Upload New File

Data Collected/Odia/IIIT-BH/Monolingual-corpora/vikaspedia.in/vikashpedia_health_odia34.txt

+ସିଡିଟି ବା ଅମ୍ଳପିତ୍ତ
+ଉପକ୍ରମ
+ପ୍ରଥମେ ଆମେ ଆମର ଖାଦ୍ୟପେୟ ନେଇ ଯତ୍ନବାନ ହେବା ଉଚିତ୍ ।
+ଆମେ ଖାଉଥିବା ଖାଦ୍ୟ, ତାହା ଶରୀର ପାଇଁ ଯଦି ପିତ୍ତାଧିକ୍ୟ ଥାଏ ଏବଂ ପିତ୍ତଜନିତ ବିହାରାଦି କରାଯାଏ, ଏହା ବିଦଗ୍ଧ ହୋଇ ଅମ୍ଳପିତ୍ତ ବା ଏସିଡିଟି ରୋଗ ସୃଷ୍ଟି କରିଥାଏ ।
+ଆହାର ସମୟରେ କେତେକ ଖାଦ୍ୟ ଏକାଠି ଖାଇଲେ ବା ବିରୁଦ୍ଧ ଭୋଜନ କଲେ ଶରୀରରେ ପିତ୍ତ ବୃଦ୍ଧି ହୁଏ ।
+ଏକସଙ୍ଗେ କ୍ଷୀର ଓ ବେଳ, କ୍ଷୀର ଓ ଲେମ୍ବୁ, କ୍ଷୀର ଓ କୋଳଥ, କ୍ଷୀର ଓ ଶୁଷ୍କଶାଗ, ମତ୍ସ୍ୟ ଓ ଗୁଡ ଆଦି ଖାଇବା ଏବଂ ଦୂଷିତ ଅନ୍ନ ବିଦାହୀ ଦ୍ରବ୍ୟ, ପିତ୍ତ ସୃଷ୍ଟିକାରୀ ପାନୀୟ ପାଇଁ ମଧ୍ୟ ଶରୀରରେ ପିତ୍ତ ସଞ୍ଚିତ ହୋଇ ରହେ ।
+ଏହା ମାତ୍ରାଧିକ ପରିମାଣରେ ଜମିରହି ଶେଷରେ ଏସିଡିଟି ରୋଗରେ ପରିଣତ ହୋଇଥାଏ ।
+ବେଳେବେଳେ ମୁଖ୍ୟରେ ମଧ୍ୟ ଅମ୍ଳସ୍ଵାଦ ଅନୁଭୂତ ହୁଏ ।
+ଖାଲି ପେଟରେ ରହିଲେ ଆମାଶୟରୁ ନିର୍ଝରିତ ହେଉଥିବା ଅମ୍ଳ ବା ହାଇଡ୍ରୋକ୍ଳୋରିକ୍ ଏସିଡ ଏହି ରୋଗ ସୃଷ୍ଟ କରିବାରେ ସାହାଯ୍ୟ କରିବା ସହିତ ରୋଗୀକୁ ବ୍ୟସ୍ତ କରିପକାଏ ।
+ବେଳେ ବେଳେ ରୋଗୀ ଉଦର ପୀଡା ଭୋଗ କରେ ।
+ଏହି ରୋଗ ହେଲେ ରୋଗୀ ଖାଉଥିବା ଖାଦ୍ୟ ଭଲଭାବେ ହଜମ ହୁଏ ନାହିଁ ।
+ପାଟିକୁ ସବୁ ଅରୁଚି ଲାଗେ ।
+ଭୋକ ହେଉଥିଲେ ବି ଅରୁଚି ହେତ ଖାଇବାକୁ ଆଦୌ ଇଚ୍ଛା ହୁଏ ନାହିଁ ।
+ତୃଷ୍ଣା, ଅମ୍ଲୋଦଗାର, ଅଗ୍ନିମାନ୍ଦ୍ୟ, କ୍ଳାନ୍ତିବୋଧ ଏପରିକି ବେଳେ ବେଳେ ଶରୀରରେ ଶିହରଣ ସୃଷ୍ଟି ହେବା, ଛାତି ଓ ଗଳାରେ ଦାହ ଆଦି ଲକ୍ଷଣମାନ ପ୍ରକାଶ ପାଇଠେ ।
+ଏପରି ଲକ୍ଷଣ ପୁରୁଣା ହେଲେ ଏଥିରେ କଣ୍ଠ, ହୃଦୟ, କୁଷିଦେଶରେ ଦାହ, ଶିର ବେଦନା, ହସ୍ତପାଦ ଦାହ, ଦେହରେ ଉଷ୍ଣତା, ଘନଘନ ବମନ ଇତ୍ୟାଦି ଲକ୍ଷଣ ମଧ୍ୟ ପରିଲକ୍ଷିତ ହୁଏ ।
+ବେଳେ ବେଳେ ପୀଡକା, କଣ୍ଡୁ ଓ ଶିରକମ୍ପ ଇତ୍ୟାଦି ଉପଦ୍ରବ ମଧ୍ୟ ଦେଖାଦେଇଥାଏ ।
+ଏହି ରୋଗ ପ୍ରତି ରୋଗୀ ସଚେତନ ରହି ଅଭିଜ୍ଞ ଆୟୁର୍ବେଦ ଚିକିତ୍ସକଙ୍କ ସହ ତତକ୍ଷୀଣତ୍ ପରାମର୍ଶ କାଇବା ଆବଶ୍ୟକ ।
+ଏସିଡିଟି ହୋଇ ଯଦି ଉଦରପୀଡା ଆରମ୍ଭ ହୋଇଥାଏ କେତେକ ଏହାକୁ ଶୂଳଜାତୀୟ ରୋଗ ବୋଲି ଅଭିହିତ କରନ୍ତୁ ।
+ଉଭୟ ରୋଗର କେତେକ ଲକ୍ଷଣ ଓ ଚିକିତ୍ସା ପ୍ରଣାଳୀରେ ସମାନତା ପରିଲକ୍ଷିତ ହେଉଥିବା ହିଁ ଏହା ଏକକ ଶ୍ରେଣୀଭୁକ୍ତ ରୋଗ ନୁହେଁ କାରଣ ଶୂଳ ରୋଗରେ ବାତଜ ପ୍ରାଧାନ୍ୟ ପରିଲକ୍ଷିତ ହେବା ସହିତ ପ୍ରବଳ ପୀଡା ହୁଏ ଓ ଜଳାପୋଡା କମ୍ ଦେଖାଦେଇଥାଏ ।
+ସହଜ ଚିକିତ୍ସା
+ମହୁ ସହିତ ପିପ୍ପଳୀ ଚୂର୍ଣ୍ଣ ଅଥବା ସଂଧ୍ୟା ସମୟରେ ଚିନି ସହିତ ପାଚିଲା ଲେମ୍ବୁ ଖାଇଲେ ଏହି ରୋଗରୁ ଆରାମ ମିଳିଥାଏ ।
+ବାନ୍ତି ହେଉଥିଲେ ରୋଗୀ ପୋଟଳପତ୍ର, ଶୁଣ୍ଠି, ଗୁଡୁକୀ ଓ ତୁଟୁକା ପାଣିରେ ପ୍ରତ୍ୟକ ପାନକଲେ ପୀଡା, ଦାହ ଓ ବାନ୍ତି ପ୍ରଶମିତ ହୋଇ ଆରାମ ମିଳେ ।
+ଶଇଠକାଠ, ଗୁଡୁଚୀ, ଯଷ୍ଟିମଧୁ ଓ ଦାରୁହଳଦୀ ସବୁର କ୍ଵାଥରେ ମହୁ ପ୍ରକ୍ଷେପ ଦେଇ ପାନକଲେ ରୋଗରୁ ଉପଶମ ମିଳିଥାଏ ।
+ହରିତକୀ ଓ ଦ୍ରାକ୍ଷକୁ ମଧୁ ବା ପୁରାତନ ଗୁଡ ସହ ସେବନ କଲେ ଏସିଦିତି ରୋଗୀ ଆରୋଗ୍ୟ ପ୍ରାପ୍ତ ହୋଇଥାଏ ।
+ପିପ୍ପଳୀ, ଦ୍ରାକ୍ଷା, ହରିଡା, ଚିନି, ଧନିଆ ଓ ଦୁର୍ଲଭା ଆଡିକୁ ଗୁଣ୍ଡକରି ମଧୁସହ କୁଟି ଆବଶ୍ୟକୀୟ ଅନୁପାତରେ ଗରମ ଜଳ ସହ ସକାଳେ ଓ ସଂଧ୍ୟାରେ ସେବନ କଲେ ରୋଗୀ ଆରୋଗ୍ୟ ଲାଭ କରିଥାଏ ।
+କେତେକ ପିତ୍ତ ପ୍ରଶମନ କ୍ଵାଥର ମଧ୍ୟପ୍ରୟୋଗ କରାଯାଇଥାଏ ।
+ସେଗୁଡିକ ହେଲା- ଶାସ୍ତ୍ରୀଯ ଔଷଧ ତ୍ରିଫଲାଦି କ୍ଵାଥ, ଗୁଡୁଖାଦି କ୍ଵାଥ ଓ ପୋଟଲାଦି କ୍ଵାଥ ।
+ରୋଗୀର ଅବସ୍ଥାକୁ ଲକ୍ଷ କରି ଲୀଳା ବିଳାସରସ, ଅମ୍ଳପିତାନ୍ତକରସ, ମହାପିତାନ୍ତକ ରସ, କ୍ଷୁଧାବତୀ ବଟିକା, ଅଭ୍ରରସାୟନ ଆଷଳକୀ ରସାୟନ, ଅବି ପିତ୍ତକର ଚୂର୍ଣ୍ଣ ଅମ୍ଳପିତାନ୍ତକ ମୋଦକ, ଶୁଣ୍ଠିଖଣ୍ଡ, ପିପ୍ପଳୀ ଖଣ୍ଡ ବୃହତ୍ ପିପ୍ପଳୀ ଖଣ୍ଡ, ଷଣାବରୀ ଘୃତ ଜୀରକାଦି ମୋଦକ, ଦ୍ରାକ୍ଷାଘୃତ ଓ ବିଲ୍ଵତୈଳ ପ୍ରୟୋଗ କରାଗଲେ ଉପଶମ ମିଳିଥାଏ ।
+ପଥ୍ୟାପଥ୍ୟ
+ଏହି ରୋଗ ହୋଇଥିଲେ ଆହାର ଲଘୁଓ ସୁପାଚ୍ୟ ହେବା ଆବଶ୍ୟକ ।
+ରୋଗୀ ପ୍ରତ୍ୟହ ଆହାର ବେଳେ କେଉଁ କେଉଁ ଖାଦ୍ୟ ଖାଇବା ଉଚିତ୍ ଓ ଅନୁଚିତ ସେଥିପ୍ରତି ଯଥେଷ୍ଟ ସତର୍କତା ଅବଲମ୍ଭନ କରାଯିବା ଉଚିତ୍ ।
+ଏହି ରୋଗରେ ପୁରୁଣା ଶାଳିଧାନର ଚାଉଳ, ଯବ, ଗହମ, ମୁଗ କାକୁଡି, କଲରା ପୋଟଳ, ହିଡିମିଚିକା, ବେଣାଚାର, ଜାଙ୍ଗଲ ମାଂସରସ, ଡାଳିମ୍ବ, ପକ୍ଵ କୁଷ୍ମାଣ୍, ଆମଳକୀ, କଞ୍ଚଳକଦଳୀ, ସଜନାଛୁଇଁ ଆଦି ତଟକା ସବୁଜ ପାରିବା ଖାଇବା ଆବଶ୍ୟକ ।
+ପଇଡ ଜଲ ପାନୀୟ ରୂପେ ବ୍ୟବହାର କଲେ ଉପକାର ମିଳିଥାଏ ।