diff --git a/Data Collected/Odia/IIIT-BH/Monolingual-corpora/vikaspedia.in/vikashpedia_health_odia132.txt b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia132.txt
new file mode 100644
index 0000000000000000000000000000000000000000..e50ce4ffd0d3dd5cea7b4c7fcb349b9967de6c10
--- /dev/null
+++ b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia132.txt	
@@ -0,0 +1,53 @@
+କର୍କଟ ରୋଗ ନିରାକରଣ କ୍ଷେତ୍ରରେ ଖାଦ୍ୟର ଭୂମିକା
+ଉପକ୍ରମ
+ଶରୀର  କୋଷଗୁଡ଼ିକର  ଅନିୟନ୍ତ୍ରିତ  ଅଭିବୃଦ୍ଧିକୁ  କର୍କଟ  ରୋଗ  କୁହାଯାଏ ।
+ପ୍ରତ୍ୟକ  ଜୀବକୋଷ  ଏକ  ନିର୍ଦ୍ଧିଷ୍ଟ  ନିୟମରେ  ବଢେ ଓ  ମୃତ୍ୟୁବରଣ   କରେ ।
+କର୍କଟ  କୋଷଗୁଡିକର  କ୍ଷୟ  ନ ହୋଇ  ଅଭିବୃଦ୍ଧି  ଘଟିଥାଏ ।
+ସୁସ୍ଥ  କୋଷ  ମଧ୍ୟରେ  ଥିବା  ଡି. ଏନ୍. ଏ. ର  କ୍ଷତି  ହେଲେ  ଏବଂ  ସ୍ଵାଭାବିକ ଅବସ୍ଥାରେ  ନ  ରହିପାରିଲେ  କର୍କଟ  ରୋଗ  ହୁଏ ।
+କ୍ଷତିଗ୍ରସ୍ତ  ଡି. ଏନ୍. ଏ. ପିତାମାତାଙ୍କ  ଠାରୁ  ପିଲାଙ୍କ ଶରୀରକୁ  ଆସିଥାଏ ।
+ଅସ୍ଵାସ୍ଥ୍ୟକର   ଖାଦ୍ୟ  ଧୂମପାନ , ମଦ୍ୟପାନ , ଅତ୍ୟଧିକ  ମେଦବୃଦ୍ଧି , ବ୍ୟାୟାମ୍  ଅଭାବ  ଓ  ଅତ୍ୟାଧୁନିକ  ଜୀବନଯାପନ  ଶୈଳୀ  କର୍କଟ  ରୋଗୀଙ୍କ  ସଂଖ୍ୟା  ବୃଦ୍ଧିରେ  ଅନ୍ୟତମ  କାରଣ ।
+ପଚାଶ  ପ୍ରତିଶତରୁ  ଅଧିକ  ମହିଳା  କର୍କଟ  ରୋଗର  ଶିକାର  ହୋଇଥାନ୍ତି ।
+୫୫  ବର୍ଷ  ପରେ  ୭୭ ପ୍ରତିଶତ  ବ୍ୟକ୍ତି  ଏହି  ରୋଗ  ଶିକାର  ହେଉଥିବା  ଦେଖିବାକୁ  ମିଳିଥାଏ ।
+ପ୍ରଖର  ସୂର୍ଯ୍ୟକିରଣ  ଚର୍ମ  କର୍କଟ  ରୋଗ  ସୃଷ୍ଟି  କରେ ।
+ଯେଉଁ  କ୍ଷେତ୍ରରେ  କର୍କଟ  ରୋଗ  ବଂଶଗତ  ସେ  କ୍ଷେତ୍ରରେ  ଠିକଣା  ସମୟରେ  ଚିହ୍ନଟ   କରି  ଚିକିତ୍ସା  ବିଧାନ  କରିବା  ଉଚିତ ।
+ସବୁଜ  ତଥା  ସତେଜ  ପନିପରିବାରେ  କର୍କଟ  ରୋଗ  ପ୍ରତିହତ  କରିବାର  ଗୁଣ  ରହିଛି ।
+କେଉଁ  କର୍କଟ  ରୋଗ  ପାଇଁ  କେଉଁ  ପାରିବା   ଉପକାରୀ  ସେ  ସମ୍ପର୍କରେ   ନିମ୍ନରେ  ଉଲ୍ଲେଖ  ରହିଛି ।
+ସ୍ତନ  କର୍କଟ
+ଇଷ୍ଟ୍ରୋଜେନ୍ ’ ନାମକ  ଏକ  ହରମୋନ  ସହିତ  ଏହି  ରୋଗର  ସମ୍ପର୍କ  ରହିଛି ।
+ଆମେରିକାରେ  ପ୍ରତି  ୯ ମହିଳାଙ୍କ   ମଧ୍ୟରୁ ଜଣେ  ଏହି  ରୋଗରେ  ପୀଡିତ  ହୋଇଥାନ୍ତି ।
+‘ ଇଷ୍ଟ୍ରୋଜେନ୍ ’ ର  ଗୁଣ  ନଷ୍ଟ   କରିବା  ପାଇଁ  ସ୍ତନ  କର୍କଟରେ   ‘ଟାମ୍ କ୍ସିଫେନ୍ ’  ଔଷଧ  ବ୍ୟବହାର   କରାଯାଇଥାଏ ।
+କେତେକ  ଖାଦ୍ୟ  ପଦାର୍ଥରେ  ଏହି  ରାସାୟନିକ  ପଦାର୍ଥ  ଥିବାରୁ  ସେସବୁ   ଖାଇଲେ  ଉପକାର  ମିଳିଥାଏ ।
+ଋତୁସ୍ରାବ   ବନ୍ଦ  ହେବା  ପରେ  ଇଷ୍ଟ୍ରୋଜେନ୍  ପରିମାଣ  ହ୍ରାସ   ପାଇଥାଏ ।
+ମେଦବୃଦ୍ଧିର  ଶିକାର  ହୋଇଥିବା  ମହିଳାମାନଙ୍କ  ଶରୀରର  ଅତ୍ୟଧିକ  ଚର୍ବି  କୋଷ  ଏହି  ହରମୋନ  କ୍ଷରଣ  ବୃଦ୍ଧି  କରାଇଥାଏ ।
+ଫଳରେ  ସେମାନେ  ସ୍ତନ  କର୍କଟ  ରୋଗରେ  ଶିକାର  ହୋଇଥାନ୍ତି ।
+ଯୌବନରେ   ଯେଉଁମାନଙ୍କ  ଶରୀରରେ   ଅତ୍ୟଧିକ  ଇଷ୍ଟ୍ରୋଜେନ୍  ତିଆରି   ହୁଏ , ସେମାନେ  ସ୍ତନ  କର୍କଟ   ରୋଗରେ  ଶିକାର  ହେବା  ଆଶଙ୍କା  ଅଧିକ ।
+ଆମେରିକାର  ଆଲବାମା   ବିଶ୍ଵବିଦ୍ୟାଳୟରେ  ପ୍ରଫେସର  ଷ୍ଟିଫେନ  ବାର୍ଡସଙ୍କ  ମତରେ  ସୋୟାବିନ  ନିୟମିତ  ଖାଇଲେ   ସ୍ତନ  କର୍କଟ   ରୋଗ  କୋଷର  ଅଭିବୃଦ୍ଧି  ହୁଏ  ନାହିଁ ।
+ଏହା  ଟାମକ୍ସିଫେନ୍ ର  ବିକଳ୍ପ  ଭାବେ  କାର୍ଯ୍ୟ  କରିଥାଏ ।
+ନିୟମିତ  ସୋୟା  ମିକ୍ସ  ପାନ   କଲେ  ଶରୀରର   ଇଷ୍ଟ୍ରୋଜେନ୍  ପରିମାଣ  ହ୍ରାସ   ପାଇଥାଏ ।
+କର୍କଟ  କୋଷର  ଉପର  ପର୍ଦ୍ଦା ଦେଇ  ଇଷ୍ଟ୍ରୋଜେନ୍  ଭିତରକୁ  ପ୍ରବେଶ   କରେ   ଏବଂ  ଏହାର  ଅଭିବୃଦ୍ଧିରେ  ସାହାଯ୍ୟ   କରିଥାଏ ।
+ସୋୟାବିନ  ଏଥିରେ  ପ୍ରତିବନ୍ଧକ  ସୃଷ୍ଟି  କରିଥାଏ ।
+ନିୟମିତ  ସୋୟାବିନ  ଖାଇଲେ  ପୁରୁଷମାନେ   ପ୍ରୋଷ୍ଟେଟ୍  କର୍କଟ  ରୋଗ  ଶିକାର  ହେବା  ଆଶଙ୍କା  ହ୍ରାସ  ପାଇଥାଏ ।
+ସମୁଦ୍ର  ମାଛ ଓ ଏହାର  ତେଲରେ  ପ୍ରଚୁର  ପରିମାଣରେ  ଭିଟାମିନ ‘ ଡି ’ ଓ ‘ ସି ’ ଥିବାରୁ  ଶରୀର  ପାଇଁ  ଏହା   ଉପକାରୀ ।
+ଦୈନିକ  ୩୮୦ ମିଳିଗ୍ରାମ୍ ରୁ  ଅଧିକ  ଭିଟାମିନ - ‘ ସି ’ ଖାଇଲେ  ସ୍ତନ  କର୍କଟ  ରୋଗ ହାର  ୩୫ ପ୍ରତିଶତ  ହ୍ରାସ  ପାଇଥାଏ ।
+ତେଲ , ମାଂସ , ଅଣ୍ଡା  ଅଧିକ  ଖାଇଲେ  କର୍କଟ  ରୋଗ  ଆଶଙ୍କା  ଅଧିକ  ବୃଦ୍ଧି  ପାଇଥାଏ ।
+ମଦ୍ୟପାନ  କର୍କଟ  ରୋଗ  ପାଇଁ  ଅନୁକୂଳ , ଏସବୁ  ବିଚାର  କରି  ପ୍ରଚୁର  ପରିମାଣରେ  ସୋୟାବିନ , ସମୁଦ୍ର  ମାଛ  ଓ  ଭିଟାମିନ୍ – ସି  ଯୁକ୍ତ  ଖାଦ୍ୟ  ଖାଇଲେ   ସ୍ତନ  କର୍କଟ  ରୋଗ  ପ୍ରତିହତ   କରିବାରେ   ସହାୟତା   ମିଳିବ ।
+ବୃହଦନ୍ତ୍ର  କର୍କଟ  ରୋଗ
+ପ୍ରତିବର୍ଷ   ଆମେରିକାରେ  ଏହି  ରୋଗରେ  ଏକ  ଲକ୍ଷ ଦଶ ହଜାର  ବ୍ୟକ୍ତି  ଆକ୍ରାନ୍ତ  ହୋଇଥାଆନ୍ତି ।
+ସେମାନଙ୍କ ମଧ୍ୟରୁ ୫୦ ହଜାରଙ୍କର  ମୃତ୍ୟୁ  ଘଟିଥାଏ ।
+ଅଧିକ  ଚର୍ବିଜାତୀୟ  ଖାଦ୍ୟ , ମଦ୍ୟପାନ , ଓ  ମାଂସ  ଭକ୍ଷଣ  ଏହାର  କାରଣ ।
+ବନ୍ଧାକୋବି , ଫୁଲକୋବି , ବ୍ରୋକଲି , ଘୋଳଦହି , ସମୁଦ୍ର  ମାଛ , ତନ୍ତୁ  ଜାତୀୟ   ଖାଦ୍ୟ  ସହିତ  ପିଆଜ , ରସୁଣ , ବିଲାତି  ବାଇଗଣ  , କାଲସିଅମ ଓ  ଭିଟାମିନ – ଡି  ଏହି  ରୋଗ  ପ୍ରତିରୋଧ  କରିପାରେ ।
+ତନ୍ତୁରେ   ଥିବା  ପେକ୍ଟିନ , ସେଓ  , ନାସପାତି , ପିଜୁଳି , କମଳା, କଦଳୀ , ମୂଳା , ଗାଜର , ବିନ୍ ଆଦି  ପରିବାରେ   ଅଧିକ  ଥାଏ ।
+ଏହା  କର୍କଟ  କୋଷ  ଅଭିବୃଦ୍ଧି  ପ୍ରତିହତ  କରିଥାଏ ।
+ଘୋଳ  ଦହିରେ  ଥିବା  ଲାକ୍ଟୋବେସିଲସ୍ ବୃହଦନ୍ତ୍ରର  କୋଷରେ   ଥିବା  ଡି.ଏନ୍.ଏ ର  କ୍ଷତି  ଘଟିବାକୁ  ଦିଏ  ନାହିଁ ।
+ପାକସ୍ଥଳୀ  କର୍କଟ  ରୋଗ
+ଖାଦ୍ୟର  କୁପ୍ରଭାବରେ  ପାକସ୍ଥଳୀ ରେ  ଘା ’ ହୋଇଥାଏ ।
+ଅଧିକ  ତେଲ  ମସଲାଯୁକ୍ତ  ଖାଦ୍ୟ , ମାଂସ  ଖାଇବା  ସହିତ  ମଦ୍ୟପାନ  ଏହି  ରୋଗର  କାରଣ  ହୋଇଥାଏ ।
+ପାକସ୍ଥଳୀରେ  ସୃଷ୍ଟି  ହୋଇଥିବା  ଘା ’ ପରବର୍ତ୍ତୀ  ସମୟରେ   କର୍କଟ  ରୋଗର  ରୂପ  ନିଏ ।
+ମାଂସକୁ  କୋଇଲା  ନିଆଁରେ  ପୋଡି  ଖାଇଲେ  ଏପରି ରୋଗରେ  ପୀଡିତ  ହେବା  ଆଶଙ୍କା  ଅଧିକ ।
+ପିଆଜ ଓ  ରସୁଣ  ଖାଇବା  ଦ୍ଵାରା  ଏ  ଧରଣର  କର୍କଟ  ରୋଗର  ଶିକାର  ହେବା  ଆଶଙ୍କା  ୪୦ ପ୍ରତିଶତ  ଦୂର  କରିଥାଏ ।
+ପିଆଜ ଓ ରସୁଣରେ  ଥିବା  ଆଲାଇଲ୍  ପ୍ରୋପାଇଲ୍  ଡାଇସଲ୍ ଫାଇଡ   କର୍କଟ  ରୋଗ  ନଷ୍ଟ  କରିବାରେ  ସାହାଯ୍ୟ  କରେ ।
+ପ୍ରତିଦିନ  ତିନି  ଆଉନ୍ସ  ପିଆଜ  ତଥା  ‘ ହେଲିକୋବାକ୍ଟର ’ ନାମକ  ଜୀବାଣୁ  ଘା ’ ସୃଷ୍ଟି  କରିଥାଏ ।
+ରସୁନର  ଏହି  ଜୀବାଣୁ  ନଷ୍ଟ  କରିବାର  ଶକ୍ତି  ରହିଛି ।
+ଆମ ସମାଜରେ  ବିଧବାମାନଙ୍କୁ   ପିଆଜ   ରସୁଣ   ଖାଇବା   ନିଷେଧ ।
+ସେମାନେ   ଅଦା , ଡାଲଚିନି , ଲବଙ୍ଗ  , ଗୁଜୁରାତି   ଖାଇଲେ  ଉପକାର  ପାଇପାରିବେ ।
+ତେବେ  ବିଧବାମାନଙ୍କ  ପାଇଁ  ଆମ  ଧର୍ମରେ  ପିଆଜ  ରସୁଣ   ଖାଇବା  ବାରଣ   କରାଯିବା  ଉପରେ  ବିତର୍କ   ହେବା  ବାଞ୍ଛନୀୟ ।