Added kashmiri data

Data Collected/Kashmiri/mono-lingual/KS-KAS-GEN-انہار -KAYINAT-TXT0002-01.txt

+انہار
+وسوکی ہُند یہِ دا تہِ گو منظوٗر زِ نیلا گوٚژھ ییٚتہِ کِس راجہِ سُند رۭپ لبُن یُس یَتھ سٔتی ہندِس ملکس منز حوٚکوٗمتھ کرِہے۔ 
+گویا راجہ گوٚژھ پانہٕ شیٖوٕ سُند روٗپ آسُن یا بظٲہر تیٚتُھ ریٚش یَس دیٖن تہٕ دُنۍیا بدس آسہِ ہے، مگر ناگن اوس وُنہِ تہِ واریا کینٛہہ وُچھُن، چناچہ سنگرمہٕ اکھ پرٛون زبردَس دیو راجہِ یُس بَڑٕ طاقَتھ ور اوس سۭتۍ لڑنہِ۔
+پنُن موت نزدیٖکھ وٲتِتھ دِیٚتُ تٔمۍ پنن جوہر (متی) آبس دٲرِتھ تہٕ پتہٕ موٗد اَتھ جوہرس گو اکھ دیو پٲدٕ یس جلابھو زامُت ناو پٮ۪و۔
+نیلہٕ ناگس آو رحم تہٕ پولُن یہِ بچہ، أمِس اوس پتہ زِ مےٚ چھُ اکھ دیوتا میٚہربان یٔمۍ أمِس دا اوس کوٚرمُت زِ آبَس منز روٗزِن یہِ ہر ہمیشہِ زندٕ، أمِس اوس جود تہٕ بیٚیہ لاثٲنی جوٗرتھ تہٕ جودَتھ۔
+اَمہِ پتہٕ چھُ یَتھ سٔتی ہندس مُلکس منز بیٛاکھ ریٚش تشریٖف اَنان، یُس غٲر مُلکی چھُ تہ یَس نیٖلہٕ ناگ پنُن مول زانان چھُ۔
+یہ گو کشپ ریٚوش (معنوی یا اصلی، یہ چھُنہٕ مولوٗم سپدان) اَمہِ وِزِ چھُ جلابھو دٮ۪ون پرٛتھ طرفہٕ مژر آسان پھیٛرُمُت تہٕ لُکھ چھِ آسان أہندِ ہٲبتہٕ ژٔلۍمٕتۍ، ریٚوش یانے کشپ ریٚوش چھُ نیلہٕ ناگس پرٛژھان زِ یٔتِکۍ لُکھ کوٚت چھِ ژٔلۍمٕتۍ، سُہ چھُس درجواب وَنان “ریٚشہ ژےٚ چھَے خبرٕے زِ جلابھو دٮ۪و روٚچھ پول مےٚ، مگر ییٚلہِ یہِ بَڑیوو تہٕ گو اغوٲیی انسان ہیٚتِن کھیٚنۍ۔
+برٛہما سُند دا چھُس تہٕ اَوَے چھُسَس نہٕ پوشان۔
+بہ چھُس تنگ آمُت۔
+اَمہِ پَتہٕ چھُ یِتھٕ کٔنۍ برٛونٛہہ پکان زِ نیٖلہٕ ناگ تہٕ ریٚوش وٲتۍ برٛہماہس نِش تہٕ کوٚرہَس فٔرۍیاد۔
+تٔمۍ دیٛتُ تمام دیوی دیوتاہَن حُکم تہٕ سٲری سپٕد سٔتی سَرس پٮ۪ٹھ نٲزل۔
+بالَس دِتُکھ کھَن تہٕ آب گو نیٖرتھ ۔
+اَمہِ پتہٕ آو جلابھو دٮ۪و دیوتاہَن ہندِ اَتھٕ مارنہٕ تہٕ لُکھ گےٕ آزاد۔
+ییٚتٮ۪ن چھُ ریٚشن ہُند بیٚیہ پَے لگان۔
+یِم ریٚشۍ کم ٲسۍ یُہند ناو کیٛا اوس۔
+یہ چھُنہٕ مولوٗم سپدان، البتہٕ ییٖژہَن چھُ ضوٚروٗر اندازٕ ہٮ۪کان لٔگِتھ زِ یِم آسہن ناگٕے۔
+نہیلہٕ مت پرٛانکہِ اَمہِ بیانہٕ تَلہٕ چھُ فکرِ تران زِ ناگن اندر تہِ چھِ ریٚشۍ تہٕ ریٚشُت اوسمُت، اَمہِ وِزِ چھُ کشیٖرِ اندر کُژ تہٕ پوٗزایہِ ہُند رٮ۪واج اوسمُت، یتھ منز ناگ (سرپھ) شیو برٛہما تہِ ویشنو ہٮ۪ٚوتُن دیوتاہَن ہنزِ عبادَتھ سَرس ٲس مٕژ چھےٚ۔
+اساطیٖری پہلو ٲکھِتھ کُن ترٛٲوِتھ اگر وُچھَو تہٕ ناگ تہِ چھِنہٕ یٔتِکۍ اَصٕل باشندٕ فدا محمد حُسینُن یہِ بَیان چھُ اَتھ سِلسِلس منز قٲبِل غور۔
+کٔشیٖر اندر روزَن وٲلۍ چھِ ترٛے قدیٖم ترین قٔبیٖلہٕ، ناگ، پشاچ تہٕ یاکھشا، یم آے نگر موہنزا تہٕ دردستانہٕ کٮ۪و بیٚیو علاقو پٮ۪ٹھٕ۔
+یہِ چھُ سانہِ توٲریٖخُک ابتدٲیٖی دور اوسمُت۔
+یہُند پرٛتھ قٔبیٖلہٕ بوٚس ناگن تہٕ ڈالن نزدیٖکھ یِمن قدیٖم باشندن پیٚیے جنگل صاف کرٕنۍ تہٕ سرپھن سۭتۍ لڑُن۔
+یِم ٲسۍ تِمن سرپھن ، اَوَے ژاے یِٕ یہندٮ۪ن مابوٗدن ہندِس وانگس منز، اَمہِ پتہٕ آے آریٲیی قبیٖلہٕ یِمَو پنٔنۍ رسمٕ رٮ۪واج وٲدی منز عام کٔرۍ، ناگَو کٔر یِمن ڈتِتھ مخٲلفتھ۔
+قدیٖم لٹریچرس منز چھےٚ کٔشیٖر گامزرہُک اکھ حصہٕ، تتھ ٲسۍ اکھ تمدّنی یا سیٲسی کُنیٚت (وَحدتھ) ہیٚکو ؤنِتھ، یہِ اوس اننت ناگہٕ پٮ۪ٹھٕ پیٚیو وُرتام پھٔہلِتھ تہٕ ٹیکسُلا اوس اَمِیُک مرکز۔
+گاندرہس پٮ۪ٹھ اوس بُدھ مَتہٕ کہ عوٚروٗجہِ برٛونٛٹھ ناگن ہُند تمدنی کیو سیٲسی قبضہٕ۔
+پرٛانٮ۪ن رٮ۪وایتن کُن ترٛٲوِتھ چھَ اَسہِ وازیاہ تِتھۍ عبادَتھ گُزار عٲلم (ریٚشۍ) یِم ناگ زٲژہندۍ ٲسۍ، کیل یُس مٲدی فلسفُک یا سایکھ درشنُک بٲنی کار چھُ، اوس گو ترے، پنچلی یمۍ “پرمارتھا سار“ تضیٖف کٔرتہِ اوس ناگو مثرے یتھے کٔنۍ ناگ ارجن، ناگا بُدھی تہِ چھِ ناگ ذٲژ ہندۍ ٲسۍ مٕتۍ“۔ 
+اگر اَتھ بَیانَس وارٕ پٲٹھۍ سام ہٮ۪مَو باسان چھُ زِ کشپ چھُ گۄڈنیٛکُ آریا سادھ یُس کٔشیٖرِ آو، تہٕ یہندِس بنہس سۭتۍ سۭتۍ آے آریا رٮ۪وایاتھ کٔشیٖرِ۔
+مگر ناگَو کٔر اَتھ تمدنی غلبَس مخالفتھ۔
+کلہن سٕنز راج ترنگنی پٔرِتھ چھےٚ یہِ کتھ جان پٲٹھۍ فِکرِ تران زِ شیومَت چھُ کٔشیٖرِ اندر پرٛانہِ پٮ۪ٹھٕ مُروَج اوسمُت، واریاہ تِتھۍ اشارٕ چھِ میلان ییٚمہِ کِنۍ یہِ نَنان چھُ زِ ییٚتہِ چھِ واریاہ شیو مندر ٲسۍ مٕتۍ۔
+کلہن چھُ لٮ۪کھان زِ اشوکہٕ سٕندِ وقتہٕ برٛونٛٹھ تہِ چھ کٔشیٖرِ اندر شیومندر ٲسۍ مٕتۍ۔
+اشوکن چھ پانہٕ تہِ زٕ شیو مندر تٲمیٖر کٔرۍ مٕتۍ، تہٕ سہُ اوس پانہٕ تہِ شیوپُزٲری۔
+أکۍ مہِ صٔدی قبل مسیٖح پٮ۪ٹھٕ چھُ بُدھ مزہب کٔشیٖرِ اندر پنٕنۍ موٗل دِوان۔
+اَمہِ وِزِ چھُ میندر کٔشیٖرِ ہُند حکمران آسان، سو وٲکۍ بُدھ ریٚشۍ ناگ سینن یُس شاید کٲشُر اوس أکِس زَبَردَس مزہبی کٔشِش منز بُدھَو اَمہِ پَتہٕ بنٲوۍ میندرن کٔشیٖرِ اندر واریاہ وہار تہٕ پانہٕ تہِ بوٚسُن رٮ۪شُت تہٕ بنیاو اَرہٹ(بُدھ ریٚوش)۔ 
+ ارہٹ بننہٕ پتہٕ لٮ۪چھۍ أمۍ کٲشرِس منز اکھ کتاب یَتھ بلندیانا ناو چھُ۔
+ دَپان کٲشر پٹھے گٔیہ یہِ کتاب پٲلیسَس منز ترجمہٕ۔
+کٔشیٖرِ ہُندیو توٲریٖخی دَستاویزَو تَلہٕ چھُ ننان زِ اشاکیا سماأکۍ بُد ریٚشۍ چھُ ناگ اَرزَنَس برٛونٹھ ڈۄڈہَتھ ؤری کٔشیٖرِ اندر بُدھ مزہب پھہلوومُت۔ 
+چونکہ یٔتِکۍ اصلی باشندٕ ناگ ٲسۍ برٛہمن روٚسوٗمن تہٕ ذات پاتَس خلاف تِمَو کوٚر فورَن یہِ مزہب قوٚبوٗل، یَتھ منز بُدھ متہٕ کِس اَتھ عوٚروٗجس منز کٔرۍ کٔشیٖرِ واریاہ بُدھ ریٚشۍ پٲدٕ یِمن منزٕ ناگ اوجَن ساروٕے کھۄتہٕ زیادٕ مشہوٗر تہٕ نٲمی گرٲمی چھُ۔
+یِمَو چھُ شاکھا سنہٕ ایجاد کوٚرمُت یُس ازکل کِس رٮ۪واجَس منز چھُ۔
+أمِس مُتلِق چھُ مشہوٗر زِ یہِ اوس شٮ۪ن رٮ۪ٚشن ہندس دَنس منز یَتھ شدارہد ونان ٲسۍ، تہٕ از ہٲروَن وَنان چھِ۔
+اَمہِ ناوٕ تلہٕ چھُ اَتھ عہدَس منز ریٚشن ہند پے پتہ لگان أمِس مشہوٗر عٲلِم ریٚشِس علاوٕ چھِ کٔٹۍ یانی پُتر، شوگھش، وزسو بندھو، جن بندھو، دھرمارتا، سنگھ بدر تہٕ سوریادیو بُدھ عہدٕکۍ مشہوٗر ریٚشۍ ٲسۍ مٕتۍ، یِمَو بُدھ مزہب برٛونٛہہ پکہٕ ناونس منز نہ فقط کٔشیٖرِ بٔلۍ کہِ تَمہِ وقتٕچہِ کٔشیٖرِ یانے اننت نافہٕ پٮ۪ٹھٕ پیٚشووُر تام بٔلۍ کہِ تِبتَس تہٕ چیٖنَس تام بدھ مذہبٔچ وَتھ ہٲو۔
+کٲشِرۍ ٲسۍ مہایان فرقس سۭتۍ  اشوکہٕ سٕندی عہدٕرَے مٔتۍ تہِ یہِ فرقہٕ اوس ترٛیمہِ بود کانفرنسہِ وِزِ یۄسہٕ اشوکن بُلوومٕژ ٲس، کٔشیٖرِ آمٕژ۔