KS-KAS-GEN-SHAISTAH RAMZAN-rope bhaveen-T=T001-03.txt

أمس بانا سۄرٕ سٕند فوجث گرٛز بوٗزتھ کرتِہ ژٕ اتِہ لڑاے کرنس ٹھہراو تِہ کیازِ یِم س٠ری مارٕنے ژیٚہ سٔمتھ۔
بٕہ ژھنٕہ وُنۍ پھٲسۍ پانس ۔
 میانِہ مجبوٗری، متٕہ گژھتٕہ۔
 یِم مارنَے ژیٚہ۔
 یِہ چون اکھ ۂتھۍ یار کیا کریِم چِھ سٲری تیٖر کمان ہٮ۪تھ ژیےٚ پراران۔
 یمن سۭتۍ کُس ہیٚکِہ مُجادلٕہ کٔرتھ۔
 ٹھاٹھ ژٕ متٕہ گژھتٕہ یِم مارنے ژیٚہ۔
 امِہ پتٕہ چُھ بھٹ برٛداشت کنکٕہ سُند مقام یِوان یُس شُرٲہمِہ صٔدی ہُند گۄنماتھ اوس تٕہ أمۍ سٕنز تخلیٖق چھیٚہ سُکھ دُکھ چرِت۔
اے دوستٕہ! گژھ گٔڑۍ یاس یِہ پرٛرھتھ جل جل وق کیا آو۔
 تِہ کیازِ میٚہ چُھ زنتہ لٔگن بناوُن۔
 ییٚلِہ سُہ وق ونی گرنِد منز لیٖکھۍ زِ ضوٚروٗر۔
ییٚلی لگی ژیٚہ گرٮ۪ن تٕہ ژِہٮ۪ن ہُند پتاہ۔
یِمو ساروٕے حوالو تلٕہ ننان زِ کٔشیٖرِ منز اوس پرانِہ وقتٕہ پٮ۪ٹھ واکھن شُرکٮ۪ن تٕہ چُھمب بدن ہُند رٮ۪واج عام لوٗکن منز تِہ تٕہ پٔرۍمتٮ۪ن لیٖکھۍ متٮ۪ن لوٗکن منز تِہ۔
 اتھ چِھ داہ واکھ باگِہ آمٕتۍ۔
 تٕہ یِمن واکھنمنز چِھ ترییٚہ پٮ۪ٹھ ستن تانۍ مصرٕ۔
لُبِہ لُباب چُھکھ یی زِ عرفانچِہ وتِہ پزِ عٲرۍفس نجاتھ پرادنٕہ باپتھ پنُن مٔنزل مقصوٗد مقرر کرن تٕہ اتھ متعلق ہُشیار روزُن۔
 نجاتھ پراونٕہ باپتھ چُنٕہ مزہبی رسوٗماتھ زانہہ تِہ اتھٕ روٚٹ کران۔
مثلن اہم تٕہ ممتا گٲلتھ تھٮ۪تھ پٔژیلے نا آسے“خوٚدی تٕہ دُنۍ یٲوی لالچ تٕہ ماے تراونٕہ پتٕہ روزنٕہ خوفِ قیامتھ یاعزاب آخرت۔
گُمنڈ چُھ نجاتُک ساروِے خۄتٕہ بوٚڈ دُشمن تٕہ دُنۍ یٲوی موٗہ تٕہ ممتا چُھ بٔنی آدمس زنمٕہ ژٔکرس منز گنڑان یانے بییٚہ زنم ہیاوان۔
 یِم دۄنوّ یُس بنی آدم اپناوِ تٕہ پانٕناوِ تس باپتھ چُھ عرفان نا ممکن تٕہ یمنٕے ہٕندی دٔسۍ چُھ سُہ اپرن آشن تٕہ وۄمیدن لور روٗزتھ پنُن ووٚجوٗد آو لٕنس منز ترادان ییٚمہ منز نیرُن تس دُشوار چُھ بنان۔
 یِہ ممتا تٕہ اپز خوٚری چِھ انسانس رُبس کھنڈس سۄکھ تٕہ شٲنتی دِوان مگر سُہ سۄکھ چُھنٕہ پوشان آسان۔
 نجاتھ یا موٗکھۍ چُنٕہ کانہہ خیٲلی پۄلاو بٔلۍ کِہ اکھ حقیقتھ۔
 امیُک خیال چُھنٕہ۔
مدیِہ آکٲشی کدا چتھ برچھ نا آسے“ ، آسمانس منز کھسوٕنٮ۪ن اوٚبر لنگو سۭتۍ بنن والٮ۪ن تٕہ بگرن والٮ۪ن تصویٖرن برابر۔
تٕہ ہیکِہ کانہہ  امیُک مقام لفظو سۭتۍ بیان کٔرتھ۔
بٔلۍ کِہ یِہ چِھ “ پھلاسِ گیٲنی“ یانے أکس عٲرۍفٕہ سٕند باپتھ“ یچھ تپسیایِہ (ریاضُک) پھل۔
عٲرف چُھ میُیک میوٗٹھ مزٕ أندری موٚحسوٗس کران تٕہ اتھ ہر اتھ ہر تر تُلان زبٲنۍ سۭتۍ ہیٚکِہ نٕہ سُہ ؤنتھ زِ دِکھاوٹ مٕنز ضروٗرتھ۔
 یِہ عرفانحٲصِل کرنٕہ باپتھ نِہ چِھ پوٗزا پٲٹھ تٕہ نَہ دُنۍ یٲوی دٕکھاؤٹ ہٕنز ضروٗرتھ۔
  بٔلۍ کِہ چُھ عرفان سُہ مققام یتھ زن رۄپہ بھوٲنۍ“شییٚم تھانٕہ وٲسی“ ونان چِھ گۄۄ سُہ مقام  یُس آدمس شٮ۪ن (شبدٕھ(آواز) ،سٕپرٕش ( چھوٗ) ، روٗپ ( خوٗبصوٗرتی) رس ( مزٕ) گند (مُشُکھ) تٕہ من) پٮ۪ٹھ قوبوٗ سپدنٕہ پتٕہ حٲصِل چُھ سپدان، تٕہ اتھ چِھ ونان آگیا ژٔکرٕ تٕہ یوٚہے چُھ نجاتھ یا عرفان۔
یِہ چُھ پرانا یا لُکٲٛری پڑاو۔
 یُس اتھ پڑاوس واتِہ تٕہ سُے ہیٚکِہ امِہ مقامُک سۄکھ پرٲوتھ۔
عٲلیمانٕہ واکھ (گیان کھنڈ)
 اتھ حصس منز چِھ ۱۱۴  واکھ تٕہ پرٮ۪تھ کانہہ واکھ چُھ بلکُل آزاد تٕہ اکھ أکس نشِہ مُچھِ۔
کینہہ واکھ چُھ سیٚدِ سیٚود تٕہ باترتیٖب مگر کینہہ واکھ چِھ عام  طور مانے لیٚحاظٕ برۄنہے مقرر کرنٕہ آمژِ وتِہ ہنا ڈٔلتھ پہن۔
 یِمن ٲسۍ عام زبٲنۍ منز“ دُنۍ یٲوی بارو “تٕہ وٚنِو۔
آچاریہ اُتیل دیو سٕنز شِو سوترؤلی منز نِہ چِھ امِھ قسمٕکۍ بارو نظرِ گژھان۔
 یِہ چُھ سُہ مقام آسان ییٚمِہ ساتٕہ عٲرف کیٚہنس کالس ریاضتس یا سمٲز دوران واپس عام دُنۍیٲوی حالتس کُن چُھ یِوان تس چِھ تتھ حالٔژ تٕہ دُنۍ یٲوۍ لوٚہ لنگرس منز اسمان زمیٖن فرق باسان تٕہ یِہ بٮ۪نٮ۪ر آسنٕہ موٗجوٗب چُھ سُہ بارو دِوان۔
یانے ییٚمِہ سٲتۍ چٲنۍ  تۭر ژلِہ ہے تِمے پلو لاگتٕہ تِٕہ سُے ان کھٮ۪ہ ییٚمِہ سۭتۍ چٲنۍ بۄچھ ژلِہ ہے تٕہ ژٕمطمیٖن سپدٕہکھ۔
باسان چُھ صاف زِ رۄپہ بھوٲنۍ چَھنٕہ دُنۍ یٲوی لوٚہ لنگرس سۭتۍ خۄش ٲسمٕژ۔
بۄچھ تٕہ تۭر سۄکھ تٕہ دوکھ تٕہ غم تٕہ خوٚشی چھیٚہ تیٚلِہ ییٚلہ آدم دُنۍ یہس لدر ریاضس یا سمٲز منز چِھ یِم سٲری چیٖز بے مانے بنان لیٚہازا چُھہعٲرۍ فس دوٚگنیار باسان سُہ چُھ بارو لگان دِنہ تٕہ کوشِش کرنِہ لگان زِ کھٮ۪ن چن، سوکھ تٕہ دوکھ،بۄچھ تٕہ تۭر یِہ سٲرٕے گٔژھ تمی آیِہ آسٕنۍ زِ حٲصل سپدنٕہ پتٕہ گوٚژھنٕہ امیُک ضروٗرتھ پیٚون۔
پانٕہ زنانٕہ آسنُک خیال ییٚمِہ ساتٕہ رۄپہ بھوانِہ یوان چُھ تس چُھ دلس پٮ۪ٹھ غم ہیوٗ پٮ۪وان تٕہ ونان “ دِیِہ أستِہ تارا تۭرِ اوتارے“، یانے میٚہ ہشِہ اوتار ٲستھ تِہ زنِہ دیا سُہ خۄدتار؟
 یانے اوتار ٲستھ تٕہ ٲس أمس یِہ کتھ یاد زِ دُنۍ یٲوی لالچس ؤلتھ یِہ انسٲنی جہنم چُھ موٗہہ بوٚرت تِہ کیازِ جسمٲنۍ گمنڑ آسنٕہ موٗجوٗب چُھ تس ہمیشہ میون  تٕہ چیوٗن یانے بٮ۪نٮ۪ر ہمیشہ سۭتۍ روزان۔
 مگر یوٗت یوٗت عرفان نزدیٖکھ واتِہ گژھان تیوٗت تیوٗت چُھ یِہ دوٚگنیار تٕہ بیٚنٮ۪ر دور گژھنِہ لگان تٕہ یُس ژھاران چِھن تٔمۍ سٕندِ آسنُک باس چُھ أندرے منس لگان۔
 یانے یُس بٕہ ژھاران ٲسس سُہ میٚہ سۭتۍ یوٗت یوٗت ریاض گژھِ  برۄنہہ پکان تیوٗت تیوٗت گژھِ بیٚٮ۪ز ختم۔
 مگر ریاضس دوران چُھ جان جان سادن تٕہ زانن والٮ۪ن ہُند شٲگرد بٔنتھ تِہنُد آشِرواد تٕہ ٲہی حٲصل کرٕنۍ ضوٚروٗری۔
 یانے یوہے وجہہ چُھ زِ بٕہ چھس لٔلی شوٚری تٕہ شوِس ہِوِس گۄرس مادودرس کھۄرن تل آمٕژ۔
 خۄدایِہ سٕنز میٚہربٲنی تٕہ یژھُن آسُن چُھ عٲرۍفٕہ سٕند خٲطرٕ سٮ۪ٹھاہ ضوٚروری یِہ چُنٕہ پرٮ۪تھ آدمس نصیٖب آسان خال کانہہ چُھ یُتھ خۄش قٕسم،تھ آسان۔
 مگر امِہ بغٲر چُھ عرفان حٲصِل کرُن نا ممکِن یسٕے سُہ ییٚژھ اورکُن دِلس موقٕہ ییٚژھ نٕہ تٕہ کینہہ اندٮ۪س نٕہ کھۄنوٹٕہ کھۄڑ تِہ کھٔنۍ تن تٕہ  یِہ وِزِ چھیٚہ عٲرۍ فٕہ سُند باپتھ خالٕے کُنِہ ساتٕہ یوان۔
کیا یِہ مقام سپدِیا کٲنسِہ تِہ عام انسانس بڑٕ آسٲنی سان حۭصِل؟
 مگر میٚہ چُھ خۄدا دوستن ہُند یژھُن تٕہ ٲہی ہر ہمیشہ آیتن روٗزمٕژ یوٚہے وجہہ چُھ زَ میون رِیاض چُھ ٲخری مقامس یانے فرفانس ووت مُت۔
یا میٚہ پٮ۪ٹھ گۄو خۄش تٕہ میانٮ۪ن أچھن کٲسٕن گٹٕہ زن تٕہ اوس یِہ تِتُھے زِ اکھ وۄستاد اوس پننِس ژاٹس کیان ونان۔
 ییٚمِہ دُنۍ یہکۍ پوٗشیٖدٕ راز زاننٕہ پتٕہ تِہ چ،ھ رۄپہم بھوانِہ منز دٮ۪ماغٕکۍ کینہہ گوشِہ پھیٖرۍ پھیٖرۍ پرژھان روزان۔
اما أمۍ خۄدا صٲبن کتِہ اوٚن یِہ سورُے دُنۍ یٲوی لۄہ لنگر؟
 یِہ سٲرٕے ذُرۍ یاتھ۔
مختلف قٕسمکۍ تٕہ رنگارنگ لوٗکھ۔
 پوٚت پھیٖرتھ پرژھنا بٕہ تس یِہ سورُے۔
سۭتی پرژھٮ۪س زِ قیامتھ یِنٕہ پتٕہ کِتھ کٔنۍ چُھ سُہ یتھ سٲرۍ سٕے رنگارٔنگی کُنس منز جزٕب کران؟
 رۄپہ بھوانِہ ہٕنز  یِہ بے قرٲری چھیٚہ ر،گ ویدکس أکس شوٚلوٗکس سۭتۍ رلان یتھ منز سُہ ونن وول ریوٚش تِہ چُھ کایناتکس یتھ رنگارنگ ووٚجوٗدس پٮ۪ٹھ تٕہ بناون وٲلۍ سٕنز کٲرۍ گٔری پٮ۪ٹھ یِتھے کنۍ پٕرژھان۔
مگر رۄپہ بھوانِہ چُھ برونہہ پٮ۪ٹھے خۄدایِہ سٕنز شرف الخاوٗقات آسنس پٮ۪ٹھ پوٗرٕ بروسٕہ اوسمُت۔
سۄچھیٚہ یِہ دُنۍ یٲوی فرق اکھ دوکھٕ مانان یُس نٕہ زیادٕ کالس روزُن چُھ۔ 
 دراصل چُھ  سُہ پانے سورُے۔
 یتھ رنگا رنگ تٕہ بٔڈِس دُنۍیہس منز چُھ سُہ پانٕہ مختلف صوٗرٔژ پراوان۔
 تٕ زنم لبان۔
 پٲنۍ پانے چھس پانس پٮ۪ٹھ ژکھ کھسان تٕہ ییٚتِہ پٮ۪ٹھ واپس ژلان یتھ دٔنۍ یہس منز کیژھا سپدان چُھ تِہ سورُے چُھ سُہ پانٕہ کران۔
 پانے چھُ خۄش سپدتھ یِہ سورے کوٚرمُت پانس منز زم کران۔
مگر ییٚمِہ ساتٕہ بٔنی آدمس عقلِہ ہُند ژونگ روشُن چُھ سپدان برٲنتۍ چِھ تس دوٗر سپدان۔
 دراصل چُھ سُہ پانے سٲنس دیانس (خیالس ) پانس منز تٕہ دہۍ دٲری سانِہ جسمٕہ رٔنگۍ تِہ چُھ سُہ پانے۔
 لیٚہازا چُھ تس جَڑ تٕہ ژیٖتن (جڑ گو یُس نٕہ تھوٗرِتھ ہیٚکِہ مثلن کل کوٚٹ تٕہ ژیٖتن گۄویُس پٔکتھ پھیٖرتھ تھوٗرِتھ ہیفکِہ مثلنم انسان۔
انسانس منز چُھ جسم جڑ تٕہ رُح چُھ ژیٖتن تکیازِ رُح چُھ جسمس پکناوان بیترِ) رپس نمسکار۔
 یِہ حقیٖقتھ زانٕنۍ چھیٚہ عٲرفٕہ باپتھ ضوٚروٗری۔
 اگر تۄہہ منز زوزٮ۪تٕہ یا سونچ بیترِ چِھ ژھارِ تون سُہ کُن ( خُدا) تیٚلِہ پٲنۍ پانس منز۔
 رۄپہ بھوانِہ چُھ پانس منز یِہ ایحساس آسان زِ بٕہ چھس نٕہ رۄپھ بٔلۍ کِہ پانٕہ شارکا بھگوتی۔
 تٕہ کٲفی ریاض کرنٕہ پتٕہ چِھ سۄ تٔتھۍ مقامس واپس واتٕنچ کوشِش کران۔
ہمالے سٕنز کورِ پاروتی ہُند اکھ امٕش (حصٕہ یا عکس ) ٲسِتھ تِہ ییٚلِہ میٚہ یتھ  دُنۍ یہس منز زنم لوٚب تٕہ میٚہ رۄٹ تمی ساتٕہ خلوکھ تٕہ لٔجس تس شارِکا بھگوتی ہُند  رپھ ہپانس منز ژھارنِہ۔
میٲنۍ پرٛکرٮ۪تھ( ضمیٖر) یُس دنۍ یہچِہ مایایِہ سۭتۍ  مٲلٕہ گٔژھتھ ژھٮ۪چِھ دتھ روٗزتھ اوس میانِہ گیانٕہ کِہ گرٮ۪ز سۭتۍ  گۄو سُہ بیدار تٕہ ریاضٕہ سۭتۍ سپُد سُہ میٚہ برونہہ کُن پیش تٕہ یتھ کنۍ کوٚر میٚہ پٲنۍ پانس منز شارِ کایِہ ہُند سُہ رۭپھ ودیُس اتھ منز ژوٗر اوس بہِتھ۔ 
 وۄنۍ چُھ ریاضس مٲدانس منز میٚہ ابدی سوٚکوٗنچ حالتھ تٕہ لیٚہازا چھس بٕہ  بے فکر تٕہ بیٚہ غم پٲٹھۍ بہتھ۔
 ابدی سوٚنچِہ حالٔژ منز سپُد میٚہ پٲنۍ پانے امیُک علم پانس منز“۔
  یتھ کٔنۍ پندٲہم زوٗن چھیٚہ اسمانٕہ زمیٖنٕہ کُن روشنی ہٕنز زٕژٕ تراوان تٕتھے کٔنۍ چھس بہ یژھان زِ میانِہ دل  پٮ۪ٹھ دۄتلمیژٕ سوٚکوٗنٕہ رٔنگۍ آبِہ حیاتچو چھکو سۭتۍ دِمٕہ ہا بٕہ میادیٖوس (شوس) گوٚڈ ( آب تراوٕہس پٮ۪ٹھ) تکیازِ تسُند سُہ جلو پراونٕپ پتٕہ چھیٚہ میٚہ منز سۄ بوٚرُت بٲری آمٕژ تٕہ میانۍ طوطن چُھ بول بوش کرُن بند کوٚرمُت۔
یِہ چھ سُہ مقام یوٚت وٲتتھ پتٕہ زیوٚ ہٕندۍ بول کلۍ چِھ گژھان۔
 تس نٕہ ڈیشوٕنس خۄداریِہ سُند رۭتھ ونِہ کڑان تٕہ اتھ متلق پردٕ تٕہ ٹٔھرۍ دوٗر کران۔
 تٕہ پانٕہ تِہ تٔتھۍ مقامس وٲتِتھ تسُند سُہ اندی نور تٕہ ظوٚہوٗر زانان تٕہ تمِچ زان کٲری پراوان۔
امِہ حٲلٔژ ہُند مقابلٕہ ہٮ۪کو أسۍ گیٖتا یِہ ہٕنز کٔہمِہ ادیایِہ سۭتۍ کٔرتھ یتھ منز ارجُن چُھ وِراٹ سوٚروٗپُک ( کُلہ کایناِتکِہ ظوٚپہوٗرُک) پانٕہ دیٖدار کران۔
مگر یِہ مقام ہاونٕہ باپتھ چُھ تس پٮ۪تھ کرشن میٚہربان سپدان تٕہ یِہ مقام وُچھنٕہ باپتھ چُھس تمِہ چشمٕہ تٕہ ہوش بخشان۔
 مگر رۄپہ بھوٲنۍ چھیٚہ یِہ مقاقم پانے پننی ریاضہ سۭتۍ حٲصِل کران۔
اتھ حصس چُھ رۄپہ بھوانِہ “سۄاُنبووِلاس دشک“ ناو تھوومُت ییمُیک لفضی  مانے یتھ کٔنۍ چُھ۔
سۄ“ گوپنُن“  انبو گو “ تجربٕہ“ یُس عٲرۍ فس ریاضٕکۍ مختلف مقام حٲصِل سپدنٕہ پتٕہ گژھان چُھ تٕہ اُلاس “گٔیِہ خوشی“ یُس یِپ مقام پراوز پتٕہ فٲرۍفس سپدان چِھ۔ 
 رۄپہ بھوانِہ چِھ پرٮ۪تھ ذُرۍ یٲژ چاہے سۄ جاندار چھیٚہ یا بے جان چھیٚہ۔
منز تسنُد نوٗر ظہوٗر لبنٕہ یوان۔
 یانے “اڈلیوٚک“ پوٗرٕ سپدِتھ پنُن ٲخرت پراوان تٕہ موتُک تھکھ چُھ نجاتھ حۭصِل کرُن۔
 بے جان چُھ جاندار سپدتھ پوٗرٕ نان تٕہ ژپٹھیومُت چُھ پھہلتھ پںپن مقام حۭصِل کران تٕہ یتھّ کَنۍ چھُ پننِس آتماہس منز پرماتما پتاوُن ٲ٠خری مقام۔
 اتھ حٲلٕژ چِھ عرفانچِہ وتِہ منز ہُشٲری ہٕنز حالتھ ونان تٕہ یِہ چھیٚہ پرتھوی تۄتوٕ( کُنِہ ذُرۍ یٲژ ہٕنز موٗلٕہ حالتھ) پٮ۪ٹھ شِو تۄتوس ( ابدی حالتھ) تام اکی انہار چلوٕنۍ روزان تٕہ شیو  فلسفٕہ چُھ أتھۍ چیتنیہ آتما ونان۔
اتھ منز چِھ رۄپہ بوانِہ کُل بہہ واکھ ؤنۍ مٕتۍ۔
 تس چپھ ابدی سوٚلوٖنک مقام حٲصِل سپدمُت آسان تٕہ یوٚدوے تس پننِس ٹٲٹھس بندٕ ( مادودر)  یا بُکھتٕہ سٕند باپتھ یِہ نٲشی  شرپر تِہ چُھ آسان پراوُن پہومُت مگر پننٕہ ریاضٕہ سۭتۍ چھیٚہسۄواپس پننِس تٔتھۍ مقامس وٲژمٕژ آسان۔
 یُس شکھتی رۭپۍ شارِکایِہ ہُند مقام میٚہ بٔکھتۍ سٕند باپتھ تراوُن پیٚومُت تتھ مقامس وٲژٕس بٕہ بییٚہ پانے ریاضٕہ سۭتۍ۔
 وۄنۍ اگر نٕہ میٚژِ موٚر تِہ چھس مگر میٚہ منز چُھ وۄنۍ سُے شار کایہ ہُند رۭپھ بٔستھ ۔
 بٕہ چھس سۄے ابدی شکھتی شارِکا بھگوتی یِہ زنم پرٲوتھ تِہ کوٚر میٚہ مقام حٲصِل لیٚہازا سپٕزنٕہ میٚہ منز کانہہ تِہ کٔمی مٲیل۔
بٕہ رۄپھ بھواٲنۍ چھس سٮ۪ٹآہ شوٚدس وٮ۪دیادرس ، لل دیٚد نٲوۍ تس فٲرۍفٕہ یۄسٕہ سٮ۪ٹھاہ شوٗژ تٕہ عٲلِم چھیٚہ گۄو زٲنتھ تسنُد اومکار رۭپھ پنںس شوٚدس منس منز ٹٕھہرٲوِتھ تٕہ شوس برابر پننِس مٲلس مادہوس( مادھودرس ) پرم برہم زٲنتھ برہم کیا نکس ا“اہم سۄٚروٗپس (بےٕ چھس برٛہم) منز لیٖن گژھان۔
وٮ۪د یادر لفظ چُھ اسم معرفس  منز استعمال کرنٕہ آمُت۔
 ممکن چُھ  یِہ ما آسہے رۄپہ بھوانِہ ہٕندس وقتس منز کانہہ گۄنماتھ یس پٮ۪ٹھ رۄپہ بھوانِہ سٮ۪ٹھاہ یژھ پژھ آسہے۔
 امِہ کتھِ ہُند ثوٚبوٗتھ چُھ اسِہ “شدھم اتٮ۪نت تس وٮ۪د یادس“لفظو سۭتۍ میلان۔
 یا چُھ اندازِ یِہ ما آسہے یِہ رۄپہ بھوانِہ ہُند گۄرپس نش تمِہ ابتدٲیی تٲلیٖم حٲصِل ٲس کٔرمٕژ۔
 یاما آسِہے یِہ رۄپہ بھوانِہ ہُند خاندانُک گۄر یا مبلغ یس سۄ سٮ۪ٹھاہ قدٕر تٕہ عزت ٲس کران۔
اگر أسۍ لفظ دٮ۪رادر اسم معرفہ مانون نٕہ تیٚلہ بدلِہ امِہ واکُھک مانے  یتھ پٲٹھۍ۔
شوزِ تٲلیٖم ہٕندِ سٮ۪ہٹھے زٲوِلِہ لینکرٕکۍ پٲٹھۍ پرٛٹھوُن شوٚد علم پننِس منز منا پٲدٕ سپدِتھ چھس بٕہ (رۄپہ بھوٲنۍ) اومکارس  برابر پننس گۄرس تِتے پٲٹھۍ پرٛنام کران یتھ پٲٹھۍ للِہ ہُند نٮ۪شکم من پننی پانُک اولکار رٕپھ پرزٕناوُن یژھان ٲس۔
واکھس منز چُھ لل لفظ دۄیِہ پھرِ استعمال سپُدمُت۔
 گۄڈنکِہ لل لفظُک اشارٕ چُھ یژھنس خٲیِش کرنس کُن۔
سنسکرتس منز چُھ لل لفظُک مانے خٲیش۔
 فۄنۍ کرو أسۍ“ لل پرما گۄرم“ لفظ وٮ۪ژھناونٕچ کوٗشِش۔
 اگر أسۍ “گور“ لفظچ  ترتیٖب نمو تیٚلِہ گوو گۄر سُہ یس نش گۄو منتٕر سپد تٕہ گۄر سُند گۄر گۄو “ پرم گۄرو“۔
کٲشرس شیودرمس نش گۄرو لفظ تس عٲلۍ مس تٕہ فٲضل سٕند خٲطرٕ استعمال کرنٕہ یوان یُس کٲفی مشہور آسِہ روٗدمُت۔
 یوٚتام توٲریٖخُک تالق چُھ لل دیٚد تٕہ رۄپہ بھوانِہ درمیان چُھ لگ  بگترٮ۪ن ہتن ؤرۍ ین ہُند فٲضلٕہ لیٚہازا ہیٚکِہ ہے نٕہ لل دٮ۪د رۄپہ بھوانِہ ہٕنز پرم گۄرو ٲسِتھ۔
 یِہ چُھ ممکن زِ لل دیٚد ہُند عٲلۍ مانٕہ تٕہ روحاٲنۍ تھزر مدِ نظر تھٲوتھ ما آسہے تٕہ سُہ پنٕنۍ روحٲنۍ پرم گۄر مٲنۍ مٕژ۔
شِو تٕہ مادھو یِم چِھ لفظ جوٗرۍ تٕہ مانے لیٚحاظم سٮ۪ٹھاہ گۄفۍ تِہ کیازِ رۄپہ بھوانِہ اوس نٕہ شو تٕہ مادھو ( وٮ۪شنو) یِمن دۄن منز کانہہ فرق یا تضاد۔
 بیاکھ مانے پھیرٕ چُھ اتھ جورِ منز یِہ تِہ زِ مادھو ( رۄپہ بھوانِہ ہُند مول مادھو جودر) اوس رۄپہ بھوانِہ ہٕندِ خٲطر خٲر کرن وٲلس شِوس برابر۔
ہمیشِہ کرِ سُہ (برہم) عٲرۍفس پٮ۪ٹھ رحم تٕہ سٲری دٲدۍ کرٮ۪س دوٗر ( اتھ مقامس پٮ۪ٹھ وٲتتِھ) چُھ عٲلۍمس دڈۄ تیزان( نظر مۄکلان) تٕہ تان وٮ۪سران۔
دُنۍ یٲویی لۄہ لنگر ژھۄکان) تس چُھ دۄد تٕہ آب الگ الگ باسان تٕہ سُھ چُھ امِچ فرق زٲنتھ ہٮ۪کان یانے تس چُھ زرس زرس منز تٔمی (برہم) نوٗرُک وُسجار نظرِ گژھان۔
 تس چھیٚہ یِہ کایناتھ نوٗر  باسان تٕہ پنُن پان تمی نوٗتٕ آگرٕچ اکھ زُتنۍ۔
یتھٕ کنۍ چِھ اتھ سمٲذ منز تس پنٕنۍ کایا مٔشتھ گژھان تٕہ سُہ چُھ پنُن پان أنٕہ ؤترِ ہٕندۍ پٲٹھۍ أتھۍ نوٗرس منز زالان تٕہ یتھ کٔنۍ چُھ سُہ تتھ چلوٕنس ییٚگنٮ۪س(نوٗرس ) پننِہ پانٕچ آہُتی (چھیٚپِہ دتھ زوتناوان۔
 سُہ چُھ پٔزۍ پٲٹھۍ گیٖتا پران تٕہ ژینان۔
تس چِھ خوٚدی ( اہم) مۄژان تٕہ یتھٕ کٔنۍ چِھ تس گوٗپالس (عٲرۍفس )سٲری حٮ۪س(گیان اندریٚیِہ تٕہ کرٕم اندریٚیِہ) ماتحٕتھ روٗزتھ عرفان ( ناٹٮ۪ہ) بخشان۔
پزر چُھ یِہ زِ فرفان پراونٕہ باپتھ یُس ہون کرنٕہ چُھ یوان تتھ منز چِھ یم چیٖز بدلے مطلب تھاوان۔
خالے چُھ تیتُھ کانہہ آسان گٮ۪و بدلٕہ پننِہ پانُک عٲش تٕہ آرام امِہ ہونٕہ باپتھ وۄمن ۂرس ( أگنس منز گٮ۪و تراونُک چمچہ) کھاران چُھ۔
 قندٕ تٕہ کھنڑ بدلٕہ پننُے پان اتھ بدلٕہ پیش جران چُھ۔
 پننِہ بےٚ لوٗس ریاض سۭتۍ کمٲوۍ مٕتۍ رٕتۍ کرٕم شِفٛپھلٕہ تٕہ زاپھلٕہ بدلٕہ پیش کران۔
 تٕہ ٲخرٖ آہوٚتی باپتھ (ثوبوٗتھ نار جیل ووٚلت ہٮ۪تھ)بدلٕہ پنُن ٹوٹھ کلٕہ ( اپٕز خوٚدی) اتھ برہمٕہ ییگینٮ۪س ارپن کران۔
 وۄنۍ یُس تِہ عٲبداہ یُتھ ہون کرِ تٕہ ہون سپدتھ یس تِہ نویٖد یِہ عٲبد تراوِ سُہ پٔزۍ پٲٹھۍ ترٮ۪ن عٲلمن منز فخرس لایق۔
ترٛییو کارنو (وجہوۭ) کنۍ چُھ یِہ زِ گتھ بنان تِہ زن گۄوشِو شکتھی تٕہ نر چِھ کایناتکۍ وٲحد پٲتھرٕ گٔرۍ۔
یِہ چُھ شیو فلسفُک بُنۍ یٲدی اوٚصوٗلنَر سُند ووٚجوٗد چُھ تیٚلی ممکن ییٚلِہ شوِس تٕہ شلھتی میُل سپُد۔
نَر سُند ووٚجوٗد چُھ صرف توٚتام یوٚتام نٕہ سُہ لگاتار پرٛتِہ بگیایِہ (پوٚت پھیٖرتھ وُچھُن) ہٕنز کوٗشِشہ سۭتۍ پنُن پان تٔتھی شوسکھی سۭتۍ رلاو۔
میُل سپدیوو تٕہ بنیوو بییِٚہ سُے خلا۔
 یتھٕہ کٔنۍ چِھ موٗلٕہ بُتراتھ ( پرتھوی تۄتوٕ) موٗلٕہ شوِس ( سدا شوِ تۄتوٕ) سۭتۍ رلان تٕہ أتھی منز لیٖن ( زم) گژھان۔
 رۄپہ بھوانِہ ہُندِس اتھ واکھس منز “ترے کارن“ لفظ چُھ أتھۍ مطلبس کُن اِشارٕ کران۔
 مطلب چُھ شِو،شکھتی تٕہ نَرپٲدٕ کٔرتھ دُنۍ یہس کُن دِوان، پالان پٮ۪تران تٕہ سمہار  ( خٲتمٕہ ) کران۔
سمہار کرنکس صوٗرتس منز چُھ سُہ امیُک نیبٚرِم ( درینٹھان) خالٕہ کھولٕہ ختم کران۔
 وٹنٕکس (ولسے) صوٗرتس منز چُھ سُہ اتھ پالنس منز زم کران میہٚربان سپدنکس صوٗرتس منز چُھ سُہ اتھ پنُن م٠رۍ موٚند رۭپھ دِوان تٕہ  یتھ کٔنۍ چُھس  بییٚہ سے کنٮ۪ر بخشان تٕہ چُھ یِہ واپس یِہ تٔتھۍ نوٗرس منز زم سپدتھ بییٚہ گٲشراوانٕہ یوان۔
مطلب چُھ یِہ زِ ظٲہری زگتھ چُھ بٲطنس منز زم گژھان۔
 ییلِہ تِہ کانہہ عٲرف پنُن ظٲہری رۭپھ بٲظِن رۭپھس منزلے کرنچِہ کامِہ کُن لگان چُھ تسٕندۍ سٲری دوٗش چِھ امِھ نارٕ سٲتۍ دزان تسٕنز چاسنا ( بُرٕ خیال) چِھ مران تٕہ اواگون ژٔکرٕ چھس مۄکلن۔
سُہ چُھ پننِہ مرضی ییٚمِہ زنگنکس آنگنس منز روٗزتھ تِہ مایایِہ الور روزان ۔
 سُہ چُھ نیٚشکام نان تس نَہ چِھ زٮ۪ٕچ خۄفشی تٕہ نہ مرنُک غم روزان۔
 پرٛتِہ بگیایِہ ( پوٚت پھیٖرتھ پرزٕناوان) ہٕندۍ دٔدۍ کور میٚہ سُہ یرم شِو پرزٕناونُک ریاض، میٚثر ( مرِ) منز تٕہ کُنٕہ (من) منز کوٚڑ میٚہ ریٲضٕکۍ روزٕ سۭتۍ دۄد (آبِ حیات)۔
 یتھٕ پٲٹھۍ کروٗر کھننٕہ وِزِ میٚژ تِہ کنِہ وٹھ کٔھنٔتھ نٮ۪بر  چھیٚہ کڑٕنۍ پٮ۪وان تٕہ ادٕ چُھ آب یوان تِتھے کٔنۍ کھوٚن رۄپہ بھوانِہ پنُن من تٕہ  شریٖر تٕہ کوٚرُن آب حیاتھ حٲصِل۔
 امِہ پتے سپٕز آبِہ حیاتٕچ جۄے نوٚموٗدار تٕہ گیانٕہ سۭتۍ چھوٚلُن وۄندٕ“ اہم“ ییٚمِہ سۭتۍ دۄکٕھچ کالٕہ راتھ اند وٲژ تٕہ پزرُک آفتاب نوٚن دراو،دِلُک سرۍ یِہ پرٛزلنٕہ سۭتۍ روٗزنٕہ پتٕہ منس کانہہ ژھاے۔
پرٛتِہ بگیا فلسفٕہ چُھیٚہ کٔشیٖرِ منز اکھ اہم فلسفٕہ۔
 کٲفی پرون آسنٕہ موٗجوٗب اوس اتھ وقتٕکۍ سہلابن واریاہ سیوٚمب بیہوومُت مگر اۭٹھۍ مِہ صدی منز ؤتھۍ  امِہ فلسفٕکۍ کینہہ ناماور گۄنماتھ ہِمن منز آچاریہ  چُسہ گیت، سومانند، بٹ کلٹ،اُپتل دیوتٕھ اِبھنو گُپت شٲمِل چِھ تٕہ یِمو کوٚر یِہ فلسفٕہ نوِ سرٕ زندٕ۔
 پرٛتِہ بگیا“ لفضُک لف‘ی مانے چُھ“ پوٚت پھیٖرتھ کانہہ چیٖز وُچھُن یا زانُن۔
پننِہ پانُک ووٚجوٗد پرزٕناوُن۔
امِچ مثال ہٮ۪کو أسۍ یتھ کٔنۍ دتھ۔
فرض کٔرۍتو اکھ سٕہہ بچٕہ چُھ تیٖر کھیٚلِس منز ہٮ۪نٕہ یوان تٕہ یتھٕہ کٔنۍ چُھ یمنٕے منز رچھنٕہ یوان تیٖرن منز روٗزنٕہ موٗجوٗب چُھ یِہ پنٕنۍ خصلتھ تراوان تٕہ تیٖر خصلتھ رٹان۔
 دۄہا اکھ چُھ گژُھان اتھ نیِہ منز  چُھ سِہہ گرٮ۪زن گژھان۔
تیٖرن چھیٚہ چھگ لگان تٕہ یِم چِھ ژلان۔
 ژلان ژلان چُھ یمن دٔرۍ یاوس ترُن پٮ۪وان۔
 سنگس صۄحبتھ۔ 
یِہ سِہہ بچٕہ تِہ چُھ کھیٚلِس سۭتۍ ژلان تِٕہ آبس وۄٹھ لایان۔
 ٲبٕہ منز چُھ یِہ پنُن عکس وُچھان یس نٕہ تیٖرن ہیوٗ چُھ آسان بٔلۍ کہ شُھ سُہ گرزٕوٕنس سہٕس سۭتۍ رلان۔
یتھ کٔنۍ چُھ تس یِہ فکرِ تران زِ ژکِہ چُھ سُہ تِہ سٕہہ۔
 چُھ لاگان یتِہ گرٮ۪زُن تٕہ یتھٕ کٔنۍ چُھ پنُن ووٚجوٗد واپس لبان۔
ییٚتٮ۪تھ چُھ رۄپہ بھوانِہ ونُنم یِہ زِ “ دراصل چھس بٕہ تِہ تمی شکھتی ہُند اکھ مگر دُنۍ یٲوی مَلَو موٗجوٗب اوس میٚہ پنُن ووٚجوٗد رومُت مگر پرٛتِہ بگیایِہ ہٕندِ ردٔسۍ میہ پنُن سُہ ووٚجوٗد واپس حۭٲصِل۔
 یِم مل چِھ ترٛییٚہ قسمٕکۍ ماننٕہ یِوان مثلن:
آنومل:۔ پننِہ جسمٕکۍ حوٚدوٗدک مل ( مثلن پان، پلو دلو، روزن جاے  صوحبتھ وغٲرٕ وغٲرٕ۔
مایامل:۔ پنُن ووٚجود مٔشرتھ یِہ دُنۍ یٲوی مایاپٔز أتھۍ سۭتۍ پنُن پان وابستٕہ کرُں۔
کوٕمہ مل:۔ جان کرٕم کرنٕہ سۭتۍ واتِہ جان پھل تٕہ ناکار کرٕم کرنٕہ سۭتۍ واتِہ ناکارٕ پھل، یُس منز نیٚشکا، خیال آسِہ نٕہ۔،
وارٕ وارٕ ہیٚیہ أندرم تٕہ نیبٚرم فرق مۄکلٕنۍ تٕہ ہانژھ جُز ( آب، آتشِ خاک، باد تٕہ گاش) تٕہ مۄکلن أتھۍ سۭتۍ۔
 مطلب چُھ یِہ زِ ییٚلِہ فرق گژھِ یِم پانژھ تۄتھ ( ژٮ۪تھ، آنند، اچھا، گیان تٕہ کرٛیا) سپدن حٲضر۔
ژیٖتن آنما لہہ ظہوٗر تٕہ شیخ حالتھ گژھِ ختم تٕہ مٕنکۍ یٕ حٮ۪س ( سونچ، آواز، چھہہ،مزٕ، شکل تٕہ مُشک) گژھن ختٕم تِہ کیازِ اتھ حالٔژ منز چُھ صرف منکِہ ظوٚہوٗرکے یوت خیال روزان۔
پاتال گگن ل۔فظ چُہ زنمس تٕہ مرنس یانے روٗحکس آواگونس مُتلق ییٚمِہ کنۍ آب آتش بیترِ جُز مایا زال ٲسِتھ تِہ مایا زال چُھنٕہ باسان
 اپُز ٲسِتھ تِہ پٔزۍ باسان۔
 یتھ کٔنۍ چِھ یِمن جُزن ہٕنز حقیٖقتھ فِکِر تران تٕہ انسانن چِھ شیخ آواز بیترِ شیٚہ حٮ۪س ختم  گژھان تٕہ برنزس أکس شیخ حالتھ یِوان۔
 یۄسٕہ پانژھ جُز تٕہ شیٚہ  حٮ۪س ختٕم گژھنٕہ پتٕہ کیٚہنس کالس روزان چِھ۔ 
 لیٚہازا چھیٚہ نٕہ یِہ شیخ حالتھ کانہہ حالتھ بلۍ کِہ برٚنزٕ کھنڑُک خلا۔
 امِہ  خلا پتٕہ چُھ پنُن پان پرزناونٕچ حالتھ یِوان ( یتھ برٛم آنند چِھ ونان۔
عٲرف ییٚلِہ برٚم آنندس پراوان چُھ تس چھیٚہ کُنرِچ حالتھ یِوان پننِہ آتما بغٲر چُنٕہ تس بیٚیہ کینہہ لبنٕہ یِوان تٕہ تٔسۍ چُھ پانس ژۄپٲرۍ وُچھان کھٮ۪تھ حپتھ( اناج ہوا بیترِ) تِہ چِھ ہمیشہ پرم آننٕچ کل روزان سُے آبِہ حیاتھ (امرٮ۪تھ) پراونس کریشان۔
یتھ کنۍ چُھ سُہ آواگونٕکہ ژٔکرٕ نشِہ نجاتھ لبان۔
 وننُک مظلب چُھ یِہ زِ عٲرۍ فس چُھنٕہ ریاضٕکہ آبِ حیاتھ بغٲر بییٚہ کُنِہ تِہ پیٖزس سۭتۍ دل چسپی روزان۔
تِم چِھ زانان زِ ناسیٖت کانہہ آسیٖے بییٚہ شِو شکھتی بغٲر چُھنٕہ دُنۍ یہس منز بییٚہ کانہہ طاقتھ۔
 نہ آسِہ تٕہ نہ چُھ اوسمُت لیٚہازا چِھ یِہ ابدی شکھتی یۄسٕہ عٲرۍفس پانس منز موٗجوٗد چھیٚہ۔
بٕہ رۄپہ بھوانۍ ییٚلِہ چانِہ ( شِو سٕنز) وتِہ درایس تٕہ زنگِہ آہم ژٕے۔
 یانے چانی دِلاسٕہ پٔچس نٕہ برونہہ۔
 اے رحم کرن والِہ بٕہ کیا منگہے ژیٚہ۔
 تِہ کیازِ چانِہ دیٖدارٕ سۭتۍ اوس میٚہ سُہ شرٚیے تٕہ پریے برۄنہے ٛٲصِل سپُدمُت ییٚمِچ میٚہ خٲہش ٲس۔
 ژیٚہ وُچھتھ سپُد میٚہ رُم رُم خۄش تٕہ رنگٕہ رنگٕہ پوش پٔھلۍ میانِہ کایایِہ یانے بٕپ آیس پٔھلِتھ۔
 لیٚہازا میانِہ بغٲر کسُند ژٮ۪تھ ژیٚنگہے پتٕہ۔
 یۄسٕہ حالتھ میٚہ آمِہ درشن سۭتۍ منس سپٕز تٕہ یۄسٕہ غوٚنوٗدگی میٚہ سپٕز سۄ چھنٕہ بیان کرنس لایق۔
یوٚتام نٕہ عٲرف پَزرچِہ وَتِہ پٮ۪ٹھواتِہ توٚتام واتہ نٕہ تس پرون ریاض تراوُن یا توٚتام پزِ نٕہ پروٛن مقام تراوُن یوٚتام نٕہ نوٚو م’ُعین سپدِ۔
 یا یوٚتام نٕہ أندریُم ظوٗہوٗر سپدِ یا برہمٕہ گیان حٲصِل سپدِ  توٚتام پزرِنٕہ ریاضچِہلوٗکہ درحچِہ وتِہ تراونِہ۔
ییٚلی ظوٚہوٗرٕچ ذٕژ عٲرفس گاشراو تیٚلی واتِہ سُہ برہمٕہلوٗکس یانے آوا گۄونٕہ نشِہ لبہ نجاتھ۔
یوٚتام نٕہ عٲرف واد آو لٕنیو منز شک شُبٕہ نشِہ آزاد گژھ توٚتام مۄکلنٕہ سُہ آواگونٕکہ ژٔکرِ نشہ۔
عٲرفس ییٚلِہ سۄپرم پدوی ( تھوٚد مقام) حٲصِل چھیٚہ سپداقن تس کتۍ چِھ پتٕہ گرٛکوٕنۍ کھٲسۍ تٕہ ٹکُن نابد آسان یانے عٲشِے عٲش آسان۔
یوٚتام نٕہ عٲرف پزرٕچِہ وتِہ پٮ۪ٹھ واتِہ توٚتام واتِہ نٕہ تس پرون ریاض تراوُن یا توٚتام پزنٕہ پرون مقام تراوُن یوٚتام نٕہ نوٚو معین سپدِ۔
یا یوٚتام نٕہ أندریُم ظوٚہوٗر سپدِ یا برہمٕہ گیان حٲصَل سپدِ توٚتام پزِ نٕہ ریاضچِہ لوٗکہ درجچِہ وتِہ تراوٕنِہ۔
ییٚلِی ظہوٗررٕچ گاشراوِ سُہ برہمٕہ لوٗکس یانے آواگۄونٕہ نشِہ لبِہ نجاتھ۔
یوٚتام نٕہ عٲرف واد“ آو  لٕنیو منز شک شپبہ نِشِہ آزاد گژھ توٚتام مۄکلنٕہ سُہ آواگونٕکہ نشہ۔
عٲرفس ییٚلِہ سۄپرم پدوی (تۍوٚد مقام) حٲصِل چھیٚہ سپدان تس کتۍ چِھ گرٛکوٕنۍ کھٲسۍ تٕہ ٹکُن نابد آسان یانے عٲشے عٲش مآسان۔
مۍٚہ رۄپہ بٕھوانِہ ہُند خٲطر تِہ آو یِہ کونچھمُت ور ( سۭتۍ بوج) (ور لفظ چُھ زٕ مانے تھاوان ود چِھ سٲمیس (خاوند) تِہ ونان تٕہ یوگ مارسس منز ور دانس تِٕہ ونان تِہ زن گۄو سۄ حالتھ یتھ منز عٲرف ریاضکٔرتھ تٕہ پنُن پان گٲلتھ ابدی خوٚشی حٲصِل چُھ کران)مگر تس سۭتۍ بوجس چُھنٕہ کانہہ خاص شکل یا صوٖرتھ۔
 سُہ  جورٕ روٚس ور چُھ کُنے ٲسِتھ تِہ سٲرۍ سٕے جہانس منز پٔھلتھ مگر توتِہ نہ چُھس کانہہ شہٚبیٖہہ تٕہ نہ شکل۔
 مگر یِہ چُھنٕہ کتھ زِ یِہ خیال ما چُھ غلط تٕہ سورُے خیٲلی۔
 پزر چُھ یِہ زِتسٕنز میٚہربٲنی سۭتۍ کٔر میٚہ ابدی خوٚشی حۭصِل۔
 یوٚہے وجہہ چُھ زِ میٚہ کوٚر پنُن سورے ووٚجوّد اتھ ابدی حقیٖقٔژ منز رلٕہ تٕہ پنُن ووٚجود کوٚرُم موٗلٕہ مونجہ ختٕم۔
 پنُن یِہ ووٚجوٗد ختٕم سپدنٕہ سۭتۍ سپۭد میٚہ ذرس ذرس منز تٔمۍ سُندے آسپن دریٖنٹھۍ۔
خوٚشی ہٕندِس مقامس وٲژٕس۔
 وۄنۍ چُھ  میٲنس رُمس رُمس منز تسُندے ظوٚہوٗر۔