diff --git a/Data Collected/Odia/IIIT-BH/Monolingual-corpora/vikaspedia.in/vikashpedia_health_odia177.txt b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia177.txt
new file mode 100644
index 0000000000000000000000000000000000000000..92919bf29edb86863fc0e46e638e918c8902ab62
--- /dev/null
+++ b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia177.txt	
@@ -0,0 +1,83 @@
+ମେଲେରିଆ
+ମୁଖ୍ୟ ସନ୍ଦେଶ
+ମେଲେରିଆ  ଗୋଟିଏ  ସାଂଘାତିକ  ରୋଗ ଓ  ଏହା  ମଶା  କାମୁଡାରୁ  ବ୍ୟାପିଥାଏ ।
+ପ୍ରତି  ବର୍ଷ  ସାରା  ପୃଥିବୀରେ ୩୦ ରୁ  ୫୦ କୋଟି  ଲୋକ  ମେଲେରିଆରେ  ଆକ୍ରାନ୍ତ  ହୋଇଥା’ନ୍ତି  ଏବଂ  ପ୍ରାୟ  ୧୦ ଲକ୍ଷ  ଶିଶୁ  ଏଥିରେ  ମରିଥା’ନ୍ତି ।
+ମେଲେରିଆ  ପ୍ରବଣ  ଅଞ୍ଚଳରେ  ଶିଶୁ  ମୃତ୍ୟୁ  ଏବଂ  ଦୁର୍ବଳ  ସ୍ଵାସ୍ଥ୍ୟର  ମୁଖ୍ୟ  କାରଣ  ହେଉଛି  ମେଲେରିଆ ।
+ମେଲେରିଆ  ଗର୍ଭବତୀ  ମହିଳାଙ୍କ  ପାଇଁ  ମଧ୍ୟ  ବହୁତ  ବିପଦଜନକ ।
+ଏହାଦ୍ୱାରା  ରକ୍ତହୀନତା , ଗର୍ଭପାତ , ମୃତଶିଶୁ ଜନ୍ମ , କମ୍ ଓଜନର  ଶିଶୁ  ଜନ୍ମ  ଏବଂ  ମାତୃମୃତ୍ୟୁ  ହୋଇଥାଏ ।
+ମେଲେରିଆର  ପ୍ରତିଷେଧକ  ଏବଂ  ଆଶୁ  ଚିକିତ୍ସା  ଦ୍ଵାରା  ଅନେକ  ଜୀବନ  ବଞ୍ଚାଯାଇ  ପାରିବ ।
+ଯାହା  ଜାଣିବା  ହେଉଛି  ପ୍ରତ୍ୟକ ପରିବାର  ଓ  ଗୋଷ୍ଠୀର  ଅଧିକାର
+୧. ମେଲେରିଆ  ମଶା  କାମୁଡାରୁ  ହୁଏ ।
+ଉପଯୁକ୍ତ  କୀଟନାଶକଯୁକ୍ତ  ମଶାରୀରେ  ଶୋଇଲେ  ମଶା  କାମୁଡାରୁ  ରକ୍ଷା  ମିଳିଥାଏ ।
+୨. ମେଲେରିଆ  ବ୍ୟାପିଥିବା  ଅଞ୍ଚଳରେ  ଶିଶୁଙ୍କ  ପ୍ରତି  ବହୁତ  ବିପଦ  ରହିଛି ।
+ଶିଶୁକୁ  ଜ୍ଵର  ହେବା  ମାତ୍ରେ  ଜଣେ  ପ୍ରଶିକ୍ଷିତ  ସ୍ୱାସ୍ଥ୍ୟକର୍ମୀଙ୍କ  ଦ୍ଵାରା  ପରୀକ୍ଷା  କରିବା  ଏବଂ  ଯେତେଶୀଘ୍ର  ସମ୍ଭବ  ମେଲେରିଆ  ରୋଗର  ଚିକିତ୍ସା  ଆରମ୍ଭ  କରିବା  ଜରୁରୀ ।
+୩. ଗର୍ଭବତୀ  ମହିଳାଙ୍କ  ପାଇଁ  ମେଲେରିଆ  ବହୁତ  ବିପଦଜନକ ।
+ଏହି  ରୋଗ  ବ୍ୟାପିଥିବା   ଅଞ୍ଚଳରେ  ସ୍ଵାସ୍ଥ୍ୟକର୍ମୀଙ୍କ  ପରାମର୍ଶ  ଅନୁସାରେ  ଗର୍ଭବତୀ  ମହିଳା  ମେଲେରିଆ  ଔଷଧ  ଖାଇବା   ଉଚିତ ।
+୪. ମେଲେରିଆ  ହୋଇଥିବା  ବା  ସେଥିରୁ  ଭଲ  ହୋଇଥିବା  ଶିଶୁକୁ  ଯଥେଷ୍ଟ  ପରିମାଣର  ଖାଦ୍ୟ  ଓ  ପାନୀୟ  ଦେବା  ଜରୁରୀ ।
+୫. ଗୋଷ୍ଠୀ ବା  ପରିବା  ମିଶି  ମଶାଙ୍କ  ସଂଖ୍ୟା  କମାଇବା  ଦିଗରେ  ଚେଷ୍ଟା  କରିପାରିବେ ।
+ମେଲେରିଆ  ମଶା   କାମୁଡାରୁ  ହୁଏ ।
+ଉପଯୁକ୍ତ  କୀଟନାଶକଯୁକ୍ତ  ମଶାରୀରେ   ଶୋଇଲେ  ମଶା  କାମୁଡାରୁ  ରକ୍ଷା  ମିଳିଥାଏ ।
+ଗୋଷ୍ଠୀର  ସମସ୍ତେ , ବିଶେଷ  କରି  ଶିଶୁ  ଓ  ଗର୍ଭବତୀ  ମହିଳାମାନେ , ମଶା  ଦାଉରୁ  ରକ୍ଷା  ପାଇବା  ଜରୁରୀ ।
+ପାହାନ୍ତା  ଓ  ସନ୍ଧ୍ୟା  ସମୟରେ  ବେଶୀ  ମଶା  ହେଉଥିବାରୁ  ସେତିକିବେଳେ  ସୁରକ୍ଷା  ବ୍ୟବସ୍ଥା  କରିବା  ଦରକାର ।
+ଉପଯୁକ୍ତ  କୀଟନାଶକରେ  ବୁଡା ଯାଇଥିବା  ମଶାରୀ , ପରଦା ଏବଂ  ବିଛଣାରେ  ମଶା  ବସିଲେ  ମରିଯାଆନ୍ତି ।
+ଏଥିପାଇଁ  ସ୍ଥାୟୀ  ଭାବରେ  ବା  ନିୟମିତ  ଭାବରେ  ବୁଡା  ଯାଉଥିବା  ସ୍ଵତନ୍ତ୍ର  ବିଛଣା , ମଶାରୀ  ବା ପରଦା  ବ୍ୟବହାର  କରିବା  ଉଚିତ ।
+ସାଧାରଣତଃ  ବର୍ଷାଦିନ  ଆରମ୍ଭରୁ  ବା  ପ୍ରତି  ଛଅମାସରେ  ଏବଂ  ତିନିଥର  ସଫା  କରିବା  ପରେ ମଶାରୀକୁ  ପୁଣି  ଥରେ  କୀଟନାଶକରେ  ବୁଡାଇବା  ଦରକାର  ହୁଏ ।
+ଏସବୁ  ବିଷୟରେ  ସ୍ୱାସ୍ଥ୍ୟକର୍ମୀ  କହିପାରିବେ ।
+ଶିଶୁ  ଓ ଛୋଟ  ପିଲା  ମଶାରୀ  ଭିତରେ  ଶୋଇବା ଜରୁରୀ ।
+ମଶାରୀ  ଯଦି  ବହୁତ  ଦାମ୍  ହୋଇଥାଏ  ତେବେ  ଗୋଟିଏ  ବଡ  ମଶାରୀ କିଣି  ସେଥିରେ  ଛୋଟ ପିଲାଙ୍କୁ  ଶୁଆଇବା ଦରକାର ।
+ମା’କ୍ଷୀର  ଖାଉଥିବା  ଛୋଟ  ଶିଶୁ  ମା’ ସହ ମଶାରୀ  ଶୋଇବା  ଆବଶ୍ୟକ ।
+ବର୍ଷସାରା  ଏପରିକି  ମଶା  ନଥିବା  ସମୟରେ  ବି ମଶାରୀ  ବ୍ୟବହାର   କରିବା  ଉଚିତ ।
+ମଶାରୀ  ବ୍ୟବହାର  କରି  ନପାରିଲେ  ଅନ୍ୟ  ଉପାୟ  କିଛି  ସାହାଯ୍ୟ  କରିପାରେ   :
+ଉପଯୁକ୍ତ  କୀଟନାଶକ  ଲଗା  ପରଦା , ଲୁଗା  କିମ୍ବା ଚାଦର  ଦୁଆର  ମୁହଁରେ  ଝୁଲାଇ  ରଖିବେ ।
+ଦୁଆର  ଓ  ଝରକାରେ  ପରଦା  ଲଗାଇବେ ।
+ମଶା  ଧୂପ  ବ୍ୟବହାର  କରିପାରିବେ ।
+ସନ୍ଧ୍ୟା  ହେବା  ମାତ୍ରେ ପୂରାହାତ  ଜାମା  ଓ ପୂରା ପ୍ୟାଣ୍ଟ  ପିନ୍ଧିବେ ।
+ବିଶେଷ  କରି  ଶିଶୁ ଓ  ଗର୍ଭବତୀ  ମହିଳାଙ୍କ  ପାଇଁ  ଏହା  ବହୁତ  ଗୁରୁତ୍ଵପୂର୍ଣ୍ଣ ।
+ମେଲେରିଆ  ବ୍ୟାପିଥିବା  ଅଞ୍ଚଳରେ   ଶିଶୁଙ୍କ  ପ୍ରତି  ବହୁତ  ବିପଦ  ରହିଛି ।
+ଶିଶୁକୁ  ଜ୍ଵର ହେବା  ମାତ୍ରେ  ଜଣେ  ପ୍ରଶିକ୍ଷିତ  ସ୍ଵାସ୍ଥ୍ୟକର୍ମୀଙ୍କ  ଦ୍ଵାରା  ପରୀକ୍ଷା  କରିବା  ଏବଂ  ଯେତେଶୀଘ୍ର  ସମ୍ଭବ  ମେଲେରିଆ  ରୋଗର  ଚିକିତ୍ସା  ଆରମ୍ଭ   କରିବା  ଜରୁରୀ ।
+ଘରେ  କାହାକୁ  ଜ୍ଵର  ହୋଇଥିଲେ  ବା  ଶିଶୁ  ଖାଇବାକୁ  ଇଚ୍ଛା  ନକରିବା , ବାନ୍ତି  କରିବା  ବା  ଘୁମାଇବା  ଆଦି  ଲକ୍ଷଣ  ଦେଖାଇଲେ  ତାକୁ  ମେଲେରିଆ  ହୋଇ  ଥାଇପାରେ ।
+ଶିଶୁକୁ  ମେଲେରିଆ  ଜ୍ଵର  ହୋଇଥିଲେ  ସାଙ୍ଗେ  ସାଙ୍ଗେ  ଜଣେ   ତାଲିମପ୍ରାପ୍ତ   ସ୍ଵାସ୍ଥ୍ୟକର୍ମୀଙ୍କ  ଦ୍ଵାରା  ମେଲେରିଆ  ଔଷଧ  ଦେବା  ଜରୁରୀ ।
+ମେଲେରିଆ  ହୋଇଥିବା  ଶିଶୁକୁ  ଦିନାକା  ଭିତରେ  ଚିକିତ୍ସା  ନକଲେ  ସେ  ମରିଯାଇପାରେ ।
+କେଉଁ ପ୍ରକାର  ଚିକିତ୍ସା  ଦରକାର  ଓ  ତାହା  କେତେ  ଦିନ  ଧରି  ଚାଲିବ  ସେ  ବିଷୟରେ  ଜଣେ  ସ୍ୱାସ୍ଥ୍ୟକର୍ମୀ  କହିପାରିବେ ।
+ମେଲେରିଆ  ହୋଇଥିବା  ଶିଶୁର  ଜ୍ଵର  ଛାଡି  ଆସୁଥିଲେ  ବି  ସେ  ପୂରା  ମାତ୍ରାର  ଔଷଧ  ଖାଇବା  ଜରୁରୀ ।
+ପୂରା  ଔଷଧ ନଖାଇଲେ ପରେ  ମେଲେରିଆ  ଆହୁରି  ସାଂଘାତିକ   ହୋଇପାରେ ଓ  ଚିକିତ୍ସା  କରିବା  କଷ୍ଟକର  ହୋଇପାରେ ।
+ଔଷଧ  ଦେଲା  ପରେ  ବି  ଯଦି  ମେଲେରିଆର  ଲକ୍ଷଣ  ରହିଥାଏ  ତେବେ  ଶିଶୁକୁ  ସାଙ୍ଗେ ସାଙ୍ଗେ  ଡାକ୍ତରଖାନା  ନେବା  ଆବଶ୍ୟକ ।
+ ଏହାର  ଅନ୍ୟ  କାରଣ  ଥାଇପାରେ  :
+ଶିଶୁ  ଯଥେଷ୍ଟ   ପରିମାଣର  ଔଷଧ  ଖାଉନାହିଁ
+ମେଲେରିଆ  ଛଡା  ଆଉ  କିଛି  ରୋଗ  ରହିଛି
+ଔଷଧ  ପ୍ରତିରୋଧି  ମେଲେରିଆ  ହୋଇଛି , ତେଣୁ  ଅଲଗା  ଔଷଧ  ଦରକାର ।
+ଜ୍ଵର  ହୋଇଥିବା  ଶିଶୁକୁ  ସମ୍ଭବ  ଥଣ୍ଡା  ରଖିବ :
+ଥଣ୍ଡା  ପାଣିରେ  ପୋଛିଦେଇ  ବା  ଗାଧୋଇ  ଦେଇ
+ଶିଶୁକୁ  ପତଳା   ଲୁଗା  ଘୋଡାଇଦେଇ ।
+ଗର୍ଭବତୀ  ମହିଳାଙ୍କ  ପାଇଁ ମେଲେରିଆ  ବହୁତ  ବିପଦଜନକ ।
+ଏହି  ରୋଗ  ବ୍ୟାପିଥିବା  ଅଞ୍ଚଳରେ  ସ୍ୱାସ୍ଥ୍ୟକର୍ମୀଙ୍କ  ପରାମର୍ଶ  ଅନୁସାରେ  ଗର୍ଭବତୀ  ମହିଳା  ମେଲେରିଆ  ଔଷଧ  ଖାଇବା  ଉଚିତ ।
+ଅନ୍ୟମାନଙ୍କ  ତୁଳନାରେ  ଗର୍ଭବତୀ  ମହିଳାଙ୍କୁ  ମେଲେରିଆ  ବେଶୀ  ସହଜରେ  ହୋଇଥାଏ ।
+ଗର୍ଭଧାରଣ  ବେଳେ , ବିଶେଷ  କରି ପ୍ରଥମ  ଗର୍ଭ  ସମୟରେ , ଏହି  ରୋଗ  ବହୁତ  ବିପଦଜନକ  ହୋଇପାରେ ।
+ଏହାଦ୍ୱାରା  ରକ୍ତହୀନତା , ଗର୍ଭପାତ , ଅବିକଶିତ  ବା  ମଲାଛୁଆ  ଜନ୍ମ  ହୋଇଥାଏ ।
+ମେଲେରିଆ  ହୋଇଥିବା  ମା’ର  ଶିଶୁ  ଜନ୍ମ  ବେଳେ  କମ୍  ଓଜନର  ହୋଇଥାଏ ।
+ତା’ର  ତେଣୁ  ପ୍ରଥମ  ବର୍ଷରେ  ସଂକ୍ରମଣ  ବା  ମୃତ୍ୟୁର  ସମ୍ଭାବନା  ଅଧିକ  ଥାଏ ।
+ଗର୍ଭବତୀ  ମହିଳା  ପରାମର୍ଶ  ଅନୁସାରେ  ମେଲେରିଆ  ଔଷଧ  ଖାଇବା  ଉଚିତ ।
+ସବୁ  ମେଲେରିଆ  ଔଷଧ  ଗର୍ଭବତୀ  ମହିଳାଙ୍କ  ପାଇଁ  ନିରାପଦ  ନୁହେଁ ।
+ନିରାପଦ  ଔଷଧ  ବିଷୟରେ   ସ୍ୱାସ୍ଥ୍ୟକର୍ମୀ  ସୂଚନା  ଦେଇପାରିବେ ।
+ମଶା  କାମୁଡାରୁ  ରକ୍ଷା  ପାଇବା  ପାଇଁ  ଗର୍ଭବତୀ  ମହିଳା  ନିୟମିତ  ମଶାରୀ  ଭିତରେ  ଶୋଇବା  ଜରୁରୀ ।
+ମେଲେରିଆର  ଲକ୍ଷଣ  ଦେଖାଯିବା  ମାତ୍ରେ  ମୃତ୍ୟୁ  ରୋକିବା  ପାଇଁ  ଗର୍ଭବତୀ  ମହିଳାଙ୍କୁ  ସାଙ୍ଗେ  ସାଙ୍ଗେ  ଚିକିତ୍ସା  କରିବା  ଆବଶ୍ୟକ ।
+ମେଲେରିଆ  ହୋଇଥିବା  ଗର୍ଭବତୀ  ମହିଳା  ସ୍ଵାସ୍ଥ୍ୟକର୍ମୀଙ୍କ  ପାଖରୁ  ଜୀବସାର କ ଓ ଲୁହା  ବଟିକା  ଖାଇବା  ଆବଶ୍ୟକ ।
+ଖାଦ୍ୟ  ଓ  ପାନୀୟ
+ମେଲେରିଆ  ହୋଇଥିବା  ବା  ସେଥିରୁ  ଭଲ  ହୋଇଥିବା  ଶିଶୁକୁ  ଯଥେଷ୍ଟ  ପରିମାଣର  ଖାଦ୍ୟ  ଓ  ପାନୀୟ  ଦେବା  ଜରୁରୀ ।
+ମେଲେରିଆ  ହେଲେ  ଶିଶୁର  ଅନେକ  ଶକ୍ତି  ଅପଚୟ  ହୋଇଥାଏ  ଓ ଦେହରୁ  ଜଳୀୟ  ଅଂଶ  ଚାଲିଯାଏ ।
+ଏଥିପାଇଁ  ଶିଶୁକୁ  ଯଥେଷ୍ଟ  ପରିମାଣର  ଓ  ବାରମ୍ବାର  ଖାଦ୍ୟ  ପାନୀୟ  ଦେବା  ଜରୁରୀ ।
+ଅନେକ  ଥର  ମା’କ୍ଷୀର  ଦେଲେ  ଜଳଶୂନ୍ୟତା  ହୋଇନଥାଏ  ଏବଂ  ମେଲେରିଆ  ଭଳି  ରୋଗ  ବିରୁଦ୍ଧରେ  ଲଢିବା  ପାଇଁ  ଶକ୍ତି  ମିଳିଥାଏ ।
+ମେଲେରିଆ  ହୋଇଥିବା  ଶିଶୁ  ଯେତେ  ଥର  ସମ୍ଭବ  ମା’କ୍ଷୀର  ଖାଇବା  ଉଚିତ ।
+ଗୋଷ୍ଠୀ  ଓ  ପରିବାର  ମିଶି  ମଶାଙ୍କ  ସଂଖ୍ୟା  କମାଇବା  ଦିଗରେ  ଚେଷ୍ଟା  କରିପାରିବେ ।
+ବାରମ୍ବାର  ମେଲେରିଆ  ହେଲେ  ଶିଶୁର  ବୃଦ୍ଧି  ଓ  ମସ୍ତିସ୍କର  ବିକାଶ  ବାଧା  ପାଇଥାଏ ।
+ରକ୍ତହୀନତା  ମଧ୍ୟ  ହୋଇଥାଏ ।
+ଅନେକ  ଥର  ମେଲେରିଆ  ହୋଇଥିବା  ଶିଶୁକୁ  ରକ୍ତହୀନତା  ପାଇଁ  ପରୀକ୍ଷା  କରିବା  ଦରକାର ।
+ପୋଖରୀ , ସନ୍ତସନ୍ତିଆ ଜମି , ନାଳ , ଖାଲୁଆ  ଅଞ୍ଚଳ  ଏବଂ  ଲମ୍ବା  ଘାସ  ଓ  ବୁଦାରେ  ଥିବା  ଜଳୀୟ  ଅଂଶ  ଆଦିରେ  ମଶା  ବଢିଥା’ନ୍ତି ।
+ଝରଣା  କୂଳ , ପାଣି ଟାଙ୍କି , ଧାନ  ଜମି  ଆଦିରେ   ମଧ୍ୟ  ଏମାନେ   ବଢନ୍ତି ।
+ମଶାଙ୍କ  ସଂଖ୍ୟା  କମିପାରିବ :
+ପାଣି  ଜମି  ରହୁଥିବା  ଅଞ୍ଚଳକୁ   ପୋତି  ଦେଇ  ବା  ନାଳ  କାଟି  ପାଣି  ବାହାର  କରିଦେଲେ
+ପାଣି  ଟାଙ୍କିକୁ  ଢାଙ୍କି  ରଖିଲେ
+ଘର  ଚାରିପାଖରୁ  ଅନାବନା  ଘାସ ବୁଡା  ସଫା  କରିଦେଲେ
+ସାରା  ଗୋଷ୍ଠୀକୁ   ମେଲେରିଆ  ପ୍ରଭାବିତ  କରିଥାଏ ।
+ତେଣୁ  ସମସ୍ତେ  ଏକାଠି  ମିଶି  ମଶା  ବଢିବା  ଜାଗାକୁ  ସଫା  କରିପାରିବେ  ଏବଂ  ନିୟମିତ  ଭାବରେ  ମଶାରୀକୁ  କୀଟନାଶକରେ  ବୁଡାଇପାରିବେ ।
+ମେଲେରିଆ  ନିରାକରଣ  ଓ ନିୟନ୍ତ୍ରଣ  ପାଇଁ  ଗୋଷ୍ଠୀ  ସେ  ଅଞ୍ଚଳର  ସମସ୍ତ  ସ୍ୱାସ୍ଥ୍ୟକର୍ମୀ  ଓ  ରାଜନୈତିକ  ନେତାଙ୍କ  ସହାୟତା  ନେବେ ।