Upload New File

Data Collected/Odia/IIIT-BH/Monolingual-corpora/vikaspedia.in/vikashpedia_health_odia149.txt

+ଜୀବନ ତଥ୍ୟ
+ଜୀବନ ତଥ୍ୟର ଲକ୍ଷ୍ୟ
+ପିତାମାତା ତଥା ଶିଶୁର ଯତ୍ନ ନେଉଥିବା ଅନ୍ୟ ଲୋକ ମାନଙ୍କୁ ଶିଶୁର ଜୀବନର ସୁରକ୍ଷା ଓ ବିକାଶ ପାଇଁ ତଥ୍ୟ  ଯୋଗାଇବା ଏହି ଜୀବନ ତଥ୍ୟ ବହିର ଲକ୍ଷ୍ୟ ।
+ସମସ୍ତେ ଯେପରି ହି ତଥ୍ୟକୁ ବୁଝିବେ ଏବଂ କାମରେ ଲଗାଇବା ଆଗେଇ  ଆସିବେ ।
+ତାହା ନିଶ୍ଚିତ କରିବା ହିଁ ସବୁଠାରୁ ବଡ ଆହ୍ଵାନ ।
+ବିଜ୍ଞାନ  ଜାଣିନଥିବା ସାଧାରଣ ଲୋକ ଏଗୁଡ଼ିକୁ ବୁଝି କାମରେ ଲଗାଇବା ପାଇଁ ତଥ୍ୟ ଗୁଡିକୁ ଅତି ସରଲା ଭାଷାରେ ଉପସ୍ଥାପନା କରାଯାଇଛି ।
+ସ୍ୱାସ୍ଥ୍ୟକର୍ମୀ, ଶିକ୍ଷକ, ଛାତ୍ର, ସରକାରୀ, ବେତାର  ପ୍ରଚାରକ, ସାମ୍ବାଦିକ, ଗୋଷ୍ଠୀ, କର୍ମୀ ଧାର୍ମିକ ନେତା ଏବଂ ଅନ୍ୟ ସବୁ  ଶ୍ରେଣୀର ଲୋକ - ଯୁବକ ଓ ବୃଦ୍ଧ, ପରିବାରର ସଦସ୍ୟ, ସାଙ୍ଗସାଥୀ, ପଡୋଶୀ, ପୁରୁଷ, ମହିଳା ଓ  ଛୋଟପିଲା  - ସମସ୍ତ  ଜୀବନ ତଥ୍ୟରେ ଥିବା ବାର୍ତ୍ତାର ପ୍ରସାର ଦିଗରେ ସାହାଯ୍ୟ କରିପାରିବେ ।
+ଜୀବନ ତଥ୍ୟର ରୂପରେଖ
+ଶିଶୁର ରୋଗ ଓ ମୃତ୍ୟୁର ମୁଖ୍ୟ କାରଣର ତଥ୍ୟ ଦିଆଯାଇଛି ।
+ଏଥିରେ  ସମସ୍ୟାର ପରିସର ଏବଂ ସେ ବିଷୟରେ  ପଦକ୍ଷେପ ନେବାର ଆବଶ୍ୟକତା ଉପରେ ସଂକ୍ଷିପ୍ତ ଆଲୋଚନା ରହିଛି ।
+କାମରେ ସାମିଲ ହେବା ପାଇଁ ଲୋକ ମାନଙ୍କୁ  ପ୍ରେରଣା ଯୋଗାଇବା ଓ ଏହି ସୂଚନାର ବହୁଳ ପ୍ରସାର କରାଇବା ପାଇଁ ସେମାନଙ୍କୁ ଆଗ୍ରହୀ କରାଇବା ଏହାର ମୂଳ ଲକ୍ଷ୍ୟ ।
+ରାଜାନୈତିକ ନେତା ଓ ଗଣ ମାଧ୍ୟମକୁ  ପ୍ରଭାବିତ କରିବା ପାଇଁ ମଧ୍ୟ ଏହାକୁ ବ୍ୟବହାର କରାଯାଇପାରେ ।
+ମୁଖ୍ୟ ସନ୍ଦେଶ ପିତାମାତା ଓ ଶିଶୁର ଯତ୍ନ ନେଉଥିବା ଅନ୍ୟ ମାନଙ୍କ ପାଇଁ ଉଦ୍ଦିଷ୍ଟ ।
+ଏଥିରେ ପିଲା ମାନଙ୍କୁ ସୁରକ୍ଷା  ଦେବା ଦିଗରେ ଆବଶ୍ୟକ ସୂଚନା ରହିଛି ।
+ମୁଖ୍ୟ ସନ୍ଦେଶ ଗୁଡିକ ସ୍ପଷ୍ଟ, ସଂକ୍ଷିପ୍ତ ଏବଂ ପ୍ରୟୋଗାତ୍ମକ ।
+ତେଣୁ ଲୋକ ମାନେ  ଏହାକୁ ସହଜରେ ବୁଝିପାରିବେ ଏବଂ ଏଥିରେ ଥିବା ପରାମର୍ଶ  ଅନୁସାର କାମ କରିପାରିବେ ।
+ଏହି  ସନ୍ଦେଶ ଗୁଡିକ ବିଭିନ୍ନ  ଉପାୟରେ ବ୍ୟାପକ ଭାବରେ ସଞ୍ଚାରିତ ହେବା ଜରୁରୀ ।
+ସହାୟକ ସୂଚନା ହେଉଛି  ମୁଖ୍ୟ ସନ୍ଦେଶର ବିସ୍ତୃତ ରୂପ ।
+ଏଥିରେ  ଅଧିକ ତଥ୍ୟ ଏବଂ ପରାମର୍ଶ ରହିଛି ।
+ବିଶେଷ  କରି ସ୍ୱାସ୍ଥ୍ୟକର୍ମୀ  ଏବଂ ଅଧିକ  ଜାଣିବାକୁ ଆଗ୍ରହୀ ବ୍ୟକ୍ତିଙ୍କ ପାଇଁ ଏଗୁଡିକ ଉପଯୋଗୀ ।
+ଶିଶୁର ଯତ୍ନ ନେଉଥିବା ବ୍ୟକ୍ତିଙ୍କ  ପ୍ରଶ୍ନର ଉତ୍ତର ଦେବା ପାଇଁ ମଧ୍ୟ ଏହା ଉଦ୍ଦିଷ୍ଟ ।
+ଜୀବନ ତଥ୍ୟର ମୂଳ ସନ୍ଦେଶ
+ଦୁଇଟି ସନ୍ତାନ ମଧ୍ୟରେ ଅତିକମରେ ଦୁଇବର୍ଷ ବ୍ୟବଧାନ, ୧୮ ବର୍ଷ ପୂର୍ବରୁ ଓ ୩୫ ବର୍ଷ ପରେ ଏବଂ ମୋଟରେ ୪ରୁ  ଅଧିକ ଗର୍ଭଧାରଣ ନକଲେ ଉଭୟ ମହିଳା ଓ ଶିଶୁର ସ୍ୱାସ୍ଥ୍ୟ ଭଲ ରହିବ ।
+ପ୍ରତି ଗର୍ଭବତୀ ମହିଳା ପ୍ରସବ ପୂର୍ବ ଯତ୍ନ ପାଇଁ ସ୍ୱାସ୍ଥ୍ୟକର୍ମୀଙ୍କୁ ଦେଖା କରିବା ଏବଂ ପ୍ରସବ ସମୟରେ ପ୍ରଶିକ୍ଷିତ   ସହାୟକଙ୍କ ସାହାଯ୍ୟ  ନେବା ଜରୁରୀ ।
+ସବୁ ଗର୍ଭବତୀ ମହିଳା ଓ ତାଙ୍କ ପରିବାରର ଲୋକେ ଗର୍ଭଧାରଣ ସମୟରେ  ଦେଖାଯାଉଥିବା ବିପଦ ସଙ୍କେତ ଗୁଡିକୁ ଜାଣିବା ଏବଂ ସେଥିପ୍ରତି ସଜାଗ ରହି ଉପଯୁକ୍ତ ସାହାଯ୍ୟ ପାଇଁ ପ୍ରସ୍ତୁତ ଥିବା  ଦରକାର ।
+ଜନ୍ମହେବା ସମୟରୁ ଶିଶୁ ଶିଖିଥାଏ ।
+ସେମାନେ ଉତ୍ତମ ଖାଦ୍ୟ ଓ ସ୍ଵାସ୍ଥ୍ୟର  ଯତ୍ନ ସହ ଧ୍ୟାନ, ସ୍ନେହ ଓ ଉଦ୍ଦୀପନା   ପାଇଲେ ତାଙ୍କର ବୃଦ୍ଧି ଓ ଶିକ୍ଷା ବେଶ୍  ଶୀଘ୍ର ହୋଇଥାଏ ।
+ନିରୀକ୍ଷଣ କରିବା ଓ  ମନର କଥା ପ୍ରକାଶ କରିବା, ଖେଳିବା  ଏବଂ ପରଖିବା ପାଇଁ ପିଲାଙ୍କୁ  ଉତ୍ସାହିତ କଲେ ତାହା ତାଙ୍କର ଶିକ୍ଷା, ସାମାଜିକ, ଶାରୀରିକ ତଥା ବୌଦ୍ଧିକ ବିକାଶର   ସାହାଯ୍ୟ କରେ ।
+ଶିଶୁ ପାଇଁ ଜନ୍ମରୁ ଛଅ ମାସ ଯାଏ କେବଳ ମା ’କ୍ଷୀର ହିଁ ଉପଯୁକ୍ତ ଖାଦ୍ୟ ଓ ପାନୀୟ ।
+ଛଅ ମାସ ପରେ ତା’ର ମା’କ୍ଷୀର  ସହ ଅନ୍ୟ ଖାଦ୍ୟ ଦରକାର ହୋଇଥାଏ ।
+ମହିଳା ଗର୍ଭବତୀ ଥିବା ସମୟରେ ଏବଂ ଶିଶୁର ପ୍ରଥମ ଦୁଇ ବର୍ଷରେ ଖାଦ୍ୟ ପୃଷ୍ଟିକର ନହେଲେ ସାରା ଜୀବନ ପାଇଁ  ଶିଶୁର ମାନସିକ  ଓ ଶାରୀରିକ  ବିକାଶ  ଧିମେଇଯାଏ ।
+ଜନ୍ମରୁ  ଦୁଇବର୍ଷ ଯାଏଁ  ପ୍ରତି  ମାସରେ ଶିଶୁର ଓଜନ ନେବା  ଦରକାର ।
+କୌଣସି ଦୁଇ ମାସ  ଭିତରେ ଓଜନ ନବଢିଲେ ପିଲାର କିଛି ଅସୁବିଧା ଥିବା କଥା ଜଣାଯାଏ ।
+ଜନ୍ମର ବର୍ଷକ ଭିତରେ ପ୍ରତି ଶିଶୁ କେତେ ଗୁଡିଏ ପ୍ରତିରୋଧୀ ଟୀକା ନେବା ଦରକାର ।
+ଏହା ଦୁର୍ବଳ ବୃଦ୍ଧି, ଅକ୍ଷମତା ବା  ମୃତ୍ୟୁ ଘଟାଉଥିବା କେତେ ରୋଗ ବିରୁଦ୍ଧରେ ପିଲାକୁ ପ୍ରତିରୋଧକ୍ଷମ କରିଥାଏ ।
+ପ୍ରତ୍ୟକ ମହିଳା ଶିଶୁଧାରଣ ବୟସରେ  ଧନୁଷ୍ଟଙ୍କାର ରୋଗର ପ୍ରତିରୋଧକ୍ଷମ ରହିବା ଦରକାର ।
+ଏପରିକି ମହିଳା ଜଣକ ପୂର୍ବରୁ ପ୍ରତିଷେଧକ ନେଇଥିଲେ   ମଧ୍ୟ ଜଣେ  ସ୍ୱାସ୍ଥ୍ୟକର୍ମୀଙ୍କ ସହିତ ପରାମର୍ଶ କରିବା ଉଚିତ ।
+ତରଳ ଝାଡା ହେଉଥିବା ଶିଶୁକୁ ଯଥେଷ୍ଟ ପରିମାଣରେ ମା’କ୍ଷୀର, ଫଳରସ, ଓ.ଆର.ଏସ୍. ପାନୀୟ ପରି ଉପଯୁକ୍ତ  ତରଳ ଦେବା ଆବଶ୍ୟକ ।
+ତରଳ ଝାଡାରେ ରକ୍ତ ପଡୁଥିଲେ କିମ୍ବା ଖୁବ୍ ବେଶୀ ଥର ବା ଅତି ପାଣିଆ ଝାଡା ହେଉଥିଲେ   ଶିଶୁ ପ୍ରତି ବିପଦ ରହିଥାଏ ।
+ତେଣୁ ତାକୁ ଉପଯୁକ୍ତ ଚିକିତ୍ସା ପାଇଁ ସାଙ୍ଗେ ସାଙ୍ଗେ ପାଖର ସ୍ୱାସ୍ଥ୍ୟକେନ୍ଦ୍ରକୁ ନେଇଯିବା ଜରୁରୀ ।
+ଅଧିକାଂଶ ଶିଶୁ ଥଣ୍ଡା ବା କାଶରୁ ଆପେ ଆପେ ଭଲ ହୋଇଯାଆନ୍ତି ।
+କିନ୍ତୁ କାଶ ସହ ଶିଶୁଟି ଜୋରରେ ନିଶ୍ଵାସ  ନେଉଥିଲେ ବା ନିଶ୍ଵାସ ନେବାରେ ଅସୁବିଧା ହେଉଥିଲେ ଶିଶୁ ପ୍ରତି ବିପଦ ଥିବା ସୂଚାଏ ।
+ତେଣୁ ତାକୁ ଚିକିତ୍ସା ପାଇଁ ସାଙ୍ଗେ  ସାଙ୍ଗେ ସ୍ୱାସ୍ଥ୍ୟ କେନ୍ଦ୍ରକୁ ନେଇଯିବା ଜରୁରୀ ।
+ଅନେକ ରୋଗ ଉତ୍ତମ ସ୍ୱାସ୍ଥ୍ୟରକ୍ଷା ଅଭ୍ୟାସ ସାହାଯ୍ୟରେ ରୋକାଯାଇ ପାରିବ ।
+ପାଇଖାନା ସଫା ରଖିବା, ଝାଡା ବସିବା ପରେ ପାଇଖାନାରେ ପାଣି ବା ପାଉଁଶ ପକାଇବା, ପାଇଖାନାରୁ ଫେରିବା ପରେ ଏବଂ ଖାଇବା ଆଗରୁ ସାବୁନରେ ଭଲ  କରି ହାତ ଢୋଇବା, ସୁରକ୍ଷିତ ଉତ୍ସରୁ ପାଣି ବ୍ୟବହାର କରିବା ଏବଂ ଖାଦ୍ୟ ଓ ପାଣିକୁ ସଫା ରଖିବା ଏଭଳି ଅଭ୍ୟାସର କିଛି  ଉଦାହରଣ ।
+ମଶା କାମୁଡାରୁ ମେଲେରିଆ ବ୍ୟାପିଥାଏ ।
+ଏହା  ଘାତକ ମଧ୍ୟ ହୋଇପାରେ ।
+ମେଲେରିଆ ପ୍ରବଣ ଅଞ୍ଚଳରେ ଗ୍ରହଣୀୟ  କୀଟନାଶକଯୁକ୍ତ ମଶାରୀ ବ୍ୟବହାର କରିବା ଉଚିତ ।
+କୌଣସି ଶିଶୁକୁ ଜ୍ଵର ହେଲେ ପ୍ରଶିକ୍ଷିତ ସ୍ୱାସ୍ଥ୍ୟକର୍ମୀଙ୍କ ଦ୍ଵାରା ପରୀକ୍ଷା  କରାଇନେବା ଉଚିତ ।
+ଗର୍ଭବତୀ ମହିଳା ସ୍ୱାସ୍ଥ୍ୟକର୍ମୀଙ୍କ ପରାମର୍ଶରେ ମେଲେରିଆ ଔଷଧ ଖାଇବା ଉଚିତ ।
+ଏଡସ ଗୋଟିଏ ଘାତକ ରୋଗ, କିନ୍ତୁ  ତା’ର ପ୍ରତିରୋଧ କରାଯାଇପାରିବ ।
+ଏଡସ ଭୂତାଣୁ  (ଏଚ.ଆଇ.ଭି) ଅସୁରକ୍ଷିତ  (ବିନା  କଣ୍ଡୋମରେ) ଯୌନକ୍ରିୟା, ଅପରୀକ୍ଷିତ ରକ୍ତ ଗ୍ରହଣ ଏବଂ ନିଶାଦ୍ରବ୍ୟ ନେଉଥିବା ସିରିଞ୍ଜ ଓ ଛୁଞ୍ଚି ଆଦି ମାଧ୍ୟମରେ  ବ୍ୟାପିଥାଏ ।
+ଗର୍ଭଧାରଣ, ପ୍ରସବ ବା ସ୍ତନ୍ୟପାନ  ସମୟରେ ସଂକ୍ରମିତ ମହିଳା ଠାରୁ ଏହା ତା’ର ଶିଶୁ ଦେହକୁ ବ୍ୟାପିପାରେ ।
+ତେଣୁ ସମସ୍ତେ ଏଚ.ଆଇ.ଭି / ଏଡସ  ଏବଂ ତା’ର ପ୍ରତିରୋଧ ବିଷୟରେ ଜାଣିବା ଆବଶ୍ୟକ ।
+ସୁରକ୍ଷିତ (କଣ୍ଡୋମ  ସହିତ) ଯୌନକ୍ରିୟା ଦ୍ଵାରା ଏହାର ସଂକ୍ରମଣକୁ  ଅନେକ କମାଯାଇ ପାରିବ ।
+ଏହି ରୋଗରେ ଆକ୍ରାନ୍ତ ହେବାର ସମ୍ଭାବନା  ଥିବା  ମହିଳାମାନେ  ନିଜ  ସ୍ୱାସ୍ଥ୍ୟର  ସୁରକ୍ଷା  ତଥା  ନିଜ  ପିଲାଙ୍କୁ   ସଂକ୍ରମଣରୁ  ରକ୍ଷା  କରିବାର  ଉପାୟ  ବିଷୟରେ  ସ୍ୱାସ୍ଥ୍ୟକର୍ମୀଙ୍କ  ପରାମର୍ଶ  ନେବା  ଉଚିତ ।
+ବାପାମାଆ  ଓ ତତ୍ତ୍ଵାବଧାରକମାନେ   ଛୋଟ  ପିଲାଙ୍କ  ଉପରେ  ଲକ୍ଷ୍ୟ  ରଖିଲେ  ଏବଂ  ପିଲାଙ୍କର  ପରିବେଶକୁ   ନିରାପଦ   ରଖିଲେ  ଅନେକ  ଗୁରୁତର  ଦୁର୍ଘଟଣା  ରୋକାଯାଇ  ପାରିବ ।
+ବିପର୍ଯ୍ୟୟ  ବା ଜରୁରୀ  ଅବସ୍ଥାରେ   ଶିଶୁମାନେ  ମିଳିମିଳା  ଟିକା  ଏବଂ  ପରିପୂରକ  ସହ  ମୌଳିକ  ସ୍ୱାସ୍ଥ୍ୟସେବା  ପାଇବା  ଉଚିତ ।
+ମାନସିକ  ଚାପରେ   ଥିବା  ଶିଶୁମାନେ  ସବୁବେଳେ  ତାଙ୍କର  ବାପାମାଆ  କିମ୍ବା  ଅନ୍ୟ  ପରିଚିତ  ବୟସ୍କଙ୍କର  ସାଙ୍ଗରେ   ରହିବା  ଉଚିତ ।
+ଏହି  ସମୟରେ  ସ୍ତନ୍ୟପାନ  ତାଙ୍କ  ପାଇଁ  ବିଶେଷ  ଗୁରୁତ୍ୱପୂର୍ଣ୍ଣ ।
+ଜୀବନ  ତଥ୍ୟର  ସଞ୍ଚାର  ପାଇଁ  ଦିଗ୍ ଦର୍ଶନ
+ଜନସାଧାରଣଙ୍କୁ  କେବଳ  ସୂଚନା  ଜଣାଇଦେଲେଟକୁ  ସଞ୍ଚାର  କୁହାଯାଇ  ପାରିବନାହିଁ ।
+ଏଥିପାଇଁ  ଜନସାଧାରଣଙ୍କ  କଥା  ଶୁଣିବା , ସେମାନେ  ବୁଝିପାରିବା  ଭଳି  ମଜାଦାର  ଉପାୟରେ  ଉପାୟରେ  ସୂଚନା  ଆଦାନପ୍ରଦାନ  କରିବା  ଏବଂ  ଜୀବନ  ପାଇଁ  ଏହାର  ଯଥାର୍ଥତା  ବୁଝାଇବା  ଦରକାର ।
+ଜୀବନ  ତଥ୍ୟର  ସଞ୍ଚାରଣ  ପାଇଁ  ପାରସ୍ପରିକ   କ୍ରିୟା  ଏବଂ  ଏକ  ଦ୍ଵିମୁଖୀ  ପ୍ରକ୍ରିୟା  ଦରକାର ।
+ସେଥିରେ  ଭାବର  ଆଦାନପ୍ରଦାନ   ଏବଂ ଜ୍ଞାନ , ମତ ଓ ଅନୁଭୂତିର  ବିନିମୟ  ହେବା  ଜରୁରୀ ।
+ସେହି  ପ୍ରକ୍ରିୟାରେ  ସାହାଯ୍ୟ  କରିବା  ହେଉଛି  ଏହି  ମାର୍ଗଦର୍ଶିକାଟିର  ଲକ୍ଷ୍ୟ ।
+ଯତ୍ନକାରୀଙ୍କ   ପାଖରେ  ପହଞ୍ଚିବା
+ବାପାମା’ ତଥା  ବଡ  ଭାଇ  ଭଉଣୀ  ଏବଂ  ପରିବାରର  ଅନ୍ୟମାନଙ୍କ  ପରି  ଯତ୍ନକାରୀମାନେ   ହେଉଛନ୍ତି  ଜୀବନ  ତଥ୍ୟ  ସୂଚନାର   ପ୍ରାଥମିକ  ଲକ୍ଷ୍ୟ ।
+ସେମାନଙ୍କ   ପାଖକୁ  ବ୍ୟକ୍ତିଗତ  ତଥା  ଗଣମାଧ୍ୟମ  ବାଟ  ନେଇ  ପହଞ୍ଚି   ହେବ ।
+ସାଧାରଣ  ଲୋକଙ୍କ  ସ୍ୱାସ୍ଥ୍ୟସେବାକୁ   ପ୍ରଭାବିତ  କରୁଥିବା  ଲୋକମାନେ  ଭଲ  ସଞ୍ଚାରକ  ହୋଇପାରିବେ ।
+କୌଣସି  ସ୍ୱାସ୍ଥ୍ୟକର୍ମୀ , ଶିକ୍ଷକ , ସରକାରୀ  ସଂପ୍ରସାରଣ  କର୍ମୀ , ଧାର୍ମିକ ଓ  ଗୋଷ୍ଠୀ   ନେତା , ଯୁବ  ଓ  ମହିଳା  ଦଳ  ବେସରକାରୀ  ସଂସ୍ଥାର  ସଭ୍ୟ , ନିଯୁକ୍ତିଦାତା , ବ୍ୟବସାୟୀ  ବ୍ୟକ୍ତି  , ଶ୍ରମିକ  ସଂଗଠନର  ସଭ୍ୟ , ସାମାଜିକ  କର୍ମୀ , ଚିତ୍ରକର  ବା  ମନୋରଞ୍ଜକ  ଏଭଳି  ସଞ୍ଚାରକ  ହୋଇପାରନ୍ତି ।
+ସଞ୍ଚାରଣକୁ  ପ୍ରଭାବିତ  କରୁଥିବା  କେତେକ  କଥା
+ନୂଆ  ତଥ୍ୟ  କିପରି ଓ କେଉଁଠୁ  ଆସିଲା ଏବଂ  କିଏ  ଦେଲା , ତାହା  ଜନସାଧାରଣଙ୍କ  ଉପରେ  ପ୍ରଭାବ  ପକାଇଥାଏ ।
+ସେଥିରୁ  ହିଁ  ଏହି  ସୂଚନା  ଉପରେ  ଲୋକ  କାମ  କରିବେ  କି  ନାହିଁ  ଜଣାପଡେ ।
+ ସାଧାରଣତଃ  ସେମାନେ  ସୂଚନାଟିକୁ  ବିଶ୍ଵାସ   କରନ୍ତି , ଯଦି :
+ବିଭିନ୍ନ  ଉତ୍ସରୁ  ବାରମ୍ବାର  ଏକା  କଥା  ଶୁଣନ୍ତି
+କଥାଟି  କହୁଥିବା  ଲୋକକୁ  ସେମାନେ  ଭଲ  ଭାବରେ  ଜାଣିଥା’ନ୍ତି  ଏବଂ  ବିଶ୍ଵାସ  କରୁଥା’ନ୍ତି
+ଏହା  ତାଙ୍କ  ପରିବାରକୁ  କିପରି  ସାହାଯ୍ୟ  କରିବା  ତାହା  ବୁଝନ୍ତି
+ଏହା  ସେମାନେ  ବୁଝିପାରୁଥିବା  ଭାଷାରେ  କୁହାଯାଏ
+ଆଲୋଚନା  ପାଇଁ  ସେମାନଙ୍କୁ  ଉତ୍ସାହିତ କରାଯାଏ  ଏବଂ  କେତେବେଳେ , କିପରି  ଓ  କ’ଣ କରିବେ  ଆଦି  ପ୍ରଶ୍ନ  ପଚାରି  ଆଲୋଚନା  ମାଧ୍ୟମରେ  ବୁଝନ୍ତି
+ସନ୍ଦେଶଗୁଡିକର  ଅନୁବାଦ  ଓ  ଉପଯୋଗ  କରିବା
+ଜୀବନ  ତଥ୍ୟର  ଆନ୍ତର୍ଜାତିକ  ସଂସ୍କରଣରେ  ଦିଆଯାଇଥିବା  ସନ୍ଦେଶଗୁଡିକୁ  ଅନୁବାଦ  କରିବା  ଏବଂ  ଅନେକ  କ୍ଷେତ୍ରରେ  ସ୍ଥାନୀୟ  ପରିସ୍ଥିତି  ତଥା  ପ୍ରଥା  ଅନୁସାରେ   ଉପଯୋଗ  କରିବା  ଜରୁରୀ ।
+ଏହା  କରିବା  ସମୟରେ  ଛାପିବା  ଓ  ପ୍ରଚାର  କରିବା  ଆଗରୁ  ଲେଖାକୁ  ସ୍ଥାନୀୟ   ସ୍ୱାସ୍ଥ୍ୟ  ଅଧିକାରୀଙ୍କୁ  ଦେଖାଇ  ସେଗୁଡିକର  ସଠିକତା  ପରଖିନେବା   ଜରୁରୀ ।
+ପ୍ରଭାବଶାଳୀ ସଞ୍ଚାର
+ସଞ୍ଚାରଣର  ଅନେକଗୁଡିଏ  ବାଟ  ଅଛି ।
+କିନ୍ତୁ  ଗୋଷ୍ଠୀ  ଭିତରେ , ବ୍ୟକ୍ତିଗତ  ସ୍ତରରେ , ରାଜନୈତିକ  ନେତାଙ୍କୁ  ବୁଝାଇବା  ଦିଗରେ  ବା  ଗଣମାଧ୍ୟମରେ  ପ୍ରକାଶ  କରିବା  ପାଇଁ  ସନ୍ଦେଶ  ପ୍ରସ୍ତୁତ  କରୁଥିଲେ  ବି  ଏହାର  ମୂଳ  ନିୟମଟି  ଏକା ।
+ଜୀବନ  ତଥ୍ୟର  ସୂଚନା  କାହା  ପାଇଁ  ଦରକାର  ପ୍ରଥମେ  ତାହା  ନିଜେ  ଜାଣିବା  ଜରୁରୀ ।
+ସେମାନଙ୍କ  ଜୀବନ ଶୈଳୀ , ଭାଷା , ପ୍ରଥା ଓ  ବୁଝିବାର  ସ୍ତର  ବିଷୟରେ  ଜାଣନ୍ତୁ ।
+ଏହା  ଅଧିକ  ପ୍ରାସଙ୍ଗିକ , ସହଜରେ  ବୁଝି  ହେଉଥିବା  ଏବଂ  ଅଧିକ  ଗ୍ରହଣୀୟ  ତଥା  କାର୍ଯ୍ୟକ୍ଷମା  ହୋଇପାରିବା  ଭଳି  ସନ୍ଦେଶଗୁଡିକୁ  ବାଛିବାରେ  ସାହାଯ୍ୟ  କରିବ ।
+ସନ୍ଦେଶଗୁଡିକର   ଅନୁବାଦ  କରିବା  ସମୟରେ  ସାଧାରଣ  ଲୋକଟିଏ  ବୁଝିପାରିବା  ପରି   ସରଲା  ଭାଷାରେ   ଲେଖିବା  ଜରୁରୀ ।
+ସନ୍ଦେଶରେ  ଅଯଥା  ଗୁଡାଏ  କାମ  ବା  ବୈଷୟିକ  ତଥ୍ୟ  ନରହିବା  ଭଲ ।
+ଜୀବନ  ତଥ୍ୟରେ  ଦିଆଯାଇଥିବା  ପରୀକ୍ଷିତ  ସୂଚନାଗୁଡିକୁ  ହିଁ  ରଖନ୍ତୁ ।
+କିଛି  ନୂଆ  ସନ୍ଦେଶ  ଦେଉଥିଲେ   ତା’ର  ସଠିକତା  ପରୀକ୍ଷା  କରିନେବା  ଉଚିତ ।
+ଲୋକମାନେ  ସୂଚନାକୁ   ବୁଝିପାରୁଛନ୍ତି   ଏବଂ  ତାକୁ  କାମରେ  ଲଗାଇବାର   ବାଟ  ଜାଣିପାରୁଛନ୍ତି   ବୋଲି  ନିଶ୍ଚିତ  ହୁଅନ୍ତୁ ।
+ଏହା  ଗୋଷ୍ଠୀ   ଭିତରେ , ବାପାମା’  ତଥା  ଯତ୍ନକାରୀମାନଙ୍କ  ସହ  ଆଲୋଚନା  ମାଧ୍ୟମରେ  କରାଯାଇପାରେ ।
+ସେମାନଙ୍କୁ  ପ୍ରଶ୍ନ  କରି  ଚାହୁଁଥିବା   ସନ୍ଦେଶଗୁଡିକ  ସେମାନେ  କେତେଦୂର   ବୁଝିଛନ୍ତି   ତାହା  ପ୍ରଶ୍ନ   ଓ  ଆଲୋଚନା  ମାଧ୍ୟମରେ   ଜାଣିହେବ ।
+ସନ୍ଦେଶଗୁଡିକ  କାମରେ   ଲାଗିପାରିବା  କି  ନାହିଁ   ତାହା ଆଲୋଚନା  କରିବା  ପାଇଁ  ଉତ୍ସାହିତ   କରିବା  ଦରକାର ।
+ସେମାନଙ୍କ  ମତାମତ  ନେଇ  ସନ୍ଦେଶ  ଓ  ଚିତ୍ରଗୁଡ଼ିକୁ   ଦରକାର  ଅନୁସାରେ  ବଦଳାଇ  ଦିଅନ୍ତୁ ।
+ସନ୍ଦେଶଗୁଡିକୁ  ଜନସାଧାରଣଙ୍କ  ଜୀବନ  ସହିତ  ଯୋଡନ୍ତୁ ।
+ଜୀବନ  ତଥ୍ୟର  ସ୍ଥାନୀୟ   ଉଦାହରଣ  ଦେଇ  ସନ୍ଦେଶଗୁଡିକୁ   ମଜାଦାର  ଏବଂ  ଅର୍ଥପୂର୍ଣ୍ଣ   କରିବାର  ବାଟ  ଖୋଜନ୍ତୁ ।
+ଠିକ  ଲୋକଙ୍କ  ପାଖରେ  ପହଞ୍ଚି  ପାରିଲା  ପରି  ସଞ୍ଚାର  ମାଧ୍ୟମ  ଓ  ଗଣମାଧ୍ୟମ  ବାଛନ୍ତୁ ।
+କେବଳ  ଗୋଟିଏ   ମାଧ୍ୟମର   ବ୍ୟବହାର  ନକରି   ମିଳୁଥିବା  ମାଧ୍ୟମଗୁଡିକୁ  ଯଥା  ସମ୍ଭବ  ବ୍ୟବହାର  କରନ୍ତୁ ।
+ବିଭିନ୍ନ  ଧାରା ଓ  ମାଧ୍ୟମକୁ  ଏକାଠି   ମିଶାଇ  ବ୍ୟବହାର   କଲେ  ଜନସାଧାରଣ  ଗୋଟିଏ  ସନ୍ଦେଶକୁ  ବାରମ୍ବାର  ଏବଂ  ବିଭିନ୍ନ  ରୂପରେ  ପାଇବେ ।
+ ତଳ  ମାଧ୍ୟମଗୁଡିକୁ  ଏକାଠି  ବ୍ୟବହାର   କରିହେବ :
+ସଞ୍ଚାରଣର  ଅଚଳ  ଅବସ୍ଥା
+ସ୍ୱାସ୍ଥ୍ୟ  ସନ୍ଦେଶ  ପ୍ରଚାର  କରିବାର  ଚେଷ୍ଟାରେ  ବେଳେ ବେଳେ  ଚାହୁଁଥିବା  ଫଳାଫଳ  ମିଳିପାରେନାହିଁ ।
+ଏହି  ସମସ୍ୟାର  ସମାଧାନ  ପାଇଁ  ସଞ୍ଚାରକ  ମୂଳରୁ  ସତର୍କ  ହେବା  ଜରୁରୀ ।
+ସେ  ସ୍ଥାନୀୟ  ଜନସାଧାରଣଙ୍କ  ବ୍ୟବହାର , ଜୀବନଶୈଳୀକୁ  ପ୍ରଭାବିତ  କରୁଥିବା  ମନୋଭାବ , ବିଶ୍ଵାସ  ଏବଂ  ସାମାଜିକ  କାରଣ  ବୁଝିବା  ଆବଶ୍ୟକ ।
+ସେଗୁଡିକ  ହୁଏତ  ଲୋକଙ୍କ  ଭିତରେ  ପରିବର୍ତ୍ତନ   ଆଣିବାରେ  ବାଧା  ସୃଷ୍ଟି  କରୁଥିବ ।
+ସଞ୍ଚାରଣ  ମାଧ୍ୟମ  ଶକ୍ତିଶାଳୀ ନ ଥିଲେ  ସନ୍ଦେଶ  କେବଳ  ଅଳ୍ପକିଛି  ଲୋକଙ୍କ  ପାଖରେ  ପହଞ୍ଚିପାରେ ।
+ଉଦାହରଣ : ଖବରକାଗଜ  ବା  ପ୍ରଚାରପତ୍ର  ପରି  କେବଳ  ଛପା  ମାଧ୍ୟମରେ  ବ୍ୟବହାର  କଲେ  ପଢି  ପାରୁଥିବା  ଲୋକ ହିଁ  ଜାଣିପାରିବେ , କିନ୍ତୁ  ନିରକ୍ଷରମାନେ  ଏହା  ଜାଣିପାରିବେ  ନାହିଁ ।
+ସେହିପରି  ରେଡିଓ , ଦୂରଦର୍ଶନ ପରି  ମାଧ୍ୟମ  ବ୍ୟବହାର  କଲେ  ଯାହାଙ୍କ  ପାଖରେ  ଏ  ସୁବିଧା  ନାହିଁ  ସେମାନେ  ଏଥିରୁ  ବଞ୍ଚିତ  ହେବେ ।
+ସମାଧାନ : ଯେତେଦୂର  ସମ୍ଭବ  ବିଭିନ୍ନ  ମାଧ୍ୟମ  ମିଶାଇ  ଲୋକଙ୍କ  ପାଖରେ  ସୂଚନା  ପହଞ୍ଚାନ୍ତୁ  ଏବଂ  ବ୍ୟକ୍ତି – ବ୍ୟକ୍ତି  ସଞ୍ଚାର  ମାଧ୍ୟମରେ   ସନ୍ଦେଶଗୁଡିକ  ବାରମ୍ବାର  ଦୋହରାନ୍ତୁ ।
+ଲୋକଙ୍କ  ପାଖରେ  ଅଧିକ  ପହଞ୍ଚି  ପାରୁଥିବା  ଏବଂ  ତାଙ୍କ  ପାଇଁ  ବେଶୀ  ବିଶ୍ଵାସନୀୟ  ହେଉଥିବା  ସଂଚାର  ମାଧ୍ୟମଗୁଡିକୁ  ଖୋଜି  ବାହାର  କରିବାକୁ  ଚେଷ୍ଟା  କରନ୍ତୁ ।
+ଜନସାଧାରଣଙ୍କ  ପାଖରେ   ସନ୍ଦେଶଗୁଡିକ  ପହଞ୍ଚୁଥିବ , କିନ୍ତୁ  ସେମାନେ  ତାହା  ବୁଝୁ  ନଥିବେ ।
+ଉଦାହରଣ : ସନ୍ଦେଶରେ  ବୈଷୟିକ   ଶବ୍ଦର  ବ୍ୟବହାର , ଭୁଲ  ଭାଷା  ବା  ଉପଭାଷାରେ  ବର୍ଣ୍ଣନା ।
+ସମାଧାନ : ସନ୍ଦେଶକୁ  ଅନୁବାଦ  କରିବା  ସମୟରେ  ସାଧାରଣ  ଶବ୍ଦ  ଓ  ଅଣବୈଷୟିକ   ଭାଷାର  ବ୍ୟବହାର  କରିବା  ଉଚିତ ।
+ସାଧାରଣ  ଲୋକ  ଏହାକୁ  ବୁଝିପାରୁଛନ୍ତି  କି ନାହିଁ  ମଝିରେ   ମଝିରେ  ତାହା  ପରୀକ୍ଷା  କରିନେବା   ଜରୁରୀ ।
+ଲୋକମାନେ  ସନ୍ଦେଶଟି  ଜାଣିବା  ପରେ  ଏହାକୁ  ଠିକ୍  ଅର୍ଥରେ  ନବୁଝି  ଭୁଲ  ଭାବରେ  ବ୍ୟବହାର  କରନ୍ତି ।
+ଗଣମାଧ୍ୟମ : ରେଡିଓ , ଦୂରଦର୍ଶନ , ଖବରକାଗଜ ଏବଂ  ଚିତ୍ର  ବହି
+କ୍ଷୁଦ୍ରମାଧ୍ୟମ : ଚିତ୍ରମାଳା , ଅଡିଓ  କ୍ୟାସେଟ , ପ୍ରଚାରପତ୍ର , ତଥ୍ୟପୁସ୍ତିକା , ଭିଡିଓ , ସ୍ଲାଇଡ , ଚାର୍ଟ , ଟି – ଶାର୍ଟ , ପଦକ  ଏବଂ  ଡାକବାଜି  ଯନ୍ତ୍ରରେ  ଘୋଷଣା
+ବ୍ୟକ୍ତି – ବ୍ୟକ୍ତି  ମାଧ୍ୟମ : ସ୍ୱାସ୍ଥ୍ୟକର୍ମୀ , ଧାର୍ମିକ  ବା  ଗୋଷ୍ଠୀ  ନେତା , ମହିଳା ଓ  ଯୁବ  ସଂଗଠନ , ଉନ୍ନୟନ  କର୍ମୀ  ଏବଂ  ସରକାରୀ  ଅଧିକାରୀ
+ଏହାକୁ  ଦୃଢତର  କରିବା  ପାଇଁ  ପୁନରାବୃତ୍ତି  କରନ୍ତୁ ।
+ଉଦାହରଣ : ମା’ ମାନଙ୍କୁ  ଓ.ଆର.ଏସ୍. ର  ବ୍ୟବହାର  ବିଷୟରେ  ଶିଖାଇଥାଏ ।
+ସେମାନେ  ଭୁଲରେ  ଏହାକୁ  ଅଧିକ ପାଣିଆ  କରିଦେଲେ    ସେଥିରୁ  କିଛି  ଲାଭ  ମିଳେ  ନାହିଁ ।
+ସେହିପରି  ଏଥିରେ  ପାଣି  ଅଂଶ  କମ  ହୋଇଗଲେ  ଏହି  ଘୋଳ  ବିପଦଜନକ   ହୋଇଥାଏ ।
+ସମାଧାନ : କୌଣସି  ନୂଆ  କୌଶଳ  ଶିଖାଇବା  ସମୟରେ  ଯଥେଷ୍ଟ  ପ୍ରଶିକ୍ଷଣ  ଦେବା  ସହ  ନିର୍ଦ୍ଧିଷ୍ଟ  ସମୟ   ବ୍ୟବଧାନରେ   ସେଥିରେ  ହେଉଥିବା  ଭୁଲ  ବା  ସମସ୍ୟାକୁ   ଦେଖିବା  ଦରକାର ।
+ଆବଶ୍ୟକ  ହେଲେ  ଅଧିକ  ସହାୟତା ବା  ସନ୍ଦେଶ  ଦେବା  ଜରୁରୀ ।
+ଜନସାଧାରଣ  କୌଣସି  ସୂଚନା  ପାଇବା  ପରେ  ବୁଝିଥିଲେ  ମଧ୍ୟ  କାମରେ  ଲଗାନ୍ତି  ନାହିଁ ।
+କାରଣ  ଏହା  ବର୍ତ୍ତମାନର  ମନୋଭାବ  ଏବଂ  ବିଶ୍ଵାସର  ବିରୋଧୀ ।
+ଉଦାହରଣ : ତରଳ  ଝାଡା  ହେଉଥିବା  ସମୟରେ  ଶିଶୁକୁ  ନିୟମିତ  ଖାଦ୍ୟ  ଖୁଆଇବା  ପାଇଁ  ମା’ମାନଙ୍କୁ   ନିର୍ଦ୍ଦେଶ  ଦିଆଯାଇଥାଏ ।
+କିନ୍ତୁ  ସେମାନେ   ତାହା  କରନ୍ତି  ନାହିଁ ।
+କାରଣ  ସାଧାରଣ  ଭାବରେ  ବିଶ୍ଵାସ  ରହିଛି ଯେ  ତରଳ  ଝାଡା  ହେଉଥିଲେ  ପେଟକୁ  ବିଶ୍ରାମ   ଦେବା  ଦରକାର ।
+ସମାଧାନ : ସନ୍ଦେଶଗୁଡିକୁ  ଏପରି  ପ୍ରସ୍ତୁତ   କରିବା  ଦରକାର  ଯେପରି  ତାହା  କାହା  ମନରେ  ଆଘାତ  ନଦେଇ  ସମ୍ବେଦନଶୀଳ  ବାଟରେ  କ୍ଷତିକାରକ  ଭୁଲ  ବିଶ୍ଵାସକୁ   ଦୂରେଇ   ଦେବ ।
+ଜନସାଧାରଣ  ନୂଆ ସୂଚନାକୁ   ଗ୍ରହଣ  କରିବା  ସହ  ବୁଝିପାରନ୍ତି , କିନ୍ତୁ  ଦାରିଦ୍ର୍ୟ , ମୌଳିକ  ସେବାର  ଅଭାବ  ପରି  କେତେକ  କାରଣକୁ  ତାହାକୁ  କାମରେ  ଲଗାଇପାରନ୍ତି  ନାହିଁ ।
+ଉଦାହରଣ : ଗଣମାଧ୍ୟମରେ  ପ୍ରଚାର  ଯୋଗୁ  ଗୋଷ୍ଠୀ  ଭିତରେ  ଓ.ଆର.ଏସ୍. ପ୍ୟାକେଟରେ  ଚାହିଦା  ବଢିଲା ।
+କିନ୍ତୁ  ଯଦି  ପ୍ୟାକେଟର  ଦାମ  ବେଶ୍  ଅଧିକ  ହୁଏ ବା  ପାଖ  ଅଞ୍ଚଳରେ  ଏହା  ମିଳେନାହିଁ , ଗଣମାଧ୍ୟମରେ   ପ୍ରଚାର  ପାଇଁ  ଖର୍ଚ୍ଚ  ହୋଇଥିବା  ଅର୍ଥର  କୌଣସି  ମୂଲ୍ୟ  ରହିବ  ନାହିଁ ।
+ସମାଧାନ : କୌଣସି  ସେବା  ବା  ଜିନିଷ  ବିଷୟରେ  ଗଣମାଧ୍ୟମରେ  ପ୍ରଚାର  କରିବା  ପୂର୍ବରୁ  ସ୍ଥାନୀୟ  ସ୍ୱାସ୍ଥ୍ୟ  ଅଧିକାରୀଙ୍କ  ସହ  ଯୋଗାଯୋଗ  କରି  ସେସବୁ  ପାଖରେ  ଓ  ସହଜରେ  ମିଳିବାର  ବ୍ୟବସ୍ଥା  କରାଇବା  ଆବଶ୍ୟକ ।
+ଗଣମାଧ୍ୟମରେ  ସଞ୍ଚାରଣ
+କୌଣସି  ଗୋଟିଏ  ସୂଚନାକୁ  ବହୁତ  ଲୋକଙ୍କ  ପାଖରେ   ପହଞ୍ଚାଇବା  ଏବଂ  ତାକୁ  ବାରମ୍ବାର  ଦୋହରାଇବା  ପାଇଁ  ରେଡିଓ , ଖବରକାଗଜ  ଏବଂ  ଦୂରଦର୍ଶନ  ଗୋଟିଏ  ଗୋଟିଏ  ଭଲ  ମାଧ୍ୟମ ।
+ପୁନରାବୃତ୍ତି  ମନେ  ରଖାଇବାର  ଗୋଟିଏ  ଭଲ  ଉପାୟ ।
+ତେଣୁ  କୌଣସି  ସନ୍ଦେଶକୁ  ବିଭିନ୍ନ  ମାଧ୍ୟମରେ   ବାରମ୍ବାର  ପ୍ରଚାର  କଲେ  ଲୋକେ  ଏହାକୁ  ଗ୍ରହଣ  କରିବା  ସହ  କାମରେ  ମଧ୍ୟ  ଲଗାଇବେ ।
+ଏହି  ସୂଚନାଗୁଡିକୁ  ସାକ୍ଷାତକାର , ଲେଖା , ଆଲୋଚନା , ରେଡିଓ  ବା ଦୂରଦର୍ଶନରେ   ନାଟକ , କଣ୍ଢେଇନାଚ , କୌତିକିଆ  ନାଚ , ଗୀତ , କୁଇଜ୍ ପ୍ରତିଯୋଗୀତା  ଏବଂ  କଲ୍ ଇନ୍  ବା  ଫୋନ୍  କରନ୍ତୁ  କାର୍ଯ୍ୟକ୍ରମ  ମାଧ୍ୟମରେ  ପ୍ରଚାର  କରାଯାଇ  ପାରିବ ।
+ସ୍ଵାକ୍ଷରତା  ହାର  ଅଧିକ  ଥିବା  ସ୍ଥାନରେ  ଖବରକାଗଜ ଓ  ପତ୍ରିକାରେ  ଲେଖିଲେ  ତାହା  ଫଳପ୍ରଦ  ହୋଇଥାଏ ।
+ସ୍ଵାକ୍ଷରତା  ହାର କମ୍  ଥିବା  ଅଞ୍ଚଳରେ ଲୋକଙ୍କ  ପାଖରେ ପହଞ୍ଚିବା  ପାଇଁ ଅନ୍ୟ  ମାଧ୍ୟମ  ସବୁ  ବ୍ୟବହାର  କରିବା  ଉଚିତ୍ ।
+କେତେକ  ପରିସ୍ଥିତିରେ   ଚିତ୍ରକଥା  ଓ  ଚିତ୍ର  ବ୍ୟବହାର  କରି  ଉଭୟ  ପିଲା  ଓ  ବୟସ୍କ  ଲୋକଙ୍କୁ  ଆକର୍ଷିତ  କରାଯାଇପାରେ ।
+ରେଡିଓ ଓ ଦୂରଦର୍ଶନରେ  ପ୍ରସାରିତ  ସନ୍ଦେଶଗୁଡିକ  ଯେଉଁମାନଙ୍କ  ପାଇଁ  ଉଦ୍ଦିଷ୍ଟ  ସେମାନେ  ଏହାକୁ  ଶୁଣୁଥିବା  ବା  ଦେଖୁଥିବା  ସମୟରେ  ପ୍ରସାରଣ  କରିବା  ପ୍ରତି  ଧ୍ୟାନ  ଦେବା  ଜରୁରୀ ।
+ଖାଲି  ସମୟରେ  ପ୍ରସାରିତ  ହେଉଥିବା  ମାଗଣା  ସାର୍ବଜନୀନ  ସେବା  ଘୋଷଣାକୁ  କେବଳ  ବ୍ୟବହାର  କରିବା  ଉଚିତ  ନୁହେଁ ।
+ଲୋକପ୍ରିୟ  କାର୍ଯ୍ୟକ୍ରମ  ସମୟରେ  ପ୍ରସାରିତ  ହେଲେ  ଅଧିକ  ଲୋକଙ୍କ  ପାଖରେ  ସନ୍ଦେଶ  ପହଞ୍ଚି  ପାରିବ ।
+ରେଡିଓ ବା  ଦୂରଦର୍ଶନ  ରେ  କାର୍ଯ୍ୟକ୍ରମ  ପ୍ରଯୋଜକଙ୍କ  ସହ  ଆଲୋଚନା  କରି  ତାଙ୍କ  ଲୋକପ୍ରିୟ  କାର୍ଯ୍ୟକ୍ରମର  ସଞ୍ଚାଳକଙ୍କ  ସହ  ଆଲୋଚନା  କରି  ମଧ୍ୟ  ଏହି  ବିଷୟଗୁଡିକୁ  ତାଙ୍କ  ଆଲୋଚନାରେ  ସାମିଲ  କରାଯାଇ  ପାରିବ ।
+ଗଣମାଧ୍ୟମର  କାର୍ଯ୍ୟକ୍ରମରେ  ବିଭିନ୍ନ  ସମ୍ମାନନୀୟ  ଏବଂ  ସମାଜରେ  ଗ୍ରହଣୀୟ  ବ୍ୟକ୍ତିବିଶେଷଙ୍କୁ  ନେଇ  ସନ୍ଦେଶଗୁଡିକର  ସଞ୍ଚାରଣ ଓ  ପୁନରାବୃତ୍ତି   କରିବା  ଉଚିତ୍ ।
+ବ୍ୟକ୍ତି – ବ୍ୟକ୍ତି  ସଞ୍ଚାରଣ
+ଗଣମାଧ୍ୟମରୁ  ଜାନୁଥିବା  କିଛି ନୂଆ  ସୂଚନାକୁ  ଅଧିକାଂଶ  ଲୋକ  ସହଜରେ  ଗ୍ରହଣ  କରିପାରନ୍ତି  ନାହିଁ ।
+ସେଥିପାଇଁ  ତାଙ୍କର  ବିଶ୍ୱାସଯୋଗ୍ୟ  କୌଣସି  ବ୍ୟକ୍ତିଙ୍କ  ସହ   ଆଲୋଚନା   କରିବାକୁ  ଚାହାନ୍ତି ।
+ତେଣୁ  ଉଭୟ  ଗଣମାଧ୍ୟମ  ଓ  ବ୍ୟକ୍ତି – ବ୍ୟକ୍ତି  ସଞ୍ଚାରଣ  ମାଧ୍ୟମରେ   ଜନସାଧାରଣଙ୍କୁ  ନୂଆ ସ୍ୱାସ୍ଥ୍ୟ  ସମ୍ପର୍କିତ  ଚଳଣିକୁ  ଗ୍ରହଣ  କରିବା  ପାଇଁ  ଉତ୍ସାହିତ   କରିବା  ଆବଶ୍ୟକ ।
+ଜଣ  ଜଣ  କରି  ବୁଝାଇବା  କାମଟି  ପାଣିକଳ  ପାଖରେ , ଖେଳାଳିମାନଙ୍କ  ଭିତରେ , ପରିବାର  ତଥା ବନ୍ଧୁବର୍ଗରେ  ଆଲୋଚନା  ସମୟରେ  ବା  ଶ୍ରେଣୀଗୃହ , ସ୍ୱାସ୍ଥ୍ୟ  କ୍ଲିନିକ୍ , ଗୋଷ୍ଠୀ ସଭା , ମହିଳା  ସମିତି  ସଭ୍ୟ , ପ୍ରୌଢଶିକ୍ଷା  କେନ୍ଦ୍ର  ଆଦି  ଯେ କୌଣସି  ସ୍ଥାନରେ  କରାଯାଇପାରିବ ।
+ଏହି ଭଳି  ଜଣ ଜଣ  କରି  ଆଲୋଚନା  କରିବା  ଫଳରେ  ମନରେ   ଆସୁଥିବା  ସନ୍ଦେହ  ଓ ପ୍ରଶ୍ନ  ସବୁର  ସମାଧାନ  ସହଜରେ  ହୋଇପାରେ  ଏବଂ  କେହି  ଏହାକୁ  ବିରୋଧ   କରୁଥିବାର  କାରଣ  ତଥା  ତା’ର  ସମାଧାନ  ମଧ୍ୟ  ବାହାରିଥାଏ ।
+ସୂଚନା , କାମ ଓ  ବିଶ୍ଳେଷଣର  ଚକ୍ରକୁ  ଆଧାର  କରି  ପ୍ରଭାବଶାଳୀ  ଶିକ୍ଷଣ  ରୂପ  ନିଏ ।
+କୌଣସି  ସମସ୍ୟାକୁ  ସକ୍ରିୟ  ଭାବରେ  ଚିହ୍ନଟ   କରି , ସମାଧାନର  ବାଟ  ଖୋଜି  ଏବଂ  ଫଳାଫଳର  ଅନୁଶୀଳନ  କରି  ସ୍ଯାନସାଧାରଣ  ସବୁଠାରୁ  ଅଧିକ  ଶିଖନ୍ତି ।
+ତେଣୁ  ଜୀବନ  ତଥ୍ୟର  ସନ୍ଦେଶଗୁଡିକ  ଅଂଶଗ୍ରହଣକାରୀଙ୍କୁ  ଏକ  ସକ୍ରିୟ  ଭୂମିକା  ନେବାର  ସୁଯୋଗ  ଦେବା  ଦରକାର ।
+ଆଲୋଚନା  କୌଣସି  ବ୍ୟକ୍ତିଗତ  ବା  ଦଳର  ମୁଖ୍ୟ  ସମସ୍ୟାରୁ  ଆରମ୍ଭ  କରନ୍ତୁ ।
+ଆଗରୁ  ଜଣାଥିବା  ବିଷୟରୁ  ଆରମ୍ଭ  କରି  ମୁଖ୍ୟ  ବିଷୟ  ଉପରେ  ଜୋର  ଦିଅନ୍ତୁ ।
+ବୈଷୟିକ  ବା  ବୈଜ୍ଞାନିକ   ଭାଷା  ବ୍ୟବହାର  କରନ୍ତୁ   ନାହିଁ ।
+ଜନସାଧାରଣଙ୍କୁ  ସେହି  ବିଷୟରେ  ପ୍ରଶ୍ନ  ପଚାରିବାକୁ  ଉତ୍ସାହିତ   କରନ୍ତୁ ।
+ସମସ୍ୟାର  କାରଣ  ତଥା  ସେମାନଙ୍କର  ସମ୍ବାବ୍ୟ  ସମାଧାନ  ବିଷୟରେ  ଆଲୋଚନାକୁ  ଠିକ୍  ଦିଗରେ  ପରିଚାଳିତ   କରନ୍ତୁ ।
+ମନେରଖନ୍ତୁ  ଯେ ସଞ୍ଚାରଣରେ  କହିବା  ପରି  ଶୁଣିବା  ମଧ୍ୟ  ବେଶ୍  ଜରୁରୀ ।
+ଶୁଣିବା  ଦ୍ଵାରା  ପରାମର୍ଶ  ଦିଆଯାଉଥିବା  କାମକୁ  ଲୋକମାନେ  କାହିଁକି  କରୁଛନ୍ତି  ବା  କରୁନାହାନ୍ତି  ଆପଣ   ଜାଣିପାରିବେ ।
+ସ୍ୱାସ୍ଥ୍ୟ  ସନ୍ଦେଶ  ଉପରେ  କାମ  ନକରିବା  ପାଇଁ  କେତେକ  ଆଦେଖା  କାରଣ  ଉପରେ   କିଛି  ସାମୟିକ   ପଦକ୍ଷେପ  ନେବାକୁ  ହେବ ।
+ଅନ୍ୟର  ମତାମତ , ଜ୍ଞାନ ଏବଂ  ବଦଳିପାରିବାର  ସାମର୍ଥ୍ୟକୁ  ସମ୍ମାନର  ସହ  ଗ୍ରହଣ  କରନ୍ତୁ ।
+ପରିସ୍ଥିତିରେ  ପଡିଲେ  ଲୋକେ  ଶିଖନ୍ତି  ଏବଂ  ଏହା  ତାଙ୍କର  ଆତ୍ମବିଶ୍ଵାସ  ବଢାଇଥାଏ ।
+ସେମାନେ  ବୁଝିପାରିଲେ  ଓ  ସମ୍ମାନ  ପାଇଲେ  କାମ  କରିବାକୁ  ଆଗେଇ  ଆସନ୍ତି ।
+ସମସ୍ୟାର  ସମାଧାନ  ପାଇଁ  ବ୍ୟକ୍ତି  ବିଶେଷ  ବା  ଦଳକୁ  ସହଯୋଗ  କରନ୍ତୁ ।
+କାର୍ଯ୍ୟକ୍ରମର  ଅଗ୍ରଗତିର  ତଦାରଖ  କରିବା , ଫଳାଫଳର  ଆକଳନ  କରିବା  ଆଦି  କାମରେ  ସାହାଯ୍ୟ   କରନ୍ତୁ ।
+ଦରକାର  ଅନୁସାରେ  କାର୍ଯ୍ୟକ୍ରମକୁ  ବଦଳାନ୍ତୁ  ବା  ଅଧିକ  କାମର  ବ୍ୟବସ୍ଥା  କରନ୍ତୁ ।
+ସୂଚନାରୁ  କାମ
+ଜୀବନ  ତଥ୍ୟର  ଲକ୍ଷ୍ୟ  ହେଉଛି  ପିଲାମାନଙ୍କର  ରୋଗ  ଓ  ମୃତ୍ୟୁକୁ  କମାଇବା ।
+ଏଥିରେ  ଥିବା  ସନ୍ଦେଶକୁ  କାମରେ  ଲଗାଇବାକୁ  ହେଲେ  ଲୋକମାନଙ୍କ  କାର୍ଯ୍ୟଧାରାରେ  କିଛି  ମୌଳିକ  ପରିବର୍ତ୍ତନ   ଆଣିବା  ଦରକାର  ହୋଇପାରେ ।
+ମଣିଷର   ସାମାଜିକ  ଆଚାର  ବ୍ୟବହାର  ସାଧାରଣତଃ  କିଛି  ଗଭୀର  ବିଶ୍ଵାସ  ଓ  ସାଂସ୍କୃତିକ  ମୂଲ୍ୟବୋଧ  ଉପରେ  ଆଧାରିତ  ହୋଇଥାଏ ।
+ ଚାଲିଚଳଣରେ  ପରିବର୍ତ୍ତନ  ଆଣିବା  ପାଇଁ   ଆତ୍ମବିଶ୍ଵାସ  ଓ  ସାହସ
+ଆବଶ୍ୟକ ।
+ବୁଝିନଥିବାରୁ , ପ୍ରେରଣାର  ଅଭାବରୁ  ବା  ସମସ୍ୟାର  ସମାଧାନ  ଦିଗରେ  ଆଗ୍ରହ  ବା  ସାମର୍ଥ୍ୟ  ନଥିବାରୁ  କିଛି  ନୂଆ  କଥାକୁ  ଜନସାଧାରଣ  ବିରୋଧ  କରିପାରନ୍ତି ।
+ସମସ୍ୟା  ବିଷୟରେ  ଅଜ୍ଞତାରୁ  ବାହାରି  ପରିସ୍ଥିତିକୁ   ବୁଝିବା  ଏବଂ ଉପଯୁକ୍ତ  ପଦକ୍ଷେପ  ନେବାର  ବିଭିନ୍ନ  ପାଦ  ପୂର୍ବ  ପୃଷ୍ଠାର  ସାରଣୀରେ  ଦେଖାଯାଇଛି ।
+ଜୀବନ  ତଥ୍ୟର  ସନ୍ଦେଶକୁ  ସବୁଆଡେ  ପହଞ୍ଚାଇବା  ଦିଗରେ  ଆପଣଙ୍କ  ସହଯୋଗ  ପାଇଁ  ଧନ୍ୟବାଦ ।
+ଜୀବନ  ତଥ୍ୟ – ଅଭିଜ୍ଞତାରୁ  ଶିକ୍ଷା   ଗୋଟିଏ  ବ୍ୟବହାର  ଉପଯୋଗୀ  ପ୍ରକାଶନ ।
+ଏହା  ଜୀବନ  ତଥ୍ୟର  ପୂର୍ବ  ଦୁଇଟି  ସଂସ୍କରଣକୁ   ବ୍ୟବହାର  କରି  ବିଭିନ୍ନ  କ୍ଷେତ୍ରରେ   ଅନୁଭୂତିର   ସମୀକ୍ଷା  କରିଛି ।
+ଇଂରାଜୀ ଓ ଅନ୍ୟ  କେତେ  ଭାଷାରେ  ଏହି  ପୁସ୍ତକ  ବିନାମୂଲ୍ୟରେ  ମିଳେ ।
+ଏଥିପାଇଁ  ନିକଟସ୍ଥ  ୟୁନିସେଫ୍  କାର୍ଯ୍ୟାଳୟ  ବା  ନିଉୟର୍କ  ଠାରେ  ଥିବା  ୟୁନିସେଫ୍ ର  ମୁଖ୍ୟ  କାର୍ଯ୍ୟାଳୟ  ସହ  ଯୋଗାଯୋଗ  କରନ୍ତୁ ।