮನೆಗೆ ಬರುವ ವೇಳೆಗೆ ಆರೂವರೆಯಾಗಿ ಹೋಗಿತ್ತು.
+ಬಸ್ಸಿಗೆ ಕಾಯದೆ ಆಟೋ ಹಿಡಿದು ಬಂದಿದ್ದಳು.
+"ಸಾರಿ, ಮಹರಾಯ !
+ಎಲ್ಲೋ ಹೊರಟಂಗಿದೆ ಅತ್ತೆ ಮನೆಗಾ ?" ಹಾಸ್ಯಮಾಡಿದಳು.
+ಎದೆಯಾಳದಲ್ಲಿ ನೋವಿದ್ದರೂ ತೋರಿಸದೇ ತಮಾಷೆಮಾಡುವುದು, ಉತ್ಸಾಹ ತೋರುವುದು ಚಾರುಲತಳಿಂದ ಮಾತ್ರ ಸಾಧ್ಯವೇನೋ!
+"ಸದ್ಯ, ನೀನ್ಹೋಗಿ ಬೇಗ ರೆಡಿಯಾಗು, ಹತ್ತು ನಿಮಿಷದ ಮೇಲೆ ಹೆಚ್ಚಿಗೆ ತಗೋಬಾರ್ದು" ಎಚ್ಚರಿಸಿದ ನಗುತ್ತ.
+ಅವಳಿಗೆ ಆರಾಮೆನಿಸಿತು.
+ಬೆಳಗಿನ ಡಾ||ನವೀನ್‌ ರುದ್ರ ರೂಪ ನೋಡಿ ನಡುಗಿ ಹೋಗಿದ್ದಳು.
+ಒಳಗೆ ಬಂದಾಗ ಟೀಪಾಯಿ ಮೇಲೆ ಸ್ಟೀಲ್‌ ಬುಟ್ಟಿ ಇತ್ತು.
+ಅದರಲ್ಲಿ ಹಣ್ಣು, ಕಾಯಿ, ಹೂ ಜೋಡಿಸಿದ್ದು ನೋಡಿ ಅವಳ ಹುಬ್ಬೇರಿತು.
+"ದೇವಸ್ಥಾನಕ್ಕೆ ಕರ್ಕಂಡ್‌ ಹೋಗ್ಬೇಕೂಂತ ಹಣ್ಣು, ಕಾಯಿ ತೆಗೆದಿಟ್ಟಿದ್ದಾನೆ.
+ಓಂದ್ಗಂಟೆಯಿಂದ ಹೊರಗಡೆ ನಿಂಗಾಗಿ ಕಾಯ್ತ ಇದ್ದಾನೆ ಎಂದರು ವಾಸುದೇವಯ್ಯ.
+ಅವರತ್ತ ನೋಡಿದಳು.
+ಬೆಳಗಿನ ಘಟನೆಯಿಂದ ಅವರಿನ್ನ ಚೇತರಿಸಿಕೊಂಡಂಗೆ ಕಾಣಲಿಲ್ಲ.
+ತೀರಾ ವಯಸ್ಸಾದವರಂತೆ ಚಿಂತೆ ಮುಪ್ಪನ್ನ ಎಷ್ಟು ಬೇಗ ಸ್ವಾಗತಿಸುತ್ತದೆಯೆಂದು ಹೆದರಿದಳು.
+"ಅಪ್ಪ. . . . . " ಅವರ ಬಳಿ ಹೋದಳು.
+"ಬೇಗ ರೆಡಿಯಾಗಿ ಹೋಗು.
+ಬೆಳಿಗ್ಗೆ ನವೀನ್‌ ಅಂದಿದ್ದರಲ್ಲಿ ಏನು ತಪ್ಪಿಲ್ಲ.
+ಕಿರಿಯರ ತಪ್ಪಿಗೆ ಕ್ಷಮೆ ಇರುತ್ತೆ.
+ಹಿರಿಯರಾಗಿ ಪೂರ್ವಾಪರ ಯೋಚ್ಸಬೇಕು.
+ನೀರದ ನಡವಳಿಕೆ ನೋಡಿದ ಮೇಲೆ ಈ ಮನೆಗೆ ಸೊಸೆಯಾಗದಿದ್ದರೂ ಏನು ಆತ್ಮಹತ್ಯೆ ಮಾಡ್ಕೋತಾ ಇದ್ದಿಲ್ಲಾಂತ ಈಗ ಅನ್ನಿಸ್ತಾ ಇದೆ.
+ಅವ್ಳು ಪೂಜಾಳಷ್ಟು ದುರ್ಬಲ ಮನಸ್ಸಿನ ಹುಡ್ಗಿಯಲ್ಲ" ಒಂದು ಸತ್ಯ ಕಂಡು ಕೊಂಡವರಂತೆ ನುಡಿದರು.
+ಈ ತೀರ್ಮಾನ ಅವಳಿಗೆ ತಪ್ಪೆನಿಸಿತು.
+“ಅಪ್ಪ, ನಿಮ್ಗೆ ನೀರದ ಸ್ವಭಾವದ ಬಗ್ಗೆ ಬೇಸರವಿರ್ಬಹುದು.
+ಒಂದಿಷ್ಟು ಅವಿವೇಕಿ ಅಂದ್ಕೋಬಹುದು.
+ಆದರೆ, ಅವ್ಳು ನಿಜ್ವಾಗ್ಲೂ ನವೀನಣ್ಣನ್ನ ಪ್ರೀತಿಸ್ತಾ ಇದ್ಲು.
+ಈಚೆಗೆ ಅಣ್ಣ ಪ್ರೀತಿಯ ಬಗ್ಗೆ ಏನೇನೋ ಮಾತಾಡೋಕೆ ಷುರುಮಾಡಿದ್ದಾನೆ.
+ನೀವು ಈ ರೀತಿ ಮಾತಾಡಿದ್ರೆ ಮಡದಿನ ತುಂಬ ನಿರ್ಲಕ್ಷಮಾಡ್ಬಿಡ್ತಾನೆ.
+ಹಾಗಾಗ್ಬಾರ್ದು" ಅವರ ಕೈ ಹಿಡಿದು ಕೇಳಿಕೊಂಡಳು.
+ಮಗಳನ್ನು ಮೆಚ್ಚಿಗೆ, ಅಭಿಮಾನದಿಂದ ಕಣ್ಣುಗಳಲ್ಲಿ ತುಂಬಿ ಕೊಳ್ಳುವಂತೆ ನೋಡಿದರು.
+ “ಹೋಗು. . . . ಹೋಗು ಬೇಗ ರೆಡಿಯಾಗು” ಎಂದರಷ್ಟೆ.
+ಒಳಗೆ ಬಂದ ನವೀನ್‌ ತಾನೇ ತಂಗಿಗೆ ಮೆರೂನ್‌ ಕಲರ್‌ನ ಮೈಸೂರು ಸಿಲ್ಕ್‌ ಸೀರೆ ಆರಿಸಿಕೊಟ್ಟ.
+ಹಿಂದೆ ಮುಂದೆ ಉತ್ಸಾಹದಿಂದ ಓಡಿಯಾಡಿದ.
+ಅವರಿಬ್ಬರನ್ನ ಹೊತ್ತು ಸ್ಕೂಟರ್‌ ದೇವಸ್ಥಾನದ ಮುಂದೆ ನಿಂತಿತು. 
+ಅವನೆದೆ ಭಾರವಾಯಿತು. 
+ಈಗ ಮೂರ್ತಿಯು ಜೊತೆಯಲ್ಲಿ ಇದ್ದಿದ್ದರೇ ಅದೊಂದು ಅದ್ಭುತವಾದ ಕನಸ್ಸಾಗಿ ಬಿಡುತ್ತಿತ್ತೆಂದುಕೊಂಡ.
+ತಾನೇ ಚಾರುಲತ, ಮೂರ್ತಿಯ ಹೆಸರಲ್ಲಿ ಅರ್ಚನೆ ಮಾಡಿಸಿದ.
+ತಂಗಿಯ ಮುಖ ನೋಡಲು ಹೆದರುತ್ತಿದ್ದ.
+ಅವನಲ್ಲಿನ ಅಪರಾಧ ಭಾವ ಚುಚ್ಚಿ ಚುಚ್ಚಿ ನೋಯಿಸುತ್ತಿತ್ತು.
+ಮನದಲ್ಲಿ ಘರ್ಷಣೆ ಇದ್ದರೂ ಕಿಂಚಿತ್‌ ಕೂಡ ಮುಖದಲ್ಲಿ ಪ್ರಕಟಿಸಲಿಲ್ಲ.
+ಚಾರುಲತ ಗಟ್ಟಿ ನಿರ್ಧಾರದ ಮೇಲೆ ನಿಂತಿದ್ದಳು.
+"ದೇವರನ್ನ ಏನಾದ್ರೂ ಕೇಳಿಕೊಂಡ್ಯಾ?"
+ಹೊರಗೆ ಬರುವಾಗ ಪ್ರಶ್ನಿಸಿದ ನವೀನ್‌ ತಂಗಿಯನ್ನ.
+ಅವಳು ಪಕಪಕ ನಕ್ಕುಬಿಟ್ಟಳು.
+“ಖಂಡಿತ ಇಲ್ಲ ಅನ್ನೋದನ್ನ ನೀನು ನಂಬಬೇಕು.
+ದೇವರ ಮುಂದೆ ಭಕ್ತಿಯ ತನ್ಮಯತೆ ನನ್ನನ್ನು ಆವರಿಸುತ್ತೆ. 
+ಕೇಳೋದಂಥದೇನಿಲ್ಲ  ಪ್ರತಿಯೊಂದನ್ನ ಅಪ್ಪ ಅಮ್ಮನ ಬಳಿಗೆ ದೂರಿನ ರೂಪದಲ್ಲಿ ಒಯ್ಯೋಕ್ಕಾಗುತ್ತ ?
+ಕೆಲವನ್ನ ನಾನೇ ಬಗೆಹರಿಸ್ಕೋಬೇಕು” ಎಂದಳು ಗಂಭೀರವಾಗಿ.
+ಈಗ ಮೂರ್ತಿ ಏನು ಮಾಡುತ್ತಿರಬಹುದು ?
+ಬಹುಶಃ ನರ್ಸಿಂಗ್‌ ಹೋಂನಲ್ಲಿರಬೇಕೆಂದು ಕೊಂಡಳಷ್ಟೆ.
+ತಂಗಿಯ ಮಾತಿಗೆ ಮರು ನುಡಿಯಲಿಲ್ಲ.
+ಅವನೊಂದು ರೀತಿಯಲ್ಲಿ ಭ್ರಮೆ ನಿರಸನದಲ್ಲಿದ್ದ.
+ವಿವಾಹದ ನಂತರವೆ ನೀರದಳ ಬುದ್ದಿಮತ್ತೆಯ ಅರಿವಾಗಿದ್ದು.
+ಅವಳ ಆಸೆ, ಆಕಾಂಕ್ಷೆ, ನಡವಳಿಕೆಯಲ್ಲಿ ಪೂರ್ಣ ಸ್ವರೂಪದಜ್ರರಿವಾಗಿತ್ತು.
+ಸ್ವಲ್ಪ ಜೋರಾಗಿ ಡಾ|| ನವೀನ್‌ ನಕ್ಕಾಗ ಗಾಬರಿಯಿಂದ ಅತ್ತ ತಿರುಗಿದಳು.
+"ಏನಾಯ್ತು ?"ಮೂಲೆಯಲ್ಲಿದ್ದ ಕಲ್ಲಿನ ಹಜಾರದ ಕಡೆ ಹೊರಟ ಅವನು  "ಬಾ ಕೂತ್ಕೊಂಡ್‌ ಮಾತಾಡೋಣ" ಕರೆದೊಯ್ದ.
+ಇಬ್ಬರು ಕೂತರು.
+ಬಾಳೆಹಣ್ಣಿನ ಜೊತೆ ತೆಂಗಿನ ಹೋಳನ್ನ ಚೂರುಚೂರು ಮಾಡಿ ತಿಂದರು.
+ಒಂದೆರಡು ಸಲ ಮೂರ್ತಿಯೊಂದಿಗೆ ಕೂಡ ಈ ದೇವಸ್ಥಾನಕ್ಕೆ ಬಂದಿದ್ದುಂಟು.
+ಆಗ ನವೀನ್‌ ಕೂಡ ಜೊತೆಯಲ್ಲಿದ್ದ.
+ಎಂಥ ಸಂತೋಷದ ಕ್ಷಣಗಳು ಅವು.
+ಅವೆಲ್ಲ ಬರೀ ನೆನಪುಗಳಾಗಿ ಮಾತ್ರ ಉಳಿಯಬಲ್ಲವೆನಿಸಿತು ಚಾರುಲತಗೆ.
+"ಯಾಕೆ, ನಕ್ಕಿದ್ದು ?" ಮತ್ತೆ ಕೇಳಿದಳು.
+ತೆಂಗಿನ ಚಿಪ್ಪುನ ಚೂರುಗಳನ್ನು ದೂರಕ್ಕೆಸೆದು ಬಂದು ಕೂತ  "ಪ್ಲೀಸ್‌,ಈ ಮಾತುಗಳು ಯಾವುದೇ ಪೂರ್ವಾಗ್ರಹದಿಂದ ಕೂಡಿದ್ದಲ್ಲ.
+ನೀರದನ ನಾನು ಮದ್ವೆ ಮಾಡ್ಕೋಬೇಕೂಂತ ಅಂದ್ಕೊಂಡಿದ್ದು ಎಂ.ಬಿ.ಬಿ.ಎಸ್‌. ನ ಕೊನೆಯ ವರ್ಷ.
+ಇದಕ್ಕೆ ವಯಸ್ಸು ಕಾರಣವಿರಬಹುದು ಅಥವಾ ಯಾವುದಾದ್ರೂ ಲವ್‌ ಫಿಲಂನ ಇನ್ಸ್‌ಪಿರೇಷನ್‌ ಇರಬಹುದು.
+ಹೇಗೋ, ಎಂತೋ ಇದಕ್ಕೆ ಒಂದು ಪ್ರೇಮ ಅಂತ ಹೆಸರು ಇಟ್ಕೊಂಡಿದ್ದು ಆಯ್ತು.
+ಎಂಥ ಸ್ಥಿತಿಯಲ್ಲಿ ನಾನು ಅವ್ಳನ್ನ ವಿವಾಹವಾದೇಂತ ಗೊತ್ತು.
+ಇಷ್ಟು ಕಡಿಮೆ ಸಮಯದಲ್ಲಿಯೇ ನಂಗೆ ಸಂಗಾತಿಯ ಬಗ್ಗೆ ಬೇಸರ ಬಂದಿದೆ.
+ಅದ್ಕೆ ನೀನು ತಿಳ್ಕೊಂಡ ಕಾರಣ ಅಲ್ಲ.
+ಹಿಂದೆ ನೀರದ ನಿಂತ ಕಡೆಯೆಲ್ಲ ಪ್ರೀತಿ, ಪ್ರೇಮ ಕಾಣಿಸ್ತಾ ಇತ್ತು.
+ಈಗ ಬರೀ ಸ್ವಾರ್ಥನೇ !
+ಅವ್ಳಿಗೆ ತನ್ನ ಸುಖ ಭದ್ರತೆ ಮಾತ್ರ ಮುಖ್ಯ.
+ನನ್ನ ಮೃದುವಾದ ಭಾವನೆಗಳಿಗೆ ಮರು ಸ್ಪಂದನವೇ ಇಲ್ಲ.
+ ನೀರಸವೆನಿಸುತ್ತೆ  ದೇಹದ ಬಯಕೆ ಎಷ್ಟು ದಿನದ್ದು ?
+ಇದು ಅಳಿದರೆ ಉಳಿಯುವುದೇನು ?
+ದಂಪತಿಗಳ ನಡುವೆ ಮಧುರವಾದ ಭಾವನೆಗಳು ಇರಬೇಕು. "ತನ್ನದೆ ರೀತಿಯಲ್ಲಿ ಹೇಳಿಕೊಂಡ.
+ಗದಕ್ಕೆ ಕೈ ಹಚ್ಚಿ ಕೂತ ಚಾರುಲತ ನಿಬ್ಬೆರಗಾದಳು.
+ಇಷ್ಟುಅಲ್ಪ ಸಮಯದಲ್ಲಿ ಇಂಥ ನಿರ್ಧಾರಕ್ಕೆ  ಬರುವುದು ಅಪಾಯವೆನಿಸಿತು. 
+"ಅಣ್ಣ. . . "ಎಂದಳು ಮೆಲ್ಲಗೆ.
+ನವೀನ್‌ ತಲೆಯೆತ್ತಿ ಅವಳ ಕಣ್ಣಲ್ಲಿ ಕಣ್ಣಿಟ್ಟು "ಇಷ್ಟೆಲ್ಲ ಹೇಳ್ತಾ ಇದ್ದಾನಲ್ಲ,ಎಂದು ಭಯಪಡುವ ಅಗತ್ಯವಿಲ್ಲ.
+ಪತ್ನಿಯಾಗಿ ಸ್ವೀಕರಿಸಿರುವ ನೀರದನ ಬಿಡೋ ಪ್ರಮೇಯವೇನಿಲ್ಲ.
+ಈಗ ಏರ್ಪಟ್ಟಿರುವ ಅಂತರ ಕಡಿಮೆಯಾಗಬಹುದು, ಹೆಚ್ಚಿಗಾಗ್ಬಹುದು.
+ಆದ್ರೂ ಒಂದೇ ಛಾವಣಿಯಲ್ಲಿ ಬದುಕಲು ಬದ್ಧರು.
+ಎಲ್ಲಾ ನಿನ್ಮುಂದೆ ಹೇಳ್ಕೋಬೇಕೂಂತ ಅನ್ನಿಸ್ತು.
+ನಿಮ್ಮದೇನು ನಮ್ಮ ವರ್ಷಾನುಗಟ್ಟಲೆ ಪ್ರೇಮಿಸಿ ಆದ ಮದ್ವೆಯೇನಲ್ಲ.
+ಆದರೆ ನಿನ್ನ ಮೂರ್ತಿಯ ನಡ್ವೇ ಎಷ್ಟೊಂದು ಅನ್ಯೋನ್ಯತೆ ಇತ್ತು.
+ಅಲ್ಲಿವರ್ಗೂ ಸಾಕು ಬಿಡು.
+ಮುಂದುವರಿಕೆಯಿಂದ ಬರೀ ನೋವೇ?
+ಎದ್ದು ಮೈ ಮುರಿದ.
+ಸೂರ್ಯ ಮರಗಳ ಮರೆಯಲ್ಲಿ ಅಸ್ತಮಿಸುತ್ತಿದ್ದ.
+ಕತ್ತಲೆಯಲ್ಲಿ ಮುಳುಗಲು ಒಂದಿಷ್ಟು ಸಮಯವಿತ್ತು.
+ವಿದ್ಯುತ್‌ ದೀಪಗಳು ದಗ್ಗನೆ ಪ್ರಜ್ವಲಿಸಿದವು.
+ಮಾನವ ಎಷ್ಟೊಂದು  ಚಮತ್ಕಾರಿ.
+ಈ ಬುದ್ಧಿವಂತಿಕೆ ಸೃಷ್ಟಿಕರ್ತನಿಗೂ ಮೆಚ್ಚಿಗೆಯೇ.
+"ಹೋಗೋಣ ಚಾರು" ಹೇಳಿದ ದೂರದಲ್ಲಿ ನೋಟ ನೆಟ್ಟು.
+ಮೆಟ್ಟಲು ಇಳಿದು ಕೆಳಗೆ ಬಂದ ನಂತರ  "ನೀರದ ಮನೆಗೆ ಹೋಗೋಣ್ಣಾ?"
+ಕೇಳಿದ ಕೂಡಲೇ ಎರಡು ಕೈಗಳು ಜೋಡಿಸಿದ "ಮೊದ್ಲು ಅವ್ಳಿಗೆ ನನ್ನ ಪ್ರೇಮಿಸೋದರಲ್ಲಿ, ಮದ್ವೆ ಆಗೋದ್ರಲ್ಲಿ ಸುಖವೆನಿಸಿತ್ತು.
+ಈಗ ಅವ್ಳಿಗೆ ತವರುನಲ್ಲಿರೋದು, ಅಮ್ಮನ ಮುಂದೆ ಕೂಡೋದೇ ಹಿತವೆನಿಸಿತು.
+ಮನೆ ಬದಲಾಯಿಸಿ ಕೂಡ ಪ್ರಯೋಜನವಿಲ್ಲವೆಂದು ನಿಂಗೆ ಗೊತ್ತಿದೆ.
+ ಖುಷಿಯಿಂದ ಹೋಗಿದ್ದಾಳೆ ಬೇಕೆನಿಸಿದಾಗ ಬರ್ಲಿ.
+ನಂಗೆ ಸದಾ ಅವ್ಳ ಸೆರ್ಗು ಹಿಡ್ದು ಓಡಾಡೋ ಆಸೆಯೇನಿಲ್ಲ.
+ಇನ್ನಷ್ಟು ನನ್ನ ಪ್ರೊಫೆಷನ್‌ ಕಡೆ ಗಮನ ಕೊಡಲು ಸಹಕಾರಿ ಆಯ್ತು" ಎಂದು ತನ್ನ ರಾಜಿ ಸೂತ್ರ ಪ್ರಕಟಿಸಿದಾಗ ಚಕಿತಳಾದಳು.
+"ಆ ಬಗ್ಗೆ ಕಾಮೆಂಟ್ಸ್‌ ಬೇಡ" ಎಂದು ಸ್ಕೂಟರ್‌ ಏರಿದ.
+ಒಂದು ದೊಡ್ಡ ಸ್ವೀಟ್‌ ಸ್ಟಾಲ್‌ ಮುಂದೆ ನಿಂತಿತು ಸ್ಕೂಟರ್‌.
+ಸಾಕಷ್ಟು ಸಿಹಿ ತಿಂಡಿಗಳನ್ನ ಕಟ್ಟಿಸಿಕೊಳ್ಳುವುದರೊಂದಿಗೆ ತಂಗಿಗೆ ಬಾದಾಮಿ ಹಾಲು ಕುಡಿಸಿದ.
+ಹಿಂದಿರುಗಿದವನು ಬೆಪ್ಪಾದ, ಮೂರ್ತಿ ಬರುತ್ತಿದ್ದ.
+ಮೊದಲು ನಾಲ್ಕು ಒದೆಯ ಬೇಕೆನಿಸಿತು.
+ನಂತರ ಕಾಲು ಹಿಡಿಯಬೇಕೆನಿಸಿತು.
+ಅವೆರಡು ಒಪ್ಪಿಗೆಯಾಗದೇ ಸ್ಕೂಟರ್‌ನಿಂದ ಇಳಿದು ಅತ್ತ ಹೋದ.
+“ಹಲೋ, ಮೂರ್ತಿ. . . . . ಈಗ ಸಂಬಂಧಿಗಳು ಅಲ್ಲವಾದ್ರೂ ಫ್ರೆಂಡ್ಸ್‌ ಆಗಿ ಕೆಲವು ನಿಮಿಷ ಮಾತಾಡಬಹುದಲ್ಲ” ಎಂದ ಡಾ||ನವೀನ್‌. 
+ಈಗಿನ ಪರಿಸ್ಥಿತಿ ತಂದೆಯ ಅನಾರೋಗ್ಯ, ತಾಯಿ ಹೇಳಿದ ಮಾತುಗಳು ಒಂದಿಷ್ಟು ಮೆತ್ತಗಾಗಿಸಿತ್ತು.
+ಪೂಜಾ ಮುಂಬಯಿನಲ್ಲಿದ್ದಳು.
+ಅವಳ ವಿವಾಹದ ಮಾತುಕತೆ ಒಂದು ಹಂತಕ್ಕೆ ಬಂದಿತ್ತು.
+ತಿರಸ್ಕಾರ ತೋರಲಾಗಲಿಲ್ಲ.
+ "ವೈ ನಾಟ್‌. . . . ?" ಎಂದ ಮೆತ್ತಗೆ.
+ಜೊತೆಯಲ್ಲಿ ಕರೆದೊಯ್ದು ಕೂಡಿಸಿ ಬಂದ.
+ಅವಳು ಎತ್ತಲೋ ನೋಡುತ್ತ ನಿಂತಿದ್ದವಳ ಮುಖದಲ್ಲಿ ಶೂನ್ಯವಿತ್ತು.
+"ಚಾರು, ನನ್ನ ಫ್ರೆಂಡ್‌ ಒಬ್ರು ಸಿಕ್ಕಿದ್ದಾರೆ ಸ್ವಲ್ಪ ಬಾ" ಕರೆದ.
+ಅವಳು ಮೂರ್ತಿನ ಗಮನಿಸದಿದ್ದುದ್ದರಿಂದ "ಬೇಡ, ಸಿಕ್ಕಿದ್ದರೇ ಬೇಗ ಮಾತಾಡಿಕೊಂಡು ಬಾ ಹೋಗು.
+ನಂಗಂತು ಯಾರ ಹತ್ರನು ಮಾತಾಡೋ ಇಷ್ಟವಿಲ್ಲ" ನಿರಾಕರಿಸಿದಳು ಸಪ್ಪಗೆ.
+"ಪ್ಲೀಸ್‌ ಬಾಮ್ಮ" ಬಲವಂತ ಮಾಡಿ ಕರೆದೊಯ್ದ.
+ಅಲ್ಲಿ ಸ್ವೀಟ್ಸ್‌ ಮಾರುಕಟ್ಟೆ, ರೆಸ್ಟೋರೆಂಟ್‌ನ ಬೇರ್ಪಡಿಸಿದ್ದರಷ್ಟೆ.
+ಒಂದಾರು ಟೇಬಲ್ಸ್‌ ಮಾತ್ರವಿತ್ತು.
+ಅಲ್ಲಿ ಸ್ಟೀಟ್ಸ್‌ ತಿನ್ನಲೆಂದೇ ಜನ ಬರುತ್ತಿದ್ದುದ್ದು.
+ಟೇಬಲ್ಲುನ ಬಳಿ ಹೋದಾಗಲೇ ಮೂರ್ತಿನ ಗಮನಸಿದಿದ್ದು.
+ಚೇತರಿಸಿಕೊಳ್ಳಲು ನಿಮಿಷಗಳು ಬೇಕಾದರೂ ಅಷ್ಟೊಂದೇನು ನರ್ವಸ್‌ ಆಗಲಿಲ್ಲ.
+ಇದೇ ವರ್ಷದ ಹಿಂದಿನ ದಿನ ಭೂಮಕ್ಕೆ ಕೂಡಿಸಿದಾಗ ಎಲ್ಲರೆದುರು ಲಾಡು ತುರುಕಿ ಅವಳ ಕೆನ್ನೆಯನ್ನು ರಂಗೇರಿಸಿದ್ದ.
+"ನನ್ನ ಸಿಸ್ಟರ್‌ ಚಾರುಲತ.
+ಇವುರು  ಮೂರ್ತಿ ಅಂತ ಲೆಕ್ಚರರ್‌ ಆಗಿದ್ದಾರೆ" ಇಬ್ಬರನ್ನು ಪರಿಚಯಿಸಿದ.
+ಮೂರ್ತಿಯ ಮುಖ ವಿವರ್ಣವಾದರ ಡಾ|| ನವೀನ್‌ ತನ್ನನ್ನು ಅವಮಾನಿಸುತ್ತಿದ್ದಾನೆಂದು ಕೊಳ್ಳ ಲಾಗಲಿಲ್ಲ.
+ಆದರೂ ಪರಿಸ್ಥಿತಿ ನುಂಗಲಾರದ ತುತ್ತಾಗಿತ್ತು.
+ಡಾ|| ನವೀನ್‌ ಸ್ವೀಟ್ಸ್‌ಗೆ ಆರ್ಡರ್‌ ಮಾಡಿದ.
+ವಾತಾವರಣ ಬಿಗುವೆ.
+ಒಂದು ನಾಲ್ಕು ಮಾತು ಆಡಿದ್ದು ಅವನೊಬ್ಬನೇ.
+ಮೂರ್ತಿ ಹ್ಞೂಗುಟ್ಟಿದರೇ,ಚಾರುಲತ ತೆಪ್ಪಗೆ ಕೂತಿದ್ದಳು.
+ಬಿಲ್ಲು ತೆತ್ತು ಬಂದ ನವೀನ್‌ ಮೂರ್ತಿಯ ಕೈ ಕುಲುಕಿ  "ಥ್ಯಾಂಕ್ಯೂ. . . ಥ್ಯಾಂಕ್ಕೂ ವೆರಿ ಮಚ್‌ ಸರ್‌.
+ಐ ಯಾಮ್‌ ಎವರ್‌ ಗ್ರೇಟ್‌ಫುಲ್‌ ಟುಯೂ." ಮತ್ತೆ ಕೈ ಜೋಡಿಸಿದ.
+ಕಣ್ಣಲ್ಲಿ ತುಂತರಿದ್ದರು ಮರೆಸಿದ.
+ಮೂರ್ತಿಯ ಬಾಯಿಂದ ಕೂಡ ಮಾತು ಹೊರಡಲಿಲ್ಲ.
+"ಹ್ಯಾಪಿ ಮ್ಯಾರೀಡ್‌ ಅನಿವರ್ಸರಿ" ಎಂದು ನವೀನ್‌ ಹೇಳದಿದ್ದರೂ ಅವನ ಮನಸ್ಸು ಹಾರೈಸುತ್ತಿತ್ತು.
+ಅವರಿಬ್ಬರ ಬಿಡುಗಡೆ - ಆವೇಶದಲ್ಲಿ ಸರಿಯೆನಿಸಿದರೂ ನಂತರ ನೋವೆನಿಸುತ್ತಿತ್ತು.
+ಬೀಳ್ಗೊಟ್ಟ ಅಣ್ಣ, ತಂಗಿ ಮನೆಗೆ ಬರುವವರೆಗೂ ಮಾತಾಡಲಿಲ್ಲ.
+ಅವಳೇನು ಕನಸ್ಸಿನ ಲೋಕಕ್ಕೆ ಜಾರಲಿಲ್ಲ.
+ವಾಸ್ತವವನ್ನ ಎದುರಿಸಲು ಮಾನಸಿಕವಾಗಿ ಸಿದ್ಧವಾಗಿದ್ದಳು.
+ಸ್ವೀಟ್ಸ್‌ ಒಂದು ಪ್ಲೇಟ್‌ಗೆ ಹಾಕಿ ತಂದೆಯ ಮುಂದಿಟ್ಟ  "ತುಂಬ ಫ್ರೆಷಾಗಿತ್ತು.
+ನಾವಿಬ್ರೂ ಅಲ್ಲೇ ತಗೊಂಡ್ವಿ.
+ನೀರದ ನಾಳೆ ನಾಳಿದ್ದು ಬಿಟ್ಟು ಬರಬಹುದು" ಎಂದು ಅಲ್ಲೇ ಕೂತ.
+ಅವರಿಗೆ ಇಷ್ಟವೆನಿಸಲಿಲ್ಲ “ಬೇಡ ಕಣೋ, ಈಗ ನಂಗೆ ತಿಂಡಿಯ ಆಸೆ,ಅಕರಾಸ್ತೆ ಕಡ್ಮೆಯಾಗಿದೆ.
+ಆರೋಗ್ಯಕ್ಕೆ ಹಿತವಲ್ಲ” ನಿರಾಕರಿಸಿದರು.
+ಆದರೂ ನವೀನ್‌ ಬಲವಂತದಿಂದ ತಂದೆಗೆ ಅಷ್ಟಿಷ್ಟು ತಿನ್ನಿಸಿದ .
+ಬೆಳಗಿನ ಪ್ರಕರಣದಿಂದ ಅವರಿನ್ನ ಚೇತರಿಸಿಕೊಂಡಿರಲಿಲ್ಲ.
+ಅದರಿಂದ ಹೊರ ತರಬೇಕಿತ್ತು.
+ಊಟದ ನಂತರ ಒಂದಿಷ್ಟು ವಾಕ್‌ ಮಾಡಿ ಬರುತ್ತಿದ್ದರು ವಾಸುದೇವಯ್ಯ.
+ಈ ದಿನ ಹೊರಟಾಗ ತಂಗಿಯನ್ನ ಕರೆದುಕೊಂಡು ಬಂದು ಹೊರಗಡೆ ಕೂತ.
+"ಚಾರು, ಒಂದ್ಮಾತು ಕೇಳ್ಲಾ ?"ಎಂದ ಮೆಲ್ಲಗೆ.
+“ಏನಪ್ಪ ಅಂಥದ್ದು ?
+ನನ್ನ ವಿಷ್ಯ ಮಾತಾಡೋಕೆ ಪೀಠಿಕೆ ಯಾಕೆ ?
+ಹಾಗಂತ ಏನೇನೋ ಪ್ರಶ್ನೆಗಳು ಬೇಡ.
+ಕೆಲವನ್ನ ಕಾಲದ ನಿರ್ಧಾರಕ್ಕೆ ಬಿಡ್ಬೇಕು.
+ಸುಮ್ನೆ ತಲೆ ಕೆಡ್ಸಿಕೊಂಡು ನಮ್ಮ ಆರೋಗ್ಯ ಸಮಯ ಎರಡು ಹಾಳು ಮಾಡ್ಕೋಬಾರ್ದು” ದೀರ್ಫವಾಗಿ ನೋಡುತ್ತ ಉಸುರಿದಳು.
+“ಮುಂದೇನು ?
+ಕಾಲ ನಿರ್ಧರಿಸುತ್ತೇಂತ ಸುಮ್ನೆ ಕೂಡೋಕ್ಕಾಗೋಲ್ಲ” ಕೆದಕಿದ.
+ಅವಳ ಮನಸ್ಥಿತಿಯನ್ನ ಅರಿಯಬೇಕಿತ್ತು.
+ಮೂರ್ತಿಯ ಬಗ್ಗೆ ಯಾವುದೇ ನಿರ್ಧಾರಕ್ಕೆ ಬರಲಾರ.
+ಇಂದಿನ ಅವನ ನಡತೆ ಆಸೆ ಹುಟ್ಟಿಸಿದರೂ ಹ್ಯಾಂಗೋವರ್‌ನಿಂದ ಹೊರ ಬಂದಿಲ್ಲವೆನಿಸಿತು.
+"ನನ್ನ ಬಗ್ಗೆ ಕೇಳ್ತಾ ಇದ್ದೀಯಾ ?
+ನಾನೇನು ಸುಮ್ನೆ ಅಳ್ತಾ ಕೂತಿಲ್ಲ.
+ಒಂದ್ಕೆಲ್ಸ ಸಿಕ್ಕಿದೆ.
+ಎಷ್ಟು ಸಿಕ್ಕು ಸಿಕ್ಕಾಗಿದೆ ಸಮಸ್ಯೆಗಳು ಇವೇಂತ ಈಗ ಅರ್ಥವಾಗ್ತಾ ಇದೆ.
+ಬರೀ ವೈಯಕ್ತಿಕವಾಗಿ ಯೋಚ್ಸಿ ಸವೆದು ಹೋಗೋದು ಬೇಡಾಂತ ಅನ್ನಿಸಿದೆ.
+ಖಂಡಿತ ನನ್ನ ಬಗ್ಗೆ ನಿಂಗೆ ಚಿಂತೆ ಬೇಡ" ಎಂದಳು.
+ಉದ್ವೇಗವನ್ನ ಹಿಡಿತಕ್ಕೆ ತಂದುಕೊಳ್ಳಲು ಎಷ್ಟೋ ಕಷ್ಟ ಪಟ್ಟಿದ್ದಳು.
+“ಬಹುಶಃ ಮೂರ್ತಿ ನಿಂಗೆ ಡೈವೋರ್ಸ್‌ ಕೊಡೋಕೆ ಮುಂದಾದರೆ?” ನೇರವಾಗಿತ್ತು ಅವನ ಪ್ರಶ್ನೆ.
+ಅದನ್ನ ಅರಗಿಸಿಕೊಳ್ಳಲು ಪ್ರಯಾಸಪಟ್ಟಳು.
+ನಗಲು ಪ್ರಯತ್ನಿಸಿ "ನಿಂಗೆಲ್ಲೋ ಕ್ಲೂ ಸಿಕ್ಕಿರಬಹುದು
+ಅದ್ಕೇ ನನ್ನ ಒಪ್ಗೇ ಇದೆ.
+ಹೇಗೂ ಬೇರೆ ಬೇರೆ ವಾಸಿಸ್ತಾ ಇದ್ದೀವಿ.
+ಈಗ ಅವ್ರ ಅನ್ಯೂಲಕ್ಕಾಗಿ ಡೈವೋರ್ಸ್‌ ಕೇಳಿದ್ರೆ "ಒಲ್ಲೆ" ಅನ್ನೋಲ್ಲ.
+ಒಂದು ಅಧ್ಯಾಯ ಮುಗಿದಂತಾದರೂ ಮುಂದಿನ ಅಧ್ಯಾಯ ಇದ್ದೇ ಇದೆ.
+ಅವ್ರ ಮನೆಯವರೆಲ್ಲ ಪ್ರೀತಿಯಿಂದ ಕಂಡಿದ್ದಾರೆ.
+ಮೂರ್ತಿ ಕೂಡ ಎಂದೂ ನೋಯಿಸಿಲ್ಲ.
+ನನ್ನ ಭಾವನೆಗಳ್ನ ಅರ್ಥ ಮಾಡಿಕೊಂಡ ಒಳ್ಳೆಯ ಪತಿ.
+ಪೂಜಾ ತೋರಿದ ಸ್ನೇಹ ಕೂಡ ಮರೀಲಾರೆ.
+"ಈಗೋ" ಬಿಟ್ಟು ಯೋಚಿಸ್ತಾ ಇದ್ದೀನಿ.
+ನನ್ನಿಂದ ಅವ್ರಿಗೆ ನೋವಾಗ್ಲಿ, ಸಮಸ್ಯೆಯಾಗ್ಲಿ ಬೇಡ"ಮನದಲ್ಲಿದ್ದುದ್ದನ್ನ ಮುಂದಿಟ್ಟ ತಂಗಿಯನ್ನ ಅಭಿಮಾನ ದಿಂದ ನೋಡಿದ.
+“ಬಡ್ಡಿ ಮಗ ಮೂರ್ತಿ ತುಂಬ ಲಕ್ಕಿ ಕಣೇ.
+ಎಲ್ಲರಿಗೂ ಇಂಥ ಹೆಂಡ್ತಿ ಜೀವನ ಸಂಗಾತಿಯಾಗಿ ಸಿಗ್ಬೇಕು.
+ಆದರೆ ಪೂಜಾ ರೂಪದಲ್ಲಿ ಬಂದ ಹಕ್ಕಿ ಅವ್ನ ಅದೃಷ್ಟನ ಹಾರ್ಸಿಕೊಂಡು ಹೋಯ್ತು.
+ಹೆಚ್ಚು ಕಳಕೊಂಡೋನು ಅವ್ನೇ”ಎಂದು ವಿಷಾದದಿಂದ ನುಡಿದ.
+ಚಾರುಲತ ಮಾತಾಡಲಿಲ್ಲ.
+ಹತ್ತಿರಕ್ಕೆ ಬಂದು ಅವಳ ಕೈ ಹಿಡಿದುಕೊಂಡು "ನೀನು ಒಪ್ಪಿದ್ರೆ ನಾನೇ ಡೈವೋರ್ಸ್‌ಗೆ  ಪ್ರಯತ್ನಿಸ್ತೀನಿ.
+ನೀನು ಜೀವ್ನ ಪೂರ್ತಿ ಒಂಟಿಯಾಗಿರೋದು ನಂಗಿಷ್ಟವಿಲ್ಲ" ಅವನ ಉದ್ದೇಶ ಕೇಳಿ ಮೆಟ್ಟಿ ಬಿದ್ದಳು.
+"ನಂಗೆ ಒಂಟಿತನ ಅನ್ನಿಸೋಲ್ಲ.
+ನೆನಪುಗಳು ಇದೆ.
+ಅಪ್ಪನಿಗೆ ಈಗ ನಮ್ಮ ಪ್ರೀತಿ, ಆರೈಕೆ ಅಗತ್ಯ.
+ಅದ್ರಿಂದ ಬೇರೇನು ಯೋಚ್ಸಬೇಡ" ಎದ್ದು ಹೋದಳು.
+ಡಾ|| ನವೀನ್‌ ರಾತ್ರಿಯೆಲ್ಲ ಯೋಚಿಸಿದ.
+ದುಬೈನಲ್ಲಿದ್ದ ಇವನ ಫ್ರೆಂಡ್‌  ಒಂದು ಆಫರ್‌ ಕೊಟ್ಟಿದ್ದ “ಇಲ್ಬಂದ್‌ ನೀನು ಕೆಲ್ಸ ಮಾಡಬಹುದು.
+ಒಳ್ಳೆ  ಸಂಬಳ.
+ಫ್ಯೂಚರ್‌ನಲ್ಲಿ ಭರವಸೆ ಇಟ್ಕೋಬಹುದು” ಅವನಿಗೆ ಇಷ್ಟವೆನಿಸಲಿಲ್ಲ.
+ಸ್ವಂತ ಆಕಾಂಕ್ಷೆಗಳಿಗಿಂತ ಅವನಿಗೆ ತಂದೆ ಮುಖ್ಯವಾಗಿದ್ದರು.
+ಆಳಕ್ಕೆ ಇಳಿದು ಚಿಂತಿಸಿದಂತೆ ನೀರದ ಬಗ್ಗೆ ಅನಾಸಕ್ತಿಯ ಜೊತೆ ಸಹಾನುಭೂತಿಯು ಕೂಡ.
+ಅವಳ ಚಿಂತನೆಯ ಪರಿಧಿ ತೀರಾ ಚಿಕ್ಕದೆನಿಸಿತು.
+ಇಲ್ಲಿ ಆದ ನಷ್ಟವನ್ನ ತನ್ನ ಪ್ರೊಫೆಷನ್‌ನಲ್ಲಿ ತುಂಬಿಕೊಳ್ಳಬೇಕೆಂಬ ನಿರ್ಧಾರಕ್ಕೆ ಬಂದ.
+ಮಾನಸಿಕವಾಗಿ ಅವನನ್ನು ಆವರಿಸದಿದ್ದರೂ ಮನೆಗೊಬ್ಬ ಗೃಹಿಣಿ, ತಂದೆಗೊಬ್ಬ ಸೊಸೆ - ಆ ಲಿಮಿಟ್‌ನಲ್ಲಿ ಬಿಟ್ಟರೇ ಅವಳು ಸುಖಿಯೆಂದುಕೊಂಡ.
+ಯುಗಂಧರ್‌ ಮತ್ತು ಮೃಣಾಲಿನಿ ಅವರುಗಳ ಆಹ್ವಾನವನ್ನು ಮನ್ನಿಸಿ ಚೆನ್ಶೈಗೆ ಹೋಗಿ ಬಂದ ಮೇಲೆ ಎಷ್ಟೋ ಉತ್ಸಾಹಿತರಾದರು.
+ಆ ಜನ ಅವರ ಕಲ್ಚರ್‌ಎಲ್ಲಾ ಇಷ್ಟವಾಗಿತ್ತು.
+ಮಧು ಅವರಿಗೆ ಪೂರ್ತಿಯಾಗಿ ಒಪ್ಪಿಗೆ.
+ಮಧು ಇಲ್ಲಿಗೆ ಬರುವ ದಿನವೇ ನಿಶ್ಚಿತಾರ್ಥವೆಂದು ನಿಶ್ಚಯವಾಯಿತು.
+ಮುಂಬಯಿನಿಂದ ಬಂದ ಪೂಜಾ ಸ್ವಲ್ಪ ಮಟ್ಟಿಗೆ ಚೇತರಿಸಿಕೊಂಡಿದ್ದಳು.
+ಅವಳಿಗೂ ಮಧು ಇಷ್ಟವಾಗಿದ್ದ.
+ಒಂದೆರಡು ಸಲ ಫೋನ್‌ನಲ್ಲಿ ಇಬ್ಬರು ಸಂಭಾಷಿಸಿ ಒಪ್ಪಿಗೆ ಸೂಚಿಸಿದ್ದರು.
+ಇದೆಲ್ಲವು ಸಂತೋಷವೇ.
+ಆದರೆ ಅವರುಗಳು ಈ ಮನೆಯ ಸೊಸೆಯ ವಿಷಯಕ್ಕೆ ಬಂದರೆ ಏನು ಮಾಡುವುದು?
+ಯುಗಂಧರ್‌ ಹೆಂಡತಿಯನ್ನ ಕೇಳಿದರು "ಈಚೆಗೆ ಚಾರುಲತ ಏನಾದ್ರೂ ಫೋನ್‌ ಮಾಡಿದ್ದಾ ?"ಆಕೆ ಅಡ್ಡಡ್ಡ ತಲೆಯಾಡಿಸಿದರು.
+"ನೀವು ನರ್ಸಿಂಗ್‌ಹೋಂನಿಂದ ಡಿಸ್ಚಾರ್ಜ್‌ ಆದ ದಿನ ಅಲ್ಲಿ ಅವಳನ್ನ ನೋಡಿದ್ದಷ್ಟೆ ಮತ್ತೆಂದು ಫೋನ್‌ ಮಾಡಿದ್ದು ಕೂಡ ಇಲ್ಲ.
+ಬಳೆ, ಸರ. . . " ಎಂದವರು ಸುಮ್ಮನಾದಾಗ ಯುಗಂಧರ್‌ ಹಣೆಯಲ್ಲಿ ಗೆರೆಗಳು ಮೂಡಿದವು.
+"ನಂಗೆ ಅರ್ಥವಾಗ್ಲಿಲ್ಲ,ಸ್ವಲ್ಪ ಬಿಡ್ಸಿ ಹೇಳು."
+"ಒಂದ್ವಿಷ್ಯ ನಿಮ್ಮಿಂದ ಮುಚ್ಚಿಟ್ಟೆ.
+ನಿಮ್ಗೆ ಹಾರ್ಟ್‌ ಅಟ್ಯಾಕ್‌ ಆದಾಗ ನಾನು, ಪೂಜಾ ಕೂಡ ಪೇಷಂಟ್‌ಗಳಾಗಿದ್ವಿ.
+ಮರುದಿನ ನಮ್ಮನ್ನ ಮನೆಗೆ ಬಿಡೋಕೆ ಚಾರು ಬಂದಿದ್ದು.
+ಆಗ ಸರ, ಬಳೆ ದೇವರ ಮನೆಯಲ್ಲಿ ಬಿಚ್ಚಿಟ್ಟು ಹೋಗಿದ್ದು.
+ನಾವು ಅವ್ಳಿಗೆ ಮದ್ವೆಯಲ್ಲಿ ಕೊಟ್ಟಿದ್ದು.
+ಅಕಸ್ಮಾತ್‌ ಒಡ್ವೆಗೋಸ್ಕರ ಬರಬಹುದು, ಇಲ್ಲ ಫೋನ್‌ನಲ್ಲಾದ್ರೂ ವಿಚಾರಿಸಬಹುದು ಅಂದೊಂಡಿದ್ದೆ. 
+ಎರ್ಡುಮಾಡ್ಲಿಲ್ಲ ಪುನಃ ನರ್ಸಿಂಗ್‌ಹೋಂನಲ್ಲಿ ಸಿಕ್ಕಾಗ್ಲೂ ಪ್ರಸ್ತಾಪಿಸ್ಲಿಲ್ಲ.
+ಅವ್ಳು ಬೇಕೂಂತಲೇ ಬಿಟ್ಟೋಗಿರ್ಬಹುದು ವಿವರಿಸಿದರು ಮೃಣಾಲಿನಿ.
+“ಕೆಲವನ್ನ ಮುಚ್ಚಿಡೋದ್ರಿಂದ ತಪ್ಪೇನಿಲ್ಲ.
+ಆ ಬಗ್ಗೆ ಏನ್ಮಾಡ್ಬೇಕೂಂತ ನಿನ್ನ ತೀರ್ಮಾನ ?
+ಹೆಣ್ಣು ಗಂಡಿಗಿಂತ ಸ್ವಲ್ಪ ಬೇರೆಯಾಗಿ ಯೋಚಿಸ್ತಾಳೆ.
+ಇದ್ನ ಮೂರ್ತಿಗೆ ಹೇಳಿದ್ಯಾ?” ಕೇಳಿದರು ಯುಗಂಧರ್‌.
+ಆಕೆಯ ಅಭಿಪಾಯ ಸ್ಪಷ್ಟವಾಗಿ ತಿಳಿಯುವುದು ಅವರ ಅಭಿಮತವಾಗಿತ್ತು.
+ಆಕೆ ಸಪ್ಪಗಾದರು.
+ಬರೀ ಚಡಪಡಿಸಿದರಷ್ಟೆ.
+ಏನು ಹೇಳಬೇಕೆಂದು ತಿಳಿಯಲಿಲ್ಲ.
+"ಹೇಳ್ಲಿಲ್ಲಾಂತ ಇಟ್ಕೋ !
+ಅದ್ರಿಂದ ಕೂಡ ಏನು ಅನಾಹುತವಿಲ್ಲ.
+ಆ ಹುಡ್ಗಿಗೆ ಕೊಟ್ಟ ಚಿನ್ನ ನಮ್ಗೇನು ಬೇಡ.
+ವೈಮನಸ್ಸು ಬಂತೂಂತ ಚಾರುಲತಗೆ ಹಾಕಿದ ಚಿನ್ನನ ಹಿಂದಕ್ಕೆ ಪಡ್ಕೋಂಥ ಕೆಟ್ಟ ಸಂಸತಿಯ ಜನನಾ, ನಾವು ?
+ಫೋನ್‌ ಮಾಡಿ ಅವ್ಳ ಒಡ್ಡೆಗಳ್ನ ಅವ್ಳಿಗೆ ಕೊಡ್ಬಿಡು" ಎಂದರು ಯುಗಂಧರ್‌.
+ಆಕೆಯ ಮುಖದಲ್ಲಿ ಕೂಡ ಗೆಲುವು ಮೂಡಿತು.
+“ಇದ್ದ ಒಂದು ನೆಪ ಮಾಡಿಕೊಳ್ಳೋಣ.
+ಮೂರ್ತಿನ ಕೇಳ್ಬೇಕಾ ?”ಹೆಂಡತಿಯ ಪ್ರಶ್ನೆಗೆ ಯೋಚಿಸುವಂತಾದರು.
+ಅವರಿಬ್ಬರ ಮದ್ಯೆ ಯಾವ ವಿರಸವು ಇಲ್ಲ.
+ವೈಯಕ್ತಿಕವಾಗಿ "ಏನು ಬೇಡ, ಹೇಗೂ ಶನಿವಾರ ಬರ್ತಿನಿ ಅಂದಿದ್ದಾನಲ್ಲ ತಿಳಿಸಿದರಾಯ್ತು" ಯುಗಂಧರ್‌ ವಿವೇಕಿಯೇ.
+ಪೂಜಾಳ ಸ್ಥಿತಿ ಅವರನ್ನ ಪೂರ್ತಿಯಾಗಿ ಅವಿವೇಕಿಯನ್ನಾಗಿಸಿತ್ತು.
+ಅಂತು ಸೊಸೆಗೆ ಫೋನ್‌ ಮಾಡುವ ನಿರ್ಧಾರಕ್ಕೆ ಬಂದರು.
+ಮನೆಗೆ ಬೇಡವೆಂದು "ನಿವೇದಿತಾ ನ್ಯೂ ವುಮೆನ್ಸ್‌ ವೇ" ಕಂಪನಿಯ ಫೋನ್‌ ನಂಬರ್‌ನ ತಾವೇ ಹುಡುಕಿ ಹೆಂಡತಿಗೆ ಕೊಟ್ಟರು.
+“ಯಾವ ಸೆಕ್ಷನ್‌ನಲ್ಲಂತೆ ಕೆಲ್ಸ ಮಾಡೋದು ?ಕೇಳಿದರು ಸುಸ್ತಾಗಿ"
+"ಕಮಲ ಕೂಡ ಅಲ್ಲೇ ಕೆಲ್ಸಕ್ಕೆ ಹೋಗ್ತಾ ಇದ್ದಾಳಲ್ಲ.
+ಅಕೌಂಟ್‌ ಸೆಕ್ಷನ್‌ ನಲ್ಲಿ ಅಂತ ಹೇಳ್ಬಂಗೆ ಜ್ಲಾಘ್ಯ.
+ಆದ್ರೂ ಸ್ವಾಭಿಮಾನದ ಹುಡ್ಗಿ" ಮೆಚ್ಚಿಗೆ ಯಾಡಿದರು.
+"ಅಂತು ನೀನು ಸೊಸೆನ ಪೂರ್ತಿಯಾಗಿ ಕರಿಸಿ ಬಿಟ್ಟಂಗೆ ಕಾಣುತ್ತೆ" ಎಂದು ನಕ್ಕರು ಯುಗಂಧರ್‌ .
+“ಇನ್ನೊಂದ್ಸಲ ಹಾರ್ಟ್‌ ಅಟ್ಯಾಕ್‌ ಆದರೆ ಪ್ರಾಣಕ್ಕೆ ಆಪತ್ತು.
+ಬಿ ಕೇರ್‌ ಫುಲ್‌” ಡಾಕ್ಟರರ ಎಚ್ಚರಿಕೆ ಮತ್ತಷ್ಟು ವಿವೇಕಿಯನ್ನಾಗಿ ಮಾಡಿತ್ತು.
+"ಪೂಜಾ ಸ್ಥಿತಿ ಹಾಗಾಯಿತಲ್ಲ ಅನ್ನೋ ನೋವು" ಎಂದರು ವಿಷಾದದಿಂದ ಆಕೆ.
+ಯುಗಂಧರ್‌ ನಕ್ಕರು "ಅವ್ಳೇನು ಅವರಿಬ್ರ  ಪ್ರೇಮಕ್ಕೆ ಪುರೋಹಿತ್ಯವಹಿಸಿದ್ದಾ ?
+ಎಲ್ಲಾ ಮೂರ್ಖರಾಗಿ ನ್ಯಾಯ, ಅನ್ಯಾಯದ ಬಗ್ಗೆ ಯೋಚ್ಸಿಲ್ಲ.
+ಎಲ್ಲಕ್ಕು ಅವ್ಳ ತಲೆಯ ಮೇಲೆ ಗೂಬೆ ಕೂರಿಸ್ಟಿಟ್ಟಿ' ಪಶ್ಚಾತ್ತಾಪವಿತ್ತು ಅವರ ಮಾತುಗಳಲ್ಲಿ.
+ಮೃಣಾಲಿನಿ ಅವಾಕ್ಕಾದರು.
+ಇವರ ಹಟವೇನಾಯಿತು ?
+ಹೆಚ್ಚು ಹಾರಾಡಿದವರು ಇವರೇ ಎನ್ನುವ ಆಪಾದನೆ ಗಂಡನ ಮೇಲೆ !
+ಆದರೆ ಈಗ ಅವರು ಇರೋ ಸ್ಥಿತಿಯಲ್ಲಿ ಅದನ್ನ ಮುಖದ ಮೇಲೆ ಹೇಳುವುದು ಸರಿಯೆನಿಸಲಿಲ್ಲ.
+"ಈ ರಾಜಿಯ ಹಿಂದೆ ಸ್ವಾರ್ಥವಿದೆಯೆಂದುಕೊಂಡರೇ ಚಾರುಲತ?"
+ಮೃಣಾಲಿನಿಯ ಮಾತಿಗೆ ತಲೆದೂಗಿದರು “ಕೊಂಡರೇ, ಏನು ? ಹಾಗೇ ಅಂದುಕೊಳ್ಳೋದು.
+ ಮೆದುವಿನ ಮನುಷ್ಯ ವಾಸುದೇವಯ್ಯ.
+ಇಲ್ಲಿ ನೀರದ ಮಾತ್ರ ಬುದ್ಧಿವಂತಳು.
+ಡಾ|| ನವೀನ್‌ ಪ್ರಾಮಾಣಿಕ.
+ಆ ದಿನ ಆದರ್ಶಕ್ಕೆ ಬಲಿಯಾದ.
+ಈಗ ಯೋಚ್ಸಿದರೇ ಹಾಗೇ ಅನ್ನಿಸುತ್ತೆ.
+ಇದು ಬೆಳಕಿನಲ್ಲಿ ನೋಡೋ ವಿಧಾನ.
+ಆಗ ನೋಡಿದ್ದು ಕತ್ತಲಲ್ಲಿಯೇನೋ ?” ತೀರಾ ವಿಷಾದದಿಂದ ನುಡಿದರು.
+ಲಂಚ್‌ ಟೈಂನಲ್ಲಿ ಮೃಣಾಲಿನಿ ತಾವೇ ಬಟನ್ನೊತ್ತಿ ಫೋನಾಯಿಸಿದರು ನಿವೇದಿತಾ ವುಮನ್ಸ್‌ ವೇರ್‌ಗೆ  "ಲೈನ್‌ನಲ್ಲಿರಿ ಕನೆಕ್ಟ್‌ ಮಾಡ್ತೀವಿ" ಎಂದರು ಆ ಕಡೆ.
+ಆವೇಗದಿಂದ ಅವರ ಹೃದಯದ ಬಡಿತ ಏರಿತ್ತು.
+ಯಾಕೆ ?ಟವಲಿನಿಂದೊರೆಸಿಕೊಂಡರು ಫೋನಿಡಿದಂತೆಯೇ.
+ “ಹಲೋ. . . . ಎಂದಿದ್ದು ಚಾರುಲತ.
+ಅವಳಿಗೆ ಆಗಾಗ ತಂದೆ ಅಥವಾ ಅಣ್ಣ ಫೋನ್‌ ಮಾಡುವುದಿತ್ತು.
+ಬೇಗ ಸ್ವರ ಕೇಳದ್ದು ಗಾಬರಿ "ಅಪ್ಪ, ಕೆಮ್ಮು ಹೇಗಿದೆ ?
+ಸಂಜೆ ನವೀನಣ್ಣ ಬೇಗ್ಬಾರ್ತಾನೆ" ಗಡಿಬಿಡಿಯಿಂದ ಹೇಳಿದಾಗ ಮೃಣಾಲಿನಿಯ ದನಿಗೆ ಜೀವ ಬಂತು “ನಾನು. . . ”ಎಂದರು. 
+"ಹೇಗಿದ್ದೀರಾ ಅತ್ತೆ ?
+ಮಾವನವ್ರು ಹುಷಾರಾಗಿದ್ದಾರೇ ತಾನೇ," ಆತ್ಮೀಯವಾಗಿ ಕೇಳಿಸಿತು ಚಾರುಲತ ದನಿ.
+ಮೃಣಾಲಿನಿಯ ಕಣ್ಣಲ್ಲಿ ನೀರಾಡಿತು. 
+"ಚೆನ್ನಾಗಿದ್ದೀನಿ ಅವ್ರು ಕೂಡ ಚೆನ್ನಾಗಿದ್ದಾರೆ.
+ಒಂದ್ಸಲ ನೀನು ಬರೋಕೆ ಸಾಧ್ಯನಾ ?
+ನಿನ್ನ ಸರ, ಬಳೆ ಇಲ್ಲೇ ಬಿಟ್ಟೋಗಿದ್ದೀಯಾ" ಅಂದರು.
+"ಮರೆತೇನು ಬಿಟ್ಟು ಬಂದಿಲ್ಲ" ಹೇಳಿದಳು ನವಿರಾಗಿ.
+"ಒಂದ್ಸಲ ಬಂದೋಗು.
+ಯಾವಾಗ್ಬರ್ತೀಯಾ ?" 
+"ನಾಳೆ ಬೆಳಿಗ್ಗೆ ಆಫೀಸ್‌ಗೆ ಹೋಗೋವಾಗ ಬರ್ತಿನಿ ? ಇಡ್ಲಾ. . . ಫೋನ್‌?"ಇಟ್ಟೇ ಬಿಟ್ಟಳು.
+ಒಂದು ಕ್ಷಣ ಕೋಪಗೊಂಡರು "ಚಾರುಗೆ ತುಂಬ ಅಹಂಕಾರ ಕಂಡ್ರಿ.
+ಕಾಲ ಈಗ ಹಿಂದಿನಂಗಿಲ್ಲ.
+ತುಂಬ ಬದಲಾಗಿದೆ."ಯುಗಂಧರ್‌ ಮುಗುಳ್ನಕ್ಕರು.
+ದೈಹಿಕವಾಗಿ ಸೊಸೆಗೆ ಯಾವ ಹಿಂಸೆ ನೀಡದಿದ್ದರೂ ಮಾನಸಿಕವಾಗಿ ತುಂಬ ಕಂಗೆಡಿಸಿದ್ದೇವೆಂದು ಅವರಿಗೆ ಗೊತ್ತು.
+ಆರಾಮಾಗಿ ಸಂಸಾರ ಮಾಡಿಕೊಂಡಿದ್ದವರು ಬೇರ್ಪಟ್ಟರು.
+ಇದೇನು ಕಡಿಮೆ ಶಿಕ್ಷೆಯೆ ? 
+“ಬದಲಾಗ್ಬೇಕು. ನಿನ್ನಷ್ಟು ನಿನ್ನ ಸೊಸೆ ಮೂಡರ್ನ್‌ ಅಲ್ಲ.
+ಚಾರುಗಿಂತ ಪೂಜಾ ಒಂದೆರಡು ತಿಂಗ್ಳು ಚಿಕ್ಕವಳು ಇರಬಹುದು.
+ಈಗ್ಲೂ ಅದೇನು ಹಟ!"
+ಬಾಯಿ ಮೇಲೆ ಕೈಯಿಟ್ಟುಕೊಂಡರು “ಅವ್ಳ ಪಟ್ಟಿಗೆ ಇಡೀ ಮನೆಯೇ ತಲ್ಲಣಿಸಿಹೋಯ್ತು.
+ಇತ್ತ ಪುಲಿ.
+ಅತ್ತ ದರಿಯೆನ್ನುವ ಸ್ಥಿತಿ ಅವಳದು.
+ಆದ್ರೂ ಎಷ್ಟು ಶಾಂತವಾಗಿ ನಡೆದುಕೊಂಡಳು.
+ಆಗ ಇದೆಲ್ಲ ನಾವು ಗಮನಿಸೋ ಸ್ಥಿತಿಯಲ್ಲಿಲ್ಲ ಮೂರ್ತಿಗೆ ತಂಗಿ ಮುಖ್ಯವಾಗಿದ್ದು.
+ಡಾ॥ ನವೀನ್‌ಗೆ ಪ್ರೇಮಿಸಿದವ್ಳು ಹೆಚ್ಚೆನಿಸಿದಳು.
+ಮಧ್ಯದಲ್ಲಿ ನೊಂದವಳು ಚಾರುನೆ.
+ನೆನಸ್ಕೊಂಡರೇ ತುಂಬ ನೋವಾಗುತ್ತೆ” ಎಂದು ದೀರ್ಥವಾಗಿ ಉಸಿರೆಳೆದು ದಬ್ಬಿದರು.
+ಹುಲಿಯಂಗೆ ಹಾರಾಡುತ್ತಿದ್ದ ಗಂಡ ಇಷ್ಟು ಮೆತ್ತಗಾಗಿದ್ದು ಪವಾಡವೆನಿಸಿದರೂ, ತಾವು ಮಾಡಿದ ವಾಂತಿಯನ್ನ ಒಂದಿಷ್ಟು ಅಸಹ್ಕಿಸಿಕೊಳ್ಳದೆ ಬೊಗಸೆಯಲ್ಲಿ ತುಂಬಿಕೊಂಡ ಸೊಸೆ ದೇವತೆಯಂತೆ ಕಂಡಿದ್ದಳು.
+ಹೆಂಡತಿ ಹೊರಗೆ ಹೋದ ಮೇಲೆ ಮಲಗಿ ತಾರಸಿಯನ್ನು ನೋಡತೊಡಗಿದರು.
+“ನಿಮ್ಮ ಸೊಸೆ ಕರ್ಕಂಡ್‌ ಬಂದು ನಿಮ್ಗೆ ಚಿಕಿತ್ಸೆ ಒದಗಿಸದಿದ್ದರೇ, ನಿಮ್ಮನ್ನ ಮರ್ತು ಬಿಡಬಹುದಿತ್ತು”ಇವರು ಚೇತರಿಸಿಕೊಂಡ ನಂತರ ಡಾಕ್ಟರ್‌ ಹೇಳಿದ ಮಾತುಗಳು.
+ಇಡೀ ರಾತ್ರಿ ತಮ್ಮ ಬಳಿ ಕೂಡುತ್ತಿದ್ದ ಚಾರುಲತ ಮನಸ್ಸಿಗೆ ಪ್ರಿಯವೆನಿಸಿದ್ದಳು.
+ಈಗ ಚೆಂಡು ಅವಳ ಮೈದಾನದಲ್ಲಿತ್ತು.
+ಆಟವು ಅವಳದೇ.
+ಸ್ವಾಭಿಮಾನಿಯಾದ ಅವಳು ಯಾವ ನಿರ್ಧಾರ ತೆಗೆದು ಕೊಳ್ಳುತ್ತಾಳೋ !
+ಮರುದಿನ ಅವಳ ನಡವಳಿಕೆಯನ್ನು ನೋಡಿ ನಿರ್ಧರಿಸಬಹುದೆಂದು ಮನಸ್ಸಿನಿಂದ ಆ ಸಂಗತಿಯನ್ನು ದಬ್ಬಿದಷ್ಟು ಬಂದು ಕೂಡುತ್ತಿತ್ತು ದೊಡ್ಡ ಬಂಡೆಯಂತೆ.
+ಹೇಳಿದಂತೆ ಸ್ವಲ್ಪ ಬೇಗ ಮನೆ ಬಿಟ್ಟು ಆಫೀಸ್‌ಗೆ ಹೊರಟಾಗ "ಚಾರು,ನಂಗೂ ಆ ಕಡೆ ಹೋಗೋದಿದೆ.
+ಡ್ರಾಪ್‌ ಮಾಡ್ತೀನಿ" ಎಂದು ಕ್ರಾಪ್‌ನಲ್ಲಿ ಕೂಮ್‌ ಆಡಿಸುತ್ತಿದ್ದ ಡಾ।। ನವೀನ್‌ ಹೇಳಿದಾಗ ಅವಳು ಸಮೃತ್ರಿಸಲಿಲ್ಲ.
+"ಬೇಡ, ಇವತ್ತು ಬೇಗ ಹೊರಟಿದ್ದೀನಿ.
+ದಾರಿಯಲ್ಲಿ ಒಬ್ಬನ್ನ ನೋಡ್ಬೇಕಿದೆ.
+ಅದ್ರಿಂದ ನೀನು ಹೋಗ್ಬಿಡು."ತಂಗಿಯ ಮಾತಿಗೆ ಕಣ್ಣರಳಿಸಿದ.
+ಅವಳು ತಾನಾಗಿ ಎಲ್ಲಿಗೂ ಹೋಗುತ್ತಿರಲಿಲ್ಲ.
+ಮನೆ ಬದಲಾಯಿಸಿದ ಮೇಲೆ ಸ್ವಲ್ಪ ನೆಮ್ಮದಿಯಾಗಿದ್ದಂಗೆ ಕಂಡಿದ್ದು ಬಹಶಃ ಅವನ ಭ್ರಮೆ ಇರಬಹುದೇನೋ ?
+“ಯಾರಮ್ಮ ಅಂಥ ಪುಣ್ಯಾತರು ?” ಎಂದು ಬಂದು ಅವಳ ಮುಂದೆ ನಿಂತ .
+"ಅತ್ತೆ ಫೋನ್‌ ಮಾಡಿದ್ರು ಒಮ್ಮೆ ಬಂದ್ದೋಗೂಂತ" ತಂಗಿಯ ಮಾತು.
+ಕೇಳಿದ ಕೂಡಲೇ ಕೋಪದಿಂದ ಹಲ್ಕುಡಿ ಕಚ್ಚಿದ.
+"ಈಗೇನಂತೆ? ಆಗ ಅವಮಾನ ಮಾಡಿದ್ದು ಸಾಲಲಿಲ್ವ ?
+ನೀನು ಹೋಗ್ಲೇಬೇಡ" ಎಂದು ರೇಗಾಡಿದರು.
+ ತಕ್ಷಣ ತನ್ನನ್ನ ತಿದ್ದಿಕೊಂಡ "ಸಾರಿ ಅಮ್ಮ ಸುಮ್ನೆ ಲಾಭ ನಷ್ಟ,ಮಾನ - ಅವಮಾನಗಳ್ನ ಕೆಲವೊಮ್ಮೆ ಪಕ್ಕಕ್ಕೆ ಸರಿಸ್ಪೇಕಾಗುತ್ತೆ.
+ಹೋಗ್ಬಾ,ಸುಮ್ನೆ ಅವರೊಂದಿಗೆ ಬಿದ್ದು ಯಾಕೆ ?"
+ಸಮಾಧಾನಕ್ಕೆ ಬಂದ.
+ಇವಳು ಹೊರಟಾಗ ನೀರದ ಡಬ್ಬಿ ಹಿಡಿದು ಬಂದಳು.
+ಸ್ವಲ್ಪ ಅವಳೊಂದಿಗೆ ಮಾತು ಕಮ್ಮಿ ಮಾಡಿದ್ದ ಡಾ|| ನವೀನ್‌. 
+ಬೇಡ ಅತ್ತಿಗೆ !ಅಲ್ಲೇ ಏನಾದ್ರೂ ತಿಂದ್ಯೋತೀನಿ ಎಂದಳು. 
+ಉಪ್ಪಿಟ್ಟು ರುಚಿಸಿರಲಿಲ್ಲ ತಂದೆಗಾಗಿ ತಾನೇ ಅಡಿಗೆ ಮಾಡಿದ್ದಳು  "ಅಪ್ಪ ಏನು ತಿನ್ಸಿಲ್ಲ.
+ಬಂದ ಕೂಡ್ಲೇ ಬಲವಂತ ಮಾಡಿ ಬಡ್ಸಿ." ಒಂದು ಮಾತು ಹೇಳಲು ಮರೆಯಲಿಲ್ಲ.
+ಆ ವೇಳೆಗೆ ಸ್ಕೂಟರ್‌ನ ಹೊರಗೆ ನಿಲ್ಲಿಸಿದ ಡಾ|| ನವೀನ್‌  "ಬೇಗ್ಬಾ,ನಂಗೂ ಬೇಗ ಹೋಗೋದಿದೆ" ಅವಸರಿಸಿದ.
+ನೀರದಳ ಜೊತೆ ಮಾತುಗಳೇ ಇಲ್ಲವೆನಿಸಿ ಬಿಟ್ಟಿತ್ತು ಅವನಿಗೆ.
+ಸ್ಕೂಟರ್‌ ಯುಗಂಧರ್‌ ಮನೆಯ ತಿರುವಿನಲ್ಲಿ ನಿಂತಿತ್ತು "ನಾನ್ಬರ್ತಿನಿ" ಸ್ಕೂಟರ್‌ ಸ್ಟಾರ್ಟ್‌ ಆಗಿ ಮರುಕ್ಷಣವೇ ಕಾಣೆಯಾಗಿ ಹೋಯಿತು.
+ಗೇಟು ತೆರೆದುಕೊಂಡು ಹೋಗಿ ಕಾಲಿಂಗ್‌ ಬೆಲ್‌ ಒತ್ತಿದಳು.
+ಇದು ಅವಳದೇ ಮನೆ.
+ಇಲ್ಲಿನವರು ಅವಳವರೇ.
+ಆದರೂ ಇಂದು ಈ ಬಾಗಿಲ ಮುಂದೆ ಒಬ್ಬ ಅಪರಿಚಿತಳಂತೆ ನಿಂತಿದ್ದಳು.
+ಬಾಗಿಲು ತೆರೆದ ಕೆಲಸದವಳು ಅಚ್ಚರಿ, ಸಂತೋಷದಿಂದ ಕಣ್ಣರಳಿಸಿ  "ಅಮ್ಮ ಚಿಕ್ಕಮ್ಮ ಅವ್ರು ಬಂದಿದ್ದಾರೆ" ದೊಡ್ಡ ಕೂಗು ಹಾಕಿಕೊಂಡು ಒಳಗೆ ಓಡಿದಾಗ,ವರಾಂಡದಲ್ಲಿ ಚಪ್ಪಲಿ ಬಿಟ್ಟು ಹಾಲ್‌ಗೆ ಹೋದಳು.
+ಕೈಯೊರೆಸುತ್ತ ಬಂದ ಮೃಣಾಲಿನಿ “ಓ ಚಾರುನ. . . . ಕೂತ್ಕೋ” ಎಂದು ರೂಮಿಗೆ ಹೋದವರು "ಚಾರು ಬಂದಿದ್ದಾಳೆ.
+ನೀವೇ ಹೊರ್ಗಡೆ ಬಂದು ಮಾತಾಡಿಸ್ತೀರಾ ಅಥ್ವಾ ನಾನೇ ಇಲ್ಲಿಗೆ ಕಳಿಸ್ಲಾ ?"ಉದ್ವಿಗ್ನರಾಗಿ ವಿಚಾರಿಸಿದರು.
+ಯುಗಂಧರ್‌ಗೆ ತಕ್ಷಣ ಏನು ಹೇಳಬೇಕೋ ತಿಳಿಯಲಿಲ್ಲ.
+ಕನ್ನಡಕ ಹಾಕಿಕೊಂಡು "ಕೆಲ್ಸದವ್ಳು ಬಂದು ನಿಲ್ಲುತ್ತಾಳೆ.
+ಇಲ್ಲಿಗೆ ನೀನೇ ಕರ್ಕೊಂಡ್ಬಾ.
+ನಂಗೆ ಏನು ಮಾತಾಡ್ಬೇಕೋ ಗೊತ್ತಾಗೋಲ್ಲ" ಎಂದರು ಸ್ವಲ್ಪ ಕಸಿವಿಸಿ ಅನುಭವಿಸುತ್ತ.
+ಅದನ್ನ ಚಾರುಲತೆಗೆ ಮುಟ್ಟಿಸಿ ಹೊರಗೆ ಹೋದರು ಲಗುಬಗೆಯಿಂದ.
+ಕುಕ್ಕರ್‌ನಲ್ಲಿಯೇ ಇದ್ದ ಇಡ್ಲಿಗಳನ್ನು ತಟ್ಟೆಗೆ ಹಾಕಿಕೊಂಡು, ಅದರೊಂದಿಗೆ ಎರಡು ಉದ್ದಿನವಡೆ ಸಾಂಬಾರ್‌, ಚಟ್ನಿ ತಂದು ಅವಳ ಮುಂದಿನ ಟೀಪಾಯಿ ಮೇಲಿಟ್ಟರು. 
+"ತಗೋ. . . . " ಅಂದರು ಅವಳ ಎದುರು ಗಂಡನ ಪಕ್ಕ ಕೂಡುತ್ತ ತಟ್ಟೆ ಮತ್ತು ಅವರ ಮುಖವನ್ನ ಬದಲಿಸಿ ಬದಲಿಸಿ ನೋಡುತ್ತ "ಎಲ್ಲಾ ಮುಗ್ಸಿಕೊಂಡ್ಬಂದೆ.
+ಮತ್ತೆ ತಿನ್ನೋಕ್ಕಾಗೋಲ್ಲ.
+ಒಂದೇ ಒಂದು ತಗೋತೀನಿ”ಎಂದು ತಟ್ಟೆಯನ್ನ ಅಡಿಗೆ ಮನೆಗೆ ಒಯ್ದು ಮಿಕ್ಕವನ್ನು ತೆಗೆದಿಟ್ಟು ಒಂದು ವಡೆ,ಒಂದು ಇಡ್ಲಿಯನ್ನ ಹಾಕಿಕೊಂಡು ಬಂದು ಅವರ ಮುಂದೆ ಕೂತಳು.
+"ಹೇಗಿದ್ದೀರಾ ?" ಯುಗಂಧರ್‌ನ ವಿಚಾರಿಸಿದಳು.
+“ಪರ್ವಾಗಿಲ್ಲ, ಹೃದಯ ಬಡಿತ ನಿಲ್ಲೋವರ್ಗೂ” ಅಂದರು.
+“ಎಲ್ಲರ ಸ್ಥಿತಿಯು ಅದೇ ! ಹಾಗೆಂದು ಅತ್ತೆ ಮನಸ್ಸು ಯಾಕೆ ನೋಯಿಸ್ತೀರಾ!
+ಈಗ ತುಂಬ ಆರೋಗ್ಯವಾಗಿ ಕಾಣ್ತೀರಾ" ಅವಳೇ ಒಂದು ಮಾತು ಹೇಳಿ,ತಿಂದು ಮುಗಿಸಿದ ತಟ್ಟೆಯನ್ನು ತೊಳೆಯಲು ಹಾಕಿ ಬಂದು ಕೈಯೊರೆಸುತ್ತ  "ಕುಡ್ಯೋಕೆ ಏನು ಬೇಡ" ಎಂದಳು.
+ಕರೆಸಿದ್ದಕ್ಕೆ ಕಾರಣ ಹೇಳಬೇಕಿತ್ತು.
+ದೇವರ ಮನೆಯಲ್ಲಿದ್ದ ಸರ, ಬಳೆಗಳನ್ನ ತಂದು ಅವಳ ಮುಂದಿನ ಟೀಪಾಯಿ ಮೇಲಿಟ್ಟು "ಇದ್ನ ಇಲ್ಲೇ ಬಿಟ್ಟೋಗಿದ್ದೆ" ಹೇಳಿದರು.
+ತನ್ನ ಹ್ಯಾಂಡ್‌ ಬ್ಯಾಗ್‌ನಲ್ಲಿದ್ದ ಜ್ಯೂಯಲ್‌ ಬಾಕ್ಸ್‌ನ ಹೊರ ತೆಗೆದು ಮುಚ್ಚುಳ ತೆರೆದು ಇವುಗಳನ್ನ ಅದರಲ್ಲಿಯೇ ಹಾಕಿ ಅಲ್ಲೇ ಇಟ್ಟಳು.
+"ದಯವಿಟ್ಟು ತಪ್ಪು ತಿಳ್ಕೋಬೇಡಿ.
+ನಾನು ಪೂಜಾಗೆ ಗಿಫ್ಟ್‌ ಆಗಿ ಕೊಟ್ಟರೇ ನೀವು ಅಹಂಕಾರ ಅಂತ ತಿಳ್ಕೋಬಹುದು.
+ಅವು ನೀವು ಹಾಕಿದ ಒಡ್ವೆಗಳು. 
+ಹೇಗೆ ತಿಳಿದುಕೊಂಡ್ರು. . . . ಅವು ಇಲ್ಲೀಯೇ ಉಳಿಯಬೇಕು.
+ಬರ್ತಿನಿ" ಎಂದವಳು  ಪೂಜಾಳ ರೂಮಿಗೆ ನುಗ್ಗಿ ಮ್ಯಾಗಜೀನ್‌ ತಿರುವತ್ತಿದ್ದವಳ ಕೈ ಹಿಡಿದುಕೊಂಡು "ಕಂಗ್ರಾಜುಲೇಷನ್‌.
+ನಿನ್ನ ಬಗ್ಗೆ ನಂಗೆ ಯಾವ್ದೇ ದುರುದ್ದೇಶವಿದ್ದಿಲ್ಲ.
+ಆಫೀಸ್‌ಗೆ ಹೊತ್ತಾಗುತ್ತೆ ಬರ್ತೀನಿ” ಅಂದವಳು ದೇವರ ಮನೆಗೆ ಹೋಗಿ ಕುಂಕುಮ ಹಚ್ಚಿಕೊಂಡು ಇಲ್ಲಿಗೆ ಬಂದ ಕೆಲಸ ಮುಗಿಯಿತೆಂದುಕೊಂಡು ತನ್ನ ಪಾಡಿಗೆ ತಾನು ಹೋದಳು.
+ಕೂತವರು ಅಲ್ಲಲ್ಲಿಯೇ ಗೊಂಬೆಗಳಾಗಿದ್ದರು.
+ಅವರಲ್ಲಿ ಚಲನೆ ಮೂಡಲು ಸಾಕಷ್ಟು ಸಮಯವೇ ಬೇಕಿತ್ತು.
+ಯುಗಂಧರ್‌ ತಾವು ವಿದ್ಯಾರ್ಥಿ ಜೀವನದಲ್ಲಿದ್ದಾಗ ನೋಡಿದ ಹಳೆಯ ಹಿಂದಿ, ತೆಲುಗು, ಕನ್ನಡ ಚಿತ್ರಗಳನ್ನು ಜ್ಞಾಪಿಸಿಕೊಂಡರು.
+ಒಡವೆಗಳಿಗಾಗಿ ಆಸೆ ಪಡುವ ಹೆಂಡತಿ, ಸೊಸೆಯರು,ಅತ್ತೆಯ ಮನೆಯಿಂದ ಹೊರ ದೂಡಿದಾಗ ಬಾಗಿಲಲ್ಲೇ ಮುದುರಿ ಅವರ ಪಾದದಡಿಯಲ್ಲಿ ಹೊರಳಾಡುವ ಯುವತಿಯರು ಪತಿಯೇ ಪರದೈವವೆಂದುಭಾವಿಸಿ ಎಲ್ಲಾ ಕಷ್ಟ ಕೋಟಲೆಗಳನ್ನ ಸಹಿಸಿ, ಕ್ಷಮಿಸಿ ತೆಪ್ಪಗೆ ಕಣ್ಣೀರು ಸುರಿಸುತ್ತಿದ್ದ ಹೆಣ್ಣುಗಳ ದುರಂತ ಚಿತ್ರಣ.
+ತೀರಾ ಗಯ್ಯಾಳಿ, ತೀರಾ ದುರ್ಬಲೆಯ ಪಾತ್ರಕ್ಕಿಂತ ಹೆಣ್ಣು ಹೀಗಿದ್ದರೇನೇ ಚೆನ್ನೆನಿಸಿತು.
+"ಶಭಾಷ್‌'" ಎಂದುಕೊಂಡರು.
+ಮಗನ ಪಾಲಿಗೆ ಬಂದ ಚಾರುಲತ ಸೌಭಾಗ್ಯವೆಂದುಕೊಂಡರು.
+"ನಾವು ಪುಣ್ಯ ಮಾಡಿದ್ದಿ " ಅಂದರು ತನ್ಮಯತೆಯಿಂದ.
+"ಹೌದು, ಈಗ ಗೊತ್ತಾಗುತ್ತೆ.
+ಚಾರುವಿಂದ ನಮ್ಮ ಕುಟುಂಬಕ್ಕೆ ಯಾವ್ದೇ ಅಪಾಯವಿಲ್ಲ.
+ಚೆನ್ನೈ ಸಂಪ್ರದಾಯಸ್ಥ ಜನ, ನಿಶ್ಚಿತ್ಯಾರ್ಥದ ದಿನ ಸೊಸೆ ಇಲ್ಲದಿದ್ದರೇ. . . . ಗೋವಿಂದ. 
+ತಿರುಪತಿ ಶ್ರೀನಿವಾಸ ನಮನ್ನ ಕಾಪಾಡ್ಬೇಕು" ಆತಂಕ ವ್ಯಕ್ತಪಡಿಸಿದರು ಮೃಣಾಲಿನಿ.
+"ಹಾಗೇನಾಗೋಲ್ಲ !ಸುಮ್ಮನಿರು" ಧೈರ್ಯ ನೀಡಿದರು.
+ಹೆಂಡತಿಗೇನೋ ಆರಾಮಾಗಿ ಧೈರ್ಯದ ಮಾತಾಡಿದರು.
+ಆದರೆ ಅವರ ಮನದಲ್ಲಿ ದಿಗಿಲಿತ್ತು.
+"ನಂಗಂತು ಧೈರ್ಯವಿಲ್ಲ.
+ಅಪ್ಪ, ಮಗ, ಮಗ್ಳುಗೆ ಸಾಕಷ್ಟು ಅವಮಾನ ಮಾಡಿದ್ದೀವಿ.
+ಈಗ ಅವ್ರಿಗೆ ಸಮಯ.
+ಅವರೇನಾದ್ರೂ ಪಟ್ಟು ಹಿಡ್ದು ಕೂತರೇ ಗತಿಯೇನು ?"
+ಹೆಂಡತಿಯ ಮಾತಿನಲ್ಲಿ ಸತ್ಯವಿತ್ತು.
+ಆದ್ದರಿಂದ ಮೌನವಹಿಸಿದರು.
+ನಿಶ್ಚಿತಾರ್ಥಕ್ಕೆ ಎರಡು ದಿನ ಇದೇ ಅನ್ನೋವಾಗಲೇ ಬಂದಿಳಿದ ಮೂರ್ತಿ.
+ಅವನಿಗಂತು ಸಂಭ್ರಮ, ಸಡಗರ.
+ಈಗ ಮತ್ತಷ್ಟು ಪೂಜಾ ಚೇತರಿಸಿಕೊಂಡಿದ್ದು ಸಂತಸದ ವಿಷಯವಾಗಿತ್ತು.
+ಮಧ್ಯಾಹ್ನದ ಊಟ ಮುಗಿಸಿ ಕೈ ತೊಳೆದು ಬಂದು ಮೂರ್ತಿ ತಂಗಿಯ ಕೈಯಲ್ಲಿನ ಪೇಪರ್‌ ಕಿತ್ಕೊಂಡು "ಒಂದಿಷ್ಟು ಹೋಗಿ ಮಲ್ಗು ಸಂಜೆ ಒಂದಿಷ್ಟು ಷಾಪಿಂಗ್‌ ಇದೆ.
+ನಿಂಗೆ ಏನೇನು ಬೇಕೋ, ಎಲ್ಲಾ ಲಿಸ್ಟ್‌ ಮಾಡಿಡು.
+ಅಪ್ಪ,ಮಧುಗೆ ಉಂಗುರ ಮಾಡ್ಲಿ ಹಾಕ್ತೀನೀಂದ್ರು.
+ನಾನೇ ಬೇಡಾಂದೆ.
+ಇಬ್ರೂ ಹೋಗಿ ಸೆಲೆಕ್ಟ್‌ ಮಾಡ್ಕೊಂಡ್‌ ಬರೋಣ" ಅದೇ ಪೇಪರ್‌ನಲ್ಲಿಯೇ ತಂಗಿಯ ತಲೆಯ ಮೇಲೊಂದು ಏಟು ಹಾಕಿದ.
+ಪೂಜಾ ಪೂರ್ತಿ ಸಪ್ಪಗಾಗಿ ಬಿಟ್ಟಳು.
+ಫೋನ್‌ನಲ್ಲಿ ಕೂಡ ಮಧು ಇವಳ ಅತ್ತಿಗೆಯನ್ನ ವಿಚಾರಿಸಿದ್ದ.
+ಅಂಥದ್ದರಲ್ಲಿ ಚಾರುಲತ ಇಲ್ಲದ್ದು ದೊಡ್ಡ ವಿಷಯವಾಗಬಹುದು.
+“ಅಪ್ಪ, ಚಾರುಲತ ಬರದಿದ್ದರೇ” ಅವಳು ಅನುಮಾನದ ಸ್ವರದಲ್ಲಿ ಕೇಳಿದಾಗ "ನಿನಗೇಕೆ ಅದೆಲ್ಲ ?
+ಇಲ್ಲದ್ದು ತಲೆಗೆ ಹಚ್ಕೋಬೇಡ" ಮೃಣಾಲಿನಿ ಮಗಳನ್ನ ಗದರಿಕೊಂಡರು.
+ಈಗ ಅವಳ ಮೇಲೆ ಕೋಪ ಬಂತು ಕೂಡ.
+"ಇಷ್ಟಕ್ಕೆಲ್ಲ ನೀನೇ ಕಾರಣ" ಎಂದು ಹಂಗಿಸಿ ಬಿಡಬೇಕೆನ್ನುವುದನ್ನ ತಡೆದರು.
+ಎದ್ದ ಮೂರ್ತಿ ತಾಯಿಯನ್ನ ರೂಮಿನಿಂದ ಹೊರಗೆ ಕರೆದೊಯ್ದು  "ಅವ್ಳ ಮೇಲೇಕೆ ಕೋಪ ಮಾಡ್ಕೋತೀರಿ.
+ಅವ್ಳ ಇಷ್ಟು ಚೇತದ್ಲಿ ಕೊಳ್ಳೋಕೆ ಎಷ್ಟೊಂದು ಕಷ್ಟಪಟ್ಟಿದ್ದೀವಿ" ಸಾಂತ್ವನಿಸಿದ ನಯವಾಗಿ.
+“ಮತ್ತೇನು ಮಾಡೂಂತೀಯಾ ?
+ಎಲ್ಲಾ ರಾಮಾಯಣಕ್ಕೂ ಇವ್ಳೇ ಕಾರಣ.”
+ಸ್ಪಷ್ಟವಾದ ಬೇಸರವಿತ್ತು ಆಕೆಯ ದನಿಯಲ್ಲಿ.
+ತಾಯಿಯ ಕೈ ಹಿಡಿದುಕೊಂಡು  "ಒಂದು ತಪ್ಪು ನಮ್ಮಿಂದ ಆಗಿದೆ.
+ಈಗ್ಲೂ ನಂಗೆ ತಪ್ಪು ಅನ್ನಿಸ್ತಾ ಇಲ್ಲ.
+ಚಾರುಲತ ಸ್ವಲ್ಪ ಗಟ್ಟಿ ಮನಸ್ಸು ಮಾಡಿದ್ದರೇ ಡಾ||ನವೀನ್‌ ನಮ್ಮಿಂದ ತಪ್ಪಿಹೋಗ್ತಾ ಇದ್ಲಿಲ್ಲ" ಇಟ್ಟ ಹೆಜ್ಜೆಯಿಂದ ಹಿಂದೆ ಸರಿಯಲಾರೆನು ಎನ್ನುವಂತೆ ಮಾತಾಡಿದ್ದು ಆಕೆಗೆ ಹಿಡಿಸಲಿಲ್ಲ.
+ಆಕೆ ಕೂಡ ಒಬ್ಬ ಹೆಣ್ಣು.
+"ಹೌದು,ಸುಮ್ಮನಿರಪ್ಪ ನಿಂಗೆ ನಿನ್ತಂಗಿ   ಅಪ್ಪ, ಅಮ್ಮ ಮುಖ್ಯವಾಗಿ ಅವ್ಳುನ ಹೊರಗಟ್ಟಿ ಬಿಟ್ಟೆ.
+ಅವ್ಳಿಗೂ ಅವಳಪ್ಪ, ಅಣ್ಣ ಮುಖ್ಯ ವಾಗೋಲ್ಟಾ?
+ಗಂಡಿಗಿಂತ ಹೆಣ್ಣಿನ ಅಂತಃಕರಣ ತೀರಾ ಮೃದು.
+ಇದ್ನ ಗಂಡಸರು ಯಾಕೆ ಅರ್ಥಮಾಡಿಕೊಳ್ಳೋಲ್ಲ.
+ಹೊಕ್ಕ ಮನೆಗಾಗಿ ಹುಟ್ಟಿದ ಮನೆನಾ ಸರ್ವನಾಶ ಮಾಡ್ಬಿಡ್ಬೇಕಾ ?
+ಸಾಕು ಸುಮನಿರೋ !
+ಪೂಜಾ ದೊಂಬರಾಟ, ನಿಮ್ಮಪ್ಪನ ಹಾರಾಟದಲ್ಲಿ ಚಾರು ದೊಡ್ಡ ಅಪರಾಧಿಯಾಗಿ ಕಂಡ್ಲು.
+ಜೀವಾವಧಿಯೇನು ಮರಣದಂಡನೆಗೆ ಗುರಿಯಾದ ಖೈದಿಯಂತೆ ನೋಡ್ದೆ.
+ಈಗ ನೋಡಿದ್ರೆ ಅವಳದೇನು ತಪ್ಪಿಲ್ಲ.
+ಬೇಡಾಂದ ಗಂಡಿಗೋಸ್ಕರ ಅಷ್ಟೆಲ್ಲ ಹಾರಾಟ ಯಾಕೆ ಬೇಕಿತ್ತು ?
+ಬರೀ ತಾನು ಹೇಳಿದ್ದು ನಡೀ ಬೇಕನ್ನೋ ಕೆಟ್ಟ ಹಟ ಪೂಜಾದು"ಗೊಣಗಿಕೊಂಡು ಹೋದರು.
+ಮೂರ್ತಿ ನಿಬ್ಬೆರಗಾಗಿ ನಿಂತ.
+ತಾಯಿ ಪೂರ್ತಿಯಾಗಿ ಸೊಸೆಯ ಪಕ್ಕ ನಿಂತಂತೆ ಕಂಡರೂ ಆದ ರಂಪ, ರಾಮಾಯಣ ನೆನಪಿಸಿಕೊಂಡ.
+ಬಂದವಳನ್ನ ನಾಯಿಯಂತೆ ಅಟ್ಟಿದ್ದ ಬಿಸಿಲಲ್ಲಿ.
+ಅಂದು ಕೂಡ ತಳಮಳವಿತ್ತು.
+ಕಾಲೇಜಿಗೆ ಹೋದವನು ಪಾಠ ಮಾಡಲಾರದೆ ಬಸ್ಸು ಸ್ಟಾಂಡ್‌ಗೆ ಹೋಗಿದ್ದ.
+ಬಸ್ಸು ಹೊರಟು ಹೋಗಿತ್ತು.
+ಕೋಪ ಬೇಸರವಿತ್ತು ಮಡದಿಯ ಮೇಲೆ.
+ಆದರೆ ಅವನೆದೆಯ ಪ್ರೇಮದ ಕಾರಂಜಿಯೇನು ಬತ್ತಿ ಹೋಗಿರಲಿಲ್ಲ.
+ಕೂಡಿ ಬದುಕಲೀ,ಬಿಡಲೀ ಅವಳೊಬ್ಬಳೆ ಅವನ ಪಾಲಿಗೆ ಹೆಣ್ಣು.
+ವರಾಂಡದಲ್ಲಿ ಕೂತು ಬಿಟ್ಟ ಮೌನವಾಗಿ.
+ರೂಮಿನೊಳಕ್ಕೆ ಬಂದ ನೀರದ  "ಒಂದು ರಿಜಿಸ್ಟರ್‌ ಪಾರ್ಸಲ್‌ ಬಂದಿದೆ ನಿಮ್ಮ ಹೆಸರಿಗೆ.
+ಚಾರು, ನಿಮ್ಮಿಂದ ನಂಗೊಂದು ಸಹಾಯ ಆಗ್ಬೇಕು" ಮುಂದಕ್ಕೆ ಕೂದಲನ್ನ ಹಾಕಿಕೊಂಡು ಜಡೆ ಹಣೆಯುತ್ತಿದ್ದವಳು ಕತ್ತನ್ನ ತಿರುಗಿಸಿ  ಸ್ವಲ್ಪ ಸರ್ಯಾಗಿ ವಿಚಾರಿಸ್ಬೇಕಿತ್ತು.
+"ನಂಗೆ ರಿಜಿಸ್ಟರ್‌ ಪಾರ್ಸಲ್‌ ಯಾರಿಂದ ಬರ್ಬೇಕು" ಎನ್ನುತ್ತಲೇ ಹೊರಗೆ ಬಂದಳು.
+ಕೊರಿಯರ್‌ ಹುಡುಗ ನಿಂತಿದ್ದ.
+ಅವನ ಕೈಯಲ್ಲಿನ ಪಾರ್ಸಲ್‌ ಪಡೆದು ತಿರುಗಿಸಿ ತಿರುಗಿಸಿ ನೋಡಿದಳು. 
+ಮಿಂಚೊಡೆದಂತಾಯಿತು ಹೃದಯದಲ್ಲಿ ಒತ್ತಿದ ಸುಂದರ ಅಕ್ಷರಗಳೇ.
+ನಡುಗುವ ಕೈಯಿಂದ ಸಹಿ ಹಾಕಿ ಪಡೆದುಕೊಂಡಳು.
+ಮಿದುಳು, ಮನಸ್ಸು ಏಕವಾದರೂ ಹೃದಯಕ್ಕೆ ಸೋಲಲೇ ಬೇಕಾಯಿತು.
+"ಹಲೋ, ಏನದು ?" ಸ್ಕೂಟರ್‌ ಹೊರಗೆ ನಿಲ್ಲಿಸುತ್ತಿದ್ದ ಡಾ।।ನವೀನ್‌ಬಂದ.
+"ಯಾರ್ದೂ ಪಾರ್ಸಲ್‌ ?
+ಹಾಗೆಲ್ಲ ತಗೋಬೇಡ, ಬಾಂಬ್‌ ಏನಾದ್ರೂ ಇಟ್ಟಿದ್ದಾರು.
+ನಾಳಿನ ಪೇಪರ್‌ನ ಮುಖ್ಯ ಸುದ್ಧಿಯಾಗೋದ್ಬೇಡ" ಅವಳ ಕೈಯಲ್ಲಿನ ಪಾರ್ಸಲ್‌ ತೆಗೆದುಕೊಂಡ.
+ಕೆಳಗೆ ಮೂರ್ತಿಯ ವಿಳಾಸ.
+ಅವನೆದೆ ಬಡಿತದ ವೇಗ ಎಷ್ಟು ಹೆಚ್ಚಿತೆಂದರೆ ಒಂದು ಅಂದಾಜುಗೆ ಬರದಾದ.
+ಸಂತೋಷವೋ, ಆವೇಗವೋ ಈ ಎರಡು ಅಲ್ಲದ ಅವಮಾನದ ಬೇಗೆಯೋ ? ಅವಳತ್ತ ತಿರುಗುವ ವೇಳೆಗೆ ಚಾರುಲತ ಇರಲೇ ಇಲ್ಲ,
+ಪ್ಯಾಕೆಟ್‌ ಹಿಡಿದು ಒಳ ಬಂದ.
+ಹಾಲ್‌ನಲ್ಲಿರಲಿಲ್ಲ ತಂಗಿ.
+ರೂಮಿನತ್ತ ಹೊರಟಾಗ ಬಂದ ನೀರದ "ಯಾರ್ದೂ ಪಾರ್ಸಲ್‌ ?" ಕೇಳಿದಳು.
+"ನಿನ್ನದಂತು ಖಂಡಿತ ಅಲ್ಲ" ಒಳ ನಡೆದ.
+ಹಿಂದಿನ ದಿನ ತನ್ನ ಸಂಬಳದಲ್ಲಿ ನೀರದ ಅತ್ತಿಗೆಗಾಗಿ ಎರಡು ಸೀರೆ ಖರೀದಿಸಿ ತಂದಿದ್ದರಿಂದ ತುಂಬ ಖುಷಿಯಾಗಿದ್ದಳು ನವೀನ್‌ನ ಹೆಂಡತಿ.
+ಅವಳಿಗೆ ಸೀರೆ, ಒಡವೆ ಎಲ್ಲಾ ಇಷ್ಟವೇ.
+ತಾಯಿಯ ಮನೆಯಲ್ಲಿ ಅಂಥದ್ದೆಲ್ಲ ಏನು ಇರಲಿಲ್ಲ.
+ಡಾ|| ನವೀನ್‌ನ ಮದುವೆಯಾಗುವ ಕನಸ್ಸಿನಲ್ಲಿ ಮುಖ್ಯ ವಾದುದ್ದು ಸೀರೆ, ಒಡವೆಗಳೇ.
+ಇಲ್ಲೂ ಯಥೇಚ್ಛವಾಗಿಯೇನು ಸಿಕ್ಕಿರಲಿಲ್ಲ.
+ಅದೊಂದು ಗೊಣಗು ಅವಳದು.
+ತಲೆ ಬಗ್ಗಿಸಿ ಮಂಚದ ಮೇಲೆ ಕೂತಿದ್ದ ಚಾರುಲತ ಮುಂದೆ ಪ್ಯಾಕೆಟ್‌  ಇಟ್ಟ  "ನಿನ್ನ ಹುಟ್ಟಿದ ಹಬ್ಬಕ್ಕೆ ಮೂರ್ತಿ ಉಡುಗೊರೆ ಕಳ್ಸಿದ್ದಾನೆ.
+ನಿನ್ನಂಥ ಮಡದಿಯನ್ನ ಮರೆಯೋಂಥ ಮೂರ್ಖ ಅವನೇನು ಅಲ್ಲ?
+ಎಂದವನು ಅವಳನ್ನ ಒಂಟಿಯಾಗಿ ಬಿಟ್ಟು ಹೊರಗೆ ಹೋದ."
+ಶಕುನದ ಹಕ್ಕಿ ಶುಭ ಹಾಡಿದಂತಾಯಿತು.
+ನೇರವಾಗಿ ಅಡಿಗೆ ಮನೆಗೆ ಬಂದ.
+ಕಾಯಿ ಹೋಳಿಗೆಗೆ ಕಣಕ ರೆಡಿ ಮಾಡುತ್ತಿದ್ದ ವಾಸುದೇವಯ್ಯ  "ಇವತ್ತೊಂದು ದಿನ ರಜ ಹಾಕೋಕೆ ಹೇಳು.
+ಎಲ್ಲರೂ ಒಟ್ಟಿಗೆ ಕೂತು ಊಟ ಮಾಡೋಣ.
+ಅವ್ಳಿಗೆ ಹೋಳಿಗೆ ಇಷ್ಟ.
+ಅದ್ಕೆ ಮಾಡ್ತಾ ಇದ್ದೀನಿ" ತಲೆಯೆತ್ತಿ ಹೇಳಿದರು.
+ಅಲ್ಲೇ ಇದ್ದ ಸ್ಟೂಲನ್ನ ತಂದೆಯ ಮುಂದಕ್ಕೆ ಎಳೆದುಕೊಂಡು ಕೂತ  "ಒಂದು ಒಳ್ಳೆ  ಸುದ್ಧಿ  ಮೂರ್ತಿ ಚಾರುಗೆ ಹುಟ್ಟಿದ ಹಬ್ಬದ ಪ್ರಸೆಂಟೇಷನ್‌ ಕಳ್ಸಿದ್ದಾನೆ.
+ಅವ್ರ ಮನೆಯವರು ಮಾಡಿದ ಅವಮಾನಕ್ಕೆ ಡೈವೋರ್ಸ್‌ ಕೊಡ್ಲಿ ಚಾರುಲತಗೆ ಇನ್ನೊಂದು ಮ್ಯಾರೇಜ್‌ ಮಾಡ್ಬಿಡೋಣಾಂತ ಅನ್ನಿಸುತ್ತೆ.
+ಅದು ಸಾಧ್ಯವಾಗ್ದು.
+ಅವ್ಳಿಗೆ ಇನ್ನೊಂದು ವಿವಾಹದ ಬಗ್ಗೆ ಆಸಕ್ತಿ ಇಲ್ಲ" ಎಂದು ಉಸುರಿದ ಅವನಲ್ಲಿ ರಾಜಿ ಧೋರಣೆ ಇತ್ತು.
+ಅವಳ ದಾಂಪತ್ಯ ಸರಿ ಹೋಗದ ಹೊರತು, ಡಾ||ನವೀನ್‌ ಸುಖಿಯಲ್ಲ.
+ವಾಸುದೇವಯ್ಯ ಕಣ್ಣುಗಳಲ್ಲಿ ಆನಂದ ಬಾಷ್ಪ ಇಣಕಿತು.
+ಅವಮಾನದ ಬಗ್ಗೆ ತಲೆ ಕೆಡಿಸಿಕೊಳ್ಳಲಾರರು.
+"ಅಹಂ" ಪ್ರತಿಷ್ಠೆಗಿಂತ ಅವರಿಗೆ ಮಗಳ ಭವಿಷ್ಯ ಮುಖ್ಯ.
+ಎಲ್ಲಾ ಒಳ್ಳೆದಾಗ್ಗಿ !ಮೂರ್ತಿ ಬಂದು ಕರೆದೊಯ್ದರೇ ನಂಗಿಂತ ಸುಖಿಯಾರಿಲ್ಲ.
+ಅಂಥ ದಿನ ಬರಲಿ  ಹೆಗಲ ಮೇಲಿನ ಚೌಕದಿಂದ ಕಣ್ಣೀರು ತೊಡೆದುಕೊಂಡರು.
+ಮತ್ತೆ ಡಾ।। ನವೀನ್‌ ರೂಮಿಗೆ ಬಂದಾಗ ಚಾರುಲತ ಅದೇ ಸ್ಥಿತಿಯಲ್ಲಿ ಕೂತಿದ್ದಳು.
+ಇನ್ನ ಪ್ಯಾಕೆಟ್‌ ಓಪನ್‌ ಆಗಿರಲಿಲ್ಲ.
+ತಾನೇ ಮೇಲಿನ ಬಣ್ಣದ ಕಾಗದ ಬಿಡಿಸಿ ರಟ್ಟಿನ ಕವರ್‌ ತೆಗೆದ.
+ಮೆರೂನ್‌ ಬಣ್ಣದ ಚೆಂದದ ರೇಶಿಮೆ ಸೀರೆ ಉಡುಗೊರೆಯಾಗಿ ಬಂದಿತ್ತು.
+ಹಿಂದಿನ ಸಂಜೆ ತಾನೇ ತಂಗಿಗಾಗಿ ಒಂದು ಸೀರೆ, ನೀರದಗಾಗಿ ಒಂದು ಸೀರೆ ಖರೀದಿಸಿ ತಂದಿದ್ದ.
+ಆದರೆ ಇಷ್ಟು ದುಭಾರಿಯಾದುದ್ದಲ್ಲ.
+“ಫೆಂಟಾಸ್ಟಿಕ್‌, ಮೂರ್ತಿ ಒಳ್ಳೆ ರಸಿಕ.
+ಈ ಸೀರೆಯುಟ್ಟರೇ ನೀನು ಚೆಂದದ ಗೊಂಬೆಯೇ.” ಸೀರೆಯನ್ನ ಹೊರತೆಗೆದ.
+ಅದರಡಿಯಲ್ಲಿ ಒಂದು ಚೀಟಿ ಇತ್ತು. 
+ಹರ್ಷಿತನಾದ. “ತಗೋ ಇದ್ನ ನಾನೇ ಓದಿ ಹೇಳ್ಲಾ ?
+ನೀನೇ ಓದ್ಕೋತೀಯಾ” ಹಾಸ್ಯ ಮಾಡಿದ.
+ಅತಿಯಾಗುವುದು ಬೇಡವೆಂದು ಚೀಟಿಯನ್ನ ಅವಳ ತೊಡೆಯ ಮೇಲಿಟ್ಟು ಹೊರಗೆ ಬಂದ.
+ಕಣ್ಣೀರು ಸುರಿಸಿ ಸಮಾಧಾನವಾದ ನಂತರವೆ ಚೀಟಿ ಬಿಡಿಸಿದ್ದು.
+"ನಿನ್ನ ಹುಟ್ಟು ಹಬ್ಬಕ್ಕೆ ನೂರು ಸಿಹಿ ಮುತ್ತುಗಳು."
+ ಪುಟ್ಟ ಒಂದು ಸಾಲಿನ ಒಕ್ಕಣೆಯ ಕೆಳಗೆ ಸಹಿ ಇತ್ತು.
+ಹಿಂದಿನ ದಿನ ಕಮಲ  "ನಿಂಗೆ, ಈಗ ಡಿಮ್ಯಾಂಡ್‌ ಬರೋ ಹಾಗಿದೆ.
+ಚೆನ್ಶೈ ಜನ ತೀರಾ ಸಂಪ್ರದಾಯಸ್ಥರು.
+ಈಗಾಗ್ಲೇ ಒಂದೆರಡು ಸಲ ನಿನ್ನ ಬಗ್ಗೆ ಪ್ರಶ್ನಿಸಿದ್ದಾರಂತೆ.
+ನೀನು ಬರದ್ದು ನೂರು ಪ್ರಶ್ನೆಗಳಿಗೆ ದಾರಿಯಾಗುತ್ತೆ.
+ಅದ್ಕೇ ನಿನ್ನ ಬಂದು ಕರ್ಕೊಂಡ್ಹೋಗ್ತಾರಂತೆ ಮೃಣಾಲಿನಿ ಅತ್ತೆ" ಹೇಳಿದ್ದು ನೆನಪಾಯಿತು.
+ಅದಕ್ಕೆ ಇದೊಂದು ಪೀಠಿಕೆಯಾ ?
+ಚೀಟಿಯನ್ನ ಸೀರೆಯ ಬಾಕ್ಸ್‌ನಲ್ಲಿ ಹಾಕಿ ತೆಗೆದಿಟ್ಟಳು.
+ಪ್ರೀತಿ, ಪ್ರೇಮ,ಸಂಬಂಧಗಳು ತೀರಾ ವ್ಯವಹಾರವಾದರೇ, ಅಲ್ಲೇನು ಉಳಿಯದೆನಿಸಿತು.
+ಎಷ್ಟು ಕಠಿಣವಾಗಿ ವರ್ತಿಸಿದ್ದ ಮೂರ್ತಿ.
+ಎಷ್ಟು ಕೆಟ್ಟದಾಗಿ ನಡೆದುಕೊಂಡಿದ್ದ.
+ಕಣ್ಣಿಂದ ಹರಿದ ಕಂಬನಿಯನ್ನೊರೆಸಿಕೊಂಡು ಹೊರ ಬಂದಾಗ ಡಾ।| ನವೀನ್‌  ಅಚ್ಚರಿಯಿಂದ ಕಣ್ಣರಳಿಸಿದ.
+ತಂಗಿ ಗಂಡ ಕಳಿಸಿದ ಸೀರೆಯುಟ್ಟು ಖುಷಿಯಿಂದ ಹೊರ ಬರುತ್ತಾಳೆಂದು ತಿಳಿದಿದ್ದು ತಪ್ಪಾಗಿತ್ತು.
+"ಹಾಯ್‌, ಚಾರು ಇಬ್ರೂ ರಜ ಹಾಕಿ ಮನೆಯಲ್ಲಿ ಉಳಿದ್ರೆ ಅಪ್ಪನ ಕೈಯ ಬಿಸಿ ಬಿಸಿ ಒಬ್ಬಟ್ಟು ತಿನ್ನಬಹುದು." ಉತ್ಸಾಹದಿಂದ ನಕ್ಕಾಗ ಕಿರು ನಗೆ ಬೀರಿದಳು
+"ನಿಂದು ಫೈವೇಟ್‌ ನರ್ಸಿಂಗ್‌ ಹೋಂ.
+ನಂದು ಕೂಡ ಪೈವೇಟ್‌ ಕಂಪನಿ,ಟೆಂಪರರೀ ಜಾಬ್‌.
+ರಜ ಹಾಕ್ಕೊಂಡ್‌ ಆಗಾಗ ಮನೆಯಲ್ಲಿ ಕೂತರೇ, ಅವ್ರು ಬೇರೆ ಡಿಸಿಷನ್‌ ತಗೋತಾರೆ.
+ಅದೆಲ್ಲ ಬೇಡ.
+ನಾನಂತೂ ಹೊರಟಿದ್ದೀನಿ."
+ಅಣ್ಣ, ತಂಗಿ ಬಾಗಿಲಿಗೆ ಬರುವ ವೇಳೆಗೆ ಯುಗಂಧರ್‌ ಕಾರುನಿಂದ ಕೆಳಗಿಳಿಯುತ್ತಿದ್ದರು.
+ಕ್ಷಣ ಅವನ ಅವುಡುಗಳು ಬಿಗಿಯಾಯಿತು.
+ಮರುಕ್ಷಣವೇ ಅದು ಸೌಜನ್ಯವಲ್ಲವೆನಿಸಿತು.
+"ಬನ್ನಿ. . . . . . " ಎಂದರು ಇಬ್ಬರು ಒಟ್ಟಿಗೆ.
+ಹೆಂಡತಿಯೊಂದಿಗೆ ಯುಗಂಧರ್‌ ಬಂದರು.
+ಹಾರ್ಟ್‌ ಅಟ್ಯಾಕ್‌ ನಂತರ ಇಂದೇ ಅವರು ಸ್ಟೀರಿಂಗ್‌ ವ್ಹೀಲ್‌ ಮುಂದೆ ಕೂತಿದ್ದು "ವಾಸುದೇವಯ್ಯ ಇದ್ದಾರ ?"ಕೇಳಿದರು.
+ಅವರ ದನಿಯಲ್ಲಿ ಸಹಜತೆ ಮೂಡಲಿಲ್ಲ.
+“ಇದ್ದಾರೆ” ತಂದೆಯನ್ನ ಕರೆಯಲು ಒಳಗೆ ಹೋದಳು ಚಾರುಲತ.
+ಅವಳ ನಿರ್ಧಾರ ಸ್ಪಷ್ಟವಾಗಿದ್ದರಿಂದ ಅವಳೇನು ವಿಚಲಿತಳಾಗಲಿಲ್ಲ.
+“ಯುಗಂಧರ್  ಪತ್ನಿಯೊಂದಿಗೆ ಬಂದಿದ್ದಾರೆ.
+ನೀವೇನು ಎಕ್ಸೈಟ್‌ ಆಗೋದ್ಬೇಡ.
+ಸಹಜವಾಗಿ ಮಾತಾಡಿಸಿದರೇ ಸಾಕು?” ಅವರ ಕೈ ಹಿಡಿದು ಹೇಳಿದಳು.
+ಬಹಳ ಅವಮಾನ ಅನುಭವಿಸಿದ್ದರು.
+ಅವರನ್ನ ಹೊರಗೆ ಕಳಿಸಿ ತಾನೇ ಕಾಫಿ ಹಿಡಿದು ಬಂದಳು.
+ಮೃಣಾಲಿನಿ ಎದ್ದು ಸೊಸೆಯ ಹಣೆಗೆ ಕುಂಕಮ ಹಚ್ಚಿ  "ಹ್ಯಾಪಿ ಬರ್ಟ್‌ ಡೇ, ನಿಂಗೆ ಗಿಫ್ಟ್‌ ಕಳ್ಸಿದ್ದಾಳೆ" ಒಂದು ಸ್ಯಾರಿ ಪ್ಯಾಕೆಟ್‌ ಅವಳ ಕೈಯಲ್ಲಿಟ್ಟರು.
+ಅದೇನು ಹಿತವಾದ ಸ್ಪರ್ಶವೆನಿಸಲಿಲ್ಲ ಅವಳಿಗೆ, ತಣ್ಣಗಿದ್ದಳು.
+"ಪೂಜಾ ಮದ್ವೆಯ ನಿಶ್ಚಿತಾರ್ಥ.
+ಎಲ್ಲಾ ನಾಳೆ ಅಲ್ಲಿಗೆ ಬಂದ್ಬಿಡ್ಬೇಕು" ಅಂದರು ಮತ್ತೊಮ್ಮೆ .
+ಡಾ|।ನವೀನ್‌ ಹ್ಞೂಗುಟ್ಟಿ ನಾಲ್ಕು ಹೆಜ್ಜೆ ಹಿಂದಕ್ಕೆ ಸರಿದ.
+ವಾಸುದೇವಯ್ಯ  "ಆಯ್ತು. . . . " ಎಂದರು.
+ಮನಗಳಲ್ಲಿನ ವಿಷಾದ ಕರಗಿ ಹೋಗಲು ಅದೇನು ಮಂಜಾ ?
+ಅದಕ್ಕೂ ಸೂರ್ಯನ ಬಿಸಿಲು ಸೋಕಬೇಕು.
+ಬಹಳ ಪ್ರಯತ್ನಪಟ್ಟರೂ ಯುಗಂಧರ್‌ನಿಂದ ಮಾತಾಡಲಾಗಲಿಲ್ಲ.
+"ಬೆಳಿಗ್ಗೆನೇ ಬಂದ್ಬಿಡ್ಬೇಕು" ಎಂದವರು ಮೇಲೆದ್ದರು.
+ಎಲ್ಲಾ ಕಲ್ಲಾಗಿದ್ದರು.
+ಏನೇ ಪ್ರಯತ್ನಿಸಿದರೂ ಪ್ರತಿಕ್ರಿಯಿಸಲಾಗಲಿಲ್ಲ.
+"ಚಾರುಲತನ ಕರ್ಕೊಂಡ್ಹೋಗ್ತೀವಿ" ಎಂದರು ಮೃಣಾಲಿನಿ.
+ಅಪ್ಪ, ಮಗ ಏನು ಮಾತಾಡಲಿಲ್ಲ.
+ಅವರಿಗೆ ಸಂತೋಷವೋ, ದುಃಖವೋ,ಸಂಭ್ರಮವೋ, ಇಲ್ಲ ಸ್ವಾಭಿಮಾನದ ಸತ್ವ ಪರೀಕ್ಷೆಯೋ ?
+"ನಿನ್ನ ಸೂಟುಕೇಸ್‌ ತಂದ್ಬಿಡಮ್ಮ ಎಂದು ಯುಗಂಧರ್‌ ಆಚೆ ಹೋದರು. 
+"ಈಗ್ಪಂದೆ. . . . "ಎಂದು ಒಳಗೆ ಹೋದ ಚಾರುಲತ ಮೂರ್ತಿಯಿಂದ ಬಂದ ಸೀರೆಯ ಪ್ಯಾಕೆಟ್‌ನ ಜೊತೆ ಹರಿಶಿನ, ಕುಂಕುಮ ತಾಂಬೂಲ ತಂದು ಕೊಟ್ಟಾಗ ಆಕೆ ಹುಬ್ಬೇರಿತು "ಇದೆಲ್ಲ ಈಗ ಯಾಕೆ" ಎಂದರು.
+"ನನ್ನ ಹುಟ್ಟಿದ ಹಬ್ಬ ಅಲ್ವಾ ?
+ನಿಮ್ಗೇ ಕೊಟ್ಟು ಆಶೀರ್ವಾದ ಪಡ್ಕೊಣಾಂತ" ಎಂದು ಅದನ್ನೆಲ್ಲ ಒಂದು ಪ್ಲಾಸ್ಟಿಕ್‌ ಕ್ಯಾರಿ ಬ್ಯಾಗ್‌ಗೆ ಹಾಕಿಕೊಟ್ಟು ಬಗ್ಗಿ ನಮಸ್ಕರಿಸಿ" ನಾಳೆ ನಿಶ್ಚಿತಾರ್ಥ ಒಂದೆರಡು ಗಂಟೆಗಳು ಇರೋವಾಗ್ಗೇ ಬರ್ತಿನಿ.
+ನೀವೇನು ಅದಕ್ಕೋಸ್ಕರ ತಲೆ ಕೆಡ್ಸಿ ಕೊಳ್ಳೋದ್ಬೇಡ.
+ನೀವು ಸಾಕಷ್ಟು ಸಲ ರಾಮಾಯಣ ಓದಿರಬೇಕು.
+ಸೀತೆ ಯಾರ ಸಹಾನುಭೂತಿನು ಅಪೇಕ್ಷಿಸೋಲ್ಲ.
+ಹೆಣ್ಣು ಕುಲಕ್ಕೆ ಮಾರ್ಗದರ್ಶಿ.
+ತುಂಬು ಬಸುರಿಯನ್ನ ರಾಮ ಯಾವುದೇ ಕಾರಣಕ್ಕೆ ಕಾಡಿಗೆ ಕಳುಹಿಸಿರಲೀ, ಪತಿಯ ಬಗ್ಗೆ ಗೌರವ ಇರಲೀ ಆದರೆ ಮತ್ತೆ ಪತಿಯೊಂದಿಗೆ ಸಂಸಾರ ಮಾಡಲು ಇಚ್ಛಿಸದೇ ಭೂಗರ್ಭ ಸೇರಿ ಹೋದಳು.
+ನಿಮ್ಗೆ ಅರ್ಥವಾಗಿರುತ್ತೆ ಅಂದ್ಕೊಂಡಿದ್ದೀನಿ.
+ನನ್ನಿಂದ ಪೂಜಾಗೆ ತೊಂದರೆಯಾಗೋಲ್ಲ.
+ನಾಳೆ ನಿಶ್ಚಿತಾರ್ಥಕ್ಕೂ ಬರ್ತಿನಿ.
+ಮದ್ವೆಯ ಮನೆಯಲ್ಲು ಓಡಾಡ್ತೀನಿ. 
+ಇಷ್ಟುಸಾಕು ಹೋಗ್ಬನ್ನಿ" ತಟ್ಟೆಯನ್ನ ಒಳಗೆ ಒಯ್ದಳು.
+ಅವಳ ನಿರ್ಧಾರ ಅಚಲವಾಗಿತ್ತು.
+ಕಾರು ಹೊರಟ ನಂತರವೇ ಹೊರಗೆ ಬಂದಿದ್ದು ಚಾರುಲತ.
+"ನಾನು, ಈ ವಿಷ್ಯದಲ್ಲಿ ನಿಮ್ಮಗಳ ಸಲಹೆ ಪಡೀಲಿಲ್ಲ.
+ದಾಂಪತ್ಯಕ್ಕೆ ಬೇಕಾಗಿರೋದು ಪ್ರೀತಿ, ಸಾಮರಸ್ಯ.
+ಒತ್ತಡಕ್ಕಾಗಿ, ವ್ಯವಸ್ಥೆಗಾಗಿ ಬೇರೆಯವರನ್ನ ಮೆಚ್ಚಿಸಲು ಸಾಧ್ಯವಿಲ್ಲ.
+ನನ್ನ ಕ್ಷಮಿಸಿಬಿಡಿ" ಎಂದು ಹೊರಗೆ ಹೋದಳು.
+ಅಪ್ಪ, ಮಗನ ಕಣ್ಣುಗಳಲ್ಲಿ ಮೂಡಿದ್ದು ಮೆಚ್ಚುಗೆಯಾದರೇ, ನೀರದ ಕಣ್ಣಲ್ಲಿ ಕಂಬನಿ.
+ಚಾರುಲತ ಅವಳ ಮುಂದೆ ಬಹಳ ಎತ್ತರಕ್ಕೆ ಬೆಳೆದಿದ್ದಳು.