శ్రీ వెంకటేశ్వర ఇన్స్టిట్యూట్ ఆఫ్ క్యాన్సర్ కేర్ అండ్ అడ్వాన్డ్స్ రీసెర్చ్https://te.wikipedia.org/wiki/%E0%B0%B6%E0%B1%8D%E0%B0%B0%E0%B1%80_%E0%B0%B5%E0%B1%86%E0%B0%82%E0%B0%95%E0%B0%9F%E0%B1%87%E0%B0%B6%E0%B1%8D%E0%B0%B5%E0%B0%B0_%E0%B0%87%E0%B0%A8%E0%B1%8D%E0%B0%B8%E0%B1%8D%E0%B0%9F%E0%B0%BF%E0%B0%9F%E0%B1%8D%E0%B0%AF%E0%B1%82%E0%B0%9F%E0%B1%8D_%E0%B0%86%E0%B0%AB%E0%B1%8D_%E0%B0%95%E0%B1%8D%E0%B0%AF%E0%B0%BE%E0%B0%A8%E0%B1%8D%E0%B0%B8%E0%B0%B0%E0%B1%8D_%E0%B0%95%E0%B1%87%E0%B0%B0%E0%B1%8D_%E0%B0%85%E0%B0%82%E0%B0%A1%E0%B1%8D_%E0%B0%85%E0%B0%A1%E0%B1%8D%E0%B0%B5%E0%B0%BE%E0%B0%A8%E0%B1%8D%E0%B0%A1%E0%B1%8D%E0%B0%B8%E0%B1%8D_%E0%B0%B0%E0%B1%80%E0%B0%B8%E0%B1%86%E0%B0%B0%E0%B1%8D%E0%B0%9A%E0%B1%8Dశ్రీ వెంకటేశ్వర ఇన్స్టిట్యూట్ ఆఫ్ క్యాన్సర్ కేర్ అండ్ అడ్వాన్డ్స్ రీసెర్చ్ (ఆంగ్లం: Sri Venkateswara Institute of Cancer Care & Advanced Research) తిరుపతిలో టీటీడీ సహకారంతో టాటా ట్రస్టు ఆధ్వర్యంలో నిర్మిస్తున్న టాటా క్యాన్సర్ ఆస్పత్రి.దీని నిర్మాణానికి 2018 ఆగస్టు 31న అప్పటి ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఆధ్వర్యంలో శంకుస్థాపన జరిగింది.టీటీడీ అవసరమైన 25 ఎకరాల విస్తీర్ణంలో స్థలాన్ని కేటాయించగా రూ.600 కోట్ల వ్యయంతో క్యాన్సర్ ఆస్పత్రిని నిర్మించడానికి టాటా ట్రస్ట్ చైర్మన్ రతన్ టాటా శ్రీకారం చుట్టారు.కాగా 2022 మే మాసం మొదటివారంలో బాధితులకు అందుబాటులోకి రానుంది.క్యాన్సర్ వ్యాధి నివారణ దిశగా శ్రీ వెంకటేశ్వర క్యాన్సర్ వైద్య, విజ్ఞాన సంస్థ (ఎస్వీఐసీఏఆర్)ను రెండు దశల్లో పూర్తి చేసేలా ప్రణాళికను రూపొందించారు.తొలి దశలో ఆస్పత్రి నిర్మాణాన్ని పూర్తి చేశారు.తిరుపతిలో టాటా ట్రస్ట్ ఆధ్వర్యంలో నిర్మించిన శ్రీ వెంకటేశ్వర ఇన్స్టిట్యూట్ ఆఫ్ క్యాన్సర్ కేర్ అండ్ అడ్వాన్స్ రిసెర్చ్ (SVICCAR) ఆసుపత్రిని ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్ మోహన్ రెడ్డి 2022 మే 5న ప్రారంభించారు.ఒక లక్షా 65 వేల చదరపు అడుగుల విస్తీర్ణంలో 180 కోట్ల రూపాయల వ్యయంతో విశాలమైన భవనాలు, అత్యాధునిక సౌకర్యాలతో ఈ ఆసుపత్రిని నిర్మించారు.దీని కోసం రాష్ట్ర ప్రభుత్వం, టీటీడీ సంపూర్ణ సహకారం అందించాయి.అంతర్జాతీయ ప్రమాణాలతో వైద్య సేవలు అందించే ఈ ఆసుప‌త్రిలో మెడికల్, సర్జికల్, రేడియేషన్ ఆంకాలజీ లాంటి సేవలు క్యాన్సర్ రోగులకు అందుబాటులోకి వచ్చాయి.
