Upload New File

Data Collected/Odia/IIIT-BH/Parallel_corpora/Odia_files/sent_odia_PIB_jan_29_pmo_1_final

+ଭାରତ ଓ ଇସ୍ରାଏଲ ମଧ୍ୟରେ ଔପଚାରିକ କୂଟନୈତିକ ସମ୍ପର୍କ ସ୍ଥାପନର ୩୦ ବର୍ଷ ପୂର୍ତ୍ତି ଉପଲକ୍ଷେ ପ୍ରଧାନମନ୍ତ୍ରୀଙ୍କ ବକ୍ତବ୍ୟ
+ସମସ୍ତ ଇସ୍ରାଏଲ ବନ୍ଧୁମାନଙ୍କୁ ଭାରତ ପକ୍ଷରୁ ନମସ୍କାର ଓ ସାଲୋମ୍‌ ।
+ଆଜିର ଦିନ ଆମ ସମ୍ପର୍କରେ ଏକ ବିଶେଷ ଗୁରୁତ୍ୱ ବହନ କରିଥାଏ ।
+୩୦ ବର୍ଷ ପୂର୍ବେ, ଆଜିର ଦିନରେ, ଆମ ମଧ୍ୟରେ କୂଟନୈତିକ ସମ୍ପର୍କ ପୂର୍ଣ୍ଣ ରୂପରେ ପ୍ରତିଷ୍ଠା ହୋଇଥିଲା ।
+ଉଭୟ ଦେଶ ମଧ୍ୟରେ ଏକ ନୂତନ ଅଧ୍ୟାୟ ଆରମ୍ଭ ହୋଇଥିଲା ।
+ସେହି ଅଧ୍ୟାୟ ନୂଆ ଥିଲା, କିନ୍ତୁ ଆମ ଦୁଇ ଦେଶର ଇତିହାସ ପାଇଁ ବହୁତ ପୁରୁଣା ଥିଲା ।
+ଆମ ଦୁଇ ଦେଶର ଲୋକମାନଙ୍କ ମଧ୍ୟରେ ଶହ ଶହ ବର୍ଷ ଧରି ଘନିଷ୍ଠ ସମ୍ପର୍କ ରହିଆସିଛି ।
+ଭାରତର ମୂଳ ସ୍ଵଭାବ ଅନୁରୂପ, ଶହ ଶହ ବର୍ଷ ଧରି ଆମର ଇହୁଦୀ ସମୁଦାୟ ଭାରତୀୟ ସମାଜରେ ବିନା କୌଣସି ଭେଦଭାବରେ, ଏକ ସୌହାର୍ଦ୍ଦ୍ୟପୂର୍ଣ୍ଣ ବାତାବରଣରେ ରହିଆସୁଛନ୍ତି, ଆଗକୁ ବଢ଼ୁଛନ୍ତି ।
+ସେମାନେ ଆମ ବିକାଶ ଯାତ୍ରାରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଆସିଛନ୍ତି ।
+ଆଜି ବିଶ୍ୱରେ ଯେତେବେଳେ ମହତ୍ୱପୂର୍ଣ୍ଣ ପରିବର୍ତ୍ତନ ହେଉଛି, ଭାରତ-ଇସ୍ରାଏଲ ସମ୍ପର୍କର ଗୁରୁତ୍ୱ ଅଧିକ ବୃଦ୍ଧି ପାଇଛି ।
+ଆହୁରି, ଭାରତ ନିଜ ସ୍ଵାଧୀନତାର ୭୫ ବର୍ଷ ପୂରଣ କରୁଥିବା ସମୟରେ ଆସନ୍ତାବର୍ଷ ଇସ୍ରାଏଲ ମଧ୍ୟ ନିଜ ସ୍ଵାଧୀନତାର ୭୫ବର୍ଷ ପୂରଣ କରିବ , ଦୁଇ ଦେଶ ମଧ୍ୟ କୂଟନୈତିକ ସମ୍ପର୍କର ୩୦ ବର୍ଷ ପୂରଣ କରୁଛନ୍ତି , ଆପୋସ ସହଯୋଗ ଲାଗି ନୂତନ ଲକ୍ଷ୍ୟ ନିର୍ଦ୍ଧାରଣ କରିବା ନିମନ୍ତେ ଏହା ଠାରୁ ଭଲ ଅବସର ଆଉ କିଛି ହୋଇନପାରେ ।
+୩୦ ବର୍ଷର ଏହି ଗୁରୁତ୍ୱପୂର୍ଣ୍ଣ ପର୍ଯ୍ୟାୟରେ, ମୁଁ ଆପଣମାନଙ୍କୁ ପୁଣିଥରେ ଅନେକ ଅନେକ ଅଭିନନ୍ଦନ ଜଣାଉଛି ।
+ମୋର ସମ୍ପୂର୍ଣ୍ଣ ବିଶ୍ୱାସ ରହିଛି ଯେ ଭାରତ-ଇସ୍ରାଏଲ ବନ୍ଧୁତା ଆଗାମୀ ଦଶନ୍ଧିରେ ଆପୋସ ସହଯୋଗର ନୂତନ କୀର୍ତ୍ତିମାନ ପ୍ରତିଷ୍ଠା କରିଚାଲିବ ।
+ଧନ୍ୟବାଦ, ତୋଦା ରବ୍ବା
+ବିଶିଷ୍ଟ ଶିକ୍ଷାବିତ୍‍ ବାବା ଇକବାଲ ସିଂହ ଜୀଙ୍କର ବିୟୋଗରେ ପ୍ରଧାନମନ୍ତ୍ରୀ ଦୁଃଖ ପ୍ରକାଶ କରିଛନ୍ତି
+ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ବିଶିଷ୍ଟ ଶିକ୍ଷାବିତ୍‍ ବାବା ଇକବାଲ ସିଂହ ଜୀଙ୍କର ଦେହାନ୍ତରେ ଗଭୀର ଦୁଃଖ ପ୍ରକାଶ କରିଛନ୍ତି ।
+ଏକ ଟୁଇଟରେ ପ୍ରଧାନମନ୍ତ୍ରୀ କହିଛନ୍ତି;
+“ବାବା ଇକବାଲ ସିଂହ ଜୀଙ୍କର ବିୟୋଗରେ ଅତ୍ୟନ୍ତ ଦୁଃଖିତ ।
+ଯୁବକମାନଙ୍କ ମଧ୍ୟରେ ଶିକ୍ଷା ପ୍ରସାର ପାଇଁ ସେ କରିଥିବା ଉଦ୍ୟମ ପାଇଁ ସ୍ମରଣୀୟ ହୋଇ ରହିବେ ।
+ସେ ସାମାଜିକ ସଶକ୍ତିକରଣକୁ ଆଗକୁ ବଢାଇବା ପାଇଁ ନିରନ୍ତର ପରିଶ୍ରମ କରିଥିଲେ ।
+ଏହି ଦୁଃଖଦ ସମୟରେ ମୋର ଚିନ୍ତାଧାରା ତାଙ୍କ ପରିବାର ଏବଂ ପ୍ରଶଂସକଙ୍କ ସହିତ ରହିଛି ।
+ୱହେଗୁରୁ ତାଙ୍କ ଆତ୍ମାକୁ ଶାନ୍ତି ଦିଅନ୍ତୁ ।”
+ମଣିପୁର ରାଣୀ ଗାଇଡିନୀଲୁ ରେଳଷ୍ଟେସନରେ ସର୍ବପ୍ରଥମ ମାଲଗାଡି ପହଞ୍ଚିବା ନେଇ ପ୍ରଧାନମନ୍ତ୍ରୀଙ୍କ ପ୍ରଶଂସା
+ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଣିପୁର ତାମେନଲାଫ ଜିଲ୍ଳାର ରାଣୀ ଗାଇଡିନୀଲୁ ରେଳଷ୍ଟେସନରେ ପ୍ରଥମ ମାଲବାହୀ ଟ୍ରେନ ପହଞ୍ଚିବା ନେଇ ପ୍ରଶଂସା କରିବା ସହ ମଣିପୁର ସହ ସଂଯୋଗୀକରଣ ଆହୁରି ଉନ୍ନତ ହେବା ସହ ବାଣିଜ୍ୟ ମଧ୍ୟ ବୃଦ୍ଧି ପାଇବ ବୋଲି କହିଛନ୍ତି ।
+ଉତ୍ତର ପୂର୍ବାଞ୍ଚଳ ବିକାଶ ମନ୍ତ୍ରୀ ଶ୍ରୀ ଜି. କିଶନ ରେଡ୍ଡୀ ଏକ ଟ୍ୱିଟର ଉତ୍ତରରେ ପ୍ରଧାନମନ୍ତ୍ରୀ କହିଛନ୍ତି ଯେ :
+“ଉତ୍ତର ପୂର୍ବାଞ୍ଚଳର ଅବସ୍ଥାନ୍ତର ଜାରି ରହିଛି ।
+ମଣିପୁରର ସଂଯୋଗୀକରଣ ସହ ବାଣିଜ୍ୟ ମଧ୍ୟ ବୃଦ୍ଧି ପାଇବ ।
+ଆଶ୍ଚର୍ଯ୍ୟଜନକ ଦ୍ରବ୍ୟମାନ ଦେଶର ସବୁ ସ୍ଥାନକୁ ମଣିପୁରକୁ ଯାଇପାରିବ ।”