కోవిడ్-19 వాక్సిన్

https://te.wikipedia.org/wiki/%E0%B0%95%E0%B1%8B%E0%B0%B5%E0%B0%BF%E0%B0%A1%E0%B1%8D-19_%E0%B0%B5%E0%B0%BE%E0%B0%95%E0%B1%8D%E0%B0%B8%E0%B0%BF%E0%B0%A8%E0%B1%8D

కోవిడ్-19 టీకా మనుషులలో కరోనావైరస్ 2 ని ఎదురుకోడానికి అవసరమైన 'అనుకూల రోగనిరోధక' శక్తిని అందిస్తుంది.
కోవిడ్ ‑ 19 మహమ్మారికి ముందే, కరోనావైరస్ల నిర్మాణం మరియు పనితీరు గురించి స్థిరమైన సమాచారం అందుబాటులో ఉంది, ఇది వివిధ వ్యాక్సిన్ సాంకేతికతల అభివృద్ధి ప్రక్రియను వేగవంతం చేసింది.
7 మే 2021 నాటికి ప్రపంచ వ్యాప్తంగా 14 టీకాలు ఆమోదం పొంది వాడుకలో, ఇంకా సుమారు 60 టీకాలు అభివృద్ధి దశలో ఉన్నాయి.
1 మే 2021 నాటికి, జాతీయ ఆరోగ్య సంస్థల అధికారిక నివేదికల ఆధారంగా ప్రపంచవ్యాప్తంగా 115 కోట్ల మోతాదుల కోవిడ్ ‑ 19 వ్యాక్సిన్ ఇవ్వబడింది.
8 మే 2021 నాటికి, భారత దేశంలో 16 కోట్ల మంది టీకా తీసుకున్నారు.
తెలంగాణలో 51 లక్షల మంది, ఆంధ్రప్రదేశ్ లో లక్ష మంది టీకా తీసుకున్నారు.
డిసెంబర్ 2020 నాటికి, 1,000 కోట్లకు పైగా వ్యాక్సిన్ మోతాదులను దేశాలు ముందుగానే బుక్ చేసుకున్నాయి, వీటిలో సగం ప్రపంచ జనాభాలో 14% ఉన్న అధిక-ఆదాయ దేశాలు కొనుగోలు చేసాయి.
జనవరి 2020 నుండి, బహుళజాతి ఔషధ పరిశ్రమల మరియు ప్రభుత్వాల మధ్య అపూర్వమైన సహకారం ద్వారా వ్యాక్సిన్ అభివృద్ధి వేగవంతం చేయబడింది.
కోఎలిషన్ ఫర్ ఎపిడెమిక్ ప్రిపేర్డ్‌నెస్‌ ఇన్నోవేషన్స్ (సెపీ) ప్రకారం, కోవిడ్‑19 వ్యాక్సిన్ అభివృద్ధి తొలి దశ కార్యకలాపాల భౌగోళిక పంపిణీ ఇలా ఉంది: ఉత్తర అమెరికా సంస్థలు 40%, ఆసియా ఆస్ట్రేలియాలలో 30%, ఐరోపాలో 26%, ఇంకా దక్షిణ అమెరికా, ఆఫ్రికాలో కొన్ని ప్రాజెక్టులలో పని జరిగింది.
కోవిడ్‑19 కోసం వ్యాక్సిన్‌ను రూపొందించే ఆవశ్యకత షెడ్యూల్ల కుదింపుకు దారితీసింది, ఇది ప్రామాణిక టీకా అభివృద్ధి కాలపరిమితిని తగ్గించింది.
సాధారణంగా వరసలో సంవత్సరాలు పట్టే ప్రక్రియను, కొన్ని కేసుల్లో క్లినికల్ ట్రయిల్ దశలను కలిపేసి నెలలకు తగ్గించారు.
కోవిడ్-19 వాక్సిన్ ని అభివృద్ధి చేసి దానిని ప్రపంచంలోని అందరికి అందించాలనే ఉద్దేశంతో ప్రపంచ ఆరోగ్య సంస్థ ఏప్రిల్ 2020లో "ఆక్సెస్ టు కోవిడ్-19 టూల్స్" (ఎ.సి.టి) అక్సిలరేటర్ ని ప్రారంభించింది, ఇది అందరికీ కోవిడ్-19 పరీక్షలు, చికిత్స, వాక్సిన్ అందించడానికి కృషి చేస్తుంది.
ఈ కార్యాన్ని డయాగ్నొస్టిక్స్, చికిత్స, వాక్సిన్ ("కోవాక్స్" అని కూడా పిలుస్తారు), ఆరోగ్య వ్యవస్థల సమన్వయ వ్యవస్థ అనే నాలుగు స్తంభాల కింద విభజించారు.
టీకా అభివృద్ధికి  తొలుత వైరస్‌ ఆకృతిని, డీఎన్‌ఏ లేదా ఆర్‌ఎన్‌ఏను గుర్తించాలి.
తర్వాత మనుషుల్లో ఆ వైరస్‌ ఎలా పనిచేస్తుందో పరీక్షలు చేస్తారు.
టీకాకు ప్రభుత్వ అనుమతులు రావాలంటే 3 దశల్లో మానవులపై విజయవంతంగా ప్రయోగించాలి.
ఒక్కో దశకు 6-8 నెలలు పడుతుంది.
ఈ దశలను అధిగమించి ముందుకు సాగే టీకాలు అతికొద్ది సంఖ్యలోనే ఉంటాయి.