diff --git a/Data Collected/Odia/IIIT-BH/Monolingual-corpora/vikaspedia.in/vikashpedia_health_odia161.txt b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia161.txt
new file mode 100644
index 0000000000000000000000000000000000000000..a806cee5a853ad69ae04c7de7b45228535247def
--- /dev/null
+++ b/Data Collected/Odia/IIIT-BH/Monolingual-corpora/vikaspedia.in/vikashpedia_health_odia161.txt	
@@ -0,0 +1,35 @@
+ପ୍ରତିରୋଧୀକରଣ
+ଉପକ୍ରମ
+ପ୍ରତିବର୍ଷ ପ୍ରାୟ ୧୭ ଲକ୍ଷ ଶିଶୁ ବିଭିନ୍ନ ରୋଗରେ ମରନ୍ତି ।
+ସହଜରେ ମିଳୁଥିବା ଟିକା ସାହାଯ୍ୟରେ ଏହି ରୋଗଗୁଡିକର ପ୍ରତିରୋଧ କରିହେବ ।
+ଶିଶୁମାନଙ୍କୁ ପ୍ରତିରୋଧୀ କରିଦେଲେ ସେମାନେ ମୃତ୍ୟୁ ବା ଅକ୍ଷମତା ଆନୁଥିବା ଅନେକ ଗୁରୁତର ରୋଗରୁ ରକ୍ଷା ପାଇପାରିବେ ।
+ଏହି ସୁରକ୍ଷା ପାଇବା ସବୁ ପିଲାଙ୍କର ଅଧିକାର ।
+ପ୍ରତିଟି ଝିଅ ଓ ପୁଅଙ୍କୁ ପ୍ରତିରୋଧକ୍ଷମ କରାଇବା ଦରକାର ।
+ନିଜକୁ ଓ ସେମାନଙ୍କର ଶିଶୁମାନଙ୍କୁ ଧନୁଷ୍ଟଙ୍କାର ରୋଗରୁ ମୁକ୍ତ ରଖିବା ପାଇଁ ଗର୍ଭବତୀ ମହିଳାମାନଙ୍କୁ ଏହି ରୋଗ ପାଇଁ ପ୍ରତିରୋଧକ୍ଷମ କରିବା ଜରୁରୀ ।
+ଶିଶୁର କାହିଁକି , କେବେ , କେଉଁଠି ଓ କେତେଥର ପ୍ରତିରୋଧିକରଣ କରାଯିବା ଦରକାର ତାହା ସବୁ ବାପାମା’ ଜାଣିବା ଉଚିତ ।
+ସବୁ ବାପାମା’ ଏହା ମଧ୍ୟ ଜାଣିବା ଉଚିତ ଯେ ପିଲା ଅସୁସ୍ଥ ଥିଲେ , ତା’ର କିଛି ଅକ୍ଷମତା ରହିଥିଲେ ବା ସେ ମନ୍ଦପୁଷ୍ଟ ହୋଇଥିଲେ ବି ତା’ର ଟିକା ନେବାରେ କୌଣସି ବିପଦ ନାହିଁ ।
+ଯାହା ଜାଣିବା ହେଉଛି ପ୍ରତ୍ୟକ ପରିବାର ଓ ଗୋଷ୍ଠୀର ଅଧିକାର
+ପ୍ରତିରୋଧୀକରଣ ଅତି ଜରୁରୀ ।
+ ଜୀବନର ପ୍ରଥମ ବର୍ଷରେ ପ୍ରତି ପିଲା ପାଇଁ କେତେକ ପ୍ରତିରୋଧକାରୀ ଟିକା ଦରକାର
+ପ୍ରତିରୋଧୀକରଣ କେତେକ ବିପଦଜନକ ରୋଗରୁ ସୁରକ୍ଷା ଦିଏ ।
+ପ୍ରତିରୋଧୀ କରାଯାଇ ନଥିବା ଶିଶୁର ରୋଗରେ ପଡିବାର , ସବୁଦିନ ପାଇଁ ଅକ୍ଷମ ବା ମନ୍ଦପୁଷ୍ଟ ହେବାର ଏବଂ ମୃତ୍ୟୁ ହେବାର ସମ୍ଭାବନା ଅଧିକ ।
+ସାଧାରଣ ଅସୁସ୍ଥତା , ଅକ୍ଷମତା ବା ମନ୍ଦପୁଷ୍ଟ ଥିଲେ ମଧ୍ୟ ଯେକୌଣସି ପିଲାର ପ୍ରତିରୋଧୀକରଣ କରାଯାଇ ପାରିବ ।
+ସବୁ ଗର୍ଭବତୀ ମହିଳାଙ୍କୁ ଧନୁଷ୍ଟଙ୍କାର ରୋଗ ପ୍ରତିରୋଧୀ କରାଯିବା ଉଚିତ ଆଗରୁ ପ୍ରତିରୋଧୀ ହୋଇଥିଲେ ମଧ୍ୟ ତାଙ୍କର ଅତିରିକ୍ତ ଧନୁଷ୍ଟଙ୍କାର ଆବିଷ ଟିକା ଦରକାର ହୋଇପାରେ ।
+ଏଥିପାଇଁ ସ୍ୱାସ୍ଥ୍ୟକର୍ମୀଙ୍କ ସହିତ ପରାମର୍ଶ କରନ୍ତୁ ।
+ପ୍ରତିରୋଧୀ କରାଯାଉଥିବା ପ୍ରତି ଲୋକ ପାଇଁ ନୂଆ ବା ବିଶୋଧିତ ଛୁଞ୍ଚି ଓ ସିରିଞ୍ଜ ବ୍ୟବହାର କରିବା ଜରୁରୀ ।
+ଲୋକମାନେ ଏହା ଦାବି କରିବା ଦରକାର ।
+ଗୋଟିଏ ଜାଗାରେ ଅତ୍ୟଧିକ ଲୋକ ରହୁଥିଲେ ରୋଗ ଶୀଘ୍ର ବ୍ୟାପିପାରେ ।
+ଗହଳି ଅବସ୍ଥାରେ , ବିଶେଷ କରି ଶରଣାର୍ଥୀ ଶିବିରରେ ବା ବିପର୍ଯ୍ୟୟ ପରିସ୍ଥିତିରେ , ରହୁଥିବା ପିଲାଙ୍କର ପ୍ରତିରୋଧୀକରଣ ଅତି ଜରୁରୀ ।
+ମିଳିମିଳା ପାଇଁ ଏହା ବିଶେଷ ଭାବରେ ଦରକାର ।
+ପ୍ରତିରୋଧୀକରଣ ଅତି ଜରୁରୀ
+ଜୀବନର ପ୍ରଥମ ବର୍ଷରେ ପ୍ରତି ପିଲା ପାଇଁ କେତେକ ପ୍ରତିରୋଧୀକାରୀ ଟିକା ଦରକାର
+ଜୀବନର ପ୍ରଥମ ଅବସ୍ଥାରେ ହିଁ ପିଲାମାନଙ୍କୁ ପ୍ରତିରୋଧକ୍ଷମ କରାଇବା ଜରୁରୀ ।
+ଲହରାକାଶରେ ମାରୁଥିବା ପିଲାଙ୍କ ଭିତରୁ ଅଧା , ପୋଲିଓରେ ମରୁଥିବା ପିଲାଙ୍କର ଏକତୃତୀୟାଂଶ ଏବଂ ମିଳିମିଳା ମୃତ୍ୟୁର ଚଉଠେ ଏକ ବର୍ଷରୁ କମ୍ ବୟସର ପିଲା ହୋଇଥା’ନ୍ତି ।
+ଶିଶୁମାନେ ପୂରା ସଂଖ୍ୟାରେ ଟିକା ନେବା ଜରୁରୀ , ନହେଲେ ତାଙ୍କର ପ୍ରତିରୋଧୀକରଣ କାମ ଦେଇନପାରେ ।
+ଜୀବନର ପ୍ରଥମ ବର୍ଷରେ ଶିଶୁକୁ ସୁରକ୍ଷା ଯୋଗାଇବା ପାଇଁ ତଳ ସାରଣୀ ଅନୁସାରେ ଟିକା ଦେବା ଜରୁରୀ ।
+ସାରଣୀରେ ନିର୍ଦ୍ଧିଷ୍ଟ କରାଯାଇଥିବା ବୟସରେ ବା ତା’ର ଅଳ୍ପ ଦିନ ଭିତରେ ଦିଆଗଲେ ଟିକାଗୁଡିକ ସର୍ବାଧିକ ଫଳପ୍ରଦ ହୁଏ ।
+ଯଦି କୌଣସି କାରଣରୁ ପିଲା ପ୍ରଥମ ବର୍ଷରେ ତା’ର ଟିକା କ୍ରମ ପୂରା କରିନାହିଁ , ତେବେ ଯେତେ ଶୀଘ୍ର ସମ୍ଭବ ତା’ର ପ୍ରତିରୋଧୀକରଣ କରାଇବା ଜରୁରୀ ।
+ଜାତୀୟ ଟିକାଦାନ ଦିବସଗୁଡିକରେ ଏହା କରାଯାଇ ପାରିବ ।
+କେତେ ଦେଶରେ ଶିଶୁର ଏକ ବର୍ଷ ବୟସ ପରେ ମଧ୍ୟ ଅତିରିକ୍ତ ମାତ୍ରାର ଟିକା ନେବାର ସୁଯୋଗ ଦିଆଯାଏ ।
+ଏହି ଅଭିବର୍ଦ୍ଧକ ଟିକା ଆହୁରି ବେଶୀ ସୁରକ୍ଷା ଯୋଗାଇଥାଏ ।
+ଶିଶୁର ପ୍ରତିରୋଧୀକରଣ ପାଇଁ ସମୟ ସାରଣୀ